Sri Batukabhairava Ashtottara Shatanama Stotram 2 Lyrics in Oriya:
ଶ୍ରୀବଟୁକଭୈରଵାଷ୍ଟୋତ୍ତରଶତନାମସ୍ତୋତ୍ରମ୍ ୨
॥ ଶ୍ରୀଗଣେଶାୟ ନମଃ ॥
॥ ଶ୍ରୀଉମାମହେଶ୍ଵରାଭ୍ୟାଂ ନମଃ ॥
॥ ଶ୍ରୀଗୁରଵେ ନମଃ ॥
॥ ଶ୍ରୀଭୈରଵାୟ ନମଃ ॥
ଓଂ ଅସ୍ୟ ଶ୍ରୀବଟୁକଭୈରଵସ୍ତୋତ୍ରମନ୍ତ୍ରସ୍ୟ କାଲଗ୍ନିରୁଦ୍ର ଋଷିଃ ।
ଅନୁଷ୍ଟୁପ୍ ଛନ୍ଦଃ । ଆପଦୁଦ୍ଧାରକବଟୁକଭୈରଵୋ ଦେଵତା । ହ୍ରୀଂ ବୀଜମ୍ ।
ଭୈରଵୀଵଲ୍ଲଭଃ ଶକ୍ତିଃ । ନୀଲଵର୍ଣୋ ଦଣ୍ଡପାଣିରିତି କୀଲକମ୍ ।
ସମସ୍ତଶତ୍ରୁଦମନେ ସମସ୍ତାପନ୍ନିଵାରଣେ ସର୍ଵାଭୀଷ୍ଟପ୍ରଦାନେ ଚ ଵିନିୟୋଗଃ ॥
॥ ଋଷ୍ୟାଦି ନ୍ୟାସଃ ॥
ଓଂ କାଲାଗ୍ନିରୁଦ୍ର ଋଷୟେ ନମଃ ଶିରସି । ଅନୁଷ୍ଟୁପ୍ଛନ୍ଦସେ ନମଃ ମୁଖେ ।
ଆପଦୁଦ୍ଧାରକଶ୍ରୀବଟୁକଭୈରଵ ଦେଵତାୟୈ ନମଃ ହୃଦୟେ ।
ହ୍ରୀଂ ବୀଜାୟ ନମଃ ଗୁହ୍ୟେ । ଭୈରଵୀଵଲ୍ଲଭ ଶକ୍ତୟେ ନମଃ ପାଦୟୋଃ ।
ନୀଲଵର୍ଣୋ ଦଣ୍ଡପାଣିରିତି କୀଲକାୟ ନମଃ ନାଭୌ ।
ସମସ୍ତଶତ୍ରୁଦମନେ ସମସ୍ତାପନ୍ନିଵାରଣେ ସର୍ଵାଭୀଷ୍ଟପ୍ରଦାନେ
ଵିନିୟୋଗାୟ ନମଃ ସର୍ଵାଙ୍ଗେ ।
॥ ଇତି ଋଷ୍ୟାଦି ନ୍ୟାସଃ ॥
॥ ଅଥ ମୂଲମନ୍ତ୍ରଃ ॥
॥ ଓଂ ହ୍ରୀଂ ଵାଂ ବଟୁକାୟ କ୍ଷ୍ରୌଂ କ୍ଷୌ ଆପଦୁଦ୍ଧାରଣାୟ
କୁରୁ କୁରୁ ବଟୁକାୟ ହ୍ରାଂ ବଟୁକାୟ ସ୍ଵାହା ॥
॥ ଇତି ମୂଲମନ୍ତ୍ରଃ ॥
॥ ଅଥ ଧ୍ୟାନମ୍ ॥
ନୀଲଜୀମୂତସଙ୍କାଶୋ ଜଟିଲୋ ରକ୍ତଲୋଚନଃ ।
ଦଂଷ୍ଟ୍ରାକରାଲଵଦନଃ ସର୍ପୟଜ୍ଞୋପଵୀତଵାନ୍ ॥
ଦଂଷ୍ଟ୍ରାୟୁଧାଲଂକୃତଶ୍ଚ କପାଲସ୍ରଗ୍ଵିଭୂଷିତଃ ।
ହସ୍ତନ୍ୟସ୍ତକରୋଟୀକୋ ଭସ୍ମଭୂଷିତଵିଗ୍ରହଃ ॥
ନାଗରାଜକଟୀସୂତ୍ରୋ ବାଲମୂର୍ତି ଦିଗମ୍ବରଃ ।
ମଞ୍ଜୁ ସିଞ୍ଜାନମଞ୍ଜରୀ ପାଦକମ୍ପିତଭୂତଲଃ ॥
ଭୂତପ୍ରେତପିଶାଚୈଶ୍ଚ ସର୍ଵତଃ ପରିଵାରିତଃ ।
