Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views :
Home / Hindu Mantras / Ashtottara Shatanama / Shri Batukabhairava Ashtottara Shatanama Stotram Lyrics in Bengali

Shri Batukabhairava Ashtottara Shatanama Stotram Lyrics in Bengali

Sri Batukabhairava Ashtottarashatanama Stotram Lyrics in Bengali:

শ্রীবটুকভৈরবাষ্টোত্তরশতনামস্তোত্রম্
আপদুদ্ধারকবটুকভৈরবস্তোত্রম্

॥ শ্রীগণেশায় নমঃ ॥

॥ শ্রীউমামহেশ্বরাভ্যাং নমঃ ॥

॥ শ্রীগুরবে নমঃ ॥

॥ শ্রীভৈরবায় নমঃ ॥

মেরুপৃষ্ঠে সুখাসীনং দেবদেবং ত্রিলোচনম্ ।
শঙ্করং পরিপপ্রচ্ছ পার্বতী পরমেশ্বরম্ ॥ ১ ॥

শ্রীপার্বত্যুবাচ –
ভগবন্সর্বধর্মজ্ঞ সর্বশাস্ত্রাগমাদিষু ।
আপদুদ্ধারণং মন্ত্রং সর্বসিদ্ধিকরং পরম্ ॥ ২ ॥

সর্বেষাং চৈব ভূতানাং হিতার্থং বাঞ্ছিতং ময়া ।
বিশেষমতস্তু রাজ্ঞাং বৈ শান্তিপুষ্টিপ্রসাধনম্ ॥ ৩ ॥

অঙ্গন্যাসকরন্যাসদেহন্যাসসমন্বিতম্ ।
বক্তুমর্হসি দেবেশ মম হর্ষবিবর্দ্ধনম্ ॥ ৪ ॥

শঙ্কর উবাচ –
শৃণু দেবি মহামন্ত্রমাপদুদ্ধারহেতুকম্ ।
সর্বদুঃখপ্রশমনং সর্বশত্রুবিনাশনম্ ॥ ৫ ॥

অপস্মারাদি রোগানাং জ্বরাদীনাং বিশেষতঃ ।
নাশনং স্মৃতিমাত্রেণ মন্ত্ররাজমিমং প্রিয়ে ॥ ৬ ॥

গ্রহরোগত্রাণনাং চ নাশনং সুখবর্দ্ধনম্ ।
স্নেহাদ্বক্ষ্যামি তং মন্ত্রং সর্বসারমিমং প্রিয়ে ॥ ৭ ॥

সর্বকামার্থদং পুণ্যং রাজ্যং ভোগপ্রদং নৃণাম্ ।
আপদুদ্ধারণমিতি মন্ত্রং বক্ষ্যাম্যশেষতঃ ॥ ৮ ॥

প্রণবং পূর্বমুদ্ধৃত্য দেবী প্রণবমুদ্ধরেত্ ।
বটুকায়েতি বৈ পশ্চাদাপদুদ্ধারণায় চ ॥ ৯ ॥

কুরু দ্বয়ং ততঃ পশ্চাদ্বটুকায় পুনঃ ক্ষিপেত্ ।
দেবীং প্রণবমুদ্ধৃত্য মন্ত্রোদ্ধারমিমং প্রিয়ে ॥ ১০ ॥

মন্ত্রোদ্ধারমিদং দেবী ত্রৈলোক্যস্যাপি দুর্লভম্ ।
ওঁ হ্রীং বটুকায় আপদুদ্ধারণায় কুরু-কুরু বটুকায় হ্রীম্ ।
অপ্রকাশ্যমিমং মন্ত্রং সর্বশক্তিসমন্বিতম্ ॥ ১১ ॥

স্মরণাদেব মন্ত্রস্য ভূতপ্রেতপিশাচকাঃ ।
বিদ্রবন্ত্যতিভীতা বৈ কালরুদ্রাদিব দ্বিজাঃ ॥ ১২ ॥

পঠেদ্বা পাঠয়েদ্বাপি পূজয়েদ্বাপি পুস্তকম্ ।
অগ্নিচৌরভয়ং তস্য গ্রহরাজভয়ং তথা ॥ ১৩ ॥

