Shree Dhanvantari Ashtottara Shatanama Stotram Lyrics in Kannada:
ಶ್ರೀಧನ್ವನ್ತರ್ಯಷ್ಟೋತ್ತರಶತನಾಮಸ್ತೋತ್ರಮ್
ಧನ್ವನ್ತರಿಃ ಸುಧಾಪೂರ್ಣಕಲಶಢ್ಯಕರೋ ಹರಿಃ ।
ಜರಾಮೃತಿತ್ರಸ್ತದೇವಪ್ರಾರ್ಥನಾಸಾಧಕಃ ಪ್ರಭುಃ ॥ 1 ॥
ನಿರ್ವಿಕಲ್ಪೋ ನಿಸ್ಸಮಾನೋ ಮನ್ದಸ್ಮಿತಮುಖಾಮ್ಬುಜಃ ।
ಆಂಜನೇಯಪ್ರಾಪಿತಾದ್ರಿಃ ಪಾರ್ಶ್ವಸ್ಥವಿನತಾಸುತಃ ॥ 2 ॥
ನಿಮಗ್ನಮನ್ದರಧರಃ ಕೂರ್ಮರೂಪೀ ಬೃಹತ್ತನುಃ ।
ನೀಲಕುಂಚಿತಕೇಶಾನ್ತಃ ಪರಮಾದ್ಭುತರೂಪಧೃತ್ ॥ 3 ॥
ಕಟಾಕ್ಷವೀಕ್ಷಣಾಶ್ವಸ್ತವಾಸುಕಿಃ ಸಿಂಹವಿಕ್ರಮಃ ।
ಸ್ಮರ್ತೃಹೃದ್ರೋಗಹರಣೋ ಮಹಾವಿಷ್ಣ್ವಂಶಸಮ್ಭವಃ ॥ 4 ॥
ಪ್ರೇಕ್ಷಣೀಯೋತ್ಪಲಶ್ಯಾಮ ಆಯುರ್ವೇದಾಧಿದೈವತಮ್ ।
ಭೇಷಜಗ್ರಹಣಾನೇಹಸ್ಸ್ಮರಣೀಯಪದಾಮ್ಬುಜಃ ॥ 5 ॥
ನವಯೌವನಸಮ್ಪನ್ನಃ ಕಿರೀಟಾನ್ವಿತಮಸ್ತಕಃ ।
ನಕ್ರಕುಂಡಲಸಂಶೋಭಿಶ್ರವಣದ್ವಯಶಷ್ಕುಲಿಃ ॥ 6 ॥
ದೀರ್ಘಪೀವರದೋರ್ದಂಡಃ ಕಮ್ಬುಗ್ರೀವೋಽಮ್ಬುಜೇಕ್ಷಣಃ ।
ಚತುರ್ಭುಜಃ ಶಂಖಧರಶ್ಚಕ್ರಹಸ್ತೋ ವರಪ್ರದಃ ॥ 7 ॥
ಸುಧಾಪಾತ್ರೋಪರಿಲಸದಾಮ್ರಪತ್ರಲಸತ್ಕರಃ ।
ಶತಪದ್ಯಾಢ್ಯಹಸ್ತಶ್ಚ ಕಸ್ತೂರೀತಿಲಕಾಂಚಿತಃ ॥ 8 ॥
ಸುಕಪೋಲಸ್ಸುನಾಸಶ್ಚ ಸುನ್ದರಭ್ರೂಲತಾಂಚಿತಃ ।
ಸ್ವಂಗುಲೀತಲಶೋಭಾಢ್ಯೋ ಗೂಢಜತ್ರುರ್ಮಹಾಹನುಃ ॥ 9 ॥
ದಿವ್ಯಾಂಗದಲಸದ್ಬಾಹುಃ ಕೇಯೂರಪರಿಶೋಭಿತಃ ।
ವಿಚಿತ್ರರತ್ನಖಚಿತವಲಯದ್ವಯಶೋಭಿತಃ ॥ 10 ॥
ಸಮೋಲ್ಲಸತ್ಸುಜಾತಾಂಸಶ್ಚಾಂಗುಲೀಯವಿಭೂಷಿತಃ ।