ୟୋଗିନୀଚକ୍ରମଧ୍ୟସ୍ଥୋ ମାତୃମଣ୍ଡଲଵେଷ୍ଟିତଃ ॥
ଅଟ୍ଟହାସସ୍ଫୁରଦ୍ଵକ୍ତ୍ରୋ ଭ୍ରୁକୁଟୀଭୀଷଣାନନଃ ।
ଭକ୍ତସଂରକ୍ଷଣାର୍ଥାୟ ଦିକ୍ଷୁଭ୍ରମଣତତ୍ପରଃ ॥
॥ ଇତି ଧ୍ୟାନମ୍ ॥
ଅଥ ସ୍ତୋତ୍ରମ୍ ।
ଓଂ ହ୍ରୀଂ ବଟୁକୋ ଵରଦଃ ଶୂରୋ ଭୈରଵଃ କାଲଭୈରଵଃ ।
ଭୈରଵୀଵଲ୍ଲଭୋ ଭଵ୍ୟୋ ଦଣ୍ଡପାଣିର୍ଦୟାନିଧିଃ ॥ ୧ ॥
ଵେତାଲଵାହନୋ ରୌଦ୍ରୋ ରୁଦ୍ରଭ୍ରୁକୁଟିସମ୍ଭଵଃ ।
କପାଲଲୋଚନଃ କାନ୍ତଃ କାମିନୀଵଶକୃଦ୍ଵଶୀ ॥ ୨ ॥
ଆପଦୁଦ୍ଧାରଣୋ ଧୀରୋ ହରିଣାଙ୍କଶିରୋମଣିଃ ।
ଦଂଷ୍ଟ୍ରାକରାଲୋ ଦଷ୍ଟୋଷ୍ଠୌ ଧୃଷ୍ଟୋ ଦୁଷ୍ଟନିବର୍ହଣଃ ॥ ୩ ॥
ସର୍ପହାରଃ ସର୍ପଶିରାଃ ସର୍ପକୁଣ୍ଡଲମଣ୍ଡିତଃ ।
କପାଲୀ କରୁଣାପୂର୍ଣଃ କପାଲୈକଶିରୋମଣିଃ ॥ ୪ ॥
ଶ୍ମଶାନଵାସୀ ମାଂସାଶୀ ମଧୁମତ୍ତୋଽଟ୍ଟହାସଵାନ୍ ।
ଵାଗ୍ମୀ ଵାମଵ୍ରତୋ ଵାମୋ ଵାମଦେଵପ୍ରିୟଙ୍କରଃ ॥ ୫ ॥
ଵନେଚରୋ ରାତ୍ରିଚରୋ ଵସୁଦୋ ଵାୟୁଵେଗଵାନ୍ ।
ୟୋଗୀ ୟୋଗଵ୍ରତଧରୋ ୟୋଗିନୀଵଲ୍ଲଭୋ ୟୁଵା ॥ ୬ ॥
ଵୀରଭଦ୍ରୋ ଵିଶ୍ଵନାଥୋ ଵିଜେତା ଵୀରଵନ୍ଦିତଃ ।
ଭୃତଧ୍ୟକ୍ଷୋ ଭୂତିଧରୋ ଭୂତଭୀତିନିଵାରଣଃ ॥ ୭ ॥
କଲଙ୍କହୀନଃ କଙ୍କାଲୀ କ୍ରୂରକୁକ୍କୁରଵାହନଃ ।
ଗାଢୋ ଗହନଗମ୍ଭୀରୋ ଗଣନାଥସହୋଦରଃ ॥ ୮ ॥
ଦେଵୀପୁତ୍ରୋ ଦିଵ୍ୟମୂର୍ତିର୍ଦୀପ୍ତିମାନ୍ ଦୀପ୍ତିଲୋଚନଃ ।
ମହାସେନପ୍ରିୟକରୋ ମାନ୍ୟୋ ମାଧଵମାତୁଲଃ ॥ ୯ ॥
ଭଦ୍ରକାଲୀପତିର୍ଭଦ୍ରୋ ଭଦ୍ରଦୋ ଭଦ୍ରଵାହନଃ ।
ପଶୂପହାରରସିକଃ ପାଶୀ ପଶୁପତିଃ ପତିଃ ॥ ୧୦ ॥
ଚଣ୍ଡଃ ପ୍ରଚଣ୍ଡଚଣ୍ଡେଶଶ୍ଚଣ୍ଡୀହୃଦୟନନ୍ଦନଃ ।
ଦକ୍ଷୋ ଦକ୍ଷାଧ୍ଵରହରୋ ଦିଗ୍ଵାସା ଦୀର୍ଘଲୋଚନଃ ॥ ୧୧ ॥
ନିରାତଙ୍କୋ ନିର୍ଵିକଲ୍ପଃ କଲ୍ପଃ କଲ୍ପାନ୍ତଭୈରଵଃ ।
ମଦତାଣ୍ଡଵକୃନ୍ମତ୍ତୋ ମହାଦେଵପ୍ରିୟୋ ମହାନ୍ ॥ ୧୨ ॥
