ശ്രീഗാന്ധര്‍വാസമ്പ്രാര്‍ഥനാഷ്ടകം Lyrics in Malayalam:
ശ്രീഗാന്ധര്‍വാസമ്പ്രാര്‍ഥനാഷ്ടകം
ശ്രീശ്രീഗാന്ധര്‍വികായൈ നമഃ ।
വൃന്ദാവനേ വിഹരതോരിഹ കിലേകുഞ്ജേ
മത്തദ്വിപപ്രവരകൌതുകവിഭ്രമേണ ।
സന്ദര്‍ശയസ്വ യുവയോര്‍വദനാരവിന്ദ
ദ്വന്ദ്വം വിധേഹി മയി ദേവി കൃപാം പ്രസീദ ॥ 1॥
ഹാ ദേവി കാകുഭരഗദ്ഗദയാദ്യ വാചാ
യാചേ നിപത്യ ഭുവി ദണ്ഡവദുദ്ഭടാര്‍തിഃ ।
അസ്യ പ്രസാദമബുധസ്യ ജനസ്യ കൃത്വാ
ഗാന്ധര്‍വികേ നിജഗണേ ഗണനാം വിധേഹി ॥ 2॥
ശ്യാമേ രമാരമണസുന്ദരതാവരിഷ്ഠ
സൌന്ദര്യമോഹിതസമസ്തജഗജ്ജനസ്യ ।
ശ്യാമസ്യ വാമഭുജബദ്ധതനും കദാഹം
ത്വാമിന്ദിരാവിരലരൂപഭരാം ഭജാമി ॥ 3॥
ത്വാം പ്രച്ഛദേന മുദിരച്ഛവിനാ പിധായ
മഞ്ജീരമുക്തചരണാം ച വിധായ ദേവി ।
കുഞ്ജേ വ്രജേന്ദ്രതനയേന വിരാജമാനേ
നക്തം കദാ പ്രമുദിതാമഭിസാരയിഷ്യേ ॥ 4॥
കുഞ്ജേ പ്രസൂനകുലകല്‍പിതകേലിതല്‍പേ
സംവിഷ്ടയോര്‍മധുരനര്‍മവിലാസഭാജോഃ ।
ലോകത്രയാഭരണയോശ്ചരണാംബുജാനി
സംവാഹയിഷ്യതി കദാ യുവയോര്‍ജനോഽയം ॥ 5॥
ത്വത്കുണ്ഡരോധസി വിലാസപരിശ്രമേണ
സ്വേദാംബുചുംബിവദനാംബുരുഹശ്രിയോ വാം ।
വൃന്ദാവനേശ്വരി കദാ തരുമൂലഭാജോ
സംവീജയാമി ചമരീചയചാമരേണ ॥ 6॥
ലീനാം നികുഞ്ജകുഹരേ ഭവതീം മുകുന്ദേ
ചിത്രൈവ സൂചിതവതീം രുചിരാക്ഷി നാഹം ।
ഭുഗ്നാം ഭ്രുവം ന രചയേതി മൃഷാരുഷാം ത്വാം
അഗ്രേ വ്രജേന്ദ്രതനയസ്യ കദാ നു നേഷ്യേ ॥ 7॥
വാഗ്യുദ്ധകേലികുതുകേ വ്രജരാജസൂനും
ജിത്വോന്‍മദാമധികദര്‍പവികാസിജല്‍പാം ।
ഫുല്ലാഭിരാലിഭിരനല്‍പമുദീര്യമാണ
സ്തോത്രാം കദാ നു ഭവതീമവലോകയിഷ്യേ ॥ 8॥
യഃ കോഽപി സുഷ്ഠു വൃഷഭാനുകുമാരികായാഃ
സമ്പ്രാര്‍ഥനാഷ്ടകമിദം പഠതി പ്രപന്നഃ ।
സാ പ്രേയസാ സഹ സമേത്യ ധൃതപ്രമോദാ
തത്ര പ്രസാദലഹരീമുരരീകരോതി ॥ 9॥
ഇതി ശ്രീരൂപഗോസ്വാമിവിരചിതസ്തവമാലായാം
ശ്രീഗാന്ധര്‍വാസമ്പ്രാര്‍ഥനാഷ്ടകം സമ്പൂര്‍ണം ।