Kakaradi Kali Sahasranama Stotram Lyrics in Oriya:
॥ କକାରାଦି କାଲୀସହସ୍ରନାମସ୍ତୋତ୍ରମ୍ ॥
କାଳ୍ୟାଃ ମେଧାସାମ୍ରାଜ୍ୟପ୍ରଦସହସ୍ରନାମସ୍ତୋତ୍ରମ୍
ଶ୍ରୀ ଗଣେଶାୟ ନମଃ ।
କୈଲାସଶିଖରେ ରମ୍ୟେ ନାନାଦେଵଗଣାଵୃତେ ।
ନାନାଵୃକ୍ଷଲତାକୀର୍ଣେ ନାନାପୁଷ୍ପୈରଲଙ୍କୃତେ ॥ ୧ ॥
ଚତୁର୍ମଣ୍ଡଲସଂୟୁକ୍ତେ ଶୃଙ୍ଗାରମଣ୍ଡପେ ସ୍ଥିତେ ।
ସମାଧୌ ସଂସ୍ଥିତଂ ଶାନ୍ତଂ କ୍ରୀଡନ୍ତଂ ୟୋଗିନୀପ୍ରିୟମ୍ ॥ ୨ ॥
ତତ୍ର ମୌନଧରଂ ଦୃଷ୍ଟ୍ଵା ଦେଵୀ ପୃଚ୍ଛତି ଶଙ୍କରମ୍ ।
ଦେଵ୍ୟୁଵାଚ ।
କିଂ ତ୍ଵୟା ଜପ୍ୟତେ ଦେଵ କିଂ ତ୍ଵୟା ସ୍ମର୍ୟ୍ୟତେ ସଦା ॥ ୩ ॥
ସୃଷ୍ଟିଃ କୁତ୍ର ଵିଲୀନାସ୍ତି ପୁନଃ କୁତ୍ର ପ୍ରଜାୟତେ ।
ବ୍ରହ୍ମାଣ୍ଡକାରଣଂ ୟତ୍ତତ୍ କିମାଦ୍ୟଂ କାରଣଂ ମହତ୍ ॥ ୪ ॥
ମନୋରଥମୟୀ ସିଦ୍ଧିସ୍ତଥା ଵାଞ୍ଛାମୟୀ ଶିଵ ।
ତୃତୀୟା କଲ୍ପନାସିଦ୍ଧିଃ କୋଟିସିଦ୍ଧୀଶ୍ଵରାତ୍ମକମ୍ ॥ ୫ ॥
ଶକ୍ତିପାତାଷ୍ଟଦଶକଂ ଚରାଚରପୁରୀଗତିଃ ।
ମହେନ୍ଦ୍ରଜାଲମିନ୍ଦ୍ରାଦିଜାଲାନାଂ ରଚନା ତଥା ॥ ୬ ॥
ଅଣିମାଦ୍ୟଷ୍ଟକଂ ଦେଵ ପରକାୟପ୍ରଵେଶନମ୍ ।
ନଵୀନସୃଷ୍ଟିକରଣଂ ସମୁଦ୍ରଶୋଷଣଂ ତଥା ॥ ୭ ॥
ଅମାୟାଂ ଚନ୍ଦ୍ରସନ୍ଦର୍ଶୋ ଦିଵା ଚନ୍ଦ୍ରପ୍ରକାଶନମ୍ ।
ଚନ୍ଦ୍ରାଷ୍ଟକଂ ଚାଷ୍ଟଦିକ୍ଷୁ ତଥା ସୂର୍ୟାଷ୍ଟକଂ ଶିଵ ॥ ୮ ॥
ଜଲେ ଜଲମୟତ୍ଵଂ ଚ ଵହ୍ନୌ ଵହ୍ନିମୟତ୍ଵକମ୍ ।
ବ୍ରହ୍ମ-ଵିଷ୍ଣ୍ଵାଦି-ନିର୍ମାଣମିନ୍ଦ୍ରାଣାଂ କାରଣଂ କରେ ॥ ୯ ॥
ପାତାଲଗୁଟିକା-ୟକ୍ଷ-ଵେତାଲପଞ୍ଚକଂ ତଥା ।
ରସାୟନଂ ତଥା ଗୁପ୍ତିସ୍ତଥୈଵ ଚାଖିଲାଞ୍ଜନମ୍ ॥ ୧୦ ॥
ମହାମଧୁମତୀ ସିଦ୍ଧିସ୍ତଥା ପଦ୍ମାଵତୀ ଶିଵ ।
ତଥା ଭୋଗଵତୀ ସିଦ୍ଧିର୍ୟାଵତ୍ୟଃ ସନ୍ତି ସିଦ୍ଧୟଃ ॥ ୧୧ ॥
କେନ ମନ୍ତ୍ରେଣ ତପସା କଲୌ ପାପସମାକୁଲେ ।
ଆୟୁଷ୍ୟଂ ପୁଣ୍ୟରହିତେ କଥଂ ଭଵତି ତଦ୍ଵଦ ॥ ୧୨ ॥
ଶ୍ରୀଶିଵ ଉଵାଚ ।
ଵିନା ମନ୍ତ୍ରଂ ଵିନା ସ୍ତୋତ୍ରଂ ଵିନୈଵ ତପସା ପ୍ରିୟେ ।
ଵିନା ବଲିଂ ଵିନା ନ୍ୟାସଂ ଭୂତଶୁଦ୍ଧିଂ ଵିନା ପ୍ରିୟେ ॥ ୧୩ ॥
ଵିନା ଧ୍ୟାନଂ ଵିନା ୟନ୍ତ୍ରଂ ଵିନା ପୂଜାଦିନା ପ୍ରିୟେ ।
ଵିନା କ୍ଲେଶାଦିଭିର୍ଦେଵି ଦେହଦୁଃଖାଦିଭିର୍ଵିନା ॥ ୧୪ ॥
ସିଦ୍ଧିରାଶୁ ଭଵେଦ୍ୟେନ ତଦେଵଂ କଥ୍ୟତେ ମୟା ।
ଶୂନ୍ୟେ ବ୍ରହ୍ମଣ୍ଡଗୋଲେ ତୁ ପଞ୍ଚାଶଚ୍ଛୂନ୍ୟମଧ୍ୟକେ ॥ ୧୫ ॥
ପଞ୍ଚଶୂନ୍ୟସ୍ଥିତା ତାରା ସର୍ଵାନ୍ତେ କାଲିକା ସ୍ଥିତା ।
ଅନନ୍ତ-କୋଟି ବ୍ରହ୍ମାଣ୍ଡ ରାଜଦଣ୍ଡାଗ୍ରକେ ଶିଵେ ॥ ୧୬ ॥
ସ୍ଥାପ୍ୟ ଶୂନ୍ୟାଲୟଂ କୃତ୍ଵା କୃଷ୍ଣଵର୍ଣଂ ଵିଧାୟ ଚ ।
ମହାନିର୍ଗୁଣରୂପା ଚ ଵାଚାତୀତା ପରା କଲା ॥ ୧୭ ॥
କ୍ରୀଡାୟାଂ ସଂସ୍ଥିତା ଦେଵୀ ଶୂନ୍ୟରୂପା ପ୍ରକଲ୍ପୟେତ୍ ।
ସୃଷ୍ଟେରାରମ୍ଭକାର୍ୟାର୍ଥଂ ଦୃଷ୍ଟା ଛାୟା ତୟା ୟଦା ॥ ୧୮ ॥
ଇଚ୍ଛାଶକ୍ତିସ୍ତୁ ସା ଜାତା ତଥା କାଲୋ ଵିନିର୍ମିତଃ ।
ପ୍ରତିବିମ୍ବଂ ତତ୍ର ଦୃଷ୍ଟଂ ଜାତା ଜ୍ଞାନାଭିଧା ତୁ ସା ॥ ୧୯ ॥
ଇଦମେତତ୍କିଂଵିଶିଷ୍ଟଂ ଜାତଂ ଵିଜ୍ଞାନକଂ ମୁଦା ।
ତଦା କ୍ରିୟାଽଭିଧା ଜାତା ତଦୀଚ୍ଛାତୋ ମହେଶ୍ଵରି ॥ ୨୦ ॥
ବ୍ରହ୍ମାଣ୍ଡଗୋଲେ ଦେଵେଶି ରାଜଦଣ୍ଡସ୍ଥିତଂ ଚ ୟତ୍ ।
ସା କ୍ରିୟା ସ୍ଥାପୟାମାସ ସ୍ଵ-ସ୍ଵସ୍ଥାନକ୍ରମେଣ ଚ ॥ ୨୧ ॥
ତତ୍ରୈଵ ସ୍ଵେଚ୍ଛୟା ଦେଵି ସାମରସ୍ୟପରାୟଣା ।
ତଦିଚ୍ଛା କଥ୍ୟତେ ଦେଵି ୟଥାଵଦଵଧାରୟ ॥ ୨୨ ॥
ୟୁଗାଦିସମୟେ ଦେଵି ଶିଵଂ ପରଗୁଣୋତ୍ତମମ୍ ।
ତଦିଚ୍ଛା ନିର୍ଗୁଣଂ ଶାନ୍ତଂ ସଚ୍ଚିଦାନନ୍ଦଵିଗ୍ରହମ୍ ॥ ୨୩ ॥
ଶାଶ୍ଵତଂ ସୁନ୍ଦରଂ ଶୁଦ୍ଧଂ ସର୍ଵଦେଵୟୁତଂ ଵରମ୍ ।
ଆଦିନାଥଂ ଗୁଣାତୀତଂ କାଲ୍ୟା ସଂୟୁତମୀଶ୍ଵରମ୍ ॥ ୨୪ ॥
ଵିପରୀତରତଂ ଦେଵଂ ସାମରସ୍ୟପରାୟଣମ୍ ।
ପୂଜାର୍ଥମାଗତଂ ଦେଵ-ଗନ୍ଧର୍ଵାଽପ୍ସରସାଂ ଗଣମ୍ ॥ ୨୫ ॥
ୟକ୍ଷିଣୀଂ କିନ୍ନରୀକନ୍ୟାମୁର୍ଵଶ୍ୟାଦ୍ୟାଂ ତିଲୋତ୍ତମାମ୍ ।
ଵୀକ୍ଷ୍ୟ ତନ୍ମାୟୟା ପ୍ରାହ ସୁନ୍ଦରୀ ପ୍ରାଣଵଲ୍ଲଭା ॥ ୨୬ ॥
ତ୍ରୈଲୋକ୍ୟସୁନ୍ଦରୀ ପ୍ରାଣସ୍ଵାମିନୀ ପ୍ରାଣରଞ୍ଜିନୀ ।
କିମାଗତଂ ଭଵତ୍ୟାଽଦ୍ୟ ମମ ଭାଗ୍ୟାର୍ଣଵୋ ମହାନ୍ ॥ ୨୭ ॥
ଉକ୍ତ୍ଵା ମୌନଧରଂ ଶମ୍ଭୁଂ ପୂଜୟନ୍ତ୍ୟପ୍ସରୋଗଣାଃ ।
ଅପ୍ସରସ ଊଚୁଃ ।
ସଂସାରାତ୍ତାରିତଂ ଦେଵ ତ୍ଵୟା ଵିଶ୍ଵଜନପ୍ରିୟ ॥ ୨୮ ॥
ସୃଷ୍ଟେରାରମ୍ଭକାର୍ୟ୍ୟାର୍ଥମୁଦ୍ୟୁକ୍ତୋଽସି ମହାପ୍ରଭୋ ।
ଵେଶ୍ୟାକୃତ୍ୟମିଦଂ ଦେଵ ମଙ୍ଗଲାର୍ଥପ୍ରଗାୟନମ୍ ॥ ୨୯ ॥
ପ୍ରୟାଣୋତ୍ସଵକାଲେ ତୁ ସମାରମ୍ଭେ ପ୍ରଗାୟନମ୍ ।
ଗୁଣାଦ୍ୟାରମ୍ଭକାଲେ ହି ଵର୍ତ୍ତତେ ଶିଵଶଙ୍କର ॥ ୩୦ ॥
ଇନ୍ଦ୍ରାଣୀକୋଟୟଃ ସନ୍ତି ତସ୍ୟାଃ ପ୍ରସଵବିନ୍ଦୁତଃ ।
ବ୍ରହ୍ମାଣୀ ଵୈଷ୍ଣଵୀ ଚୈଵ ମାହେଶୀ କୋଟିକୋଟୟଃ ॥ ୩୧ ॥
ତଵ ସାମରସାନନ୍ଦ ଦର୍ଶନାର୍ଥଂ ସମୁଦ୍ଭଵାଃ ।
ସଞ୍ଜାତାଶ୍ଚାଗ୍ରତୋ ଦେଵ ଚାସ୍ମାକଂ ସୌଖ୍ୟସାଗର ॥ ୩୨ ॥
ରତିଂ ହିତ୍ଵା କାମିନୀନାଂ ନାଽନ୍ୟତ୍ ସୌଖ୍ୟଂ ମହେଶ୍ଵର ।
ସା ରତିର୍ଦୃଶ୍ୟତେଽସ୍ମାଭିର୍ମହତ୍ସୌଖ୍ୟାର୍ଥକାରିକା ॥ ୩୩ ॥
ଏଵମେତତ୍ତୁ ଚାସ୍ମାଭିଃ କର୍ତଵ୍ୟଂ ଭର୍ତୃଣା ସହ ।
ଏଵଂ ଶ୍ରୁତ୍ଵା ମହାଦେଵୋ ଧ୍ୟାନାଵସ୍ଥିତମାନସଃ ॥ ୩୪ ॥
ଧ୍ୟାନଂ ହିତ୍ଵା ମାୟୟା ତୁ ପ୍ରୋଵାଚ କାଲିକାଂ ପ୍ରତି ।
କାଲି କାଲି ରୁଣ୍ଡମାଲେ ପ୍ରିୟେ ଭୈରଵଵାଦିନୀ ॥ ୩୫ ॥
ଶିଵାରୂପଧରେ କ୍ରୂରେ ଘୋରଦ୍ରଂଷ୍ଟେ ଭୟାନକେ ।
ତ୍ରୈଲୋକ୍ୟସୁନ୍ଦରକରୀ ସୁନ୍ଦର୍ୟ୍ୟଃ ସନ୍ତି ମେଽଗ୍ରତଃ ॥ ୩୬ ॥
ସୁନ୍ଦରୀଵୀକ୍ଷଣଂ କର୍ମ କୁରୁ କାଲି ପ୍ରିୟେ ଶିଵେ ।
ଧ୍ୟାନଂ ମୁଞ୍ଚ ମହାଦେଵି ତା ଗଚ୍ଛନ୍ତି ଗୃହଂ ପ୍ରତି ॥ ୩୭ ॥
ତଵ ରୂପଂ ମହାକାଲି ମହାକାଲପ୍ରିୟଙ୍କରମ୍ ।
ଏତାସାଂ ସୁନ୍ଦରଂ ରୂପଂ ତ୍ରୈଲୋକ୍ୟପ୍ରିୟକାରକମ୍ ॥ ୩୮ ॥
ଏଵଂ ମାୟାଭ୍ରମାଵିଷ୍ଟୋ ମହାକାଲୋ ଵଦନ୍ନିତି ।
ଇତି କାଲଵଚଃ ଶ୍ରୁତ୍ଵା କାଲଂ ପ୍ରାହ ଚ କାଲିକା ॥ ୩୯ ॥
ମାୟୟାଽଽଚ୍ଛାଦ୍ୟ ଚାତ୍ମାନଂ ନିଜସ୍ତ୍ରୀରୂପଧାରିଣୀ ।
ଇତଃ ପ୍ରଭୃତି ସ୍ତ୍ରୀମାତ୍ରଂ ଭଵିଷ୍ୟତି ୟୁଗେ ୟୁଗେ ॥ ୪୦ ॥
ଵଲ୍ଲ୍ୟାଦ୍ୟୌଷଧୟୋ ଦେଵି ଦିଵା ଵଲ୍ଲୀସ୍ଵରୂପତାମ୍ ।
ରାତ୍ରୌ ସ୍ତ୍ରୀରୂପମାସାଦ୍ୟ ରତିକେଲିଃ ପରସ୍ପରମ୍ ॥ ୪୧ ॥
ଅଜ୍ଞାନଂ ଚୈଵ ସର୍ଵେଷାଂ ଭଵିଷ୍ୟତି ୟୁଗେ ୟୁଗେ ।
ଏଵଂ ଶାପଂ ଚ ଦତ୍ଵା ତୁ ପୁନଃ ପ୍ରୋଵାଚ କାଲିକା ॥ ୪୨ ॥
ଵିପରୀତରତିଂ କୃତ୍ଵା ଚିନ୍ତୟନ୍ତି ମନନ୍ତି ୟେ ।
ତେଷାଂ ଵରଂ ପ୍ରଦାସ୍ୟାମି ନିତ୍ୟଂ ତତ୍ର ଵସାମ୍ୟହମ୍ ॥ ୪୩ ॥
ଇତ୍ୟୁକ୍ତ୍ଵା କାଲିକା ଵିଦ୍ୟା ତତ୍ରୈଵାନ୍ତରଧୀୟତ ।
ତ୍ରିଂଶତ୍-ତ୍ରିଖର୍ଵ-ଷଡ୍ଵୃନ୍ଦ-ନଵତ୍ୟର୍ବୁଦକୋଟୟଃ ॥ ୪୪ ॥
ଦର୍ଶନାର୍ଥଂ ତପସ୍ତେପେ ସା ଵୈ କୁତ୍ର ଗତା ପ୍ରିୟା ।
ମମ ପ୍ରାଣପ୍ରିୟା ଦେଵୀ ହାହା ପ୍ରାଣପ୍ରିୟେ ଶିଵେ ॥ ୪୫ ॥
କିଂ କରୋମି କ୍ଵ ଗଚ୍ଛାମି ଇତ୍ୟେଵଂ ଭ୍ରମସଙ୍କୁଲଃ ।
ତସ୍ୟାଃ କାଲ୍ୟା ଦୟା ଜାତା ମମ ଚିନ୍ତାପରଃ ଶିଵଃ ॥ ୪୬ ॥
ୟନ୍ତ୍ରପ୍ରସ୍ତାରବୁଦ୍ଧିସ୍ତୁ କାଲ୍ୟା ଦତ୍ତାତିସତ୍ଵରମ୍ ।
ୟନ୍ତ୍ରୟାଗଂ ତଦାରଭ୍ୟ ପୂର୍ଵଂ ଚିଦ୍ଘନଗୋଚରା ॥ ୪୭ ॥
ଶ୍ରୀଚକ୍ରଂ ୟନ୍ତ୍ରପ୍ରସ୍ତାରରଚନାଭ୍ୟାସତତ୍ପରଃ ।
ଇତସ୍ତତୋ ଭ୍ରମ୍ୟମାଣସ୍ତ୍ରୈଲୋକ୍ୟଂ ଚକ୍ରମଧ୍ୟକମ୍ ॥ ୪୮ ॥
ଚକ୍ରପାରଦର୍ଶନାର୍ଥଂ କୋଟ୍ୟର୍ବୁଦୟୁଗଂ ଗତମ୍ ।
ଭକ୍ତପ୍ରାଣପ୍ରିୟା ଦେଵୀ ମହାଶ୍ରୀଚକ୍ରନାୟିକା ॥ ୪୯ ॥
ତତ୍ର ବିନ୍ଦୌ ପରଂ ରୂପଂ ସୁନ୍ଦରଂ ସୁମନୋହରମ୍ ।
ରୂପଂ ଜାତଂ ମହେଶାନି ଜାଗ୍ରତ୍ତ୍ରିପୁରସୁନ୍ଦରି ॥ ୫୦ ॥
ରୂପଂ ଦୃଷ୍ଟ୍ଵା ମହାଦେଵୋ ରାଜରାଜେଶ୍ଵରୋଽଭଵତ୍ ।
ତସ୍ୟାଃ କଟାକ୍ଷମାତ୍ରେଣ ତସ୍ୟା ରୂପଧରଃ ଶିଵଃ ॥ ୫୧ ॥
ଵିନା ଶୃଙ୍ଗାରସଂୟୁକ୍ତା ତଦା ଜାତା ମହେଶ୍ଵରୀ ।
ଵିନା କାଲ୍ୟଂଶତୋ ଦେଵି ଜଗତ୍ସ୍ଥାଵରଜଙ୍ଗମମ୍ ॥ ୫୨ ॥
ନ ଶୃଙ୍ଗାରୋ ନ ଶକ୍ତିତ୍ଵଂ କ୍ଵାପି ନାସ୍ତି ମହେଶ୍ଵରୀ ।
ସୁନ୍ଦର୍ୟ୍ୟା ପ୍ରାର୍ଥିତା କାଲୀ ତୁଷ୍ଟା ପ୍ରୋଵାଚ କାଲିକା ॥ ୫୩ ॥
ସର୍ଵାସାଂ ନେତ୍ରକେଶେଷୁ ମମାଂଶୋଽତ୍ର ଭଵିଷ୍ୟତି ।
ପୂର୍ଵାଵସ୍ଥାସୁ ଦେଵେଶି ମମାଂଶସ୍ତିଷ୍ଠତି ପ୍ରିୟେ ॥ ୫୪ ॥
ସାଵସ୍ଥା ତରୁଣାଖ୍ୟା ତୁ ତଦନ୍ତେ ନୈଵ ତିଷ୍ଠତି ।
ମଦ୍ଭକ୍ତାନାଂ ମହେଶାନି ସଦା ତିଷ୍ଠତି ନିଶ୍ଚିତମ୍ ॥ ୫୫ ॥
