Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views :
Home / Hindu Mantras / Ganesh Stotram / 1000 Names of Mahaganapati | Sahasranama Stotram 2 Lyrics in Oriya

1000 Names of Mahaganapati | Sahasranama Stotram 2 Lyrics in Oriya

Maha Ganapati Sahasranamastotram 2 Lyrics in Oriya:

॥ ମହାଗଣପତିସହସ୍ରନାମସ୍ତୋତ୍ରଂ ୨ ଅଥଵା ଵରଦଗଣେଶସହସ୍ରନାମସ୍ତୋତ୍ରମ୍ ॥

ଶ୍ରୀଗଣେଶାୟ ନମଃ ।

ଶ୍ରୀଭୈରଵ ଉଵାଚ –
ଶ‍ୃଣୁ ଦେଵି ରହସ୍ୟଂ ମେ ୟତ୍ପୁରା ସୂଚିତଂ ମୟା ।
ତଵ ଭକ୍ତ୍ୟା ଗଣେଶସ୍ୟ ଵକ୍ଷ୍ୟେ ନାମସହସ୍ରକମ୍ ॥ ୧ ॥

ଶ୍ରୀଦେଵ୍ୟୁଵାଚ –
ଭଗଵନ୍ ଗଣନାଥସ୍ୟ ଵରଦସ୍ୟ ମହାତ୍ମନଃ ।
ଶ୍ରୋତୁଂ ନାମସହସ୍ରଂ ମେ ହୃଦୟଂ ପ୍ରୋତ୍ସୁକାୟତେ ॥ ୨ ॥

ଶ୍ରୀଭୈରଵ ଉଵାଚ –
ପ୍ରାଙ୍ ମେ ତ୍ରିପୁରନାଶେ ତୁ ଜାତା ଵିଘ୍ନକୁଲାଃ ଶିଵେ ।
ମୋହେନ ମୁହ୍ୟତେ ଚେତସ୍ତେ ସର୍ଵେ ବଲଦର୍ପିତାଃ ॥ ୩ ॥

ତଦା ପ୍ରଭୁଂ ଗଣାଧ୍ୟକ୍ଷଂ ସ୍ତୁତ୍ଵା ନାମସହସ୍ରକୈଃ ।
ଵିଘ୍ନା ଦୂରାତ୍ ପଲାୟନ୍ତ କାଲରୁଦ୍ରାଦିଵ ପ୍ରଜାଃ ॥ ୪ ॥

ତସ୍ୟାନୁଗ୍ରହତୋ ଦେଵି ଜାତୋଽହଂ ତ୍ରିପୁରାନ୍ତକଃ ।
ତମଦ୍ୟାପି ଗଣେଶାନଂ ସ୍ତୌମି ନାମସହସ୍ରକୈଃ ॥ ୫ ॥

ତମଦ୍ୟ ତଵ ଭକ୍ତ୍ୟାହଂ ସାଧକାନାଂ ହିତାୟ ଚ ।
ମହାଗଣପତେର୍ଵକ୍ଷ୍ୟେ ଦିଵ୍ୟଂ ନାମସହସ୍ରକମ୍ ॥ ୬ ॥

(ପାଠକାନାଂ ଚ ଦାତୄଣାଂ ସୁଖସମ୍ପତ୍ପ୍ରଦାୟକମ୍ ।
ଦୁଃଖାପହଂ ଚ ଶ୍ରୋତୄଣାଂ ମନ୍ତ୍ରନାମସହସ୍ରକମ୍) ॥ ୭ ॥

ଅସ୍ୟ ଶ୍ରୀଵରଦଗଣେଶସହସ୍ରନାମସ୍ତୋତ୍ରମନ୍ତ୍ରସ୍ୟ ଶ୍ରୀଭୈରଵ ଋଷିଃ ।
ଗାୟତ୍ରୀ ଛନ୍ଦଃ । ଶ୍ରୀମହାଗଣପତିର୍ଦେଵତା । ଗଂ ବୀଜଂ । ହ୍ରୀଂ ଶକ୍ତିଃ ।
କୁରୁ କୁରୁ କୀଲକଂ ।
ଧର୍ମାର୍ଥକାମମୋକ୍ଷାର୍ଥେ ସହସ୍ରନାମସ୍ତଵପାଠେ ଵିନିୟୋଗଃ ।

ଧ୍ୟାନମ୍-
ଓଂହ୍ରୀଂଶ୍ରୀଂକ୍ଲୀଂ-ଗଣାଧ୍ୟକ୍ଷୋ ଗ୍ଲୌଂଗଂ-ଗଣପତିର୍ଗୁଣୀ ।
ଗୁଣାଦ୍ୟୋ ନିର୍ଗୁଣୋ ଗୋପ୍ତା ଗଜଵକ୍ତ୍ରୋ ଵିଭାଵସୁଃ ॥ ୮ ॥

ଵିଶ୍ଵେଶ୍ଵରୋ ଵିଭାଦୀପ୍ତୋ ଦୀପନୋ ଧୀଵରୋ ଧନୀ ।
ସଦାଶାନ୍ତୋ ଜଗତ୍ତାତୋ ଵିଷ୍ଵକ୍ସେନୋ ଵିଭାକରଃ ॥ ୯ ॥

ଵିସ୍ରମ୍ଭୀ ଵିଜୟୀ ଵୈଦ୍ୟୋ ଵାରାନ୍ନିଧିରନୁତ୍ତମଃ ।
ଅଣୀୟାନ୍ ଵିଭଵୀ ଶ୍ରେଷ୍ଠୋ ଜ୍ୟେଷ୍ଠୋ ଗାଥାପ୍ରିୟୋ ଗୁରୁଃ ॥ ୧୦ ॥

ସୃଷ୍ଟିକର୍ତା ଜଗଦ୍ଧର୍ତା ଵିଶ୍ଵଭର୍ତା ଜଗନ୍ନିଧିଃ ।
ପତିଃ ପୀତଵିଭୂଷାଙ୍ଗୋ ରକ୍ତାକ୍ଷୋ ଲୋହିତାମ୍ବରଃ ॥ ୧୧ ॥

ଵିରୂପାକ୍ଷୋ ଵିମାନସ୍ଥୋ ଵିନୟଃ ସନୟଃ ସୁଖୀ ।
ସୁରୂପଃ ସାତ୍ତ୍ଵିକଃ ସତ୍ୟଃ ଶୁଦ୍ଧଃ ଶଙ୍କରନନ୍ଦନଃ ॥ ୧୨ ॥

ନନ୍ଦୀଶ୍ଵରୋ ସଦାନନ୍ଦୀ ଵନ୍ଦିସ୍ତୁତ୍ୟୋ ଵିଚକ୍ଷଣଃ ।
ଦୈତ୍ୟମର୍ଦୀ ମଦାକ୍ଷୀବୋ ମଦିରାରୁଣଲୋଚନଃ ॥ ୧୧ ॥

ସାରାତ୍ମା ଵିଶ୍ଵସାରଶ୍ଚ ଵିଶ୍ଵଚାରୀ ଵିଲେପନଃ ।
ପରଂ ବ୍ରହ୍ମ ପରଂ ଜ୍ୟୋତିଃ ସାକ୍ଷୀ ତ୍ର୍ୟକ୍ଷୋ ଵିକତ୍ଥନଃ ॥ ୧୪ ॥

ଵୀରେଶ୍ଵରୋ ଵୀରହର୍ତା ସୌଭାଗ୍ୟୋ ଭାଗ୍ୟଵର୍ଧନଃ ।
ଭୃଙ୍ଗିରୀଟୀ ଭୃଙ୍ଗମାଲୀ ଭୃଙ୍ଗକୂଜିତନାଦିତଃ ॥ ୧୫ ॥

ଵିନର୍ତକୋ ଵିନେତାପି ଵିନତାନନ୍ଦନୋଽର୍ଚିତଃ ।
ଵୈନତେୟୋ ଵିନମ୍ରାଙ୍ଗୋ ଵିଶ୍ଵନେତା ଵିନାୟକଃ ॥ ୧୬ ॥

