River Shri Yamuna Ashtakam 5 Lyrics in Telugu:
యా గోకులాగమనసమ్భ్రమదత్తమార్గా
కృష్ణాయ శౌరిముదకైరవిభావయన్తీ ।
స్రష్టుం తదఙ్ఘ్రికమలేఽభవదుత్తరఙ్గా
సా మన్మనోరథశతం యమునా విధత్తామ్ ॥ ౧॥
యా నన్దసూనుమురలీరవలీలయోద్యద్-
భావప్రభావగలదశ్రుపరాగమఙ్ఘ్రిమ్ ।
ఉన్మీలితాబ్జనయనాఽస్పృశదూర్మిదోర్భిః
సా మన్మనోరథశతం యమునా విధత్తామ్ ॥ ౨॥
యా గోకులేశముషితాంశుకలజ్జితాన్త-
రాకణ్ఠమగ్ననవనన్దకుమారికాణామ్ ।
కమ్పోద్గమం విదధతీ న విలమ్బమైచ్ఛత్
సా మన్మనోరథశతం యమునా విధత్తామ్ ॥ ౩॥
యా రాధికాఽధరపయోధరకాముకాయ
తస్మై నికుఞ్చనిలయం స్వకరైశ్చకార ।
స్వచ్ఛోచితాతిమృదువాలుకభూవితానం
సా మన్మనోరథశతం యమునా విధత్తామ్ ॥ ౪॥
యా రాసకేలిజనితశ్రమహారివారి-
క్రీడాసు ఘోషవనితోచ్ఛలదమ్బురాశిః ।
నన్దాత్మజం సుఖయతి స్మ కృతాభిషేకం
సా మన్మనోరథశతం యమునా విధత్తామ్ ॥ ౫॥
యా చఞ్చదఞ్చలదృశః సభయం వ్రజస్త్రీః
పీనోన్నతస్తనతటీః పరిరభ్య మన్దమ్ ।
పారే నయన్తముపలక్ష్య హరిం సమాసీత్
సా మన్మనోరథశతం యమునా విధత్తామ్ ॥ ౬॥
యా విభ్రమద్భ్రమరపఙ్క్తితదఙ్గసఙ్గ-
లగ్నాఙ్గరాగరుచిరద్యుతిదామనేత్రీ ।
తత్పాదపఙ్కజరజోపచితాఙ్గదాత్రీ
సా మన్మనోరథశతం యమునా విధత్తామ్ ॥ ౭॥
యా సేవితాఽనిశమశేషజనైర్వ్రజేశ-
పాదామ్బుజేఽతిరతిమాశు దదాతి తేభ్యః ।
సంస్తూయతే శివవిరఞ్చిమునీన్ద్రవర్యైః
సా మన్మనోరథశతం యమునా విధత్తామ్ ॥ ౮॥
ఉక్తం మయాఽష్టకమిదం తవ సూరసూతే
యః సాదరం త్వయి మనః ప్రపఠేన్నిధాయ ।
తస్యాచలా వ్రజపతౌ రతిరావిరాస్తాం
నిత్యం ప్రసీద మయి దేవకినన్దనేఽపి ॥ ౯॥
ఇతి శ్రీదేవకీనన్దనకృతం యమునాష్టకం సమ్పూర్ణమ్ ।
