শ্রীদক্ষিণামূর্ত্যষ্টকম্ ২ Lyrics in Bengali:
পায়য় জনমিমমমৃতং দুর্লভমিতরস্য লোকস্য ।
নতজনপারনদীক্ষিত মেধাধীদক্ষিণামূর্তে ॥ ১॥
স্তোতুং বা নেতুং বা জডবিষয়াসক্তহৃন্ন শক্রোমি ।
নৈসর্গিকী কুরু কৃপাং ময়ি বটতটবাস দক্ষিণামূর্তে ॥ ২॥
স্ফুরতু মম হৃদি তনুস্তে পুস্তকমুদ্রাক্ষমালিকাকুম্ভান্ ।
দধতী চন্দ্রার্ধলসচ্ছীর্ষা শ্রীদক্ষিণামূর্তে ॥ ৩॥
সহমান দক্ষিণানন সহমানবিহীনমত্কমন্তুততীঃ ।
সহমানত্বং ত্যজ বা য়ুক্তং কুর্বত্র য়দ্বিভাতি তব ॥ ৪॥
মেধাপ্রজ্ঞে জন্মমূকোঽপি লোকঃ প্রাপ্নোত্যঙ্ঘ্রিং পূজয়ন্যস্য লোকে ।
তং পাদাম্ভোজাতনম্রামরালিং মেধাপ্রজ্ঞাদক্ষিণামূর্তিমীডে ॥ ৫॥
গঙ্গানির্ঝরিণী হিমাদ্রিকুহরাদ্যদ্বত্সুধাংশোঃ প্রভা
নির্গচ্ছত্যতিবেগতঃ কমপি চ ত্যক্ত্বা প্রয়ত্নং মুহুঃ ।
তদ্বদ্যত্পদভক্তবক্ত্রকুহরাদ্বাণী জবান্নিসরেত্
তং বন্দে মুনিবৃন্দবন্দ্যচরণং শ্রীদক্ষিণাস্যং মুদা ॥ ৬॥
অপ্পিত্তার্কশশাঙ্কনেত্রমগজাসংলিঙ্গিতাঙ্গং কৃপা-
বারাশিং বিধিবিষ্ণুমুখ্যদিবিজৈঃ সংসেবিতাঙ্ঘ্রিং মুদা ।
নন্দীশপ্রমুখৈর্গণৈঃ পরিবৃতং নাগাস্যষড্বক্ত্রয়ু-
ক্পার্শ্বং নীলগলং নমামি বটভূরুণ্মূলবাসং শিবম্ ॥ ৭॥
শীতাংশুপ্রতিমানকান্তিবপুষং পীতাম্বুরাশ্যাদিভি-
র্মৌনীন্দ্রৈঃ পরিচিন্ত্যমানমনিশং মোদাদ্ধৃদম্ভোরুহে ।
শান্তানঙ্গকটাক্ষিভাসিনিটিলং কান্তার্ধকায়ং বিভুং
বন্দে চিত্রচরিত্রমিন্দুমুকুটং ন্যগ্রোধমূলাশ্রয়ম্ ॥ ৮॥
ইতি শৃঙ্গেরি শ্রীজগদ্গুরু শ্রীসচ্চিদানন্দশিবাভিনবনৃসিংহ-
ভারতীস্বামিভিঃ বিরচিতং শ্রীদক্ষিণামূর্ত্যষ্টকং সম্পূর্ণম্ ।