Shri Krishna Sahasranama Stotram from Satvatatantra Lyrics in Oriya:
॥ ଶ୍ରୀକୃଷ୍ଣସହସ୍ରନାମସ୍ତୋତ୍ରମ୍ ସାତ୍ଵତତନ୍ତ୍ରେ ॥
ଶ୍ରୀନାରଦ ଉଵାଚ ।
କଥିତଂ ମେ ତ୍ଵୟା ଦେଵ ହରିନାମାନୁକୀର୍ତନମ୍ ।
ପାପାପହଂ ମହାସୌଖ୍ୟଂ ଭଗଵଦ୍ଭକ୍ତିକାରଣମ୍ ॥ ୧ ॥
ତତ୍ରାହଂ ୟାନି ନାମାନି କୀର୍ତୟାମି ସୁରୋତ୍ତମ ।
ତାନ୍ୟହଂ ଜ୍ଞାତୁମିଚ୍ଛାମି ସାକଲ୍ୟେନ କୁତୂହଲାତ୍ ॥ ୨ ॥
ଶ୍ରୀଶିଵ ଉଵାଚ ।
ଭୂମ୍ୟମ୍ବୁତେଜସାଂ ୟେ ଵୈ ପରମାଣୂନପି ଦ୍ଵିଜ ।
ଶକ୍ୟନ୍ତେ ଗଣିତୁଂ ଭୂୟୋ ଜନ୍ମଭିର୍ନ ହରେର୍ଗୁଣାନ୍ ॥ ୩ ॥
ତଥାପି ମୁଖ୍ୟଂ ଵକ୍ଷ୍ୟାମି ଶ୍ରୀଵିଷ୍ଣୋଃ ପରମାଦ୍ଭୁତମ୍ ।
ନାମ୍ନାଂ ସହସ୍ରଂ ପାର୍ଵତ୍ୟୈ ୟଦିହୋକ୍ତଂ କୃପାଲୁନା ॥ ୪ ॥
ସମାଧିନିଷ୍ଠଂ ମାଂ ଦୃଷ୍ଟ୍ଵା ପାର୍ଵତୀ ଵରଵର୍ଣିନୀ ।
ଅପୃଚ୍ଛତ୍ପରମଂ ଦେଵଂ ଭଗଵନ୍ତଂ ଜଗଦ୍ଗୁରୁମ୍ ॥ ୫ ॥
ତଦା ତସ୍ୟୈ ମୟା ପ୍ରୋକ୍ତୋ ମତ୍ପରୋ ଜଗଦୀଶ୍ଵରଃ ।
ନାମ୍ନାଂ ସହସ୍ରଂ ଚ ତଥା ଗୁଣକର୍ମାନୁସାରତଃ ॥ ୬ ॥
ତଦହଂ ତେଽଭିଵକ୍ଷ୍ୟାମି ମହାଭାଗଵତୋ ଭଵାନ୍ ।
ୟସ୍ୟୈକସ୍ମରଣେନୈଵ ପୁମାନ୍ ସିଦ୍ଧିମଵାପ୍ନୁୟାତ୍ ॥ ୭ ॥
ଉଦ୍ୟନ୍ନଵୀନଜଲଦାଭମକୁଣ୍ଠଧିଷ୍ଣ୍ୟଂ ଵିଦ୍ୟୋତିତାନଲମନୋହରପୀତଵାସମ୍ ।
ଭାସ୍ଵନ୍ମୟୂଖମୁକୁଟାଙ୍ଗଦହାରୟୁକ୍ତଂ କାଞ୍ଚୀକଲାପଵଲୟାଙ୍ଗୁଲିଭିର୍ଵିଭାତମ୍ ॥ ୮ ॥
ବ୍ରହ୍ମାଦିଦେଵଗଣଵନ୍ଦିତପାଦପଦ୍ୟଂ ଶ୍ରୀସେଵିତଂ ସକଲସୁନ୍ଦରସଂନିଵେଶମ୍ ।
ଗୋଗୋପଵନିତାମୁନିଵୃନ୍ଦଜୁଷ୍ଟଂ କୃଷ୍ଣଂ ପୁରାଣପୁରୁଷଂ ମନସା ସ୍ମରାମି ॥ ୯ ॥
ଓଂ ନମୋ ଵାସୁଦେଵାୟ କୃଷ୍ଣାୟ ପରମାତ୍ମନେ ।
ପ୍ରଣତକ୍ଲେଶସଂହର୍ତ୍ରେ ପରମାନନ୍ଦଦାୟିନେ ॥ ୧୦ ॥
ଓଂ ଶ୍ରୀକୃଷ୍ଣଃ ଶ୍ରୀପତିଃ ଶ୍ରୀମାନ୍ ଶ୍ରୀଧରଃ ଶ୍ରୀସୁଖାଶ୍ରୟଃ ।
ଶ୍ରୀଦାତା ଶ୍ରୀକରଃ ଶ୍ରୀଶଃ ଶ୍ରୀସେଵ୍ୟଃ ଶ୍ରୀଵିଭାଵନଃ ॥ ୧୧ ॥
ପରମାତ୍ମା ପରଂ ବ୍ରହ୍ମ ପରେଶଃ ପରମେଶ୍ଵରଃ ।
ପରାନନ୍ଦଃ ପରଂ ଧାମ ପରମାନନ୍ଦଦାୟକଃ ॥ ୧୨ ॥
ନିରାଲମ୍ବୋ ନିର୍ଵିକାରୋ ନିର୍ଲେପୋ ନିରଵଗ୍ରହଃ ।
ନିତ୍ୟାନନ୍ଦୋ ନିତ୍ୟମୁକ୍ତୋ ନିରୀହୋ ନିସ୍ପୃହପ୍ରିୟଃ ॥ ୧୩ ॥
ପ୍ରିୟଂଵଦଃ ପ୍ରିୟକରଃ ପ୍ରିୟଦଃ ପ୍ରିୟସଞ୍ଜନଃ ।
ପ୍ରିୟାନୁଗଃ ପ୍ରିୟାଲମ୍ବୀ ପ୍ରିୟକୀର୍ତିଃ ପ୍ରିୟାତ୍ପ୍ରିୟଃ ॥ ୧୪ ॥
ମହାତ୍ୟାଗୀ ମହାଭୋଗୀ ମହାୟୋଗୀ ମହାତପାଃ ।
ମହାତ୍ମା ମହତାଂ ଶ୍ରେଷ୍ଠୋ ମହାଲୋକପତିର୍ମହାନ୍ ॥ ୧୫ ॥
ସିଦ୍ଧାର୍ଥଃ ସିଦ୍ଧସଙ୍କଲ୍ପଃ ସିଦ୍ଧିଦଃ ସିଦ୍ଧସାଧନଃ ।
ସିଦ୍ଧେଶଃ ସିଦ୍ଧମାର୍ଗାଗ୍ରଃ ସିଦ୍ଧଲୋକୈକପାଲକଃ ॥ ୧୬ ॥
ଇଷ୍ଟୋ ଵିଶିଷ୍ଟଃ ଶିଷ୍ଟେଷ୍ଟୋ ମହିଷ୍ଠୋ ଜିଷ୍ଣୁରୁତ୍ତମଃ ।
ଜ୍ୟେଷ୍ଠଃ ଶ୍ରେଷ୍ଠଶ୍ଚ ସର୍ଵେଷ୍ଟୋ ଵିଷ୍ଣୁର୍ଭ୍ରାଜିଷ୍ଣୁରଵ୍ୟୟଃ ॥ ୧୭ ॥
ଵିଭୁଃ ଶମ୍ଭୁଃ ପ୍ରଭୁର୍ଭୂମା ସ୍ଵଭୂଃ ସ୍ଵାନନ୍ଦମୂର୍ତିମାନ୍ ।
ପ୍ରୀତିମାନ୍ ପ୍ରୀତିଦାତା ଚ ପ୍ରୀତିଦଃ ପ୍ରୀତିଵର୍ଧନଃ ॥ ୧୮ ॥
ୟୋଗେଶ୍ଵରୋ ୟୋଗଗମ୍ୟୋ ୟୋଗୀଶୋ ୟୋଗପାରଗଃ ।
ୟୋଗଦାତା ୟୋଗପତିର୍ୟୋଗସିଦ୍ଧିଵିଧାୟକଃ ॥ ୧୯ ॥
ସତ୍ୟଵ୍ରତଃ ସତ୍ୟପରଃ ତ୍ରିସତ୍ୟଃ ସତ୍ୟକାରଣଃ ।
ସତ୍ୟାଶ୍ରୟଃ ସତ୍ୟହରଃ ସତ୍ପାଲିଃ ସତ୍ୟଵର୍ଧନଃ ॥ ୨୦ ॥
ସର୍ଵାନନ୍ଦଃ ସର୍ଵହରଃ ସର୍ଵଗଃ ସର୍ଵଵଶ୍ୟକୃତ୍ ।
ସର୍ଵପାତା ସର୍ଵସୁଖଃ ସର୍ଵଶ୍ରୁତିଗଣାର୍ଣଵଃ ॥ ୨୧ ॥
ଜନାର୍ଦନୋ ଜଗନ୍ନାଥୋ ଜଗତ୍ତ୍ରାତା ଜଗତ୍ପିତା ।
ଜଗତ୍କର୍ତା ଜଗଦ୍ଧର୍ତା ଜଗଦାନନ୍ଦମୂର୍ତିମାନ୍ ॥ ୨୨ ॥
ଧରାପତିର୍ଲୋକପତିଃ ସ୍ଵର୍ପତିର୍ଜଗତାମ୍ପତିଃ ।
ଵିଦ୍ୟାପତିର୍ଵିତ୍ତପତିଃ ସତ୍ପତିଃ କମଲାପତିଃ ॥ ୨୩ ॥
ଚତୁରାତ୍ମା ଚତୁର୍ବାହୁଶ୍ଚତୁର୍ଵର୍ଗଫଲପ୍ରଦଃ ।
ଚତୁର୍ଵ୍ୟୂହଶ୍ଚତୁର୍ଧାମା ଚତୁର୍ୟୁଗଵିଧାୟକଃ ॥ ୨୪ ॥
ଆଦିଦେଵୋ ଦେଵଦେଵୋ ଦେଵେଶୋ ଦେଵଧାରଣଃ ।
ଦେଵକୃଦ୍ଦେଵଭୃଦ୍ଦେଵୋ ଦେଵେଡିତପଦାମ୍ବୁଜଃ ॥ ୨୫ ॥
