Sri Ganga Ashtottarashatanama Stotram Lyrics in Oriya:
ଶ୍ରୀଗଙ୍ଗାଷ୍ଟୋତ୍ତରଶତନାମସ୍ତୋତ୍ରମ୍
ଧ୍ୟାନମ୍ ।
ସିତମକରନିଷଣ୍ଣାଂ ଶୁଭ୍ରଵର୍ଣାଂ ତ୍ରିନେତ୍ରାଂ
କରଧୃତକଲଶୋଦ୍ୟତ୍ସୋତ୍ପଲାମତ୍ୟଭୀଷ୍ଟାମ୍ ।
ଵିଧିହରିହରରୂପାଂ ସେନ୍ଦୁକୋଟୀରଚୂଡାଂ
କଲିତସିତଦୁକୂଲାଂ ଜାହ୍ନଵୀଂ ତାଂ ନମାମି ॥
ଅଥ ସ୍ତୋତ୍ରମ୍ ।
ଶ୍ରୀନାରଦ ଉଵାଚ ।
ଗଙ୍ଗା ନାମ ପରଂ ପୁଣ୍ୟଂ କଥିତଂ ପରମେଶ୍ଵର ।
ନାମାନି କତି ଶସ୍ତାନି ଗଙ୍ଗାୟାଃ ପ୍ରଣିଶଂସ ମେ ॥ ୧ ॥
ଶ୍ରୀମହାଦେଵ ଉଵାଚ ।
ନାମ୍ନାଂ ସହସ୍ରମଧ୍ୟେ ତୁ ନାମାଷ୍ଟଶତମୁତ୍ତମମ୍ ।
ଜାହ୍ନଵ୍ୟା ମୁନିଶାର୍ଦୂଲ ତାନି ମେ ଶୃଣୁ ତତ୍ତ୍ଵତଃ ॥ ୨ ॥
ଗଙ୍ଗା ତ୍ରିପଥଗା ଦେଵୀ ଶମ୍ଭୁମୌଲିଵିହାରିଣୀ ।
ଜାହ୍ନଵୀ ପାପହନ୍ତ୍ରୀ ଚ ମହାପାତକନାଶିନୀ ॥ ୩ ॥
ପତିତୋଦ୍ଧାରିଣୀ ସ୍ରୋତସ୍ଵତୀ ପରମଵେଗିନୀ ।
ଵିଷ୍ଣୁପାଦାବ୍ଜସମ୍ଭୂତା ଵିଷ୍ଣୁଦେହକୃତାଲୟା ॥ ୪ ॥
ସ୍ଵର୍ଗାବ୍ଧିନିଲୟା ସାଧ୍ଵୀ ସ୍ଵର୍ଣଦୀ ସୁରନିମ୍ନଗା ।
ମନ୍ଦାକିନୀ ମହାଵେଗା ସ୍ଵର୍ଣଶୃଙ୍ଗପ୍ରଭେଦିନୀ ॥ ୫ ॥
ଦେଵପୂଜ୍ୟତମା ଦିଵ୍ୟା ଦିଵ୍ୟସ୍ଥାନନିଵାସିନୀ ।
ସୁଚାରୁନୀରରୁଚିରା ମହାପର୍ଵତଭେଦିନୀ ॥ ୬ ॥
ଭାଗୀରଥୀ ଭଗଵତୀ ମହାମୋକ୍ଷପ୍ରଦାୟିନୀ ।
ସିନ୍ଧୁସଙ୍ଗଗତା ଶୁଦ୍ଧା ରସାତଲନିଵାସିନୀ ॥ ୭ ॥
ମହାଭୋଗା ଭୋଗଵତୀ ସୁଭଗାନନ୍ଦଦାୟିନୀ ।
ମହାପାପହରା ପୁଣ୍ୟା ପରମାହ୍ଲାଦଦାୟିନୀ ॥ ୮ ॥
