Ananda Ramayana Sri Rama Ashtakam Lyrics in Bengali:
॥ রামাষ্টকং ১ শ্রীমদানন্দরামায়ণে ॥
॥ অথ রামাষ্টকম্ ॥
শ্রীশিব উবাচ ।
সুগ্রীবমিত্রং পরমং পবিত্রং সীতাকলত্রং নবমেঘগাত্রম্ ।
কারুণ্যপাত্রং শতপত্রনেত্রং শ্রীরামচন্দ্রং সততং নমামি ॥১১৬॥১॥
সংসারসারং নিগমপ্রচারং ধর্মাবতারং হৃতভূমিভারম্ ।
সদাবিকারং সুখসিন্ধুসারং শ্রীরামচদ্রং সততং নমামি ॥১১৭॥২॥
লক্ষ্মীবিলাসং জগতাং নিবাসং লঙ্কাবিনাশং ভুবনপ্রকাশম্ ।
ভূদেববাসং শরদিন্দুহাসং শ্রীরামচন্দ্রং সততং নমামি ॥১১৮॥৩॥
মন্দারমালং বচনে রসালং গুণৈর্বিশালং হতসপ্ততালম্ ।
ক্রব্যাদকালং সুরলোকপালং শ্রীরামচন্দ্রং সততং নমামি ॥১১৯॥৪॥
বেদান্তগানং সকলৈঃ সমানং হৃতারিমানং ত্রিদশপ্রধানম্ ।
গজেন্দ্রয়ানং বিগতাবসানং শ্রীরামচন্দ্রং সততং নমামি ॥১২০॥৫॥
শ্যামাভিরামং নয়নাভিরামং গুণাভিরামং বচনাভিরামম্ ।
বিশ্বপ্রণামং কৃতভক্তকামং শ্রীরামচন্দ্রং সততং নমামি ॥১২১॥৬॥
লীলাশরীরং রণরঙ্গধীরং বিশ্বৈকসারং রঘুবংশহারম্ ।
গম্ভীরনাদং জিতসর্ববাদং শ্রীরামচন্দ্রং সততং নমামি ॥১২২॥৭॥
খলে কৃতান্তং স্বজনে বিনীতং সামোপগীতং মনসা প্রতীতম্ ।
রাগেণ গীতং বচনাদতীতং শ্রীরামচন্দ্রং সততং নমামি ॥১২৩॥৮॥
শ্রীরামচন্দ্রস্য বরাষ্টকং ত্বাং ময়েরিতং দেবি মনোহরং য়ে ।
পঠন্তি শৃণ্বন্তি গৃণন্তি ভক্ত্যা তে স্বীয়কামান্ প্রলভন্তি নিত্যম্ ॥১২৪॥৯॥
ইতি শতকোটিরামচরিতান্তর্গতে শ্রীমদানন্দরামায়ণে
বাল্মীকীয়ে সারকাণ্ডে য়ুদ্ধচরিতে দ্বাদশসর্গান্তর্গতং
শ্রীরামাষ্টকং সমাপ্তম্ ॥