ଵିଶ୍ଵେଶ୍ଵରୋ ଵିଶ୍ଵରୂପୀ ଵିଶ୍ଵାତ୍ମା ଵିଶ୍ଵତୋମୁଖଃ ।
ଵିଶ୍ଵସୂର୍ଵିଶ୍ଵଫଲଦୋ ଵିଶ୍ଵଗୋ ଵିଶ୍ଵନାୟକଃ ॥ ୨୬ ॥
ଭୂତକୃଦ୍ଭୂତଭୃଦ୍ଭାଵୋ ଭୂତାତ୍ମା ଭୂତଭାଵନଃ ।
ଭୂତିଦୋ ଭୂତିଵିସ୍ତାରୋ ଵିଭୂତିର୍ଭୂତିପାଲକଃ ॥ ୨୭ ॥
ନାରାୟଣୋ ନାରଶାୟୀ ନାରସୂର୍ନାରଜୀଵନଃ ।
ନାରୈକଫଲଦୋ ନାରମୁକ୍ତିଦୋ ନାରନାୟକଃ ॥ ୨୮ ॥
ସହସ୍ରରୂପଃ ସାହସ୍ରନାମା ସାହସ୍ରଵିଗ୍ରହଃ ।
ସହସ୍ରଶୀର୍ଷା ସାହସ୍ରପାଦାକ୍ଷିଭୁଜଶୀର୍ଷଵାନ୍ ॥ ୨୯ ॥
ପଦ୍ମନାଭଃ ପଦ୍ମଗର୍ଭଃ ପଦ୍ମୀ ପଦ୍ମନିଭେକ୍ଷଣଃ ।
ପଦ୍ମଶାୟୀ ପଦ୍ମମାଲୀ ପଦ୍ମାଙ୍କିତପଦଦ୍ଵୟଃ ॥ ୩୦ ॥
ଵୀର୍ୟଵାନ୍ ସ୍ଥୈର୍ୟଵାନ୍ ଵାଗ୍ମୀ ଶୌର୍ୟଵାନ୍ ଧୈର୍ୟଵାନ୍ କ୍ଷମୀ ।
ଧୀମାନ୍ ଧର୍ମପରୋ ଭୋଗୀ ଭଗଵାନ୍ ଭୟନାଶନଃ ॥ ୩୧ ॥
ଜୟନ୍ତୋ ଵିଜୟୋ ଜେତା ଜୟଦୋ ଜୟଵର୍ଧନଃ ।
ଅମାନୀ ମାନଦୋ ମାନ୍ୟୋ ମହିମାଵାନ୍ମହାବଲଃ ॥ ୩୨ ॥
ସନ୍ତୁଷ୍ଟସ୍ତୋଷଦୋ ଦାତା ଦମନୋ ଦୀନଵତ୍ସଲଃ ।
ଜ୍ଞାନୀ ୟଶସ୍ଵାନ୍ ଧୃତିମାନ୍ ସହ ଓଜୋବଲାଶ୍ରୟଃ ॥ ୩୩ ॥
ହୟଗ୍ରୀଵୋ ମହାତେଜା ମହାର୍ଣଵଵିନୋଦକୃତ୍ ।
ମଧୁକୈଟଭଵିଧ୍ଵଂସୀ ଵେଦକୃଦ୍ଵେଦପାଲକଃ ॥ ୩୪ ॥
ସନତ୍କୁମାରଃ ସନକଃ ସନନ୍ଦଶ୍ଚ ସନାତନଃ ।
ଅଖଣ୍ଡବ୍ରହ୍ମଵ୍ରତଵାନାତ୍ମା ୟୋଗଵିଵେଚକଃ ॥ ୩୫ ॥
ଶ୍ରୀନାରଦୋ ଦେଵଋଷିଃ କର୍ମାକର୍ମପ୍ରଵର୍ତକଃ ।
ସାତ୍ଵତାଗମକୃଲ୍ଲୋକହିତାହିତପ୍ରସୂଚକଃ ॥ ୩୬ ॥
ଆଦିକାଲୋ ୟଜ୍ଞତତ୍ତ୍ଵଂ ଧାତୃନାସାପୁଟୋଦ୍ଭଵଃ ।
ଦନ୍ତାଗ୍ରନ୍ୟସ୍ତଭୂଗୋଲୋ ହିରଣ୍ୟାକ୍ଷବଲାନ୍ତକଃ ॥ ୩୭ ॥
ପୃଥ୍ଵୀପତିଃ ଶୀଘ୍ରଵେଗୋ ରୋମାନ୍ତର୍ଗତସାଗରଃ ।
ଶ୍ଵାସାଵଧୂତହେମାଦ୍ରିଃ ପ୍ରଜାପତିପତିସ୍ତୁତଃ ॥ ୩୮ ॥
ଅନନ୍ତୋ ଧରଣୀଭର୍ତା ପାତାଲତଲଵାସକୃତ୍ ।
କାମାଗ୍ନିଜଵନୋ ନାଗରାଜରାଜୋ ମହାଦ୍ୟୁତିଃ ॥ ୩୯ ॥
ମହାକୂର୍ମୋ ଵିଶ୍ଵକାୟଃ ଶେଷଭୁକ୍ସର୍ଵପାଲକଃ ।
ଲୋକପିତୃଗଣାଧୀଶଃ ପିତୃସ୍ତୁତମହାପଦଃ ॥ ୪୦ ॥
କୃପାମୟଃ ସ୍ଵୟଂ ଵ୍ୟକ୍ତିର୍ଧ୍ରୁଵପ୍ରୀତିଵିଵର୍ଧନଃ ।
ଧ୍ରୁଵସ୍ତୁତପଦୋ ଵିଷ୍ଣୁଲୋକଦୋ ଲୋକପୂଜିତଃ ॥ ୪୧ ॥
ଶୁକ୍ଲଃ କର୍ଦମସନ୍ତପ୍ତସ୍ତପସ୍ତୋଷିତମାନସଃ ।
ମନୋଽଭୀଷ୍ଟପ୍ରଦୋ ହର୍ଷବିନ୍ଦ୍ଵଞ୍ଚିତସରୋଵରଃ ॥ ୪୨ ॥
ୟଜ୍ଞଃ ସୁରଗଣାଧୀଶୋ ଦୈତ୍ୟଦାନଵଘାତକଃ ।
ମନୁତ୍ରାତା ଲୋକପାଲୋ ଲୋକପାଲକଜନ୍ମକୃତ୍ ॥ ୪୩ ॥
କପିଲାଖ୍ୟଃ ସାଙ୍ଖ୍ୟପାତା କର୍ଦମାଙ୍ଗସମୁଦ୍ଭଵଃ ।
ସର୍ଵସିଦ୍ଧଗଣାଧୀଶୋ ଦେଵହୂତିଗତିପ୍ରଦଃ ॥ ୪୪ ॥
ଦତ୍ତୋଽତ୍ରିତନୟୋ ୟୋଗୀ ୟୋଗମାର୍ଗପ୍ରଦର୍ଶକଃ ।
ଅନସୂୟାନନ୍ଦକରଃ ସର୍ଵୟୋଗିଜନସ୍ତୁତଃ ॥ ୪୫ ॥
ନାରାୟଣୋ ନରଋଷିର୍ଧର୍ମପୁତ୍ରୋ ମହାମନାଃ ।
ମହେଶଶୂଲଦମନୋ ମହେଶୈକଵରପ୍ରଦଃ ॥ ୪୬ ॥
ଆକଲ୍ପାନ୍ତତପୋଧୀରୋ ମନ୍ମଥାଦିମଦାପହଃ ।
ଊର୍ଵଶୀସୃଗ୍ଜିତାନଙ୍ଗୋ ମାର୍କଣ୍ଡେୟପ୍ରିୟପ୍ରଦଃ ॥ ୪୭ ॥
ଋଷଭୋ ନାଭିସୁଖଦୋ ମେରୁଦେଵୀପ୍ରିୟାତ୍ମଜଃ ।
ୟୋଗିରାଜଦ୍ଵିଜସ୍ରଷ୍ଟା ୟୋଗଚର୍ୟାପ୍ରଦର୍ଶକଃ ॥ ୪୮ ॥
ଅଷ୍ଟବାହୁର୍ଦକ୍ଷୟଜ୍ଞପାଵନୋଽଖିଲସତ୍କୃତଃ ।
ଦକ୍ଷେଶଦ୍ଵେଷଶମନୋ ଦକ୍ଷଜ୍ଞାନପ୍ରଦାୟକଃ ॥ ୪୯ ॥
ପ୍ରିୟଵ୍ରତକୁଲୋତ୍ପନ୍ନୋ ଗୟନାମା ମହାୟଶାଃ ।
ଉଦାରକର୍ମା ବହୁଵିନ୍ମହାଗୁଣଗଣାର୍ଣଵଃ ॥ ୫୦ ॥
ହଂସରୂପୀ ତତ୍ତ୍ଵଵକ୍ତା ଗୁଣାଗୁଣଵିଵେଚକଃ ।
ଧାତୃଲଜ୍ଜାପ୍ରଶମନୋ ବ୍ରହ୍ମଚାରିଜନପ୍ରିୟଃ ॥ ୫୧ ॥
ଵୈଶ୍ୟଃ ପୃଥୁଃ ପୃଥ୍ଵିଦୋଗ୍ଧା ସର୍ଵଜୀଵନଦୋହକୃତ୍ ।
ଆଦିରାଜୋ ଜନାଵାସକାରକୋ ଭୂସମୀକରଃ ॥ ୫୨ ॥
ପ୍ରଚେତୋଽଭିଷ୍ଟୁତପଦଃ ଶାନ୍ତମୂର୍ତିଃ ସୁଦର୍ଶନଃ ।
ଦିଵାରାତ୍ରିଗଣାଧୀଶଃ କେତୁମାନଜନାଶ୍ରୟଃ ॥ ୫୩ ॥
ଶ୍ରୀକାମଦେଵଃ କମଲାକାମକେଲିଵିନୋଦକୃତ୍ ।
ସ୍ଵପାଦରତିଦୋଽଭୀଷ୍ଟସୁଖଦୋ ଦୁଃଖନାଶନଃ ॥ ୫୪ ॥
ଵିଭୁର୍ଧର୍ମଭୃତାଂ ଶ୍ରେଷ୍ଠୋ ଵେଦଶୀର୍ଷୋ ଦ୍ଵିଜାତ୍ମଜଃ ।
ଅଷ୍ଟାଶୀତିସହସ୍ରାଣାଂ ମୁନୀନାମୁପଦେଶଦଃ ॥ ୫୫ ॥
