Atharvashirsha Ganesh Stotram

Sri Ganapati Atharvashirsha Upanishat or Ganapati Upanishat with Accents Lyrics in Oriya

Shri Ganapati Atharvashirsha Upanishat in Oriya:

॥ ଶ୍ରୀଗଣପତ୍ୟଥର୍ୱଶୀର୍ଷୋପନିଷତ୍ ଗଣପତ୍ୟୁପନିଷତ୍ ସସ୍ୱର ॥

ଓଁ ଭ॒ଦ୍ରଂ କର୍ଣେ॑ଭିଃ ଶୃଣୁ॒ୟାମ॑ ଦେବାଃ । ଭ॒ଦ୍ରଂ ପ॑ଶ୍ୟେମା॒କ୍ଷଭି॒ର୍ୟଜ॑ତ୍ରାଃ ।
ସ୍ଥି॒ରୈରଙ୍ଗୈ᳚ସ୍ତୁଷ୍ଟୁ॒ବାꣳ ସ॑ସ୍ତ॒ନୂଭିଃ॑ । ବ୍ୟଶେ॑ମ ଦେ॒ବହି॑ତଂ॒ ଯଦାୟୁଃ॑ ।
ଓଁ ସ୍ୱ॒ସ୍ତି ନ॒ ଇନ୍ଦ୍ରୋ॑ ବୃ॒ଦ୍ଧଶ୍ର॑ବାଃ । ସ୍ୱ॒ସ୍ତି ନଃ॑ ପୂ॒ଷା ବି॒ଶ୍ୱବେ॑ଦାଃ ।
ସ୍ୱ॒ସ୍ତି ନ॒ସ୍ତାର୍କ୍ଷ୍ୟୋ॒ ଅରି॑ଷ୍ଟନେମିଃ । ସ୍ୱ॒ସ୍ତି ନୋ॒ ବୃହ॒ସ୍ପତି॑ର୍ଦଧାତୁ ॥

ଓଁ ଶାନ୍ତିଃ॒ ଶାନ୍ତିଃ॒ ଶାନ୍ତିଃ॑ ॥

ଓଁ ନମ॑ସ୍ତେ ଗ॒ଣପ॑ତୟେ । ତ୍ୱମେ॒ବ ପ୍ର॒ତ୍ୟକ୍ଷଂ॒ ତତ୍ତ୍ୱ॑ମସି ।
ତ୍ୱମେ॒ବ କେ॒ବଲଂ॒ କର୍ତା॑ଽସି । ତ୍ୱମେ॒ବ କେ॒ବଲଂ॒ ଧର୍ତା॑ଽସି । ତ୍ୱମେ॒ବ କେ॒ବଲଂ॒ ହର୍ତା॑ଽସି ।
ତ୍ୱମେବ ସର୍ୱଂ ଖଲ୍ୱିଦଂ॑ ବ୍ରହ୍ମା॒ସି । ତ୍ୱଂ ସାକ୍ଷାଦାତ୍ମା॑ଽସି ନି॒ତ୍ୟମ୍ ॥ ୧ ॥

ଋ॒ତଂ ବ॑ଚ୍ମି । ସ॒ତ୍ୟଂ ବ॑ଚ୍ମି ॥ ୨ ॥

ଅବ॑ ତ୍ୱଂ॒ ମାମ୍ । ଅବ॑ ବ॒କ୍ତାରମ୍᳚ । ଅବ॑ ଶ୍ରୋ॒ତାରମ୍᳚ । ଅବ॑ ଦା॒ତାରମ୍᳚ । ଅବ॑ ଧା॒ତାରମ୍᳚ ।
ଅବାନୂଚାନମ॑ବ ଶି॒ଷ୍ୟମ୍ । ଅବ॑ ପ॒ଶ୍ଚାତ୍ତା᳚ତ୍ । ଅବ॑ ପୁ॒ରସ୍ତା᳚ତ୍ । ଅବୋତ୍ତ॒ରାତ୍ତା᳚ତ୍ ।
ଅବ॑ ଦକ୍ଷି॒ଣାତ୍ତା᳚ତ୍ । ଅବ॑ ଚୋ॒ର୍ଧ୍ୱାତ୍ତା᳚ତ୍ । ଅବାଧ॒ରାତ୍ତା᳚ତ୍ ।
ସର୍ୱତୋ ମାଂ ପାହି ପାହି॑ ସମ॒ନ୍ତାତ୍ ॥ ୩ ॥