ଖଟ୍ଵାଙ୍ଗପାଣିଃ ଖାତୀତଃ ଖରଶୂଲଃ ଖରାନ୍ତକୃତ୍ ।
ବ୍ରହ୍ମାଣ୍ଡଭେଦନୋ ବ୍ରହ୍ମଜ୍ଞାନୀ ବ୍ରାହ୍ମଣପାଲକଃ ॥ ୧୩ ॥
ଦିଗ୍ଚରୋ ଭୂଚରୋ ଭୂଷ୍ଣୁଃ ଖେଚରଃ ଖେଲନପ୍ରିୟଃ । ଦିଗ୍ଚରୋ
ସର୍ଵଦୁଷ୍ଟପ୍ରହର୍ତା ଚ ସର୍ଵରୋଗନିଷୂଦନଃ ।
ସର୍ଵକାମପ୍ରଦଃ ଶର୍ଵଃ ସର୍ଵପାପନିକୃନ୍ତନଃ ॥ ୧୪ ॥
ଇତ୍ଥମଷ୍ଟୋତ୍ତରଶତଂ ନାମ୍ନାଂ ସର୍ଵସମୃଦ୍ଧିଦମ୍ ।
ଆପଦୁଦ୍ଧାରଜନକଂ ବଟୁକସ୍ୟ ପ୍ରକୀର୍ତିତମ୍ ॥ ୧୫ ॥
ଏତଚ୍ଚ ଶୃଣୁୟାନ୍ନିତ୍ୟଂ ଲିଖେଦ୍ଵା ସ୍ଥାପୟେଦ୍ଗୃହେ ।
ଧାରୟେଦ୍ଵା ଗଲେ ବାହୌ ତସ୍ୟ ସର୍ଵା ସମୃଦ୍ଧୟଃ ॥ ୧୬ ॥
ନ ତସ୍ୟ ଦୁରିତଂ କିଞ୍ଚିନ୍ନ ଚୋରନୃପଜଂ ଭୟମ୍ ।
ନ ଚାପସ୍ମୃତିରୋଗେଭ୍ୟୋ ଡାକିନୀଭ୍ୟୋ ଭୟଂ ନ ହି ॥ ୧୭ ॥
ନ କୂଷ୍ମାଣ୍ଡଗ୍ରହାଦିଭ୍ୟୋ ନାପମୃତ୍ୟୋର୍ନ ଚ ଜ୍ଵରାତ୍ ।
ମାସମେକଂ ତ୍ରିସନ୍ଧ୍ୟଂ ତୁ ଶୁଚିର୍ଭୂତ୍ଵା ପଠେନ୍ନରଃ ॥ ୧୮ ॥
ସର୍ଵଦାରିଦ୍ର୍ୟନିର୍ମୁକ୍ତୋ ନିଧିଂ ପଶ୍ୟତି ଭୂତଲେ ।
ମାସଦ୍ଵୟମଧୀୟାନଃ ପାଦୁକାସିଦ୍ଧିମାନ୍ ଭଵେତ୍ ॥ ୧୯ ॥
ଅଞ୍ଜନଂ ଗୁଟିକା ଖଡ୍ଗଂ ଧାତୁଵାଦରସାୟନମ୍ ।
ସାରସ୍ଵତଂ ଚ ଵେତାଲଵାହନଂ ବିଲସାଧନମ୍ ॥ ୨୦ ॥
କାର୍ୟସିଦ୍ଧିଂ ମହାସିଦ୍ଧିଂ ମନ୍ତ୍ରଂ ଚୈଵ ସମୀହିତମ୍ ।
ଵର୍ଷମାତ୍ରମଧୀୟାନଃ ପ୍ରାପ୍ନୁୟାତ୍ସାଧକୋତ୍ତମଃ ॥ ୨୧ ॥
ଏତତ୍ତେ କଥିତଂ ଦେଵି ଗୁହ୍ୟାଦ୍ଗୁହ୍ୟତରଂ ପରମ୍ ।
କଲିକଲ୍ମଷନାଶନଂ ଵଶୀକରଣଂ ଚାମ୍ବିକେ ॥ ୨୨ ॥
॥ ଇତି କାଲସଙ୍କର୍ଷଣତନ୍ତ୍ରୋକ୍ତ
ଶ୍ରୀବଟୁକଭୈରଵାଷ୍ଟୋତ୍ତରଶତନାମସ୍ତୋତ୍ରଂ ସମ୍ପୂର୍ଣମ୍ ॥
Also Read:
Shri Batukabhairava Ashtottarashatanama Stotram 2 in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