ସତ୍ୟସେନୋ ୟକ୍ଷରକ୍ଷୋଦହନୋ ଦୀନପାଲକଃ ।
ଇନ୍ଦ୍ରମିତ୍ରଃ ସୁରାରିଘ୍ନଃ ସୂନୃତାଧର୍ମନନ୍ଦନଃ ॥ ୫୬ ॥
ହରିର୍ଗଜଵରତ୍ରାତା ଗ୍ରାହପାଶଵିନାଶକଃ ।
ତ୍ରିକୂଟାଦ୍ରିଵନଶ୍ଲାଘୀ ସର୍ଵଲୋକହିତୈଷଣଃ ॥ ୫୭ ॥
ଵୈକୁଣ୍ଠଶୁଭ୍ରାସୁଖଦୋ ଵିକୁଣ୍ଠାସୁନ୍ଦରୀସୁତଃ ।
ରମାପ୍ରିୟକରଃ ଶ୍ରୀମାନ୍ନିଜଲୋକପ୍ରଦର୍ଶକଃ ॥ ୫୮ ॥
ଵିପ୍ରଶାପପରୀଖିନ୍ନନିର୍ଜରାର୍ତିନିଵାରଣଃ ।
ଦୁଗ୍ଧାବ୍ଧିମଥନୋ ଵିପ୍ରୋ ଵିରାଜତନୟୋଽଜିତଃ ॥ ୫୯ ॥
ମନ୍ଦାରାଦ୍ରିଧରଃ କୂର୍ମୋ ଦେଵଦାନଵଶର୍ମକୃତ୍ ।
ଜମ୍ବୂଦ୍ଵୀପସମଃ ସ୍ରଷ୍ଟା ପୀୟୂଷୋତ୍ପତ୍ତିକାରଣମ୍ ॥ ୬୦ ॥
ଧନ୍ଵନ୍ତରୀ ରୁକ୍।ଗ୍ଶମନୋଽମୃତଧୁକ୍ରୁକ୍ପ୍ରଶାନ୍ତକଃ ।
ଆୟୁର୍ଵେଦକରୋ ଵୈଦ୍ୟରାଜୋ ଵିଦ୍ୟାପ୍ରଦାୟକଃ ॥ ୬୧ ॥
ଦେଵାଭୟକରୋ ଦୈତ୍ୟମୋହିନୀ କାମରୂପିଣୀ ।
ଗୀର୍ଵାଣାମୃତପୋ ଦୁଷ୍ଟଦୈତ୍ୟଦାନଵଵଞ୍ଚକଃ ॥ ୬୨ ॥
ମହାମତ୍ସ୍ୟୋ ମହାକାୟଃ ଶଲ୍କାନ୍ତର୍ଗତସାଗରଃ ।
ଵେଦାରିଦୈତ୍ୟଦମନୋ ଵ୍ରୀହିବୀଜସୁରକ୍ଷକଃ ॥ ୬୩ ॥
ପୁଚ୍ଛାଘାତଭ୍ରମତ୍ସିନ୍ଧୁଃ ସତ୍ୟଵ୍ରତପ୍ରିୟପ୍ରଦଃ ।
ଭକ୍ତସତ୍ୟଵ୍ରତତ୍ରାତା ୟୋଗତ୍ରୟପ୍ରଦର୍ଶକଃ ॥ ୬୪ ॥
ନରସିଂହୋ ଲୋକଜିହ୍ଵଃ ଶଙ୍କୁକର୍ଣୋ ନଖାୟୁଧଃ ।
ସଟାଵଧୂତଜଲଦୋ ଦନ୍ତଦ୍ୟୁତିଜିତପ୍ରଭଃ ॥ ୬୫ ॥
ହିରଣ୍ୟକଶିପୁଧ୍ଵଂସୀ ବହୁଦାନଵଦର୍ପହା ।
ପ୍ରହ୍ଲାଦସ୍ତୁତପାଦାବ୍ଜୋ ଭକ୍ତସଂସାରତାପହା ॥ ୬୬ ॥
ବ୍ରହ୍ମେନ୍ଦ୍ରରୁଦ୍ରଭୀତିଘ୍ନୋ ଦେଵକାର୍ୟପ୍ରସାଧକଃ ।
ଜ୍ଵଲଜ୍ଜ୍ଵଲନସଙ୍କାଶଃ ସର୍ଵଭୀତିଵିନାଶକଃ ॥ ୬୭ ॥
ମହାକଲୁଷଵିଧ୍ଵଂସୀ ସର୍ଵକାମଵରପ୍ରଦଃ ।
କାଲଵିକ୍ରମସଂହର୍ତା ଗ୍ରହପୀଡାଵିନାଶକଃ ॥ ୬୮ ॥
ସର୍ଵଵ୍ୟାଧିପ୍ରଶମନଃ ପ୍ରଚଣ୍ଡରିପୁଦଣ୍ଡକୃତ୍ ।
ଉଗ୍ରଭୈରଵସନ୍ତ୍ରସ୍ତହରାର୍ତିଵିନିଵାରକଃ ॥ ୬୯ ॥
ବ୍ରହ୍ମଚର୍ମାଵୃତଶିରାଃ ଶିଵଶୀର୍ଷୈକନୂପୁରଃ ।
ଦ୍ଵାଦଶାଦିତ୍ୟଶୀର୍ଷୈକମଣିର୍ଦିକ୍ପାଲଭୂଷଣଃ ॥ ୭୦ ॥
ଵାମନୋଽଦିତିଭୀତିଘ୍ନୋ ଦ୍ଵିଜାତିଗଣମଣ୍ଡନଃ ।
ତ୍ରିପଦଵ୍ୟାଜୟାଞ୍ଚାପ୍ତବଲିତ୍ରୈଲୋକ୍ୟସମ୍ପଦଃ ॥ ୭୧ ॥
ପନ୍ନଖକ୍ଷତବ୍ରହ୍ମାଣ୍ଡକଟାହୋଽମିତଵିକ୍ରମଃ । pannagakShata?
ସ୍ଵର୍ଧୁନୀତୀର୍ଥଜନନୋ ବ୍ରହ୍ମପୂଜ୍ୟୋ ଭୟାପହଃ ॥ ୭୨ ॥
ସ୍ଵାଙ୍ଘ୍ରିଵାରିହତାଘୌଘୋ ଵିଶ୍ଵରୂପୈକଦର୍ଶନଃ ।
ବଲିପ୍ରିୟକରୋ ଭକ୍ତସ୍ଵର୍ଗଦୋଗ୍ଧା ଗଦାଧରଃ ॥ ୭୩ ॥
ଜାମଦଗ୍ନ୍ୟୋ ମହାଵୀର୍ୟଃ ପରଶୁଭୃତ୍କାର୍ତଵୀର୍ୟଜିତ୍ ।
ସହସ୍ରାର୍ଜୁନସଂହର୍ତା ସର୍ଵକ୍ଷତ୍ରକୁଲାନ୍ତକଃ ॥ ୭୪ ॥
ନିଃକ୍ଷତ୍ରପୃଥ୍ଵୀକରଣୋ ଵୀରଜିଦ୍ଵିପ୍ରରାଜ୍ୟଦଃ ।
ଦ୍ରୋଣାସ୍ତ୍ରଵେଦପ୍ରଵଦୋ ମହେଶଗୁରୁକୀର୍ତିଦଃ ॥ ୭୫ ॥
ସୂର୍ୟଵଂଶାବ୍ଜତରଣିଃ ଶ୍ରୀମଦ୍ଦଶରଥାତ୍ମଜଃ ।
ଶ୍ରୀରାମୋ ରାମଚନ୍ଦ୍ରଶ୍ଚ ରାମଭଦ୍ରୋଽମିତପ୍ରଭଃ ॥ ୭୬ ॥
ନୀଲଵର୍ଣପ୍ରତୀକାଶଃ କୌସଲ୍ୟାପ୍ରାଣଜୀଵନଃ ।
ପଦ୍ମନେତ୍ରଃ ପଦ୍ମଵକ୍ତ୍ରଃ ପଦ୍ମାଙ୍କିତପଦାମ୍ବୁଜଃ ॥ ୭୭ ॥
ପ୍ରଲମ୍ବବାହୁଶ୍ଚାର୍ଵଙ୍ଗୋ ରତ୍ନାଭରଣଭୂଷିତଃ ।
ଦିଵ୍ୟାମ୍ବରୋ ଦିଵ୍ୟଧନୁର୍ଦିଷ୍ଟଦିଵ୍ୟାସ୍ତ୍ରପାରଗଃ ॥ ୭୮ ॥
ନିସ୍ତ୍ରିଂଶପାଣିର୍ଵୀରେଶୋଽପରିମେୟପରାକ୍ରମଃ ।
ଵିଶ୍ଵାମିତ୍ରଗୁରୁର୍ଧନ୍ଵୀ ଧନୁର୍ଵେଦଵିଦୁତ୍ତମଃ ॥ ୭୯ ॥
ଋଜୁମାର୍ଗନିମିତ୍ତେଷୁ ସଙ୍ଘତାଡିତତାଡକଃ ।
ସୁବାହୁର୍ବାହୁଵୀର୍ୟାଢ୍ୟବହୁରାକ୍ଷସଘାତକଃ ॥ ୮୦ ॥
ପ୍ରାପ୍ତଚଣ୍ଡୀଶଦୋର୍ଦଣ୍ଡଚଣ୍ଡକୋଦଣ୍ଡଖଣ୍ଡନଃ ।
ଜନକାନନ୍ଦଜନକୋ ଜାନକୀପ୍ରିୟନାୟକଃ ॥ ୮୧ ॥
ଅରାତିକୁଲଦର୍ପଘ୍ନୋ ଧ୍ଵସ୍ତଭାର୍ଗଵଵିକ୍ରମଃ ।
ପିତୃଵାକ୍ତ୍ୟକ୍ତରାଜ୍ୟଶ୍ରୀଵନଵାସକୃତୋତ୍ସଵଃ ॥ ୮୨ ॥
ଵିରାଧରାଧଦମନଶ୍ଚିତ୍ରକୂଟାଦ୍ରିମନ୍ଦିରଃ ।
ଦ୍ଵିଜଶାପସମୁଚ୍ଛନ୍ନଦଣ୍ଡକାରଣ୍ୟକର୍ମକୃତ୍ ॥ ୮୩ ॥
ଚତୁର୍ଦଶସହସ୍ରୋଗ୍ରରାକ୍ଷସଘ୍ନଃ ଖରାନ୍ତକଃ ।
ତ୍ରିଶିରଃପ୍ରାଣଶମନୋ ଦୁଷ୍ଟଦୂଷଣଦୂଷଣଃ ॥ ୮୪ ॥
ଛଦ୍ମମାରୀଚମଥନୋ ଜାନକୀଵିରହାର୍ତିହୃତ୍ ।