ন চ মারিভয়ং কিঞ্চিত্সর্বত্রৈব সুখী ভবেত্ ।
আয়ুরারোগ্যমৈশ্বর্যং পুত্রপৌত্রাদি সম্পদঃ ॥ ১৪ ॥

ভবন্তি সততং তস্য পুস্তকস্যাপি পূজনাত্ ।
ন দারিদ্র্যং ন দৌর্ভাগ্যং নাপদাং ভয়মেব চ ॥ ১৫ ॥

শ্রীপার্বত্যুবাচ –
য় এষ ভৈরবো নাম আপদুদ্ধারকো মতঃ ।
ত্বয়া চ কথিতো দেব ভৈরবঃকল্পবিত্তমঃ ॥ ১৬ ॥

তস্য নাম সহস্রাণি অয়ুতান্যর্বুদানি চ ।
সারং সমুদ্ধৃত্য তেষাং বৈ নামাষ্টশতকং বদ ॥ ১৭ ॥

য়ানি সঙ্কীর্তয়ন্মর্ত্যঃ সর্বদুঃখবিবর্জিতঃ ।
সর্বান্কামানবাপ্নোতি সাধকঃসিদ্ধিমেব চ ॥ ১৮ ॥

ঈশ্বর উবাচ –
শৃণু দেবি প্রবক্ষ্যামি ভৈরবস্য মহাত্মনঃ ।
আপদুদ্ধারকস্যেদং নামাষ্টশতমুত্তমম্ ॥ ১৯ ॥

সর্বপাপহরং পুণ্যং সর্বাপত্তিবিনাশনম্ ।
সর্বকামার্থদং দেবি সাধকানাং সুখাবহম্ ॥ ২০ ॥

সর্বমঙ্গলমাঙ্গল্যং সর্বোপদ্রবনাশনম্ ।
আয়ুষ্করং পুষ্টিকরং শ্রীকরং চ য়শস্করম্ ॥ ২১ ॥

নামাষ্টশতকস্যাস্য ছন্দোঽনুষ্টুপ্ প্রকীর্তিতঃ ।
বৃহদারণ্যকো নাম ঋষির্দেবোঽথ ভৈরবঃ ॥ ২২ ॥

লজ্জাবীজং বীজমিতি বটুকামেতি শক্তিকম্ ।
প্রণবঃ কীলকং প্রোক্তমিষ্টসিদ্ধৌ নিয়োজয়েত্ ॥ ২৩ ॥

অষ্টবাহুং ত্রিনয়নমিতি বীজং সমাহিতঃ ।
শক্তিঃ হ্রীং কীলকং শেষমিষ্টসিদ্ধৌ নিয়োজয়েত্ ॥ ২৪ ॥

ওঁ অস্য শ্রীমদাপদুদ্ধারক-বটুকভৈরবাষ্টোত্তরশতনামস্তোত্রস্য
বৃহদারণ্যক ঋষিঃ । অনুষ্টুপ্ ছন্দঃ।
শ্রীমদাপদুদ্ধারক-বটুকভৈরবো দেবতা ।
বং বীজম্ । হ্রীং বটুকায় ইতি শক্তিঃ । প্রণবঃ কীলকম্ ।
মমাভীষ্টসিদ্ধ্যর্থে জপে বিনিয়োগঃ ॥

॥ ঋষ্যাদি ন্যাসঃ ॥

শ্রীবৃহদারণ্যকঋষয়ে নমঃ (শিরসি)।
অনুষ্টপ্ ছন্দসে নমঃ (মুখে)।
শ্রীবটুকভৈরব দেবতায়ৈ নমঃ (হৃদয়ে)।
ওঁ বং বীজায় নমঃ (গুহ্যে)।
ওঁ হ্রীং বটুকায়েতি শক্তয়ে নমঃ পাদয়োঃ ।
ওঁ কীলকায় নমঃ (নাভৌ)।
বিনিয়োগায় নমঃ সর্বাঙ্গে ।
॥ ইতি ঋষ্যাদি ন্যাসঃ ॥

