Ashtottara Shatanama

Shri Bagaiashtottara Shatanama Stotram Lyrics in Telugu

Shree Bagla Ashtottara Shatanama Stotram Lyrics in Telugu:

॥ శ్రీబగలాష్టోత్తరశతనామస్తోత్రమ్ ॥

అథవా అథవా బగలాముఖీ అష్టోత్తరశతనామస్తోత్రమ్ ।

శ్రీగణేశాయ నమః ।
నారద ఉవాచ ।
భగవన్దేవదేవేశ సృష్టిస్థితిలయాత్మక ।
శతమష్టోత్తరం నామ్నాం బగలాయా వదాధునా ॥ ౧ ॥

శ్రీభగవానువాచ ।
శృణు వత్స ప్రవక్ష్యామి నామ్నామష్టోత్తరం శతమ్ ।
పీతామ్బర్యాం మహాదేవ్యాః స్తోత్రం పాపప్రణాశనమ్ ॥ ౨ ॥

యస్య ప్రపఠనాత్సద్యో వాదీ మూకో భవేత్క్షణాత్ ।
రిపుణాం స్తమ్భనం యాతి సత్యం సత్యం వదామ్యహమ్ ॥ ౩ ॥

ఓం అస్య శ్రీపీతామ్బరాష్టోత్తరశతనామస్తోత్రస్య సదాశివ ఋషిః,
అనుష్టుప్ఛన్దః, శ్రీపీతామ్బరా దేవతా,
శ్రీపీతామ్బరాప్రీతయే పాఠే వినియోగః ।
ఓం బగలా విష్ణువనితా విష్ణుశఙ్కరభామినీ ।
బహులా వేదమాతా చ మహావిష్ణుప్రసూరపి ॥ ౪ ॥

మహామత్స్యా మహాకూర్మ్మా మహావారాహరూపిణీ ।
నారసింహప్రియా రమ్యా వామనా బటురూపిణీ ॥ ౫ ॥

జామదగ్న్యస్వరూపా చ రామా రామప్రపూజితా ।
కృష్ణా కపర్దినీ కృత్యా కలహా కలకారిణీ ॥ ౬ ॥

బుద్ధిరూపా బుద్ధభార్యా బౌద్ధపాఖణ్డఖణ్డినీ ।
కల్కిరూపా కలిహరా కలిదుర్గతి నాశినీ ॥ ౭ ॥

కోటిసూర్య్యప్రతీకాశా కోటికన్దర్పమోహినీ ।
కేవలా కఠినా కాలీ కలా కైవల్యదాయినీ ॥ ౮ ॥

కేశవీ కేశవారాధ్యా కిశోరీ కేశవస్తుతా ।
రుద్రరూపా రుద్రమూర్తీ రుద్రాణీ రుద్రదేవతా ॥ ౯ ॥

నక్షత్రరూపా నక్షత్రా నక్షత్రేశప్రపూజితా ।
నక్షత్రేశప్రియా నిత్యా నక్షత్రపతివన్దితా ॥ ౧౦ ॥

నాగినీ నాగజననీ నాగరాజప్రవన్దితా ।
నాగేశ్వరీ నాగకన్యా నాగరీ చ నగాత్మజా ॥ ౧౧ ॥

నగాధిరాజతనయా నగరాజప్రపూజితా ।
నవీనా నీరదా పీతా శ్యామా సౌన్దర్య్యకారిణీ ॥ ౧౨ ॥

రక్తా నీలా ఘనా శుభ్రా శ్వేతా సౌభాగ్యదాయినీ ।
సున్దరీ సౌభగా సౌమ్యా స్వర్ణాభా స్వర్గతిప్రదా ॥ ౧౩ ॥

రిపుత్రాసకరీ రేఖా శత్రుసంహారకారిణీ ।
భామినీ చ తథా మాయా స్తమ్భినీ మోహినీ శుభా ॥ ౧౪ ॥

రాగద్వేషకరీ రాత్రీ రౌరవధ్వంసకారిణీ ।
యక్షిణీ సిద్ధనివహా సిద్ధేశా సిద్ధిరూపిణీ ॥ ౧౫ ॥

లఙ్కాపతిధ్వంసకరీ లఙ్కేశీ రిపువన్దితా ।
లఙ్కానాథకులహరా మహారావణహారిణీ ॥ ౧౬ ॥

దేవదానవసిద్ధౌఘపూజితా పరమేశ్వరీ ।
పరాణురూపా పరమా పరతన్త్రవినాశినీ ॥ ౧౭ ॥

వరదా వరదారాధ్యా వరదానపరాయణా ।
వరదేశప్రియా వీరా వీరభూషణభూషితా ॥ ౧౮ ॥

వసుదా బహుదా వాణీ బ్రహ్మరూపా వరాననా ।
బలదా పీతవసనా పీతభూషణభూషితా ॥ ౧౯ ॥

పీతపుష్పప్రియా పీతహారా పీతస్వరూపిణీ ।
ఇతి తే కథితం విప్ర నామ్నామష్టోత్తరం శతమ్ ॥ ౨౦ ॥

యః పఠేత్పాఠయేద్వాపి శృణుయాద్వా సమాహితః ।
తస్య శత్రుః క్షయం సద్యో యాతి నైవాత్ర సంశయః ॥ ౨౧ ॥

ప్రభాతకాలే ప్రయతో మనుష్యః పఠేత్సుభక్త్యా పరిచిన్త్య పీతామ్ ।
ద్రుతం భవేత్తస్య సమస్తబుద్ధిర్వినాశమాయాతి చ తస్య శత్రుః ॥ ౨౨ ॥

॥ ఇతి శ్రీవిష్ణుయామలే నారదవిష్ణుసంవాదే
శ్రీబగలాష్టోత్తరశతనామస్తోత్రం సమాప్తమ్ ॥

Also Read:

Shri Bagaiashtottara Shatanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil