Templesinindiainfo

Best Spiritual Website

Shri Yugalakishorashtakam Lyrics in Gujarati | Shri Yugal Ashtakam

Shri Yugal Kishor Ashtakam Text in Gujarati:

શ્રીયુગલકિશોરાષ્ટકમ્

શ્રીમદ્રૂપગોસ્વામિવિરચિતમ્ ।
નવજલધરવિદ્યુદ્યોતવર્ણૌ પ્રસન્નૌ
વદનનયનપદ્મૌ ચારુચન્દ્રાવતંસૌ ।
અલકતિલકફાલૌ કેશવેશપ્રફુલ્લૌ
ભજ ભજ તુ મનો રે રાધિકાકૃષ્ણચન્દ્રૌ ॥ ૧॥

વસનહરિતનીલૌ ચન્દનાલેપનાઙ્ગૌ
મણિમરકતદીપ્તૌ સ્વર્ણમાલાપ્રયુક્તૌ ।
કનકવલયહસ્તૌ રાસનાટ્યપ્રસક્તૌ
ભજ ભજ તુ મનો રે રાધિકાકૃષ્ણચન્દ્રૌ ॥ ૨॥

અતિમતિહરવેશૌ રઙ્ગભઙ્ગીત્રિભઙ્ગૌ
મધુરમૃદુલહાસ્યૌ કુણ્ડલાકીર્ણકર્ણૌ ।
નટવરવરરમ્યૌ નૃત્યગીતાનુરક્તૌ
ભજ ભજ તુ મનો રે રાધિકાકૃષ્ણચન્દ્રૌ ॥ ૩॥

વિવિધગુણવિદગ્ધૌ વન્દનીયૌ સુવેશૌ
મણિમયમકરાદ્યૈઃ શોભિતાઙ્ગૌ સ્ફુરન્તૌ ।
સ્મિતનમિતકટાક્ષૌ ધર્મકર્મપ્રદત્તૌ
ભજ ભજ તુ મનો રે રાધિકાકૃષ્ણચન્દ્રૌ ॥ ૪॥

કનકમુકુટચૂડૌ પુષ્પિતોદ્ભૂષિતાઙ્ગૌ
સકલવનનિવિષ્ટૌ સુન્દરાનન્દપુઞ્જૌ ।
ચરણકમલદિવ્યૌ દેવદેવાદિસેવ્યૌ
ભજ ભજ તુ મનો રે રાધિકાકૃષ્ણચન્દ્રૌ ॥ ૫॥

અતિસુવલિતગાત્રૌ ગન્ધમાલ્યૈર્વિરાજૌ
કતિ કતિ રમણીનાં સેવ્યમાનૌ સુવેશૌ ।
મુનિસુરગણભાવ્યૌ વેદશાસ્ત્રાદિવિજ્ઞૌ
ભજ ભજ તુ મનો રે રાધિકાકૃષ્ણચન્દ્રૌ ॥ ૬॥

અતિસુમધુરમૂર્તૌ દુષ્ટદર્પપ્રશાન્તૌ
સુખરસવરદૌ દ્વૌ સર્વસિદ્ધિપ્રદાનૌ ।
અતિરસવશમગ્નૌ ગીતવાદ્યૈર્વિતાનૌ
ભજ ભજ તુ મનો રે રાધિકાકૃષ્ણચન્દ્રૌ ॥ ૭॥

અગમનિગમસારૌ સૃષ્ટિસંહારકારૌ
વયસિ નવકિશોરૌ નિત્યવૃન્દાવનસ્થૌ ।
શમનભયવિનાશૌ પાપિનસ્તારયન્તૌ
ભજ ભજ તુ મનો રે રાધિકાકૃષ્ણચન્દ્રૌ ॥ ૮॥

ઇદં મનોહરં સ્તોત્રં શ્રદ્ધયા યઃ પઠેન્નરઃ ।
રાધિકાકૃષ્ણચન્દ્રૌ ચ સિદ્ધિદૌ નાત્ર સંશયઃ ॥ ૯॥

ઇતિ શ્રીમદ્રૂપગોસ્વામિવિરચિતં શ્રીયુગલકિશોરાષ્ટકં સમ્પૂર્ણમ્ ।

Shri Yugalakishorashtakam Lyrics in Gujarati | Shri Yugal Ashtakam

Leave a Reply

Your email address will not be published. Required fields are marked *

Scroll to top