Ramanathashtakam Lyrics in Bengali:
রামনাথাষ্টকম্
গজাজিনং শূলকপালপাণিনং
জটাধরং চন্দ্রকলাবতংসম্ ।
উমাপতিং কালকালম্ ত্রিনেত্রং
শ্রীরামনাথং শিরসা নমামি ॥ ১॥
সমস্তপাপক্ষয়দিব্যনামং
প্রপন্নসংসারগতৌষধং ত্বম্ ।
নামাজ্জনাভীষ্টবরপ্রদং চ
শ্রীরামনাথং শিরসা নমামি ॥ ২॥
সাম্বং প্রবালেন্দুশিলাসমাভং
শম্ভুং জটাঽলঙ্কৃতচন্দ্রমৌলিম্ ।
দিক্পূতবাসোবসনং বরেণ্যং
শ্রীরামনাথং শিরসা নমামি ॥ ৩॥
পুরত্রয়ধ্বংসনতীব্রবাণং
কামাঙ্গসংহারকপালনেত্রম্ ।
সন্দর্শনাত্ত্বত্স্থলমস্তপাপং
শ্রীরামনাথং শিরসা নমামি ॥ ৪॥
ভবান্ধকরোগ্রগভস্তিমন্তং
সংসরকান্তারমহাদবাগ্নিম্ ।
মনোরথঃপূরণকালমেঘং
শ্রীরামনাথং শিরসা নমামি ॥ ৫॥
সিতাংশুবক্ত্রং স্মিতচন্দ্রিকাভং
কপালমালোডুগণপ্রচারম্ ।
ঋতধ্বজং ব্যোমতনুং মহান্তং
শ্রীরামনাথং শিরসা নমামি ॥ ৬॥
সুরাসুরৈর্জ্যেষ্ঠসুরেন্দ্রবন্দ্যং
সুরাসুরোদ্ভাসুরভূসুরাদ্যম্ ।
সুরাপগাশোভিতশেখরং তং
শ্রীরামনাথং শিরসা নমামি ॥ ৭॥
সেতোর্মধ্যে পর্বতাগ্রে পবিত্রে
গৌর্যা সাকং ভ্রাজমানং মহেশম্ ।
জ্যোতিস্বরূপং চন্দ্রসুর্যাগ্নিনেত্রং
শ্রীরামনাথং শিরসা নমামি ॥ ৮॥
রামেণৈবং সংস্তুতো রামনাথঃ
প্রাদুর্ভূতো লিঙ্গমধ্যাদ্ভবান্যা ।
দৃষ্ট্বা রুদ্রং রাঘবঃ পূর্ণকামঃ
নত্বা স্তুত্বা প্রার্থয়ামাস শম্ভুম্ ॥ ৯॥
ইতি রামনাথাষ্টকং সম্পূর্ণম্ ॥