॥ অথ করন্যাসঃ ॥

ওঁ হ্রাং বাং ঈশানায় নমঃ অঙ্গুষ্ঠাভ্যাং নমঃ ।
ওঁ হ্রীং বীং তত্পুরুষায় নমঃ তর্জনীভ্যাং নমঃ ।
ওঁ হ্রূং বূং অঘোরায় নমঃ মধ্যমাভ্যাং নমঃ ।
ওঁ হ্রৈং বৈং বামদেবায় নমঃ অনামিকাভ্যাং নমঃ ।
ওঁ হ্রৌং বৌং সদ্যোজাতায় নমঃ কনিষ্ঠিকাভ্যাং বমঃ ।
ওঁ হ্রঃ বঃ পঞ্চবক্ত্রায় মহাদেবায় নমঃ করতলকরপৃষ্ঠাভ্যাং নমঃ ।
॥ ইতি করন্যাসঃ ॥

॥ অথ হৃদয়াদি ন্যাসঃ ॥

ওঁ হ্রাং বাং ঈশানায় নমঃ হৃদয়ায় নমঃ ।
ওঁ হ্রীং বীং তত্পুরুষায় নমঃ শিরসে স্বাহা ।
ওঁ হ্রূং বূং অঘোরায় নমঃ শিখায়ৈ বষট্ ।
ওঁ হ্রৈং বৈং বামদেবায় নমঃ কবচায় হুম্ ।
ওঁ হ্রৌং বৌং সদ্যোজাতায় নমঃ নেত্রত্রয়ায় বৌষট্ ।
ওঁ হ্রঃ বঃ পঞ্চবক্ত্রায় মহাদেবায় নমঃ অস্ত্রায় ফট্ ।
॥ ইতি হৃদয়াদি ন্যাসঃ ॥

অথ দেহন্যাসঃ ।
ভৈরবং মূর্ধ্নি বিন্যস্য ললাটে ভীমদর্শনম্ ।
নেত্রয়োর্ভূতহননং সারমেয়ানুগং ভ্রুবোঃ ॥ ২৫ ॥

কর্ণয়োর্ভূতনাথং চ প্রেতবাহুং কপোলয়োঃ ।
নাসৌষ্ঠয়োশ্চৈব তথা ভস্মাঙ্গং সর্পবিভূষণম্ ॥ ২৬ ॥

অনাদিভূতভাষ্যৌ চ শক্তিহস্তখলে ন্যসেত্ ।
স্কন্ধয়োর্দৈত্যশমনং বাহ্বোরতুলতেজসঃ ॥ ২৭ ॥

পাণ্যোঃ কপালিনং ন্যস্য হৃদয়ে মুণ্ডমালিনম্ ।
শান্তং বক্ষস্থলে ন্যস্য স্তনয়োঃ কামচারিণম্ ॥ ২৮ ॥

উদরে চ সদা তুষ্টং ক্ষেত্রেশং পার্শ্বয়োস্তথা ।
ক্ষেত্রপালং পৃষ্ঠদেশে ক্ষেত্রজ্ঞং নাভিদেশকে ॥ ২৯ ॥

পাপৌঘনাশনং কট্যাং বটুকং লিঙ্গদেশকে ।
গুদে রক্ষাকরং ন্যস্যেত্তথোর্বোর্রক্তলোচনম্ ॥ ৩০ ॥

জানুনোর্ঘুর্ঘুরারাবং জঙ্ঘয়ো রক্তপাণিনম্ ।
গুল্ফয়োঃ পাদুকাসিদ্ধং পাদপৃষ্ঠে সুরেশ্বরম্ ॥ ৩১ ॥

আপাদমস্তকং চৈব আপদুদ্ধারকং তথা ।
পূর্বে ডমরুহস্তং চ দক্ষিণে দণ্ডধারিণম্ ॥ ৩২ ॥

খড্গহস্তে পশ্চিমায়াং ঘণ্টাবাদিনমুত্তরে ।
আগ্নেয়্যামগ্নিবর্ণং চ নৈরৃত্যে চ দিগম্বরম্ ॥ ৩৩ ॥