ତ୍ୱଂ ବାଙ୍ମୟସ୍ତ୍ୱଂ॑ ଚିନ୍ମ॒ୟଃ । ତ୍ୱମାନନ୍ଦମୟସ୍ତ୍ୱଂ॑ ବ୍ରହ୍ମ॒ମୟଃ । ତ୍ୱଂ ସଚ୍ଚିଦାନନ୍ଦାଦ୍ୱି॑ତୀୟୋ॒ଽସି ।
ତ୍ୱଂ ପ୍ର॒ତ୍ୟକ୍ଷଂ॒ ବ୍ରହ୍ମା॑ସି । ତ୍ୱଂ ଜ୍ଞାନମୟୋ ବିଜ୍ଞାନ॑ମୟୋ॒ଽସି ॥ ୪ ॥

ସର୍ୱଂ ଜଗଦିଦଂ ତ୍ୱ॑ତ୍ତୋ ଜା॒ୟତେ । ସର୍ୱଂ ଜଗଦିଦଂ ତ୍ୱ॑ତ୍ତସ୍ତି॒ଷ୍ଠତି ।
ସର୍ୱଂ ଜଗଦିଦଂ ତ୍ୱୟି ଲ॑ୟମେ॒ଷ୍ୟତି । ସର୍ୱଂ ଜଗଦିଦଂ ତ୍ୱୟି॑ ପ୍ରତ୍ୟେ॒ତି ।
ତ୍ୱଂ ଭୂମିରାପୋଽନଲୋଽନି॑ଲୋ ନ॒ଭଃ । ତ୍ୱଂ ଚତ୍ୱାରି ବା᳚କ୍ପଦା॒ନି ॥ ୫ ॥

ତ୍ୱଂ ଗୁଣତ୍ର॑ୟାତୀ॒ତଃ । ତ୍ୱଂ ଅବସ୍ଥାତ୍ର॑ୟାତୀ॒ତଃ । ତ୍ୱଂ ଦେହତ୍ର॑ୟାତୀ॒ତଃ ।
ତ୍ୱଂ କାଲତ୍ର॑ୟାତୀ॒ତଃ । ତ୍ୱଂ ମୂଲାଧାରସ୍ଥିତୋ॑ଽସି ନି॒ତ୍ୟମ୍ । ତ୍ୱଂ ଶକ୍ତିତ୍ର॑ୟାତ୍ମ॒କଃ ।
ତ୍ୱାଂ ଯୋଗିନୋ ଧ୍ୟାୟ॑ନ୍ତି ନି॒ତ୍ୟମ୍ । ତ୍ୱଂ ବ୍ରହ୍ମା ତ୍ୱଂ ବିଷ୍ଣୁସ୍ତ୍ୱଂ ରୁଦ୍ରସ୍ତ୍ୱମିନ୍ଦ୍ରସ୍ତ୍ୱମଗ୍ନିସ୍ତ୍ୱଂ
ବାୟୁସ୍ତ୍ୱଂ ସୂର୍ୟସ୍ତ୍ୱଂ ଚନ୍ଦ୍ରମାସ୍ତ୍ୱଂ ବ୍ରହ୍ମ॒ ଭୂର୍ଭୁ॑ବଃ ସ୍ୱ॒ରୋମ୍ ॥ ୬ ॥

