Templesinindiainfo

Best Spiritual Website

Shri Vallabha Ashtakam 1 Lyrics in Oriya

Sri Vallabhashtakam 1 Lyrics in Oriya:

ଶ୍ରୀଵଲ୍ଲଭାଷ୍ଟକମ୍ ୧

ଶ୍ରୀମଦ୍ଵୃନ୍ଦାଵନେନ୍ଦୁପ୍ରକଟିତରସିକାନନ୍ଦସନ୍ଦୋହରୂପ-
ସ୍ଫୂର୍ଜଦ୍ରାସାଦିଲୀଲାଽମୃତଜଲଧିଭରାକ୍ରାନ୍ତସର୍ଵୋଽପି ଶଶ୍ଵତ୍ ।
ତସ୍ୟୈଷାତ୍ମାନୁଭାଵପ୍ରକଟନହୃଦୟସ୍ୟାଜ୍ଞୟା ପ୍ରାଦୁରାସୀଦ୍-
ଭୂମୌ ୟଃ ସନ୍ମନୁଷ୍ୟାକୃତିରତିକରୁଣସ୍ତଂ ପ୍ରପଦ୍ୟେ ହୁତାଶମ୍ ॥ ୧॥

ନାଵିର୍ଭୂୟାଦ୍ଭଵାଂଶ୍ଚେଦଧିଧରଣିତଲଂ ଭୂତନାଥୋଦିତାସ-
ନ୍ମାର୍ଗଧ୍ଵାନ୍ତାନ୍ଧତୁଲ୍ୟା ନିଗମପଥପତୌ ଦେଵସର୍ଗେଽପି ଜାତାଃ ।
ଘୋଷାଧୀଶଂ ତଦେମେ କଥମପି ମନୁଜାଃ ପ୍ରାପ୍ନୁୟୁର୍ନୈଵ ଦେଵୀ-
ସୃଷ୍ଟିର୍ଵ୍ୟର୍ଥା ଚ ଭୂୟାନ୍ନିଜଫଲରହିତା ଦେଵଵୈଶ୍ଵାନରୈଷା ॥ ୨॥

ନ ହ୍ୟନ୍ୟୋ ଵାଗଧୀଶାଚ୍ଛ୍ରୁତିଗଣଵଚସାଂ ଭାଵମାଜ୍ଞାତୁମୀଷ୍ଟେ
ୟସ୍ମାତ୍ସାଧ୍ଵୀ ସ୍ଵଭାଵଂ ପ୍ରକଟୟତି ଵଧୂରଗ୍ରତଃ ପତ୍ୟୁରେଵ ।
ତସ୍ମାଚ୍ଛ୍ରୀଵଲ୍ଲଭାଖ୍ୟ ତ୍ଵଦୁଦିତଵଚନାଦନ୍ୟଥା ରୂପୟନ୍ତି
ଭ୍ରାନ୍ତା ୟେ ତେ ନିସର୍ଗତ୍ରିଦଶରିପୁତୟା କେଵଲାନ୍ଧନ୍ତମୋଗାଃ ॥ ୩॥

ପ୍ରାଦୁର୍ଭୂତେନ ଭୂମୌ ଵ୍ରଜପତିଚରଣାମ୍ଭୋଜସେଵାଖ୍ୟଵର୍ତ୍ମ-
ପ୍ରାକଟ୍ୟଂ ୟତ୍କୃତଂ ତେ ତଦୁତ ନିଜକୃତେ ଶ୍ରୀହୁତାଶେତି ମନ୍ୟେ ।
ୟସ୍ମାଦସ୍ମିଂସ୍ଥିତୋ ୟତ୍କିମପି କଥମପି କ୍ଵାପ୍ୟୁପାହର୍ତୁମିଚ୍ଛ-
ତ୍ୟଦ୍ଧା ତଦ୍ଗୋପିକେଶଃ ସ୍ଵଵଦନକମଲେ ଚାରୁହାସେ କରୋତି ॥ ୪॥

