Shri Mahakal Shani Mrityunjaya Stotra Lyrics in Bengali:
শ্রীমহাকালশনিমৃত্যুঞ্জয়স্তোত্রম্
অথ শনৈশ্চরমৃত্যুঞ্জয়স্তোত্রম্ ।
বিনিয়োগঃ-
ওং অস্য শ্রী মহাকাল শনি মৃত্যুঞ্জয়স্তোত্রমন্ত্রস্য পিপ্লাদ
ঋষিরনুষ্টুপ্ছন্দো মহাকাল শনির্দেবতা শং বীজং মায়সী শক্তিঃ কাল
পুরুষায়েতি কীলকং মম অকাল অপমৃত্যু নিবারণার্থে পাঠে বিনিয়োগঃ ।
শ্রী গণেশায় নমঃ ।
ওং মহাকাল শনি মৃত্যুঞ্জায়ায় নমঃ ।
নীলাদ্রীশোভাঞ্চিতদিব্যমূর্তিঃ খড্গো ত্রিদণ্ডী শরচাপহস্তঃ ।
শম্ভুর্মহাকালশনিঃ পুরারির্জয়ত্যশেষাসুরনাশকারী ॥ ১
মেরুপৃষ্ঠে সমাসীনং সামরস্যে স্থিতং শিবম্ ।
প্রণম্য শিরসা গৌরী পৃচ্ছতিস্ম জগদ্ধিতম্ ॥ ২ ॥
পার্বত্যুবাচ –
ভগবন্ ! দেবদেবেশ ! ভক্তানুগ্রহকারক ! ।
অল্পমৃত্যুবিনাশায় য়ত্ত্বয়া পূর্ব সূচিতম্ ॥ ৩ ॥
তদেবত্বং মহাবাহো ! লোকানাং হিতকারকম্ ।
তব মূর্তি প্রভেদস্য মহাকালস্য সাম্প্রতম্ ॥ ৪ ॥
শনের্মৃত্যুঞ্জয়স্তোত্রং ব্রূহি মে নেত্রজন্মনঃ ।
অকাল মৃত্যুহরণমপমৃত্যু নিবারণম্ ॥ ৫ ॥
শনিমন্ত্রপ্রভেদা য়ে তৈর্যুক্তং য়ত্স্তবং শুভম্ ।
প্রতিনাম চথুর্যন্তং নমোন্তং মনুনায়ুতম্ ॥ ৬ ॥
শ্রীশঙ্কর উবাচ –
নিত্যে প্রিয়তমে গৌরি সর্বলোক-হিতেরতে ।
গুহ্যাদ্গুহ্যতমং দিব্যং সর্বলোকোপকারকম্ ॥ ৭ ॥
শনিমৃত্যুঞ্জয়স্তোত্রং প্রবক্ষ্যামি তবঽধুনা ।
সর্বমঙ্গলমাঙ্গল্যং সর্বশত্রু বিমর্দনম্ ॥ ৮ ॥
সর্বরোগপ্রশমনং সর্বাপদ্বিনিবারণম্ ।
শরীরারোগ্যকরণমায়ুর্বৃদ্ধিকরং নৃণাম্ ॥ ৯ ॥
য়দি ভক্তাসি মে গৌরী গোপনীয়ং প্রয়ত্নতঃ ।
গোপিতং সর্বতন্ত্রেষু তচ্ছ্রণুষ্ব মহেশ্বরী ! ॥ ১০ ॥
ঋষিন্যাসং করন্যাসং দেহন্যাসং সমাচরেত্ ।
মহোগ্রং মূর্ঘ্নি বিন্যস্য মুখে বৈবস্বতং ন্যসেত্ ॥ ১১ ॥
গলে তু বিন্যসেন্মন্দং বাহ্বোর্মহাগ্রহং ন্যসেত্ ।
হৃদি ন্যসেন্মহাকালং গুহ্যে কৃশতনুং ন্যসেত্ ॥ ১২ ॥
জান্বোম্তূডুচরং ন্যস্য পাদয়োস্তু শনৈশ্চরম্ ।
এবং ন্যাসবিধি কৃত্বা পশ্চাত্ কালাত্মনঃ শনেঃ ॥ ১৩ ॥