বায়ব্যাং সর্বভূতস্থমৈশান্যে চাষ্টসিদ্ধিদম্ ।
ঊর্ধ্বং খেচারিণং ন্যস্য পাতালে রৌদ্ররূপিণম্ ॥ ৩৪ ॥

এবং বিন্যস্য স্বদেহস্য ষডঙ্গেষু ততো ন্যসেত্ ।
রুদ্রং মুখোষ্ঠয়োর্ন্যস্য তর্জন্যোশ্চ দিবাকরম্ ॥ ৩৫ ॥

শিবং মধ্যময়োর্ন্যস্য নাসিকায়াং ত্রিশূলিনম্ ।
ব্রহ্মাণং তু কনিষ্ঠিক্যাং স্তনয়োস্ত্রিপুরান্তকম্ ॥ ৩৬ ॥

মাংসাসিনং করাগ্রে তু করপৃষ্ঠে দিগম্বরম্ ।

অথ নামাঙ্গন্যাসঃ ।
হৃদয়ে ভূতনাথায় আদিনাথায় মূর্দ্ধনি ॥ ৩৭ ॥

আনন্দপাদপূর্বায় নাথায় চ শিখাসু চ ।
সিদ্ধসামরনাথায় কবচং বিন্যসেত্ততঃ ॥ ৩৮ ॥

সহজানন্দনাথায় ন্যসেন্নেত্রত্রয়েষু চ ।
পরমানন্দনাথায় অস্ত্রং চৈব প্রয়োজয়েত্ ॥ ৩৯ ॥

এবং ন্যাসবিধিং কৃত্বা য়থাবত্তদনন্তরম্ ।
তস্য ধ্যানং প্রবক্ষ্যামি য়থা ধ্যাত্বা পঠেন্নরঃ ॥ ৪০ ॥

শুদ্ধস্ফটিকসঙ্কাশং নীলাঞ্জনসমপ্রভম্ ।
অষ্টবাহুং ত্রিনয়নং চতুর্বাহুং দ্বিবাহুকম্ ॥ ৪১ ॥

দংষ্ট্রাকরালবদনং নূপুরারাবসঙ্কুলম্ ।
ভুজঙ্গমেখলং দেবমগ্নিবর্ণং শিরোরুহম্ ॥ ৪২ ॥

দিগম্বরং কুমারীশং বটুকাখ্যং মহাবলম্ ।
খট্বাঙ্গমসিপাশং চ শূলং দক্ষিণভাগতঃ ॥ ৪৩ ॥

ডমরুং চ কপোলং চ বরদং ভুজগং তথা ।
অগ্নিবর্ণং সমোপেতং সারমেয়সমন্বিতম্ ॥ ৪৪ ॥

ধ্যাত্বা জপেত্সুসংস্পৃষ্টঃ সর্বান্কামানবাপ্নুয়াত্ ॥

ধ্যাত্বা জপেত্সুসংস্পৃষ্টঃ সর্বান্কামানবাপ্নুয়াত্ ॥

মন্ত্রমহার্ণবে সাত্ত্বিকধ্যানম্ –
বন্দে বালং স্ফটিকসদৃশং কুণ্ডলোভাসিতাঙ্গং
দিব্যাকল্পৈর্নবমণিময়ৈঃ কিঙ্কিণীনূপুরাঢ্যৈঃ ॥

দীপ্তাকারং বিশদবসনং সুপ্রসন্নং ত্রিনেত্রং
হস্তাগ্রাভ্যাম্বটুকেশং শূলদণ্ডৈর্দধানম্ ॥ ১ ॥

মন্ত্রমহার্ণবে রাজসধ্যানম্ –
উদ্যদ্ভাস্করসন্নিভং ত্রিনয়নং রক্তাঙ্গরাগস্রজং
স্মেরাস্যং বরদং কপালমভয়ং শূলং দধানং করৈঃ ॥

নীলগ্রীবমুদারভূষণয়ুতং শীতাংশুখণ্ডোজ্জ্বলং
বন্ধূকারুণবাসসং ভয়হরং দেবং সদা ভাবয়ে ॥ ২ ॥

