Gita - Geetaa

Shampaka Gita Lyrics in Oriya

Shampaka Geetaa in Oriya:

॥ ଶମ୍ପାକଗୀତା ॥
ଅଧ୍ୟଯଃ ୧୭୬
ଯୁଧିଷ୍ଠିର ଉବାଚ ।
ଧନିନଶ୍ଚାଧନା ଯେ ଚ ବର୍ତୟନ୍ତେ ସ୍ୱତନ୍ତ୍ରିଣଃ ।
ସୁଖଦୁଃଖାଗମସ୍ତେଷାଂ କଃ କଥଂ ବା ପିତାମହ ॥ ୧ ॥

ଭୀଷ୍ମ ଉବାଚ ।
ଅତ୍ରାପ୍ୟୁଦାହରନ୍ତୀମମିତିହାସଂ ପୁରାତନମ୍ ।
ଶଂପାକେନେହ ମୁକ୍ତେନ ଗୀତଂ ଶାନ୍ତିଗତେନ ଚ ॥ ୨ ॥

ଅବ୍ରବୀନ୍ମାଂ ପୁରା କଶ୍ଚିଦ୍ବ୍ରାହ୍ମଣସ୍ତ୍ୟାଗମାଶ୍ରିତଃ ।
କ୍ଲିଶ୍ୟମାନଃ କୁଦାରେଣ କୁଚୈଲେନ ବୁଭୁକ୍ଷୟା ॥ ୩ ॥

ଉତ୍ପନ୍ନମିହ ଲୋକେ ବୈ ଜନ୍ମପ୍ରଭୃତି ମାନବମ୍ ।
ବିବିଧାନ୍ୟୁପବର୍ତନ୍ତେ ଦୁଃଖାନି ଚ ସୁଖାନି ଚ ॥ ୪ ॥

ତୟୋରେକତରେ ମାର୍ଗେ ଯଦେନମଭିସନ୍ନୟେତ୍ ।
ନ ସୁଖଂ ପ୍ରାପ୍ୟ ସଂହୃଷ୍ୟେନ୍ନାସୁଃଖଂ ପ୍ରାପ୍ୟ ସଞ୍ଜ୍ୱରେତ୍ ॥ ୫ ॥

ନ ବୈ ଚରସି ଯଚ୍ଛ୍ରେୟ ଆତ୍ମନୋ ବା ଯଦୀଶିଷେ ।
ଅକାମାତ୍ମାପି ହି ସଦା ଧୁରମୁଦ୍ୟମ୍ୟ ଚୈବ ହ ॥ ୬ ॥

ଅକିଞ୍ଚନଃ ପରିପତନ୍ସୁଖମାସ୍ୱାଦୟିଷ୍ୟସି ।
ଅକିଞ୍ଚନଃ ସୁଖଂ ଶେତେ ସମୁତ୍ତିଷ୍ଠତି ଚୈବ ହ ॥ ୭ ॥

ଆକିଞ୍ଚନ୍ୟଂ ସୁଖଂ ଲୋକେ ପଥ୍ୟଂ ଶିବମନାମୟମ୍ ।
ଅନମିତ୍ରପଥୋ ହ୍ୟେଷ ଦୁର୍ଲଭଃ ସୁଲଭୋ ମତଃ ॥ ୮ ॥

ଅକିଞ୍ଚନସ୍ୟ ଶୁଦ୍ଧସ୍ୟ ଉପପନ୍ନସ୍ୟ ସର୍ୱତଃ ।
ଅବେକ୍ଷମାଣସ୍ତ୍ରୀଁଲ୍ଲୋକାନ୍ନ ତୁଲ୍ୟମିହ ଲକ୍ଷୟେ ॥ ୯ ॥

ଆକିଞ୍ଚନ୍ୟଂ ଚ ରାଜ୍ୟଂ ଚ ତୁଲୟା ସମତୋଲୟମ୍ ।
ଅତ୍ୟରିଚ୍ୟତ ଦାରିଦ୍ର୍ୟଂ ରାଜ୍ୟାଦପି ଗୁଣାଧିକମ୍ ॥ ୧୦ ॥

ଆକିଞ୍ଚନ୍ୟେ ଚ ରାଜ୍ୟେ ଚ ବିଶେଷଃ ସୁମହାନୟମ୍ ।
ନିତ୍ୟୋଦ୍ୱିଗ୍ନୋ ହି ଧନବାନ୍ମୃତ୍ୟୋରାସ୍ୟ ଗତୋ ଯଥା ॥ ୧୧ ॥

ନୈବାସ୍ୟାଗ୍ନିର୍ନ ଚାରିଷ୍ଟୋ ନ ମୃତ୍ୟୁର୍ନ ଚ ଦସ୍ୟବଃ ।
ପ୍ରଭବନ୍ତି ଧନତ୍ୟାଗାଦ୍ୱିମୁକ୍ତସ୍ୟ ନିରାଶିଷଃ ॥ ୧୨ ॥