ପାର୍ଵତୀ ଶିଵପତ୍ନୀ ଚ ଶିଵଶୀର୍ଷଗତାଲୟା ।
ଶମ୍ଭୋର୍ଜଟାମଧ୍ୟଗତା ନିର୍ମଲା ନିର୍ମଲାନନା ॥ ୯ ॥
ମହାକଲୁଷହନ୍ତ୍ରୀ ଚ ଜହ୍ନୁପୁତ୍ରୀ ଜଗତ୍ପ୍ରିୟା ।
ତ୍ରୈଲୋକ୍ୟପାଵନୀ ପୂର୍ଣା ପୂର୍ଣବ୍ରହ୍ମସ୍ଵରୂପିଣୀ ॥ ୧୦ ॥
ଜଗତ୍ପୂଜ୍ୟତମା ଚାରୁରୂପିଣୀ ଜଗଦମ୍ବିକା ।
ଲୋକାନୁଗ୍ରହକର୍ତ୍ରୀ ଚ ସର୍ଵଲୋକଦୟାପରା ॥ ୧୧ ॥
ୟାମ୍ୟଭୀତିହରା ତାରା ପାରା ସଂସାରତାରିଣୀ ।
ବ୍ରହ୍ମାଣ୍ଡଭେଦିନୀ ବ୍ରହ୍ମକମଣ୍ଡଲୁକୃତାଲୟା ॥ ୧୨ ॥
ସୌଭାଗ୍ୟଦାୟିନୀ ପୁଂସାଂ ନିର୍ଵାଣପଦଦାୟିନୀ ।
ଅଚିନ୍ତ୍ୟଚରିତା ଚାରୁରୁଚିରାତିମନୋହରା ॥ ୧୩ ॥
ମର୍ତ୍ୟସ୍ଥା ମୃତ୍ୟୁଭୟହା ସ୍ଵର୍ଗମୋକ୍ଷପ୍ରଦାୟିନୀ ।
ପାପାପହାରିଣୀ ଦୂରଚାରିଣୀ ଵୀଚିଧାରିଣୀ ॥ ୧୪ ॥
କାରୁଣ୍ୟପୂର୍ଣା କରୁଣାମୟୀ ଦୁରିତନାଶିନୀ ।
ଗିରିରାଜସୁତା ଗୌରୀଭଗିନୀ ଗିରିଶପ୍ରିୟା ॥ ୧୫ ॥
ମେନକାଗର୍ଭସମ୍ଭୂତା ମୈନାକଭଗିନୀପ୍ରିୟା ।
ଆଦ୍ୟା ତ୍ରିଲୋକଜନନୀ ତ୍ରୈଲୋକ୍ୟପରିପାଲିନୀ ॥ ୧୬ ॥
ତୀର୍ଥଶ୍ରେଷ୍ଠତମା ଶ୍ରେଷ୍ଠା ସର୍ଵତୀର୍ଥମୟୀ ଶୁଭା ।
ଚତୁର୍ଵେଦମୟୀ ସର୍ଵା ପିତୃସନ୍ତୃପ୍ତିଦାୟିନୀ ॥ ୧୭ ॥
ଶିଵଦା ଶିଵସାୟୁଜ୍ୟଦାୟିନୀ ଶିଵଵଲ୍ଲଭା ।
ତେଜସ୍ଵିନୀ ତ୍ରିନୟନା ତ୍ରିଲୋଚନମନୋରମା ॥ ୧୮ ॥
ସପ୍ତଧାରା ଶତମୁଖୀ ସଗରାନ୍ଵୟତାରିଣୀ ।
ମୁନିସେଵ୍ୟା ମୁନିସୁତା ଜହ୍ନୁଜାନୁପ୍ରଭେଦିନୀ ॥ ୧୯ ॥
ମକରସ୍ଥା ସର୍ଵଗତା ସର୍ଵାଶୁଭନିଵାରିଣୀ ।
ସୁଦୃଶ୍ୟା ଚାକ୍ଷୁଷୀତୃପ୍ତିଦାୟିନୀ ମକରାଲୟା ॥ ୨୦ ॥
