Templesinindiainfo

Best Spiritual Website

Shri Gopal Shatanama Stotram Lyrics in Oriya

Shri Gopalashatanama Stotram Lyrics in Oriya:

॥ ଶ୍ରୀଗୋପାଲଶତନାମସ୍ତୋତ୍ରମ୍ ॥

ଶ୍ରୀଗଣେଶାୟ ନମଃ ॥

ପାର୍ଵତ୍ୟୁଵାଚ
ଦେଵଦେଵ ମହାଦେଵ ସର୍ଵଵାଞ୍ଛାପ୍ରପୂରକ ।
ପୁରା ପ୍ରିୟଂ ଦେଵଦେଵ କୃଷ୍ଣସ୍ୟ ପରମାଦ୍ଭୁତମ୍ ॥ ୧ ॥

ନାମ୍ନାଂ ଶତଂ ସମାସେନ କଥାୟାମୀତି ସୂଚିତମ୍ ।
ଶ୍ରୀଭଗଵାନୁଵାଚ ।
ଶୃଣୁ ପ୍ରାଣପ୍ରିୟେ ଦେଵି ଗୋପନାଦତିଗୋପିତମ୍ ॥ ୨ ॥

ମମ ପ୍ରାଣସ୍ଵରୂପଂ ଚ ତଵ ସ୍ନେହାତ୍ପ୍ରକାଶ୍ୟତେ ।
ୟସ୍ୟୈକଵାରଂ ପଠନାତ୍ସର୍ଵୟଜ୍ଞଫଲଂ ଲଭେତ୍ ॥ ୩ ॥

ମୋହନସ୍ତମ୍ଭନାକର୍ଷପଠନାଜ୍ଜାୟତେ ନୃଣାମ୍ ।
ସ ମୁକ୍ତଃ ସର୍ଵପାପେଭ୍ୟୋ ୟସ୍ୟ ସ୍ମରଣମାତ୍ରତଃ ॥ ୪ ॥

ସ୍ଵୟମାୟାନ୍ତି ତସ୍ୟୈଵ ନିଶ୍ଚଲାଃ ସର୍ଵସମ୍ପଦଃ ।
ରାଜାନୋ ଦାସତାଂ ୟାନ୍ତି ଵହ୍ନୟୋ ୟାନ୍ତି ଶୀତତାମ୍ ॥ ୫ ॥

ଜଲସ୍ତମ୍ଭଂ ରିପୁସ୍ତମ୍ଭଂ ଶତ୍ରୂଣାଂ ଵଞ୍ଚନଂ ତଥା ।
ଓଂଅସ୍ୟ ଶ୍ରୀଗୋପାଲଶତନାମସ୍ତୋତ୍ରସ୍ୟ ନାରଦଋଷିଃ ଅନୁଷ୍ଟୁପ୍ ଛନ୍ଦଃ
ଶ୍ରୀଗୋପାଲଃ ପରମାତ୍ମା ଦେଵତା । ଶ୍ରୀଗୋପାଲପ୍ରୀତ୍ୟର୍ଥେ ଶତନାମପାଠେ ଵିନିୟୋଗଃ।
ଓଂଗୋପାଲୋ ଗୋପତିର୍ଗୋପ୍ତା ଗୋଵିନ୍ଦୋ ଗୋକୁଲପ୍ରିୟଃ ।
ଗମ୍ଭୀରୋ ଗଗନୋ ଗୋପୀପ୍ରାଣଭୃତ୍ ପ୍ରାଣଧାରକଃ ॥ ୬ ॥

ପତିତାନନ୍ଦନୋ ନନ୍ଦୀ ନନ୍ଦୀଶଃ କଂସସୂଦନଃ ।
ନାରାୟଣୋ ନରତ୍ରାତା ନରକାର୍ଣଵତାରକଃ ॥ ୭ ॥

ନଵନୀତପ୍ରିୟୋ ନେତା ନଵୀନଘନସୁନ୍ଦରଃ ।
ନଵବାଲକଵାତ୍ସଲ୍ୟୋ ଲଲିତାନନ୍ଦତତ୍ପରଃ ॥ ୮ ॥

ପୁରୁଷାର୍ଥପ୍ରଦଃ ପ୍ରେମପ୍ରଵୀଣଃ ପରମାକୃତିଃ ।
କରୁଣଃ କରୁଣାନାଥଃ କୈଵଲ୍ୟସୁଖଦାୟକଃ ॥ ୯ ॥

କଦମ୍ବକୁସୁମାଵେଶୀ କଦମ୍ବଵନମନ୍ଦିରଃ ।
କାଦମ୍ବୀଵିମଦାମୋଦଘୂର୍ଣଲୋଚନପଙ୍କଜଃ ॥ ୧୦ ॥

କାମୀ କାନ୍ତକଲାନନ୍ଦୀ କାନ୍ତଃ କାମନିଧିଃ କଵିଃ ।
କୌମୋଦକୀ ଗଦାପାଣିଃ କଵୀନ୍ଦ୍ରୋ ଗତିମାନ୍ ହରଃ ॥ ୧୧ ॥