ন্যাসং ধ্যানং প্রবক্ষ্যামি তনৌ শ্যার্বা পঠেন্নরঃ ।
কল্পাদিয়ুগভেদাংশ্চ করাঙ্গন্যাসরুপিণঃ ॥ ১৪ ॥
কালাত্মনো ন্যসেদ্ গাত্রে মৃত্যুঞ্জয় ! নমোঽস্তু তে ।
মন্বন্তরাণি সর্বাণি মহাকালস্বরুপিণঃ ॥ ১৫ ॥
ভাবয়েত্প্রতি প্রত্যঙ্গে মহাকালায় তে নমঃ ।
ভাবয়েত্প্রভবাদ্যব্দান্ শীর্ষে কালজিতে নমঃ ॥ ১৬ ॥
নমস্তে নিত্যসেব্যায় বিন্যসেদয়নে ভ্রুবোঃ ।
সৌরয়ে চ নমস্তেঽতু গণ্ডয়োর্বিন্যসেদৃতূন্ ॥ ১৭ ॥
শ্রাবণং ভাবয়েদক্ষ্ণোর্নমঃ কৃষ্ণনিভায় চ ।
মহোগ্রায় নমো ভার্দং তথা শ্রবণয়োর্ন্যসেত্ ॥ ১৮ ॥
নমো বৈ দুর্নিরীক্ষ্যায় চাশ্বিনং বিন্যসেন্মুখে ।
নমো নীলময়ূখায় গ্রীবায়াং কার্তিকং ন্যসেত্ ॥ ১৯ ॥
মার্গশীর্ষ ন্যসেদ্-বাহ্বোর্মহারৌদ্রায় তে নমঃ ।
ঊর্দ্বলোক-নিবাসায় পৌষং তু হৃদয়ে ন্যসেত্ ॥ ২০ ॥
নমঃ কালপ্রবোধায় মাঘং বৈ চোদরেন্যসেত্ ।
মন্দগায় নমো মেঢ্রে ন্যসের্দ্বফাল্গুনং তথা ॥ ২১ ॥
ঊর্বোর্ন্যসেচ্চৈত্রমাসং নমঃ শিবোস্ভবায় চ ।
বৈশাখং বিন্যসেজ্জান্বোর্নমঃ সংবর্ত্তকায় চ ॥ ২২ ॥
জঙ্ঘয়োর্ভাবয়েজ্জ্যেষ্ঠং ভৈরবায় নমস্তথা ।
আষাঢ़ং পাদ্যোশ্চৈব শনয়ে চ নমস্তথা ॥ ২৩ ॥
কৃষ্ণপক্ষং চ ক্রূরায় নমঃ আপাদমস্তকে ।
ন্যসেদাশীর্ষপাদান্তে শুক্লপক্ষং গ্রহায় চ ॥ ২৪ ॥
নয়সেন্মূলং পাদয়োশ্চ গ্রহায় শনয়ে নমঃ ।
নমঃ সর্বজিতে চৈব তোয়ং সর্বাঙ্গুলৌ ন্যসেত্ ॥ ২৫ ॥
ন্যসেদ্-গুল্ফ-দ্বয়ে বিশ্বং নমঃ শুষ্কতরায় চ ।
বিষ্ণুভং ভাবয়েজ্জঙ্ঘোভয়ে শিষ্টতমায় তে ॥ ২৬ ॥
জানুদ্বয়ে ধনিষ্ঠাং চ ন্যসেত্ কৃষ্ণরুচে নমঃ ।
ঊরুদ্বয়ে বারুর্ণান্ন্যসেত্কালভৃতে নমঃ ॥ ২৭ ॥
পূর্বভাদ্রং ন্যসেন্মেঢ্রে জটাজূটধরায় চ ।
পৃষ্ঠউত্তরভাদ্রং চ করালায় নমস্তথা ॥ ২৮ ॥
রেবতীং চ ন্যসেন্নাভো নমো মন্দচরায় চ ।
গর্ভদেশে ন্যসেদ্দস্ত্রং নমঃ শ্যামতরায় চ ॥ ২৯ ॥
নমো ভোগিস্রজে নিত্যং য়মং স্তনয়ুগে ন্যসেত্ ।
ন্যেসত্কৃত্তিকাং হৃদয়ে নমস্তৈলপ্রিয়ায় চ ॥ ৩০ ॥
রোহিণীং ভাবয়েদ্ধস্তে নমস্তে খড্গধারীণে ।