ଵିରାଟକୋ ଵିରାଟଶ୍ଚ ଵିଦଗ୍ଧୋ ଵିଧିରାତ୍ମଭୂଃ ।
ପୁଷ୍ପଦନ୍ତଃ ପୁଷ୍ପହାରୀ ପୁଷ୍ପମାଲାଵିଭୂଷଣଃ ॥ ୧୭ ॥

ପୁଷ୍ପେଷୁର୍ମଥନଃ ପୁଷ୍ଟୋ ଵିକର୍ତା କର୍ତରୀକରଃ ।
ଅନ୍ତ୍ୟୋଽନ୍ତକଶ୍ଚିତ୍ତଗଣଶ୍ଚିତ୍ତଚିନ୍ତାପହାରକଃ ॥ ୧୮ ॥

ଅଚିନ୍ତ୍ୟୋଽଚିନ୍ତ୍ୟରୂପଶ୍ଚ ଚନ୍ଦନାକୁଲମୁଣ୍ଡକଃ ।
ଲିପିତୋ ଲୋହିତୋ ଲୁପ୍ତୋ (୧୦୦) ଲୋହିତାକ୍ଷୋ ଵିଲୋଭକଃ ॥ ୧୯ ॥

ଲୁବ୍ଧାଶୟୋ ଲୋଭରତୋ ଲାଭଦୋଽଲଙ୍ଘ୍ୟଗାତ୍ରକଃ ।
ସୁନ୍ଦରଃ ସୁନ୍ଦରୀପୁତ୍ରଃ ସମସ୍ତାସୁରଘାତନଃ ॥ ୨୦ ॥

ନୂପୁରାଢ୍ୟୋ ଵିଭଵଦୋ ନରୋ ନାରାୟଣୋ ରଵିଃ ।
ଵିଚାରୀ ଵାନ୍ତଦୋ ଵାଗ୍ମୀ ଵିତର୍କୀ ଵିଜୟେଶ୍ଵରଃ ॥ ୨୧ ॥

ସୁପ୍ତୋ ବୁଦ୍ଧଃ ସଦାରୂପଃ ସୁଖଦଃ ସୁଖସେଵିତଃ ।
ଵିକର୍ତନୋ ଵିୟଚ୍ଚାରୀ ଵିନଟୋ ନର୍ତକୋ ନଟଃ ॥ ୨୨ ॥

ନାଟ୍ୟୋ ନାଟ୍ୟପ୍ରିୟୋ ନାଦୋଽନନ୍ତୋଽନନ୍ତଗୁଣାତ୍ମକଃ ।
ଵିଶ୍ଵମୂର୍ଵିଶ୍ଵଘାତୀ ଚ ଵିନତାସ୍ୟୋ ଵିନର୍ତକଃ ॥ ୨୩ ॥

କରାଲଃ କାମଦଃ କାନ୍ତଃ କମନୀୟଃ କଲାଧରଃ ।
କାରୁଣ୍ୟରୂପଃ କୁଟିଲଃ କୁଲାଚାରୀ କୁଲେଶ୍ଵରଃ ॥ ୨୪ ॥

ଵିକରାଲୋ ଗଣଶ୍ରେଷ୍ଠଃ ସଂହାରୋ ହାରଭୂଷଣଃ ।
ରୁରୂ ରମ୍ୟମୁଖୋ ରକ୍ତୋ ରେଵତୀଦୟିତୋ ରସଃ ॥ ୨୫ ॥

ମହାକାଲୋ ମହାଦଂଷ୍ଟ୍ରୋ ମହୋରଗଭୟାପହଃ ।
ଉନ୍ମତ୍ତରୂପଃ କାଲାଗ୍ନିରଗ୍ନିସୂର୍ୟେନ୍ଦୁଲୋଚନଃ ॥ ୨୬ ॥

ସିତାସ୍ୟଃ ସିତମାଲ୍ୟଶ୍ଚ ସିତଦନ୍ତଃ ସିତାଂଶୁମାନ୍ ।
ଅସିତାତ୍ମା ଭୈରଵେଶୋ ଭାଗ୍ୟଵାନ୍ ଭଗଵାନ୍ ଭଗଃ ॥

ଭର୍ଗାତ୍ମଜୋ ଭଗାଵାସୋ ଭଗଦୋ ଭଗଵର୍ଧନଃ ।
ଶୁଭଙ୍କରଃ ଶୁଚିଃ ଶାନ୍ତଃ ଶ୍ରେଷ୍ୟଃ ଶ୍ରଵ୍ୟଃ ଶଚୀପତିଃ ॥ ୨୮ ॥

ଵେଦାଦ୍ୟୋ ଵେଦକର୍ତା ଚ ଵେଦଵେଦ୍ୟଃ ସନାତନଃ ।
ଵିଦ୍ୟାପ୍ରଦୋ ଵେଦସାରୋ ଵୈଦିକୋ ଵେଦପାରଗଃ ॥ ୨୯ ॥

ଵେଦଧ୍ଵନିରତୋ ଵୀରୋ ଵରୋ ଵେଦାଗମାର୍ଥଵିତ୍ ।
ତତ୍ତ୍ଵଜ୍ଞଃ ସଵର୍ଗଃ ସାଧୁଃ ସଦୟଃ ସଦ୍ (୨୦୦) ଅସନ୍ମୟଃ ॥ ୩୦ ॥

ନିରାମୟୋ ନିରାକାରୋ ନିର୍ଭୟୋ ନିତ୍ୟରୂପଭୃତ୍ । ।
ନିର୍ଵୈରୋ ଵୈରିଵିଧ୍ଵଂସୀ ମତ୍ତଵାରଣସନ୍ନିଭଃ ॥ ୩୧ ॥

ଶିଵଙ୍କରଃ ଶିଵସୁତଃ ଶିଵଃ ସୁଖଵିଵର୍ଧନଃ ।
ଶ୍ଵୈତ୍ୟଃ ଶ୍ଵେତଃ ଶତମୁଖୋ ମୁଗ୍ଧୋ ମୋଦକଭୋଜନଃ ॥ ୩୨ ॥

ଦେଵଦେଵୋ ଦିନକରୋ ଧୃତିମାନ୍ ଦ୍ୟୁତିମାନ୍ ଧଵଃ ।
ଶୁଦ୍ଧାତ୍ମା ଶୁଦ୍ଧମତିମାଞ୍ଛୁଦ୍ଧଦୀପ୍ତିଃ ଶୁଚିଵ୍ରତଃ ॥ ୩୩ ॥

ଶରଣ୍ୟଃ ଶୌନକଃ ଶୂରଃ ଶରଦମ୍ଭୋଜଧାରକଃ ।
ଦାରକଃ ଶିଖିଵାହେଷ୍ଟଃ ଶୀତଃ ଶଙ୍କରଵଲ୍ଲଭଃ ॥ ୩୪ ॥

ଶଙ୍କରୋ ନିର୍ଭଵୋ ନିତ୍ୟୋ ଲୟକୃଲ୍ଲାସ୍ୟତତ୍ପରଃ । ନିର୍ଭୟୋ
ଲୂତୋ ଲୀଲାରସୋଲ୍ଲାସୀ ଵିଲାସୀ ଵିଭ୍ରମୋ ଭ୍ରମଃ ॥ ୩୫ ॥

ଭ୍ରମଣଃ ଶଶଭୃତ୍ ସୂର୍ୟଃ ଶନିର୍ଧରଣିନନ୍ଦନଃ ।
ବୁଦ୍ଧୋ ଵିବୁଧସେଵ୍ୟଶ୍ଚ ବୁଧରାଜୋ ବଲନ୍ଧରଃ ॥ ୩୬ ॥

ଜୀଵୋ ଜୀଵପ୍ରଦୋ ଜୈତ୍ରଃ ସ୍ତୁତ୍ୟୋ ନୁତ୍ୟୋ ନତିପ୍ରିୟଃ ।
ଜନକୋ ଜିନମାର୍ଗଜ୍ଞୋ ଜୈନମାର୍ଗନିଵର୍ତକଃ ॥ ୩୭ ॥

