Prithivia Geeetaa in Malayalam:
॥ പൃഥിവീഗീതാ ॥
മൈത്രേയ പൃഥിവീഗീതാ ശ്ലോകാശ്ചാത്ര നിബോധ താൻ ।
യാനാഹ ധർമധ്വജിനേ ജനകായാസിതോ മുനിഃ ॥ 1 ॥
പൃഥിവ്യുവാച —
കഥമേഷ നരേന്ദ്രാണാം മോഹോ ബുദ്ധിമതാമപി ।
യേന കേന സധർമാണോഽപ്യഭിവിശ്വസ്തചേതസഃ ॥ 2 ॥
പൂർവമാത്മജയം കൃത്വാ ജേതുമിച്ഛന്തി മന്ത്രിണഃ ।
തതോ ഭൃത്യാംശ്ച പൗരാംശ്ച ജിഗീഷന്തേ തഥാ രിപൂൻ ॥ 3 ॥
ക്രമേണാനേന ജേഷ്യാമോ വയം പൃഥ്വീം സസാഗരാം ।
ഇത്യാസക്തധിയോ മൃത്യും ന പശ്യന്ത്യവിദൂരകം ॥ 4 ॥
സമുദ്രാവരണം യാതി മന്മണ്ഡലമഥോ വശം ।
കിയദാത്മജയാദേതന്മുക്തിരാത്മജയേ ഫലം ॥ 5 ॥
ഉത്സൃജ്യ പൂർവജാ യാതാ യാം നാദായ ഗതഃ പിതാ ।
താം മമേതി വിമൂഢത്വാത് ജേതുമിച്ഛന്തി പാർഥിവാഃ ॥ 6 ॥
മത്കൃതേ പിതൃപുത്രാണാം ഭ്രാതൄണാം ചാപി വിഗ്രഹാഃ ।
ജായന്തേഽത്യന്തമോഹേന മമതാധൃതചേതസാം ॥ 7 ॥
പൃഥ്വീ മമേയം സകലാ മമൈഷാ മമാന്വയസ്യാപി ച ശാശ്വതേയം ।
യോ യോ മൃതോ ഹ്യത്ര ബഭൂവ രാജാ കുബുദ്ധിരാസീദിതി തസ്യ തസ്യ ॥ 8 ॥
ദൃഷ്ട്വാ മമത്വായതചിത്തമേകം വിഹായ മാം മൃത്യുപഥം വ്രജന്തം ।
തസ്യാന്വയസ്തസ്യ കഥം മമത്വം ഹൃദ്യാസ്പദം മത്പ്രഭവഃ കരോതി ॥ 9 ॥
പൃഥ്വീ മമൈഷാശു പരിത്യജൈനം വദന്തി യേ ദൂതമുഖൈഃ സ്വശത്രും ।
നരാധിപാസ്തേഷു മമാതിഹാസഃ പുനശ്ച മൂഢേഷു ദയാഭ്യുപൈതി ॥ 10 ॥
പരാശര ഉവാച
ഇത്യേതേ ധരണീഗീതാശ്ലോകാ മൈത്രേയ യൈഃ ശ്രുതൈഃ ।
മമത്വം വിലയം യാതി താപന്യസ്തം യഥാ ഹിമം ॥ 11 ॥
ഇതി പൃഥിവീഗീതാ സമാപ്താ ।
Also Read:
Prithivia Gita Lyrics in Hindi | English | Bengali | Gujarati | Kannada | Malayalam | Oriya | Telugu | Tamil