মৃগং ন্যেসতদ্বাম হস্তে ত্রিদণ্ডোল্লসিতায় চ ॥ ৩১ ॥
দক্ষোর্দ্ধ্ব ভাবয়েদ্রৌদ্রং নমো বৈ বাণধারিণে ।
পুনর্বসুমূর্দ্ধ্ব নমো বৈ চাপধারিণে ॥ ৩২ ॥
তিষ্যং ন্যসেদ্দক্ষবাহৌ নমস্তে হর মন্যবে ।
সার্পং ন্যসেদ্বামবাহৌ চোগ্রচাপায় তে নমঃ ॥ ৩৩ ॥
মঘাং বিভাবয়েত্কণ্ঠে নমস্তে ভস্মধারিণে ।
মুখে ন্যসেদ্-ভগর্ক্ষ চ নমঃ ক্রূরগ্রহায় চ ॥ ৩৪ ॥
ভাবয়েদ্দক্ষনাসায়ামর্যমাণশ্ব য়োগিনে ।
ভাবয়েদ্বামনাসায়াং হস্তর্ক্ষং ধারিণে নমঃ ॥ ৩৫ ॥
ত্বাষ্ট্রং ন্যসেদ্দক্ষকর্ণে কৃসরান্ন প্রিয়ায় তে ।
স্বাতীং ন্যেসদ্বামকর্ণে নমো বৃহ্মময়ায় তে ॥ ৩৬ ॥
বিশাখাং চ দক্ষনেত্রে নমস্তে জ্ঞানদৃষ্টয়ে ।
মৈত্রং ন্যসেদ্বামনেত্রে নমোঽন্ধলোচনায় তে ॥ ৩৭ ॥
শাক্রং ন্যসেচ্চ শিরসি নমঃ সংবর্তকায় চ ।
বিষ্কুম্ভং ভাবয়েচ্ছীর্ষেসন্ধৌ কালায় তে নমঃ ॥ ৩৮ ॥
প্রীতিয়োগং ভ্রুবোঃ সন্ধৌ মহামন্দং ! নমোঽস্তু তে ।
নেত্রয়োঃ সন্ধাবায়ুষ্মদ্যোগং ভীষ্মায় তে নমঃ ॥ ৩৯ ॥
সৌভাগ্যং ভাবয়েন্নাসাসন্ধৌ ফলাশনায় চ ।
শোভনং ভাবয়েত্কর্ণে সন্ধৌ পিণ্যাত্মনে নমঃ ॥ ৪০ ॥
নমঃ কৃষ্ণয়াতিগণ্ডং হনুসন্ধৌ বিভাবয়েত্ ।
নমো নির্মাংসদেহায় সুকর্মাণং শিরোধরে ॥ ৪১ ॥
ধৃতিং ন্যসেদ্দক্ষবাহৌ পৃষ্ঠে ছায়াসুতায় চ ।
তন্মূলসন্ধৌ শূলং চ ন্যসেদুগ্রায় তে নমঃ ॥ ৪২ ॥
তত্কূর্পরে ন্যসেদগণ্ডে নিত্যানন্দায় তে নমঃ ।
বৃদ্ধিং তন্মণিবন্ধে চ কালজ্ঞায় নমো ন্যসেত্ ॥ ৪৩ ॥
ধ্রুবং তদ্ঙ্গুলী-মূলসন্ধৌ কৃষ্ণায় তে নমঃ ।
ব্যাঘাতং ভাবয়েদ্বামবাহুপৃষ্ঠে কৃশায় চ ॥ ৪৪ ॥
হর্ষণং তন্মূলসন্ধৌ ভুতসন্তাপিনে নমঃ ।
তত্কূর্পরে ন্যসেদ্বজ্রং সানন্দায় নমোঽস্তু তে ॥ ৪৫ ॥
সিদ্ধিং তন্মণিবন্ধে চ ন্যসেত্ কালাগ্নয়ে নমঃ ।
ব্যতীপাতং করাগ্রেষু ন্যসেত্কালকৃতে নমঃ ॥ ৪৬ ॥
বরীয়াংসং দক্ষপার্শ্বসন্ধৌ কালাত্মনে নমঃ ।
পরিঘং ভাবয়েদ্বামপার্শ্বসন্ধৌ নমোঽস্তু তে ॥ ৪৭ ॥
ন্যসেদ্দক্ষোরুসন্ধৌ চ শিবং বৈ কালসাক্ষিণে ।
তজ্জানৌ ভাবয়েত্সিদ্ধিং মহাদেহায় তে নমঃ ॥ ৪৮ ॥