ଗୌରୀସୁତୋ ଗୁରୁରଵୋ ଗୌରାଙ୍ଗୋ ଗଜପୂଜିତଃ ।
ପରଂ ପଦଂ ପରଂ ଧାମ ପରମାତ୍ମା କଵିଃ କୁଜଃ ॥ ୩୮ ॥

ରାହୁର୍ଦୈତ୍ୟଶିରଶ୍ଛେଦୀ କେତୁଃ କନକକୁଣ୍ଡଲଃ ।
ଗ୍ରହେନ୍ଦ୍ରୋ ଗ୍ରାହିତୋ ଗ୍ରାହ୍ୟୋଽଗ୍ରଣୀର୍ଘୁର୍ଘୁରନାଦିତଃ ॥ ୩୯ ॥

ପର୍ଜନ୍ୟଃ ପୀଵରୋ ପୋତ୍ରୀ ପୀନଵକ୍ଷାଃ ପରାର୍ଜିତଃ ।
ଵନେଚରୋ ଵନପତିର୍ଵନଵାସଃ ସ୍ମରୋପମଃ ॥ ୪୦ ॥

ପୁଣ୍ୟଂ ପୂତଃ ପଵିତ୍ରଂ ଚ ପରାତ୍ମା ପୂର୍ଣଵିଗ୍ରହଃ ।
ପୂର୍ଣେନ୍ଦୁଶକଲାକାରୋ ମନ୍ୟୁଃ ପୂର୍ଣମନୋରଥଃ ॥ ୪୧ ॥

ୟୁଗାତ୍ମା ୟୁଗଭୃଦ୍ ୟଜ୍ଵା (୩୦୦) ୟାଜ୍ଞିକୋ ୟଜ୍ଞଵତ୍ସଲଃ । ୟୋଗଭୃଦ୍
ୟଶସ୍ଵୀ ୟଜମାନେଷ୍ଟୋ ଵ୍ରଜଭୃଦ୍ ଵଜ୍ରପଞ୍ଜରଃ ॥ ୪୨ ॥

ମଣିଭଦ୍ରୋ ମଣିମୟୋ ମାନ୍ୟୋ ମୀନଧ୍ଵଜାଶ୍ରିତଃ ।
ମୀନଧ୍ଵଜୋ ମନୋହାରୀ ୟୋଗିନାଂ ୟୋଗଵର୍ଧନଃ ॥ ୪୩ ॥

ଦ୍ରଷ୍ଟା ସ୍ରଷ୍ଟା ତପସ୍ଵୀ ଚ ଵିଗ୍ରହୀ ତାପସପ୍ରିୟଃ ।
ତପୋମୟସ୍ତପୋମୂର୍ତିସ୍ତପନଶ୍ଚ ତପୋଧନଃ ॥ ୪୪ ॥

ରୁଚକୋ ମୋଚକୋ ରୁଷ୍ଟସ୍ତୁଷ୍ଟସ୍ତୋମରଧାରକଃ ।
ଦଣ୍ଡୀ ଚଣ୍ଡାଂଶୁରଵ୍ୟକ୍ତଃ କମଣ୍ଡଲୁଧରୋଽନଘଃ ॥ ୪୫ ॥

କାମୀ କର୍ମରତଃ କାଲଃ କୋଲଃ କ୍ରନ୍ଦିତଦିକ୍ତଟଃ ।
ଭ୍ରାମକୋ ଜାତିପୂଜ୍ୟଶ୍ଚ ଜାଡ୍ୟହା ଜଡସୂଦନଃ ॥ ୪୬ ॥

ଜାଲନ୍ଧରୋ ଜଗଦ୍ଵାସୀ ହାସକୃଦ୍ ହଵନୋ ହଵିଃ ।
ହଵିଷ୍ମାନ୍ ହଵ୍ୟଵାହାକ୍ଷୋ ହାଟକୋ ହାଟକାଙ୍ଗଦଃ ॥ ୪୭ ॥

ସୁମେରୁର୍ହିମଵାନ୍ ହୋତା ହରପୁତ୍ରୋ ହଲଙ୍କଷଃ ।
ହାଲପ୍ରିୟୋ ହୃଦାଶାନ୍ତଃ କାନ୍ତାହୃଦୟପୋଷଣଃ ॥ ୪୮ ॥

ଶୋଷଣଃ କ୍ଲେଶହା କ୍ରୂରଃ କଠୋରଃ କଠିନାକୃତିଃ ।
କୂଵରୋ ଧୀମୟୋ ଧ୍ୟାତା ଧ୍ୟେୟୋ ଧୀମାନ୍ ଦୟାନିଧିଃ ॥

ଦଵିଷ୍ଠୋ ଦମନୋ ଦ୍ୟୁସ୍ଥୋ ଦାତା ତ୍ରାତା ସିତଃ ସମଃ ।
ନିର୍ଗତୋ ନୈଗମୀ ଗମ୍ୟୋ ନିର୍ଜେୟୋ ଜଟିଲୋଽଜରଃ ॥ ୫୦ ॥

ଜନଜୀଵୋ ଜିତାରାତିର୍ଜଗଦ୍ଵ୍ୟାପୀ ଜଗନ୍ମୟଃ ।
ଚାମୀକରନିଭୋଽନାଦ୍ୟୋ ନଲିନାୟତଲୋଚନଃ ॥ ୫୧ ॥

ରୋଚନୋ ମୋଚନୋ ମନ୍ତ୍ରୀ ମନ୍ତ୍ରକୋଟିସମାଶ୍ରିତଃ ।
ପଞ୍ଚଭୂତାତ୍ମକଃ ପଞ୍ଚସାୟକଃ ପଞ୍ଚଵକ୍ତ୍ରକଃ ॥ ୫୨ ॥

ପଞ୍ଚମଃ ପଶ୍ଚିମଃ ପୂର୍ଵଃ ( ୪୦୦) ପୂର୍ଣଃ କୀର୍ଣାଲକଃ କୁଣିଃ ।
କଠୋରହୃଦୟୋ ଗ୍ରୀଵାଲଙ୍କୃତୋ ଲଲିତାଶୟଃ ॥ ୫୩ ॥

ଲୋଲଚିତ୍ତୋ ବୃହନ୍ନାସୋ ମାସପକ୍ଷର୍ତୁରୂପଵାନ୍ ।
ଧ୍ରୁଵୋ ଦ୍ରୁତଗତିର୍ଧର୍ମ୍ୟୋ ଧର୍ମୀ ନାକିପ୍ରିୟୋଽନଲଃ ॥ ୫୪ ॥

ଅଗସ୍ତ୍ୟୋ ଗ୍ରସ୍ତଭୁଵନୋ ଭୁଵନୈକମଲାପହଃ ।
ସାଗରଃ ସ୍ଵର୍ଗତିଃ ସ୍ଵକ୍ଷଃ ସାନନ୍ଦଃ ସାଧୁପୂଜିତଃ ॥ ୫୫ ॥

ସତୀପତିଃ ସମରସଃ ସନକଃ ସରଲଃ ସୁରଃ ।
ସୁରାପ୍ରିୟୋ ଵସୁପତିର୍ଵାସଵୋ ଵସୁପୂଜିତଃ ॥ ୫୬ ॥

ଵିତ୍ତଦୋ ଵିତ୍ତନାଥଶ୍ଚ ଧନିନାଂ ଧନଦାୟକଃ ।
ରାଜୀ ରାଜୀଵନୟନଃ ସ୍ମୃତିଦଃ କୃତ୍ତିକାମ୍ବରଃ ॥ ୫୭ ॥

ଆଶ୍ଵିନୋଽଶ୍ଵମୁଖଃ ଶୁଭ୍ରୋ ଭରଣୋ ଭରଣୀପ୍ରିୟଃ ।
କୃତ୍ତିକାସନଗଃ କୋଲୋ ରୋହୀ ରୋହଣପାଦୁକଃ ॥ ୫୮ ॥

ଋଭୁଵେଷ୍ଟୋଽରିମର୍ଦୀ ଚ ରୋହିଣୀମୋହନୋଽମୃତମ୍ ।
ମୃଗରାଜୋ ମୃଗଶିରା ମାଧଵୋ ମଧୁରଧ୍ଵନିଃ ॥ ୫୯ ॥

ଆର୍ଦ୍ରାନନୋ ମହାବୁଦ୍ଧିର୍ମହୋରଗଵିଭୂଷଣଃ ।
ଭ୍ରୂକ୍ଷେପଦତ୍ତଵିଭଵୋ ଭ୍ରୂକରାଲଃ ପୁନର୍ମୟଃ ॥ ୬୦ ॥

