ଶ୍ରୀଗିରିରାଜଧାର୍ୟଷ୍ଟକମ୍ Lyrics in Oriya:
ଭକ୍ତାଭିଲାଷାଚରିତାନୁସାରୀ ଦୁଗ୍ଧାଦିଚୌର୍ୟେଣ ୟଶୋଵିସାରୀ ।
କୁମାରତାନନ୍ଦିତଘୋଷନାରୀ ମମ ପ୍ରଭୁଃ ଶ୍ରୀଗିରିରାଜଧାରୀ ॥ ୧॥
ଵ୍ରଜାଙ୍ଗନାଵୃନ୍ଦସଦାଵିହାରୀ ଅଙ୍ଗୈର୍ଗୃହାଙ୍ଗାରତମୋଽପହାରୀ ।
କ୍ରୀଡାରସାଵେଶତମୋଽଭିସାରୀ ମମ ପ୍ରଭୁଃ ଶ୍ରୀଗିରିରାଜଧାରୀ ॥ ୨॥
ଵେଣୁସ୍ଵନାନନ୍ଦିତପନ୍ନଗାରୀ ରସାତଲାନୃତ୍ୟପଦପ୍ରଚାରୀ ।
କ୍ରୀଡନ୍ଵୟସ୍ୟାକୃତିଦୈତ୍ୟମାରୀ ମମ ପ୍ରଭୁଃ ଶ୍ରୀଗିରିରାଜଧାରୀ ॥ ୩॥
ପୁଲିନ୍ଦଦାରାହିତଶମ୍ବରାରୀ ରମାସଦୋଦାରଦୟାପ୍ରକାରୀ ।
ଗୋଵର୍ଧନେ କନ୍ଦଫଲୋପହାରୀ ମମ ପ୍ରଭୁଃ ଶ୍ରୀଗିରିରାଜଧାରୀ ॥ ୪॥
କଲିନ୍ଦଜାକୂଲଦୁକୂଲହାରୀ କୁମାରିକାକାମକଲାଵିତାରୀ ।
ଵୃନ୍ଦାଵନେ ଗୋଧନଵୃନ୍ଦଚାରୀ ମମ ପ୍ରଭୁଃ ଶ୍ରୀଗିରିରାଜଧାରୀ ॥ ୫॥
ଵ୍ରଜେନ୍ଦ୍ରସର୍ଵାଧିକଶର୍ମକାରୀ ମହେନ୍ଦ୍ରଗର୍ଵାଧିକଗର୍ଵହାରୀ ।
ଵୃନ୍ଦାଵନେ କନ୍ଦଫଲୋପହାରୀ ମମ ପ୍ରଭୁଃ ଶ୍ରୀଗିରିରାଜଧାରୀ ॥ ୬॥
ମନଃକଲାନାଥତମୋଵିଦାରୀ ଵଂଶୀରଵାକାରିତତତ୍କୁମାରିଃ ।
ରାସୋତ୍ସଵୋଦ୍ଵେଲ୍ଲରସାବ୍ଧିମାରୀ ମମ ପ୍ରଭୁଃ ଶ୍ରୀଗିରିରାଜଧାରୀ ॥ ୭॥
ମତ୍ତଦ୍ଵିପୋଦ୍ଦାମଗତାନୁକାରୀ ଲୁଠତ୍ପ୍ରସୂନାପ୍ରପଦୀନହାରୀ ।
ରାମୋରସସ୍ପର୍ଶକରପ୍ରସାରୀ ମମ ପ୍ରଭୁଃ ଶ୍ରୀଗିରିରାଜଧାରୀ ॥ ୮॥
ଇତି ଶ୍ରୀମଦ୍ଵଲ୍ଲଭାଚାର୍ୟଵିରଚିତଂ ଶ୍ରୀଗିରିରାଜଧାର୍ୟଷ୍ଟକଂ ସମ୍ପୂର୍ଣମ୍ ।