ଜଟାୟୁଷଃ କ୍ରିୟାକାରୀ କବନ୍ଧଵଧକୋଵିଦଃ ॥ ୮୫ ॥
ଋଷ୍ୟମୂକଗୁହାଵାସୀ କପିପଞ୍ଚମସଖ୍ୟକୃତ୍ ।
ଵାମପାଦାଗ୍ରନିକ୍ଷିପ୍ତଦୁନ୍ଦୁଭ୍ୟସ୍ଥିବୃହଦ୍ଗିରିଃ ॥ ୮୬ ॥
ସକଣ୍ଟକାରଦୁର୍ଭେଦସପ୍ତତାଲପ୍ରଭେଦକଃ ।
କିଷ୍କିନ୍ଧାଧିପଵାଲିଘ୍ନୋ ମିତ୍ରସୁଗ୍ରୀଵରାଜ୍ୟଦଃ ॥ ୮୭ ॥
ଆଞ୍ଜନେୟସ୍ଵଲାଙ୍ଗୂଲଦଗ୍ଧଲଙ୍କାମହୋଦୟଃ ।
ସୀତାଵିରହଵିସ୍ପଷ୍ଟରୋଷକ୍ଷୋଭିତସାଗରଃ ॥ ୮୮ ॥
ଗିରିକୂଟସମୁତ୍କ୍ଷେପସମୁଦ୍ରାଦ୍ଭୁତସେତୁକୃତ୍ ।
ପାଦପ୍ରହାରସନ୍ତ୍ରସ୍ତଵିଭୀଷଣଭୟାପହଃ ॥ ୮୯ ॥
ଅଙ୍ଗଦୋକ୍ତିପରିକ୍ଲିଷ୍ଟଘୋରରାଵଣସୈନ୍ୟଜିତ୍ ।
ନିକୁମ୍ଭକୁମ୍ଭଧୂମ୍ରାକ୍ଷକୁମ୍ଭକର୍ଣାଦିଵୀରହା ॥ ୯୦ ॥
କୈଲାସସହନୋନ୍ମତ୍ତଦଶାନନଶିରୋହରଃ ।
ଅଗ୍ନିସଂସ୍ପର୍ଶସଂଶୁଦ୍ଧସୀତାସଂଵରଣୋତ୍ସୁକଃ ॥ ୯୧ ॥
କପିରାକ୍ଷସରାଜାଙ୍ଗପ୍ରାପ୍ତରାଜ୍ୟନିଜାଶ୍ରୟଃ ।
ଅୟୋଧ୍ୟାଧିପତିଃ ସର୍ଵରାଜନ୍ୟଗଣଶେଖରଃ ॥ ୯୨ ॥
ଅଚିନ୍ତ୍ୟକର୍ମା ନୃପତିଃ ପ୍ରାପ୍ତସିଂହାସନୋଦୟଃ ।
ଦୁଷ୍ଟଦୁର୍ବୁଦ୍ଧିଦଲନୋ ଦୀନହୀନୈକପାଲକଃ ॥ ୯୩ ॥
ସର୍ଵସମ୍ପତ୍ତିଜନନସ୍ତିର୍ୟଙ୍ନ୍ୟାୟଵିଵେଚକଃ ।
ଶୂଦ୍ରଘୋରତପଃପ୍ଲୁଷ୍ଟଦ୍ଵିଜପୁତ୍ରୈକଜୀଵନଃ ॥ ୯୪ ॥
ଦୁଷ୍ଟଵାକ୍କ୍ଲିଷ୍ଟହୃଦୟଃ ସୀତାନିର୍ଵାସକାରକଃ ।
ତୁରଙ୍ଗମେଧକ୍ରତୁୟାଟ୍ଶ୍ରୀମତ୍କୁଶଲଵାତ୍ମଜଃ ॥ ୯୫ ॥
ସତ୍ୟାର୍ଥତ୍ୟକ୍ତସୌମିତ୍ରିଃ ସୂନ୍ନୀତଜନସଙ୍ଗ୍ରହଃ ।
ସତ୍କର୍ଣପୂରସତ୍କୀର୍ତିଃ କୀର୍ତ୍ୟାଲୋକାଘନାଶନଃ ॥ ୯୬ ॥
ଭରତୋ ଜ୍ୟେଷ୍ଠପାଦାବ୍ଜରତିତ୍ୟକ୍ତନୃପାସନଃ ।
ସର୍ଵସଦ୍ଗୁଣସମ୍ପନ୍ନଃ କୋଟିଗନ୍ଧର୍ଵନାଶକଃ ॥ ୯୭ ॥
ଲକ୍ଷ୍ମଣୋ ଜ୍ୟେଷ୍ଠନିରତୋ ଦେଵଵୈରିଗଣାନ୍ତକଃ ।
ଇନ୍ଦ୍ରଜିତ୍ପ୍ରାଣଶମନୋ ଭ୍ରାତୃମାନ୍ ତ୍ୟକ୍ତଵିଗ୍ରହଃ ॥ ୯୮ ॥
ଶତ୍ରୁଘ୍ନୋଽମିତ୍ରଶମନୋ ଲଵଣାନ୍ତକକାରକଃ ।
ଆର୍ୟଭ୍ରାତୃଜନଶ୍ଲାଘ୍ୟଃ ସତାଂ ଶ୍ଲାଘ୍ୟଗୁଣାକରଃ ॥ ୯୯ ॥
ଵଟପତ୍ତ୍ରପୁଟସ୍ଥାୟୀ ଶ୍ରୀମୁକୁନ୍ଦୋଽଖିଲାଶ୍ରୟଃ ।
ତନୂଦରାର୍ପିତଜଗନ୍ମୃକଣ୍ଡତନୟଃ ଖଗଃ ॥ ୧୦୦ ॥
ଆଦ୍ୟୋ ଦେଵଗଣାଗ୍ରଣ୍ୟୋ ମିତସ୍ତୁତିନତିପ୍ରିୟଃ ।
ଵୃତ୍ରଘୋରତନୁତ୍ରସ୍ତଦେଵସନ୍ମନ୍ତ୍ରସାଧକଃ ॥ ୧୦୧ ॥
ବ୍ରହ୍ମଣ୍ୟୋ ବ୍ରାହ୍ମଣଶ୍ଲାଘୀ ବ୍ରହ୍ମଣ୍ୟଜନଵତ୍ସଲଃ ।
ଗୋଷ୍ପଦାପ୍ସୁଗଲଦ୍ଗାତ୍ରଵାଲଖିଲ୍ୟଜନାଶ୍ରୟଃ ॥ ୧୦୨ ॥
ଦୌସ୍ଵସ୍ତିର୍ୟଜ୍ଵନାଂ ଶ୍ରେଷ୍ଠୋ ନୃପଵିସ୍ମୟକାରକଃ ।
ତୁରଙ୍ଗମେଧବହୁକୃଦ୍ଵଦାନ୍ୟଗଣଶେଖରଃ ॥ ୧୦୩ ॥
ଵାସଵୀତନୟୋ ଵ୍ୟାସୋ ଵେଦଶାଖାନିରୂପକଃ ।
ପୁରାଣଭାରତାଚାର୍ୟଃ କଲିଲୋକହିତୈଷଣଃ ॥ ୧୦୪ ॥
ରୋହିଣୀହୃଦୟାନନ୍ଦୋ ବଲଭଦ୍ରୋ ବଲାଶ୍ରୟଃ ।
ସଙ୍କର୍ଷଣଃ ସୀରପାଣିଃ ମୁସଲାସ୍ତ୍ରୋଽମଲଦ୍ୟୁତିଃ ॥ ୧୦୫ ॥
ଶଙ୍ଖକୁନ୍ଦେନ୍ଦୁଶ୍ଵେତାଙ୍ଗସ୍ତାଲଭିଦ୍ଧେନୁକାନ୍ତକଃ ।
ମୁଷ୍ଟିକାରିଷ୍ଟହନନୋ ଲାଙ୍ଗଲାକୃଷ୍ଟୟାମୁନଃ ॥ ୧୦୬ ॥
ପ୍ରଲମ୍ବପ୍ରାଣହା ରୁକ୍ମୀମଥନୋ ଦ୍ଵିଵିଦାନ୍ତକଃ ।
ରେଵତୀପ୍ରୀତିଦୋ ରାମାରମଣୋ ବଲ୍ଵଲାନ୍ତକଃ ॥ ୧୦୭ ॥
ହସ୍ତିନାପୁରସଙ୍କର୍ଷୀ କୌରଵାର୍ଚିତସତ୍ପଦଃ ।
ବ୍ରହ୍ମାଦିସ୍ତୁତପାଦାବ୍ଜୋ ଦେଵୟାଦଵପାଲକଃ ॥ ୧୦୮ ॥
ମାୟାପତିର୍ମହାମାୟୋ ମହାମାୟାନିଦେଶକୃତ୍ ।
ୟଦୁଵଂଶାବ୍ଧିପୂର୍ଣେନ୍ଦୁର୍ବଲଦେଵପ୍ରିୟାନୁଜଃ ॥ ୧୦୯ ॥
ନରାକୃତିଃ ପରଂ ବ୍ରହ୍ମ ପରିପୂର୍ଣଃ ପରୋଦୟଃ ।
ସର୍ଵଜ୍ଞାନାଦିସମ୍ପୂର୍ଣଃ ପୂର୍ଣାନନ୍ଦଃ ପୁରାତନଃ ॥ ୧୧୦ ॥
ପୀତାମ୍ବରଃ ପୀତନିଦ୍ରଃ ପୀତଵେଶ୍ମମହାତପାଃ ।
ମହୋରସ୍କୋ ମହାବାହୁର୍ମହାର୍ହମଣିକୁଣ୍ଡଲଃ ॥ ୧୧୧ ॥
ଲସଦ୍ଗଣ୍ଡସ୍ଥଲୀହୈମମୌଲିମାଲାଵିଭୂଷିତଃ ।
ସୁଚାରୁକର୍ଣଃ ସୁଭ୍ରାଜନ୍ମକରାକୃତିକୁଣ୍ଡଲଃ ॥ ୧୧୨ ॥
ନୀଲକୁଞ୍ଚିତସୁସ୍ନିଗ୍ଧକୁନ୍ତଲଃ କୌମୁଦୀମୁଖଃ ।
ସୁନାସଃ କୁନ୍ଦଦଶନୋ ଲସତ୍କୋକନଦାଧରଃ ॥ ୧୧୩ ॥
ସୁମନ୍ଦହାସୋ ରୁଚିରଭ୍ରୂମଣ୍ଡଲଵିଲୋକନଃ ।
କମ୍ବୁକଣ୍ଠୋ ବୃହଦ୍ବ୍ରହ୍ମା ଵଲୟାଙ୍ଗଦଭୂଷଣଃ ॥ ୧୧୪ ॥
