Shrivanaragitaa from Parasharasamhita in Bengali:
॥ শ্রীবানরগীতা শ্রীপরাশরসংহিতায়াং ॥
শ্রীপরাশর উবাচ
শৃণু মৈত্রেয় বিপ্রর্ষে স্তোত্রং শ্রীহনুমৎপরম্ ।
কৃতং সর্ববানরৈশ্চ শ্রীবানরগীতাভিদম্ ॥
স্তোত্রং সর্বোত্তমং চৈব হনুমত্তত্ত্বদর্শনম্ ।
সর্বমায়হরং চৈব আধিব্যাধিবিনাশনম্ ॥
অগস্ত্যেন পুরা প্রোক্তং সর্বেষাং মুনিসন্নিধৌ ।
ইন্দ্রেণ যাচিতং চৈতৎ লোকোপকরণেচ্ছয়া ॥
ইন্দ্রোঽথ পরিপপ্রচ্ছ সৎকৃতং মুনিপুঙ্গবম্ ।
অগস্ত্যং চ মহাত্মানং আসীনং চ সুখাসনে ॥
দেবদেব ভবাংভোধেঃ দুস্তরাৎকলুষেন্দ্রিয়াঃ ।
জনাঃ কথং তরন্তীহ তন্মে বদ কৃপানিধে ॥
শ্রী অগস্ত্য উবাচ
হনূমন্তং কৃতস্তোত্রং বানরৈর্বিমলাত্মভিঃ ।
পঠন্তি যে সদা মর্ত্যাঃ তচ্চিত্তবিমলাত্মকাঃ ॥
তরন্তি ভবপাদোধিং প্রাপ্নুবন্তি হরেঃ পদম্ ।
আয়ুঃ কীর্তির্যশশ্চৈব লভন্তে নাত্র সংশয়ঃ ॥
ওঁ অস্য শ্রীবানরগীতাস্তোত্রমন্ত্রস্য – অগস্ত্য ঋষিঃ
জগতী ছন্দঃ – শ্রীহনুমান্ দেবতা – মারুতাত্মজ ইতি বীজম্ –
অঞ্জনাসূনুরিতি শক্তিঃ – বায়ুপুত্র ইতি কীলকম্ –
শ্রীহনুমৎপ্রসাদসিধ্যর্থে বিনিয়োগঃ ॥
ধ্যানম্ ।
বামে জানুনি বামজানুমপরং জ্ঞানাখ্যমুদ্রান্বিতং
হৃদ্দেশে কলয়ন্নুতো মুনিগণৈরাধ্যাত্মদক্ষেক্ষণঃ ।
আসীনঃ কদলীবনে মণিময়ে বালার্ককোটিপ্রভঃ
ধ্যায়ন্ ব্রহ্ম পরং করোতু মনসা শুদ্ধিং হনূমান্ মম ॥
সংজীব পর্বতোদ্ধার মোনোদুঃখং নিবারয় ।
প্রসীদ সুমহাবাহো ত্রায়স্ব হরিসত্তম ॥
শ্রীসুগ্রীব উবাচ
সুবর্ণশৈলস্য গবাং চ কোটিশতস্য কোটেশ্চ শতস্য যৎফলম্ ।
দানস্য নৈবাস্তি সমং ফলং চ ধ্রুবং চ তন্মারুতিদর্শনেন ॥ ১ ॥
শ্রীগন্ধমাদনঃ
হনুমন্নিতি মে স্নানং হনুমন্নিতি মে জপঃ ।