ଉଷ୍ଣତ୍ଵୈକସ୍ଵଭାଵୋଽପ୍ୟତିଶିଶିରଵଚଃପୁଞ୍ଜପୀୟୂଷଵୃଷ୍ଟୀ-
ରାର୍ତେଷ୍ଵତ୍ୟୁଗ୍ରମୋହାସୁରନୃଷୁ ୟୁଗପତ୍ତାପମପ୍ୟତ୍ର କୁର୍ଵନ୍ ।
ସ୍ଵସ୍ମିନ୍ କୃଷ୍ଣାସ୍ୟତାଂ ତ୍ଵଂ ପ୍ରକଟୟସି ଚ ନୋ ଭୂତଦେଵତ୍ଵମେତ-
ଦ୍ୟସ୍ମାଦାନନ୍ଦଦଂ ଶ୍ରୀଵ୍ରଜଜନନିଚୟେ ନାଶକଂ ଚାସୁରାଗ୍ନେଃ ॥ ୫॥

ଆମ୍ନାୟୋକ୍ତଂ ୟଦମ୍ଭୋଭଵନମନଲତସ୍ତଚ୍ଚ ସତ୍ୟଂ ଵିଭୋର୍ୟ-
ତ୍ସର୍ଗାଦୌ ଭୂତରୂପାଦଭଵଦନଲତଃ ପୁଷ୍କରଂ ଭୂତରୂପମ୍ ।
ଆନନ୍ଦୈକସ୍ଵରୂପାତ୍ତ୍ଵଦଧିଭୁ ୟଦଭୂତ୍କୃଷ୍ଣସେଵାରସାବ୍ଧି-
ଶ୍ଚାନନ୍ଦୈକସ୍ଵରୂପସ୍ତଦଖିଲମୁଚିତଂ ହେତୁସାମ୍ୟଂ ହି କାର୍ୟେ ॥ ୬॥

ସ୍ଵାମିଚ୍ଛ୍ରୀଵଲ୍ଲଭାଗ୍ନେ କ୍ଷଣମପି ଭଵତଃ ସନ୍ନିଧାନେ କୃପାତଃ
ପ୍ରାଣପ୍ରେଷ୍ଠଵ୍ରଜାଧୀଶ୍ଵରଵଦନଦିଦୃକ୍ଷାର୍ତିତାପୋ ଜନେଷୁ ।
ୟତ୍ପ୍ରାଦୁର୍ଭାଵମାପ୍ନୋତ୍ୟୁଚିତତରମିଦଂ ୟତ୍ତୁ ପଶ୍ଚାଦପୀତ୍ଥଂ
ଦୃଷ୍ଟେଽପ୍ୟସ୍ମିନ୍ମୁଖେନ୍ଦୌ ପ୍ରଚୁରତରମୁଦେତ୍ୟେଵ ତଚ୍ଚିତ୍ରମେତତ୍ ॥ ୭॥

ଅଜ୍ଞାନାଦ୍ୟନ୍ଧକାରପ୍ରଶମନପଟୁତାଖ୍ୟାପନାୟ ତ୍ରିଲୋକ୍ୟା-
ମଗ୍ନିତ୍ତ୍ଵଂ ଵର୍ଣିତଂ ତେ କଵିଭିରପି ସଦା ଵସ୍ତୁତଃ କୃଷ୍ଣ ଏଵ ।
ପ୍ରାଦୁର୍ଭୂତୋ ଭଵାନିତ୍ୟନୁଭଵନିଗମାଦ୍ୟୁକ୍ତମାନୈରଵେତ୍ୟ
ତ୍ଵାଂ ଶ୍ରୀଶ୍ରୀଵଲ୍ଲଭେ ମେ ନିଖିଲବୁଧଜନା ଗୋକୁଲେଶଂ ଭଜନ୍ତେ ॥ ୮॥

ଇତି ଶ୍ରୀମଦ୍ଵିଠ୍ଠଲଦୀକ୍ଷିତଵିରଚିତଂ ଶ୍ରୀଵଲ୍ଲଭାଷ୍ଟକଂ ୧ ସମାପ୍ତମ୍ ।

Shri Vallabha Ashtakam 1 Lyrics in Oriya

Leave a Reply

Your email address will not be published. Required fields are marked *

Scroll to top