କୌସ୍ତୁଭୀ ଵନମାଲୀ ଚ ଶଙ୍ଖଚକ୍ରଗଦାବ୍ଜଭୃତ୍ ।
ଶ୍ରୀଵତ୍ସଲକ୍ଷ୍ମ୍ୟା ଲକ୍ଷ୍ୟାଙ୍ଗଃ ସର୍ଵଲକ୍ଷଣଲକ୍ଷଣଃ ॥ ୧୧୫ ॥
ଦଲୋଦରୋ ନିମ୍ନନାଭିର୍ନିରଵଦ୍ୟୋ ନିରାଶ୍ରୟଃ ।
ନିତମ୍ବବିମ୍ବଵ୍ୟାଲମ୍ବିକିଙ୍କିଣୀକାଞ୍ଚିମଣ୍ଡିତଃ ॥ ୧୧୬ ॥
ସମଜଙ୍ଘାଜାନୁୟୁଗ୍ମଃ ସୁଚାରୁରୁଚିରାଜିତଃ ।
ଧ୍ଵଜଵଜ୍ରାଙ୍କୁଶାମ୍ଭୋଜଶରାଙ୍କିତପଦାମ୍ବୁଜଃ ॥ ୧୧୭ ॥
ଭକ୍ତଭ୍ରମରସଙ୍ଘାତପୀତପାଦାମ୍ବୁଜାସଵଃ ।
ନଖଚନ୍ଦ୍ରମଣିଜ୍ୟୋତ୍ସ୍ନାପ୍ରକାଶିତମହାମନାଃ ॥ ୧୧୮ ॥
ପାଦାମ୍ବୁଜୟୁଗନ୍ୟସ୍ତଲସନ୍ମଞ୍ଜୀରରାଜିତଃ ।
ସ୍ଵଭକ୍ତହୃଦୟାକାଶଲସତ୍ପଙ୍କଜଵିସ୍ତରଃ ॥ ୧୧୯ ॥
ସର୍ଵପ୍ରାଣିଜନାନନ୍ଦୋ ଵସୁଦେଵନୁତିପ୍ରିୟଃ ।
ଦେଵକୀନନ୍ଦନୋ ଲୋକନନ୍ଦିକୃଦ୍ଭକ୍ତଭୀତିଭିତ୍ ॥ ୧୨୦ ॥
ଶେଷାନୁଗଃ ଶେଷଶାୟୀ ୟଶୋଦାନତିମାନଦଃ ।
ନନ୍ଦାନନ୍ଦକରୋ ଗୋପଗୋପୀଗୋକୁଲବାନ୍ଧଵଃ ॥ ୧୨୧ ॥
ସର୍ଵଵ୍ରଜଜନାନନ୍ଦୀ ଭକ୍ତଵଲ୍ଲଭଵଵଲ୍ଲଭଃ ।
ଵଲ୍ୟଵ୍ୟଙ୍ଗଲସଦ୍ଗାତ୍ରୋ ବଲ୍ଲଵୀବାହୁମଧ୍ୟଗଃ ॥ ୧୨୨ ॥
ପୀତପୂତନିକାସ୍ତନ୍ୟଃ ପୂତନାପ୍ରାଣଶୋଷଣଃ ।
ପୂତନୋରସ୍ଥଲସ୍ଥାୟୀ ପୂତନାମୋକ୍ଷଦାୟକଃ ॥ ୧୨୩ ॥
ସମାଗତଜନାନନ୍ଦୀ ଶକଟୋଚ୍ଚାଟକାରକଃ ।
ପ୍ରାପ୍ତଵିପ୍ରାଶିଷୋଽଧୀଶୋ ଲଘିମାଦିଗୁଣାଶ୍ରୟଃ ॥ ୧୨୪ ॥
ତୃଣାଵର୍ତଗଲଗ୍ରାହୀ ତୃଣାଵର୍ତନିଷୂଦନଃ ।
ଜନନ୍ୟାନନ୍ଦଜନକୋ ଜନନ୍ୟା ମୁଖଵିଶ୍ଵଦୃକ୍ ॥ ୧୨୫ ॥
ବାଲକ୍ରୀଡାରତୋ ବାଲଭାଷାଲୀଲାଦିନିର୍ଵୃତଃ ।
ଗୋପଗୋପୀପ୍ରିୟକରୋ ଗୀତନୃତ୍ୟାନୁକାରକଃ ॥ ୧୨୬ ॥
ନଵନୀତଵିଲିପ୍ତାଙ୍ଗୋ ନଵନୀତଲଵପ୍ରିୟଃ ।
ନଵନୀତଲଵାହାରୀ ନଵନୀତାନୁତସ୍କରଃ ॥ ୧୨୭ ॥
ଦାମୋଦରୋଽର୍ଜୁନୋନ୍ମୂଲୋ ଗୋପୈକମତିକାରକଃ ।
ଵୃନ୍ଦାଵନଵନକ୍ରୀଡୋ ନାନାକ୍ରୀଡାଵିଶାରଦଃ ॥ ୧୨୮ ॥
ଵତ୍ସପୁଚ୍ଛସମାକର୍ଷୀ ଵତ୍ସାସୁରନିଷୂଦନଃ ।
ବକାରିରଘସଂହାରୀ ବାଲାଦ୍ୟନ୍ତକନାଶନଃ ॥ ୧୨୯ ॥
ୟମୁନାନିଲସଞ୍ଜୁଷ୍ଟସୁମୃଷ୍ଟପୁଲିନପ୍ରିୟଃ ।
ଗୋପାଲବାଲପୂଗସ୍ଥଃ ସ୍ନିଗ୍ଧଦଧ୍ୟନ୍ନଭୋଜନଃ ॥ ୧୩୦ ॥
ଗୋଗୋପଗୋପୀପ୍ରିୟକୃଦ୍ଧନଭୃନ୍ମୋହଖଣ୍ଡନଃ ।
ଵିଧାତୁର୍ମୋହଜନକୋଽତ୍ୟଦ୍ଭୁତୈଶ୍ଵର୍ୟଦର୍ଶକଃ ॥ ୧୩୧ ॥
ଵିଧିସ୍ତୁତପଦାମ୍ଭୋଜୋ ଗୋପଦାରକବୁଦ୍ଧିଭିତ୍ ।
କାଲୀୟଦର୍ପଦଲନୋ ନାଗନାରୀନୁତିପ୍ରିୟଃ ॥ ୧୩୨ ॥
ଦାଵାଗ୍ନିଶମନଃ ସର୍ଵଵ୍ରଜଭୃଜ୍ଜନଜୀଵନଃ ।
ମୁଞ୍ଜାରଣ୍ୟପ୍ରଵେଶାପ୍ତକୃଚ୍ଛ୍ରଦାଵାଗ୍ନିଦାରଣଃ ॥ ୧୩୩ ॥
ସର୍ଵକାଲସୁଖକ୍ରୀଡୋ ବର୍ହିବର୍ହାଵତଂସକଃ ।
ଗୋଧୁଗ୍ଵଧୂଜନପ୍ରାଣୋ ଵେଣୁଵାଦ୍ୟଵିଶାରଦଃ ॥ ୧୩୪ ॥
ଗୋପୀପିଧାନାରୁନ୍ଧାନୋ ଗୋପୀଵ୍ରତଵରପ୍ରଦଃ ।
ଵିପ୍ରଦର୍ପପ୍ରଶମନୋ ଵିପ୍ରପତ୍ନୀପ୍ରସାଦଦଃ ॥ ୧୩୫ ॥
ଶତକ୍ରତୁଵରଧ୍ଵଂସୀ ଶକ୍ରଦର୍ପମଦାପହଃ ।
ଧୃତଗୋଵର୍ଧନଗିରିର୍ଵ୍ରଜଲୋକାଭୟପ୍ରଦଃ ॥ ୧୩୬ ॥
ଇନ୍ଦ୍ରକୀର୍ତିଲସତ୍କୀର୍ତିର୍ଗୋଵିନ୍ଦୋ ଗୋକୁଲୋତ୍ସଵଃ ।
ନନ୍ଦତ୍ରାଣକରୋ ଦେଵଜଲେଶେଡିତସତ୍କଥଃ ॥ ୧୩୭ ॥
ଵ୍ରଜଵାସିଜନଶ୍ଲାଘ୍ୟୋ ନିଜଲୋକପ୍ରଦର୍ଶକଃ ।
ସୁଵେଣୁନାଦମଦନୋନ୍ମତ୍ତଗୋପୀଵିନୋଦକୃତ୍ ॥ ୧୩୮ ॥
ଗୋଧୁଗ୍ଵଧୂଦର୍ପହରଃ ସ୍ଵୟଶଃକୀର୍ତନୋତ୍ସଵଃ ।
ଵ୍ରଜାଙ୍ଗନାଜନାରାମୋ ଵ୍ରଜସୁନ୍ଦରିଵଲ୍ଲଭଃ ॥ ୧୩୯ ॥
ରାସକ୍ରୀଡାରତୋ ରାସମହାମଣ୍ଡଲମଣ୍ଡନଃ ।
ଵୃନ୍ଦାଵନଵନାମୋଦୀ ୟମୁନାକୂଲକେଲିକୃତ୍ ॥ ୧୪୦ ॥
ଗୋପିକାଗୀତିକାଗୀତଃ ଶଙ୍ଖଚୂଡଶିରୋହରଃ ।
ମହାସର୍ପମୁଖଗ୍ରସ୍ତତ୍ରସ୍ତନନ୍ଦଵିମୋଚକଃ ॥ ୧୪୧ ॥
ସୁଦର୍ଶନାର୍ଚିତପଦୋ ଦୁଷ୍ଟାରିଷ୍ଟଵିନାଶକଃ ।
କେଶିଦ୍ଵେଷୋ ଵ୍ୟୋମହନ୍ତା ଶ୍ରୁତନାରଦକୀର୍ତନଃ ॥ ୧୪୨ ॥
ଅକ୍ରୂରପ୍ରିୟକୃତ୍କ୍ରୂରରଜକଘ୍ନଃ ସୁଵେଶକୃତ୍ ।
ସୁଦାମାଦତ୍ତମାଲାଢ୍ୟଃ କୁବ୍ଜାଚନ୍ଦନଚର୍ଚିତଃ ॥ ୧୪୩ ॥
ମଥୁରାଜନସଂହର୍ଷୀ ଚଣ୍ଡକୋଦଣ୍ଡଖଣ୍ଡକୃତ୍ ।
କଂସସୈନ୍ୟସମୁଚ୍ଛେଦୀ ଵଣିଗ୍ଵିପ୍ରଗଣାର୍ଚିତଃ ॥ ୧୪୪ ॥
ମହାକୁଵଲୟାପୀଡଘାତୀ ଚାଣୂରମର୍ଦନଃ । ?
