Shri Gopalashatanama Stotram Lyrics in Malayalam:
॥ ശ്രീഗോപാലശതനാമസ്തോത്രം ॥
ശ്രീഗണേശായ നമഃ ॥
പാര്‍വത്യുവാച
ദേവദേവ മഹാദേവ സര്‍വവാഞ്ഛാപ്രപൂരക ।
പുരാ പ്രിയം ദേവദേവ കൃഷ്ണസ്യ പരമാദ്ഭുതം ॥ 1 ॥
നാംനാം ശതം സമാസേന കഥായാമീതി സൂചിതം ।
ശ്രീഭഗവാനുവാച ।
ശൃണു പ്രാണപ്രിയേ ദേവി ഗോപനാദതിഗോപിതം ॥ 2 ॥
മമ പ്രാണസ്വരൂപം ച തവ സ്നേഹാത്പ്രകാശ്യതേ ।
യസ്യൈകവാരം പഠനാത്സര്‍വയജ്ഞഫലം ലഭേത് ॥ 3 ॥
മോഹനസ്തംഭനാകര്‍ഷപഠനാജ്ജായതേ നൃണാം ।
സ മുക്തഃ സര്‍വപാപേഭ്യോ യസ്യ സ്മരണമാത്രതഃ ॥ 4 ॥
സ്വയമായാന്തി തസ്യൈവ നിശ്ചലാഃ സര്‍വസമ്പദഃ ।
രാജാനോ ദാസതാം യാന്തി വഹ്നയോ യാന്തി ശീതതാം ॥ 5 ॥
ജലസ്തംഭം രിപുസ്തംഭം ശത്രൂണാം വഞ്ചനം തഥാ ।
ഓംഅസ്യ ശ്രീഗോപാലശതനാമസ്തോത്രസ്യ നാരദഋഷിഃ അനുഷ്ടുപ് ഛന്ദഃ
ശ്രീഗോപാലഃ പരമാത്മാ ദേവതാ । ശ്രീഗോപാലപ്രീത്യര്‍ഥേ ശതനാമപാഠേ വിനിയോഗഃ।
ഓംഗോപാലോ ഗോപതിര്‍ഗോപ്താ ഗോവിന്ദോ ഗോകുലപ്രിയഃ ।
ഗംഭീരോ ഗഗനോ ഗോപീപ്രാണഭൃത് പ്രാണധാരകഃ ॥ 6 ॥
പതിതാനന്ദനോ നന്ദീ നന്ദീശഃ കംസസൂദനഃ ।
നാരായണോ നരത്രാതാ നരകാര്‍ണവതാരകഃ ॥ 7 ॥
നവനീതപ്രിയോ നേതാ നവീനഘനസുന്ദരഃ ।
നവബാലകവാത്സല്യോ ലലിതാനന്ദതത്പരഃ ॥ 8 ॥
പുരുഷാര്‍ഥപ്രദഃ പ്രേമപ്രവീണഃ പരമാകൃതിഃ ।
കരുണഃ കരുണാനാഥഃ കൈവല്യസുഖദായകഃ ॥ 9 ॥
കദംബകുസുമാവേശീ കദംബവനമന്ദിരഃ ।
കാദംബീവിമദാമോദഘൂര്‍ണലോചനപങ്കജഃ ॥ 10 ॥
കാമീ കാന്തകലാനന്ദീ കാന്തഃ കാമനിധിഃ കവിഃ ।
കൌമോദകീ ഗദാപാണിഃ കവീന്ദ്രോ ഗതിമാന്‍ ഹരഃ ॥ 11 ॥
കമലേശഃ കലാനാഥഃ കൈവല്യഃ സുഖസാഗരഃ ।
കേശവഃ കേശിഹാ കേശഃ കലികല്‍മഷനാശനഃ ॥ 12 ॥
കൃപാലുഃ കരുണാസേവീ കൃപോന്‍മീലിതലോചനഃ ।
സ്വച്ഛന്ദഃ സുന്ദരഃ സുന്ദഃ സുരവൃന്ദനിഷേവിതഃ ॥ 13 ॥
സര്‍വജ്ഞഃ സര്‍വദോ ദാതാ സര്‍വപാപവിനാശനഃ ।
സര്‍വാഹ്ലാദകരഃ സര്‍വഃ സര്‍വവേദവിദാം പ്രഭുഃ ॥ 14 ॥
വേദാന്തവേദ്യോ വേദാത്മാ വേദപ്രാണകരോ വിഭുഃ ।
വിശ്വാത്മാ വിശ്വവിദ്വിശ്വപ്രാണദോ വിശ്വവന്ദിതഃ ॥ 15 ॥
വിശ്വേശഃ ശമനസ്ത്രാതാ വിശ്വേശ്വരസുഖപ്രദഃ ।
വിശ്വദോ വിശ്വഹാരീ ച പൂരകഃ കരുണാനിധിഃ ॥ 16 ॥
ധനേശോ ധനദോ ധന്വീ ധീരോ ധീരജനപ്രിയഃ ।
ധരാസുഖപ്രദോ ധാതാ ദുര്‍ധരാന്തകരോ ധരഃ ॥ 17 ॥
രമാനാഥോ രമാനന്ദോ രസജ്ഞോ ഹൃദയാസ്പദഃ ।
രസികോ രാസദോ രാസീ രാസാനന്ദകരോ രസഃ ॥ 18 ॥
രാധികാഽഽരാധിതോ രാധാപ്രാണേശഃ പ്രേമസാഗരഃ ।
നാംനാം ശതം സമാസേന തവ സ്നേഹാത്പ്രകാശിതം ॥ 19 ॥
അപ്രകാശ്യമയം മന്ത്രോ ഗോപനീയഃ പ്രയത്നതഃ ।
യസ്യ തസ്യൈകപഠനാത്സര്‍വവിദ്യാനിധിര്‍ഭവേത് ॥ 20 ॥
പൂജയിത്വാ ദയാനാഥം തതഃ സ്തോത്രമുദീരയേത് ।
പഠനാദ്ദേവദേവേശി ഭോഗമുക്തഫലം ലഭേത് ॥ 21 ॥
സര്‍വപാപവിനിര്‍മുക്തഃ സര്‍വദേവാധിപോ ഭവേത് ।
ജപലക്ഷേണ സിദ്ധം സ്യാത്സത്യം സത്യം ന സംശയഃ ।
കിമുക്തേനൈവ ബഹുനാ വിഷ്ണുതുല്യോ ഭവേന്നരഃ ॥ 22 ॥
ഇതി ശ്രീഹരഗൌരീസംവാദേ ശ്രീഗോപാലശതനാമസ്തോത്രം സമ്പൂര്‍ണം ।
Also Read:
Shri Gopal Shatanama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil