Ashtottara Shatanama

Shri Gopal Shatanama Stotram Lyrics in Telugu

Shri Gopalashatanama Stotram Lyrics in Telugu:

॥ శ్రీగోపాలశతనామస్తోత్రమ్ ॥

శ్రీగణేశాయ నమః ॥

పార్వత్యువాచ
దేవదేవ మహాదేవ సర్వవాఞ్ఛాప్రపూరక ।
పురా ప్రియం దేవదేవ కృష్ణస్య పరమాద్భుతమ్ ॥ ౧ ॥

నామ్నాం శతం సమాసేన కథాయామీతి సూచితమ్ ।
శ్రీభగవానువాచ ।
శృణు ప్రాణప్రియే దేవి గోపనాదతిగోపితమ్ ॥ ౨ ॥

మమ ప్రాణస్వరూపం చ తవ స్నేహాత్ప్రకాశ్యతే ।
యస్యైకవారం పఠనాత్సర్వయజ్ఞఫలం లభేత్ ॥ ౩ ॥

మోహనస్తమ్భనాకర్షపఠనాజ్జాయతే నృణామ్ ।
స ముక్తః సర్వపాపేభ్యో యస్య స్మరణమాత్రతః ॥ ౪ ॥

స్వయమాయాన్తి తస్యైవ నిశ్చలాః సర్వసమ్పదః ।
రాజానో దాసతాం యాన్తి వహ్నయో యాన్తి శీతతామ్ ॥ ౫ ॥

జలస్తమ్భం రిపుస్తమ్భం శత్రూణాం వఞ్చనం తథా ।
ఓంఅస్య శ్రీగోపాలశతనామస్తోత్రస్య నారదఋషిః అనుష్టుప్ ఛన్దః
శ్రీగోపాలః పరమాత్మా దేవతా । శ్రీగోపాలప్రీత్యర్థే శతనామపాఠే వినియోగః।
ఓంగోపాలో గోపతిర్గోప్తా గోవిన్దో గోకులప్రియః ।
గమ్భీరో గగనో గోపీప్రాణభృత్ ప్రాణధారకః ॥ ౬ ॥

పతితానన్దనో నన్దీ నన్దీశః కంససూదనః ।
నారాయణో నరత్రాతా నరకార్ణవతారకః ॥ ౭ ॥

నవనీతప్రియో నేతా నవీనఘనసున్దరః ।
నవబాలకవాత్సల్యో లలితానన్దతత్పరః ॥ ౮ ॥

పురుషార్థప్రదః ప్రేమప్రవీణః పరమాకృతిః ।
కరుణః కరుణానాథః కైవల్యసుఖదాయకః ॥ ౯ ॥

కదమ్బకుసుమావేశీ కదమ్బవనమన్దిరః ।
కాదమ్బీవిమదామోదఘూర్ణలోచనపఙ్కజః ॥ ౧౦ ॥

కామీ కాన్తకలానన్దీ కాన్తః కామనిధిః కవిః ।
కౌమోదకీ గదాపాణిః కవీన్ద్రో గతిమాన్ హరః ॥ ౧౧ ॥

కమలేశః కలానాథః కైవల్యః సుఖసాగరః ।
కేశవః కేశిహా కేశః కలికల్మషనాశనః ॥ ౧౨ ॥

కృపాలుః కరుణాసేవీ కృపోన్మీలితలోచనః ।
స్వచ్ఛన్దః సున్దరః సున్దః సురవృన్దనిషేవితః ॥ ౧౩ ॥

సర్వజ్ఞః సర్వదో దాతా సర్వపాపవినాశనః ।
సర్వాహ్లాదకరః సర్వః సర్వవేదవిదాం ప్రభుః ॥ ౧౪ ॥

వేదాన్తవేద్యో వేదాత్మా వేదప్రాణకరో విభుః ।
విశ్వాత్మా విశ్వవిద్విశ్వప్రాణదో విశ్వవన్దితః ॥ ౧౫ ॥

విశ్వేశః శమనస్త్రాతా విశ్వేశ్వరసుఖప్రదః ।
విశ్వదో విశ్వహారీ చ పూరకః కరుణానిధిః ॥ ౧౬ ॥

ధనేశో ధనదో ధన్వీ ధీరో ధీరజనప్రియః ।
ధరాసుఖప్రదో ధాతా దుర్ధరాన్తకరో ధరః ॥ ౧౭ ॥

రమానాథో రమానన్దో రసజ్ఞో హృదయాస్పదః ।
రసికో రాసదో రాసీ రాసానన్దకరో రసః ॥ ౧౮ ॥

రాధికాఽఽరాధితో రాధాప్రాణేశః ప్రేమసాగరః ।
నామ్నాం శతం సమాసేన తవ స్నేహాత్ప్రకాశితమ్ ॥ ౧౯ ॥

అప్రకాశ్యమయం మన్త్రో గోపనీయః ప్రయత్నతః ।
యస్య తస్యైకపఠనాత్సర్వవిద్యానిధిర్భవేత్ ॥ ౨౦ ॥

పూజయిత్వా దయానాథం తతః స్తోత్రముదీరయేత్ ।
పఠనాద్దేవదేవేశి భోగముక్తఫలం లభేత్ ॥ ౨౧ ॥

సర్వపాపవినిర్ముక్తః సర్వదేవాధిపో భవేత్ ।
జపలక్షేణ సిద్ధం స్యాత్సత్యం సత్యం న సంశయః ।
కిముక్తేనైవ బహునా విష్ణుతుల్యో భవేన్నరః ॥ ౨౨ ॥

ఇతి శ్రీహరగౌరీసంవాదే శ్రీగోపాలశతనామస్తోత్రం సమ్పూర్ణమ్ ।

Also Read:

Shri Gopal Shatanama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil