Shrikalantaka Ashtakam in Marathi:
॥ श्रीकालान्तकाष्टकम ॥
श्रीकालान्तक अष्टकम
कमलापतिमुखसुरवरपूजित काकोलभासितग्रीव ।
काकोदरपतिभूषण कालान्तक पाहि पार्वतीनाथ ॥ 1 ॥
कमलाभिमानवारणदक्षाङ्घ्रे विमलशेमुषीदायिन ।
नतकामितफलदायक कालान्तक पाहि पार्वतीनाथ ॥ 2 ॥
करुणासागर शंभो शरणागतलोकरक्षणधुरीण ।
कारण समस्तजगतां कालान्तक पाहि पार्वतीनाथ ॥ 3 ॥
प्रणतार्तिहरणदक्ष प्रणवप्रतिपाद्य पर्वतावास ।
प्रणमामि तव पदाब्जे कालान्तक पाहि पार्वतीनाथ ॥ 4 ॥
मन्दारनतजनानां वृन्दारकवृन्दगेयसुचरित्र ।
मुनिपुत्रमृत्युहारिन कालान्तक पाहि पार्वतीनाथ ॥ 5 ॥
मारारण्यदवानल मायावारीन्द्रकुंभसञ्जात ।
मातङ्गचर्मवासः कालान्तक पाहि पार्वतीनाथ ॥ 6 ॥
मोहान्धकारभानो मोदितगिरिजामनःसरोजात ।
मोक्षप्रद प्रणमतां कालान्तक पाहि पार्वतीनाथ ॥ 7 ॥
विद्यानायक मह्यं विद्यां दत्त्वा निवार्य चाविद्याम ।
विद्याधरादिसेवित कालान्तक पाहि पार्वतीनाथ ॥ 8 ॥
कालान्तकाष्टकमिदं पठति जनो यः कृतादरो लोके
कालान्तकप्रसादात्कालकृता भीर्न संभवेत्तस्य ॥ 9 ॥
इति कालान्तकाष्टकं संपूर्णम ॥
Also Read:
Shrikalantaka Ashtakam Lyrics in English | Marathi | Gujarati | Bengali | Kannada | Malayalam | Telugu