ଶକ୍ତିସ୍ତୁ କୁଣ୍ଠିତା ଜାତା ତଥା ରୂପଂ ନ ସୁନ୍ଦରମ୍ ।
ଚିନ୍ତାଵିଷ୍ଟା ତୁ ମଲିନା ଜାତା ତତ୍ର ଚ ସୁନ୍ଦରୀ ॥ ୫୬ ॥
କ୍ଷଣଂ ସ୍ଥିତ୍ଵା ଧ୍ୟାନପରା କାଲୀ ଚିନ୍ତନତତ୍ପରା ।
ତଦା କାଲୀ ପ୍ରସନ୍ନାଽଭୂତ୍ କ୍ଷଣାର୍ଦ୍ଧେନ ମହେଶ୍ଵରୀ ॥ ୫୭ ॥
ଵରଂ ବ୍ରୂହି ଵରଂ ବ୍ରୂହି ଵରଂ ବ୍ରୂହୀତି ସାଦରମ୍ ।
ସୁନ୍ଦର୍ୟୁଵାଚ ।
ମମ ସିଦ୍ଧିଵରଂ ଦେହି ଵରୋଽୟଂ ପ୍ରାର୍ଥ୍ୟତେ ମୟା ॥ ୫୮ ॥
ତାଦୃଗୁପାୟଂ କଥୟ ୟେନ ଶକ୍ତିର୍ଭଵିଷ୍ୟତି ।
ଶ୍ରୀକାଲ୍ୟୁଵାଚ ।
ମମ ନାମସାହସ୍ରଂ ଚ ମୟା ପୂର୍ଵଂ ଵିନିର୍ମିତମ୍ ॥ ୫୯ ॥
ମତ୍ସ୍ଵରୂପଂ କକାରାଖ୍ୟଂ ମେଧାସାମ୍ରାଜ୍ୟନାମକମ୍ ।
ଵରଦାନାଭିଧଂ ନାମ କ୍ଷଣାର୍ଦ୍ଧାଦ୍ଵରଦାୟକମ୍ ॥ ୬୦ ॥
ତତ୍ପଠସ୍ଵ ମହାମାୟେ ତଵ ଶକ୍ତିର୍ଭଵିଷ୍ୟତି ।
ତତଃ ପ୍ରଭୃତି ଶ୍ରୀଵିଦ୍ୟା ତନ୍ନାମପାଠତତ୍ପରା ॥ ୬୧ ॥
ତଦେଵ ନାମସାହସ୍ରଂ ସୁନ୍ଦରୀଶକ୍ତିଦାୟକମ୍ ।
କଥ୍ୟତେ ପରୟା ଭକ୍ତ୍ୟା ସାଧୟେ ସୁମହେଶ୍ଵରି ॥ ୬୨ ॥
ମଦ୍ୟେର୍ମାଂସୈସ୍ତଥା ଶୁକ୍ରୈର୍ବହୁରକ୍ତୈରପି ପ୍ରିୟେ ।
ତର୍ପୟେତ୍ ପୂଜୟେତ୍ କାଲୀଂ ଵିପରୀତରତିଂ ଚରେତ୍ ॥ ୬୩ ॥
ଵିପରୀତରତୌ ଦେଵି କାଲୀ ତିଷ୍ଠତି ନିତ୍ୟଶଃ ।
ମାଧ୍ଵୀକପୁଷ୍ପଶୁକ୍ରାନ୍ନମୈଥୁନାଦ୍ୟା ଵିରାଗିଣୀ ॥ ୬୪ ॥
ଵୈଷ୍ଣଵୀ ଵ୍ୟାପିକା ଵିଦ୍ୟା ଶ୍ମଶାନଵାସିନୀ ପରା ।
ଵୀରସାଧନସନ୍ତୁଷ୍ଟା ଵୀରାସ୍ଫାଲନନାଦିନୀ ॥ ୬୫ ॥
ଶିଵାବଲିପ୍ରହୃଷ୍ଟାତ୍ମା ଶିଵାରୂପାଦ୍ୟଚଣ୍ଡିକା ।
କାମସ୍ତୋତ୍ରପ୍ରିୟାତ୍ୟୁଗ୍ରମାନସା କାମରୂପିଣୀ ॥ ୬୬ ॥
ବ୍ରହ୍ମାନନ୍ଦପରା ଶମ୍ଭୁ ମୈଥୁନାନନ୍ଦତୋଷିତା ।
ୟୋଗୀନ୍ଦ୍ରହୃଦୟାଗାରା ଦିଵା ନିଶି ଵିପର୍ୟୟା ॥ ୬୭ ॥
କ୍ଷଣଂ ତୁଷ୍ଟା ଚ ପ୍ରତ୍ୟକ୍ଷା ଦନ୍ତମାଲାଜପପ୍ରିୟା ।
ଶୟ୍ୟାୟାଂ ଚୁମ୍ବନାଙ୍ଗଃ ସନ୍ ଵେଶ୍ୟାସଙ୍ଗପରାୟଣଃ ॥ ୬୮ ॥
ଖଡ୍ଗହସ୍ତୋ ମୁକ୍ତକେଶୋ ଦିଗମ୍ବରଵିଭୂଷିତଃ ।
ପଠେନ୍ନାମସହସ୍ରାଖ୍ୟଂ ମେଧାସାମ୍ରାଜ୍ୟନାମକମ୍ ॥ ୬୯ ॥
ୟଥା ଦିଵ୍ୟାମୃତୈର୍ଦେଵାଃ ପ୍ରସନ୍ନା କ୍ଷଣମାତ୍ରତଃ ।
ତଥାଽନେନ ମହାକାଲୀ ପ୍ରସନ୍ନା ପାଠମାତ୍ରତଃ ॥ ୭୦ ॥
କଥ୍ୟତେ ନାମସାହସ୍ରଂ ସାଵଧାନମନାଃ ଶୃଣୁ ।
ସର୍ଵସାମ୍ରାଜ୍ୟମେଧାଖ୍ୟନାମସାହସ୍ରକସ୍ୟ ଚ ॥ ୭୧ ॥
ମହାକାଲ ଋଷିଃ ପ୍ରୋକ୍ତ ଉଷ୍ଣିକ୍ଛନ୍ଦଃ ପ୍ରକୀର୍ତିତମ୍ ।
ଦେଵତା ଦକ୍ଷିଣା କାଲୀ ମାୟାବୀଜଂ ପ୍ରକୀର୍ତିତମ୍ ॥ ୭୨ ॥
ହ୍ରୂଁ ଶକ୍ତିଃ କାଲିକାବୀଜଂ କୀଲକଂ ପରିକୀର୍ତିତମ୍ ।
କାଲିକା ଵରଦାନାଦି-ସ୍ଵେଷ୍ଟାର୍ଥେ ଵିନିୟୋଗତଃ ॥ ୭୩ ॥
କୀଲକେନ ଷଡଙ୍ଗାନି ଷଡ୍ଦୀର୍ଘାବୀଜେନ କାରୟେତ୍ ।
ଧ୍ୟାନଂ ଚ ପୂର୍ଵଵତ୍କୃତ୍ଵା ସାଧୟେଦିଷ୍ଟସାଧନମ୍ ॥ ୭୪ ॥
ଓଂ ଅସ୍ୟ ଶ୍ରୀସର୍ଵସାମ୍ରାଜ୍ୟମେଧାକାଲୀସ୍ଵରୂପ-
କକାରାତ୍ମକସହସ୍ରନାମସ୍ତୋତ୍ରମନ୍ତ୍ରସ୍ୟ ମହାକାଲ-
ଋଷିରୁଷ୍ଣିକ୍ଛନ୍ଦଃ, ଶ୍ରୀଦକ୍ଷିଣକାଲୀ ଦେଵତା, ହ୍ରୀଂ ବୀଜମ୍,
ହ୍ରୂଁ ଶକ୍ତିଃ, କ୍ରୀଂ କୀଲକଂ, କାଲୀଵରଦାନାଦିସ୍ଵେଷ୍ଟାର୍ଥେ ଜପେ ଵିନିୟୋଗଃ ।
ଓଂ ମହାକାଲ ଋଷୟେ ନମଃ ଶିରସି ।
ଉଷ୍ଣିକ୍ଛନ୍ଦସେ ନମଃ ମୁଖେ ।
ଶ୍ରୀ ଦକ୍ଷିଣକାଲୀଦେଵତାୟୈ ନମଃ ହୃଦୟେ ।
ହ୍ରୀଂ ବୀଜାୟ ନମଃ ଗୁହ୍ୟେ ।
ହ୍ରୂଁ ଶକ୍ତୟେ ନମଃ ପାଦୟୋଃ ।
କ୍ରୀଂ କୀଲକାୟ ନମଃ ନାଭୌ ।
ଵିନିୟୋଗାୟନମଃ ସର୍ଵାଙ୍ଗେ । ଇତି ଋଷ୍ୟାଦିନ୍ୟାସଃ ।
ଓଂ କ୍ରାଂ ଅଙ୍ଗୁଷ୍ଠାଭ୍ୟାଂ ନମଃ ।
ଓଂ କ୍ରୀଂ ତର୍ଜନୀଭ୍ୟାଂ ନମଃ ।
ଓଂ କ୍ରୂଂ ମଧ୍ୟମାଭ୍ୟାଂ ନମଃ ।
ଓଂ କ୍ରୈଂ ଅନାମିକାଭ୍ୟାଂ ନମଃ ।
ଓଂ କ୍ରୌଂ କନିଷ୍ଠିକାଭ୍ୟାଂ ନମଃ ।
ଓଂ କ୍ରଃ କରତଲକରପୃଷ୍ଠାଭ୍ୟାଂ ନମଃ । ଇତି କରାଙ୍ଗନ୍ୟାସଃ ।
ଓଂ କ୍ରାଂ ହୃଦୟାୟ ନମଃ ।
ଓଂ କ୍ରୀଂ ଶିରସେ ସ୍ଵାହା ।
ଓଂ କ୍ରୂଂ ଶିଖାୟୈ ଵଷଟ୍ ।
ଓଂ କ୍ରୈଂ କଵଚାୟ ହୁଂ ।
ଓଂ କ୍ରୌଂ ନେତ୍ରତ୍ରୟାୟ ଵୌଷଟ୍ ।
ଓଂ କ୍ରଃ ଅସ୍ତ୍ରାୟ ଫଟ୍ । ଇତି ହୃଦୟାଦି ଷଡଙ୍ଗନ୍ୟାସଃ ।
ଅଥ ଧ୍ୟାନମ୍ ।
ଓଂ କରାଲଵଦନାଂ ଘୋରାଂ ମୁକ୍ତକେଶୀଂ ଚତୁର୍ଭୁଜାମ୍ ।
କାଲିକାଂ ଦକ୍ଷିଣାଂ ଦିଵ୍ୟାଂ ମୁଣ୍ଡମାଲାଵିଭୂଷିତାମ୍ ॥
ସଦ୍ୟଶ୍ଛିନ୍ନଶିରଃଖଡ୍ଗଵାମୋର୍ଧ୍ଵାଧଃକରାମ୍ବୁଜାମ୍ ।
ଅଭୟଂ ଵରଦଂ ଚୈଵ ଦକ୍ଷିଣାଧୋର୍ଧ୍ଵପାଣିକାମ୍ ॥
ମହାମେଘପ୍ରଭାଂ ଶ୍ୟାମାଂ ତଥା ଚୈଵ ଦିଗମ୍ବରାମ୍ ।
କଣ୍ଠାଵସକ୍ତମୁଣ୍ଡାଲୀଗଲଦ୍ରୁଧିରଚର୍ଚିତାମ୍ ॥
କର୍ଣାଵତଂସତାନୀତଶଵୟୁଗ୍ମଭୟାନକାମ୍ ।
ଘୋରଦଂଷ୍ଟ୍ରାକରାଲାସ୍ୟାଂ ପୀନୋନ୍ନତପୟୋଧରାମ୍ ॥
ଶଵାନାଂ କରସଙ୍ଘାତୈଃ କୃତକାଞ୍ଚୀଂ ହସନ୍ମୁଖୀମ୍ ।
ସୃକ୍କଦ୍ଵୟଗଲଦ୍ରକ୍ତଧାରାଵିସ୍ଫୁରିତାନନାମ୍ ॥
ଘୋରରୂପାଂ ମହାରୌଦ୍ରୀଂ ଶ୍ମଶାନାଲୟଵାସିନୀମ୍ ।
ଦନ୍ତୁରାଂ ଦକ୍ଷିଣଵ୍ୟାପିମୁକ୍ତଲମ୍ବକଚୋଚ୍ଚୟାମ୍ ॥
ଶଵରୂପମହାଦେଵହୃଦୟୋପରି ସଂସ୍ଥିତାମ୍ ।
ଶିଵାଭିର୍ଘୋରରୂପାଭିଶ୍ଚତୁର୍ଦ୍ଦିକ୍ଷୁ ସମନ୍ଵିତାମ୍ ॥
ମହାକାଲେନ ସାର୍ଦ୍ଧୋର୍ଦ୍ଧମୁପଵିଷ୍ଟରତାତୁରାମ୍ ।
ସୁଖପ୍ରସନ୍ନଵଦନାଂ ସ୍ମେରାନନସରୋରୁହାମ୍ ॥
ଏଵଂ ସଙ୍ଚିନ୍ତୟେଦ୍ଦେଵୀଂ ଶ୍ମଶାନାଲୟଵାସିନୀମ୍ ॥
ଅଥ ସହସ୍ରନାମସ୍ତୋତ୍ର ପ୍ରାରମ୍ଭଃ ।
ଓଂ କ୍ରୀଂ କାଲୀ କ୍ରୂଁ କରାଲୀ ଚ କଲ୍ୟାଣୀ କମଲା କଲା ।
କଲାଵତୀ କଲାଢ୍ୟା ଚ କଲାପୂଜ୍ୟା କଲାତ୍ମିକା ॥ ୧ ॥
କଲାଦୃଷ୍ଟା କଲାପୁଷ୍ଟା କଲାମସ୍ତା କଲାଧରା ।
କଲାକୋଟି କଲାଭାସା କଲାକୋଟିପ୍ରପୂଜିତା ॥ ୨ ॥
କଲାକର୍ମକଲାଧାରା କଲାପାରା କଲାଗମା ।
କଲାଧାରା କମଲିନୀ କକାରା କରୁଣା କଵିଃ ॥ ୩ ॥
କକାରଵର୍ଣସର୍ଵାଙ୍ଗୀ କଲାକୋଟିଵିଭୂଷିତା ।
କକାରକୋଟିଗୁଣିତା କଲାକୋଟିଵିଭୂଷଣା ॥ ୪ ॥
କକାରଵର୍ଣହୃଦୟା କକାରମନୁମଣ୍ଡିତା ।
କକାରଵର୍ଣନିଲୟା କାକଶବ୍ଦପରାୟଣା ॥ ୫ ॥
କକାରଵର୍ଣମୁକୁଟା କକାରଵର୍ଣଭୂଷଣା ।
କକାରଵର୍ଣରୂପା ଚ କକଶବ୍ଦପରାୟଣା ॥ ୬ ॥
କକଵୀରାସ୍ଫାଲରତା କମଲାକରପୂଜିତା ।
କମଲାକରନାଥା ଚ କମଲାକରରୂପଧୃକ୍ ॥ ୭ ॥
କମଲାକରସିଦ୍ଧିସ୍ଥା କମଲାକରପାରଦା ।
କମଲାକରମଧ୍ୟସ୍ଥା କମଲାକରତୋଷିତା ॥ ୮ ॥
କଥଙ୍କାରପରାଲାପା କଥଙ୍କାରପରାୟଣା ।
କଥଙ୍କାରପଦାନ୍ତସ୍ଥା କଥଙ୍କାରପଦାର୍ଥଭୂଃ ॥ ୯ ॥
କମଲାକ୍ଷୀ କମଲଜା କମଲାକ୍ଷପ୍ରପୂଜିତା ।
କମଲାକ୍ଷଵରୋଦ୍ୟୁକ୍ତା କକାରା କର୍ବୁରାକ୍ଷରା ॥ ୧୦ ॥
କରତାରା କରଚ୍ଛିନ୍ନା କରଶ୍ୟାମା କରାର୍ଣଵା ।
କରପୂଜ୍ୟା କରରତା କରଦା କରପୂଜିତା ॥ ୧୧ ॥
କରତୋୟା କରାମର୍ଷା କର୍ମନାଶା କରପ୍ରିୟା ।
କରପ୍ରାଣା କରକଜା କରକା କରକାନ୍ତରା ॥ ୧୨ ॥
କରକାଚଲରୂପା ଚ କରକାଚଲଶୋଭିନୀ ।
କରକାଚଲପୁତ୍ରୀ ଚ କରକାଚଲତୋଷିତା ॥ ୧୩ ॥
କରକାଚଲଗେହସ୍ଥା କରକାଚଲରକ୍ଷିଣୀ ।
କରକାଚଲସମ୍ମାନ୍ୟା କରକାଚଲକାରିଣୀ ॥ ୧୪ ॥
କରକାଚଲଵର୍ଷାଢ୍ୟା କରକାଚଲରଞ୍ଜିତା ।
କରକାଚଲକାନ୍ତାରା କରକାଚଲମାଲିନୀ ॥ ୧୫ ॥
କରକାଚଲଭୋଜ୍ୟା ଚ କରକାଚଲରୂପିଣୀ ।
କରାମଲକସଂସ୍ଥା ଚ କରାମଲକସିଦ୍ଧିଦା ॥ ୧୬ ॥
କରାମଲକସମ୍ପୂଜ୍ୟା କରାମଲକତାରିଣୀ ।
କରାମଲକକାଲୀ ଚ କରାମଲକରୋଚିନୀ ॥ ୧୭ ॥
କରାମଲକମାତା ଚ କରାମଲକସେଵିନୀ ।
କରାମଲକବଦ୍ଧ୍ୟେୟା କରାମଲକଦାୟିନୀ ॥ ୧୮ ॥
କଞ୍ଜନେତ୍ରା କଞ୍ଜଗତିଃ କଞ୍ଜସ୍ଥା କଞ୍ଜଧାରିଣୀ ।
କଞ୍ଜମାଲାପ୍ରିୟକରୀ କଞ୍ଜରୂପା ଚ କଞ୍ଜନା ॥ ୧୯ ॥
କଞ୍ଜଜାତିଃ କଞ୍ଜଗତିଃ କଞ୍ଜହୋମପରାୟଣା ।
କଞ୍ଜମଣ୍ଡଲମଧ୍ୟସ୍ଥା କଞ୍ଜାଭରଣଭୂଷିତା ॥ ୨୦ ॥
କଞ୍ଜସମ୍ମାନନିରତା କଞ୍ଜୋତ୍ପତ୍ତିପରାୟଣା ।
କଞ୍ଜରାଶିସମାକାରା କଞ୍ଜାରଣ୍ୟନିଵାସିନୀ ॥ ୨୧ ॥
କରଞ୍ଜଵୃକ୍ଷମଧ୍ୟସ୍ଥା କରଞ୍ଜଵୃକ୍ଷଵାସିନୀ ।
କରଞ୍ଜଫଲଭୂଷାଢ୍ୟା କରଞ୍ଜାରଣ୍ୟଵାସିନୀ ॥ ୨୨ ॥
କରଞ୍ଜମାଲାଭରଣା କରଵାଲପରାୟଣା ।
କରଵାଲପ୍ରହୃଷ୍ଟାତ୍ମା କରଵାଲପ୍ରିୟା ଗତିଃ ॥ ୨୩ ॥
କରଵାଲପ୍ରିୟା କନ୍ୟା କରଵାଲଵିହାରିଣୀ ।
କରଵାଲମୟୀ କର୍ମା କରଵାଲପ୍ରିୟଙ୍କରୀ ॥ ୨୪ ॥
କବନ୍ଧମାଲାଭରଣା କବନ୍ଧରାଶିମଧ୍ୟଗା ।
କବନ୍ଧକୂଟସଂସ୍ଥାନା କବନ୍ଧାନନ୍ତଭୂଷଣା ॥ ୨୫ ॥
କବନ୍ଧନାଦସନ୍ତୁଷ୍ଟା କବନ୍ଧାସନଧାରିଣୀ ।
କବନ୍ଧଗୃହମଧ୍ୟସ୍ଥା କବନ୍ଧଵନଵାସିନୀ ॥ ୨୬ ॥