সাধ্যং ন্যসেচ্চ তদ্-গুল্ফসন্ধৌ ঘোরায় তে নমঃ ।
ন্যসেত্তদঙ্গুলীসন্ধৌ শুভং রৌদ্রায় তে নমঃ ॥ ৪৯ ॥
ন্যসেদ্বামারুসন্ধৌ চ শুক্লকালবিদে নমঃ ।
ব্রহ্ময়োগং চ তজ্জানো ন্যসেত্সদ্যোগিনে নমঃ ॥ ৫০ ॥
ঐন্দ্রং তদ্-গুল্ফসন্ধৌ চ য়োগাঽধীশায় তে নমঃ ।
ন্যসেত্তদঙ্গুলীসন্ধৌ নমো ভব্যায় বৈধৃতিম্ ॥ ৫১ ॥
চর্মণি ববকরণং ভাবয়েদ্যজ্বনে নমঃ ।
বালবং ভাবয়েদ্রক্তে সংহারক ! নমোঽস্তু তে ॥ ৫২ ॥
কৌলবং ভাবয়েদস্থ্নি নমস্তে সর্বভক্ষিণে ।
তৈত্তিলং ভাবয়েন্মসি আমমাংসপ্রিয়ায় তে ॥ ৫৩ ॥
গরং ন্যসেদ্বপায়াং চ সর্বগ্রাসায় তে নমঃ ।
ন্যসেদ্বণিজং মজ্জায়াং সর্বান্তক ! নমোঽস্তু তে ॥ ৫৪ ॥
বির্যেবিভাবয়েদ্বিষ্টিং নমো মন্যূগ্রতেজসে ।
রুদ্রমিত্র ! পিতৃবসুবারীণ্যেতাংশ্চ পঞ্চ চ ॥ ৫৫ ॥
মুহূর্তাংশ্চ দক্ষপাদনখেষু ভাবয়েন্নমঃ ।
খগেশায় চ খস্থায় খেচরায় স্বরুপিণে ॥ ৫৬ ॥
পুরুহূতশতমখে বিশ্ববেধো-বিধূংস্তথা ।
মুহূর্তাংশ্চ বামপাদনখেষু ভাবয়েন্নমঃ ॥ ৫৭ ॥
সত্যব্রতায় সত্যায় নিত্যসত্যায় তে নমঃ ।
সিদ্ধেশ্বর ! নমস্তুভ্যং য়োগেশ্বর ! নমোঽস্তু তে ॥ ৫৮ ॥
বহ্নিনক্তঞ্চরাংশ্চৈব বরুণার্যময়োনকান্ ।
মুহূর্তাংশ্চ দক্ষহস্তনখেষু ভাবয়েন্নমঃ ॥ ৫৯ ॥
লগ্নোদয়ায় দীর্ঘায় মার্গিণে দক্ষদৃষ্টয়ে ।
বক্রায় চাতিক্রূরায় নমস্তে বামদৃষ্টয়ে ॥ ৬০ ॥
বামহস্তনখেষ্বন্ত্যবর্ণেশায় নমোঽস্তু তে ।
গিরিশাহির্বুধ্ন্যপূষাজপষ্দ্দস্ত্রাংশ্চ ভাবয়েত্ ॥ ৬১ ॥
রাশিভোক্ত্রে রাশিগায় রাশিভ্রমণকারিণে ।
রাশিনাথায় রাশীনাং ফলদাত্রে নমোঽস্তু তে ॥ ৬২ ॥
য়মাগ্নি-চন্দ্রাদিতিজবিধাতৃংশ্চ বিভাবয়েত্ ।
ঊর্দ্ধ্ব-হস্ত-দক্ষনখেষ্বত্যকালায় তে নমঃ ॥ ৬৩ ॥
তুলোচ্চস্থায় সৌম্যায় নক্রকুম্ভগৃহায় চ ।
সমীরত্বষ্টজীবাংশ্চ বিষ্ণু তিগ্ম দ্যুতীন্নয়সেত্ ॥ ৬৪ ॥
ঊর্ধ্ব-বামহস্ত-নখেষ্বন্যগ্রহ নিবারিণে ।
তুষ্টায় চ বরিষ্ঠায় নমো রাহুসখায় চ ॥ ৬৫ ॥
রবিবারং ললাটে চ ন্যসেদ্-ভীমদৃশে নমঃ ।
