Sri Bhuvaneshwari Devi Shatanama Stotram Lyrics in Oriya:
ଶ୍ରୀଭୁଵନେଶ୍ଵରୀଶତନାମସ୍ତୋତ୍ରମ୍
କୈଲାସଶିଖରେ ରମ୍ୟେ ନାନାରତ୍ନୋପଶୋଭିତେ ।
ନରନାରୀହିତାର୍ଥାୟ ଶିଵଂ ପପ୍ରଚ୍ଛ ପାର୍ଵତୀ ॥ ୧ ॥
ଦେଵ୍ୟୁଵାଚ –
ଭୁଵନେଶୀମହାଵିଦ୍ୟାନାମ୍ନାମଷ୍ଟୋତ୍ତରଂ ଶତମ୍ ।
କଥୟସ୍ଵ ମହାଦେଵ ୟଦ୍ୟହଂ ତଵ ଵଲ୍ଲଭା ॥ ୨ ॥
ଈଶ୍ଵର ଉଵାଚ –
ଶୃଣୁ ଦେଵି ମହାଭାଗେ ସ୍ତଵରାଜମିଦଂ ଶୁଭମ୍ ।
ସହସ୍ରନାମ୍ନାମଧିକଂ ସିଦ୍ଧିଦଂ ମୋକ୍ଷହେତୁକମ୍ ॥ ୩ ॥
ଶୁଚିଭିଃ ପ୍ରାତରୁତ୍ଥାୟ ପଠିତଵ୍ୟଂ ସମାହିତୈଃ ।
ତ୍ରିକାଲଂ ଶ୍ରଦ୍ଧୟା ୟୁକ୍ତୈଃ ସର୍ଵକାମଫଲପ୍ରଦମ୍ ॥ ୪ ॥
ଅସ୍ୟ ଶ୍ରୀଭୁଵନେଶ୍ଵର୍ୟଷ୍ଟୋତ୍ତରଶତନାମସ୍ତୋତ୍ରସ୍ୟ ଶକ୍ତିରୃଷିଃ
ଗାୟତ୍ରୀ ଛନ୍ଦଃଭୁଵନେଶ୍ଵରୀ ଦେଵତା ଚତୁର୍ଵର୍ଗସାଧନେ ଜପେ ଵିନିୟୋଗଃ ।
ଓଂ ମହାମାୟା ମହାଵିଦ୍ୟା ମହାଭୋଗା ମହୋତ୍କଟା ।
ମାହେଶ୍ଵରୀ କୁମାରୀ ଚ ବ୍ରହ୍ମାଣୀ ବ୍ରହ୍ମରୂପିଣୀ ॥ ୫ ॥
ଵାଗୀଶ୍ଵରୀ ୟୋଗରୂପା ୟୋଗିନୀକୋଟିସେଵିତା ।
ଜୟା ଚ ଵିଜୟା ଚୈଵ କୌମାରୀ ସର୍ଵମଙ୍ଗଲା ॥ ୬ ॥
ହିଙ୍ଗୁଲା ଚ ଵିଲାସୀ ଚ ଜ୍ଵାଲିନୀ ଜ୍ଵାଲରୂପିଣୀ ।
ଈଶ୍ଵରୀ କ୍ରୂରସଂହାରୀ କୁଲମାର୍ଗପ୍ରଦାୟିନୀ ॥ ୭ ॥
ଵୈଷ୍ଣଵୀ ସୁଭଗାକାରା ସୁକୁଲ୍ୟା କୁଲପୂଜିତା ।
ଵାମାଙ୍ଗା ଵାମଚାରା ଚ ଵାମଦେଵପ୍ରିୟା ତଥା ॥ ୮ ॥
ଡାକିନୀ ୟୋଗିନୀରୂପା ଭୂତେଶୀ ଭୂତନାୟିକା ।
ପଦ୍ମାଵତୀ ପଦ୍ମନେତ୍ରା ପ୍ରବୁଦ୍ଧା ଚ ସରସ୍ଵତୀ ॥ ୯ ॥
ଭୂଚରୀ ଖେଚରୀ ମାୟା ମାତଙ୍ଗୀ ଭୁଵନେଶ୍ଵରୀ ।
କାନ୍ତା ପତିଵ୍ରତା ସାକ୍ଷୀ ସୁଚକ୍ଷୁଃ କୁଣ୍ଡଵାସିନୀ ॥ ୧୦ ॥
ଉମା କୁମାରୀ ଲୋକେଶୀ ସୁକେଶୀ ପଦ୍ମରାଗିଣୀ ।
ଇନ୍ଦ୍ରାଣୀ ବ୍ରହ୍ମ ଚାଣ୍ଡାଲୀ ଚଣ୍ଡିକା ଵାୟୁଵଲ୍ଲଭା ॥ ୧୧ ॥
ସର୍ଵଧାତୁମୟୀମୂର୍ତିର୍ଜଲରୂପା ଜଲୋଦରୀ ।