ପୁନର୍ଦେଵଃ ପୁନର୍ଜେତା ପୁନର୍ଜୀଵଃ ପୁନର୍ଵସୁଃ ।
ତିତ୍ତିରିସ୍ତିମିକେତୁଶ୍ଚ ତିମିଚାରକଘାତନଃ ॥ ୬୧ ॥

ତିଷ୍ୟସ୍ତୁଲାଧରୋ ଜମ୍ଭ୍ୟୋ ଵିଶ୍ଲେଷୋଽଶ୍ଲେଷ ଏଣରାଟ୍ ।
ମାନଦୋ ମାଧଵୋ ମାଘୋ ଵାଚାଲୋ ମଘଵୋପମଃ ॥ ୬୨ ॥

ମେଧ୍ୟୋ ମଘାପ୍ରିୟୋ ମେଘୋ ମହାମୁଣ୍ଡୋ ମହାଭୁଜଃ ।
ପୂର୍ଵଫାଲ୍ଗୁନିକଃ ସ୍ଫୀତଃ ଫଲ୍ଗୁରୁତ୍ତରଫାଲ୍ଗୁନଃ ॥ ୬୩ ॥

ଫେନିଲୋ ବ୍ରହ୍ମଦୋ ବ୍ରହ୍ମା ସପ୍ତତନ୍ତୁସମାଶ୍ରୟଃ ।
ଘୋଣାହସ୍ତଶ୍ଚତୁର୍ହସ୍ତୋ ହସ୍ତିଵକ୍ତ୍ରୋ ହଲାୟୁଧଃ ॥ ୬୪ ॥

ଚିତ୍ରାମ୍ବରୋ(୫୦୦)ଽର୍ଚିତପଦଃ ସ୍ଵାଦିତଃ ସ୍ଵାତିଵିଗ୍ରହଃ ।
ଵିଶାଖଃ ଶିଖିସେଵ୍ୟଶ୍ଚ ଶିଖିଧ୍ଵଜସହୋଦରଃ ॥ ୬୫ ॥

ଅଣୂ ରେଣୁଃ କଲାସ୍ଫାରୋଽନୂରୂ ରେଣୁସୁତୋ ନରଃ ।
ଅନୁରାଧାପ୍ରିୟୋ ରାଧ୍ୟଃ ଶ୍ରୀମାଞ୍ଛୁକ୍ଲଃ ଶୁଚିସ୍ମିତଃ ॥ ୬୬ ॥

ଜ୍ୟେଷ୍ଠଃ ଶ୍ରେଷ୍ଠାର୍ଚିତପଦୋ ମୂଲଂ ତ୍ରିଜଗତୋ ଗୁରୁଃ ।
ଶୁଚିଃ ପୂର୍ଵସ୍ତଥାଷାଢଶ୍ଚୋତ୍ତରାଷାଢ ଈଶ୍ଵରଃ ॥ ୬୭ ॥

ଶ୍ରଵ୍ୟୋଽଭିଜିଦନନ୍ତାତ୍ମା ଶ୍ରଵୋ ଵେପିତଦାନଵଃ ।
ଶ୍ରାଵଣଃ ଶ୍ରଵଣଃ ଶ୍ରୋତା ଧନୀ ଧନ୍ୟୋ ଧନିଷ୍ଠକଃ ॥ ୬୮ ॥

ଶାତାତପଃ ଶାତକୁମ୍ଭଃ ଶତଂଜ୍ୟୋତିଃ ଶତମ୍ଭିଷକ୍ ।
ପୂର୍ଵାଭାଦ୍ରପଦୋ ଭଦ୍ରଶ୍ଚୋତ୍ତରାଭାଦ୍ରପାଦିତଃ ॥ ୬୯ ॥

ରେଣୁକାତନୟୋ ରାମୋ ରେଵତୀରମଣୋ ରମୀ ।
ଅଶ୍ଵିୟୁକ୍ କାର୍ତିକେୟେଷ୍ଟୋ ମାର୍ଗଶୀର୍ଷୋ ମୃଗୋତ୍ତମଃ ॥ ୭୦ ॥

ପୁଷ୍ୟଶୌର୍ୟଃ ଫାଲ୍ଗୁନାତ୍ମା ଵସନ୍ତଶ୍ଚିତ୍ରକୋ ମଧୁଃ ।
ରାଜ୍ୟଦୋଽଭିଜିଦାତ୍ମୀୟସ୍ତାରେଶସ୍ତାରକଦ୍ୟୁତିଃ ॥ ୭୧ ॥

ପ୍ରତୀତଃ ପ୍ରୋଜ୍ଝିତଃ ପ୍ରୀତଃ ପରମଃ ପାରମୋ ହିତଃ ।
ପରହା ପଞ୍ଚଭୂଃ ପଞ୍ଚଵାୟୁଃ ପୂଜ୍ୟଃ ପରଂ ମହଃ ॥ ୭୨ ॥

ପୁରାଣାଗମଵିଦ୍ ୟୋଗ୍ୟୋ ମହିଷୋ ରାସଭୋଽଗ୍ରଗଃ ।
ଗ୍ରାହୋ ମେଷୋ ଵୃଷୋ ମନ୍ଦୋ ମନ୍ମଥୋ ମିଥୁନାର୍ଚିତଃ ॥ ୭୩ ॥

କଲ୍କଭୃତ୍ କଟକୋ ଦୀନୋ ମର୍କଟଃ କର୍କଟୋ ଘୃଣୀ ।
କୁକ୍କୁଟୋ ଵନଜୋ ହଂସଃ ପରହଂସଃ ଶ‍ୃଗାଲକଃ ॥ ୭୪ ॥

ସିଂହଃ ସିଂହାସନୋ ମୂଷୋ ମୋହ୍ୟୋ ମୂଷକଵାହନଃ (୬୦୦) ।
ପୁତ୍ରଦୋ ନରକତ୍ରାତା କନ୍ୟାପ୍ରୀତଃ କୁଲୋଦ୍ଵହଃ ॥ ୭୫ ॥

ଅତୁଲ୍ୟରୂପୋ ବଲଦସ୍ତୁଲାଭୃତ୍ ତୁଲ୍ୟସାକ୍ଷିକଃ ।
ଅଲିଚାପଧରୋ ଧନ୍ଵୀ କଚ୍ଛପୋ ମକରୋ ମଣିଃ ॥ ୭୬ ॥

ସ୍ଥିରଃ ପ୍ରଭୁର୍ମହାକର୍ମୀ ମହାଭୋଗୀ ମହାୟଶାଃ ।
ଵସୁମୂର୍ତିଧରୋ ଵ୍ୟଗ୍ରୋଽସୁରହାରୀ ୟମାନ୍ତକଃ ॥ ୭୭ ॥

ଦେଵାଗ୍ରଣୀର୍ଗଣାଧ୍ୟକ୍ଷୋ ହ୍ୟମ୍ବୁଜାଲୋ ମହାମତିଃ ।
ଅଙ୍ଗଦୀ କୁଣ୍ଡଲୀ ଭକ୍ତିପ୍ରିୟୋ ଭକ୍ତଵିଵର୍ଧନଃ ॥ ୭୮ ॥