ରଙ୍ଗଶାଲାଗତାପାରନରନାରୀକୃତୋତ୍ସଵଃ ॥ ୧୪୫ ॥
କଂସଧ୍ଵଂସକରଃ କଂସସ୍ଵସାରୂପ୍ୟଗତିପ୍ରଦଃ ।
କୃତୋଗ୍ରସେନନୃପତିଃ ସର୍ଵୟାଦଵସୌଖ୍ୟକୃତ୍ ॥ ୧୪୬ ॥
ତାତମାତୃକୃତାନନ୍ଦୋ ନନ୍ଦଗୋପପ୍ରସାଦଦଃ ।
ଶ୍ରିତସାନ୍ଦୀପନିଗୁରୁର୍ଵିଦ୍ୟାସାଗରପାରଗଃ ॥ ୧୪୭ ॥
ଦୈତ୍ୟପଞ୍ଚଜନଧ୍ଵଂସୀ ପାଞ୍ଚଜନ୍ୟଦରପ୍ରିୟଃ ।
ସାନ୍ଦୀପନିମୃତାପତ୍ୟଦାତା କାଲୟମାର୍ଚିତଃ ॥ ୧୪୮ ॥
ସୈରନ୍ଧ୍ରୀକାମସନ୍ତାପଶମନୋଽକ୍ରୂରପ୍ରୀତିଦଃ ।
ଶାର୍ଙ୍ଗଚାପଧରୋ ନାନାଶରସନ୍ଧାନକୋଵିଦଃ ॥ ୧୪୯ ॥
ଅଭେଦ୍ୟଦିଵ୍ୟକଵଚଃ ଶ୍ରୀମଦ୍ଦାରୁକସାରଥିଃ ।
ଖଗେନ୍ଦ୍ରଚିହ୍ନିତଧ୍ଵଜଶ୍ଚକ୍ରପାଣିର୍ଗଦାଧରଃ ॥ ୧୫୦ ॥
ନନ୍ଦକୀୟଦୁସେନାଢ୍ୟୋଽକ୍ଷୟବାଣନିଷଙ୍ଗଵାନ୍ ।
ସୁରାସୁରାଜେୟରଣ୍ୟୋ ଜିତମାଗଧୟୂଥପଃ ॥ ୧୫୧ ॥
ମାଗଧଧ୍ଵଜିନୀଧ୍ଵଂସୀ ମଥୁରାପୁରପାଲକଃ ।
ଦ୍ଵାରକାପୁରନିର୍ମାତା ଲୋକସ୍ଥିତିନିୟାମକଃ ॥ ୧୫୨ ॥
ସର୍ଵସମ୍ପତ୍ତିଜନନଃ ସ୍ଵଜନାନନ୍ଦକାରକଃ ।
କଲ୍ପଵୃକ୍ଷାକ୍ଷିତମହିଃ ସୁଧର୍ମାନୀତଭୂତଲଃ ॥ ୧୫୩ ॥
ୟଵନାସୁରସଂହର୍ତା ମୁଚୁକୁନ୍ଦେଷ୍ଟସାଧକଃ ।
ରୁକ୍ମିଣୀଦ୍ଵିଜସଂମନ୍ତ୍ରରଥୈକଗତକୁଣ୍ଡିନଃ ॥ ୧୫୪ ॥
ରୁକ୍ମିଣୀହାରକୋ ରୁକ୍ମିମୁଣ୍ଡମୁଣ୍ଡନକାରକଃ ।
ରୁକ୍ମିଣୀପ୍ରିୟକୃତ୍ସାକ୍ଷାଦ୍ରୁକ୍ମିଣୀରମଣୀପତିଃ ॥ ୧୫୫ ॥
ରୁକ୍ମିଣୀଵଦନାମ୍ଭୋଜମଧୁପାନମଧୁଵ୍ରତଃ ।
ସ୍ୟମନ୍ତକନିମିତ୍ତାତ୍ମଭକ୍ତର୍କ୍ଷାଧିପଜିତ୍ଶୁଚିଃ ॥ ୧୫୬ ॥
ଜାମ୍ବଵାର୍ଚିତପାଦାବ୍ଜଃ ସାକ୍ଷାଜ୍ଜାମ୍ବଵତୀପତିଃ ।
ସତ୍ୟଭାମାକରଗ୍ରାହୀ କାଲିନ୍ଦୀସୁନ୍ଦରୀପ୍ରିୟଃ ॥ ୧୫୭ ॥
ସୁତୀକ୍ଷ୍ଣଶୃଙ୍ଗଵୃଷଭସପ୍ତଜିଦ୍ରାଜୟୂଥଭିଦ୍ ।
ନଗ୍ନଜିତ୍ତନୟାସତ୍ୟାନାୟିକାନାୟକୋତ୍ତମଃ ॥ ୧୫୮ ॥
ଭଦ୍ରେଶୋ ଲକ୍ଷ୍ମଣାକାନ୍ତୋ ମିତ୍ରଵିନ୍ଦାପ୍ରିୟେଶ୍ଵରଃ ।
ମୁରୁଜିତ୍ପୀଠସେନାନୀନାଶନୋ ନରକାନ୍ତକଃ ॥ ୧୫୯ ॥
ଧରାର୍ଚିତପଦାମ୍ଭୋଜୋ ଭଗଦତ୍ତଭୟାପହା ।
ନରକାହୃତଦିଵ୍ୟସ୍ତ୍ରୀରତ୍ନଵାହାଦିନାୟକଃ ॥ ୧୬୦ ॥
ଅଷ୍ଟୋତ୍ତରଶତଦ୍ଵ୍ୟଷ୍ଟସହସ୍ରସ୍ତ୍ରୀଵିଲାସଵାନ୍ ।
ସତ୍ୟଭାମାବଲାଵାକ୍ୟପାରିଜାତାପହାରକଃ ॥ ୧୬୧ ॥
ଦେଵେନ୍ଦ୍ରବଲଭିଜ୍ଜାୟାଜାତନାନାଵିଲାସଵାନ୍ ।
ରୁକ୍ମିଣୀମାନଦଲନଃ ସ୍ତ୍ରୀଵିଲାସାଵିମୋହିତଃ ॥ ୧୬୨ ॥
କାମତାତଃ ସାମ୍ବସୁତୋଽସଙ୍ଖ୍ୟପୁତ୍ରପ୍ରପୌତ୍ରଵାନ୍ ।
ଉଶାୟାନିତପୌତ୍ରାର୍ଥବାଣବାହୁସସ୍ରଛିତ୍ ॥ ୧୬୩ ॥
ନନ୍ଦ୍ୟାଦିପ୍ରମଥଧ୍ଵଂସୀ ଲୀଲାଜିତମହେଶ୍ଵରଃ ।
ମହାଦେଵସ୍ତୁତପଦୋ ନୃଗଦୁଃଖଵିମୋଚକଃ ॥ ୧୬୪ ॥
ବ୍ରହ୍ମସ୍ଵାପହରକ୍ଲେଶକଥାସ୍ଵଜନପାଲକଃ ।
ପୌଣ୍ଡ୍ରକାରିଃ କାଶିରାଜଶିରୋହର୍ତା ସଦାଜିତଃ ॥ ୧୬୫ ॥
ସୁଦକ୍ଷିଣଵ୍ରତାରାଧ୍ୟଶିଵକୃତ୍ୟାନଲାନ୍ତକଃ ।
ଵାରାଣସୀପ୍ରଦହନୋ ନାରଦେକ୍ଷିତଵୈଭଵଃ ॥ ୧୬୬ ॥
ଅଦ୍ଭୁତୈଶ୍ଵର୍ୟମହିମା ସର୍ଵଧର୍ମପ୍ରଵର୍ତକଃ ।
ଜରାସନ୍ଧନିରୋଧାର୍ତଭୂଭୁଜେରିତସତ୍କଥଃ ॥ ୧୬୭ ॥
ନାରଦେରିତସନ୍ମିତ୍ରକାର୍ୟଗୌରଵସାଧକଃ ।
କଲତ୍ରପୁତ୍ରସନ୍ମିତ୍ରସଦ୍ଵୃତ୍ତାପ୍ତଗୃହାନୁଗଃ ॥ ୧୬୮ ॥
ଜରାସନ୍ଧଵଧୋଦ୍ୟୋଗକର୍ତା ଭୂପତିଶର୍ମକୃତ୍ ।
ସନ୍ମିତ୍ରକୃତ୍ୟାଚରିତୋ ରାଜସୂୟପ୍ରଵର୍ତକଃ ॥ ୧୬୯ ॥
ସର୍ଵର୍ଷିଗଣସଂସ୍ତୁତ୍ୟଶ୍ଚୈଦ୍ୟପ୍ରାଣନିକୃନ୍ତକଃ ।
ଇନ୍ଦ୍ରପ୍ରସ୍ଥଜନୈଃ ପୂଜ୍ୟୋ ଦୁର୍ୟୋଧନଵିମୋହନଃ ॥ ୧୭୦ ॥
ମହେଶଦତ୍ତସୌଭାଗ୍ୟପୁରଭିଚ୍ଛତ୍ରୁଘାତକଃ ।
ଦନ୍ତଵକ୍ତ୍ରରିପୁଚ୍ଛେତ୍ତା ଦନ୍ତଵକ୍ତ୍ରଗତିପ୍ରଦଃ ॥ ୧୭୧ ॥
ଵିଦୂରଥପ୍ରମଥନୋ ଭୂରିଭାରାଵତାରକଃ ।
ପାର୍ଥଦୂତଃ ପାର୍ଥହିତଃ ପାର୍ଥାର୍ଥଃ ପାର୍ଥସାରଥିଃ ॥ ୧୭୨ ॥
ପାର୍ଥମୋହସମୁଚ୍ଛେଦୀ ଗୀତାଶାସ୍ତ୍ରପ୍ରଦର୍ଶକଃ ।
ପାର୍ଥବାଣଗତପ୍ରାଣଵୀରକୈଵଲ୍ୟରୂପଦଃ ॥ ୧୭୩ ॥
ଦୁର୍ୟୋଧନାଦିଦୁର୍ଵୃତ୍ତଦହନୋ ଭୀଷ୍ମମୁକ୍ତିଦଃ ।