ସଦାନନ୍ଦମୟୀ ନିତ୍ୟାନନ୍ଦଦା ନଗପୂଜିତା ।
ସର୍ଵଦେଵାଧିଦେଵୈଶ୍ଚ ପରିପୂଜ୍ୟପଦାମ୍ବୁଜା ॥ ୨୧ ॥
ଏତାନି ମୁନିଶାର୍ଦୂଲ ନାମାନି କଥିତାନି ତେ ।
ଶସ୍ତାନି ଜାହ୍ନଵୀଦେଵ୍ୟାଃ ସର୍ଵପାପହରାଣି ଚ ॥ ୨୨ ॥
ୟ ଇଦଂ ପଠତେ ଭକ୍ତ୍ୟା ପ୍ରାତରୁତ୍ଥାୟ ନାରଦ ।
ଗଙ୍ଗାୟାଃ ପରମଂ ପୁଣ୍ୟଂ ନାମାଷ୍ଟଶତମେଵ ହି ॥ ୨୩ ॥
ତସ୍ୟ ପାପାନି ନଶ୍ୟନ୍ତି ବ୍ରହ୍ମହତ୍ୟାଦିକାନ୍ୟପି ।
ଆରୋଗ୍ୟମତୁଲଂ ସୌଖ୍ୟଂ ଲଭତେ ନାତ୍ର ସଂଶୟଃ ॥ ୨୪ ॥
ୟତ୍ର କୁତ୍ରାପି ସଂସ୍ନାୟାତ୍ପଠେତ୍ସ୍ତୋତ୍ରମନୁତ୍ତମମ୍ ।
ତତ୍ରୈଵ ଗଙ୍ଗାସ୍ନାନସ୍ୟ ଫଲଂ ପ୍ରାପ୍ନୋତି ନିଶ୍ଚିତମ୍ ॥ ୨୫ ॥
ପ୍ରତ୍ୟହଂ ପ୍ରପଠେଦେତଦ୍ ଗଙ୍ଗାନାମଶତାଷ୍ଟକମ୍ ।
ସୋଽନ୍ତେ ଗଙ୍ଗାମନୁପ୍ରାପ୍ୟ ପ୍ରୟାତି ପରମଂ ପଦମ୍ ॥ ୨୬ ॥
ଗଙ୍ଗାୟାଂ ସ୍ନାନସମୟେ ୟଃ ପଠେଦ୍ଭକ୍ତିସଂୟୁତଃ ।
ସୋଽଶ୍ଵମେଧସହସ୍ରାଣାଂ ଫଲମାପ୍ନୋତି ମାନଵଃ ॥ ୨୭ ॥
ଗଵାମୟୁତଦାନସ୍ୟ ୟତ୍ଫଲଂ ସମୁଦୀରିତମ୍ ।
ତତ୍ଫଲଂ ସମଵାପ୍ନୋତି ପଞ୍ଚମ୍ୟାଂ ପ୍ରପଠନ୍ନରଃ ॥ ୨୮ ॥
କାର୍ତିକ୍ୟାଂ ପୌର୍ଣମାସ୍ୟାଂ ତୁ ସ୍ନାତ୍ଵା ସଗରସଙ୍ଗମେ ।
ୟଃ ପଠେତ୍ସ ମହେଶତ୍ଵଂ ୟାତି ସତ୍ୟଂ ନ ସଂଶୟଃ ॥ ୨୯ ॥
॥ ଇତି ଶ୍ରୀମହାଭାଗଵତେ ମହାପୁରାଣେ ଶ୍ରୀଗଙ୍ଗାଷ୍ଟୋତ୍ତରଶତନାମସ୍ତୋତ୍ରଂ ସମ୍ପୂର୍ଣମ୍ ॥
Also Read:
Shri Ganga Ashtottarashatanamastotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil