Sri Radhashtakam Lyrics in Bengali:
॥ শ্রীরাধাষ্টকম্ ॥
ওঁ দিশিদিশিরচয়ন্তীং সঞ্চয়ন্নেত্রলক্ষ্মীং
বিলসিতখুরলীভিঃ খঞ্জরীটস্য খেলাম্ ।
হৃদয়মধুপমল্লীং বল্লবাধীশসূনো-
রখিলগুণগভীরাং রাধিকামর্চয়ামি ॥ ১॥
পিতুরিহ বৃষভানো রত্নবায়প্রশস্তিং
জগতি কিল সয়স্তে সুষ্ঠু বিস্তারয়ন্তীম্ ।
ব্রজনৃপতিকুমারং খেলয়ন্তীং সখীভিঃ
সুরভিনি নিজকুণ্ডে রাধিকামর্চয়ামি ॥ ২॥
শরদুপচিতরাকাকৌমুদীনাথকীর্ত্তি-
প্রকরদমনদীক্ষাদক্ষিণস্মেরবক্ত্রাম্ ।
নটয়দভিদপাঙ্গোত্তুঙ্গিতানং গরঙ্গাং
বলিতরুচিররঙ্গাং রাধিকামর্চয়ামি ॥ ৩॥
বিবিধকুসুমবৃন্দোত্ফুল্লধম্মিল্লধাটী-
বিঘটিতমদঘৃর্ণাত্কেকিপিচ্ছুপ্রশস্তিম্ ।
মধুরিপুমুখবিম্বোদ্গীর্ণতাম্বূলরাগ-
স্ফুরদমলকপোলাং রাধিকামর্চয়ামি ॥ ৪॥
নলিনবদমলান্তঃস্নেহসিক্তাং তরঙ্গা-
মখিলবিধিবিশাখাসখ্যবিখ্যাতশীলাম্ ।
স্ফুরদঘভিদনর্ঘপ্রেমমাণিক্যপেটীং
ধৃতমধুরবিনোদাং রাধিকামর্চয়ামি ॥ ৫॥
অতুলমহসিবৃন্দারণ্যরাজ্যেভিষিক্তাং
নিখিলসময়ভর্তুঃ কার্তিকস্যাধিদেবীম্ ।
অপরিমিতমুকুন্দপ্রেয়সীবৃন্দমুখ্যাং
জগদঘহরকীর্তিং রাধিকামর্চয়ামি ॥ ৬॥
হরিপদনখকোটীপৃষ্ঠপর্যন্তসীমা-
তটমপি কলয়ন্তীং প্রাণকোটেরভীষ্টম্ ।
প্রমুদিতমদিরাক্ষীবৃন্দবৈদগ্ধ্যদীক্ষা-
গুরুমপি গুরুকীর্তিং রাধিকামর্চয়ামি ॥ ৭॥
অমলকনকপট্টীদৃষ্টকাশ্মীরগৌরীং
মধুরিমলহরীভিঃ সম্পরীতাং কিশোরীম্ ।
হরিভুজপরিরব্ধ্বাং লঘ্বরোমাঞ্চপালীং
স্ফুরদরুণদুকূলাং রাধিকামর্চয়ামি ॥ ৮॥
তদমলমধুরিম্ণাং কামমাধাররূপং
পরিপঠতি বরিষ্ঠং সুষ্ঠু রাধাষ্টকং য়ঃ ।
অহিমকিরণপুত্রীকূলকল্যাণচন্দ্রঃ
স্ফুটমখিলমভীষ্টং তস্য তুষ্টস্তনোতি ॥ ৯॥
ইতি শ্রীরাধাষ্টকং সম্পূর্ণম্ ॥
