Templesinindiainfo

Best Spiritual Website

Shri Dhanvantarya Ashtottara Shatanama Stotram Lyrics in Bengali

Shree Dhanvantari Ashtottara Shatanama Stotram Lyrics in Bengali:

শ্রীধন্বন্তর্যষ্টোত্তরশতনামস্তোত্রম্

ধন্বন্তরিঃ সুধাপূর্ণকলশঢ্যকরো হরিঃ ।
জরামৃতিত্রস্তদেবপ্রার্থনাসাধকঃ প্রভুঃ ॥ ১ ॥

নির্বিকল্পো নিস্সমানো মন্দস্মিতমুখাম্বুজঃ ।
আঞ্জনেয়প্রাপিতাদ্রিঃ পার্শ্বস্থবিনতাসুতঃ ॥ ২ ॥

নিমগ্নমন্দরধরঃ কূর্মরূপী বৃহত্তনুঃ ।
নীলকুঞ্চিতকেশান্তঃ পরমাদ্ভুতরূপধৃত্ ॥ ৩ ॥

কটাক্ষবীক্ষণাশ্বস্তবাসুকিঃ সিংহবিক্রমঃ ।
স্মর্তৃহৃদ্রোগহরণো মহাবিষ্ণ্বংশসম্ভবঃ ॥ ৪ ॥

প্রেক্ষণীয়োত্পলশ্যাম আয়ুর্বেদাধিদৈবতম্ ।
ভেষজগ্রহণানেহস্স্মরণীয়পদাম্বুজঃ ॥ ৫ ॥

নবয়ৌবনসম্পন্নঃ কিরীটান্বিতমস্তকঃ ।
নক্রকুণ্ডলসংশোভিশ্রবণদ্বয়শষ্কুলিঃ ॥ ৬ ॥

দীর্ঘপীবরদোর্দণ্ডঃ কম্বুগ্রীবোঽম্বুজেক্ষণঃ ।
চতুর্ভুজঃ শঙ্খধরশ্চক্রহস্তো বরপ্রদঃ ॥ ৭ ॥

সুধাপাত্রোপরিলসদাম্রপত্রলসত্করঃ ।
শতপদ্যাঢ্যহস্তশ্চ কস্তূরীতিলকাঞ্চিতঃ ॥ ৮ ॥

সুকপোলস্সুনাসশ্চ সুন্দরভ্রূলতাঞ্চিতঃ ।
স্বঙ্গুলীতলশোভাঢ্যো গূঢজত্রুর্মহাহনুঃ ॥ ৯ ॥

দিব্যাঙ্গদলসদ্বাহুঃ কেয়ূরপরিশোভিতঃ ।
বিচিত্ররত্নখচিতবলয়দ্বয়শোভিতঃ ॥ ১০ ॥

সমোল্লসত্সুজাতাংসশ্চাঙ্গুলীয়বিভূষিতঃ ।
সুধাঘন্ধরসাস্বাদমিলদ্ভৃঙ্গমনোহরঃ ॥ ১১ ॥

লক্ষ্মীসমর্পিতোত্ফুল্লকঞ্জমালালসদ্গলঃ ।
লক্ষ্মীশোভিতবক্ষস্কো বনমালাবিরাজিতঃ ॥ ১২ ॥

নবরত্নমণীক্লৃপ্তহারশোভিতকন্ধরঃ ।
হীরনক্ষত্রমালাদিশোভারঞ্জিতদিঙ্মুখঃ ॥ ১৩ ॥

বিরজোঽম্বরসংবীতো বিশালোরাঃ পৃথুশ্রবাঃ ।
নিম্ননাভিঃ সূক্ষ্মমধ্যঃ স্থূলজঙ্ঘো নিরঞ্জনঃ ॥ ১৪ ॥

সুলক্ষণপদাঙ্গুষ্ঠঃ সর্বসামুদ্রিকান্বিতঃ ।
অলক্তকারক্তপাদো মূর্তিমদ্বাধিপূজিতঃ ॥ ১৫ ॥

সুধার্থান্যোন্যসংয়ুধ্যদ্দেবদৈতেয়সান্ত্বনঃ ।
কোটিমন্মথসঙ্কাশঃ সর্বাবয়বসুন্দরঃ ॥ ১৬ ॥