হনুমন্নিতি মে ধ্যানং হনুমৎকীর্তনং সদা ॥ ২ ॥
শ্রীসুষেণ উবাচ
রামভক্তচরিতাকথামৃতং বায়ুতনয়গুণানুকীর্তনম্ ।
রামদাস তব পাদসেবনং সংভবন্তু মম জন্মজন্মনি ॥ ৩ ॥
শ্রী অঙ্গদ উবাচ
মাতা সুবর্চলাদেবী পিতা মে বায়ুনন্দনঃ ।
বান্ধবা হনুমদ্ভক্তাঃ স্বদেশং ভুবনত্রয়ম্ ॥ ৪ ॥
শ্রীনীল উবাচ
ভক্তকল্পতরুং সৌম্যং লোকোত্তরগুণাকরম্ ।
সুবর্চলাপতিং বন্দে মারুতিং বরদং সদা ॥ ৫ ॥
শ্রীগবাক্ষ উবাচ
বায়ুপুত্রেণ মহতা যদ্যদুক্তং করোমি তৎ ।
ন জানামি ততো ধর্মং মদ্ধর্মং রক্ষ মাং সদা ॥ ৬ ॥
শ্রীমৈন্দ উবাচ
সমীরসূতে সততং ৎবদাজ্ঞয়া ৎবদংশকঃ প্রেরিতমানসেন্দ্রিয়ঃ ।
করোম্যহং যচ্চ শুভাশুভং প্রভো ৎবৎপ্রীতয়ে মৎকৃতমস্তু তৎসদা ॥ ৭ ॥
শ্রীদ্বিবিদ উবাচ
রামাদীনাং রণে খ্যাতিং দাতুং যো রাবণাদিকান্ ।
নাবধীৎস্বয়মেবৈকস্তং বন্দে হনুমৎপ্রভুম্ ॥ ৮ ॥
শ্রীশরভ উবাচ
ভৌমস্য বাসরে পূজা কর্তব্যা হনুমৎপ্রভোঃ ।
ভবেৎসঃ শুচিরায়ুঃ শ্রীঃ পুত্রমিত্রকলত্রবান্ ॥ ৯ ॥
শ্রীগবয়ঃ
আমিষীকৃতমার্তাণ্ডং গোষ্পদীকৃতসাগরম্ ।
তৃণীকৃতদশগ্রীবং আঞ্জনেয়ং নমাম্যহম্ ॥ ১০ ॥
শ্রীপ্রহস্তঃ
উল্লঙ্খ্য সিন্ধোঃ সলিলং সলীলং যশ্শোকবহ্নিং জনকাত্মজায়াঃ ।
আদায় তেনৈব দদাহ লঙ্কাং নমামি তং প্রাঞ্জলিরাঞ্জনেয়ম্ ॥ ১১ ॥
শ্রীনল উবাচ
নমাম্যহং বায়ুজপাদপঙ্কজং করোমি তদ্বায়ুজপূজনং সদা ।
বদামি বাতাত্মজনাম মঙ্গলং স্মরামি বায়ূদ্ভবকীর্তনং শুভম্ ॥ ১২ ॥
শ্রীধর্মক উবাচ
সপ্তষষ্টির্হতান্ কোটিবানরাণাং তরস্বিনাম্ ।
যঃ সঞ্জীবনয়ামাস তং বন্দে মারুতাত্মজম্ ॥ ১৩ ॥
শ্রীগজ উবাচ
তনৌ বালপাশঃ পিতা পার্বতীশঃ স্ফুরদ্বাহুদণ্ডো মুখে বজ্রদংষ্ট্রঃ ।
সতী চাঞ্জনা যস্য মাতা ততোঽন্যং ন জানে ন জানে ন জানে ন জানে ॥ ১৪ ॥