କବନ୍ଧକାଞ୍ଚୀକରଣୀ କବନ୍ଧରାଶିଭୂଷଣା ।
କବନ୍ଧମାଲାଜୟଦା କବନ୍ଧଦେହଵାସିନୀ ॥ ୨୭ ॥
କବନ୍ଧାସନମାନ୍ୟା ଚ କପାଲାକଲ୍ପଧାରିଣୀ ।
କପାଲମାଲାମଧ୍ୟସ୍ଥା କପାଲଵ୍ରତତୋଷିତା ॥ ୨୮ ॥
କପାଲଦୀପସନ୍ତୁଷ୍ଟା କପାଲଦୀପରୂପିଣୀ ।
କପାଲଦୀପଵରଦା କପାଲକଜ୍ଜଲସ୍ଥିତା ॥ ୨୯ ॥
କପାଲମାଲାଜୟଦା କପାଲଜପତୋଷିଣୀ ।
କପାଲସିଦ୍ଧିସଂହୃଷ୍ଟା କପାଲଭୋଜନୋଦ୍ୟତା ॥ ୩୦ ॥
କପାଲଵ୍ରତସଂସ୍ଥାନା କପାଲକମଲାଲୟା ।
କଵିତ୍ଵାମୃତସାରା ଚ କଵିତ୍ଵାମୃତସାଗରା ॥ ୩୧ ॥
କଵିତ୍ଵସିଦ୍ଧିସଂହୃଷ୍ଟା କଵିତ୍ଵାଦାନକାରିଣୀ ।
କଵିପୃଜ୍ୟା କଵିଗତିଃ କଵିରୂପା କଵିପ୍ରିୟା ॥ ୩୨ ॥
କଵିବ୍ରହ୍ମାନନ୍ଦରୂପା କଵିତ୍ଵଵ୍ରତତୋଷିତା ।
କଵିମାନସସଂସ୍ଥାନା କଵିଵାଞ୍ଚ୍ଛାପ୍ରପୂରିଣୀ ॥ ୩୩ ॥
କଵିକଣ୍ଠସ୍ଥିତା କଂ ହ୍ରୀଂ କଂକଂକଂ କଵିପୂର୍ତିଦା ।
କଜ୍ଜଲା କଜ୍ଜଲାଦାନମାନସା କଜ୍ଜଲପ୍ରିୟା ॥ ୩୪ ॥
କପାଲକଜ୍ଜଲସମା କଜ୍ଜଲେଶପ୍ରପୂଜିତା ।
କଜ୍ଜଲାର୍ଣଵମଧ୍ୟସ୍ଥା କଜ୍ଜଲାନନ୍ଦରୂପିଣୀ ॥ ୩୫ ॥
କଜ୍ଜଲପ୍ରିୟସନ୍ତୁଷ୍ଟା କଜ୍ଜଲପ୍ରିୟତୋଷିଣୀ ।
କପାଲମାଲାଭରଣା କପାଲକରଭୂଷଣା ॥ ୩୬ ॥
କପାଲକରଭୂଷାଢ୍ୟା କପାଲଚକ୍ରମଣ୍ଡିତା ।
କପାଲକୋଟିନିଲୟା କପାଲଦୁର୍ଗକାରିଣୀ ॥ ୩୭ ॥
କପାଲଗିରିସଂସ୍ଥାନା କପାଲଚକ୍ରଵାସିନୀ ।
କପାଲପାତ୍ରସନ୍ତୁଷ୍ଟା କପାଲାର୍ଘ୍ୟପରାୟଣା ॥ ୩୮ ॥
କପାଲାର୍ଘ୍ୟପ୍ରିୟପ୍ରାଣା କପାଲାର୍ଘ୍ୟଵରପ୍ରଦା ।
କପାଲଚକ୍ରରୂପା ଚ କପାଲରୂପମାତ୍ରଗା ॥ ୩୯ ॥
କଦଲୀ କଦଲୀରୂପା କଦଲୀଵନଵାସିନୀ ।
କଦଲୀପୁଷ୍ପସମ୍ପ୍ରୀତା କଦଲୀଫଲମାନସା ॥ ୪୦ ॥
କଦଲୀହୋମସନ୍ତୁଷ୍ଟା କଦଲୀଦର୍ଶନୋଦ୍ୟତା ।
କଦଲୀଗର୍ଭମଧ୍ୟସ୍ଥା କଦଲୀଵନସୁନ୍ଦରୀ ॥ ୪୧ ॥
କଦମ୍ବପୁଷ୍ପନିଲୟା କଦମ୍ବଵନମଧ୍ୟଗା ।
କଦମ୍ବକୁସୁମାମୋଦା କଦମ୍ବଵନତୋଷିଣୀ ॥ ୪୨ ॥
କଦମ୍ବପୁଷ୍ପସମ୍ପୂଜ୍ୟା କଦମ୍ବପୁଷ୍ପହୋମଦା ।
କଦମ୍ବପୁଷ୍ପମଧ୍ୟସ୍ଥା କଦମ୍ବଫଲଭୋଜିନୀ ॥ ୪୩ ॥
କଦମ୍ବକାନନାନ୍ତଃସ୍ଥା କଦମ୍ବାଚଲଵାସିନୀ ।
କଚ୍ଛପା କଚ୍ଛପାରାଧ୍ୟା କଚ୍ଛପାସନସଂସ୍ଥିତା ॥ ୪୪ ॥
କର୍ଣପୂରା କର୍ଣନାସା କର୍ଣାଢ୍ୟା କାଲଭୈରଵୀ ।
କଲପ୍ରୀତା କଲହଦା କଲହା କଲହାତୁରା ॥ ୪୫ ॥
କର୍ଣୟକ୍ଷୀ କର୍ଣଵାର୍ତା କଥିନୀ କର୍ଣସୁନ୍ଦରୀ ।
କର୍ଣପିଶାଚିନୀ କର୍ଣମଞ୍ଜରୀ କଵିକକ୍ଷଦା ॥ ୪୬ ॥
କଵିକକ୍ଷାଵିରୂପାଢ୍ୟା କଵିକକ୍ଷସ୍ଵରୂପିଣୀ ।
କସ୍ତୂରୀମୃଗସଂସ୍ଥାନା କସ୍ତୂରୀମୃଗରୂପିଣୀ ॥ ୪୭ ॥
କସ୍ତୂରୀମୃଗସନ୍ତୋଷା କସ୍ତୂରୀମୃଗମଧ୍ୟଗା ।
କସ୍ତୂରୀରସନୀଲାଙ୍ଗୀ କସ୍ତୂରୀଗନ୍ଧତୋଷିତା ॥ ୪୮ ॥
କସ୍ତୂରୀପୂଜକପ୍ରାଣା କସ୍ତୂରୀପୂଜକପ୍ରିୟା ।
କସ୍ତୂରୀପ୍ରେମସନ୍ତୁଷ୍ଟା କସ୍ତୂରୀପ୍ରାଣଧାରିଣୀ ॥ ୪୯ ॥
କସ୍ତୂରୀପୂଜକାନନ୍ଦା କସ୍ତୂରୀଗନ୍ଧରୂପିଣୀ ।
କସ୍ତୂରୀମାଲିକାରୂପା କସ୍ତୂରୀଭୋଜନପ୍ରିୟା ॥ ୫୦ ॥
କସ୍ତୂରୀତିଲକାନନ୍ଦା କସ୍ତୂରୀତିଲକପ୍ରିୟା ।
କସ୍ତୂରୀହୋମସନ୍ତୁଷ୍ଟା କସ୍ତୂରୀତର୍ପଣୋଦ୍ୟତା ॥ ୫୧ ॥
କସ୍ତୂରୀମାର୍ଜନୋଦ୍ୟୁକ୍ତା କସ୍ତୂରୀଚକ୍ରପୂଜିତା ।
କସ୍ତୂରୀପୁଷ୍ପସମ୍ପୂଜ୍ୟା କସ୍ତୂରୀଚର୍ଵଣୋଦ୍ୟତା ॥ ୫୨ ॥
କସ୍ତୂରୀଗର୍ଭମଧ୍ୟସ୍ଥା କସ୍ତୂରୀଵସ୍ତ୍ରଧାରିଣୀ ।
କସ୍ତୂରୀକାମୋଦରତା କସ୍ତୂରୀଵନଵାସିନୀ ॥ ୫୩ ॥
କସ୍ତୂରୀଵନସଂରକ୍ଷା କସ୍ତୂରୀପ୍ରେମଧାରିଣୀ ।
କସ୍ତୂରୀଶକ୍ତିନିଲୟା କସ୍ତୂରୀଶକ୍ତିକୁଣ୍ଡଗା ॥ ୫୪ ॥
କସ୍ତୂରୀକୁଣ୍ଡସଂସ୍ନାତା କସ୍ତୂରୀକୁଣ୍ଡମଜ୍ଜନା ।
କସ୍ତୂରୀଜୀଵସନ୍ତୁଷ୍ଟା କସ୍ତୂରୀଜୀଵଧାରିଣୀ ॥ ୫୫ ॥
କସ୍ତୂରୀପରମାମୋଦା କସ୍ତୂରୀଜୀଵନକ୍ଷମା ।
କସ୍ତୂରୀଜାତିଭାଵସ୍ଥା କସ୍ତୂରୀଗନ୍ଧଚୁମ୍ବନା ॥ ୫୬ ॥
କସତୂରୀଗନ୍ଧସଂଶୋଭାଵିରାଜିତକପାଲଭୂଃ ।
କସ୍ତୂରୀମଦନାନ୍ତଃସ୍ଥା କସ୍ତୂରୀମଦହର୍ଷଦା ॥ ୫୭ ॥
କସ୍ତୂରୀକଵିତାନାଢ୍ୟା କସ୍ତୂରୀଗୃହମଧ୍ୟଗା ।
କସ୍ତୂରୀସ୍ପର୍ଶକପ୍ରାଣା କସ୍ତୂରୀଵିନ୍ଦକାନ୍ତକା ॥ ୫୮ ॥
କସ୍ତୂର୍ୟ୍ୟାମୋଦରସିକା କସ୍ତୂରୀକ୍ରୀଡନୋଦ୍ୟତା ।
କସ୍ତୂରୀଦାନନିରତା କସ୍ତୂରୀଵରଦାୟିନୀ ॥ ୫୯ ॥
କସ୍ତୂରୀସ୍ଥାପନାସକ୍ତା କସ୍ତୂରୀସ୍ଥାନରଞ୍ଜିନୀ ।
କସ୍ତୂରୀକୁଶଲପ୍ରଶ୍ନା କସ୍ତୂରୀସ୍ତୁତିଵନ୍ଦିତା ॥ ୬୦ ॥
କସ୍ତୂରୀଵନ୍ଦକାରାଧ୍ୟା କସ୍ତୂରୀସ୍ଥାନଵାସିନୀ ।
କହରୂପା କହାଢ୍ୟା ଚ କହାନନ୍ଦା କହାତ୍ମଭୂଃ ॥ ୬୧ ॥
କହପୂଜ୍ୟା କହାଖ୍ୟା ଚ କହହେୟା କହାତ୍ମିକା ।
କହମାଲାକଣ୍ଠଭୂଷା କହମନ୍ତ୍ରଜପୋଦ୍ୟତା ॥ ୬୨ ॥
କହନାମସ୍ମୃତିପରା କହନାମପରାୟଣା ।
କହପରାୟଣରତା କହଦେଵୀ କହେଶ୍ଵରୀ ॥ ୬୩ ॥
କହହେତୁ କହାନନ୍ଦା କହନାଦପରାୟଣା ।
କହମାତା କହାନ୍ତଃସ୍ଥା କହମନ୍ତ୍ରା କହେଶ୍ଵରୀ ॥ ୬୪ ॥
କହଜ୍ଞେୟା କହାରାଧ୍ୟା କହଧ୍ୟାନପରାୟଣା ।
କହତନ୍ତ୍ରା କହକହା କହଚର୍ୟ୍ୟାପରାୟଣା ॥ ୬୫ ॥
କହାଚାରା କହଗତିଃ କହତାଣ୍ଡଵକାରିଣୀ ।
କହାରଣ୍ୟା କହରତିଃ କହଶକ୍ତିପରାୟଣା ॥ ୬୬ ॥
କହରାଜ୍ୟନତା କର୍ମସାକ୍ଷିଣୀ କର୍ମସୁନ୍ଦରୀ ।
କର୍ମଵିଦ୍ୟା କର୍ମଗତିଃ କର୍ମତନ୍ତ୍ରପରାୟଣା ॥ ୬୭ ॥
କର୍ମମାତ୍ରା କର୍ମଗାତ୍ରା କର୍ମଧର୍ମପରାୟଣା ।
କର୍ମରେଖାନାଶକର୍ତ୍ରୀ କର୍ମରେଖାଵିନୋଦିନୀ ॥ ୬୮ ॥
କର୍ମରେଖାମୋହକରୀ କର୍ମକୀର୍ତିପରାୟଣା ।
କର୍ମଵିଦ୍ୟା କର୍ମସାରା କର୍ମାଧାରା ଚ କର୍ମଭୂଃ ॥ ୬୯ ॥
କର୍ମକାରୀ କର୍ମହାରୀ କର୍ମକୌତୁକସୁନ୍ଦରୀ ।
କର୍ମକାଲୀ କର୍ମତାରା କର୍ମଚ୍ଛିନ୍ନା ଚ କର୍ମଦା ॥ ୭୦ ॥
କର୍ମଚାଣ୍ଡାଲିନୀ କର୍ମଵେଦମାତା ଚ କର୍ମଭୂଃ ।
କର୍ମକାଣ୍ଡରତାନନ୍ତା କର୍ମକାଣ୍ଡାନୁମାନିତା ॥ ୭୧ ॥
କର୍ମକାଣ୍ଡପରୀଣାହା କମଠୀ କମଠାକୃତିଃ ।
କମଠାରାଧ୍ୟହୃଦୟା କମଠାକଣ୍ଠସୁନ୍ଦରୀ ॥ ୭୨ ॥
କମଠାସନସଂସେଵ୍ୟା କମଠୀ କର୍ମତତ୍ପରା ।
କରୁଣାକରକାନ୍ତା ଚ କରୁଣାକରଵନ୍ଦିତା ॥ ୭୩ ॥
କଠୋରା କରମାଲା ଚ କଠୋରକୁଚଧାରିଣୀ ।
କପର୍ଦିନୀ କପଟିନୀ କଠିନା କଙ୍କଭୂଷଣା ॥ ୭୪ ॥
କରଭୋରୂଃ କଠିନଦା କରଭା କରଭାଲୟା ।
କଲଭାଷାମୟୀ କଲ୍ପା କଲ୍ପନା କଲ୍ପଦାୟିନୀ ॥ ୭୫ ॥
କମଲସ୍ଥା କଲାମାଲା କମଲାସ୍ୟା କ୍କଣତ୍ପ୍ରଭା ।
କକୁଦ୍ମିନୀ କଷ୍ଟଵତୀ କରଣୀୟକଥାର୍ଚିତା ॥ ୭୬ ॥
କଚାର୍ଚିତା କଚତନୁଃ କଚସୁନ୍ଦରଧାରିଣୀ ।
କଠୋରକୁଚସଂଲଗ୍ନା କଟିସୂତ୍ରଵିରାଜିତା ॥ ୭୭ ॥
କର୍ଣମକ୍ଷପ୍ରିୟା କନ୍ଦା କଥାକନ୍ଦଗତିଃ କଲିଃ ।
କଲିଘ୍ନୀ କଲିଦୂତୀ ଚ କଵିନାୟକ-ପୂଜିତା ॥ ୭୮ ॥
କଣକକ୍ଷାନିୟନ୍ତ୍ରୀ ଚ କଶ୍ଚିତ୍କଵିଵରାର୍ଚିତା ।
କର୍ତ୍ରୀ ଚ କର୍ତୃକା ଭୂଷାକାରିଣୀ କର୍ଣଶତ୍ରୁପା ॥ ୭୯ ॥
କରଣେଶୀ କରଣପା କଲଵାଚା କଲାନିଧିଃ ।
କଲନା କଲନାଧାରା କଲନା କାରିକା କରା ॥ ୮୦ ॥
କଲଗେୟା କର୍କରାଶିଃ କର୍କରାଶି-ପ୍ରପୂଜିତା ।
କନ୍ୟାରାଶିଃ କନ୍ୟକା ଚ କନ୍ୟକାପ୍ରିୟଭାଷିଣୀ ॥ ୮୧ ॥
କନ୍ୟକାଦାନସନ୍ତୁଷ୍ଟା କନ୍ୟକାଦାନତୋଷିଣୀ ।
କନ୍ୟାଦାନକରାନନ୍ଦା କନ୍ୟାଦାନଗ୍ରହେଷ୍ଟଦା ॥ ୮୨ ॥
କର୍ଷଣା କକ୍ଷଦହନା କାମିତା କମଲାସନା ।
କରମାଲାନନ୍ଦକର୍ତ୍ରୀ କରମାଲାପ୍ରପୋଷିତା ॥ ୮୩ ॥
କରମାଲାଶୟାନନ୍ଦା କରମାଲାସମାଗମା ।
କରମାଲାସିଦ୍ଧିଦାତ୍ରୀ କରମାଲାକରପ୍ରିୟା ॥ ୮୪ ॥
କରପ୍ରିୟା କରରତା କରଦାନପରାୟଣା ।
କଲାନନ୍ଦା କଲିଗତିଃ କଲିପୂଜ୍ୟା କଲିପ୍ରସୂଃ ॥ ୮୫ ॥
କଲନାଦନିନାଦସ୍ଥା କଲନାଦଵରପ୍ରଦା ।
କଲନାଦସମାଜସ୍ଥା କହୋଲା ଚ କହୋଲଦା ॥ ୮୬ ॥
କହୋଲଗେହମଧ୍ୟସ୍ଥା କହୋଲଵରଦାୟିନୀ ।
କହୋଲକଵିତାଧାରା କହୋଲଋଷିମାନିତା ॥ ୮୭ ॥
କହୋଲମାନସାରାଧ୍ୟା କହୋଲଵାକ୍ୟକାରିଣୀ ।
କର୍ତୃରୂପା କର୍ତୃମୟୀ କର୍ତୃମାତା ଚ କର୍ତରୀ ॥ ୮୮ ॥
କନୀୟା କନକାରାଧ୍ୟା କନୀନକମୟୀ ତଥା ।
କନୀୟାନନ୍ଦନିଲୟା କନକାନନ୍ଦତୋଷିତା ॥ ୮୯ ॥
କନୀୟକକରାକାଷ୍ଠା କଥାର୍ଣଵକରୀ କରୀ ।
କରିଗମ୍ୟା କରିଗତିଃ କରିଧ୍ଵଜପରାୟଣା ॥ ୯୦ ॥
କରିନାଥପ୍ରିୟାକଣ୍ଠା କଥାନକପ୍ରତୋଷିତା ।
କମନୀୟା କମନକା କମନୀୟଵିଭୂଷଣା ॥ ୯୧ ॥
କମନୀୟସମାଜସ୍ଥା କମନୀୟଵ୍ରତପ୍ରିୟା ।
କମନୀୟଗୁଣାରାଧ୍ୟା କପିଲା କପିଲେଶ୍ଵରୀ ॥ ୯୨ ॥
କପିଲାରାଧ୍ୟହୃଦୟା କପିଲାପ୍ରିୟଵାଦିନୀ ।