ପାର୍ଥାଶ୍ଵମେଧାହରକଃ ପାର୍ଥରାଜ୍ୟପ୍ରସାଧକଃ ॥ ୧୭୪ ॥
ପୃଥାଭୀଷ୍ଟପ୍ରଦୋ ଭୀମଜୟଦୋ ଵିଜୟପ୍ରଦଃ ।
ୟୁଧିଷ୍ଠିରେଷ୍ଟସନ୍ଦାତା ଦ୍ରୌପଦୀପ୍ରୀତିସାଧକଃ ॥ ୧୭୫ ॥
ସହଦେଵେରିତପଦୋ ନକୁଲାର୍ଚିତଵିଗ୍ରହଃ ।
ବ୍ରହ୍ମାସ୍ତ୍ରଦଗ୍ଧଗର୍ଭସ୍ଥପୂରୁଵଂଶପ୍ରସାଧକଃ ॥ ୧୭୬ ॥
ପୌରଵେନ୍ଦ୍ରପୁରସ୍ତ୍ରୀଭ୍ୟୋ ଦ୍ଵାରକାଗମନୋତ୍ସଵଃ ।
ଆନର୍ତଦେଶନିଵସତ୍ପ୍ରଜେରିତମହତ୍କଥଃ ॥ ୧୭୭ ॥
ପ୍ରିୟପ୍ରୀତିକରୋ ମିତ୍ରଵିପ୍ରଦାରିଦ୍ର୍ୟଭଞ୍ଜନଃ ।
ତୀର୍ଥାପଦେଶସନ୍ମିତ୍ରପ୍ରିୟକୃନ୍ନନ୍ଦନନ୍ଦନଃ ॥ ୧୭୮ ॥
ଗୋପୀଜନଜ୍ଞାନଦାତା ତାତକ୍ରତୁକୃତୋତ୍ସଵଃ ।
ସଦ୍ଵୃତ୍ତଵକ୍ତା ସଦ୍ଵୃତ୍ତକର୍ତା ସଦ୍ଵୃତ୍ତପାଲକଃ ॥ ୧୭୯ ॥
ତାତାତ୍ମଜ୍ଞାନସନ୍ଦାତା ଦେଵକୀମୃତପୁତ୍ରଦଃ ।
ଶ୍ରୁତଦେଵପ୍ରିୟକରୋ ମୈଥିଲାନନ୍ଦଵର୍ଧନଃ ॥ ୧୮୦ ॥
ପାର୍ଥଦର୍ପପ୍ରଶମନୋ ମୃତଵିପ୍ରସୁତପ୍ରଦଃ ।
ସ୍ତ୍ରୀରତ୍ନଵୃନ୍ଦସନ୍ତୋଷୀ ଜନକେଲିକଲୋତ୍ସଵଃ ॥ ୧୮୧ ॥
ଚନ୍ଦ୍ରକୋଟିଜନାନନ୍ଦୀ ଭାନୁକୋଟିସମପ୍ରଭଃ ।
କୃତାନ୍ତକୋଟିଦୁର୍ଲଙ୍ଘ୍ୟଃ କାମକୋଟିମନୋହରଃ ॥ ୧୮୨ ॥
ୟକ୍ଷରାଟ୍କୋଟିଧନଵାନ୍ମରୁତ୍କୋଟିସ୍ଵଵୀର୍ୟଵାନ୍ ।
ସମୁଦ୍ରକୋଟିଗମ୍ଭୀରୋ ହିମଵତ୍କୋଟ୍ୟକମ୍ପନଃ ॥ ୧୮୩ ॥
କୋଟ୍ୟଶ୍ଵମେଧାଢ୍ୟହରଃ ତୀର୍ଥକୋଟ୍ୟଧିକାହ୍ଵୟଃ ।
ପୀୟୂଷକୋଟିମୃତ୍ୟୁଘ୍ନଃ କାମଧୁକ୍କୋଟ୍ୟଭୀଷ୍ଟଦଃ ॥ ୧୮୪ ॥
ଶକ୍ରକୋଟିଵିଲାସାଢ୍ୟଃ କୋଟିବ୍ରହ୍ମାଣ୍ଡନାୟକଃ ।
ସର୍ଵାମୋଘୋଦ୍ୟମୋଽନନ୍ତକୀର୍ତିନିଃସୀମପୌରୁଷଃ ॥ ୧୮୫ ॥
ସର୍ଵାଭୀଷ୍ଟପ୍ରଦୟଶାଃ ପୁଣ୍ୟଶ୍ରଵଣକୀର୍ତନଃ ।
ବ୍ରହ୍ମାଦିସୁରସଙ୍ଗୀତଵୀତମାନୁଷଚେଷ୍ଟିତଃ ॥ ୧୮୬ ॥
ଅନାଦିମଧ୍ୟନିଧନୋ ଵୃଦ୍ଧିକ୍ଷୟଵିଵର୍ଜିତଃ ।
ସ୍ଵଭକ୍ତୋଦ୍ଧଵମୁଖ୍ୟୈକଜ୍ଞାନଦୋ ଜ୍ଞାନଵିଗ୍ରହଃ ॥ ୧୮୭ ॥
ଵିପ୍ରଶାପଚ୍ଛଲଧ୍ଵସ୍ତୟଦୁଵଂଶୋଗ୍ରଵିକ୍ରମଃ ।
ସଶରୀରଜରାଵ୍ୟାଧସ୍ଵର୍ଗଦଃ ସ୍ଵର୍ଗିସଂସ୍ତୁତଃ ॥ ୧୮୮ ॥
ମୁମୁକ୍ଷୁମୁକ୍ତଵିଷୟୀଜନାନନ୍ଦକରୋ ୟଶଃ ।
କଲିକାଲମଲଧ୍ଵଂସିୟଶାଃ ଶ୍ରଵଣମଙ୍ଗଲଃ ॥ ୧୮୯ ॥
ଭକ୍ତପ୍ରିୟୋ ଭକ୍ତହିତୋ ଭକ୍ତଭ୍ରମରପଙ୍କଜଃ ।
ସ୍ମୃତମାତ୍ରାଖିଲତ୍ରାତା ୟନ୍ତ୍ରମନ୍ତ୍ରପ୍ରଭଞ୍ଜକଃ ॥ ୧୯୦ ॥
ସର୍ଵସମ୍ପତ୍ସ୍ରାଵିନାମା ତୁଲସୀଦାମଵଲ୍ଲଭଃ ।
ଅପ୍ରମେୟଵପୁର୍ଭାସ୍ଵଦନର୍ଘ୍ୟାଙ୍ଗଵିଭୂଷଣଃ ॥ ୧୯୧ ॥
ଵିଶ୍ଵୈକସୁଖଦୋ ଵିଶ୍ଵସଜ୍ଜନାନନ୍ଦପାଲକଃ ।
ସର୍ଵଦେଵଶିରୋରତ୍ନମଦ୍ଭୁତାନନ୍ତଭୋଗଵାନ୍ ॥ ୧୯୨ ॥
ଅଧୋକ୍ଷଜୋ ଜନାଜୀଵ୍ୟଃ ସର୍ଵସାଧୁଜନାଶ୍ରୟଃ ।
ସମସ୍ତଭୟଭିନ୍ନାମା ସ୍ମୃତମାତ୍ରାର୍ତିନାଶକଃ ॥ ୧୯୩ ॥
ସ୍ଵୟଶଃଶ୍ରଵଣାନନ୍ଦଜନରାଗୀ ଗୁଣାର୍ଣଵଃ ।
ଅନିର୍ଦେଶ୍ୟଵପୁସ୍ତପ୍ତଶରଣୋ ଜୀଵଜୀଵନଃ ॥ ୧୯୪ ॥
ପରମାର୍ଥଃ ପରଂଵେଦ୍ୟଃ ପରଜ୍ୟୋତିଃ ପରାଗତିଃ ।
ଵେଦାନ୍ତଵେଦ୍ୟୋ ଭଗଵାନନନ୍ତସୁଖସାଗରଃ ॥ ୧୯୫ ॥
ଜଗଦ୍ବନ୍ଧଧ୍ଵଂସୟଶା ଜଗଜ୍ଜୀଵଜନାଶ୍ରୟଃ ।
ଵୈକୁଣ୍ଠଲୋକୈକପତିର୍ଵୈକୁଣ୍ଠଜନଵଲ୍ଲଭଃ ॥ ୧୯୬ ॥
ପ୍ରଦ୍ୟୁମ୍ନୋ ରୁକ୍ମିଣୀପୁତ୍ରଃ ଶମ୍ବରଘ୍ନୋ ରତିପ୍ରିୟଃ ।
ପୁଷ୍ପଧନ୍ଵା ଵିଶ୍ଵଜୟୀ ଦ୍ୟୁମତ୍ପ୍ରାଣନିଷୂଦକଃ ॥ ୧୯୭ ॥
ଅନିରୁଦ୍ଧଃ କାମସୁତଃ ଶବ୍ଦୟୋନିର୍ମହାକ୍ରମଃ ।
ଉଷାପତିର୍ଵୃଷ୍ଣିପତିର୍ହୃଷୀକେଶୋ ମନଃପତିଃ ॥ ୧୯୮ ॥
ଶ୍ରୀମଦ୍ଭାଗଵତାଚାର୍ୟଃ ସର୍ଵଵେଦାନ୍ତସାଗରଃ ।
ଶୁକଃ ସକଲଧର୍ମଜ୍ଞଃ ପରୀକ୍ଷିନ୍ନୃପସତ୍କୃତଃ ॥ ୧୯୯ ॥
ଶ୍ରୀବୁଦ୍ଧୋ ଦୁଷ୍ଟବୁଦ୍ଧିଘ୍ନୋ ଦୈତ୍ୟଵେଦବହିଷ୍କରଃ ।
ପାଖଣ୍ଡମାର୍ଗପ୍ରଵଦୋ ନିରାୟୁଧଜଗଜ୍ଜୟଃ ॥ ୨୦୦ ॥
କଲ୍କୀ କଲିୟୁଗାଚ୍ଛାଦୀ ପୁନଃ ସତ୍ୟପ୍ରଵର୍ତକଃ ।
ଵିପ୍ରଵିଷ୍ଣୁୟଶୋଽପତ୍ୟୋ ନଷ୍ଟଧର୍ମପ୍ରଵର୍ତକଃ ॥ ୨୦୧ ॥
ସାରସ୍ଵତଃ ସାର୍ଵଭୌମୋ ବଲିତ୍ରୈଲୋକ୍ୟସାଧକଃ ।