সোমবারং ন্যসেদাস্যে নমো মৃতপ্রিয়ায় চ ॥ ৬৬ ॥
ভৌমবারং ন্যসেত্স্বান্তে নমো ব্রহ্ম-স্বরুপিণে ।
মেঢ্রং ন্যসেত্সৌম্যবারং নমো জীব-স্বরুপিণে ॥ ৬৭ ॥
বৃষণে গুরুবারং চ নমো মন্ত্র-স্বরুপিণে ।
ভৃগুবারং মলদ্বারে নমঃ প্রলয়কারিণে ॥ ৬৮ ॥
পাদয়োঃ শনিবারং চ নির্মাংসায় নমোঽস্তু তে ।
ঘটিকা ন্যসেত্কেশেষু নমস্তে সূক্ষ্মরুপিণে ॥ ৬৯ ॥
কালরুপিন্নমস্তেঽস্তু সর্বপাপপ্রণাশকঃ !।
ত্রিপুরস্য বধার্থাংয় শম্ভুজাতায় তে নমঃ ॥ ৭০ ॥
নমঃ কালশরীরায় কালনুন্নায় তে নমঃ ।
কালহেতো ! নমস্তুভ্যং কালনন্দায় বৈ নমঃ ॥ ৭১ ॥
অখণ্ডদণ্ডমানায় ত্বনাদ্যন্তায় বৈ নমঃ ।
কালদেবায় কালায় কালকালায় তে নমঃ ॥ ৭২ ॥
নিমেষাদিমহাকল্পকালরুপং চ ভৈরবম্ ।
মৃত্যুঞ্জয়ং মহাকালং নমস্যামি শনৈশ্চরম্ ॥ ৭৩ ॥
দাতারং সর্বভব্যানাং ভক্তানামভয়ঙ্করম্ ।
মৃত্যুঞ্জয়ং মহাকালং নমস্যামি শনৈশ্চরম্ ॥ ৭৪ ॥
কর্ত্তারং সর্বদুঃখানাং দুষ্টানাং ভয়বর্ধনম্ ।
মৃত্যুঞ্জয়ং মহাকালং নমস্যামি শনৈশ্চরম্ ॥ ৭৫ ॥
হর্ত্তারং গ্রহজাতানাং ফলানামঘকারিণাম্ ।
মৃত্যুঞ্জয়ং মহাকালং নমস্যামি শনৈশ্চরম্ ॥ ৭৬ ॥
সর্বেষামেব ভূতানাং সুখদং শান্তমব্যয়ম্ ।
মৃত্যুঞ্জয়ং মহাকালং নমস্যামি শনৈশ্চরম্ ॥ ৭৭ ॥
কারণং সুখদুঃখানাং ভাবাঽভাব-স্বরুপিণম্ ।
মৃত্যুঞ্জয়ং মহাকালং নমস্যামি শনৈশ্চরম্ ॥ ৭৮ ॥
অকাল-মৃত্যু-হরণঽমপমৃত্যু নিবারণম্ ।
মৃত্যুঞ্জয়ং মহাকালং নমস্যামি শনৈশ্চরম্ ॥ ৭৯ ॥
কালরুপেণ সংসার ভক্ষয়ন্তং মহাগ্রহম্ ।
মৃত্যুঞ্জয়ং মহাকালং নমস্যামি শনৈশ্চরম্ ॥ ৮০ ॥
দুর্নিরীক্ষ্যং স্থূলরোমং ভীষণং দীর্ঘ-লোচনম্ ।
মৃত্যুঞ্জয়ং মহাকালং নমস্যামি শনৈশ্চরম্ ॥ ৮১ ॥
গ্রহাণাং গ্রহভূতং চ সর্বগ্রহ-নিবারণম্ ।
মৃত্যুঞ্জয়ং মহাকালং নমস্যামি শনৈশ্চরম্ ॥ ৮২ ॥
কালস্য বশগাঃ সর্বে ন কালঃ কস্যচিদ্বশঃ ।
তস্মাত্ত্বাং কালপুরুষং প্রণতোঽস্মি শনৈশ্চরম্ ॥ ৮৩ ॥
কালদেব জগত্সর্বং কাল এব বিলীয়তে ।
কালরুপং স্বয়ং শম্ভুঃ কালাত্মা গ্রহদেবতা ॥ ৮৪ ॥
