Templesinindiainfo

Best Spiritual Website

Shri Lalit Okta thotaka Ashtakam Lyrics in Telugu

Lalitoktatotaka Ashtakam Lyrics in Telugu:

శ్రీలలితోక్తతోటకాష్టకమ్

నయనేరితమానసభూవిశిఖః
శిరసి ప్రచలప్రచలాకశిఖః ।
మురలీధ్వనిభిః సురభీస్త్వరయన్
పశుపీవిరహవ్యసనం తిరయన్ ॥ ౧॥

పరితో జననీపరితోషకరః
సఖి లమ్పటయన్నఖిలం భువనమ్ ।
తరుణీహృదయం కరుణీ విదధత్
తరలం సరలే కరలమ్బిగుణః ॥ ౨॥

దివసోపరమే పరమోల్లసితః
కలశస్తని హే విలసద్ధసితః ।
అతసీకుసుమం విహసన్మహసా
హరిణీకులమాకులయన్ సహసా ॥ ౩॥

ప్రణయిప్రవణః సుభగశ్రవణ
ప్రచలన్మకరః ససఖిప్రకరః ।
మదయన్నమరీర్భ్రమయన్ భ్రమరీ
మిలితః కతిభిః శిఖినాం తాతభిః ॥ ౪॥

అయముజ్జ్వలయన్ వ్రజభూసరణీం
రమయన్ క్రమణైర్మృదుభిర్ధరణీమ్ ।
అజిరే మిలితః కలితప్రమదే
హరిరుద్విజసే తదపి ప్రమదే ॥ ౫॥

వద మా పరుషం హృదయే న రుషం
రచయ త్వమతశ్చల విభ్రమతః ।
ఉదితే మిహికాకిరణే న హి కా
రభసాదయి తం భజతే దయితమ్ ॥ ౬॥

కలయ త్వరయా విలసత్సిచయః
ప్రసరత్యభితో యువతీనిచయః ।
నిదధాతి హరిర్నయనం సరణౌ
తవ విక్షిప సప్రణయం చరణౌ ॥ ౭॥

ఇతి తాముపదిశ్య తదా స్వసఖీం
లలితా కిల మానితయా విముఖీమ్ ।
అనయత్ ప్రసభాదివ యం జవతః
కురుతాత్ స హరిర్భవికం భవతః ॥ ౮॥

ఇతి శ్రీరూపగోస్వామివిరచితస్తవమాలాయాం శ్రీలలితోక్తతోటకాష్టకం సమ్పూర్ణమ్ ।

Shri Lalit Okta thotaka Ashtakam Lyrics in Telugu

Leave a Reply

Your email address will not be published. Required fields are marked *

Scroll to top