Gita - Geetaa

Prithivia Gita Lyrics in Bengali

Prithivia Geeetaa in Bengali:

॥ পৃথিবীগীতা ॥
মৈত্রেয় পৃথিবীগীতা শ্লোকাশ্চাত্র নিবোধ তান্ ।
যানাহ ধর্মধ্বজিনে জনকায়াসিতো মুনিঃ ॥ ১ ॥

পৃথিব্যুবাচ —
কথমেষ নরেন্দ্রাণাং মোহো বুদ্ধিমতামপি ।
যেন কেন সধর্মাণোঽপ্যভিবিশ্বস্তচেতসঃ ॥ ২ ॥

পূর্বমাত্মজয়ং কৃৎবা জেতুমিচ্ছন্তি মন্ত্রিণঃ ।
ততো ভৃত্যাংশ্চ পৌরাংশ্চ জিগীষন্তে তথা রিপূন্ ॥ ৩ ॥

ক্রমেণানেন জেষ্যামো বয়ং পৃথ্বীং সসাগরাম্ ।
ইত্যাসক্তধিয়ো মৃত্যুং ন পশ্যন্ত্যবিদূরকম্ ॥ ৪ ॥

সমুদ্রাবরণং যাতি মন্মণ্ডলমথো বশম্ ।
কিয়দাত্মজয়াদেতন্মুক্তিরাত্মজয়ে ফলম্ ॥ ৫ ॥

উৎসৃজ্য পূর্বজা যাতা যাং নাদায় গতঃ পিতা ।
তাং মমেতি বিমূঢৎবাৎ জেতুমিচ্ছন্তি পার্থিবাঃ ॥ ৬ ॥

মৎকৃতে পিতৃপুত্রাণাং ভ্রাতৄণাং চাপি বিগ্রহাঃ ।
জায়ন্তেঽত্যন্তমোহেন মমতাধৃতচেতসাম্ ॥ ৭ ॥

পৃথ্বী মমেয়ং সকলা মমৈষা মমান্বয়স্যাপি চ শাশ্বতেয়ম্ ।
যো যো মৃতো হ্যত্র বভূব রাজা কুবুদ্ধিরাসীদিতি তস্য তস্য ॥ ৮ ॥

দৃষ্ট্বা মমৎবায়তচিত্তমেকং বিহায় মাং মৃত্যুপথং ব্রজন্তম্ ।
তস্যান্বয়স্তস্য কথং মমৎবং হৃদ্যাস্পদং মৎপ্রভবঃ করোতি ॥ ৯ ॥

পৃথ্বী মমৈষাশু পরিত্যজৈনং বদন্তি যে দূতমুখৈঃ স্বশত্রুম্ ।
নরাধিপাস্তেষু মমাতিহাসঃ পুনশ্চ মূঢেষু দয়াভ্যুপৈতি ॥ ১০ ॥

পরাশর উবাচ
ইত্যেতে ধরণীগীতাশ্লোকা মৈত্রেয় যৈঃ শ্রুতৈঃ ।
মমৎবং বিলয়ং যাতি তাপন্যস্তং যথা হিমম্ ॥ ১১ ॥

ইতি পৃথিবীগীতা সমাপ্তা ।

Also Read:

Prithivia Gita Lyrics in Hindi | English | Bengali | Gujarati | Kannada | Malayalam | Oriya | Telugu | Tamil