শ্রীঋক্ষরজস উবাচ
বুদ্ধির্বলং যশো ধৈর্যং নির্ভয়ৎবমরোগতা ।
অজাড্যং বাক্পটুৎবং চ হনুমৎস্মরণাদ্ভবেৎ ॥ ১৫ ॥
শ্রীসম্পাতি উবাচ
নাশকং সীতাশোকস্য শ্রীরামানন্দদায়িনম্ ।
সুখপ্রদং সাধকানাং বায়ুপুত্রং নমাম্যহম্ ॥ ১৬ ॥
শ্রীবেগবান্ উবাচ
অঞ্জনাবরপুত্রায় রামেষ্টায় হনূমতে ।
সর্বলোকৈকবীরায় ব্রহ্মরূপায় তে নমঃ ॥ ১৭ ॥
শ্রীরুদ্রগ্রীব উবাচ
হনূমৎসদৃশং দৈবং নাস্তি নাস্তীতি ভূতলে ।
তং পূজয়ন্তি সততং ব্রহ্মা-গৌরী-মহেশ্বরাঃ ॥ ১৮ ॥
শ্রীদধিমুখঃ
আলোড্য বেদশাস্ত্রাণি সর্বাণ্যপি মহর্ষিভিঃ ।
ইদমেকং সুনির্ণীতং ন দৈবং হনুমৎপরম্ ॥ ১৯ ॥
শ্রীসুদংষ্ট্র উবাচ
মঙ্গলং হনুমন্নিত্যং মঙ্গলং কপিপুঙ্গব ।
মঙ্গলং চাঞ্জনাসূনো মঙ্গলং রাঘবপ্রিয় ॥ ২০ ॥
শ্রীঋষভ উবাচ
করুণারসপূর্ণায় জগদানন্দহেতবে ।
কুক্ষিস্থাখিললোকায় হনূমদ্ব্রহ্মণে নমঃ ॥ ২১ ॥
শ্রীপৃথু উবাচ
দাতা দাপয়িতা চৈব সংহর্তা রক্ষকস্তথা ।
প্রেরকশ্চানুমোদা চ কর্তা ভোক্তা কপীশ্বরঃ ॥ ২২ ॥
শ্রীজাম্ববান্ উবাচ
ভুক্তিমুক্তিপ্রদং নাম বিহায় হনুমন্ তব ।
সংসরন্তি জনা মূঢাঃ কিং বিচিত্রমতঃপরম্ ॥ ২৩ ॥
শ্রীজ্যোতির্মুখ উবাচ
মৎপ্রার্থনাফলমিদং মম জন্মনশ্চ নেচ্ছামি কিঞ্চিদপরং হনুমন্ মহাত্মন্
।
ৎবদ্দাসদাসজনপাদরজোনিকেতমস্মদ্ধিতো ভবতু সেবকপারিজাত ॥ ২৪ ॥
শ্রীসুমুখ উবাচ
রসনে রসসারজ্ঞে মধুরাস্বাদকাঙ্ক্ষিণি ।
হনুমন্নামপীয়ূষং সর্বদা রসনে পিব ॥ ২৫ ॥
শ্রীগোলাঙ্গূল উবাচ
কুতো দুর্দিনং বা কুতো ভৌমবারঃ কুতো বৈধৃতিস্তস্য ভদ্রা কথং বা ।
কুতো বা ব্যতীপাতদোষক্ষুতং বা হনূমৎপদধ্যানবীতাশুভস্য ॥ ২৬ ॥
শ্রীকুমুদ উবাচ
ত্রাতারো ভুবি পাদাশ্চ মার্গাশ্চ রসনে তব ।?