କହଚକ୍ରମନ୍ତ୍ରଵର୍ଣା କହଚକ୍ରପ୍ରସୂନକା ॥ ୯୩ ॥
କଏଈଲହ୍ରୀଂସ୍ଵରୂପା ଚ କଏଈଲହ୍ରୀଂଵରପ୍ରଦା ।
କଏଈଲହ୍ରୀଂସିଦ୍ଧିଦାତ୍ରୀ କଏଈଲହ୍ରୀଂସ୍ଵରୂପିଣୀ ॥ ୯୪ ॥
କଏଈଲହ୍ରୀଂମନ୍ତ୍ରଵର୍ଣା କଏଈଲହ୍ରୀଂପ୍ରସୂକଲା ।
କଵର୍ଗା ଚ କପାଟସ୍ଥା କପାଟୋଦ୍ଘାଟନକ୍ଷମା ॥ ୯୫ ॥
କଙ୍କାଲୀ ଚ କପାଲୀ ଚ କଙ୍କାଲପ୍ରିୟଭାଷିଣୀ ।
କଙ୍କାଲଭୈରଵାରାଧ୍ୟା କଙ୍କାଲମାନସଂସ୍ଥିତା ॥ ୯୬ ॥
କଙ୍କାଲମୋହନିରତା କଙ୍କାଲମୋହଦାୟିନୀ ।
କଲୁଷଘ୍ନୀ କଲୁଷହା କଲୁଷାର୍ତିଵିନାଶିନୀ ॥ ୯୭ ॥
କଲିପୁଷ୍ପା କଲାଦାନା କଶିପୁଃ କଶ୍ୟପାର୍ଚିତା ।
କଶ୍ୟପା କଶ୍ୟପାରାଧ୍ୟା କଲିପୂର୍ଣକଲେଵରା ॥ ୯୮ ॥
କଲେଶ୍ଵରକରୀ କାଞ୍ଚୀ କଵର୍ଗା ଚ କରାଲକା ।
କରାଲଭୈରଵାରାଧ୍ୟା କରାଲଭୈରଵେଶ୍ଵରୀ ॥ ୯୯ ॥
କରାଲା କଲନାଧାରା କପର୍ଦ୍ଦୀଶଵରପ୍ରଦା ।
କପର୍ଦ୍ଦୀଶପ୍ରେମଲତା କପର୍ଦ୍ଦିମାଲିକାୟୁତା ॥ ୧୦୦ ॥
କପର୍ଦ୍ଦିଜପମାଲାଢ୍ୟା କରଵୀରପ୍ରସୂନଦା ।
କରଵୀରପ୍ରିୟପ୍ରାଣା କରଵୀରପ୍ରପୂଜିତା ॥ ୧୦୧ ॥
କର୍ଣିକାରସମାକାରା କର୍ଣିକାରପ୍ରପୂଜିତା ।
କରିଷାଗ୍ନିସ୍ଥିତା କର୍ଷା କର୍ଷମାତ୍ରସୁଵର୍ଣଦା ॥ ୧୦୨ ॥
କଲଶା କଲଶାରାଧ୍ୟା କଷାୟା କରିଗାନଦା ।
କପିଲା କଲକଣ୍ଠୀ ଚ କଲିକଲ୍ପଲତା ମତା ॥ ୧୦୩ ॥
କଲ୍ପଲତା କଲ୍ପମାତା କଲ୍ପକାରୀ ଚ କଲ୍ପଭୂଃ ।
କର୍ପୂରାମୋଦରୁଚିରା କର୍ପୂରାମୋଦଧାରିଣୀ ॥ ୧୦୪ ॥
କର୍ପୂରମାଲାଭରଣା କର୍ପୂରଵାସପୂର୍ତିଦା ।
କର୍ପୂରମାଲାଜୟଦା କର୍ପୂରାର୍ଣଵମଧ୍ୟଗା ॥ ୧୦୫ ॥
କର୍ପୂରତର୍ପଣରତା କଟକାମ୍ବରଧାରିଣୀ ।
କପଟେଶ୍ଵଵରସମ୍ପୂଜ୍ୟା କପଟେଶ୍ଵରରୂପିଣୀ ॥ ୧୦୬ ॥
କଟୁଃ କପିଧ୍ଵଜାରାଧ୍ୟା କଲାପପୁଷ୍ପଧାରିଣୀ ।
କଲାପପୁଷ୍ପରୁଚିରା କଲାପପୁଷ୍ପପୂଜିତା ॥ ୧୦୭ ॥
କ୍ରକଚା କ୍ରକଚାରାଧ୍ୟା କଥମ୍ବ୍ରୂମା କରାଲତା ।
କଥଙ୍କାରଵିନିର୍ମୁକ୍ତା କାଲୀ କାଲକ୍ରିୟା କ୍ରତୁଃ ॥ ୧୦୮ ॥
କାମିନୀ କାମିନୀପୂଜ୍ୟା କାମିନୀପୁଷ୍ପଧାରିଣୀ ।
କାମିନୀପୁଷ୍ପନିଲୟା କାମିନୀପୁଷ୍ପପୂର୍ଣିମା ॥ ୧୦୯ ॥
କାମିନୀପୁଷ୍ପପୂଜାର୍ହା କାମିନୀପୁଷ୍ପଭୂଷଣା ।
କାମିନୀପୁଷ୍ପତିଲକା କାମିନୀକୁଣ୍ଡଚୁମ୍ବନା ॥ ୧୧୦ ॥
କାମିନୀୟୋଗସନ୍ତୁଷ୍ଟା କାମିନୀୟୋଗଭୋଗଦା ।
କାମିନୀକୁଣ୍ଡସମ୍ମଗ୍ନା କାମିନୀକୁଣ୍ଡମଧ୍ୟଗା ॥ ୧୧୧ ॥
କାମିନୀମାନସାରାଧ୍ୟା କାମିନୀମାନତୋଷିତା ।
କାମିନୀମାନସଞ୍ଚାରା କାଲିକା କାଲକାଲିକା ॥ ୧୧୨ ॥
କାମା ଚ କାମଦେଵୀ ଚ କାମେଶୀ କାମସମ୍ଭଵା ।
କାମଭାଵା କାମରତା କାମାର୍ତା କାମମଞ୍ଜରୀ ॥ ୧୧୩ ॥
କାମମଞ୍ଜୀରରଣିତା କାମଦେଵପ୍ରିୟାନ୍ତରା ।
କାମକାଲୀ କାମକଲା କାଲିକା କମଲାର୍ଚିତା ॥ ୧୧୪ ॥
କାଦିକା କମଲା କାଲୀ କାଲାନଲସମପ୍ରଭା ।
କଲ୍ପାନ୍ତଦହନା କାନ୍ତା କାନ୍ତାରପ୍ରିୟଵାସିନୀ ॥ ୧୧୫ ॥
କାଲପୂଜ୍ୟା କାଲରତା କାଲମାତା ଚ କାଲିନୀ ।
କାଲଵୀରା କାଲଘୋରା କାଲସିଦ୍ଧା ଚ କାଲଦା ॥ ୧୧୬ ॥
କାଲଞ୍ଜନସମାକାରା କାଲଞ୍ଜରନିଵାସିନୀ ।
କାଲଋଦ୍ଧିଃ କାଲଵୃଦ୍ଧିଃ କାରାଗୃହଵିମୋଚିନୀ ॥ ୧୧୭ ॥
କାଦିଵିଦ୍ୟା କାଦିମାତା କାଦିସ୍ଥା କାଦିସୁନ୍ଦରୀ ।
କାଶୀ କାଞ୍ଚୀ ଚ କାଞ୍ଚୀଶା କାଶୀଶଵରଦାୟିନୀ ॥ ୧୧୮ ॥
କ୍ରାଂ ବୀଜା ଚୈଵ କ୍ରୀଂ ବୀଜା ହୃଦୟାୟ ନମସ୍ସ୍ମୃତା ।
କାମ୍ୟା କାମ୍ୟଗତିଃ କାମ୍ୟସିଦ୍ଧିଦାତ୍ରୀ ଚ କାମଭୂଃ ॥ ୧୧୯ ॥
କାମାଖ୍ୟା କାମରୂପା ଚ କାମଚାପଵିମୋଚିନୀ ।
କାମଦେଵକଲାରାମା କାମଦେଵକଲାଲୟା ॥ ୧୨୦ ॥
କାମରାତ୍ରିଃ କାମଦାତ୍ରୀ କାନ୍ତାରାଚଲଵାସିନୀ ।
କାମରୂପା କାଲଗତିଃ କାମୟୋଗପରାୟଣା ॥ ୧୨୧ ॥
କାମସମ୍ମର୍ଦ୍ଦନରତା କାମଗେହଵିକାସିନୀ ।
କାଲଭୈରଵଭାର୍ୟା ଚ କାଲଭୈରଵକାମିନୀ ॥ ୧୨୨ ॥
କାଲଭୈରଵୟୋଗସ୍ଥା କାଲଭୈରଵଭୋଗଦା ।
କାମଧେନୁଃ କାମଦୋଗ୍ଧ୍ରୀ କାମମାତା ଚ କାନ୍ତିଦା ॥ ୧୨୩ ॥
କାମୁକା କାମୁକାରାଧ୍ୟା କାମୁକାନନ୍ଦଵର୍ଦ୍ଧିନୀ ।
କାର୍ତ୍ତଵୀର୍ୟ୍ୟା କାର୍ତ୍ତିକେୟା କାର୍ତ୍ତିକେୟପ୍ରପୂଜିତା ॥ ୧୨୪ ॥
କାର୍ୟ୍ୟା କାରଣଦା କାର୍ୟ୍ୟକାରିଣୀ କାରଣାନ୍ତରା ।
କାନ୍ତିଗମ୍ୟା କାନ୍ତିମୟୀ କାତ୍ୟା କାତ୍ୟାୟନୀ ଚ କା ॥ ୧୨୫ ॥
କାମସାରା ଚ କାଶ୍ମୀରା କାଶ୍ମୀରାଚାରତତ୍ପରା ।
କାମରୂପାଚାରରତା କାମରୂପପ୍ରିୟଂଵଦା ॥ ୧୨୬ ॥
କାମରୂପାଚାରସିଦ୍ଧିଃ କାମରୂପମନୋମୟୀ ।
କାର୍ତ୍ତିକୀ କାର୍ତ୍ତିକାରାଧ୍ୟା କାଞ୍ଚନାରପ୍ରସୂନଭୂଃ ॥ ୧୨୭ ॥
କାଞ୍ଚନାରପ୍ରସୂନାଭା କାଞ୍ଚନାରପ୍ରପୂଜିତା ।
କାଞ୍ଚରୂପା କାଞ୍ଚଭୂମିଃ କାଂସ୍ୟପାତ୍ରପ୍ରଭୋଜିନୀ ॥ ୧୨୮ ॥
କାଂସ୍ୟଧ୍ଵନିମୟୀ କାମସୁନ୍ଦରୀ କାମଚୁମ୍ବନା ।
କାଶପୁଷ୍ପପ୍ରତୀକାଶା କାମଦ୍ରୁମସମାଗମା ॥ ୧୨୯ ॥
କାମପୁଷ୍ପା କାମଭୂମିଃ କାମପୂଜ୍ୟା ଚ କାମଦା ।
କାମଦେହା କାମଗେହା କାମବୀଜପରାୟଣା ॥ ୧୩୦ ॥
କାମଧ୍ଵଜସମାରୂଢା କାମଧ୍ଵଜସମାସ୍ଥିତା ।
କାଶ୍ୟପୀ କାଶ୍ୟପାରାଧ୍ୟା କାଶ୍ୟପାନନ୍ଦଦାୟିନୀ ॥ ୧୩୧ ॥
କାଲିନ୍ଦୀଜଲସଙ୍କାଶା କାଲିନ୍ଦୀଜଲପୂଜିତା ।
କାଦେଵପୂଜାନିରତା କାଦେଵପରମାର୍ଥଦା ॥ ୧୩୨ ॥
କର୍ମଣା କର୍ମଣାକାରା କାମକର୍ମଣକାରିଣୀ ।
କାର୍ମ୍ମଣତ୍ରୋଟନକରୀ କାକିନୀ କାରଣାହ୍ଵୟା ॥ ୧୩୩ ॥
କାଵ୍ୟାମୃତା ଚ କାଲିଙ୍ଗା କାଲିଙ୍ଗମର୍ଦ୍ଦନୋଦ୍ୟତା ।
କାଲାଗରୁଵିଭୂଷାଢ୍ୟା କାଲାଗରୁଵିଭୂତିଦା ॥ ୧୩୪ ॥
କାଲାଗରୁସୁଗନ୍ଧା ଚ କାଲାଗରୁପ୍ରତର୍ପଣା ।
କାଵେରୀନୀରସମ୍ପ୍ରୀତା କାଵେରୀତୀରଵାସିନୀ ॥ ୧୩୫ ॥
କାଲଚକ୍ରଭ୍ରମାକାରା କାଲଚକ୍ରନିଵାସିନୀ ।
କାନନା କାନନାଧାରା କାରୁଃ କାରୁଣିକାମୟୀ ॥ ୧୩୬ ॥
କାମ୍ପିଲ୍ୟଵାସିନୀ କାଷ୍ଠା କାମପତ୍ନୀ ଚ କାମଭୂଃ ।
କାଦମ୍ବରୀପାନରତା ତଥା କାଦମ୍ବରୀକଲା ॥ ୧୩୭ ॥
କାମଵନ୍ଦ୍ୟା ଚ କାମେଶୀ କାମରାଜପ୍ରପୂଜିତା ।
କାମରାଜେଶ୍ଵରୀଵିଦ୍ୟା କାମକୌତୁକସୁନ୍ଦରୀ ॥ ୧୩୮ ॥
କାମ୍ବୋଜଜା କାଞ୍ଛିନଦା କାଂସ୍ୟକାଞ୍ଚନକାରିଣୀ ।
କାଞ୍ଚନାଦ୍ରିସମାକାରା କାଞ୍ଚନାଦ୍ରିପ୍ରଦାନଦା ॥ ୧୩୯ ॥
କାମକୀର୍ତିଃ କାମକେଶୀ କାରିକା କାନ୍ତରାଶ୍ରୟା ।
କାମଭେଦୀ ଚ କାମାର୍ତିନାଶିନୀ କାମଭୂମିକା ॥ ୧୪୦ ॥
କାଲାନଲାଶିନୀ କାଵ୍ୟଵନିତା କାମରୂପିଣୀ ।
କାୟସ୍ଥା କାମସନ୍ଦୀପ୍ତିଃ କାଵ୍ୟଦା କାଲସୁନ୍ଦରୀ ॥ ୧୪୧ ॥
କାମେଶୀ କାରଣଵରା କାମେଶୀପୂଜନୋଦ୍ୟତା ।
କାଞ୍ଚୀ-ନୂପୁରଭୂଷାଢ୍ୟା-କୁଙ୍କୁମାଭରଣାନ୍ଵିତା ॥ ୧୪୨ ॥
କାଲଚକ୍ରା କାଲଗତିଃ କାଲଚକ୍ରାମନୋଭଵା ।
କୁନ୍ଦମଧ୍ୟା କୁନ୍ଦପୁଷ୍ପା କୁନ୍ଦପୁଷ୍ପପ୍ରିୟା କୁଜା ॥ ୧୪୩ ॥
କୁଜମାତା କୁଜାରାଧ୍ୟା କୁଠାରଵରଧାରିଣୀ ।
କୁଞ୍ଚରସ୍ଥା କୁଶରତା କୁଶେଶୟଵିଲୋଚନା ॥ ୧୪୪ ॥
କୁମଠୀ କୁରରୀ କୁଦ୍ରା କୁରଙ୍ଗୀ କୁଟଜାଶ୍ରୟା ।
କୁମ୍ଭୀନସଵିଭୂଷା ଚ କୁମ୍ଭୀନସଵଧୋଦ୍ୟତା ॥ ୧୪୫ ॥
କୁମ୍ଭକର୍ଣମନୋଲ୍ଲାସା କୁଲଚୂଡାମଣିଃ କୁଲା ।
କୁଲାଲଗୃହକନ୍ୟା ଚ କୁଲଚୂଡାମଣିପ୍ରିୟା ॥ ୧୪୬ ॥
କୁଲପୂଜ୍ୟା କୁଲାରାଧ୍ୟା କୁଲପୂଜାପରାୟଣା ।
କୁଲଭୂଷା ତଥା କୁକ୍ଷିଃ କୁରରୀଗଣସେଵିତା ॥ ୧୪୭ ॥
କୁଲପୁଷ୍ପା କୁଲରତା କୁଲପୁଷ୍ପପରାୟଣା ।
କୁଲଵସ୍ତ୍ରା କୁଲାରାଧ୍ୟା କୁଲକୁଣ୍ଡସମପ୍ରଭା ॥ ୧୪୮ ॥
କୁଲକୁଣ୍ଡସମୋଲ୍ଲାସା କୁଣ୍ଡପୁଷ୍ପପରାୟଣା ।
କୁଣ୍ଡପୁଷ୍ପପ୍ରସନ୍ନାସ୍ୟା କୁଣ୍ଡଗୋଲୋଦ୍ଭଵାତ୍ମିକା ॥ ୧୪୯ ॥
କୁଣ୍ଡଗୋଲୋଦ୍ଭଵାଧାରା କୁଣ୍ଡଗୋଲମୟୀ କୁହୂଃ ।
କୁଣ୍ଡଗୋଲପ୍ରିୟପ୍ରାଣା କୁଣ୍ଡଗୋଲପ୍ରପୂଜିତା ॥ ୧୫୦ ॥
କୁଣ୍ଡଗୋଲମନୋଲ୍ଲାସା କୁଣ୍ଡଗୋଲବଲପ୍ରଦା ।
କୁଣ୍ଡଦେଵରତା କ୍ରୁଦ୍ଧା କୁଲସିଦ୍ଧିକରା ପରା ॥ ୧୫୧ ॥
କୁଲକୁଣ୍ଡସମାକାରା କୁଲକୁଣ୍ଡସମାନଭୂଃ ।
କୁଣ୍ଡସିଦ୍ଧିଃ କୁଣ୍ଡଋଦ୍ଧିଃ କୁମାରୀପୂଜନୋଦ୍ୟତା ॥ ୧୫୨ ॥
କୁମାରୀପୂଜକପ୍ରାଣା କୁମାରୀପୂଜକାଲୟା ।
କୁମାରୀକାମସନ୍ତୁଷ୍ଟା କୁମାରୀପୂଜନୋତ୍ସୁକା ॥ ୧୫୩ ॥
କୁମାରୀଵ୍ରତସନ୍ତୁଷ୍ଟା କୁମାରୀରୂପଧାରିଣୀ ।
କୁମାରୀଭୋଜନପ୍ରୀତା କୁମାରୀ ଚ କୁମାରଦା ॥ ୧୫୪ ॥
କୁମାରମାତା କୁଲଦା କୁଲୟୋନିଃ କୁଲେଶ୍ଵରୀ ।
କୁଲଲିଙ୍ଗା କୁଲାନନ୍ଦା କୁଲରମ୍ୟା କୁତର୍କଧୃକ୍ ॥ ୧୫୫ ॥
କୁନ୍ତୀ ଚ କୁଲକାନ୍ତା ଚ କୁଲମାର୍ଗପରାୟଣା ।