ಸುಧಾಘನ್ಧರಸಾಸ್ವಾದಮಿಲದ್ಭೃಂಗಮನೋಹರಃ ॥ 11 ॥
ಲಕ್ಷ್ಮೀಸಮರ್ಪಿತೋತ್ಫುಲ್ಲಕಂಜಮಾಲಾಲಸದ್ಗಲಃ ।
ಲಕ್ಷ್ಮೀಶೋಭಿತವಕ್ಷಸ್ಕೋ ವನಮಾಲಾವಿರಾಜಿತಃ ॥ 12 ॥
ನವರತ್ನಮಣೀಕ್ಲೃಪ್ತಹಾರಶೋಭಿತಕನ್ಧರಃ ।
ಹೀರನಕ್ಷತ್ರಮಾಲಾದಿಶೋಭಾರಂಜಿತದಿಙ್ಮುಖಃ ॥ 13 ॥
ವಿರಜೋಽಮ್ಬರಸಂವೀತೋ ವಿಶಾಲೋರಾಃ ಪೃಥುಶ್ರವಾಃ ।
ನಿಮ್ನನಾಭಿಃ ಸೂಕ್ಷ್ಮಮಧ್ಯಃ ಸ್ಥೂಲಜಂಘೋ ನಿರಂಜನಃ ॥ 14 ॥
ಸುಲಕ್ಷಣಪದಾಂಗುಷ್ಠಃ ಸರ್ವಸಾಮುದ್ರಿಕಾನ್ವಿತಃ ।
ಅಲಕ್ತಕಾರಕ್ತಪಾದೋ ಮೂರ್ತಿಮದ್ವಾಧಿಪೂಜಿತಃ ॥ 15 ॥
ಸುಧಾರ್ಥಾನ್ಯೋನ್ಯಸಂಯುಧ್ಯದ್ದೇವದೈತೇಯಸಾನ್ತ್ವನಃ ।
ಕೋಟಿಮನ್ಮಥಸಂಕಾಶಃ ಸರ್ವಾವಯವಸುನ್ದರಃ ॥ 16 ॥
ಅಮೃತಾಸ್ವಾದನೋದ್ಯುಕ್ತದೇವಸಂಘಪರಿಷ್ಟುತಃ ।
ಪುಷ್ಪವರ್ಷಣಸಂಯುಕ್ತಗನ್ಧರ್ವಕುಲಸೇವಿತಃ ॥ 17 ॥
ಶಂಖತೂರ್ಯಮೃದಂಗಾದಿಸುವಾದಿತ್ರಾಪ್ಸರೋವೃತಃ ।
ವಿಷ್ವಕ್ಸೇನಾದಿಯುಕ್ಪಾರ್ಶ್ವಃ ಸನಕಾದಿಮುನಿಸ್ತುತಃ ॥ 18 ॥
ಸಾಶ್ಚರ್ಯಸಸ್ಮಿತಚತುರ್ಮುಖನೇತ್ರಸಮೀಕ್ಷಿತಃ ।
ಸಾಶಂಕಸಮ್ಭ್ರಮದಿತಿದನುವಂಶ್ಯಸಮೀಡಿತಃ ॥ 19 ॥
ನಮನೋನ್ಮುಖದೇವಾದಿಮೌಲೀರತ್ನಲಸತ್ಪದಃ ।
ದಿವ್ಯತೇಜಃಪುಂಜರೂಪಃ ಸರ್ವದೇವಹಿತೋತ್ಸುಕಃ ॥ 20 ॥
ಸ್ವನಿರ್ಗಮಕ್ಷುಬ್ಧದುಗ್ಧವಾರಾಶಿರ್ದುನ್ದುಭಿಸ್ವನಃ ।
ಗನ್ಧರ್ವಗೀತಾಪದಾನಶ್ರವಣೋತ್ಕಮಹಾಮನಾಃ ॥ 21 ॥
ನಿಷ್ಕಿಂಚನಜನಪ್ರೀತೋ ಭವಸಮ್ಪ್ರಾಪ್ತರೋಗಹೃತ್ ।
ಅನ್ತರ್ಹಿತಸುಧಾಪಾತ್ರೋ ಮಹಾತ್ಮಾ ಮಾಯಿಕಾಗ್ರಣೀಃ ॥ 22 ॥
