Prithivia Geeetaa in Telugu:
॥ పృథివీగీతా ॥
మైత్రేయ పృథివీగీతా శ్లోకాశ్చాత్ర నిబోధ తాన్ ।
యానాహ ధర్మధ్వజినే జనకాయాసితో మునిః ॥ 1 ॥
పృథివ్యువాచ —
కథమేష నరేంద్రాణాం మోహో బుద్ధిమతామపి ।
యేన కేన సధర్మాణోఽప్యభివిశ్వస్తచేతసః ॥ 2 ॥
పూర్వమాత్మజయం కృత్వా జేతుమిచ్ఛంతి మంత్రిణః ।
తతో భృత్యాంశ్చ పౌరాంశ్చ జిగీషంతే తథా రిపూన్ ॥ 3 ॥
క్రమేణానేన జేష్యామో వయం పృథ్వీం ససాగరాం ।
ఇత్యాసక్తధియో మృత్యుం న పశ్యంత్యవిదూరకం ॥ 4 ॥
సముద్రావరణం యాతి మన్మండలమథో వశం ।
కియదాత్మజయాదేతన్ముక్తిరాత్మజయే ఫలం ॥ 5 ॥
ఉత్సృజ్య పూర్వజా యాతా యాం నాదాయ గతః పితా ।
తాం మమేతి విమూఢత్వాత్ జేతుమిచ్ఛంతి పార్థివాః ॥ 6 ॥
మత్కృతే పితృపుత్రాణాం భ్రాతౄణాం చాపి విగ్రహాః ।
జాయంతేఽత్యంతమోహేన మమతాధృతచేతసాం ॥ 7 ॥
పృథ్వీ మమేయం సకలా మమైషా మమాన్వయస్యాపి చ శాశ్వతేయం ।
యో యో మృతో హ్యత్ర బభూవ రాజా కుబుద్ధిరాసీదితి తస్య తస్య ॥ 8 ॥
దృష్ట్వా మమత్వాయతచిత్తమేకం విహాయ మాం మృత్యుపథం వ్రజంతం ।
తస్యాన్వయస్తస్య కథం మమత్వం హృద్యాస్పదం మత్ప్రభవః కరోతి ॥ 9 ॥
పృథ్వీ మమైషాశు పరిత్యజైనం వదంతి యే దూతముఖైః స్వశత్రుం ।
నరాధిపాస్తేషు మమాతిహాసః పునశ్చ మూఢేషు దయాభ్యుపైతి ॥ 10 ॥
పరాశర ఉవాచ
ఇత్యేతే ధరణీగీతాశ్లోకా మైత్రేయ యైః శ్రుతైః ।
మమత్వం విలయం యాతి తాపన్యస్తం యథా హిమం ॥ 11 ॥
ఇతి పృథివీగీతా సమాప్తా ।
Also Read:
Prithivia Gita Lyrics in Hindi | English | Bengali | Gujarati | Kannada | Malayalam | Oriya | Telugu | Tamil