କୁଲ୍ଲା ଚ କୁରୁକୁଲ୍ଲା ଚ କୁଲ୍ଲୁକା କୁଲକାମଦା ॥ ୧୫୬ ॥
କୁଲିଶାଙ୍ଗୀ କୁବ୍ଜିକା ଚ କୁବ୍ଜିକାନନ୍ଦଵର୍ଦ୍ଧିନୀ ।
କୁଲୀନା କୁଞ୍ଜରଗତିଃ କୁଞ୍ଜରେଶ୍ଵରଗାମିନୀ ॥ ୧୫୭ ॥
କୁଲପାଲୀ କୁଲଵତୀ ତଥୈଵ କୁଲଦୀପିକା ।
କୁଲୟୋଗେଶ୍ଵରୀ କୁଣ୍ଡା କୁଙ୍କୁମାରୁଣଵିଗ୍ରହା ॥ ୧୫୮ ॥
କୁଙ୍କୁମାନନ୍ଦସନ୍ତୋଷା କୁଙ୍କୁମାର୍ଣଵଵାସିନୀ ।
କୁସୁମା କୁସୁମପ୍ରୀତା କୁଲଭୂଃ କୁଲସୁନ୍ଦରୀ ॥ ୧୫୯ ॥
କୁମୁଦ୍ଵତୀ କୁମୁଦିନୀ କୁଶଲା କୁଲଟାଲୟା ।
କୁଲଟାଲୟମଧ୍ୟସ୍ଥା କୁଲଟାସଙ୍ଗତୋଷିତା ॥ ୧୬୦ ॥
କୁଲଟାଭଵନୋଦ୍ୟୁକ୍ତା କୁଶାଵର୍ତା କୁଲାର୍ଣଵା ।
କୁଲାର୍ଣଵାଚାରରତା କୁଣ୍ଡଲୀ କୁଣ୍ଡଲାକୃତିଃ ॥ ୧୬୧ ॥
କୁମତିଶ୍ଚ କୁଲଶ୍ରେଷ୍ଠା କୁଲଚକ୍ରପରାୟଣା ।
କୂଟସ୍ଥା କୂଟଦୃଷ୍ଟିଶ୍ଚ କୁନ୍ତଲା କୁନ୍ତଲାକୃତିଃ ॥ ୧୬୨ ॥
କୁଶଲାକୃତିରୂପା ଚ କୂର୍ଚବୀଜଧରା ଚ କୂଃ ।
କୁଂ କୁଂ କୁଂ କୁଂ ଶବ୍ଦରତା କ୍ରୂଂ କ୍ରୂଂ କ୍ରୂଂ କ୍ରୂଂ ପରାୟଣା ॥ ୧୬୩ ॥
କୁଂ କୁଂ କୁଂ ଶବ୍ଦନିଲୟା କୁକ୍କୁରାଲୟଵାସିନୀ ।
କୁକ୍କୁରାସଙ୍ଗସଂୟୁକ୍ତା କୁକ୍କୁରାନନ୍ତଵିଗ୍ରହା ॥ ୧୬୪ ॥
କୂର୍ଚାରମ୍ଭା କୂର୍ଚବୀଜା କୂର୍ଚଜାପପରାୟଣା ।
କୁଲିନୀ କୁଲସଂସ୍ଥାନା କୂର୍ଚକଣ୍ଠପରାଗତିଃ ॥ ୧୬୫ ॥
କୂର୍ଚଵୀଣାଭାଲଦେଶା କୂର୍ଚମସ୍ତକଭୂଷିତା ।
କୁଲଵୃକ୍ଷଗତା କୂର୍ମା କୂର୍ମାଚଲନିଵାସିନୀ ॥ ୧୬୬ ॥
କୁଲବିନ୍ଦୁଃ କୁଲଶିଵା କୁଲଶକ୍ତିପରାୟଣା ।
କୁଲବିନ୍ଦୁମଣିପ୍ରଖ୍ୟା କୁଙ୍କୁମଦ୍ରୁମଵାସିନୀ ॥ ୧୬୭ ॥
କୁଚମର୍ଦନସନ୍ତୁଷ୍ଟା କୁଚଜାପପରାୟଣା ।
କୁଚସ୍ପର୍ଶନସନ୍ତୁଷ୍ଟା କୁଚାଲିଙ୍ଗନହର୍ଷଦା ॥ ୧୬୮ ॥
କୁମତିଘ୍ନୀ କୁବେରାର୍ଚ୍ୟା କୁଚଭୂଃ କୁଲନାୟିକା ।
କୁଗାୟନା କୁଚଧରା କୁମାତା କୁନ୍ଦଦନ୍ତିନୀ ॥ ୧୬୯ ॥
କୁଗେୟା କୁହରାଭାସା କୁଗେୟା କୁଘ୍ନଦାରିଭା ।
କୀର୍ତିଃ କିରାତିନୀ କ୍ଲିନ୍ନା କିନ୍ନରା କିନ୍ନରୀକ୍ରିୟା ॥ ୧୭୦ ॥
କ୍ରୀଙ୍କାରା କ୍ରୀଞ୍ଜପାସକ୍ତା କ୍ରୀଂ ହୂଁ ସ୍ତ୍ରୀଂ ମନ୍ତ୍ରରୂପିଣୀ ।
କିର୍ମୀରିତଦୃଶାପାଙ୍ଗୀ କିଶୋରୀ ଚ କିରୀଟିନୀ ॥ ୧୭୧ ॥
କୀଟଭାଷା କୀଟୟୋନିଃ କୀଟମାତା ଚ କୀଟଦା ।
କିଂଶୁକା କୀରଭାଷା ଚ କ୍ରିୟାସାରା କ୍ରିୟାଵତୀ ॥ ୧୭୨ ॥
କୀଂକୀଂଶବ୍ଦପରା କ୍ଲାଂ କ୍ଲୀଂ କ୍ଲୂଁ କ୍ଲୈଂ କ୍ଲୌଂ ମନ୍ତ୍ରରୂପିଣୀ ।
କାଁ କୀଂ କୂଁ କୈଂ ସ୍ଵରୂପା ଚ କଃ ଫଟ୍ ମନ୍ତ୍ରସ୍ଵରୂପିଣୀ ॥ ୧୭୩ ॥
କେତକୀଭୂଷଣାନନ୍ଦା କେତକୀଭରଣାନ୍ଵିତା ।
କୈକଦା କେଶିନୀ କେଶୀ କେଶୀସୂଦନତତ୍ପରା ॥ ୧୭୪ ॥
କେଶରୂପା କେଶମୁକ୍ତା କୈକେୟୀ କୌଶିକୀ ତଥା ।
କୈରଵା କୈରଵାହ୍ଲାଦା କେଶରା କେତୁରୂପିଣୀ ॥ ୧୭୫ ॥
କେଶଵାରାଧ୍ୟହୃଦୟା କେଶଵାସକ୍ତମାନସା ।
କ୍ଲୈବ୍ୟଵିନାଶିନୀ କ୍ଲୈଂ ଚ କ୍ଲୈଂ ବୀଜଜପତୋଷିତା ॥ ୧୭୬ ॥
କୌଶଲ୍ୟା କୋଶଲାକ୍ଷୀ ଚ କୋଶା ଚ କୋମଲା ତଥା ।
କୋଲାପୁରନିଵାସା ଚ କୋଲାସୁରଵିନାଶିନୀ ॥ ୧୭୭ ॥
କୋଟିରୂପା କୋଟିରତା କ୍ରୋଧିନୀ କ୍ରୋଧରୂପିଣୀ ।
କେକା ଚ କୋକିଲା କୋଟିଃ କୋଟିମନ୍ତ୍ରପରାୟଣା ॥ ୧୭୮ ॥
କୋଟ୍ୟାନନ୍ତମନ୍ତ୍ରୟୁକ୍ତା କୈରୂପା କେରଲାଶ୍ରୟା ।
କେରଲାଚାରନିପୁଣା କେରଲେନ୍ଦ୍ରଗୃହସ୍ଥିତା ॥ ୧୭୯ ॥
କେଦାରାଶ୍ରମସଂସ୍ଥା ଚ କେଦାରେଶ୍ଵରପୂଜିତା ।
କ୍ରୋଧରୂପା କ୍ରୋଧପଦା କ୍ରୋଧମାତା ଚ କୌଶିକୀ ॥ ୧୮୦ ॥
କୋଦଣ୍ଡଧାରିଣୀ କ୍ରୌଞ୍ଚା କୌଶଲ୍ୟା କୌଲମାର୍ଗଗା ।
କୌଲିନୀ କୌଲିକାରାଧ୍ୟା କୌଲିକାଗାରଵାସିନୀ ॥ ୧୮୧ ॥
କୌତୁକୀ କୌମୁଦୀ କୌଲା କୁମାରୀ କୌରଵାର୍ଚିତା ।
କୌଣ୍ଡିନ୍ୟା କୌଶିକୀ କ୍ରୋଧା ଜ୍ଵାଲାଭାସୁରରୂପିଣୀ ॥ ୧୮୨ ॥
କୋଟିକାଲାନଲଜ୍ଵାଲା କୋଟିମାର୍ତ୍ତଣ୍ଡଵିଗ୍ରହା ।
କୃତ୍ତିକା କୃଷ୍ଣଵର୍ଣା ଚ କୃଷ୍ଣା କୃତ୍ୟା କ୍ରିୟାତୁରା ॥ ୧୮୩ ॥
କୃଶାଙ୍ଗୀ କୃତକୃତ୍ୟା ଚ କ୍ରଃ ଫଟ୍ସ୍ଵାହାସ୍ଵରୂପିଣୀ ।
କ୍ରୌଂ କ୍ରୌଂ ହୂଁ ଫଟ୍ମନ୍ତ୍ରଵର୍ଣା
କ୍ରାଂ ହ୍ରୀଂ ହ୍ରୂଁ ଫଟ୍ସ୍ଵରୂପିଣୀ ॥ ୧୮୪ ॥
କ୍ରୀଂକ୍ରୀଂହ୍ରୀଂହ୍ରୀଂ ତଥା ହ୍ରୂଁ ହୂଁଫଟ୍ସ୍ଵାହାମନ୍ତ୍ରରୂପିଣୀ ।
ଇତି ଶ୍ରୀସର୍ଵସାମ୍ରାଜ୍ୟମେଧାନାମ ସହସ୍ରକମ୍ ॥ ୧୮୫ ॥
ସୁନ୍ଦରୀଶକ୍ତିଦାନାଖ୍ୟଂ ସ୍ଵରୂପାର୍ଭିଧମେଵ ଚ ।
କଥିତଂ ଦକ୍ଷିଣାକାଲ୍ୟାଃ ସୁନ୍ଦର୍ୟୈ ପ୍ରୀତିୟୋଗତଃ ॥ ୧ ॥
ଵରଦାନପ୍ରସଙ୍ଗେନ ରହସ୍ୟମପି ଦର୍ଶିତମ୍ ।
ଗୋପନୀୟଂ ସଦା ଭକ୍ତ୍ୟା ପଠନୀୟଂ ପରାତ୍ପରମ୍ ॥ ୨ ॥
ପ୍ରାତର୍ମଧ୍ୟାହ୍ନକାଲେ ଚ ମଧ୍ୟାର୍ଦ୍ଧରାତ୍ରୟୋରପି ।
ୟଜ୍ଞକାଲେ ଜପାନ୍ତେ ଚ ପଠନୀୟଂ ଵିଶେଷତଃ ॥ ୩ ॥
ୟଃ ପଠେତ୍ ସାଧକୋ ଧୀରଃ କାଲୀରୂପୋ ହି ଵର୍ଷତଃ ।
ପଠେଦ୍ଵା ପାଠୟେଦ୍ଵାପି ଶୃଣୋତି ଶ୍ରାଵୟେଦପି ॥ ୪ ॥
ଵାଚକଂ ତୋଷୟେଦ୍ଵାପି ସ ଭଵେତ୍ କାଲିକାତନୁଃ ।
ସହେଲଂ ଵା ସଲୀଲଂ ଵା ୟଶ୍ଚୈନଂ ମାନଵଃ ପଠେତ୍ ॥ ୫ ॥
ସର୍ଵଦୁଃଖଵିନିର୍ମୁକ୍ତସ୍ତ୍ରୈଲୋକ୍ୟଵିଜୟୀ କଵିଃ ।
ମୃତଵନ୍ଧ୍ୟା କାକଵନ୍ଧ୍ୟା କନ୍ୟାଵନ୍ଧ୍ୟା ଚ ଵନ୍ଧ୍ୟକା ॥ ୬ ॥
ପୁଷ୍ପଵନ୍ଧ୍ୟା ଶୂଲଵନ୍ଧ୍ୟା ଶୃଣୁୟାତ୍ ସ୍ତୋତ୍ରମୁତ୍ତମମ୍ ।
ସର୍ଵସିଦ୍ଧିପ୍ରଦାତାରଂ ସତ୍କଵିଂ ଚିରଜୀଵିନମ୍ ॥ ୭ ॥
ପାଣ୍ଡିତ୍ୟକୀର୍ତିସଂୟୁକ୍ତଂ ଲଭତେ ନାତ୍ର ସଂଶୟଃ ।
ୟଂ ୟଂ କାମମୁପସ୍କୃତ୍ୟ କାଲୀଂ ଧ୍ୟାତ୍ଵା ଜପେତ୍ସ୍ତଵମ୍ ॥ ୮ ॥
ତଂ ତଂ କାମଂ କରେ କୃତ୍ଵା ମନ୍ତ୍ରୀ ଭଵତି ନାଽନ୍ୟଥା ।
ୟୋନିପୁଷ୍ପୈର୍ଲିଙ୍ଗପୁଷ୍ପୈଃ କୁଣ୍ଡଗୋଲୋଦ୍ଭଵୈରପି ॥ ୯ ॥
ସଂୟୋଗାମୃତପୁଷ୍ପୈଶ୍ଚ ଵସ୍ତ୍ରଦେଵୀପ୍ରସୂନକୈଃ ।
କାଲିପୁଷ୍ପୈଃ ପୀଠତୋୟୈର୍ୟୋନିକ୍ଷାଲନତୋୟକୈଃ ॥ ୧୦ ॥
କସ୍ତୂରୀକୁଙ୍କୁମୈର୍ଦେଵୀଂ ନଖକାଲାଗରୁକ୍ରମାତ୍ ।
ଅଷ୍ଟଗନ୍ଧୈର୍ଧୂପଦୀପର୍ୟଵୟାଵକସଂୟୁତୈଃ ॥ ୧୧ ॥
ରକ୍ତଚନ୍ଦନସିନ୍ଦୂରୈର୍ମତ୍ସ୍ୟମାଂସାଦିଭୂଷଣୈଃ ।
ମଧୁଭିଃ ପାୟସୈଃ କ୍ଷୀରୈଃ ଶୋଧିତୈଃ ଶୋଣିତୈରପି ॥ ୧୨ ॥
ମହୋପଚାରୈ ରକ୍ତୈଶ୍ଚ ନୈଵେଦ୍ୟୈଃ ସୁରସାନ୍ଵିତୈଃ ।
ପୂଜୟିତ୍ଵା ମହାକାଲୀଂ ମହାକାଲେନ ଲାଲିତାମ୍ ॥ ୧୩ ॥
ଵିଦ୍ୟାରାଜ୍ଞୀଂ କୁଲ୍ଲୁକାଞ୍ଚ ଜପ୍ତ୍ଵା ସ୍ତୋତ୍ରଂ ଜପେଚ୍ଛିଵେ ।
କାଲୀଭକ୍ତସ୍ତ୍ଵେକଚିତ୍ତଃ ସିନ୍ଦୂରତିଲକାନ୍ଵିତଃ ॥ ୧୪ ॥
ତାମ୍ବୂଲପୂରିତମୁଖୋ ମୁକ୍ତକେଶୋ ଦିଗମ୍ବରଃ ।
ଶଵୟୋନିସ୍ଥିତୋ ଵୀରଃ ଶ୍ମଶାନସୁରତାନ୍ଵିତଃ ॥ ୧୫ ॥
ଶୂନ୍ୟାଲୟେ ବିନ୍ଦୁପୀଠେ ପୁଷ୍ପାକୀର୍ଣେ ଶିଵାନନେ ।
ଶୟନୋତ୍ଥପ୍ରଭୁଞ୍ଜାନଃ କାଲୀଦର୍ଶନମାପ୍ନୁୟାତ୍ ॥ ୧୬ ॥
ତତ୍ର ୟଦ୍ୟତ୍କୃତଂ କର୍ମ ତଦନନ୍ତଫଲଂ ଭଵେତ୍ ।
ଐଶ୍ଵର୍ୟେ କମଲା ସାକ୍ଷାତ୍ ସିଦ୍ଧୌ ଶ୍ରୀକାଲିକାମ୍ବିକା ॥ ୧୭ ॥
କଵିତ୍ଵେ ତାରିଣୀତୁଲ୍ୟଃ ସୌନ୍ଦର୍ୟେ ସୁନ୍ଦରୀସମଃ ।
ସିନ୍ଧୋର୍ଦ୍ଧାରାସମଃ କାର୍ୟେ ଶ୍ରୁତୌ ଶ୍ରୁତିଧରସ୍ତଥା ॥ ୧୮ ॥
ଵଜ୍ରାସ୍ତ୍ରମିଵ ଦୁର୍ଦ୍ଧର୍ଷସ୍ତ୍ରୈଲୋକ୍ୟଵିଜୟାସ୍ତ୍ରଭୃତ୍ ।
ଶତ୍ରୁହନ୍ତା କାଵ୍ୟକର୍ତା ଭଵେଚ୍ଛିଵସମଃ କଲୌ ॥ ୧୯ ॥
ଦିଗ୍ଵିଦିକ୍ଚନ୍ଦ୍ରକର୍ତା ଚ ଦିଵାରାତ୍ରିଵିପର୍ୟ୍ୟୟୀ ।
ମହାଦେଵସମୋ ୟୋଗୀ ତ୍ରୈଲୋକ୍ୟସ୍ତମ୍ଭକଃ କ୍ଷଣାତ୍ ॥ ୨୦ ॥
ଗାନେନ ତୁମ୍ବୁରୁଃ ସାକ୍ଷାଦ୍ଦାନେ କର୍ଣସମୋ ଭଵେତ୍ ।
ଗଜାଽଶ୍ଵରଥପତ୍ତୀନାମସ୍ତ୍ରାଣାମଧିପଃ କୃତୀ ॥ ୨୧ ॥
ଆୟୁଷ୍ୟେଷୁ ଭୁଶୁଣ୍ଡୀ ଚ ଜରାପଲିତନାଶକଃ ।
ଵର୍ଷଷୋଡଶଵାନ୍ ଭୂୟାତ୍ ସର୍ଵକାଲେ ମହେଶ୍ଵରୀ ॥ ୨୨ ॥
ବ୍ରହ୍ମାଣ୍ଡଗୋଲେ ଦେଵେଶି ନ ତସ୍ୟ ଦୁର୍ଲଭଂ କ୍ଵଚିତ୍ ।
ସର୍ଵଂ ହସ୍ତଗତଂ ଭୂୟାନ୍ନାତ୍ର କାର୍ୟ୍ୟା ଵିଚାରଣା ॥ ୨୩ ॥
କୁଲପୁଷ୍ପୟୁତଂ ଦୃଷ୍ଟ୍ଵା ତତ୍ର କାଲୀଂ ଵିଚିନ୍ତ୍ୟ ଚ ।
ଵିଦ୍ୟାରାଜ୍ଞୀଂ ତୁ ସମ୍ପୂଜ୍ୟ ପଠେନ୍ନାମସହସ୍ରକମ୍ ॥ ୨୪ ॥
ମନୋରଥମୟୀ ସିଦ୍ଧିସ୍ତସ୍ୟ ହସ୍ତେ ସଦା ଭଵେତ୍ ।
ପରଦାରାନ୍ ସମାଲିଙ୍ଗୟ ସମ୍ପୂଜ୍ୟ ପରମେଶ୍ଵରୀମ୍ ॥ ୨୫ ॥
ହସ୍ତାହସ୍ତିକୟା ୟୋଗଂ କୃତ୍ଵା ଜପ୍ତ୍ଵା ସ୍ତଵଂ ପଠେତ୍ ।
ୟୋନିଂ ଵୀକ୍ଷ୍ୟ ଜପେତ୍ ସ୍ତୋତ୍ରଂ କୁବେରାଦଧିକୋ ଭଵେତ୍ ॥ ୨୬ ॥
କୁଣ୍ଡଗୋଲୋଦ୍ଭଵଂ ଗୃହ୍ୟଵର୍ଣାକ୍ତଂ ହୋମୟେନ୍ନିଶି ।
ପିତୃଭୂମୌ ମହେଶାନି ଵିଧିରେଖାଂ ପ୍ରମାର୍ଜୟେତ୍ ॥ ୨୭ ॥
ତରୁଣୀଂ ସୁନ୍ଦରୀଂ ରମ୍ୟାଂ ଚଞ୍ଚଲାଂ କାମଗର୍ଵିତାମ୍ ।