অমৃতাস্বাদনোদ্যুক্তদেবসঙ্ঘপরিষ্টুতঃ ।
পুষ্পবর্ষণসংয়ুক্তগন্ধর্বকুলসেবিতঃ ॥ ১৭ ॥

শঙ্খতূর্যমৃদঙ্গাদিসুবাদিত্রাপ্সরোবৃতঃ ।
বিষ্বক্সেনাদিয়ুক্পার্শ্বঃ সনকাদিমুনিস্তুতঃ ॥ ১৮ ॥

সাশ্চর্যসস্মিতচতুর্মুখনেত্রসমীক্ষিতঃ ।
সাশঙ্কসম্ভ্রমদিতিদনুবংশ্যসমীডিতঃ ॥ ১৯ ॥

নমনোন্মুখদেবাদিমৌলীরত্নলসত্পদঃ ।
দিব্যতেজঃপুঞ্জরূপঃ সর্বদেবহিতোত্সুকঃ ॥ ২০ ॥

স্বনির্গমক্ষুব্ধদুগ্ধবারাশির্দুন্দুভিস্বনঃ ।
গন্ধর্বগীতাপদানশ্রবণোত্কমহামনাঃ ॥ ২১ ॥

নিষ্কিঞ্চনজনপ্রীতো ভবসম্প্রাপ্তরোগহৃত্ ।
অন্তর্হিতসুধাপাত্রো মহাত্মা মায়িকাগ্রণীঃ ॥ ২২ ॥

ক্ষণার্ধমোহিনীরূপঃ সর্বস্ত্রীশুভলক্ষণঃ ।
মদমত্তেভগমনঃ সর্বলোকবিমোহনঃ ॥ ২৩ ॥

স্রংসন্নীবীগ্রন্থিবন্ধাসক্তদিব্যকরাঙ্গুলিঃ ।
রত্নদর্বীলসদ্ধস্তো দেবদৈত্যবিভাগকৃত্ ॥ ২৪ ॥

সঙ্খ্যাতদেবতান্যাসো দৈত্যদানববঞ্চকঃ ।
দেবামৃতপ্রদাতা চ পরিবেষণহৃষ্টধীঃ ॥ ২৫ ॥

উন্মুখোন্মুখদৈত্যেন্দ্রদন্তপঙ্কিতবিভাজকঃ ।
পুষ্পবত্সুবিনির্দিষ্টরাহুরক্ষঃশিরোহরঃ ॥ ২৬ ॥

রাহুকেতুগ্রহস্থানপশ্চাদ্গতিবিধায়কঃ ।
অমৃতালাভনির্বিণ্ণয়ুধ্যদ্দেবারিসূদনঃ ॥ ২৭ ॥

গরুত্মদ্বাহনারূঢঃ সর্বেশস্তোত্রসংয়ুতঃ ।
স্বস্বাধিকারসন্তুষ্টশক্রবহ্ন্যাদিপূজিতঃ ॥ ২৮ ॥

মোহিনীদর্শনায়াতস্থাণুচিত্তবিমোহকঃ ।
শচীস্বাহাদিদিক্পালপত্নীমণ্ডলসন্নুতঃ ॥ ২৯ ॥

বেদান্তবেদ্যমহিমা সর্বলৌকৈকরক্ষকঃ ।
রাজরাজপ্রপূজ্যাঙ্ঘ্রিঃ চিন্তিতার্থপ্রদায়কঃ ॥ ৩০ ॥

ধন্বন্তরের্ভগবতো নাম্নামষ্টোত্তরং শতম্ ।
য়ঃ পঠেত্সততং ভক্ত্যা নীরোগস্সুখভাগ্ভবেত্ ॥ ৩১ ॥

ইতি বৃহদ্ব্রহ্মানন্দোপনিষদান্তর্গতং
শ্রীধন্বন্তর্যষ্টোত্তরশতনামস্তোত্রং সম্পূর্ণম্ ।

Also Read:

Shri Dhanvantarya Ashtottara Shatanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

Shri Dhanvantarya Ashtottara Shatanama Stotram Lyrics in Bengali

Leave a Reply

Your email address will not be published. Required fields are marked *

Scroll to top