ଗାଣପତ୍ୟପ୍ରଦୋ ମାୟୀ ଵେଦଵେଦାନ୍ତପାରଗଃ ।
କାତ୍ୟାୟନୀସୁତୋ ବ୍ରହ୍ମପୂଜିତୋ ଵିଘ୍ନନାଶନଃ ॥ ୭୯ ॥

ସଂସାରଭୟଵିଧ୍ଵଂସୀ ମହୋରସ୍କୋ ମହୀଧରଃ ।
ଵିଘ୍ନାନ୍ତକୋ ମହାଗ୍ରୀଵୋ ଭୃଶଂ ମୋଦକମୋଦିତଃ ॥ ୮୦ ॥

ଵାରାଣସୀପ୍ରିୟୋ ମାନୀ ଗହନ ଆଖୁଵାହନଃ ।
ଗୁହାଶ୍ରୟୋ ଵିଷ୍ଣୁପଦୀତନୟଃ ସ୍ଥାନଦୋ ଧ୍ରୁଵଃ ॥ ୮୧ ॥

ପରର୍ଦ୍ଧିସ୍ତୁଷ୍ଟୋ ଵିମଲୋ ମୌଲିମାନ୍ ଵଲ୍ଲଭାପ୍ରିୟଃ ।
ଚତୁର୍ଦଶୀପ୍ରିୟୋ ମାନ୍ୟୋ ଵ୍ୟଵସାୟୋ ମଦାନ୍ଵିତଃ ॥ ୮୨ ॥

ଅଚିନ୍ତ୍ୟଃ ସିଂହୟୁଗଲନିଵିଷ୍ଟୋ ବାଲରୂପଧୃତ୍ ।
ଧୀରଃ ଶକ୍ତିମତାଂ ଶ୍ରେଷ୍ଠୋ ମହାବଲସମନ୍ଵିତଃ ॥ ୮୩ ॥

ସର୍ଵାତ୍ମା ହିତକୃଦ୍ ଵୈଦ୍ୟୋ ମହାକୁକ୍ଷିର୍ମହାମତିଃ ।
କରଣଂ ମୃତ୍ୟୁହାରୀ ଚ ପାପସଙ୍ଘନିଵର୍ତକଃ ॥ ୮୪ ॥

ଉଦ୍ଭିଦ୍ ଵଜ୍ରୀ ମହାଦୈତ୍ୟସୂଦନୋ ଦୀନରକ୍ଷକଃ ।
ଭୂତଚାରୀ ପ୍ରେତଚାରୀ ବୁଦ୍ଧିରୂପୋ ମନୋମୟଃ ॥ ୮୫ ॥

ଅହଙ୍କାରଵପୁଃ ସାଙ୍ଖ୍ୟପୁରୁଷସ୍ତ୍ରିଗୁଣାତ୍ମକଃ ।
ତନ୍ମାତ୍ରରୂପୋ ଭୂତାତ୍ମା ଇନ୍ଦ୍ରିୟାତ୍ମା ଵଶୀକରଃ ॥ ୮୬ ॥

ମଲତ୍ରୟବହିର୍ଭୂତୋ ହ୍ୟଵସ୍ଥାତ୍ରୟଵର୍ଜିତଃ ।
ନୀରୂପୋ ବହୁରୂପଶ୍ଚ କିନ୍ନରୋ ନାଗଵିକ୍ରମଃ ॥ ୮୭ ॥

ଏକଦନ୍ତୋ ମହାଵେଗଃ ସେନାନୀ ସ୍ତ୍ରିଦଶାଧିପଃ ।
ଵିଶ୍ଵକର୍ତା ଵିଶ୍ଵବୀଜଂ (୭୦୦) ଶ୍ରୀଃ ସମ୍ପଦହ୍ରୀର୍ଧୃତିର୍ମତିଃ ॥ ୮୮ ॥

ସର୍ଵଶୋଷକରୋ ଵାୟୁଃ ସୂକ୍ଷ୍ମରୂପଃ ସୁନିଶ୍ଚଲଃ ।
ସଂହର୍ତା ସୃଷ୍ଟିକର୍ତା ଚ ସ୍ଥିତିକର୍ତା ଲୟାଶ୍ରିତଃ ॥ ୮୯ ॥

ସାମାନ୍ୟରୂପଃ ସାମାସ୍ୟୋଽଥର୍ଵଶୀର୍ଷା ୟଜୁର୍ଭୁଜଃ ।
ଋଗୀକ୍ଷଣଃ କାଵ୍ୟକର୍ତା ଶିକ୍ଷାକାରୀ ନିରୁକ୍ତଵିତ୍ ॥ ୯୦ ॥

ଶେଷରୂପଧରୋ ମୁଖ୍ୟଃ ଶବ୍ଦବ୍ରହ୍ମସ୍ଵରୂପଭାକ୍ ।
ଵିଚାରଵାଞ୍ଶଙ୍ଖଧାରୀ ସତ୍ୟଵ୍ରତପରାୟଣଃ ॥ ୯୧ ॥

ମହାତପା ଘୋରତପାଃ ସର୍ଵଦୋ ଭୀମଵିକ୍ରମଃ ।
ସର୍ଵସମ୍ପତ୍କରୋ ଵ୍ୟାପୀ ମେଘଗମ୍ଭୀରନାଦଭୃତ୍ ॥ ୯୨ ॥

ସମୃଦ୍ଧୋ ଭୂତିଦୋ ଭୋଗୀ ଵେଶୀ ଶଙ୍କରଵତ୍ସଲଃ ।
ଶମ୍ଭୁଭକ୍ତିରତୋ ମୋକ୍ଷଦାତା ଭଵଦଵାନଲଃ ॥ ୯୩ ॥

ସତ୍ୟସ୍ତପା ଧ୍ୟେୟମୂର୍ତିଃ କର୍ମମୂର୍ତିର୍ମହାଂସ୍ତଥା ।
ସମଷ୍ଟିଵ୍ୟଷ୍ଟିରୂପଶ୍ଚ ପଞ୍ଚକୋଶପରାଙ୍ମୁଖଃ ॥ ୯୪ ॥

ତେଜୋନିଧିର୍ଜଗନ୍ମୂର୍ତିଶ୍ଚରାଚରଵପୁର୍ଧରଃ ।
ପ୍ରାଣଦୋ ଜ୍ଞାନମୂର୍ତିଶ୍ଚ ନାଦମୂର୍ତିୟୁତୋଽକ୍ଷରଃ ॥ ୯୫ ॥

ଭୂତାଦ୍ୟସ୍ତୈଜସୋ ଭାଵୋ ନିଷ୍କଲଶ୍ଚୈଵ ନିର୍ମଲଃ ।
କୂଟସ୍ଥଶ୍ଚେତନୋ ରୁଦ୍ରଃ କ୍ଷେତ୍ରଵିତ୍ ପୁରୁଷୋ ବୁଧଃ ॥ ୯୬ ॥

ଅନାଧାରୋଽପ୍ୟନାକାରୋ ଧାତା ଚ ଵିଶ୍ଵତୋମୁଖଃ ।
ଅପ୍ରତର୍କ୍ୟଵପୁଃ ସ୍କନ୍ଦାନୁଜୋ ଭାନୁର୍ମହାପ୍ରଭଃ ॥ ୯୭ ॥

ୟଜ୍ଞହର୍ତା ୟଜ୍ଞକର୍ତା ୟଜ୍ଞାନାଂ ଫଲଦାୟକଃ ।
ୟଜ୍ଞଗୋପ୍ତା ୟଜ୍ଞମୟୋ ଦକ୍ଷୟଜ୍ଞଵିନାଶକୃତ୍ ॥ ୯୮ ॥

ଵକ୍ରତୁଣ୍ଡୋ ମହାକାୟଃ କୋଟିସୂର୍ୟସମପ୍ରଭଃ ।
ଏକଦଂଷ୍ଟ୍ରଃ କୃଷ୍ଣପିଙ୍ଗୋ ଵିକଟୋ ଧୂମ୍ରଵର୍ଣକଃ ॥ ୯୯ ॥

ଟଙ୍କଧାରୀ ଜମ୍ବୁକଶ୍ଚ ନାୟକଃ ଶୂର୍ପକର୍ଣକଃ ।
ସୁଵର୍ଣଗର୍ଭଃ ସୁମୁଖଃ ଶ୍ରୀକରଃ ସର୍ଵସିଦ୍ଧିଦଃ ॥ ୧୦୦ ॥

ସୁଵର୍ଣଵର୍ଣୋ ହେମାଙ୍ଗୋ ମହାତ୍ମା ଚନ୍ଦନଚ୍ଛଵିଃ ।
ସ୍ଵଙ୍ଗଃ ସ୍ଵକ୍ଷଃ (୮୦୦) ଶତାନନ୍ଦୋ ଲୋକଵିଲ୍ଲୋକଵିଗ୍ରହଃ ॥ ୧୦୧ ॥