ଗ॒ଣାଦିଂ᳚ ପୂର୍ୱ॑ମୁଚ୍ଚା॒ର୍ୟ॒ ବ॒ର୍ଣାଦିଂ᳚ସ୍ତଦ॒ନନ୍ତ॑ରମ୍ । ଅନୁସ୍ୱାରଃ ପ॑ରତ॒ରଃ । ଅର୍ଧେନ୍ଦୁ॑ଲସି॒ତମ୍ ।
ତାରେ॑ଣ ଋ॒ଦ୍ଧମ୍ । ଏତତ୍ତବ ମନୁ॑ସ୍ୱରୂ॒ପମ୍ । ଗକାରଃ ପୂ᳚ର୍ୱରୂ॒ପମ୍ । ଅକାରୋ ମଧ୍ୟ॑ମରୂ॒ପମ୍ ।
ଅନୁସ୍ୱାରଶ୍ଚା᳚ନ୍ତ୍ୟରୂ॒ପମ୍ । ବିନ୍ଦୁରୁତ୍ତ॑ରରୂ॒ପମ୍ । ନାଦଃ॑ ସନ୍ଧା॒ନମ୍ । ସꣳହି॑ତା ସ॒ନ୍ଧିଃ ।
ସୈଷା ଗଣେ॑ଶବି॒ଦ୍ୟା । ଗଣ॑କ ଋ॒ଷିଃ । ନିଚୃଦ୍ଗାୟ॑ତ୍ରୀ ଛ॒ନ୍ଦଃ ।
ଶ୍ରୀମହାଗଣପତି॑ର୍ଦେବ॒ତା । ଓଁ ଗଂ ଗଣପ॑ତୟେ॒ ନମଃ॑ ॥ ୭ ॥

ଏ॒କ॒ଦ॒ନ୍ତାୟ॑ ବି॒ଦ୍ମହେ॑ ବକ୍ରତୁ॒ଣ୍ଡାୟ॑ ଧୀମହି । ତନ୍ନୋ॑ ଦନ୍ତିଃ ପ୍ରଚୋ॒ଦୟା᳚ତ୍ ॥ ୮ ॥

ଏ॒କ॒ଦ॒ନ୍ତଂ ଚ॑ତୁର୍ହ॒ସ୍ତଂ॒ ପା॒ଶମ॑ଙ୍କୁଶ॒ଧାରି॑ଣମ୍ । ରଦଂ॑ ଚ॒ ବର॑ଦଂ ହ॒ସ୍ତୈ॒ର୍ବି॒ଭ୍ରାଣଂ॑ ମୂଷ॒କଧ୍ୱ॑ଜମ୍ ।
ରକ୍ତଂ॑ ଲ॒ମ୍ବୋଦ॑ରଂ ଶୂ॒ର୍ପ॒କ॒ର୍ଣକଂ॑ ରକ୍ତ॒ବାସ॑ସମ୍ । ରକ୍ତ॑ଗ॒ନ୍ଧାନୁ॑ଲିପ୍ତା॒ଙ୍ଗଂ॒ ର॒କ୍ତପୁ॑ଷ୍ପୈଃ ସୁ॒ପୂଜି॑ତମ୍ ।
ଭକ୍ତା॑ନୁ॒କମ୍ପି॑ନଂ ଦେ॒ବଂ॒ ଜ॒ଗତ୍କା॑ରଣ॒ମଚ୍ୟୁ॑ତମ୍ । ଆ॒ବିର୍ଭୂ॒ତଂ ଚ॑ ସୃ॒ଷ୍ଟ୍ୟା॒ଦୌ॒ ପ୍ର॒କୃତେଃ᳚ ପୁରୁ॒ଷାତ୍ପ॑ରମ୍ ।
ଏବଂ॑ ଧ୍ୟା॒ୟତି॑ ଯୋ ନି॒ତ୍ୟଂ॒ ସ॒ ଯୋଗୀ॑ ଯୋଗି॒ନାଂ ବ॑ରଃ ॥ ୯ ॥

ନମୋ ବ୍ରାତପତୟେ ନମୋ ଗଣପତୟେ ନମଃ ପ୍ରମଥପତୟେ ନମସ୍ତେଽସ୍ତୁ ଲମ୍ବୋଦରାୟ
ଏକଦନ୍ତାୟ ବିଘ୍ନବିନାଶିନେ ଶିବସୁତାୟ ଶ୍ରୀବରଦମୂ᳚ର୍ତୟେ॒ ନମଃ॑ ॥ ୧୦ ॥

ଏତଦଥର୍ୱଶୀର୍ଷଂ॑ ଯୋଽଧୀ॒ତେ । ସ ବ୍ରହ୍ମଭୂୟା॑ୟ କ॒ଲ୍ପତେ । ସ ସର୍ୱବିଘ୍ନୈ᳚ର୍ନ ବା॒ଧ୍ୟତେ ।
ସ ସର୍ୱତଃ ସୁଖ॑ମେଧ॒ତେ । ସ ପଞ୍ଚମହାପାପା᳚ତ୍ ପ୍ରମୁ॒ଚ୍ୟତେ ।
ସା॒ୟମ॑ଧୀୟା॒ନୋ॒ ଦି॒ବସ॑କୃତଂ ପା॒ପଂ ନା॑ଶୟତି । ପ୍ରା॒ତର॑ଧୀୟା॒ନୋ॒ ରାତ୍ରି॑କୃତଂ ପା॒ପଂ ନା॑ଶୟତି ।
ସା॒ୟଂ ପ୍ରା॒ତଃ ପ୍ର॑ୟୁଞ୍ଜା॒ନଃ॒ ପା॒ପୋଽପା॑ପୋ ଭ॒ବତି । ସର୍ୱତ୍ରାଧୀୟାନୋଽପବି॑ଘ୍ନୋ ଭ॒ବତି । ଧର୍ମାର୍ଥକାମମୋକ୍ଷଂ॑ ଚ ବି॒ନ୍ଦତି ।
ଇଦମଥର୍ୱଶୀର୍ଷମଶିଷ୍ୟାୟ॑ ନ ଦେ॒ୟମ୍ । ଯୋ ଯଦି ମୋହା᳚ଦ୍ ଦାସ୍ୟ॒ତି । ସ ପାପୀ॑ୟାନ୍ ଭ॒ବତି ।
ସହସ୍ରାବର୍ତନାଦ୍ୟଂ ଯଂ କାମ॑ମଧୀ॒ତେ । ତଂ ତମନେ॑ନ ସା॒ଧୟେତ୍ ॥ ୧୧ ॥

ଅନେନ ଗଣପତିମଭି॑ଷିଞ୍ଚ॒ତି । ସ ବା᳚ଗ୍ମୀ ଭ॒ବତି । ଚତୁର୍ଥ୍ୟାମନ॑ଶ୍ନନ୍ ଜ॒ପତି ।
ସ ବିଦ୍ୟା॑ବାନ୍ ଭ॒ବତି । ଇତ୍ୟଥର୍ୱ॑ଣବା॒କ୍ୟମ୍ । ବ୍ରହ୍ମାଦ୍ୟାଚର॑ଣଂ ବି॒ଦ୍ୟାନ୍ନ ବିଭେତି କଦା॑ଚନେ॒ତି ॥ ୧୨ ॥

ଯୋ ଦୂର୍ୱାଙ୍କୁ॑ରୈର୍ୟ॒ଜତି । ସ ବୈଶ୍ରବଣୋପ॑ମୋ ଭ॒ବତି । ଯୋ ଲା॑ଜୈର୍ୟ॒ଜତି ।
ସ ଯଶୋ॑ବାନ୍ ଭ॒ବତି । ସ ମେଧା॑ବାନ୍ ଭ॒ବତି । ଯୋ ମୋଦକସହସ୍ରେ॑ଣ ଯ॒ଜତି ।
ସ ବାଞ୍ଛିତଫଲମ॑ବାପ୍ନୋ॒ତି । ଯଃ ସାଜ୍ୟ ସମି॑ଦ୍ଭିର୍ୟ॒ଜତି ।
ସ ସର୍ୱଂ ଲଭତେ ସ ସ॑ର୍ୱଂ ଲ॒ଭତେ ॥ ୧୩ ॥