ଅଷ୍ଟମ୍ୟନ୍ତରସଦ୍ଧର୍ମଵକ୍ତା ଵୈରୋଚନିପ୍ରିୟଃ ॥ ୨୦୨ ॥
ଆପଃ କରୋ ରମାନାଥୋଽମରାରିକୁଲକୃନ୍ତନଃ ।
ସୁରେନ୍ଦ୍ରହିତକୃଦ୍ଧୀରଵୀରମୁକ୍ତିବଲପ୍ରଦଃ ॥ ୨୦୩ ॥
ଵିଷ୍ଵକ୍ସେନଃ ଶମ୍ଭୁସଖୋ ଦଶମାନ୍ତରପାଲକଃ ।
ବ୍ରହ୍ମସାଵର୍ଣିଵଂଶାବ୍ଧିହିତକୃଦ୍ଵିଶ୍ଵଵର୍ଧନଃ ॥ ୨୦୪ ॥
ଧର୍ମସେତୁରଧର୍ମଘ୍ନୋ ଵୈଦ୍ୟତନ୍ତ୍ରପଦପ୍ରଦଃ ।
ଅସୁରାନ୍ତକରୋ ଦେଵାର୍ଥକସୂନୁଃ ସୁଭାଷଣଃ ॥ ୨୦୫ ॥
ସ୍ଵଧାମା ସୂନୃତାସୂନୁଃ ସତ୍ୟତେଜୋ ଦ୍ଵିଜାତ୍ମଜଃ ।
ଦ୍ଵିଷନ୍ମନୁୟୁଗତ୍ରାତା ପାତାଲପୁରଦାରଣଃ ॥ ୨୦୬ ॥
ଦୈଵହୋତ୍ରିର୍ଵାର୍ହତୋୟୋ ଦିଵସ୍ପତିରତିପ୍ରିୟଃ ।
ତ୍ରୟୋଦଶାନ୍ତରତ୍ରାତା ୟୋଗୟୋଗିଜନେଶ୍ଵରଃ ॥ ୨୦୭ ॥
ସତ୍ତ୍ରାୟଣୋ ବୃହଦ୍ବାହୁର୍ଵୈନତେୟୋ ଵିଦୁତ୍ତମଃ ।
କର୍ମକାଣ୍ଡୈକପ୍ରଵଦୋ ଵେଦତନ୍ତ୍ରପ୍ରଵର୍ତକଃ ॥ ୨୦୮ ॥
ପରମେଷ୍ଠୀ ସୁରଜ୍ୟେଷ୍ଠୋ ବ୍ରହ୍ମା ଵିଶ୍ଵସୃଜାମ୍ପତିଃ ।
ଅବ୍ଜୟୋନିର୍ହଂସଵାହଃ ସର୍ଵଲୋକପିତାମହଃ ॥ ୨୦୯ ॥
ଵିଷ୍ଣୁଃ ସର୍ଵଜଗତ୍ପାତା ଶାନ୍ତଃ ଶୁଦ୍ଧଃ ସନାତନଃ ।
ଦ୍ଵିଜପୂଜ୍ୟୋ ଦୟାସିନ୍ଧୁଃ ଶରଣ୍ୟୋ ଭକ୍ତଵତ୍ସଲଃ ॥ ୨୧୦ ॥
ରୁଦ୍ରୋ ମୃଡଃ ଶିଵଃ ଶାସ୍ତା ଶମ୍ଭୁଃ ସର୍ଵହରୋ ହରଃ ।
କପର୍ଦୀ ଶଙ୍କରଃ ଶୂଲୀ ତ୍ର୍ୟକ୍ଷୋଽଭେଦ୍ୟୋ ମହେଶ୍ଵରଃ ॥ ୨୧୧ ॥
ସର୍ଵାଧ୍ୟକ୍ଷଃ ସର୍ଵଶକ୍ତିଃ ସର୍ଵାର୍ଥଃ ସର୍ଵତୋମୁଖଃ ।
ସର୍ଵାଵାସଃ ସର୍ଵରୂପଃ ସର୍ଵକାରଣକାରଣମ୍ ॥ ୨୧୨ ॥
ଇତ୍ୟେତତ୍କଥିତଂ ଵିପ୍ର ଵିଷ୍ଣୋର୍ନାମସହସ୍ରକମ୍ ।
ସର୍ଵପାପପ୍ରଶମନଂ ସର୍ଵାଭୀଷ୍ଟଫଲପ୍ରଦମ୍ ॥ ୨୧୩ ॥
ମନଃଶୁଦ୍ଧିକରଂ ଚାଶୁ ଭଗଵଦ୍ଭକ୍ତିଵର୍ଧନମ୍ ।
ସର୍ଵଵିଘ୍ନହରଂ ସର୍ଵାଶ୍ଚର୍ୟୈଶ୍ଵର୍ୟପ୍ରଦାୟକମ୍ ॥ ୨୧୪ ॥
ସର୍ଵଦୁଃଖପ୍ରଶମନଂ ଚାତୁର୍ଵର୍ଗ୍ୟଫଲପ୍ରଦମ୍ ।
ଶ୍ରଦ୍ଧୟା ପରୟା ଭକ୍ତ୍ୟା ଶ୍ରଵଣାତ୍ପଠନାଜ୍ଜପାତ୍ ॥ ୨୧୫ ॥
ପ୍ରତ୍ୟହଂ ସର୍ଵଵର୍ଣାନାଂ ଵିଷ୍ଣୁପାଦାଶ୍ରିତାତ୍ମନାମ୍ ।
ଏତତ୍ପଠନ୍ ଦ୍ଵିଜୋ ଵିଦ୍ୟାଂ କ୍ଷତ୍ରିୟଃ ପୃଥିଵୀମିମାମ୍ ॥ ୨୧୬ ॥
ଵୈଶ୍ୟୋ ମହାନିଧିଂ ଶୂଦ୍ରୋ ଵାଞ୍ଛିତାଂ ସିଦ୍ଧିମାପ୍ନୁୟାତ୍ ।
ଦ୍ଵାତ୍ରିଂଶଦପରାଧାନ୍ୟୋ ଜ୍ଞାନାଜ୍ଞାନାଚ୍ଚରେଦ୍ଧରେଃ ॥ ୨୧୭ ॥
ନାମ୍ନା ଦଶାପରାଧାଂଶ୍ଚ ପ୍ରମାଦାଦାଚରେଦ୍ୟଦି ।
ସମାହିତମନା ହ୍ୟେତତ୍ପଠେଦ୍ଵା ଶ୍ରାଵୟେଜ୍ଜପେତ୍ ॥ ୨୧୮ ॥
ସ୍ମରେଦ୍ଵା ଶୃଣୁୟାଦ୍ଵାପି ତେଭ୍ୟଃ ସଦ୍ୟଃ ପ୍ରମୁଚ୍ୟତେ ।
ନାତଃ ପରତରଂ ପୁଣ୍ୟଂ ତ୍ରିଷୁ ଲୋକେଷୁ ଵିଦ୍ୟତେ ॥ ୨୧୯ ॥
ୟସ୍ୟୈକକୀର୍ତନେନାପି ଭଵବନ୍ଧାଦ୍ଵିମୁଚ୍ୟତେ ।
ଅତସ୍ତ୍ଵଂ ସତତଂ ଭକ୍ତ୍ୟା ଶ୍ରଦ୍ଧୟା କୀର୍ତନଂ କୁରୁ ॥ ୨୨୦ ॥
ଵିଷ୍ଣୋର୍ନାମସହସ୍ରଂ ତେ ଭଗଵତ୍ପ୍ରୀତିକାରଣମ୍ ।
ଶ୍ରୀନାରଦ ଉଵାଚ ।
ଧନ୍ୟୋଽସ୍ମ୍ୟନୁଗୃହୀତୋଽସ୍ମି ତ୍ଵୟାତିକରୁଣାତ୍ମନା ।
ୟତଃ କୃଷ୍ଣସ୍ୟ ପରମଂ ସହସ୍ରଂ ନାମକୀର୍ତିତମ୍ ॥ ୨୨୧ ॥
ୟଦ୍ୟାଲସ୍ୟାତ୍ପ୍ରମାଦାଦ୍ଵା ସର୍ଵଂ ପଠିତୁମନ୍ଵହମ୍ ।
ନ ଶକ୍ନୋମି ତଦା ଦେଵ କିଂ କରୋମି ଵଦ ପ୍ରଭୋ ॥ ୨୨୨ ॥
ଶ୍ରୀଶିଵ ଉଵାଚ ।
ୟଦି ସର୍ଵଂ ନ ଶକ୍ନୋଷି ପ୍ରତ୍ୟହଂ ପଠିତୁଂ ଦ୍ଵିଜ ।
ତଦା କୃଷ୍ଣେତି କୃଷ୍ଣେତି କୃଷ୍ଣେତି ପ୍ରତ୍ୟହଂ ଵଦ ॥ ୨୨୩ ॥
ଏତେନ ତଵ ଵିପ୍ରର୍ଷେ ସର୍ଵଂ ସମ୍ପଦ୍ୟତେ ସକୃତ୍ ।
କିଂ ପୁନର୍ଭଗଵନ୍ନାମ୍ନାଂ ସହସ୍ରସ୍ୟ ପ୍ରକୀର୍ତନାତ୍ ॥ ୨୨୪ ॥
ୟନ୍ନାମକୀର୍ତନେନୈଵ ପୁମାନ୍ ସଂସାରସାଗରମ୍ ।
ତରତ୍ୟଦ୍ଧା ପ୍ରପଦ୍ୟେ ତଂ କୃଷ୍ଣଂ ଗୋପାଲରୂପିଣମ୍ ॥ ୨୨୫ ॥
ଇତି ସାତ୍ଵତତନ୍ତ୍ରେ ଶ୍ରୀକୃଷ୍ଣସହସ୍ରନାମଷଷ୍ଠଃ ପଟଲଃ ॥ ୬ ॥
Also Read 1000 Names of Sri Krishna:
Satvatatantra’s Sri Krishna 1000 Names | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
