Gita - Geetaa

Shampaka Gita Lyrics in Bengali

Shampaka Geetaa in Bengali:

॥ শম্পাকগীতা ॥
অধ্যযঃ ১৭৬
যুধিষ্ঠির উবাচ ।
ধনিনশ্চাধনা যে চ বর্তয়ন্তে স্বতন্ত্রিণঃ ।
সুখদুঃখাগমস্তেষাং কঃ কথং বা পিতামহ ॥ ১ ॥

ভীষ্ম উবাচ ।
অত্রাপ্যুদাহরন্তীমমিতিহাসং পুরাতনম্ ।
শংপাকেনেহ মুক্তেন গীতং শান্তিগতেন চ ॥ ২ ॥

অব্রবীন্মাং পুরা কশ্চিদ্ব্রাহ্মণস্ত্যাগমাশ্রিতঃ ।
ক্লিশ্যমানঃ কুদারেণ কুচৈলেন বুভুক্ষয়া ॥ ৩ ॥

উৎপন্নমিহ লোকে বৈ জন্মপ্রভৃতি মানবম্ ।
বিবিধান্যুপবর্তন্তে দুঃখানি চ সুখানি চ ॥ ৪ ॥

তয়োরেকতরে মার্গে যদেনমভিসন্নয়েৎ ।
ন সুখং প্রাপ্য সংহৃষ্যেন্নাসুঃখং প্রাপ্য সঞ্জ্বরেৎ ॥ ৫ ॥

ন বৈ চরসি যচ্ছ্রেয় আত্মনো বা যদীশিষে ।
অকামাত্মাপি হি সদা ধুরমুদ্যম্য চৈব হ ॥ ৬ ॥

অকিঞ্চনঃ পরিপতন্সুখমাস্বাদয়িষ্যসি ।
অকিঞ্চনঃ সুখং শেতে সমুত্তিষ্ঠতি চৈব হ ॥ ৭ ॥

আকিঞ্চন্যং সুখং লোকে পথ্যং শিবমনাময়ম্ ।
অনমিত্রপথো হ্যেষ দুর্লভঃ সুলভো মতঃ ॥ ৮ ॥

অকিঞ্চনস্য শুদ্ধস্য উপপন্নস্য সর্বতঃ ।
অবেক্ষমাণস্ত্রীঁল্লোকান্ন তুল্যমিহ লক্ষয়ে ॥ ৯ ॥

আকিঞ্চন্যং চ রাজ্যং চ তুলয়া সমতোলয়ম্ ।
অত্যরিচ্যত দারিদ্র্যং রাজ্যাদপি গুণাধিকম্ ॥ ১০ ॥

আকিঞ্চন্যে চ রাজ্যে চ বিশেষঃ সুমহানয়ম্ ।
নিত্যোদ্বিগ্নো হি ধনবান্মৃত্যোরাস্য গতো যথা ॥ ১১ ॥

নৈবাস্যাগ্নির্ন চারিষ্টো ন মৃত্যুর্ন চ দস্যবঃ ।
প্রভবন্তি ধনত্যাগাদ্বিমুক্তস্য নিরাশিষঃ ॥ ১২ ॥

তং বৈ সদা কামচরমনুপস্তীর্ণশায়িনম্ ।
বাহূপধানং শাম্যন্তং প্রশংসন্তি দিবৌকসঃ ॥ ১৩ ॥

ধনবান্ক্রোধলোভাভ্যামাবিষ্টো নষ্ট চেতনঃ ।
তির্যগীক্ষঃ শুষ্কমুখঃ পাপকো ভ্রুকুটীমুখঃ ॥ ১৪ ॥

নির্দশন্নধরোষ্ঠং চ ক্রুদ্ধো দারুণভাষিতা ।
কস্তমিচ্ছেৎপরিদ্রষ্টুং দাতুমিচ্ছতি চেন্মহীম্ ॥ ১৫ ॥

শ্রিয়া হ্যভীক্ষ্ণং সংবাসো মোহয়ত্যবিচক্ষণম্ ।
সা তস্য চিত্তং হরতি শারদাভ্রমিবানিলঃ ॥ ১৬ ॥

অথৈনং রূপমানশ্চ ধনমানশ্চ বিন্দতি ।
অভিজাতোঽস্মি সিদ্ধোঽস্মি নাস্মি কেবলমানুষঃ ॥ ১৭
ইত্যেভিঃ কারণৈস্তস্য ত্রিভিশ্চিত্তং প্রমাদ্যতি ।
সম্প্রসক্তমনা ভোগান্বিসৃজ্য পিতৃসঞ্চিতান্ ।
পরিক্ষীণঃ পরস্বানামাদানং সাধু মন্যতে ॥ ১৮ ॥

তমতিক্রান্তমর্যাদমাদদানং ততস্ততঃ ।
প্রতিষেধন্তি রাজানো লুব্ধা মৃগমিবেষুভিঃ ॥ ১৯ ॥

এবমেতানি দুঃখানি তানি তানীহ মানবম্ ।
বিবিধান্যুপপান্তে গাত্রসংস্পর্শজান্যপি ॥ ২০ ॥

তেষাং পরমদুঃখানাং বুদ্ধ্যা ভৈষজ্যমাচরেৎ ।
লোকধর্মমবজ্ঞায় ধ্রুবাণামধ্রুবৈঃ সহ ॥ ২১ ॥

নাত্যক্ত্বা সুখমাপ্নোতি নাত্যক্ত্বা বিন্দতে পরম্ ।
নাত্যক্ত্বা চাভয়ঃ শেতে ত্যক্ত্বা সর্বং সুখী ভব ॥ ২২ ॥

ইত্যেতদ্ধাস্তিনপুরে ব্রাহ্মণেনোপবর্ণিতম্ ।
শংপাকেন পুরা মহ্যং তস্মাত্ত্যাগঃ পরো মতঃ ॥ ২৩ ॥

ইতি শ্রীমহাভারতে শান্তিপর্বণি মোক্ষধর্মপর্বণি
শংপাকগীতায়াং ষট্সপ্ত্যত্যধিকশততমোঽধ্যায়ঃ ॥ ১৭৬ ॥

॥ ইতি ॥

Also Read:

Shampaka Gita Lyrics in Hindi | English | Bengali | Gujarati | Kannada | Malayalam | Oriya | Telugu | Tamil