ସମାନୀୟ ପ୍ରୟତ୍ନେନ ସଂଶୋଧ୍ୟ ନ୍ୟାସୟୋଗତଃ ॥ ୨୮ ॥
ପ୍ରସୂନମଞ୍ଚେ ସଂସ୍ଥାପ୍ୟ ପୃଥିଵୀଂ ଵଶମାନୟେତ୍ ।
ମୂଲଚକ୍ରଂ ତୁ ସମ୍ଭାଵ୍ୟ ଦେଵ୍ୟାଶ୍ଚରଣସଂୟୁତମ୍ ॥ ୨୯ ॥
ସମ୍ମୂଜ୍ୟ ପରମେଶାନୀଂ ସଙ୍କଲ୍ପ୍ୟ ତୁ ମହେଶ୍ଵରି ।
ଜପ୍ତ୍ଵା ସ୍ତୁତ୍ଵା ମହେଶାନୀଂ ପ୍ରଣଵଂ ସଂସ୍ମରେଚ୍ଛିଵେ ॥ ୩୦ ॥
ଅଷ୍ଟୋତ୍ତରଶତୈର୍ୟୋନିଂ ପ୍ରମନ୍ତ୍ର୍ୟାଚୁମ୍ବ୍ୟ ୟତ୍ନତଃ ।
ସଂୟୋଗୀଭୂୟ ଜପ୍ତଵ୍ୟଂ ସର୍ଵଵିଦ୍ୟାଧିପୋ ଭଵେତ୍ ॥ ୩୧ ॥
ଶୂନ୍ୟାଗାରେ ଶିଵାରଣ୍ୟେ ଶିଵଦେଵାଲୟେ ତଥା ।
ଶୂନ୍ୟଦେଶେ ତଡାଗେ ଚ ଗଙ୍ଗାଗର୍ଭେ ଚତୁଷ୍ପଥେ ॥ ୩୨ ॥
ଶ୍ମଶାନେ ପର୍ଵତପ୍ରାନ୍ତେ ଏକଲିଙ୍ଗେ ଶିଵାମୁଖେ ।
ମୁଣ୍ଡୟୋନୌ ଋତୌ ସ୍ନାତ୍ଵା ଗେହେ ଵେଶ୍ୟାଗୃହେ ତଥା ॥ ୩୩ ॥
କୁଟ୍ଟିନୀଗୃହମଧ୍ୟେ ଚ କଦଲୀମଣ୍ଡପେ ତଥା ।
ପଠେତ୍ସହସ୍ରନାମାଖ୍ୟଂ ସ୍ତୋତ୍ରଂ ସର୍ଵାର୍ଥସିଦ୍ଧୟେ ॥ ୩୪ ॥
ଅରଣ୍ୟେ ଶୂନ୍ୟଗର୍ତେ ଚ ରଣେ ଶତ୍ରୁସମାଗମେ ।
ପ୍ରଜପେଚ୍ଚ ତତୋ ନାମ କାଲ୍ୟାଶ୍ଚୈଵ ସହସ୍ରକମ୍ ॥ ୩୫ ॥
ବାଲାନନ୍ଦପରୋ ଭୂତ୍ଵା ପଠିତ୍ଵା କାଲିକାସ୍ତଵମ୍ ।
କାଲୀଂ ସଞ୍ଚିନ୍ତ୍ୟ ପ୍ରଜପେତ୍ ପଠେନ୍ନାମସହସ୍ରକମ୍ ॥ ୩୬ ॥
ସର୍ଵସିଦ୍ଧୀଶ୍ଵରୋ ଭୂୟାଦ୍ଵାଞ୍ଛାସିଦ୍ଧୀଶ୍ଵରୋ ଭଵେତ୍ ।
ମୁଣ୍ଡଚୂଡକୟୋର୍ୟୋନି ତ୍ଵଚି ଵା କୋମଲେ ଶିଵେ ॥ ୩୭ ॥
ଵିଷ୍ଟରେ ଶଵଵସ୍ତ୍ରେ ଵା ପୁଷ୍ପଵସ୍ତ୍ରାସନେଽପି ଵା ।
ମୁକ୍ତକେଶୋ ଦିଶାଵାସୋ ମୈଥୁନୀ ଶୟନେ ସ୍ଥିତଃ ॥ ୩୮ ॥
ଜପ୍ତ୍ଵାକାଲୀଂ ପଠେତ୍ ସ୍ତୋତ୍ରଂ ଖେଚରୀସିଦ୍ଧିଭାଗ୍ ଭଵେତ୍ ।
ଚିକୁରଂ ୟୋଗମାସାଦ୍ୟ ଶୁକ୍ରୋତ୍ସାରଣମେଵ ଚ ॥ ୩୯ ॥
ଜପ୍ତ୍ଵା ଶ୍ରୀଦକ୍ଷିଣାଂ କାଲୀଂ ଶକ୍ତିପାତଶତଂ ଭଵେତ୍ ।
ଲତାଂ ସ୍ପୃଶନ୍ ଜପିତ୍ଵା ଚ ରମିତ୍ଵା ତ୍ଵର୍ଚୟନ୍ନପି ॥ ୪୦ ॥
ଆହ୍ଲାଦୟନ୍ଦିଗାଵାସଃ ପରଶକ୍ତିଂ ଵିଶେଷତଃ ।
ସ୍ତୁତ୍ଵା ଶ୍ରୀଦକ୍ଷିଣାଂ କାଲୀଂ ୟୋନିଂ ସ୍ଵକରଗାଞ୍ଚରେତ୍ ॥ ୪୧ ॥
ପଠେନ୍ନାମସହସ୍ରଂ ୟଃ ସ ଶିଵାଦଧିକୋ ଭଵେତ୍ ।
ଲତାନ୍ତରେଷୁ ଜପ୍ତଵ୍ୟଂ ସ୍ତୁତ୍ଵା କାଲୀଂ ନିରାକୁଲଃ ॥ ୪୨ ॥
ଦଶାଵଧାନୋ ଭଵତି ମାସମାତ୍ରେଣ ସାଧକଃ ।
କାଲରାତ୍ର୍ୟାଂ ମହାରାତ୍ର୍ୟାଂ ଵୀରରାତ୍ର୍ୟାମପି ପ୍ରିୟେ ॥ ୪୩ ॥
ମହାରାତ୍ର୍ୟାଂ ଚତୁର୍ଦଶ୍ୟାମଷ୍ଟମ୍ୟାଂ ସଂକ୍ରମେଽପି ଵା ।
କୁହୂପୂର୍ଣେନ୍ଦୁଶୁକ୍ରେଷୁ ଭୌମାମାୟାଂ ନିଶାମୁଖେ ॥ ୪୪ ॥
ନଵମ୍ୟାଂ ମଙ୍ଗଲଦିନେ ତଥା କୁଲତିଥୌ ଶିଵୈ ।
କୁଲକ୍ଷେତ୍ରେ ପ୍ରୟତ୍ନେନ ପଠେନ୍ନାମସହସ୍ରକମ୍ ॥ ୪୫ ॥
ସୁଦର୍ଶନୋ ଭଵେଦାଶୁ କିନ୍ନରୀସିଦ୍ଧିଭାଗ୍ଭଵେତ୍ ।
ପଶ୍ମିମାଭିମୁଖଂ ଲିଙ୍ଗଂ ଵୃଷଶୂନ୍ୟଂ ପୁରାତନମ୍ ॥ ୪୬ ॥
ତତ୍ର ସ୍ଥିତ୍ଵା ଜପେତ୍ ସ୍ତୋତ୍ରଂ ସର୍ଵକାମାପ୍ତୟେ ଶିଵେ ।
ଭୌମଵାରେ ନିଶୀଥେ ଵା ଅମାଵସ୍ୟାଦିନେ ଶୁଭେ ॥ ୪୭ ॥
ମାଷଭକ୍ତବଲିଂ ଛାଗଂ କୃସରାନ୍ନଂ ଚ ପାୟସମ୍ ।
ଦଗ୍ଧମୀନଂ ଶୋଣିତଞ୍ଚ ଦଧି ଦୁଗ୍ଧ ଗୁଡାର୍ଦ୍ରକମ୍ ॥ ୪୮ ॥
ବଲିଂ ଦତ୍ଵା ଜପେତ୍ ତତ୍ର ତ୍ଵଷ୍ଟୋତ୍ତରସହସ୍ରକମ୍ ।
ଦେଵ-ଗନ୍ଧର୍ଵ-ସିଦ୍ଧୌଧୈଃ ସେଵିତାଂ ସୁରସୁନ୍ଦରୀମ୍ ॥ ୪୯ ॥
ଲଭେଦ୍ଦେଵେଶି ମାସେନ ତସ୍ୟ ଚାସନ ସଂହତିଃ ।
ହସ୍ତତ୍ରୟଂ ଭଵେଦୂର୍ଧ୍ଵଂ ନାତ୍ର କାର୍ୟା ଵିଚାରଣା ॥ ୫୦ ॥
ହେଲୟା ଲୀଲୟା ଭକ୍ତ୍ୟା କାଲୀଂ ସ୍ତୌତି ନରସ୍ତୁ ୟଃ ।
ବ୍ରହ୍ମାଦୀଂସ୍ସତମ୍ଭୟେଦ୍ଦେଵି ମାହେଶୀଂ ମୋହୟେତ୍କ୍ଷଣାତ୍ ॥ ୫୧ ॥
ଆକର୍ଷୟେନ୍ମହାଵିଦ୍ୟାଂ ଦଶପୂର୍ଵାନ୍ ତ୍ରିୟାମତଃ ।
କୁର୍ଵୀତ ଵିଷ୍ଣୁନିର୍ମ୍ମାଣଂ ୟମାଦୀନାଂ ତୁ ମାରଣମ୍ ॥ ୫୨ ॥
ଧ୍ରୁଵମୁଚ୍ଚାଟୟେନ୍ନୂନଂ ସୃଷ୍ଟିନୂତନତାଂ ନରଃ ।
ମେଷମାହିଷମାର୍ଜାରଖରଚ୍ଛାଗନରାଦିକୈଃ ॥ ୫୩ ॥
ଖଙ୍ଗିଶୂକରକାପୋତୈଷ୍ଟିଟ୍ଟିଭୈଃ ଶଶକୈଃ ପଲୈଃ ।
ଶୋଣିତୈଃ ସାସ୍ଥିମାଂସୈଶ୍ଚ କାରଣ୍ଡୈର୍ଦୁଗ୍ଧପାୟସୈଃ ॥ ୫୪ ॥
କାଦମ୍ବରୀସିନ୍ଧୁମଦ୍ୟୈଃ ସୁରାରିଷ୍ଟୈଶ୍ଚ ସାସଵୈଃ ।
ୟୋନିକ୍ଷାଲିତତୋୟୈଶ୍ଚ ୟୋନିଲିଙ୍ଗାମୃତୈରପି ॥ ୫୫ ॥
ସ୍ଵଜାତକୁସୁମୈଃ ପୂଜ୍ୟା ଜପାନ୍ତେ ତର୍ପୟେଚ୍ଛିଵାମ୍ ।
ସର୍ଵସାମ୍ରାଜ୍ୟନାମ୍ନା ତୁ ସ୍ତୁତ୍ଵା ନତ୍ଵା ସ୍ଵଶକ୍ତିତଃ ॥ ୫୬ ॥
ଶକ୍ତ୍ୟା ଲଭନ୍ ପଠେତ୍ ସ୍ତୋତ୍ରଂ କାଲୀରୂପୋ ଦିନତ୍ରୟାତ୍ ।
ଦକ୍ଷିଣାକାଲିକା ତସ୍ୟ ଗେହେ ତିଷ୍ଠତି ନାନ୍ୟଥା ॥ ୫୭ ॥
ଵେଶ୍ୟାଲତାଗୃହେ ଗତ୍ଵା ତସ୍ୟାଶ୍ଚୁମ୍ବନତତ୍ପରଃ ।
ତସ୍ୟା ୟୋନୌ ମୁଖଂ ଦତ୍ଵା ତଦ୍ରସଂ ଵିଲିହଞ୍ଜପେତ୍ ॥ ୫୮ ॥
ତଦନ୍ତେ ନାମ ସାହସ୍ରଂ ପଠେଦ୍ଭକ୍ତିପରାୟଣଃ ।
କାଲିକାଦର୍ଶନଂ ତସ୍ୟ ଭଵେଦ୍ଦେଵି ତ୍ରିୟାମତଃ ॥ ୫୯ ॥
ନୃତ୍ୟପାତ୍ରଗୃହେ ଗତ୍ଵା ମକାରପଞ୍ଚକାନ୍ଵିତଃ ।
ପ୍ରସୂନମଞ୍ଚେ ସଂସ୍ଥାପ୍ୟ ଶକ୍ତିନ୍ୟାସପରାୟଣଃ ॥ ୬୦ ॥
ପାତ୍ରାଣାଂ ସାଧନଂ କୃତ୍ଵା ଦିଗ୍ଵସ୍ତ୍ରାଂ ତାଂ ସମାଚରେତ୍ ।
ସମ୍ଭାଵ୍ୟ ଚକ୍ରଂ ତନ୍ମୂଲେ ତତ୍ର ସାଵରଣାଂ ଜପେତ୍ ॥ ୬୧ ॥
ଶତଂ ଭାଲେ ଶତଂ କେଶେ ଶତଂ ସିନ୍ଦୂରମଣ୍ଡଲେ ।
ଶତତ୍ରୟଂ କୁଚଦ୍ଵନ୍ଦ୍ଵେ ଶତଂ ନାଭୌ ମହେଶ୍ଵରି ॥ ୬୨ ॥
ଶତଂ ୟୋନୌ ମହେଶାନି ସଂୟୋଗେ ଚ ଶତତ୍ରୟମ୍ ।
ଜପେତ୍ତତ୍ର ମହେଶାନି ତଦନ୍ତେ ପ୍ରପଠେତ୍ସ୍ତଵମ୍ ॥ ୬୩ ॥
ଶତାଵଧାନୋ ଭଵତି ମାସମାତ୍ରେଣ ସାଧକଃ ।
ମାତଙ୍ଗିନୀଂ ସମାନୀୟ କିଂ ଵା କାପାଲିନୀଂ ଶିଵେ ॥ ୬୪ ॥
ଦନ୍ତମାଲା ଜପେ କାର୍ୟା ଗଲେ ଧାର୍ୟା ନୃମୁଣ୍ଡଜା ।
ନେତ୍ରପଦ୍ମେ ୟୋନିଚକ୍ରଂ ଶକ୍ତିଚକ୍ରଂ ସ୍ଵଵକ୍ତ୍ରକେ ॥ ୬୫ ॥
କୃତ୍ଵା ଜପେନ୍ମହେଶାନି ମୁଣ୍ଡୟନ୍ତ୍ରଂ ପ୍ରପୂଜୟେତ୍ ।
ମୁଣ୍ଡାସନସ୍ଥିତୋ ଵୀରୋ ମକାରପଞ୍ଚକାନ୍ଵିତଃ ॥ ୬୬ ॥
ଅନ୍ୟାମାଲିଙ୍ଗୟ ପ୍ରଜପେଦନ୍ୟାଂ ସଞ୍ଚୁମ୍ବ୍ୟ ଵୈ ପଠେତ୍ ।
ଅନ୍ୟାଂ ସମ୍ପୂଜୟେତ୍ତତ୍ର ତ୍ଵନ୍ୟାଂ ସମ୍ମର୍ଦ୍ଦୟନ୍ ଜପେତ୍ ॥ ୬୭ ॥
ଅନ୍ୟୟୋନୌ ଶିଵଂ ଦତ୍ଵା ପୁନଃ ପୂର୍ଵଵଦାଚରେତ୍ ।
ଅଵଧାନସହସ୍ରେଷୁ ଶକ୍ତିପାତଶତେଷୁ ଚ ॥ ୬୮ ॥
ରାଜା ଭଵତି ଦେଵେଶି ମାସପଞ୍ଚକୟୋଗତଃ ।
ୟଵନୀଶକ୍ତିମାନୀୟ ଗାନଶକ୍ତିପରାୟଣମ୍ ॥ ୬୯ ॥
କୁଲାଚାରମତେନୈଵ ତସ୍ୟା ୟୋନିଂ ଵିକାସୟେତ୍ ।
ତତ୍ର ପ୍ରଦାୟ ଜିହ୍ଵାଂ ତୁ ଜପେନ୍ନାମସହସ୍ରକମ୍ ॥ ୭୦ ॥
ନୃକପାଲେ ତତ୍ର ଦୀପଂ ଜପେତ୍ପ୍ରଜ୍ଵାଲ୍ୟ ୟତ୍ନତଃ ।
ମହାକଵିଵରୋ ଭୂୟାନ୍ନାତ୍ର କାର୍ୟା ଵିଚାରଣା ॥ ୭୧ ॥
କାମାର୍ତାଂ ଶକ୍ତିମାନୀୟ ୟୋନୌ ତୁ ମୂଲଚକ୍ରକମ୍ ।
ଵିଲିଖ୍ୟ ପରମେଶାନି ତତ୍ର ମନ୍ତ୍ରଂ ଲିଖେଚ୍ଛିଵେ ॥ ୭୨ ॥
ତଲ୍ଲିହନ୍ ପ୍ରଜପେଦ୍ଦେଵି ସର୍ଵଶାସ୍ତ୍ରାର୍ଥତତ୍ଵଵିତ୍ ।
ଅଶ୍ରୁତାନି ଚ ଶାସ୍ତ୍ରାଣି ଵେଦାଦୀନ୍ ପାଠୟେଦ୍ ଧ୍ରୁଵମ୍ ॥ ୭୩ ॥
ଵିନା ନ୍ୟାସୈର୍ଵିନା ପାଠୈର୍ଵିନାଧ୍ୟାନାଦିଭିଃ ପ୍ରିୟେ ।
ଚତୁର୍ଵେଦାଧିପୋ ଭୂତ୍ଵା ତ୍ରିକାଲଜ୍ଞସ୍ତ୍ରିଵର୍ଷତଃ ॥ ୭୪ ॥
ଚତୁର୍ଵିଧଂ ଚ ପାଣ୍ଡିତ୍ୟଂ ତସ୍ୟ ହସ୍ତଗତଂ କ୍ଷଣାତ୍ ।
ଶିଵାବଲିଃ ପ୍ରଦାତଵ୍ୟଃ ସର୍ଵଦା ଶୂନ୍ୟମଣ୍ଡଲେ ॥ ୭୫ ॥
କାଲୀଧ୍ୟାନଂ ମନ୍ତ୍ରର୍ଚିତା ନୀଲସାଧନମେଵ ଚ ।
ସହସ୍ରନାମପାଠଶ୍ଚ କାଲୀନାମପ୍ରକୀର୍ତନମ୍ ॥ ୭୬ ॥
ଭକ୍ତସ୍ୟ କାର୍ୟମେତାଵଦନ୍ୟଦଭ୍ୟୁଦୟଂ ଵିଦୁଃ ।
ଵୀରସାଧନକଂ କର୍ମ ଶିଵାପୂଜା ବଲିସ୍ତଥା ॥ ୭୭ ॥
ସିନ୍ଦୂରତିଲକୋ ଦେଵି ଵେଶ୍ୟାଲାପୋ ନିରନ୍ତରମ୍ ।
ଵେଶ୍ୟାଗୃହେ ନିଶାଚାରୋ ରାତ୍ରୌ ପର୍ୟଟନଂ ତଥା ॥ ୭୮ ॥
ଶକ୍ତିପୂଜା ୟୋନିଦୃଷ୍ଟିଃ ଖଙ୍ଗହସ୍ତୋ ଦିଗମ୍ବରଃ ।
ମୁକ୍ତକେଶୋ ଵୀରଵେଷଃ କୁଲମୂର୍ତିଧରୋ ନରଃ ॥ ୭୯ ॥
କାଲୀଭକ୍ତୋ ଭଵେଦ୍ଦେଵି ନାନ୍ୟଥା କ୍ଷେମମାପ୍ନୁୟାତ୍ ।
ଦୁଗ୍ଧାସ୍ଵାଦୀ ୟୋନିଲେହୀ ସଂଵିଦାସଵଘୂର୍ଣିତଃ ॥ ୮୦ ॥
ଵେଶ୍ୟାଲତାସମାୟୋଗାନ୍ମାସାତ୍କଲ୍ପଲତା ସ୍ଵୟମ୍ ।
ଵେଶ୍ୟାଚକ୍ରସମାୟୋଗାତ୍କାଲୀଚକ୍ରସମଃ ସ୍ଵୟମ୍ ॥ ୮୧ ॥
ଵେଶ୍ୟାଦେହସମାୟୋଗାତ୍ କାଲୀଦେହସମଃ ସ୍ଵୟମ୍ ।
ଵେଶ୍ୟାମଧ୍ୟଗତଂ ଵୀରଂ କଦା ପଶ୍ୟାମି ସାଧକମ୍ ॥ ୮୨ ॥
ଏଵଂ ଵଦତି ସା କାଲୀ ତସ୍ମାଦ୍ଵେଶ୍ୟା ଵରା ମତା ।
ଵେଶ୍ୟା କନ୍ୟା ତଥା ପୀଠଜାତିଭେଦକୁଲକ୍ରମାତ୍ ॥ ୮୩ ॥
ଅକୁଲକ୍ରମଭେଦେନ ଜ୍ଞାତ୍ଵା ଚାପି କୁମାରିକାମ୍ ।
କୁମାରୀଂ ପୂଜୟେଦ୍ଭକ୍ତ୍ୟା ଜପାନ୍ତେ ଭଵନେ ପ୍ରିୟେ ॥ ୮୪ ॥
ପଠେନ୍ନାମସହସ୍ରଂ ୟଃ କାଲୀଦର୍ଶନଭାଗ୍ ଭଵେତ୍ ।