হনূমন্নির্মিতাস্সন্তি জনানাং হীনতা কুতঃ ॥ ২৭ ॥
শ্রীশতবলি উবাচ
ধন্যোস্ম্যনুগৃহীতোঽস্মি পুণ্যোঽস্মি মহিতোঽস্ম্যহম্ ।
হনুমন্ ৎবৎপদাম্ভোজসেবাবিভবয়োগতঃ ॥ ২৮ ॥
শ্রীকেসরি উবাচ
ৎবত্তোঽন্যঃ শরণং নাস্তি ৎবমেব মম রক্ষকঃ ।
অতো ময়ি কৃপাদৃষ্ট্যা হনুমন্ রক্ষ মাং সদা ॥ ২৯ ॥
শ্রীমারীচ উবাচ
সদা পাপৌঘনিষ্ঠূতং পাপেষু হৃষ্টমানসম্ ।
পাপাত্মানং মহাপাপং রক্ষ মাং হনুমৎপ্রভো ॥ ৩০ ॥
শ্রীতরুণ উবাচ
হনূমদাজ্ঞয়া যচ্চ ভাবি তদ্ভবতি ধ্রুবম্ ।
যদভাবি ন তদ্ভাবি বৃথা দেহপরিশ্রমঃ ॥ ৩১ ॥
শ্রীগোমুখ উবাচ
অপরাধশতং নিত্যং কুর্বাণং মাং নৃশংসকম্ ।
ক্ষমস্ব দাসবুধ্যা ৎবং হনুমন্ করুণানিধে ॥ ৩২ ॥
শ্রীপনস উবাচ
হনুমতো ন পরং পরমার্থতো হনুমতো ন পরং পরমার্থতঃ ।
ইতি বদামি জনান্ পরমার্থতো ন হি পরং ভবতোঽত্র বিচক্ষণঃ ॥ ৩৩ ॥
শ্রীসুষেণ উবাচ
মাতা হনূমাংশ্চ পিতা হনূমান্ ভ্রাতা হনূমান্ ভগিনী হনূমান্ ।
বিদ্যা হনূমান্ দ্রবিণং হনূমান্ স্বামী হনূমান্ সকলং হনূমান্ ॥ ৩৪ ॥
শ্রীহরিলোম উবাচ
ইতো হনূমান্ পরতো হনূমান্ যতো যতো যামি ততো হনূমান্ ।
হনূমতোঽন্যং ননু নাস্তি কিঞ্চিৎ ততো হনূমান্ তমহং প্রপদ্যে ॥ ৩৫ ॥
শ্রীরঙ্গ উবাচ
যদ্বর্ণপদমাত্রাভিঃ সহসোচ্চারণো ভবেৎ ।
ক্ষমস্ব তৎকৃপাদৃষ্ট্যা হনূমন্ প্রণতোঽস্ম্যহম্ ॥ ৩৬ ॥
শ্রীবিধুষ্ট উবাচ
হনূমান্ রক্ষতু জলে স্থলে রক্ষতু বায়ুজঃ ।
অটব্যাং বায়ুপুত্রস্তু সর্বতঃ পাতু মারুতিঃ ॥ ৩৭ ॥
ফলশ্রুতিঃ
ইতীদং বানরপ্রোক্তং সর্বপাপহরং বরম্ ।
সর্বজ্ঞানপ্রদং চৈব সর্বসৌভাগ্যবর্ধনম্ ॥
ইমাং বানরগীতাং যে পঠন্তি শ্রদ্ধয়ান্বিতাঃ ।
পুত্রান্ পৌত্রাংশ্চ ভোগাংশ্চ লভন্তে ক্ষণমাত্রতঃ ॥
ঐশ্বর্যং শাশ্বতং চৈব সুস্থিরাঃ সম্পদস্তথা ।
আয়ুর্দীর্ঘং চ কীর্তিং চ প্রাপ্নুবন্তি ন সংশয়ঃ ॥
ইহ ভুক্ত্বাখিলান্ কামান্ আঞ্জনেয়প্রসাদতঃ ।
গচ্ছন্ত্যন্তে পদং নিত্যং পুনরাবৃত্তিবর্জিতম্ ॥
ইতি শ্রীপরাশরসংহিতায়াং পরাশরমৈত্রেয়সংবাদে
শ্রীবানরগীতা নাম ষট্সপ্ততিতমঃ পটলঃ ॥
Also Read:
Shrivanaragita from Parasharasamhita Lyrics in Hindi | English | Bengali | Gujarati | Kannada | Malayalam | Oriya | Telugu | Tamil
