Home / Ashtaka / Shri Radha Ashtakam 4 Lyrics in Malayalam | Sri Radha Stotram

Shri Radha Ashtakam 4 Lyrics in Malayalam | Sri Radha Stotram

Sri Radhashtakam 4 Lyrics in Malayalam:

ശ്രീരാധാഷ്ടകം 4
ശ്രീശ്രീവൃന്ദാവനേശ്വര്യൈ നമഃ ।
ദിശി ദിശി രചയന്തീ സഞ്ചരന്നേത്രലക്ഷ്മീ
വിലസിതഖുരലീഭിഃ ഖഞ്ജരീടസ്യ ഖേലാം ।
ഹൃദയമധുപമല്ലീം വല്ലവാധീശസൂനോ-
രഖിലഗുണഗഭീരാം രാധികാമര്‍ചയാമി ॥ 1॥

പിതുരിഹ വൃഷഭാനോരന്വവായപ്രശസ്തിം
ജഗതി കില സമസ്തേ സുഷ്ഠു വിസ്താരയന്തീം ।
വ്രജപതികുമാരം ഖേലയന്തീം സഖീഭിഃ
സുരഭിണി നിജകുണ്ഡേ രാധികാമര്‍ചയാമി ॥ 2॥

ശരദുപചിതരാകാകൌമുദീനാഥകീര്‍തി
പ്രകരദമനദീക്ഷാദക്ഷിണസ്മേരവക്ത്രാം ।
നടദഘഭിദപാങ്ഗോത്തുങ്ഗിതാനങ്ഗരങ്ഗാം
കലിതരുചിതരങ്ഗാം രാധികാമര്‍ചയാമി ॥ 3॥

വിവിധകുസുമവൃന്ദോത്ഫുല്ലധമ്മില്ലഘാടീ
വിഘടിതമദഘൂര്‍ണത്കേകിപിച്ഛപ്രശസ്തിം ।
മധുരിപുമുഖബിംബോദ്ഗീര്‍ണതാംബൂലരാഗ
സ്ഫുരദമലകപോലാം രാധികാമര്‍ചയാമി ॥ 4॥

അമലിനലലിതാന്തഃസ്നേഹസിക്താന്തരാങ്ഗാം
അഖിലവിധവിശാഖാസഖ്യവിഖ്യാതശീലാം ।
സ്ഫുരദഘഭിദനര്‍ഘപ്രേമമാണിക്യപേടീം
ധൃതമധുരവിനോദാം രാധികാമര്‍ചയാമി ॥ 5॥

അതുലമഹസി വൃന്ദാരണ്യരാജ്യേഽഭിഷിക്താം
നിഖിലസമയഭര്‍തുഃ കാര്‍തികസ്യാധിദേവീം ।
അപരിമിതമുകുന്ദപ്രേയസീവൃന്ദമുഖ്യാം
ജഗദഘഹരകീര്‍തിം രാധികാമര്‍ചയാമി ॥ 6॥

ഹരിപദനഖകോടീപൃഷ്ഠപര്യന്തസീമാ
തടമപി കലയന്തീം പ്രാണകോടേരഭീഷ്ടാം ।
പ്രമുദിതമദിരാക്ഷീവൃന്ദവൈദഗ്ധ്യദീക്ഷാ
ഗുരുമതിഗുരുകീര്‍തിം രാധികാമര്‍ചയാമി ॥ 7॥

അമലകനകപട്ടോദ്ഘൃഷ്ടകാശ്മീരഗൌരീം
മധുരിമലഹരീഭിഃ സമ്പരീതാം കിശോരീം ।
ഹരിഭുജപരിരബ്ധാം ലബ്ധരോമാഞ്ചപാലിം
സ്ഫുരദരുണദുകൂലാം രാധികാമര്‍ചയാമി ॥ 8॥

തദമലമധുരിംണാം കാമമാധാരരൂപം
പരിപഠതി വരിഷ്ഠം സുഷ്ഠു രാധാഷ്ടകം യഃ ।
അഹിമകിരണപുത്രീകൂലകല്യാണചന്ദ്രഃ
സ്ഫുടമഖിലമഭീഷ്ടം തസ്യ തുഷ്ടസ്തനോതി ॥ 9॥

ഇതി ശ്രീരൂപഗോസ്വാമിവിരചിതസ്തവമാലായാം ശ്രീരാധാഷ്ടകം സമ്പൂര്‍ണം ।

Add Comment

Click here to post a comment