ಕ್ಷಣಾರ್ಧಮೋಹಿನೀರೂಪಃ ಸರ್ವಸ್ತ್ರೀಶುಭಲಕ್ಷಣಃ ।
ಮದಮತ್ತೇಭಗಮನಃ ಸರ್ವಲೋಕವಿಮೋಹನಃ ॥ 23 ॥
ಸ್ರಂಸನ್ನೀವೀಗ್ರನ್ಥಿಬನ್ಧಾಸಕ್ತದಿವ್ಯಕರಾಂಗುಲಿಃ ।
ರತ್ನದರ್ವೀಲಸದ್ಧಸ್ತೋ ದೇವದೈತ್ಯವಿಭಾಗಕೃತ್ ॥ 24 ॥
ಸಂಖ್ಯಾತದೇವತಾನ್ಯಾಸೋ ದೈತ್ಯದಾನವವಂಚಕಃ ।
ದೇವಾಮೃತಪ್ರದಾತಾ ಚ ಪರಿವೇಷಣಹೃಷ್ಟಧೀಃ ॥ 25 ॥
ಉನ್ಮುಖೋನ್ಮುಖದೈತ್ಯೇನ್ದ್ರದನ್ತಪಂಕಿತವಿಭಾಜಕಃ ।
ಪುಷ್ಪವತ್ಸುವಿನಿರ್ದಿಷ್ಟರಾಹುರಕ್ಷಃಶಿರೋಹರಃ ॥ 26 ॥
ರಾಹುಕೇತುಗ್ರಹಸ್ಥಾನಪಶ್ಚಾದ್ಗತಿವಿಧಾಯಕಃ ।
ಅಮೃತಾಲಾಭನಿರ್ವಿಣ್ಣಯುಧ್ಯದ್ದೇವಾರಿಸೂದನಃ ॥ 27 ॥
ಗರುತ್ಮದ್ವಾಹನಾರೂಢಃ ಸರ್ವೇಶಸ್ತೋತ್ರಸಂಯುತಃ ।
ಸ್ವಸ್ವಾಧಿಕಾರಸನ್ತುಷ್ಟಶಕ್ರವಹ್ನ್ಯಾದಿಪೂಜಿತಃ ॥ 28 ॥
ಮೋಹಿನೀದರ್ಶನಾಯಾತಸ್ಥಾಣುಚಿತ್ತವಿಮೋಹಕಃ ।
ಶಚೀಸ್ವಾಹಾದಿದಿಕ್ಪಾಲಪತ್ನೀಮಂಡಲಸನ್ನುತಃ ॥ 29 ॥
ವೇದಾನ್ತವೇದ್ಯಮಹಿಮಾ ಸರ್ವಲೌಕೈಕರಕ್ಷಕಃ ।
ರಾಜರಾಜಪ್ರಪೂಜ್ಯಾಂಘ್ರಿಃ ಚಿನ್ತಿತಾರ್ಥಪ್ರದಾಯಕಃ ॥ 30 ॥
ಧನ್ವನ್ತರೇರ್ಭಗವತೋ ನಾಮ್ನಾಮಷ್ಟೋತ್ತರಂ ಶತಮ್ ।
ಯಃ ಪಠೇತ್ಸತತಂ ಭಕ್ತ್ಯಾ ನೀರೋಗಸ್ಸುಖಭಾಗ್ಭವೇತ್ ॥ 31 ॥
ಇತಿ ಬೃಹದ್ಬ್ರಹ್ಮಾನನ್ದೋಪನಿಷದಾನ್ತರ್ಗತಂ
ಶ್ರೀಧನ್ವನ್ತರ್ಯಷ್ಟೋತ್ತರಶತನಾಮಸ್ತೋತ್ರಂ ಸಮ್ಪೂರ್ಣಮ್ ।
Also Read:
Shri Dhanvantarya Ashtottara Shatanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