ଆକାଶୀ ରଣଗା ଚୈଵ ନୃକପାଲଵିଭୂଷଣା ॥ ୧୨ ॥
ନର୍ମଦା ମୋକ୍ଷଦା ଚୈଵ ଧର୍ମକାମାର୍ଥଦାୟିନୀ ।
ଗାୟତ୍ରୀ ଚାଥ ସାଵିତ୍ରୀ ତ୍ରିସନ୍ଧ୍ୟା ତୀର୍ଥଗାମିନୀ ॥ ୧୩ ॥
ଅଷ୍ଟମୀ ନଵମୀ ଚୈଵ ଦଶମ୍ୟେକାଦଶୀ ତଥା ।
ପୌର୍ଣମାସୀ କୁହୂରୂପା ତିଥିମୂର୍ତିସ୍ଵରୂପିଣୀ ॥ ୧୪ ॥
ସୁରାରିନାଶକାରୀ ଚ ଉଗ୍ରରୂପା ଚ ଵତ୍ସଲା ।
ଅନଲା ଅର୍ଧମାତ୍ରା ଚ ଅରୁଣା ପୀତଲୋଚନା ॥ ୧୫ ॥
ଲଜ୍ଜା ସରସ୍ଵତୀ ଵିଦ୍ୟା ଭଵାନୀ ପାପନାଶିନୀ ।
ନାଗପାଶଧରା ମୂର୍ତିରଗାଧା ଧୃତକୁଣ୍ଡଲା ॥ ୧୬ ॥
କ୍ଷତ୍ରରୂପା କ୍ଷୟକରୀ ତେଜସ୍ଵିନୀ ଶୁଚିସ୍ମିତା ।
ଅଵ୍ୟକ୍ତା ଵ୍ୟକ୍ତଲୋକା ଚ ଶମ୍ଭୁରୂପା ମନସ୍ଵିନୀ ॥ ୧୭ ॥
ମାତଙ୍ଗୀ ମତ୍ତମାତଙ୍ଗୀ ମହାଦେଵପ୍ରିୟା ସଦା ।
ଦୈତ୍ୟହା ଚୈଵ ଵାରାହୀ ସର୍ଵଶାସ୍ତ୍ରମୟୀ ଶୁଭା ॥ ୧୮ ॥
ୟ ଇଦଂ ପଠତେ ଭକ୍ତ୍ୟା ଶୃଣୁୟାଦ୍ଵା ସମାହିତଃ ।
ଅପୁତ୍ରୋ ଲଭତେ ପୁତ୍ରଂ ନିର୍ଧନୋ ଧନଵାନ୍ ଭଵେତ୍ ॥ ୧୯ ॥
ମୂର୍ଖୋଽପି ଲଭତେ ଶାସ୍ତ୍ରଂ ଚୋରୋଽପି ଲଭତେ ଗତିମ୍ ।
ଵେଦାନାଂ ପାଠକୋ ଵିପ୍ରଃ କ୍ଷତ୍ରିୟୋ ଵିଜୟୀ ଭଵେତ୍ ॥ ୨୦ ॥
ଵୈଶ୍ୟସ୍ତୁ ଧନଵାନ୍ଭୂୟାଚ୍ଛୂଦ୍ରସ୍ତୁ ସୁଖମେଧତେ ।
ଅଷ୍ଟମ୍ୟାଞ୍ଚ ଚତୁର୍ଦଶ୍ୟାଂ ନଵମ୍ୟାଂ ଚୈକଚେତସଃ ॥ ୨୧ ॥
ୟେ ପଠନ୍ତି ସଦା ଭକ୍ତ୍ୟା ନ ତେ ଵୈ ଦୁଃଖଭାଗିନଃ ।
ଏକକାଲଂ ଦ୍ଵିକାଲଂ ଵା ତ୍ରିକାଲଂ ଵା ଚତୁର୍ଥକମ୍ ॥ ୨୨ ॥
ୟେ ପଠନ୍ତି ସଦା ଭକ୍ତ୍ୟା ସ୍ଵର୍ଗଲୋକେ ଚ ପୂଜିତାଃ ।
ରୁଦ୍ରଂ ଦୃଷ୍ଟ୍ଵା ୟଥା ଦେଵାଃ ପନ୍ନଗା ଗରୁଡଂ ୟଥା ॥
ଶତ୍ରଵଃ ପ୍ରପଲାୟନ୍ତେ ତସ୍ୟ ଵକ୍ତ୍ରଵିଲୋକନାତ୍ ॥ ୨୩ ॥
ଇତି ଶ୍ରୀରୁଦ୍ରୟାମଲେ ଦେଵୀଶଙ୍କରସଂଵାଦେ ଭୁଵନେଶ୍ଵର୍ୟଷ୍ଟୋତ୍ତରଶତନାମସ୍ତୋତ୍ରମ୍ ॥
Also Read:
Shri Bhuvaneshwari Shatanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