ଇନ୍ଦ୍ରୋ ଜିଷ୍ଣୁର୍ଧୂମକେତୁର୍ଵହ୍ନିଃ ପୂଜ୍ୟୋ ଦଵାନ୍ତକଃ ।
ପୂର୍ଣାନନ୍ଦଃ ପରାନନ୍ଦଃ ପୁରାଣପୁରୁଷୋତ୍ତମଃ ॥ ୧୦୨ ॥

କୁମ୍ଭଭୃତ୍ କଲଶୀ କୁବ୍ଜୋ ମୀନମାଂସସୁତର୍ପିତଃ ।
ରାଶିତାରାଗ୍ରହମୟସ୍ତିଥିରୂପୋ ଜଗଦ୍ଵିଭୁଃ ॥ ୧୦୩ ॥

ପ୍ରତାପୀ ପ୍ରତିପତପ୍ରେୟାନ୍ ଦ୍ଵିତୀୟୋଽଦ୍ଵୈତନିଶ୍ଚିତଃ ।
ତ୍ରିରୂପଶ୍ଚ ତୃତୀୟାଗ୍ନିସ୍ତ୍ରୟୀରୂପସ୍ତ୍ରୟୀତନୁଃ ॥ ୧୦୪ ॥

ଚତୁର୍ଥୀଵଲ୍ଲଭୋ ଦେଵୋ ପାରଗଃ ପଞ୍ଚମୀରଵଃ ।
ଷଡ୍ରସାସ୍ଵାଦକୋଽଜାତଃ ଷଷ୍ଠୀ ଷଷ୍ଟିକଵତ୍ସରଃ ॥ ୧୦୫ ॥

ସପ୍ତାର୍ଣଵଗତିଃ ସାରଃ ସପ୍ତମୀଶ୍ଵର ଈହିତଃ ।
ଅଷ୍ଟମୀନନ୍ଦନୋଽନାର୍ତୋ ନଵମୀଭକ୍ତିଭାଵିତଃ ॥ ୧୦୬ ॥

ଦଶଦିକ୍ପତିପୂଜ୍ୟଶ୍ଚ ଦଶମୀ ଦ୍ରୁହିଣୋ ଦ୍ରୁତଃ ।
ଏକାଦଶାତ୍ମା ଗଣପୋ ଦ୍ଵାଦଶୀୟୁଗଚର୍ଚିତଃ ॥ ୧୦୭ ॥

ତ୍ରୟୋଦଶମନୁସ୍ତୁତ୍ୟଶ୍ଚତୁର୍ଦଶସୁରପ୍ରିୟଃ ।
ଚତୁର୍ଦଶେନ୍ଦ୍ରସଂସ୍ତୁତ୍ୟଃ ପୂର୍ଣିମାନନ୍ଦଵିଗ୍ରହଃ ॥ ୧୦୮ ॥

ଦର୍ଶାଦର୍ଶୋ ଦର୍ଶନଶ୍ଚ ଵାନପ୍ରସ୍ଥୋ ମୁନୀଶ୍ଵରଃ ।
ମୌନୀ ମଧୁରଵାଙ୍ମୂଲଂ ମୂର୍ତିମାନ୍ ମେଘଵାହନଃ ॥ ୧୦୯ ॥

ମହାଗଜୋ ଜିତକ୍ରୋଧୋ ଜିତଶତ୍ରୁର୍ଜୟାଶ୍ରୟଃ ।
ରୌଦ୍ରୋ ରୁଦ୍ରପ୍ରିୟୋ ରୁକ୍ମୋ ରୁଦ୍ରପୁତ୍ରୋଽଘତାପନଃ ॥ ୧୧୦ ॥

ଭଵପ୍ରିୟୋ ଭଵାନୀଷ୍ଟୋ ଭାରଭୃଦ୍ ଭୂତଭାଵନଃ ।
ଗାନ୍ଧର୍ଵକୁଶଲୋଽକୁଣ୍ଠୋ ଵୈକୁଣ୍ଠୋ ଵିଷ୍ଣୁସେଵିତଃ ॥ ୧୧୧ ॥

ଵୃତ୍ରହା ଵିଘ୍ନହା ସୀରଃ ସମସ୍ତଦୁରିତାପହଃ ।
ମଞ୍ଜୁଲୋ ମାର୍ଜନୋ ମତ୍ତୋ ଦୁର୍ଗାପୁତ୍ରୋ ଦୁରାଲସଃ ॥ ୧୧୨ ॥

ଅନନ୍ତଚିତ୍ସୁଧାଧାରୋ ଵୀରୋ ଵୀର୍ୟୈକସାଧକଃ ।
ଭାସ୍ଵନ୍ମୁକୁଟମାଣିକ୍ୟଃ କୂଜତ୍କିଙ୍କିଣିଜାଲକଃ ॥ ୧୧୩ ॥

ଶୁଣ୍ଡାଧାରୀ ତୁଣ୍ଡଚଲଃ କୁଣ୍ଡଲୀ ମୁଣ୍ଡମାଲକଃ ।
ପଦ୍ମାକ୍ଷଃ ପଦ୍ମହସ୍ତଶ୍ଚ (୯୦୦) ପଦ୍ମନାଭସମର୍ଚିତଃ ॥ ୧୧୪ ॥

ଉଦ୍ଗୀଥୋ ନରଦନ୍ତାଢ୍ୟମାଲାଭୂଷଣଭୂଷିତଃ ।
ନାରଦୋ ଵାରଣୋ ଲୋଲଶ୍ରଵଣଃ ଶୂର୍ପକଶ୍ରଵାଃ ॥ ୧୧୫ ॥

ବୃହଦୁଲ୍ଲାସନାସାଢ୍ୟଵ୍ୟାପ୍ତତ୍ରୈଲୋକ୍ୟମଣ୍ଡଲଃ ।
ଇଲାମଣ୍ଡଲସମ୍ଭ୍ରାନ୍ତକୃତାନୁଗ୍ରହଜୀଵକଃ ॥ ୧୧୬ ॥

ବୃହତ୍କର୍ଣାଞ୍ଚଲୋଦ୍ଭୂତଵାୟୁଵୀଜିତଦିକ୍ତଟଃ ।
ବୃହଦାସ୍ୟରଵାକ୍ରାନ୍ତଭୀମବ୍ରହ୍ମାଣ୍ଡଭାଣ୍ଡକଃ ॥ ୧୧୭ ॥

ବୃହତ୍ପାଦସମାକ୍ରାନ୍ତସପ୍ତପାତାଲଵେପିତଃ ।
ବୃହଦ୍ଦନ୍ତକୃତାତ୍ୟୁଗ୍ରରଣାନନ୍ଦରସାଲସଃ ॥ ୧୧୮ ॥

ବୃହଦ୍ଧସ୍ତଧୃତାଶେଷାୟୁଧନିର୍ଜିତଦାନଵଃ ।
ସ୍ଫୁରତ୍ସିନ୍ଦୂରଵଦନଃ ସ୍ଫୁରତ୍ତେଜୋଽଗ୍ନିଲୋଚନଃ ॥ ୧୧୯ ॥

ଉଦ୍ଦୀପିତମଣିସ୍ଫୂର୍ଜନ୍ନୂପୁରଧ୍ଵନିନାଦିତଃ ।
ଚଲତ୍ତୋୟପ୍ରଵାହାଢ୍ୟନଦୀଜଲକଣାକୁଲଃ ॥ ୧୨୦ ॥

ଭ୍ରମତ୍କୁଞ୍ଜରସଙ୍ଘାତଵନ୍ଦିତାଙ୍ଘ୍ରିସରୋରୁହଃ ।
ବ୍ରହ୍ମାଚ୍ୟୁତମହାରୁଦ୍ରପୁରଃସରସୁରାର୍ଚିତଃ ॥ ୧୨୧ ॥