চণ্ডীশো রুদ্রডাকিন্যাক্রান্তশ্চণ্ডীশ উচ্যতে ।
বিদ্যুদাকলিতো নদ্যাং সমারুঢো রসাধিপঃ ॥ ৮৫ ॥
চণ্ডীশঃ শুকসংয়ুক্তো জিহ্বয়া ললিতঃ পুনঃ ।
ক্ষতজস্তামসী শোভী স্থিরাত্মা বিদ্যুতা য়ুতঃ ॥ ৮৬ ॥
নমোঽন্তো মনুরিত্যেষ শনিতুষ্টিকরঃ শিবে ।
আদ্যন্তেঽষ্টোত্তরশতং মনুমেনং জপেন্নরঃ ॥ ৮৭ ॥
য়ঃ পঠেচ্ছ্রণুয়াদ্বাপি ধ্যাত্ত্বা সম্পূজ্য ভক্তিতঃ ।
ত্রস্য মৃত্যোর্ভয়ং নৈব শতবর্ষাবধিপ্রিয়ে ! ॥ ৮৮ ॥
জ্বরাঃ সর্বে বিনশ্যন্তি দদ্রু-বিস্ফোটকচ্ছুকাঃ ।
দিবা সৌরিং স্মরেত্ রাত্রৌ মহাকালং য়জন্ পঠেত ॥ ৮৯ ॥
জন্মর্ক্ষে চ য়দা সৌরির্জপেদেতত্সহস্রকম্ ।
বেধগে বামবেধে বা জপেদর্দ্ধসহস্রকম্ ॥ ৯০ ॥
দ্বিতীয়ে দ্বাদশে মন্দে তনৌ বা চাষ্টমেঽপি বা ।
তত্তদ্রাশৌ ভবেদ্যাবত্ পঠেত্তাবদ্দিনাবধি ॥ ৯১ ॥
চতুর্থে দশমে বাঽপি সপ্তমে নবপঞ্চমে ।
গোচরে জন্মলগ্নেশে দশাস্বন্তর্দশাসু চ ॥ ৯২ ॥
গুরুলাঘবজ্ঞানেন পঠেদাবৃত্তিসঙ্খ্যয়া ।
শতমেকং ত্রয়ং বাথ শতয়ুগ্মং কদাচন ॥ ৯৩ ॥
আপদস্তস্য নশ্যন্তি পাপানি চ জয়ং ভবেত্ ।
মহাকালালয়ে পীঠে হ্যথবা জলসন্নিধৌ ॥ ৯৪ ॥
পুণ্যক্ষেত্রেঽশ্বত্থমূলে তৈলকুম্ভাগ্রতো গৃহে ।
নিয়মেনৈকভক্তেন ব্রহ্মচর্যেণ মৌনিনা ॥ ৯৫ ॥
শ্রোতব্যং পঠিতব্যং চ সাধকানাং সুখাবহম্ ।
পরং স্বস্ত্যয়নং পুণ্যং স্তোত্রং মৃত্যুঞ্জয়াভিধম্ ॥ ৯৬ ॥
কালক্রমেণ কথিতং ন্যাসক্রম সমন্বিতম্ ।
প্রাতঃকালে শুচির্ভূত্বা পূজায়াং চ নিশামুখে ॥ ৯৭ ॥
পঠতাং নৈব দুষ্টেভ্যো ব্যাঘ্রসর্পাদিতো ভয়ম্ ।
নাগ্নিতো ন জলাদ্বায়োর্দেশে দেশান্তরেঽথবা ॥ ৯৮ ॥
নাঽকালে মরণং তেষাং নাঽপমৃত্যুভয়ং ভবেত্ ।
আয়ুর্বর্ষশতং সাগ্রং ভবন্তি চিরজীবিনঃ ॥ ৯৯ ॥
নাঽতঃ পরতরং স্তোত্রং শনিতুষ্টিকরং মহত্ ।
শান্তিকং শীঘ্রফলদং স্তোত্রমেতন্ময়োদিতম্ ॥ ১০০ ॥
তস্মাত্সর্বপ্রয়ত্নেন য়দীচ্ছেদাত্মনো হিতম্ ।
কথনীয়ং মহাদেবি ! নৈবাভক্তস্য কস্যচিত্ ॥ ১০১ ॥
॥ ইতি মার্তণ্ডভৈরবতন্ত্রে মহাকালশনিমৃত্যুঞ্জয়স্তোত্রং সম্পূর্ণম্ ॥