মন্ত্রমহার্ণবে তামসধ্যানম্ –
ধ্যায়েন্নীলাদ্রিকান্তিং শশিশকলধরং মুণ্ডমালং মহেশং
দিগ্বস্ত্রং পিঙ্গলাক্ষং ডমরুমথ সৃণিং খড্গপাশাভয়ানি ॥

নাগং ঘণ্টাং কপালং করসরসিরুহৈর্বিভ্রতং ভীমদংষ্ট্রং,
দিব্যাকল্পং ত্রিনেত্রং মণিময়বিলসত্কিঙ্কিণীনূপুরাঢ্যম্ ॥ ৩ ॥

॥ ইতি ধ্যানত্রয়ম্ ॥

সাত্ত্বিকং ধ্যানমাখ্যাতঞ্চতুর্বর্গফলপ্রদম্ ।
রাজসং কার্যশুভদং তামসং শত্রুনাশনম্ ॥ ১ ॥

ধ্যাত্বা জপেত্সুসংহৃষ্টঃ সর্বান্কামানবাপ্নুয়াত্ ।
আয়ুরারোগ্যমৈশ্বর্যং সিদ্ধ্যর্থং বিনিয়োজয়েত্ ॥ ২ ॥

বিনিয়োগঃ
ওঁ অস্য শ্রীবটুকভৈরবনামাষ্টশতকস্য আপদুদ্ধারণস্তোমন্ত্রস্য,
বৃহদারণ্যকো নাম ঋষিঃ, শ্রীবটুকভৈরবো দেবতা, অনুষ্টুপ্ ছন্দঃ,
হ্রীং বীজম্, বটুকায়েতি শক্তিঃ, প্রণবঃ কীলকং, অভীষ্টতাং সিদ্ধ্যির্থে
জপে বিনিয়োগঃ ॥ হ্রীং হ্রৌং নমঃ শিবায় ইতি নমস্কার মন্ত্রঃ ॥

॥ অথ ধ্যানম্ ॥

বন্দে বালং স্ফটিকসদৃশং কুণ্ডলোদ্ভাসিবক্ত্রং
দিব্যাকল্পৈর্নবমণিময়ৈঃ কিঙ্কিণীনূপুরাঢ্যৈঃ ।
দীপ্তাকারং বিশদবদনং সুপ্রসন্নং ত্রিনেত্রং
হস্তাগ্রাভ্যাং বটুকমনিশং শূলদণ্ডৌ দধানম্ ॥
করকলিতকপালঃ কুণ্ডলী দণ্ডপাণিঃ
তরুণতিমিরনীলো ব্যালয়জ্ঞোপবীতী ।
ক্রতুসময়সপর্যাবিঘ্নবিচ্ছিপ্তিহেতুঃ
জয়তি বটুকনাথঃ সিদ্ধিদঃ সাধকানাম্ ॥

শুদ্ধস্ফটিকসঙ্কাশং সহস্রাদিত্যবর্চসম্ ।
নীলজীমূতসঙ্কাশং নীলাঞ্জনসমপ্রভম্ ॥

অষ্টবাহুং ত্রিনয়নং চতুর্বাহুং দ্বিবাহুকম্ ।
দশবাহুমথোগ্রং চ দিব্যাম্বরপরিগ্রহম্ ॥

দংষ্ট্রাকরালবদনং নূপুরারাবসঙ্কুলম্ ।
ভুজঙ্গমেখলং দেবমগ্নিবর্ণং শিরোরুহম্ ॥

দিগম্বরমাকুরেশং বটুকাখ্যং মহাবলম্ ।
খট্বাঙ্গমসিপাশং চ শূলং দক্ষিণভাগতঃ ॥

ডমরুং চ কপালং চ বরদং ভুজগং তথা ।
আত্মবর্ণসমোপেতং সারমেয়সমন্বিতম্ ॥

॥ ইতি ধ্যানম্ ॥

॥ মূলমন্ত্রঃ ॥

ওঁ হ্রীং বটুকায়াপদুদ্ধারণায় কুরু কুরু বটুকায় হ্রীং ওঁ
ইসকা জপ ১১ ২১ ৫১ য়া ১০৮ বার করে