ଅଷ୍ଟୌ ବ୍ରାହ୍ମଣାନ୍ ସମ୍ୟଗ୍ ଗ୍ରା॑ହୟି॒ତ୍ୱା । ସୂର୍ୟବର୍ଚ॑ସ୍ୱୀ ଭ॒ବତି ।
ସୂ॒ର୍ୟ॒ଗ୍ର॒ହେ ମ॑ହାନ॒ଦ୍ୟାଂ॒ ପ୍ର॒ତିମାସନ୍ନିଧୌ॑ ବା ଜ॒ପ୍ତ୍ୱା । ସିଦ୍ଧମ॑ନ୍ତ୍ରୋ ଭ॒ବତି ।
ମ॒ହା॒ବି॒ଘ୍ନା᳚ତ୍ ପ୍ରମୁ॒ଚ୍ୟତେ । ମ॒ହା॒ଦୋ॒ଷା᳚ତ୍ ପ୍ରମୁ॒ଚ୍ୟତେ । ମ॒ହା॒ପା॒ପା᳚ତ୍ ପ୍ରମୁ॒ଚ୍ୟତେ ।
ମ॒ହା॒ପ୍ର॒ତ୍ୟବାୟା᳚ତ୍ ପ୍ରମୁ॒ଚ୍ୟତେ । ସ ସର୍ୱବିଦ୍ଭବତି ସ ସର୍ୱ॑ବିଦ୍ଭ॒ବତି ।
ଯ ଏ॒ବଂ ବେଦ॑ । ଇତ୍ୟୁ॑ପ॒ନିଷ॑ତ୍ ॥ ୧୪ ॥

ଓଁ ଶାନ୍ତିଃ॒ ଶାନ୍ତିଃ॒ ଶାନ୍ତିଃ॑ ॥

ଓଁ ଭ॒ଦ୍ରଂ କର୍ଣେ॑ଭିଃ ଶୃଣୁ॒ୟାମ॑ ଦେବାଃ । ଭ॒ଦ୍ରଂ ପ॑ଶ୍ୟେମା॒କ୍ଷଭି॒ର୍ୟଜ॑ତ୍ରାଃ ।
ସ୍ଥି॒ରୈରଙ୍ଗୈ᳚ସ୍ତୁଷ୍ଟୁ॒ବାꣳ ସ॑ସ୍ତ॒ନୂଭିଃ॑ । ବ୍ୟଶେ॑ମ ଦେ॒ବହି॑ତଂ॒ ଯଦାୟୁଃ॑ ।
ସ୍ୱ॒ସ୍ତି ନ॒ ଇନ୍ଦ୍ରୋ॑ ବୃ॒ଦ୍ଧଶ୍ର॑ବାଃ । ସ୍ୱ॒ସ୍ତି ନଃ॑ ପୂ॒ଷା ବି॒ଶ୍ୱବେ॑ଦାଃ ।
ସ୍ୱ॒ସ୍ତି ନ॒ସ୍ତାର୍କ୍ଷ୍ୟୋ॒ ଅରି॑ଷ୍ଟନେମିଃ । ସ୍ୱ॒ସ୍ତି ନୋ॒ ବୃହ॒ସ୍ପତି॑ର୍ଦଧାତୁ ॥

ଓଁ ଶାନ୍ତିଃ॒ ଶାନ୍ତିଃ॒ ଶାନ୍ତିଃ॑ ॥

Also Read:

Sri Ganapati Atharvashirsha Upanishat Lyrics in Hindi | English | Gujarati | Kannada | Malayalam | Oriya | Telugu | Tamil