Ashtottara Shatanama

Shri Gopal Shatanama Stotram Lyrics in Bengali

Shri Gopalashatanama Stotram Lyrics in Bengali:

॥ শ্রীগোপালশতনামস্তোত্রম্ ॥

শ্রীগণেশায় নমঃ ॥

পার্বত্যুবাচ
দেবদেব মহাদেব সর্ববাঞ্ছাপ্রপূরক ।
পুরা প্রিয়ং দেবদেব কৃষ্ণস্য পরমাদ্ভুতম্ ॥ ১ ॥

নাম্নাং শতং সমাসেন কথায়ামীতি সূচিতম্ ।
শ্রীভগবানুবাচ ।
শৃণু প্রাণপ্রিয়ে দেবি গোপনাদতিগোপিতম্ ॥ ২ ॥

মম প্রাণস্বরূপং চ তব স্নেহাত্প্রকাশ্যতে ।
য়স্যৈকবারং পঠনাত্সর্বয়জ্ঞফলং লভেত্ ॥ ৩ ॥

মোহনস্তম্ভনাকর্ষপঠনাজ্জায়তে নৃণাম্ ।
স মুক্তঃ সর্বপাপেভ্যো য়স্য স্মরণমাত্রতঃ ॥ ৪ ॥

স্বয়মায়ান্তি তস্যৈব নিশ্চলাঃ সর্বসম্পদঃ ।
রাজানো দাসতাং য়ান্তি বহ্নয়ো য়ান্তি শীততাম্ ॥ ৫ ॥

জলস্তম্ভং রিপুস্তম্ভং শত্রূণাং বঞ্চনং তথা ।
ওঁঅস্য শ্রীগোপালশতনামস্তোত্রস্য নারদঋষিঃ অনুষ্টুপ্ ছন্দঃ
শ্রীগোপালঃ পরমাত্মা দেবতা । শ্রীগোপালপ্রীত্যর্থে শতনামপাঠে বিনিয়োগঃ।
ওঁগোপালো গোপতির্গোপ্তা গোবিন্দো গোকুলপ্রিয়ঃ ।
গম্ভীরো গগনো গোপীপ্রাণভৃত্ প্রাণধারকঃ ॥ ৬ ॥

পতিতানন্দনো নন্দী নন্দীশঃ কংসসূদনঃ ।
নারায়ণো নরত্রাতা নরকার্ণবতারকঃ ॥ ৭ ॥

নবনীতপ্রিয়ো নেতা নবীনঘনসুন্দরঃ ।
নববালকবাত্সল্যো ললিতানন্দতত্পরঃ ॥ ৮ ॥

পুরুষার্থপ্রদঃ প্রেমপ্রবীণঃ পরমাকৃতিঃ ।
করুণঃ করুণানাথঃ কৈবল্যসুখদায়কঃ ॥ ৯ ॥

কদম্বকুসুমাবেশী কদম্ববনমন্দিরঃ ।
কাদম্বীবিমদামোদঘূর্ণলোচনপঙ্কজঃ ॥ ১০ ॥

কামী কান্তকলানন্দী কান্তঃ কামনিধিঃ কবিঃ ।
কৌমোদকী গদাপাণিঃ কবীন্দ্রো গতিমান্ হরঃ ॥ ১১ ॥

কমলেশঃ কলানাথঃ কৈবল্যঃ সুখসাগরঃ ।
কেশবঃ কেশিহা কেশঃ কলিকল্মষনাশনঃ ॥ ১২ ॥

কৃপালুঃ করুণাসেবী কৃপোন্মীলিতলোচনঃ ।
স্বচ্ছন্দঃ সুন্দরঃ সুন্দঃ সুরবৃন্দনিষেবিতঃ ॥ ১৩ ॥

সর্বজ্ঞঃ সর্বদো দাতা সর্বপাপবিনাশনঃ ।
সর্বাহ্লাদকরঃ সর্বঃ সর্ববেদবিদাং প্রভুঃ ॥ ১৪ ॥

বেদান্তবেদ্যো বেদাত্মা বেদপ্রাণকরো বিভুঃ ।
বিশ্বাত্মা বিশ্ববিদ্বিশ্বপ্রাণদো বিশ্ববন্দিতঃ ॥ ১৫ ॥

বিশ্বেশঃ শমনস্ত্রাতা বিশ্বেশ্বরসুখপ্রদঃ ।
বিশ্বদো বিশ্বহারী চ পূরকঃ করুণানিধিঃ ॥ ১৬ ॥

ধনেশো ধনদো ধন্বী ধীরো ধীরজনপ্রিয়ঃ ।
ধরাসুখপ্রদো ধাতা দুর্ধরান্তকরো ধরঃ ॥ ১৭ ॥

রমানাথো রমানন্দো রসজ্ঞো হৃদয়াস্পদঃ ।
রসিকো রাসদো রাসী রাসানন্দকরো রসঃ ॥ ১৮ ॥

রাধিকাঽঽরাধিতো রাধাপ্রাণেশঃ প্রেমসাগরঃ ।
নাম্নাং শতং সমাসেন তব স্নেহাত্প্রকাশিতম্ ॥ ১৯ ॥

অপ্রকাশ্যময়ং মন্ত্রো গোপনীয়ঃ প্রয়ত্নতঃ ।
য়স্য তস্যৈকপঠনাত্সর্ববিদ্যানিধির্ভবেত্ ॥ ২০ ॥

পূজয়িত্বা দয়ানাথং ততঃ স্তোত্রমুদীরয়েত্ ।
পঠনাদ্দেবদেবেশি ভোগমুক্তফলং লভেত্ ॥ ২১ ॥

সর্বপাপবিনির্মুক্তঃ সর্বদেবাধিপো ভবেত্ ।
জপলক্ষেণ সিদ্ধং স্যাত্সত্যং সত্যং ন সংশয়ঃ ।
কিমুক্তেনৈব বহুনা বিষ্ণুতুল্যো ভবেন্নরঃ ॥ ২২ ॥

ইতি শ্রীহরগৌরীসংবাদে শ্রীগোপালশতনামস্তোত্রং সম্পূর্ণম্ ।

Also Read:

Shri Gopal Shatanama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil