Vakaradi Shri Vamanashtottarashatanama Stotram Lyrics in Kannada:
॥ ವಕಾರಾದಿ ಶ್ರೀವಾಮನಾಷ್ಟೋತ್ತರಶತನಾಮಸ್ತೋತ್ರಮ್ ॥
ಶ್ರೀ ಹಯಗ್ರೀವಾಯ ನಮಃ ।
ಹರಿಃ ಓಂ
ವಾಮನೋ ವಾರಿಜಾತಾಕ್ಷೋ ವರ್ಣೀ ವಾಸವಸೋದರಃ ।
ವಾಸುದೇವೋ ವಾವದೂಕೋ ವಾಲಖಿಲ್ಯಸಮೋ ವರಃ ॥ 1 ॥
ವೇದವಾದೀ ವಿದ್ಯುದಾಭೋ ವೃತದಂಡೋ ವೃಷಾಕಪಿಃ ।
ವಾರಿವಾಹಸಿತಚ್ಛತ್ರೋ ವಾರಿಪೂರ್ಣಕಮಂಡಲುಃ ॥ 2 ॥
ವಲಕ್ಷಯಜ್ಞೋಪವೀತೋ ವರಕೌಪೀನಧಾರಕಃ ।
ವಿಶುದ್ಧಮೌಂಜೀರಶನೋ ವಿಧೃತಸ್ಫಾಟಿಕಸ್ರಜಃ ॥ 3 ॥
ವೃತಕೃಷ್ಣಾಜಿನಕುಶೋ ವಿಭೂತಿಚ್ಛನ್ನವಿಗ್ರಹಃ ।
ವರಭಿಕ್ಷಾಪಾತ್ರಕಕ್ಷೋ ವಾರಿಜಾರಿಮುಖೋ ವಶೀ ॥ 4 ॥
ವಾರಿಜಾಂಘ್ರಿರ್ವೃದ್ಧಸೇವೀ ವದನಸ್ಮಿತಚನ್ದ್ರಿಕಃ ।
ವಲ್ಗುಭಾಷೀ ವಿಶ್ವಚಿತ್ತಧನಸ್ತೇಯೀ ವಿಶಿಷ್ಟಧೀಃ ॥ 5 ॥
ವಸನ್ತಸದೃಶೋ ವಹ್ನಿ ಶುದ್ಧಾಂಗೋ ವಿಪುಲಪ್ರಭಃ ।
ವಿಶಾರದೋ ವೇದಮಯೋ ವಿದ್ವದರ್ಧಿಜನಾವೃತಃ ॥ 6 ॥
ವಿತಾನಪಾವನೋ ವಿಶ್ವವಿಸ್ಮಯೋ ವಿನಯಾನ್ವಿತಃ ।
ವನ್ದಾರುಜನಮನ್ದಾರೋ ವೈಷ್ಣವರ್ಕ್ಷವಿಭೂಷಣಃ ॥ 7 ॥
ವಾಮಾಕ್ಷೀಮದನೋ ವಿದ್ವನ್ನಯನಾಮ್ಬುಜಭಾಸ್ಕರಃ ।
ವಾರಿಜಾಸನಗೌರೀಶವಯಸ್ಯೋ ವಾಸವಪ್ರಿಯಃ ॥ 8 ॥
ವೈರೋಚನಿಮಖಾಲಂಕೃದ್ವೈರೋಚನಿವನೀವಕಃ ।
ವೈರೋಚನಿಯಶಸ್ಸಿನ್ಧುಚನ್ದ್ರಮಾ ವೈರಿಬಾಡಬಃ ॥ 9 ॥
ವಾಸವಾರ್ಥಸ್ವೀಕೃತಾರ್ಥಿಭಾವೋ ವಾಸಿತಕೈತವಃ ।
ವೈರೋಚನಿಕರಾಮ್ಭೋಜರಸಸಿಕ್ತಪದಾಮ್ಬುಜಃ ॥ 10 ॥
ವೈರೋಚನಿಕರಾಬ್ಧಾರಾಪೂರಿತಾಂಜಲಿಪಂಕಜಃ ।
ವಿಯತ್ಪತಿತಮನ್ದಾರೋ ವಿನ್ಧ್ಯಾವಲಿಕೃತೋತ್ಸವಃ ॥ 11 ॥
ವೈಷಮ್ಯನೈರ್ಘೃಣ್ಯಹೀನೋ ವೈರೋಚನಿಕೃತಪ್ರಿಯಃ ।
ವಿದಾರಿತೈಕಕಾವ್ಯಾಕ್ಷೋ ವಾಂಛಿತಾಜ್ಂಘ್ರಿತ್ರಯಕ್ಷಿತಿಃ ॥ 12 ॥
ವೈರೋಚನಿಮಹಾಭಾಗ್ಯ ಪರಿಣಾಮೋ ವಿಷಾದಹೃತ್ ।
ವಿಯದ್ದುನ್ದುಭಿನಿರ್ಘೃಷ್ಟಬಲಿವಾಕ್ಯಪ್ರಹರ್ಷಿತಃ ॥ 13 ॥