ତଂ ବୈ ସଦା କାମଚରମନୁପସ୍ତୀର୍ଣଶାୟିନମ୍ ।
ବାହୂପଧାନଂ ଶାମ୍ୟନ୍ତଂ ପ୍ରଶଂସନ୍ତି ଦିବୌକସଃ ॥ ୧୩ ॥

ଧନବାନ୍କ୍ରୋଧଲୋଭାଭ୍ୟାମାବିଷ୍ଟୋ ନଷ୍ଟ ଚେତନଃ ।
ତିର୍ୟଗୀକ୍ଷଃ ଶୁଷ୍କମୁଖଃ ପାପକୋ ଭ୍ରୁକୁଟୀମୁଖଃ ॥ ୧୪ ॥

ନିର୍ଦଶନ୍ନଧରୋଷ୍ଠଂ ଚ କ୍ରୁଦ୍ଧୋ ଦାରୁଣଭାଷିତା ।
କସ୍ତମିଚ୍ଛେତ୍ପରିଦ୍ରଷ୍ଟୁଂ ଦାତୁମିଚ୍ଛତି ଚେନ୍ମହୀମ୍ ॥ ୧୫ ॥

ଶ୍ରିୟା ହ୍ୟଭୀକ୍ଷ୍ଣଂ ସଂବାସୋ ମୋହୟତ୍ୟବିଚକ୍ଷଣମ୍ ।
ସା ତସ୍ୟ ଚିତ୍ତଂ ହରତି ଶାରଦାଭ୍ରମିବାନିଲଃ ॥ ୧୬ ॥

ଅଥୈନଂ ରୂପମାନଶ୍ଚ ଧନମାନଶ୍ଚ ବିନ୍ଦତି ।
ଅଭିଜାତୋଽସ୍ମି ସିଦ୍ଧୋଽସ୍ମି ନାସ୍ମି କେବଲମାନୁଷଃ ॥ ୧୭
ଇତ୍ୟେଭିଃ କାରଣୈସ୍ତସ୍ୟ ତ୍ରିଭିଶ୍ଚିତ୍ତଂ ପ୍ରମାଦ୍ୟତି ।
ସମ୍ପ୍ରସକ୍ତମନା ଭୋଗାନ୍ୱିସୃଜ୍ୟ ପିତୃସଞ୍ଚିତାନ୍ ।
ପରିକ୍ଷୀଣଃ ପରସ୍ୱାନାମାଦାନଂ ସାଧୁ ମନ୍ୟତେ ॥ ୧୮ ॥

ତମତିକ୍ରାନ୍ତମର୍ୟାଦମାଦଦାନଂ ତତସ୍ତତଃ ।
ପ୍ରତିଷେଧନ୍ତି ରାଜାନୋ ଲୁବ୍ଧା ମୃଗମିବେଷୁଭିଃ ॥ ୧୯ ॥

ଏବମେତାନି ଦୁଃଖାନି ତାନି ତାନୀହ ମାନବମ୍ ।
ବିବିଧାନ୍ୟୁପପାନ୍ତେ ଗାତ୍ରସଂସ୍ପର୍ଶଜାନ୍ୟପି ॥ ୨୦ ॥

ତେଷାଂ ପରମଦୁଃଖାନାଂ ବୁଦ୍ଧ୍ୟା ଭୈଷଜ୍ୟମାଚରେତ୍ ।
ଲୋକଧର୍ମମବଜ୍ଞାୟ ଧ୍ରୁବାଣାମଧ୍ରୁବୈଃ ସହ ॥ ୨୧ ॥

ନାତ୍ୟକ୍ତ୍ୱା ସୁଖମାପ୍ନୋତି ନାତ୍ୟକ୍ତ୍ୱା ବିନ୍ଦତେ ପରମ୍ ।
ନାତ୍ୟକ୍ତ୍ୱା ଚାଭୟଃ ଶେତେ ତ୍ୟକ୍ତ୍ୱା ସର୍ୱଂ ସୁଖୀ ଭବ ॥ ୨୨ ॥

ଇତ୍ୟେତଦ୍ଧାସ୍ତିନପୁରେ ବ୍ରାହ୍ମଣେନୋପବର୍ଣିତମ୍ ।
ଶଂପାକେନ ପୁରା ମହ୍ୟଂ ତସ୍ମାତ୍ତ୍ୟାଗଃ ପରୋ ମତଃ ॥ ୨୩ ॥

ଇତି ଶ୍ରୀମହାଭାରତେ ଶାନ୍ତିପର୍ୱଣି ମୋକ୍ଷଧର୍ମପର୍ୱଣି
ଶଂପାକଗୀତାୟାଂ ଷଟ୍ସପ୍ତ୍ୟତ୍ୟଧିକଶତତମୋଽଧ୍ୟାୟଃ ॥ ୧୭୬ ॥

॥ ଇତି ॥

Also Read:

Shampaka Gita Lyrics in Hindi | English | Bengali | Gujarati | Kannada | Malayalam | Oriya | Telugu | Tamil