ଅଶେଷଶେଷପ୍ରଭୃତିଵ୍ୟାଲଜାଲୋପସେଵିତଃ ।
ଗୂର୍ଜତ୍ପଞ୍ଚାନନାରାଵପ୍ରାପ୍ତାକାଶଧରାତଲଃ ॥ ୧୨୨ ॥

ହାହାହୂହୂକୃତାତ୍ୟୁଗ୍ରସୁରଵିଭ୍ରାନ୍ତମାନସଃ ।
ପଞ୍ଚାଶଦ୍ଵର୍ଣବୀଜାଢ୍ୟମନ୍ତ୍ରମନ୍ତ୍ରିତଵିଗ୍ରହଃ ॥ ୧୨୩ ॥

ଵେଦାନ୍ତଶାସ୍ତ୍ରପୀୟୂଷଧାରାପ୍ଲାଵିତଭୂତଲଃ ।
ଶଙ୍ଖଧ୍ଵନିସମାକ୍ରାନ୍ତପାତାଲାଦିନଭସ୍ତଲଃ ॥ ୧୨୪ ॥

ଚିନ୍ତାମଣିର୍ମହାମଲ୍ଲୋ ଭଲ୍ଲହସ୍ତୋ ବଲିଃ କଲିଃ ।
କୃତତ୍ରେତାୟୁଗୋଲ୍ଲାସଭାସମାନଜଗତ୍ତ୍ରୟଃ ॥ ୧୨୫ ॥

ଦ୍ଵାପରଃ ପରଲୋକୈକକର୍ମଧ୍ଵାନ୍ତସୁଧାକରଃ ।
ସୁଧାସିକ୍ତଵପୁର୍ଵ୍ୟାପ୍ତବ୍ରହ୍ମାଣ୍ଡାଦିକଟାହକଃ ॥ ୧୨୬ ॥

ଅକାରାଦିକ୍ଷକାରାନ୍ତଵର୍ଣପଙ୍କ୍ତିସମୁଜ୍ଜ୍ଵଲଃ ।
ଅକାରାକାରପ୍ରୋଦ୍ଗୀତତାରନାଦନିନାଦିତଃ ॥ ୧୨୭ ॥

ଇକାରେକାରମନ୍ତ୍ରାଢ୍ୟମାଲାଭ୍ରମଣଲାଲସଃ ।
ଉକାରୋକାରପ୍ରୋଦ୍ଗାରିଘୋରନାଗୋପଵୀତକଃ ॥ ୧୨୮ ॥

ଋଵର୍ଣାଙ୍କିତୠକାରପଦ୍ମଦ୍ଵୟସମୁଜ୍ଜ୍ଵଲଃ ।
ଲୃକାରୟୁତଲୄକାରଶଙ୍ଖପୂର୍ଣଦିଗନ୍ତରଃ ॥ ୧୨୯ ॥

ଏକାରୈକାରଗିରିଜାସ୍ତନପାନଵିଚକ୍ଷଣଃ ।
ଓକାରୌକାରଵିଶ୍ଵାଦିକୃତସୃଷ୍ଟିକ୍ରମାଲସଃ ॥ ୧୩୦ ॥

ଅଂଅଃଵର୍ଣାଵଲୀଵ୍ୟାପ୍ତପାଦାଦିଶୀର୍ଷମଣ୍ଡଲଃ ।
କର୍ଣତାଲକୃତାତ୍ୟୁଚ୍ଚୈର୍ଵାୟୁଵୀଜିତନିର୍ଜରଃ ॥ ୧୩୧ ॥

ଖଗେଶଧ୍ଵଜରତ୍ନାଙ୍କକିରୀଟାରୁଣପାଦକଃ ।
ଗର୍ଵିତାଶେଷଗନ୍ଧର୍ଵଗୀତତତ୍ପରଶ୍ରୋତ୍ରକଃ ॥ ୧୩୨ ॥

ଘନଵାହନଵାଗୀଶପୁରଃସରସୁରାର୍ଚିତଃ ।
ଙଵର୍ଣାମୃତଧାରାଢ୍ୟଶୋଭମାନୈକଦନ୍ତକଃ ॥ ୧୩୩ ॥

ଚନ୍ଦ୍ରକୁଙ୍କୁମଜମ୍ବାଲଲିପ୍ତସୁନ୍ଦରଵିଗ୍ରହଃ ।
ଛତ୍ରଚାମରରତ୍ନାଢ୍ୟମୁକୁଟାଲଙ୍କୃତାନନଃ ॥ ୧୩୪ ॥

ଜଟାବଦ୍ଧମହାନର୍ଘମଣିପଙ୍କ୍ତିଵିରାଜିତଃ ।
ଝାଙ୍କାରିମଧୁପଵ୍ରାତଗାନନାଦନିନାଦିତଃ ॥ ୧୩୫ ॥

ଞଵର୍ଣକୃତସଂହାରଦୈତ୍ୟାସୃକ୍ପୂର୍ଣମୁଦ୍ଗରଃ ।
ଟଙ୍କାରୁକଫଲାସ୍ଵାଦଵେପିତାଶେଷମୂର୍ଧଜଃ ॥ ୧୩୬ ॥

ଠକାରାଢ୍ୟଡକାରାଙ୍କଢକାରାନନ୍ଦତୋଷିତଃ ।
ଣଵର୍ଣାମୃତପୀୟୂଷଧାରାଧରସୁଧାଧରଃ ॥ ୧୩୭ ॥

ତାମ୍ରସିନ୍ଦୂରପୁଞ୍ଜାଢ୍ୟଲଲାଟଫଲକଚ୍ଛଵିଃ ।
ଥକାରଧନପଙ୍କ୍ତ୍ୟାଢ୍ୟସନ୍ତୋଷିତଦ୍ଵିଜଵ୍ରଜଃ ॥ ୧୮ ॥

ଦୟାମୟହୃଦମ୍ଭୋଜଧୃତତ୍ରୈଲୋକ୍ୟମଣ୍ଡଲଃ ।
ଧନଦାଦିମହାୟକ୍ଷସଂସେଵିତପଦାମ୍ବୁଜଃ ॥ ୧୩୯ ॥

ନମିତାଶେଷଦେଵୌଘକିରୀଟମଣିରଞ୍ଜିତଃ ।
ପରଵର୍ଗାପଵର୍ଗାଦିମାର୍ଗଚ୍ଛେଦନଦକ୍ଷକଃ ॥ ୧୪୦ ॥

ଫଣିଚକ୍ରସମାକ୍ରାନ୍ତଗଲମଣ୍ଡଲମଣ୍ଡିତଃ ।
ବଦ୍ଧଭ୍ରୂୟୁଗଭୀମୋଗ୍ରସନ୍ତର୍ଜିତସୁରାସୁରଃ ॥ ୧୪୧ ॥

ଭଵାନୀହୃଦୟାନନ୍ଦଵର୍ଧନୈକନିଶାକରଃ ।
ମଦିରାକଲଶସ୍ଫୀତକରାଲୈକକରାମ୍ବୁଜଃ ॥ ୧୪୨ ॥

ୟଜ୍ଞାନ୍ତରାୟସଙ୍ଘାତଘାତସଜ୍ଜୀକୃତାୟୁଧଃ ।
ରତ୍ନାକରସୁତାକାନ୍ତକାନ୍ତିକୀର୍ତିଵିଵର୍ଧନଃ ॥ ୧୪୩ ॥

ଲମ୍ବୋଦରମହାଭୀମଵପୁର୍ଦୀନୀକୃତାସୁରଃ ।
ଵରୁଣାଦିଦିଗୀଶାନରଚିତାର୍ଚନଚର୍ଚିତଃ ॥ ୧୪୪ ॥

ଶଙ୍କରୈକପ୍ରିୟପ୍ରେମନୟନାନନ୍ଦଵର୍ଧନଃ ।
ଷୋଡଶସ୍ଵରିତାଲାପଗୀତଗାନଵିଚକ୍ଷଣଃ ॥ ୧୪୫ ॥

ସମସ୍ତଦୁର୍ଗତିସରିନ୍ନାଥୋତ୍ତାରଣକୋଡୁପଃ ।
ହରାଦିବ୍ରହ୍ମଵୈକୁଣ୍ଠବ୍ରହ୍ମଗୀତାଦିପାଠକଃ ॥ ୧୪୬ ॥

କ୍ଷମାପୂରିତହୃତ୍ପଦ୍ମସଂରକ୍ଷିତଚରାଚରଃ ।
ତାରାଙ୍କମନ୍ତ୍ରଵର୍ଣୈକଵିଗ୍ରହୋଜ୍ଜ୍ଵଲଵିଗ୍ରହଃ ॥ ୧୪୭ ॥