ଭକ୍ତ୍ୟା କୁମାରୀଂ ସମ୍ପୂଜ୍ୟ ଵୈଶ୍ୟାକୁଲ ସମୁଦ୍ଭଵାମ୍ ॥ ୮୫ ॥
ଵସ୍ତ୍ର ହେମାଦିଭିସ୍ତୋଷ୍ୟା ୟତ୍ନାତ୍ସ୍ତୋତ୍ରଂ ପଠେଚ୍ଛିଵେ ।
ତ୍ରୈଲୋକ୍ୟ ଵିଜୟୀ ଭୂୟାଦ୍ଦିଵା ଚନ୍ଦ୍ରପ୍ରକାଶକଃ ॥ ୮୬ ॥
ୟଦ୍ୟଦ୍ଦତ୍ତଂ କୁମାର୍ୟୈ ତୁ ତଦନନ୍ତଫଲଂ ଭଵେତ୍ ।
କୁମାରୀପୂଜନଫଲଂ ମୟା ଵକ୍ତୁଂ ନ ଶକ୍ୟତେ ॥ ୮୭ ॥
ଚାଞ୍ଚଲ୍ୟାଦ୍ଦୁରିତଂ କିଞ୍ଚିତ୍କ୍ଷମ୍ୟତାମୟମଞ୍ଜଲିଃ ।
ଏକା ଚେତ୍ପୂଜିତା ବାଲା ଦ୍ଵିତୀୟା ପୂଜିତା ଭଵେତ୍ ॥ ୮୮ ॥
କୁମାର୍ୟଃ ଶକ୍ତୟଶ୍ଚୈଵ ସର୍ଵମେତଚରାଚରମ୍ ।
ଶକ୍ତିମାନୀୟ ତଦ୍ଗାତ୍ରେ ନ୍ୟାସଜାଲଂ ପ୍ରଵିନ୍ୟସେତ୍ ॥ ୮୯ ॥
ଵାମଭାଗେ ଚ ସଂସ୍ଥାପ୍ୟ ଜପେନ୍ନାମସହସ୍ରକମ୍ ।
ସର୍ଵସିଦ୍ଧୀଶ୍ଵରୋ ଭୂୟାନ୍ନାତ୍ର କାର୍ୟ୍ୟା ଵିଚାରଣା ॥ ୯୦ ॥
ଶ୍ମଶାନସ୍ଥୋ ଭଵେତ୍ସ୍ଵସ୍ଥୋ ଗଲିତଂ ଚିକୁରଂ ଚରେତ୍ ।
ଦିଗମ୍ବରଃ ସହସ୍ରଂ ଚ ସୂର୍ୟପୁଷ୍ପଂ ସମାନୟେତ୍ ॥ ୯୧ ॥
ସ୍ଵଵୀର୍ୟେଣ ପ୍ଲୁତଂ କୃତ୍ଵା ପ୍ରତ୍ୟେକଂ ପ୍ରଜପନ୍ ହୁନେତ୍ ।
ପୂଜ୍ୟ ଧ୍ୟାତ୍ଵା ମହାଭକ୍ତ୍ୟା କ୍ଷମାପାଲୋ ନରଃ ପଠେତ୍ ॥ ୯୨ ॥
ନଖଂ କେଶଂ ସ୍ଵଵୀର୍ୟଂ ଚ ୟଦ୍ୟତ୍ସମ୍ମାର୍ଜନୀଗତମ୍ ।
ମୁକ୍ତକେଶୋ ଦିଶାଵାସୋ ମୂଲମନ୍ତ୍ରପୁରଃସରଃ ॥ ୯୩ ॥
କୁଜଵାରେ ମଧ୍ୟରାତ୍ରେ ହୋମଂ କୃତ୍ଵା ଶ୍ମଶାନକେ ।
ପଠେନ୍ନାମସହସ୍ରଂ ୟଃ ପୃଥ୍ଵୀଶାକର୍ଷକୋ ଭଵେତ୍ ॥ ୯୪ ॥
ପୁଷ୍ପୟୁକ୍ତେ ଭଗେ ଦେଵି ସଂୟୋଗାନନ୍ଦତତ୍ପରଃ ।
ପୁନଶ୍ଚିକୁରମାସାଦ୍ୟ ମୂଲମନ୍ତ୍ରଂ ଜପନ୍ ଶିଵେ ॥ ୯୫ ॥
ଚିତାଵହ୍ନୌ ମଧ୍ୟରାତ୍ରେ ଵୀର୍ୟମୁତ୍ସାର୍ୟ ୟତ୍ନତଃ ।
କାଲିକାଂ ପୂଜୟେତ୍ତତ୍ର ପଠେନ୍ନାମ ସହସ୍ରକମ୍ ॥ ୯୬ ॥
ପୃଥ୍ଵୀଶାକର୍ଷଣଂ କୁର୍ୟାନ୍ନାତ୍ର କାର୍ୟା ଵିଚାରଣା ।
କଦଲୀ ଵନମାସାଦ୍ୟ ଲକ୍ଷମନ୍ତ୍ରଂ ଜପେନ୍ନରଃ ॥ ୯୭ ॥
ମଧୁମତ୍ୟା ସ୍ଵୟଂ ଦେଵ୍ୟା ସେଵ୍ୟମାନଃ ସ୍ମରୋପମଃ ।
ଶ୍ରୀମଧୁମତୀତ୍ୟୁକ୍ତ୍ଵା ତଥା ସ୍ଥାଵରଜଙ୍ଗମାନ୍ ॥ ୯୮ ॥
ଆକର୍ଷିଣୀଂ ସମୁଚ୍ଚାର୍ୟ ଠଂଠଂ ସ୍ଵାହା ସମୁଚ୍ଚରେତ୍ ।
ତ୍ରୈଲୋକ୍ୟାକର୍ଷିଣୀ ଵିଦ୍ୟା ତସ୍ୟ ହସ୍ତେ ସଦା ଭଵେତ୍ ॥ ୯୯ ॥
ନଦୀଂ ପୁରୀଂ ଚ ରତ୍ନାନି ହେମସ୍ତ୍ରୀଶୈଲଭୂରୁହାନ୍ ।
ଆକର୍ଷୟତ୍ୟମ୍ବୁନିଧିଂ ସୁମେରୁଂ ଚ ଦିଗନ୍ତତଃ ॥ ୧୦୦ ॥
ଅଲଭ୍ୟାନି ଚ ଵସ୍ତୂନି ଦୂରାଦ୍ଭୂମିତଲାଦପି ।
ଵୃତ୍ତାନ୍ତଂ ଚ ସୁରସ୍ଥାନାଦ୍ରହସ୍ୟେ ଵିଦୁଷାମପି ॥ ୧୦୧ ॥
ରାଜ୍ଞାଂ ଚ କଥୟତ୍ୟେଷା ସତ୍ୟଂ ସତ୍ଵରମାଦିଶେତ୍ ।
ଦ୍ଵିତୀୟଵର୍ଷପାଠେନ ଭଵେତ୍ପଦ୍ମାଵତୀ ଶୁଭା ॥ ୧୦୨ ॥
ଓଂ ହ୍ରୀଂପଦ୍ମାଵତି ପଦଂ ତତସ୍ତ୍ରୈଲୋକ୍ୟନାମ ଚ ।
ଵାର୍ତାଂ ଚ କଥୟ ଦ୍ଵନ୍ଦ୍ଵଂ ସ୍ଵାହାନ୍ତୋ ମନ୍ତ୍ର ଈରିତଃ ॥ ୧୦୩ ॥
ବ୍ରହ୍ମଵିଷ୍ଣ୍ଵାଦିକାନାଂ ଚ ତ୍ରୈଲୋକ୍ୟେ ୟାଦୃଶୀ ଭଵେତ୍ ।
ସର୍ଵ ଵଦତି ଦେଵେଶୀ ତ୍ରିକାଲଜ୍ଞଃ କଵିଶ୍ଶୁଭଃ ॥ ୧୦୪ ॥
ତ୍ରିଵର୍ଷଂ ସମ୍ପଠନ୍ଦେଵି ଲଭେଦ୍ଭୋଗଵତୀଂ କଲାମ୍ ।
ମହାକାଲେନ ଦୃଷ୍ଟୋଽପି ଚିତାମଧ୍ୟଗତୋଽପି ଵା ॥ ୧୦୫ ॥
ତସ୍ୟା ଦର୍ଶନମାତ୍ରେଣ ଚିରଞ୍ଜୀଵୀ ନରୋ ଭଵେତ୍ ।
ମୃତସଞ୍ଜୀଵିନୀତ୍ୟୁକ୍ତ୍ଵା ମୃତମୁତ୍ଥାପୟ ଦ୍ଵୟମ୍ ॥ ୧୦୬ ॥
ସ୍ଵାହାନ୍ତୋ ମନୁରାଖ୍ୟାତୋ ମୃତସଞ୍ଜୀଵନାତ୍ମକଃ ।
ଚତୁର୍ଵର୍ଷଂ ପଠେଦ୍ୟସ୍ତୁ ସ୍ଵପ୍ନସିଦ୍ଧିସ୍ତତୋ ଭଵେତ୍ ॥ ୧୦୭ ॥
ଓଂ ହ୍ରୀଂ ସ୍ଵପ୍ନଵାରାହି କାଲିସ୍ଵପ୍ନେ କଥୟୋଚ୍ଚରେତ୍ ।
ଅମୁକସ୍ୟାଽମୁକଂ ଦେହି କ୍ଲୀଂ ସ୍ଵାହାନ୍ତୋ ମନୁର୍ମତଃ ॥ ୧୦୮ ॥
ସ୍ଵପ୍ନସିଦ୍ଧା ଚତୁର୍ଵର୍ଷାତ୍ତସ୍ୟ ସ୍ଵପ୍ନେ ସଦା ସ୍ଥିତା ।
ଚତୁର୍ଵର୍ଷସ୍ୟ ପାଠେନ ଚତୁର୍ଵେଦାଧିପୋ ଭଵେତ୍ ॥ ୧୦୯ ॥
ତଦ୍ଧସ୍ତଜଲସଂୟୋଗାନ୍ମୂର୍ଖଃ କାଵ୍ୟଂ କରୋତି ଚ ।
ତସ୍ୟ ଵାକ୍ୟପରିଚୟାନ୍ମୂର୍ତିର୍ଵିନ୍ଦତି କାଵ୍ୟତାମ୍ ॥ ୧୧୦ ॥
ମସ୍ତକେ ତୁ କରଂ କୃତ୍ଵା ଵଦ ଵାଣୀମିତି ବ୍ରୁଵନ୍ ।
ସାଧକୋ ଵାଞ୍ଛୟା କୁର୍ୟାତ୍ତତ୍ତଥୈଵ ଭଵିଷ୍ୟତି ॥ ୧୧୧ ॥
ବ୍ରହ୍ମାଣ୍ଡଗୋଲକେ ୟାଶ୍ଚ ୟାଃ କାଶ୍ଚିଜ୍ଜଗତୀତଲେ ।
ସମସ୍ତାଃ ସିଦ୍ଧୟୋ ଦେଵି କରାମଲକଵତ୍ସଦା ॥ ୧୧୨ ॥
ସାଧକସ୍ମୃତିମାତ୍ରେଣ ୟାଵନ୍ତ୍ୟଃ ସନ୍ତି ସିଦ୍ଧୟଃ ।
ସ୍ଵୟମାୟାନ୍ତି ପୁରତୋ ଜପାଦୀନାଂ ତୁ କା କଥା ॥ ୧୧୩ ॥
ଵିଦେଶଵର୍ତିନୋ ଭୂତ୍ଵା ଵର୍ତନ୍ତେ ଚେଟକା ଇଵ ।
ଅମାୟାଂ ଚନ୍ଦ୍ରସନ୍ଦର୍ଶଶ୍ଚନ୍ଦ୍ରଗ୍ରହଣମେଵ ଚ ॥ ୧୧୪ ॥
ଅଷ୍ଟମ୍ୟାଂ ପୂର୍ଣଚନ୍ଦ୍ରତ୍ଵଂ ଚନ୍ଦ୍ରସୂର୍ୟାଷ୍ଟକଂ ତଥା ।
ଅଷ୍ଟଦିକ୍ଷୁ ତଥାଷ୍ଟୌ ଚ କରୋତ୍ୟେଵ ମହେଶ୍ଵରି ॥ ୧୧୫ ॥
ଅଣିମା ଖେଚରତ୍ଵଂ ଚ ଚରାଚରପୁରୀଗତମ୍ ।
ପାଦୁକାଖଙ୍ଗଵେତାଲୟକ୍ଷିଣୀଗୁହ୍ୟକାଦୟଃ ॥ ୧୧୬ ॥
ତିଲକୋଗୁପ୍ତତାଦୃଶ୍ୟଂ ଚରାଚରକଥାନକମ୍ ।
ମୃତସଞ୍ଜୀଵିନୀସିଦ୍ଧିର୍ଗୁଟିକା ଚ ରସାୟନମ୍ ॥ ୧୧୭ ॥
ଉଡ୍ଡୀନସିଦ୍ଧିର୍ଦେଵେଶି ଷଷ୍ଟିସିଦ୍ଧୀଶ୍ଵରତ୍ଵକମ୍ ।
ତସ୍ୟ ହସ୍ତେ ଵସେଦ୍ଦେଵି ନାତ୍ର କାର୍ୟା ଵିଚାରଣା ॥ ୧୧୮ ॥
କେତୌ ଵା ଦୁନ୍ଦୁଭୌ ଵସ୍ତ୍ରେ ଵିତାନେ ଵେଷ୍ଟନେଗୃହେ ।
ଭିତ୍ତୌ ଚ ଫଲକେ ଦେଵି ଲେଖ୍ୟଂ ପୂଜ୍ୟଂ ଚ ୟତ୍ନତଃ ॥ ୧୧୯ ॥
ମଧ୍ୟେ ଚକ୍ରଂ ଦଶାଙ୍ଗୋକ୍ତଂ ପରିତୋ ନାମଲେଖନମ୍ ।
ତଦ୍ଧାରଣାନ୍ମହେଶାନି ତ୍ରୈଲୋକ୍ୟଵିଜୟୀ ଭଵେତ୍ ॥ ୧୨୦ ॥
ଏକୋ ହି ଶତସାହସ୍ରଂ ନିର୍ଜିତ୍ୟ ଚ ରଣାଙ୍ଗଣେ ।
ପୁନରାୟାତି ଚ ସୁଖଂ ସ୍ଵଗୃହଂ ପ୍ରତି ପାର୍ଵତୀ ॥ ୧୨୧ ॥
ଏକୋ ହି ଶତସନ୍ଦର୍ଶୀ ଲୋକାନାଂ ଭଵତି ଧ୍ରୁଵମ୍ ।
କଲଶଂ ସ୍ଥାପ୍ୟ ୟତ୍ନେନ ନାମସାହସ୍ରକଂ ପଠେତ୍ ॥ ୧୨୨ ॥
ସେକଃ କାର୍ୟୋ ମହେଶାନି ସର୍ଵାପତ୍ତିନିଵାରଣେ ।
ଭୂତପ୍ରେତଗ୍ରହାଦୀନାଂ ରାକ୍ଷସାଂ ବ୍ରହ୍ମରାକ୍ଷସାମ୍ ॥ ୧୨୩ ॥
ଵେତାଲାନାଂ ଭୈରଵାଣାଂ ସ୍କନ୍ଦଵୈନାୟକାଦିକାନ୍ ।
ନାଶୟେତ୍ କ୍ଷଣମାତ୍ରେଣ ନାତ୍ର କାର୍ୟା ଵିଚାରଣା ॥ ୧୨୪ ॥
ଭସ୍ମଭିର୍ମନ୍ତ୍ରିତଂ କୃତ୍ଵା ଗ୍ରହଗ୍ରସ୍ତଂ ଵିଲେପୟେତ୍ ।
ଭସ୍ମସଂକ୍ଷେପଣାଦେଵ ସର୍ଵଗ୍ରହଵିନାଶନମ୍ ॥ ୧୨୫ ॥
ନଵନୀତଂ ଚାଭିମନ୍ତ୍ର୍ୟ ସ୍ତ୍ରୀଭ୍ୟୋ ଦଦ୍ୟାନ୍ମହେଶ୍ଵରି ।
ଵନ୍ଧ୍ୟା ପୁତ୍ରପ୍ରଦାଂ ଦେଵି ନାତ୍ର କାର୍ୟା ଵିଚାରଣା ॥ ୧୨୬ ॥
କଣ୍ଠେ ଵା ଵାମବାହୌ ଵା ୟୋନୌ ଵା ଧାରଣାଚ୍ଛିଵେ ।
ବହୁପୁତ୍ରଵତୀ ନାରୀ ସୁଭଗା ଜାୟତେ ଧ୍ରୁଵମ୍ ॥ ୧୨୭ ॥
ପୁରୁଷୋ ଦକ୍ଷିଣାଙ୍ଗେ ତୁ ଧାରୟେତ୍ସର୍ଵସିଦ୍ଧୟେ ।
ବଲଵାନ୍କୀର୍ତିମାନ ଧନ୍ୟୋଧାର୍ମିକଃ ସାଧକଃ କୃତୀ ॥ ୧୨୮ ॥
ବହୁପୁତ୍ରୀ ରଥାନାଂ ଚ ଗଜାନାମଧିପଃ ସୁଧୀଃ ।
କାମିନୀକର୍ଷଣୋଦ୍ୟୁକ୍ତଃ କ୍ରୀଂ ଚ ଦକ୍ଷିଣକାଲିକେ ॥ ୧୨୯ ॥
କ୍ରୀଂ ସ୍ଵାହା ପ୍ରଜପେନ୍ମନ୍ତ୍ରମୟୁତଂ ନାମପାଠକଃ ।
ଆକର୍ଷଣଂ ଚରେଦ୍ଦେଵି ଜଲଖେଚରଭୂଗତାନ୍ ॥ ୧୩୦ ॥
ଵଶୀକରଣକାମୋ ହି ହୂଁ ହୂଁ ହ୍ରୀଂ ହ୍ରୀଂ ଚ ଦକ୍ଷିଣେ ।
କାଲିକେ ପୂର୍ଵବୀଜାନି ପୂର୍ଵଵତ୍ପ୍ରଜପନ୍ ପଠେତ୍ ॥ ୧୩୧ ॥
ଉର୍ଵଶୀମପି ଵସୟେନ୍ନାତ୍ର କାର୍ୟା ଵିଚାରଣା ।
କ୍ରୀଂ ଚ ଦକ୍ଷିଣକାଲିକେ ସ୍ଵାହା ୟୁକ୍ତଂ ଜପେନ୍ନରଃ ॥ ୧୩୨ ॥
ପଠେନ୍ନାମସହସ୍ରଂ ତୁ ତ୍ରୈଲୋକ୍ୟଂ ମାରୟେଦ୍ଧ୍ରୁଵମ୍ ।
ସଦ୍ଭକ୍ତାୟ ପ୍ରଦାତଵ୍ୟା ଵିଦ୍ୟା ରାଜ୍ଞି ଶୁଭେ ଦିନେ ॥ ୧୩୩ ॥
ସଦ୍ଵିନୀତାୟ ଶାନ୍ତାୟ ଦାନ୍ତାୟାତିଗୁଣାୟ ଚ ।
ଭକ୍ତାୟ ଜ୍ୟେଷ୍ଠପୁତ୍ରାୟ ଗୁରୁଭକ୍ତିପରାୟ ଚ ॥ ୧୩୪ ॥
ଵୈଷ୍ଣଵାୟ ପ୍ରଶୁଦ୍ଧାୟ ଶିଵାବଲିରତାୟ ଚ ।
ଵେଶ୍ୟାପୂଜନୟୁକ୍ତାୟ କୁମାରୀପୂଜକାୟ ଚ ॥ ୧୩୫ ॥
ଦୁର୍ଗାଭକ୍ତାୟ ରୌଦ୍ରାୟ ମହାକାଲପ୍ରଜାପିନେ ।
ଅଦ୍ଵୈତଭାଵୟୁକ୍ତାୟ କାଲୀଭକ୍ତିପରାୟ ଚ ॥ ୧୩୬ ॥
ଦେୟଂ ସହସ୍ରନାମାଖ୍ୟଂ ସ୍ଵୟଂ କାଲ୍ୟା ପ୍ରକାଶିତମ୍ ।
ଗୁରୁଦୈଵତମନ୍ତ୍ରାଣାଂ ମହେଶସ୍ୟାପି ପାର୍ଵତି ॥ ୧୩୭ ॥
ଅଭେଦେନ ସ୍ମରେନ୍ମନ୍ତ୍ରଂ ସ ଶିଵଃ ସ ଗଣାଧିପଃ ।
ୟୋ ମନ୍ତ୍ରଂ ଭାଵୟେନ୍ମନ୍ତ୍ରୀ ସ ଶିଵୋ ନାତ୍ର ସଂଶୟଃ ॥ ୧୩୮ ॥
ସ ଶାକ୍ତୋ ଵୈଷ୍ଣଵସ୍ସୌରଃ ସ ଏଵଂ ପୂର୍ଣଦୀକ୍ଷିତଃ ।
ଅୟୋଗ୍ୟାୟ ନ ଦାତଵ୍ୟଂ ସିଦ୍ଧିରୋଧଃ ପ୍ରଜାୟତେ ॥ ୧୩୯ ॥
ଵେଶ୍ୟାସ୍ତ୍ରୀନିନ୍ଦକାୟାଥ ସୁରାସଂଵିତ୍ପ୍ରନିନ୍ଦକେ ।
ସୁରାମୁଖୋ ମନୁଂ ସ୍ମୃତ୍ଵା ସୁରାଚାର୍ୟୋ ଭଵିଷ୍ୟତି ॥ ୧୪୦ ॥
ଵାଗ୍ଦେଵତା ଘୋରେ ଆସାପରଘାରେ ଚ ହୂଁ ଵଦେତ୍ ।
ଘୋରରୂପେ ମହାଘୋରେ ମୁଖୀଭୀମପଦଂ ଵଦେତ୍ ॥ ୧୪୧ ॥