ವೈರೋಚನಿಮಹಾಪುಣ್ಯಾಹಾರ್ಯತುಲ್ಯವಿವರ್ಧನಃ ।
ವಿಬುಧದ್ವೇಷಿಸನ್ತ್ರಾಸತುಲ್ಯವೃದ್ಧವಪುರ್ವಿಭುಃ ॥ 14 ॥
ವಿಶ್ವಾತ್ಮಾ ವಿಕ್ರಮಕ್ರಾನ್ತಲೋಕೋ ವಿಬುಧರಂಜನಃ ।
ವಸುಧಾಮಂಡಲವ್ಯಾಪಿದಿವ್ಯೈಕಚರಣಾಮ್ಬುಜಃ ॥ 15 ॥
ವಿಧಾತ್ರಂಡವಿನಿರ್ಭೇದಿದ್ವಿತೀಯಚರಣಾಮ್ಬುಜಃ ।
ವಿಗ್ರಹಸ್ಥಿತಲೋಕೌಘೋ ವಿಯದ್ಗಂಗೋದಯಾಂಘ್ರಿಕಃ ॥ 16 ॥
ವರಾಯುಧಧರೋ ವನ್ದ್ಯೋ ವಿಲಸದ್ಭೂರಿಭೂಷಣಃ ।
ವಿಷ್ವಕ್ಸೇನಾದ್ಯುಪವೃತೋ ವಿಶ್ವಮೋಹಾಬ್ಜನಿಸ್ಸ್ವನಃ ॥ 17 ॥
ವಾಸ್ತೋಷ್ಪತ್ಯಾದಿದಿಕ್ಪಾಲಬಾಹು ರ್ವಿಧುಮಯಾಶಯಃ ।
ವಿರೋಚನಾಕ್ಷೋ ವಹ್ನ್ಯಾಸ್ಯೋ ವಿಶ್ವಹೇತ್ವರ್ಷಿಗುಹ್ಯಕಃ ॥ 18 ॥
ವಾರ್ಧಿಕುಕ್ಷಿರ್ವಾರಿವಾಹಕೇಶೋ ವಕ್ಷಸ್ಥ್ಸಲೇನ್ದಿರಃ ।
ವಾಯುನಾಸೋ ವೇದಕಂಠೋ ವಾಕ್ಛನ್ದಾ ವಿಧಿಚೇತನಃ ॥ 19 ॥
ವರುಣಸ್ಥಾನರಸನೋ ವಿಗ್ರಹಸ್ಥಚರಾಚರಃ ।
ವಿಬುಧರ್ಷಿಗಣಪ್ರಾಣೋ ವಿಬುಧಾರಿಕಟಿಸ್ಥಲಃ ॥ 20 ॥
ವಿಧಿರುದ್ರಾದಿವಿನುತೋ ವಿರೋಚನಸುತಾನನ್ದನಃ ।
ವಾರಿತಾಸುರಸನ್ದೋಹೋ ವಾರ್ಧಿಗಮ್ಭೀರಮಾನಸಃ ॥ 21 ॥
ವಿರೋಚನಪಿತೃಸ್ತೋತ್ರಕೃತಶಾನ್ತಿರ್ವೃಷಪ್ರಿಯಃ ।
ವಿನ್ಧ್ಯಾವಲಿಪ್ರಾಣನಾಧ ಭಿಕ್ಷಾದಾಯೀ ವರಪ್ರದಃ ॥ 22 ॥
ವಾಸವತ್ರಾಕೃತಸ್ವರ್ಗೋ ವೈರೋಚನಿಕೃತಾತಲಃ ।
ವಾಸವಶ್ರೀಲತೋಪಘ್ನೋ ವೈರೋಚನಿಕೃತಾದರಃ ॥ 23 ॥
ವಿಬುಧದ್ರುಸುಮಾಪಾಂಗವಾರಿತಾಶ್ರಿತಕಶ್ಮಲಃ ।
ವಾರಿವಾಹೋಪಮೋ ವಾಣೀಭೂಷಣೋಽವತು ವಾಕ್ಪತಿಃ ॥ 24 ॥
॥ ಇತಿ ವಕಾರಾದಿ ಶ್ರೀ ವಾಮನಾವತಾರಾಷ್ಟೋತ್ತರಶತಮ್ ಪರಾಭವ
ಶ್ರಾವಣ ಬಹುಲ ಪ್ರತಿಪದಿ ಲಿಖಿತಂ ರಾಮೇಣ ಸಮರ್ಪಿತಂ ಚ
ಶ್ರೀ ಹಯಗ್ರೀವಾಯದೇವಾಯ ॥
Also Read:
Vakaradi Shri Vamana Ashtottara Shatanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