ଅକାରାଦିକ୍ଷକାରାନ୍ତଵିଦ୍ୟାଭୂଷିତଵିଗ୍ରହଃ ।
ଓଂଶ୍ରୀଂଵିନାୟକୋ ଓଂହ୍ରୀଂଵିଘ୍ନାଧ୍ୟକ୍ଷୋ ଗଣାଧିପଃ ॥ ୧୪୮ ॥

ହେରମ୍ବୋ ମୋଦକାହାରୋ ଵକ୍ତ୍ରତୁଣ୍ଡୋ ଵିଧିସ୍ମୃତଃ ।
ଵେଦାନ୍ତଗୀତୋ ଵିଦ୍ୟାର୍ଥୀ ଶୁଦ୍ଧମନ୍ତ୍ରଃ ଷଡକ୍ଷରଃ ॥ ୧୪୯ ॥

ଗଣେଶୋ ଵରଦୋ ଦେଵୋ ଦ୍ଵାଦଶାକ୍ଷରମନ୍ତ୍ରିତଃ ।
ସପ୍ତକୋଟିମହାମନ୍ତ୍ରମନ୍ତ୍ରିତାଶେଷଵିଗ୍ରହଃ ॥ ୧୫୦ ॥

ଗାଙ୍ଗେୟୋ ଗଣସେଵ୍ୟଶ୍ଚ ଓଂଶ୍ରୀନ୍ଦ୍ଵୈମାତୁରଃ ଶିଵଃ ।
ଓଂହ୍ରୀଂଶ୍ରୀଂକ୍ଲୀଂଗ୍ଲୌଂଗଂଦେଵୋ ମହାଗଣପତିଃ ପ୍ରଭୁଃ (୧୦୦୦) ॥ ୧୫୧ ॥

ଇଦଂ ନାମ୍ନାଂ ସହସ୍ରଂ ତେ ମହାଗଣପତେଃ ସ୍ମୃତମ୍ ।
ଗୁହ୍ୟଂ ଗୋପ୍ୟତମଂ ଗୁପ୍ତଂ ସର୍ଵତନ୍ତ୍ରେଷୁ ଗୋପିତମ୍ ॥ ୧୫୨ ॥

ସର୍ଵମନ୍ତ୍ରନିଧିଂ ଦିଵ୍ୟଂ ସର୍ଵଵିଘ୍ନଵିନାଶନମ୍ ।
ଗ୍ରହତାରାମୟଂ ରାଶିଵର୍ଣପଙ୍କ୍ତିସମନ୍ଵିତମ୍ ॥ ୧୫୩ ॥

ସର୍ଵଵିଦ୍ୟାମୟଂ ବ୍ରହ୍ମସାଧନଂ ସାଧକପ୍ରିୟମ୍ ।
ଗଣେଶସ୍ୟ ଚ ସର୍ଵସ୍ଵଂ ରହସ୍ୟଂ ତ୍ରିଦିଵୌକସାମ୍ ॥ ୧୫୪ ॥

ୟଥେଷ୍ଟଫଲଦଂ ଲୋକେ ମନୋରଥପ୍ରପୂରଣମ୍ ।
ଅଷ୍ଟସିଦ୍ଧିମୟଂ ସାଧ୍ୟଂ ସାଧକାନାଂ ଜୟପ୍ରଦମ୍ ॥ ୧୫୫ ॥

ଵିନାର୍ଚନଂ ଵିନା ହୋମଂ ଵିନା ନ୍ୟାସଂ ଵିନା ଜପମ୍ ।
ଅଣିମାଦ୍ୟଷ୍ଟସିଦ୍ଧୀନାଂ ସାଧନଂ ସ୍ମୃତିମାତ୍ରତଃ ॥ ୧୫୬ ॥

ଚତୁର୍ଥ୍ୟାମର୍ଧରାତ୍ରେ ତୁ ପଠେନ୍ମନ୍ତ୍ରୀ ଚତୁଷ୍ପଥେ ।
ଲିଖେଦ୍ଭୂର୍ଜେ ରଵୌ ଦେଵି ପୁଣ୍ୟଂ ନାମ୍ନାଂ ସହସ୍ରକମ୍ ॥ ୧୫୭ ॥

ଧାରୟେତ୍ତୁ ଚତୁର୍ଦଶ୍ୟାଂ ମଧ୍ୟାହ୍ନେ ମୂର୍ଧ୍ନି ଵା ଭୁଜେ ।
ୟୋଷିଦ୍ଵାମକରେ ବଦ୍ଧ୍ଵା ପୁରୁଷୋ ଦକ୍ଷିଣେ ଭୁଜେ ॥ ୧୫୮ ॥

ସ୍ତମ୍ଭୟେଦପି ବ୍ରହ୍ମାଣଂ ମୋହୟେଦପି ଶଙ୍କରମ୍ ।
ଵଶୟେଦପି ତ୍ରୈଲୋକ୍ୟଂ ମାରୟେଦଖିଲାନ୍ ରିପୂନ୍ ॥ ୧୫୯ ॥

ଉଚ୍ଚାଟୟେଚ୍ଚ ଗୀର୍ଵାଣାନ୍ ଶମୟେଚ୍ଚ ଧନଞ୍ଜୟମ୍ ।
ଵନ୍ଧ୍ୟା ପୁତ୍ରାଂଲ୍ଲଭେଚ୍ଛୀଘ୍ରଂ ନିର୍ଧନୋ ଧନମାପ୍ନୁୟାତ୍ ॥ ୧୬୦ ॥

ତ୍ରିଵାରଂ ୟଃ ପଠେଦ୍ରାତ୍ରୌ ଗଣେଶସ୍ୟ ପୁରଃ ଶିଵେ ।
ନଗ୍ନଃ ଶକ୍ତିୟୁତୋ ଦେଵି ଭୁକ୍ତ୍ଵା ଭୋଗାନ୍ ୟଥେପ୍ସିତାନ୍ ॥ ୧୬୧ ॥

ପ୍ରତ୍ୟକ୍ଷଂ ଵରଦଂ ପଶ୍ୟେଦ୍ଗଣେଶଂ ସାଧକୋତ୍ତମଃ ।
ୟ ଏନଂ ପଠତେ ନାମ୍ନାଂ ସହସ୍ରଂ ଭକ୍ତିପୂର୍ଵକମ୍ ॥ ୧୬୨ ॥

ତସ୍ୟ ଵିତ୍ତାଦିଵିଭଵୋ ଦାରାୟୁଃସମ୍ପଦଃ ସଦା ।
ରଣେ ରାଜଭୟେ ଦ୍ୟୂତେ ପଠେନ୍ନାମ୍ନାଂ ସହସ୍ରକମ୍ ॥ ୧୬୩ ॥

ସର୍ଵତ୍ର ଜୟମାପ୍ନୋତି ଗଣେଶସ୍ୟ ପ୍ରସାଦତଃ ।
ଇତୀଦଂ ପୁଣ୍ୟସର୍ଵସ୍ଵଂ ମନ୍ତ୍ରନାମସହସ୍ରକମ୍ ॥ ୧୬୪ ॥

ମହାଗଣପତେର୍ଗୁହ୍ୟଂ ଗୋପନୀୟଂ ସ୍ଵୟୋନିଵତ୍ ।

॥ ଇତି ଶ୍ରୀରୁଦ୍ରୟାମଲେ ତନ୍ତ୍ରେ ଶ୍ରୀଦେଵୀରହସ୍ୟେ
ମହାଗଣପତିସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥

Also Read 1000 Names of Varada Ganesha:

1000 Names of Sri Mahaganapati | Sahasranama 2 Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

  • Facebook
  • Twitter
  • Pinterest
 

Leave a Comment

Your email address will not be published. Required fields are marked *