Ashtaka

Shri Ganganarayanadevashtakam Lyrics in Malayalam | ശ്രീഗങ്ഗാനാരായണദേവാഷ്ടകം

ശ്രീഗങ്ഗാനാരായണദേവാഷ്ടകം Lyrics in Malayalam:

കുലസ്ഥിതാന്‍ കര്‍മിണ ഉദ്ദിധീര്‍ഷു-
ര്‍ഗങ്ഗൈവ യസ്മിന്‍ കൃപയാവിശേഷ ।
ശ്രീചക്രവര്‍തീ ദയതാം സ ഗങ്ഗാ
നാരായണഃ പ്രേമരസാംബുധിര്‍മാം ॥ 1॥

നരോത്തമോ ഭക്ത്യവതാര ഏവ
യസ്മിന്‍ സ്വഭക്തിം നിദധൌ മുദൈവ ।
ശ്രീചക്രവര്‍തീ ദയതാം സ ഗങ്ഗാ
നാരായണഃ പ്രേമരസാംബുധിര്‍മാം ॥ 2॥

വൃന്ദാവനേ യസ്യ യശഃ പ്രസിദ്ധം
അദ്യാപി ഗീയതേ സതാം സദഃസു ।
ശ്രീചക്രവര്‍തീ ദയതാം സ ഗങ്ഗാ
നാരായണഃ പ്രേമരസാംബുധിര്‍മാം ॥ 3॥

ശ്രീഗോവിന്ദദേവദ്വിഭുജത്വശംസി
ശ്രുതിം വദന്‍ സദ്വിപദം നിരാസ്ഥത് ।
ശ്രീചക്രവര്‍തീ ദയതാം സ ഗങ്ഗാ
നാരായണഃ പ്രേമരസാംബുധിര്‍മാം ॥ 4॥

സൌശീല്യയുക്തോ ഗുണരത്നരാശിഃ
പാണ്ഡിത്യസാരഃ പ്രതിഭാവിവസ്വാന്‍ ।
ശ്രീചക്രവര്‍തീ ദയതാം സ ഗങ്ഗാ
നാരായണഃ പ്രേമരസാംബുധിര്‍മാം ॥ 5॥

ജനാന്‍ കൃപാദൃഷ്ടിഭിരേവ സദ്യഃ
പ്രപദ്യമാനാന്‍ സ്വപദേഽകരോദ്യഃ ।
ശ്രീചക്രവര്‍തീ ദയതാം സ ഗങ്ഗാ
നാരായണഃ പ്രേമരസാംബുധിര്‍മാം ॥ 6॥

ലോകേ പ്രഭുത്വം സ്ഥിരഭക്തിയോഗം
യസ്മൈ സ്വയം ഗൌരഹരിര്‍വ്യതാനീത് ।
ശ്രീചക്രവര്‍തീ ദയതാം സ ഗങ്ഗാ
നാരായണഃ പ്രേമരസാംബുധിര്‍മാം ॥ 7॥

വൃന്ദാവനീയാതിരഹസ്യഭക്തേര്‍ജ്ഞാനം
വിനാ യഃ ന കുതോഽപി സിദ്ധ്യേത് ।
ശ്രീചക്രവര്‍തീ ദയതാം സ ഗങ്ഗാ
നാരായണഃ പ്രേമരസാംബുധിര്‍മാം ॥ 8॥

വിശ്രംഭവാന്‍ യശ്ചരണേഷു
ഗങ്ഗാനാരായണപ്രേമാംബുരാശേഃ ।
ഏതത്പഠേദഷ്ടകമേകചിത്തഃ
സ തത്പരീവാരപദം പ്രയാതി ॥ 9॥

ഇതി ശ്രീവിശ്വനാഥചക്രവര്‍തിഠക്കുരവിരചിതസ്തവാമൃതലഹര്യാം
ശ്രീശ്രീഗങ്ഗാനാരായണദേവാഷ്ടകം സമ്പൂര്‍ണം ॥

Add Comment

Click here to post a comment