କମଲେଶଃ କଲାନାଥଃ କୈଵଲ୍ୟଃ ସୁଖସାଗରଃ ।
କେଶଵଃ କେଶିହା କେଶଃ କଲିକଲ୍ମଷନାଶନଃ ॥ ୧୨ ॥

କୃପାଲୁଃ କରୁଣାସେଵୀ କୃପୋନ୍ମୀଲିତଲୋଚନଃ ।
ସ୍ଵଚ୍ଛନ୍ଦଃ ସୁନ୍ଦରଃ ସୁନ୍ଦଃ ସୁରଵୃନ୍ଦନିଷେଵିତଃ ॥ ୧୩ ॥

ସର୍ଵଜ୍ଞଃ ସର୍ଵଦୋ ଦାତା ସର୍ଵପାପଵିନାଶନଃ ।
ସର୍ଵାହ୍ଲାଦକରଃ ସର୍ଵଃ ସର୍ଵଵେଦଵିଦାଂ ପ୍ରଭୁଃ ॥ ୧୪ ॥

ଵେଦାନ୍ତଵେଦ୍ୟୋ ଵେଦାତ୍ମା ଵେଦପ୍ରାଣକରୋ ଵିଭୁଃ ।
ଵିଶ୍ଵାତ୍ମା ଵିଶ୍ଵଵିଦ୍ଵିଶ୍ଵପ୍ରାଣଦୋ ଵିଶ୍ଵଵନ୍ଦିତଃ ॥ ୧୫ ॥

ଵିଶ୍ଵେଶଃ ଶମନସ୍ତ୍ରାତା ଵିଶ୍ଵେଶ୍ଵରସୁଖପ୍ରଦଃ ।
ଵିଶ୍ଵଦୋ ଵିଶ୍ଵହାରୀ ଚ ପୂରକଃ କରୁଣାନିଧିଃ ॥ ୧୬ ॥

ଧନେଶୋ ଧନଦୋ ଧନ୍ଵୀ ଧୀରୋ ଧୀରଜନପ୍ରିୟଃ ।
ଧରାସୁଖପ୍ରଦୋ ଧାତା ଦୁର୍ଧରାନ୍ତକରୋ ଧରଃ ॥ ୧୭ ॥

ରମାନାଥୋ ରମାନନ୍ଦୋ ରସଜ୍ଞୋ ହୃଦୟାସ୍ପଦଃ ।
ରସିକୋ ରାସଦୋ ରାସୀ ରାସାନନ୍ଦକରୋ ରସଃ ॥ ୧୮ ॥

ରାଧିକାଽଽରାଧିତୋ ରାଧାପ୍ରାଣେଶଃ ପ୍ରେମସାଗରଃ ।
ନାମ୍ନାଂ ଶତଂ ସମାସେନ ତଵ ସ୍ନେହାତ୍ପ୍ରକାଶିତମ୍ ॥ ୧୯ ॥

ଅପ୍ରକାଶ୍ୟମୟଂ ମନ୍ତ୍ରୋ ଗୋପନୀୟଃ ପ୍ରୟତ୍ନତଃ ।
ୟସ୍ୟ ତସ୍ୟୈକପଠନାତ୍ସର୍ଵଵିଦ୍ୟାନିଧିର୍ଭଵେତ୍ ॥ ୨୦ ॥

ପୂଜୟିତ୍ଵା ଦୟାନାଥଂ ତତଃ ସ୍ତୋତ୍ରମୁଦୀରୟେତ୍ ।
ପଠନାଦ୍ଦେଵଦେଵେଶି ଭୋଗମୁକ୍ତଫଲଂ ଲଭେତ୍ ॥ ୨୧ ॥

ସର୍ଵପାପଵିନିର୍ମୁକ୍ତଃ ସର୍ଵଦେଵାଧିପୋ ଭଵେତ୍ ।
ଜପଲକ୍ଷେଣ ସିଦ୍ଧଂ ସ୍ୟାତ୍ସତ୍ୟଂ ସତ୍ୟଂ ନ ସଂଶୟଃ ।
କିମୁକ୍ତେନୈଵ ବହୁନା ଵିଷ୍ଣୁତୁଲ୍ୟୋ ଭଵେନ୍ନରଃ ॥ ୨୨ ॥

ଇତି ଶ୍ରୀହରଗୌରୀସଂଵାଦେ ଶ୍ରୀଗୋପାଲଶତନାମସ୍ତୋତ୍ରଂ ସମ୍ପୂର୍ଣମ୍ ।

Also Read:

Shri Gopal Shatanama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

Shri Gopal Shatanama Stotram Lyrics in Oriya

Leave a Reply

Your email address will not be published. Required fields are marked *

Scroll to top