॥ অথ স্তোত্রম্ ॥
ওঁ হ্রীং ভৈরবো ভূতনাথশ্চ ভূতাত্মা ভূতভাবনঃ ।
ক্ষেত্রদঃ ক্ষেত্রপালশ্চ ক্ষেত্রজ্ঞঃ ক্ষত্রিয়ো বিরাট্ ॥ ১ ॥

শ্মশানবাসী মাংসাশী খর্পরাশী স্মরান্তকঃ ।
রক্তপঃ পানপঃ সিদ্ধঃ সিদ্ধিদঃ সিদ্ধসেবিতঃ ॥ ২ ॥

কঙ্কালঃ কালশমনঃ কলাকাষ্ঠাতনুঃ কবিঃ ।
ত্রিনেত্রো বহুনেত্রশ্চ তথা পিঙ্গললোচনঃ ॥ ৩ ॥

শূলপাণিঃ খঙ্গপাণিঃ কঙ্কালী ধূম্রলোচনঃ ।
অভীরুর্ভৈরবীনাথো ভূতপো য়োগিনীপতিঃ ॥ ৪ ॥

ধনদোঽধনহারি চ ধনবান্প্রীতিবর্ধনঃ । প্রতিভানবান্
নাগহারো নাগকেশো ব্যোমকেশো কপালভৃত্ ॥ ৫ ॥ নাগপাশো
কালঃ কপালমালি চ কমনীয়ঃ কলানিধিঃ ।
ত্রিলোচনো জ্বলন্নেত্রস্ত্রিশিখী চ ত্রিলোকভৃত্ ॥ ত্রিলোকপঃ
ত্রিনেত্রতনয়ো ডিম্ভঃ শান্তঃ শান্তজনপ্রিয়ঃ ।
বটুকো বটুবেশশ্চ খট্বাঙ্গবরধারকঃ ॥ ৭ ॥

ভূতাধ্যক্ষো পশুপতির্ভিক্ষুকঃ পরিচারকঃ ।
ধূর্তো দিগম্বরঃ শূরো হরিণঃ পাণ্ডুলোচনঃ ॥ ৮ ॥

প্রশান্তঃ শান্তিদঃ শুদ্ধঃ শঙ্করপ্রিয়বান্ধবঃ ।
অষ্টমূর্তির্নিধীশশ্চ জ্ঞানচক্ষুস্তপোময়ঃ ॥ ৯ ॥

অষ্টাধারঃ ষডাধারঃ সর্পয়ুক্তঃ শিখীসখঃ ।
ভূধরো ভুধরাধীশো ভূপতির্ভূধরাত্মজঃ ॥ ১০ ॥

কঙ্কালধারী মুণ্ডী চ আন্ত্রয়জ্ঞোপবীতবান্ ।
variation কপালধারি মুণ্ডী চ নাগয়জ্ঞোপবীতবান্ ।
জৃম্ভণো মোহনঃ স্তম্ভী মারণঃ ক্ষোভণস্তথা ॥ ১১ ॥

শুদ্ধনীলাঞ্জনপ্রখ্যো দৈত্যহা মুণ্ডবিভূষিতঃ ।
বলিভুগ্ বলিভুঙ্নাথো বালোঽবালপরাক্রমঃ ॥ ১২ ॥

সর্বাপত্তারণো দুর্গো দুষ্টভূতনিষেবিতঃ ।
কামী কলানিধিঃ কান্তঃ কামিনীবশকৃদ্বশী ॥ ১৩ ॥

জগদ্রক্ষাকরোঽনন্তো মায়ামন্ত্রৌষধীময়ঃ ।
সর্বসিদ্ধিপ্রদো বৈদ্যঃ প্রভবিষ্ণুরিতীব হি হ্রীং ওং ॥ ১৪ ॥

ফলশ্রুতিঃ ।
অষ্টোত্তরশতং নাম্নাং ভৈরবায় মহাত্মনঃ ।
ময়া তে কথিতং দেবি রহস্যং সর্বকামদম্ ॥ ১৫ ॥

য় ইদং পঠতি স্তোত্রং নামাষ্টশতমুত্তমম্ ।
ন তস্য দুরিতং কিঞ্চিন্ন রোগেভ্যো ভয়ং ভবেত্ ॥ ১৬ ॥

ন চ মারীভয়ং কিঞ্চিন্ন চ ভূতভয়ং ক্বচিত্ ।
ন শত্রুভ্যো ভয়ং কিঞ্চিত্প্রাপ্নুয়ান্মানবঃ ক্বচিত্ ॥ ১৭ ॥

পাতকেভ্যো ভয়ং নৈব য়ঃ পঠেত্স্তোত্রমুত্তমম্ ।
মারীভয়ে রাজভয়ে তথা চৌরাগ্নিজে ভয়ে ॥ ১৮ ॥

ঔত্পত্তিকে মহাঘোরে তথা দুঃখপ্রদর্শনে ।
বন্ধনে চ তথা ঘোরে পঠেত্স্তোত্রমনুত্তমম্ ॥ ১৯ ॥

সর্বং প্রশমমায়াতি ভয়ং ভৈরবকীর্তনাত্ ।
একাদশসহস্রং তু পুরশ্চরণমুচ্যতে ॥ ২০ ॥

য়স্ত্রিসন্ধ্যং পঠেদ্দেবি সংবত্সরমতন্দ্রিতঃ ।
স সিদ্ধিং প্রাপ্নুয়াদিষ্টাং দুর্লভামপি মানবঃ ॥ ২১ ॥

ষণ্মাসং ভূমিকামস্তু জপিত্বা প্রাপ্নুয়ান্মহীম্ ।
রাজশত্র্যুবিনাশার্থং পঠেন্মাসাষ্টকং পুনঃ ॥ ২২ ॥

রাত্রৌ বারত্রয়ং চৈব নাশয়ত্যেব শাত্রবান্ ।
জপেন্মাসত্রয়ং মর্ত্যো রাজানং বশমানয়েত্ ॥ ২৩ ॥

ধনার্থী চ সুতার্থী চ দারার্থী চাপি মানবঃ ।
পঠেন্ (জপেন্) মাসত্রয়ং দেবি বারমেকং তথা নিশি ॥ ২৪ ॥

ধনং পুত্রং তথা দারান্প্রাপ্নুয়ান্নাত্র সংশয়ঃ ।
রোগী ভয়াত্প্রমুচ্যেত বদ্ধো মুচ্যেত বন্ধনাত্ ॥ ২৫ ॥

ভীতো ভয়াত্প্রমুচ্যেত দেবি সত্যং ন সংশয়ঃ ।
নিগডিশ্চাপি বদ্ধো য়ঃ কারাগেহে নিপাতিতঃ ॥ ২৬ ॥

শৃঙ্খলাবন্ধনং প্রাপ্তং পঠেচ্চৈব দিবানিশি ।
য়ং য়ং চিন্তয়তে কামং তং তং প্রাপ্নোতি নিশ্চিতম্ ।
অপ্রকাশ্যং পরং গুহ্যং ন দেয়ং য়স্য কস্যচিত্ ॥ ২৭ ॥

সুকুলীনায় শান্তায় ঋজবে দম্ভবর্জিতে ।
দদ্যাত্স্তোত্রমিমং পুণ্যং সর্বকামফলপ্রদম্ ॥ ২৮ ॥

জজাপ পরমং প্রাপ্যং ভৈরবস্য মহাত্মনঃ ।
ভৈরবস্য প্রসন্নাভূত্সর্বলোকমহেশ্বরী ॥ ২৯ ॥

ভৈরবস্তু প্রহৃষ্টোঽভূত্সর্বগঃ পরমেশ্বরঃ ।
জজাপ পরয়া ভক্ত্যা সদা সর্বেশ্বরেশ্বরীম্ ॥ ৩০ ॥

॥ ইতি শ্রীবটুকভৈরবাষ্টোত্তরশতনামস্তোত্রম্ সম্পূর্ণম্ ॥

Also Read:

Shri Batukabhairava Ashtottara Shatanama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

  • Facebook
  • Twitter
  • Google+
  • Pinterest
 
Note: We will give astrological reading / solution for those who are longing for children and do not give predictions for Job, etc.

Leave a Comment

Your email address will not be published. Required fields are marked *