Sri Vallabhashtakam 2 Lyrics in Malayalam:
ശ്രീവല്ലഭാഷ്ടകം 2
പ്രഥയിതുമച്യുതചരണാംബുജരസപാനൈകസംശ്രയം വര്‍ത്മ ।
ശ്രീമല്ലക്ഷ്മണതനുജോ ജഗതി ശ്രീവല്ലഭോ ജയതി ॥ 1॥
യദനുഗ്രഹേണ ജന്തൂന്‍ വ്രജമതിരപ്യാത്മനോ മനുതേ ।
നിഃസാധനാനസാധ്യോ ജഗതി ശ്രീവല്ലഭോ ജയതി ॥ 2॥
വിശ്വോദ്ധാരവിചാരപ്രകടിതകരുണോത്തരങ്ഗപാഥോഭിഃ ।
ദിശി ദിശി വിദിതവിഭൂതിര്‍ജഗതി ശ്രീവല്ലഭോ ജയതി ॥ 3॥
മായാമതാദ്രിപക്ഷം സര്‍വം ബ്രഹ്മേതി വാദവജ്രേണ ।
ചിച്ഛേദാദ്ഭുതവീര്യോ ജഗതി ശ്രീവല്ലഭോ ജയതി ॥ 4॥
വിതരതി കൃഷ്ണകഥാമൃതധനമവിനാശ്യം സുദുര്ലഭം ബഹുലം ।
അര്‍ഥിഷു തദുദിതകീര്‍തിര്‍ജഗതി ശ്രീവല്ലഭോ ജയതി ॥ 5॥
കമലാകരയുഗലാലിതവിമലാശയസേവിതാങ്ഘ്രിയുഗ്മഃ ।
അചലാചലബഹുചരിതോ ജഗതി ശ്രീവല്ലഭോ ജയതി ॥ 6॥
നാശയതി ശബ്ദസൃഷ്ടേര്യത്തജ്ജ്ഞനാംശുമാംസ്തമോഽജ്ഞാനം ।
അഘതൂലരാശിദഹനോ ജഗതി ശ്രീവല്ലഭോ ജയതി ॥ 7॥
സഹജാസുരജനതായാ ദുഃഖോദര്‍കായ വക്രതര്‍കേണ ।
അവിദിതമാര്‍ഗദിഗര്‍കോ ജഗതി ശ്രീവല്ലഭോ ജയതി ॥ 8॥
ഇതി ശ്രീദേവകീനന്ദനജീകൃതം ശ്രീവല്ലഭാഷ്ടകം 2 സമ്പൂര്‍ണം ।