ଭୀଷଣ୍ୟମୁଷ୍ୟଷଷ୍ଠ୍ୟନ୍ତଂ ହେତୁର୍ଵାମୟୁଗେ ଶିଵେ ।
ଶିଵଵହ୍ନିୟୁଗାସ୍ତ୍ରଂ ହୂଁ ହୂଁ କଵଚମନୁର୍ଭଵେତ୍ ॥ ୧୪୨ ॥
ଏତସ୍ୟ ସ୍ମରଣାଦେଵ ଦୁଷ୍ଟାନାଂ ଚ ମୁଖେ ସୁରା ।
ଅଵତୀର୍ଣା ଭଵଦ୍ଦେଵି ଦୁଷ୍ଟାନାଂ ଭଦ୍ରନାଶିନୀ ॥ ୧୪୩ ॥
ଖଲାୟ ପରତନ୍ତ୍ରାୟ ପରନିନ୍ଦାପରାୟ ଚ ।
ଭ୍ରଷ୍ଟାୟ ଦୁଷ୍ଟସତ୍ଵାୟ ପରଵାଦରତାୟ ଚ ॥ ୧୪୪ ॥
ଶିଵାଭକ୍ତାୟ ଦୁଷ୍ଟାୟ ପରଦାରରତାୟ ଚ ।
ନ ସ୍ତୋତ୍ରଂ ଦର୍ଶୟେଦ୍ଦେଵି ଶିଵହତ୍ୟାକରୋ ଭଵେତ୍ ॥ ୧୪୫ ॥
କାଲିକାନନ୍ଦହୃଦୟଃ କାଲିକାଭକ୍ତିମାନସଃ ।
କାଲୀଭକ୍ତୋ ଭଵେତ୍ସୋଽୟଂ ଧନ୍ୟରୂପଃ ସ ଏଵ ତୁ ॥ ୧୪୬ ॥
କଲୌ କାଲୀ କଲୌ କାଲୀ କଲୌ କାଲୀ ଵରପ୍ରଦା ।
କଲୌ କାଲୀ କଲୌ କାଲୀ କଲୌ କାଲୀ ତୁ କେଵଲା ॥ ୧୪୭ ॥
ବିଲ୍ଵପତ୍ରସହସ୍ରାଣି କରଵୀରାଣି ଵୈ ତଥା ।
ପ୍ରତିନାମ୍ନା ପୂଜୟେଦ୍ଧି ତେନ କାଲୀ ଵରପ୍ରଦା ॥ ୧୪୮ ॥
କମଲାନାଂ ସହସ୍ରଂ ତୁ ପ୍ରତିନାମ୍ନା ସମର୍ପୟେତ୍ ।
ଚକ୍ରଂ ସମ୍ପୂଜ୍ୟ ଦେଵେଶି କାଲିକାଵରମାପ୍ନୁୟାତ୍ ॥ ୧୪୯ ॥
ମନ୍ତ୍ରକ୍ଷୋଭୟୁତୋ ନୈଵ କଲଶସ୍ଥଜଲେନ ଚ ।
ନାମ୍ନା ପ୍ରସେଚୟେଦ୍ଦେଵି ସର୍ଵକ୍ଷୋଭଵିନାଶକୃତ୍ ॥ ୧୫୦ ॥
ତଥା ଦମନକଂ ଦେଵି ସହସ୍ରମାହରେଦ୍ଵ୍ରତୀ ।
ସହସ୍ରନାମ୍ନା ସମ୍ପୂଜ୍ୟ କାଲୀଵରମଵାପ୍ନୁୟାତ୍ ॥ ୧୫୧ ॥
ଚକ୍ରଂ ଵିଲିଖ୍ୟ ଦେହସ୍ଥଂ ଧାରୟେତ୍କାଲିକାତନୁଃ ।
କାଲ୍ୟୈ ନିଵେଦିତଂ ୟଦ୍ୟତ୍ତଦଂଶଂ ଭକ୍ଷୟେଚ୍ଛିଵେ ॥ ୧୫୨ ॥
ଦିଵ୍ୟଦେହଧରୋ ଭୂତ୍ଵା କାଲୀଦେହେ ସ୍ଥିତୋ ଭଵେତ୍ ।
ନୈଵେଦ୍ୟନିନ୍ଦକାନ୍ ଦୁଷ୍ଟାନ୍ ଦୃଷ୍ଟ୍ଵା ନୃତ୍ୟନ୍ତି ଭୈରଵା ॥ ୧୫୩ ॥
ୟୋଗିନ୍ୟଶ୍ଚ ମହାଵୀରା ରକ୍ତପାନୋଦ୍ୟତାଃ ପ୍ରିୟେ ।
ମାଂସାସ୍ଥିଚର୍ମଣୋଦ୍ୟୁକ୍ତା ଭକ୍ଷୟନ୍ତି ନ ସଂଶୟଃ ॥ ୧୫୪ ॥
ତସ୍ମାନ୍ନ ନିନ୍ଦୟେଦ୍ଦେଵି ମନସା କର୍ମଣା ଗିରା ।
ଅନ୍ୟଥା କୁରୁତେ ୟସ୍ତୁ ତସ୍ୟ ନାଶୋ ଭଵିଷ୍ୟତି ॥ ୧୫୫ ॥
କ୍ରମଦୀକ୍ଷାୟୁତାନାଂ ଚ ସିଦ୍ଧିର୍ଭଵତି ନାନ୍ୟଥା ।
ମନ୍ତ୍ରକ୍ଷୋଭଶ୍ଚ ଵା ଭୂୟାତ୍ କ୍ଷୀଣାୟୁର୍ଵା ଭଵେଦ୍ଧ୍ରୁଵମ୍ ॥ ୧୫୬ ॥
ପୁତ୍ରହାରୀ ସ୍ତ୍ରିୟୋହାରୀ ରାଜ୍ୟହାରୀ ଭଵେଦ୍ଧ୍ରୁଵମ୍ ।
କ୍ରମଦୀକ୍ଷାୟୁତୋ ଦେଵି କ୍ରମାଦ୍ରାଜ୍ୟମଵାପ୍ନୁୟାତ୍ ॥ ୧୫୭ ॥
ଏକଵାରଂ ପଠେଦ୍ଦେଵି ସର୍ଵପାପଵିନାଶନମ୍ ।
ଦ୍ଵିଵାରଂ ଚ ପଠେଦ୍ୟୋ ହି ଵାଞ୍ଛାଂ ଵିନ୍ଦତି ନିତ୍ୟଶଃ ॥ ୧୫୮ ॥
ତ୍ରିଵାରଂ ଚ ପଠେଦ୍ୟସ୍ତୁ ଵାଗୀଶସମତାଂ ଵ୍ରଜେତ୍ ।
ଚତୁର୍ଵାରଂ ପଠେଦ୍ଦେଵି ଚତୁର୍ଵର୍ଣାଧିପୋ ଭଵେତ୍ ॥ ୧୫୯ ॥
ପଞ୍ଚଵାରଂ ପଠେଦ୍ଦେଵି ପଞ୍ଚକାମାଧିପୋ ଭଵେତ୍ ।
ଷଡ୍ଵାରଂ ଚ ପଠେଦ୍ଦେଵି ଷଡୈଶ୍ଵର୍ୟାଧିପୋ ଭଵେତ୍ ॥ ୧୬୦ ॥
ସପ୍ତଵାରଂ ପଠେତ୍ସପ୍ତକାମନାଂ ଚିନ୍ତିତଂ ଲଭେତ୍ ।
ଵସୁଵାରଂ ପଠେଦ୍ଦେଵି ଦିଗୀଶୋ ଭଵତି ଧ୍ରୁଵମ୍ ॥ ୧୬୧ ॥
ନଵଵାରଂ ପଠେଦ୍ଦେଵି ନଵନାଥସମୋ ଭଵେତ୍ ।
ଦଶଵାରଂ କୀର୍ତ୍ତୟେଦ୍ୟୋ ଦଶାର୍ହଃ ଖେଚରେଶ୍ଵରଃ ॥ ୧୬୨ ॥
ଵିଂଶତିଵାରଂ କୀର୍ତୟେଦ୍ୟଃ ସର୍ଵୈଶ୍ଵର୍ୟମୟୋ ଭଵେତ୍ ।
ପଞ୍ଚଵିଂଶତିଵାରୈସ୍ତୁ ସର୍ଵଚିନ୍ତାଵିନାଶକଃ ॥ ୧୬୩ ॥
ପଞ୍ଚାଶଦ୍ଵାରମାଵର୍ତ୍ୟ ପଞ୍ଚଭୂତେଶ୍ଵରୋ ଭଵେତ୍ ।
ଶତଵାରଂ କୀର୍ତ୍ତୟେଦ୍ୟଃ ଶତାନନସମାନଧୀଃ ॥ ୧୬୪ ॥
ଶତପଞ୍ଚକମାଵର୍ତ୍ୟ ରାଜରାଜେଶ୍ଵରୋ ଭଵେତ୍ ।
ସହସ୍ରାଵର୍ତନାଦ୍ଦେଵି ଲକ୍ଷ୍ମୀରାଵୃଣୁତେ ସ୍ଵୟମ୍ ॥ ୧୬୫ ॥
ତ୍ରିସହସ୍ରଂ ସମାଵର୍ତ୍ୟ ତ୍ରିନେତ୍ରସଦୃଶୋ ଭଵେତ୍ ।
ପଞ୍ଚ ସାହସ୍ରମାଵର୍ତ୍ୟ କାମକୋଟି ଵିମୋହନଃ ॥ ୧୬୬ ॥
ଦଶସାହସ୍ରମାଵର୍ତ୍ୟ ଭଵେଦ୍ଦଶମୁଖେଶ୍ଵରଃ ।
ପଞ୍ଚଵିଂଶତିସାହସ୍ରୈ ଚ ଚତୁର୍ଵିଂଶତିସିଦ୍ଧିଧୃକ୍ ॥ ୧୬୭ ॥
ଲକ୍ଷାଵର୍ତନମାତ୍ରେଣ ଲକ୍ଷ୍ମୀପତିସମୋ ଭଵେତ୍ ।
ଲକ୍ଷତ୍ରୟାଵର୍ତ୍ତନାତ୍ତୁ ମହାଦେଵଂ ଵିଜେଷ୍ୟତି ॥ ୧୬୮ ॥
ଲକ୍ଷପଞ୍ଚକମାଵର୍ତ୍ୟ କଲାପଞ୍ଚକସଂୟୁତଃ ।
ଦଶଲକ୍ଷାଵର୍ତ୍ତନାତ୍ତୁ ଦଶଵିଦ୍ୟାପ୍ତିରୁତ୍ତମା ॥ ୧୬୯ ॥
ପଞ୍ଚଵିଂଶତିଲକ୍ଷୈସ୍ତୁ ଦଶଵିଦ୍ୟେଶ୍ଵରୋ ଭଵେତ୍ ।
ପଞ୍ଚାଶଲ୍ଲକ୍ଷମାଵୃତ୍ୟ ମହାକାଲସମୋ ଭଵେତ୍ ॥ ୧୭୦ ॥
କୋଟିମାଵର୍ତ୍ତୟେଦ୍ୟସ୍ତୁ କାଲୀଂ ପଶ୍ୟତି ଚକ୍ଷୁଷା ।
ଵରଦାନୋଦ୍ୟୁକ୍ତକରାଂ ମହାକାଲସମନ୍ଵିତାମ୍ ॥ ୧୭୧ ॥
ପ୍ରତ୍ୟକ୍ଷଂ ପଶ୍ୟତି ଶିଵେ ତସ୍ୟା ଦେହୋ ଭଵେଦ୍ଧ୍ରୁଵମ୍ ।
ଶ୍ରୀଵିଦ୍ୟାକାଲିକାତାରାତ୍ରିଶକ୍ତିଵିଜୟୀ ଭଵେତ୍ ॥ ୧୭୨ ॥
ଵିଧେର୍ଲିପିଂ ଚ ସମ୍ମାର୍ଜ୍ୟ କିଙ୍କରତ୍ଵଂ ଵିସୃଜ୍ୟ ଚ ।
ମହାରାଜ୍ୟମଵାପ୍ନୋତି ନାତ୍ର କାର୍ୟା ଵିଚାରଣା ॥ ୧୭୩ ॥
ତ୍ରିଶକ୍ତିଵିଷୟେ ଦେଵିକ୍ରମଦୀକ୍ଷା ପ୍ରକୀର୍ତିତା ।
କ୍ରମଦୀକ୍ଷାୟୁତୋ ଦେଵି ରାଜା ଭଵତି ନିଶ୍ଚିତମ୍ ॥ ୧୭୪ ॥
କ୍ରମଦୀକ୍ଷାଵିହୀନସ୍ୟ ଫଲଂ ପୂର୍ଵମିହେରିତମ୍ ।
କ୍ରମଦୀକ୍ଷାୟୁତୋ ଦେଵି ଶିଵ ଏଵ ନ ଚାପରଃ ॥ ୧୭୫ ॥
କ୍ରମଦୀକ୍ଷାସମାୟୁକ୍ତଃ କାଲ୍ୟୁକ୍ତସିଦ୍ଧିଭାଗ୍ଭଵେତ୍ ।
କ୍ରମଦୀକ୍ଷାଵିହୀନସ୍ୟ ସିଦ୍ଧିହାନିଃ ପଦେ ପଦେ ॥ ୧୭୬ ॥
ଅହୋ ଜନ୍ମଵତାଂ ମଧ୍ୟେ ଧନ୍ୟଃ କ୍ରମୟୁତଃ କଲୌ ।
ତତ୍ରାପି ଧନ୍ୟୋ ଦେଵେଶି ନାମସାହସ୍ରପାଠକଃ ॥ ୧୭୭ ॥
ଦଶକାଲୀଵିଦ୍ୟୌ ଦେଵି ସ୍ତୋତ୍ରମେତତ୍ସଦା ପଠେତ୍ ।
ସିଦ୍ଧିଂ ଵିନ୍ଦତି ଦେଵେଶି ନାତ୍ର କାର୍ୟା ଵିଚାରଣା ॥ ୧୭୮ ॥
କାକୀ କାଲୀ ମହାଵିଦ୍ୟା କଲୌ କାଲୀ ଚ ସିଦ୍ଧିଦା ।
କଲୌ କାଲୀ ଚ ସିଦ୍ଧା ଚ କଲୌ କାଲୀ ଵରପ୍ରଦା ॥ ୧୭୯ ॥
କଲୌ କାଲୀ ସାଧକସ୍ୟ ଦର୍ଶନାର୍ଥଂ ସମୁଦ୍ୟତା ।
କଲୌ କାଲୀ କେଵଲା ସ୍ୟାନ୍ନାତ୍ର କାର୍ୟା ଵିଚାରଣା ॥ ୧୮୦ ॥
ନାନ୍ୟଵିଦ୍ୟା ନାନ୍ୟଵିଦ୍ୟା ନାନ୍ୟଵିଦ୍ୟା କଲୌ ଭଵେତ୍ ।
କଲୌ କାଲୀଂ ଵିହାୟାଥ ୟଃ କଶ୍ଚିତ୍ସିଦ୍ଧିକାମୁକଃ ॥ ୧୮୧ ॥
ସ ତୁ ଶକ୍ତିଂ ଵିନା ଦେଵି ରତିସମ୍ଭୋଗମିଚ୍ଛତି ।
କଲୌ କାଲୀଂ ଵିନା ଦେଵି ୟଃ କଶ୍ଚିତ୍ସିଦ୍ଧିମିଚ୍ଛତି ॥ ୧୮୨ ॥
ସ ନୀଲସାଧନଂ ତ୍ୟକ୍ତ୍ଵା ପରିଭ୍ରମତି ସର୍ଵତଃ ।
କଲୌ କାଲୀ ଵିହାୟାଥ ୟଃ କଶ୍ଚିନ୍ମୋକ୍ଷମିଚ୍ଛତି ॥ ୧୮୩ ॥
ଗୁରୁଧ୍ୟାନଂ ପରିତ୍ୟଜ୍ୟ ସିଦ୍ଧିମିଚ୍ଛତି ସାଧକଃ ।
କଲୌ କାଲୀ ଵିହାୟାଥ ୟଃ କଶ୍ଚିଦ୍ରାଜ୍ୟମିଚ୍ଛତି ॥ ୧୮୪ ॥
ସ ଭୋଜନ ପରିତ୍ୟଜ୍ୟ ଭିକ୍ଷୁଵୃତ୍ତିମଭୀପ୍ସତି ।
ସ ଧନ୍ୟଃ ସ ଚ ଵିଜ୍ଞାନୀ ସ ଏଵ ସୁରପୂଜିତଃ ॥ ୧୮୫ ॥
ସ ଦୀକ୍ଷିତଃ ସୁଖୀ ସାଧୁଃ ସତ୍ୟଵାଦୀ ଜିତେନ୍ଦ୍ରିୟଃ ।
ସ ଵେଦଵକ୍ତା ସ୍ଵାଧ୍ୟାୟୀ ନାତ୍ର କାର୍ୟା ଵିଚାରଣା ॥ ୧୮୬ ॥
ଶିଵରୂପଂ ଗୁରୁଂ ଧ୍ୟାତ୍ଵା ଶିଵରୂପଂ ଗୁରୁଂ ସ୍ମରେତ୍ ।
ସଦାଶିଵଃ ସ ଏଵ ସ୍ୟାନାତ୍ର କାର୍ୟା ଵିଚାରଣା ॥ ୧୮୭ ॥
ସ୍ଵସ୍ମିନ୍ କାଲୀଂ ତୁ ସମ୍ଭାଵ୍ୟ ପୂଜୟେଜ୍ଜଗଦମ୍ବିକାମ୍ ।
ତ୍ରୈଲୋକ୍ୟଵିଜୟୀ ଭୂୟାନ୍ନାତ୍ର କାର୍ୟ୍ୟା ଵିଚାରଣା ॥ ୧୮୮ ॥
ଗୋପନୀୟଂ ଗୋପନୀୟଂ ଗୋପନୀୟଂ ପ୍ରୟତ୍ନତଃ ।
ରହସ୍ୟାତିରହସ୍ୟଂ ଚ ରହସ୍ୟାତିରହସ୍ୟକମ୍ ॥ ୧୮୯ ॥
ଶ୍ଲୋକାର୍ଦ୍ଧଂ ପାଦମାତ୍ରଂ ଵା ପାଦାଦର୍ଧଂ ଚ ତଦର୍ଧକମ୍ ।
ନାମାର୍ଧଂ ୟଃ ପଠେଦ୍ଦେଵି ନ ଵନ୍ଧ୍ୟଦିଵସଂ ନ୍ୟସେତ୍ ॥ ୧୯୦ ॥
ପୁସ୍ତକଂ ପୂଜୟେଦ୍ଭକ୍ତ୍ୟା ତ୍ଵରିତଂ ଫଲସିଦ୍ଧୟେ ।
ନ ଚ ମାରୀଭୟଂ ତତ୍ର ନ ଚାଗ୍ନିର୍ଵାୟୁସମ୍ଭଵମ୍ ॥ ୧୯୧ ॥
ନ ଭୂତାଦିଭୟଂ ତତ୍ର ସର୍ଵତ୍ର ସୁଖମେଧତେ ।
କୁଙ୍କୁମାଽଲକ୍ତକେନୈଵ ରୋଚନାଽଗରୁୟୋଗତଃ ॥ ୧୯୨ ॥
ଭୂର୍ଜପତ୍ରେ ଲିଖେତ୍ ପୁସ୍ତଂ ସର୍ଵକାମାର୍ଥସିଦ୍ଧୟେ ।
ଇତି ସଂକ୍ଷେପତଃ ପ୍ରୋକ୍ତଂ କିମନ୍ୟଚ୍ଛ୍ରୋତୁମିଚ୍ଛସି ॥ ୧୯୩ ॥
ଇତି ଗଦିତମଶେଷଂ କାଲିକାଵର୍ଣରୂପଂ ।
ପ୍ରପଠତି ୟଦି ଭକ୍ତ୍ୟା ସର୍ଵସିଦ୍ଧୀଶ୍ଵରଃ ସ୍ୟାତ୍ ॥ ୧୯୪ ॥
ଅଭିନଵସୁଖକାମଃ ସର୍ଵଵିଦ୍ୟାଭିରାମୋ
ଭଵତି ସକଲସିଦ୍ଧିଧଃ ସର୍ଵଵୀରାସମୃଦ୍ଧିଃ ॥ ୧୯୫ ॥
॥ ଇତି ଶ୍ରୀମଦାଦିନାଥମହାକାଲଵିରଚିତାୟାଂ ମହାକାଲସଂହିତାୟାଂ
କାଲକାଲୀସଂଵାଦେ ସୁନ୍ଦରୀଶକ୍ତିଦାନାଖ୍ୟଂ କାଲୀସ୍ଵରୂପ
ମେଧାସାମ୍ରାଜ୍ୟପ୍ରଦଂ ସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥
Also Read 1000 Names of Kakaradi Kali:
1000 Names of Kakaradi Kali | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
