1008 - Sahasranamavali Shiva Stotram

1000 Names of Shiva from Lingapurana Lyrics in Bengali

Shiva Sahasranama Stotram from Lingapurana Lyrics in Bengali:

॥ শ্রীশিবসহস্রনামস্তোত্রম্ লিংগপুরাণান্তর্গত ॥

অথ লিঙ্গপুরাণান্তর্গত-শ্রীশিবসহস্রনামস্তোত্রমন্ত্রৈঃ
অভিষেকঃ ।
ওঁ ।
ঋষয় ঊচুঃ –
কথং দেবেন বৈ সূত দেবদেবান্মহেশ্বরাত্ ।
সুদর্শনাখ্যং বৈ লব্ধং বক্তুমর্হসি বিষ্ণুনা ॥ ১॥

সূত উবাচ –
দেবানামসুরেন্দ্রাণামভবচ্চ সুদারুণঃ ।
সর্বেষামেব ভূতানাং বিনাশকরণো মহান্ ॥ ২॥

তে দেবাঃ শক্তিমুশলৈঃ সায়কৈর্নতপর্বভিঃ ।
প্রভিদ্যমানাঃ কুন্তৈশ্চ দুদ্রুবুর্ভয়বিহ্বলাঃ ॥ ৩॥

পরাজিতাস্তদা দেবা দেবদেবেশ্বরং হরিম্ ।
প্রণেমুস্তং সুরেশানং শোকসংবিগ্নমানসাঃ ॥ ৪॥

তান্ সমীক্ষ্যাথ ভগবান্দেবদেবেশ্বরো হরিঃ ।
প্রণিপত্য স্থিতান্দেবানিদং বচনমব্রবীত্ ॥ ৫॥

বত্সাঃ কিমিতি বৈ দেবাশ্চ্যুতালঙ্কারবিক্রমাঃ ।
সমাগতাঃ সসংতাপা বক্তুমর্হথ সুব্রতাঃ ॥ ৬॥

তস্য তদ্বচনং শ্রুত্বা তথাভূতাঃ সুরোত্তমাঃ ।
প্রণম্যাহুর্যথাবৃত্তং দেবদেবায় বিষ্ণবে ॥ ৭॥

ভগবন্দেবদেবেশ বিষ্ণো জিষ্ণো জনার্দন ।
দানবৈঃ পীডিতাঃ সর্বে বয়ং শরণমাগতাঃ ॥ ৮॥

ত্বমেব দেবদেবেশ গতির্নঃ পুরুষোত্তম ।
ত্বমেব পরমাত্মা হি ত্বং পিতা জগতামপি ॥ ৯॥

ত্বমেব ভর্তা হর্তা চ ভোক্তা দাতা জনার্দন ।
হন্তুমর্হসি তস্মাত্ত্বং দানবান্দানবার্দন ॥ ১০॥

দৈত্যাশ্চ বৈষ্ণবৈর্ব্রাহ্মৈ রৌদ্রৈর্যাম্যৈঃ সুদারুণৈঃ ।
কৌবেরৈশ্চৈব সৌম্যৈশ্চ নৈরৃত্যৈর্বারুণৈর্দৃঢৈঃ ॥ ১১॥

বায়ব্যৈশ্চ তথাগ্নেয়ৈরৈশানৈর্বার্ষিকৈঃ শুভৈঃ ।
সৌরৈ রৌদ্রৈস্তথা ভীমৈঃ কম্পনৈর্জৃম্ভণৈর্দৃঢৈঃ ॥ ১২॥

অবধ্যা বরলাভাত্তে সর্বে বারিজলোচন ।
সূর্যমণ্ডলসম্ভূতং ত্বদীয়ং চক্রমুদ্যতম্ ॥ ১৩॥

কুণ্ঠিতং হি দধীচেন চ্যাবনেন জগদ্গুরো ।
দণ্ডং শার্ঙ্গং তবাস্ত্রং চ লব্ধং দৈত্যৈঃ প্রসাদতঃ ॥

১৪॥

পুরা জলন্ধরং হন্তুং নির্মিতং ত্রিপুরারিণা ।
রথাঙ্গং সুশিতং ঘোরং তেন তান্ হন্তুমর্হসি ॥ ১৫॥

তস্মাত্তেন নিহন্তব্যা নান্যৈঃ শস্ত্রশতৈরপি ।
ততো নিশম্য তেষাং বৈ বচনং বারিজেক্ষণঃ ॥ ১৬॥

বাচস্পতিমুখানাহ স হরিশ্চক্রভৃত্স্বয়ম্ ।
শ্রীবিষ্ণুরুবাচ –
ভোভো দেবা মহাদেবং সর্বৈর্দেবৈঃ সনাতনৈঃ ॥ ১৭॥

সম্প্রাপ্য সাম্প্রতং সর্বং করিষ্যামি দিবৌকসাম্ ।
দেবা জলংধরং হন্তুং নির্মিতং হি পুরারিণা ॥ ১৮॥

লব্ধ্বা রথাঙ্গং তেনৈব নিহত্য চ মহাসুরান্ ।
সর্বান্ধুন্ধুমুখান্দৈত্যানষ্টষষ্টিশতান্সুরান্ ॥ ১৯॥

সবান্ধবান্ক্ষণাদেব য়ুষ্মান্ সংতারয়াম্যহম্ ।
সূত উবাচ –
এবমুক্ত্বা সুরশ্রেষ্ঠান্ সুরশ্রেষ্ঠমনুস্মরন্ ॥ ২০॥

সুরশ্রেষ্ঠস্তদা শ্রেষ্ঠং পূজয়ামাস শঙ্করম্ ।
লিঙ্গং স্থাপ্য য়থান্যায়ং হিমবচ্ছিখরে শুভে ॥ ২১॥

মেরুপর্বতসংকাশং নির্মিতং বিশ্বকর্মণা ।
ত্বরিতাখ্যেন রুদ্রেণ রৌদ্রেণ চ জনার্দনঃ ॥ ২২॥

স্নাপ্য সম্পূজ্য গন্ধাদ্যৈর্জ্বালাকারং মনোরমম্ ।
তুষ্টাব চ তদা রুদ্রং সম্পূজ্যাগ্নৌ প্রণম্য চ ॥ ২৩॥

দেবং নাম্নাং সহস্রেণ ভবাদ্যেন য়থাক্রমম্ ।
পূজয়ামাস চ শিবং প্রণবাদ্যং নমোন্তকম্ ॥ ২৪॥

দেবং নাম্নাং সহস্রেণ ভবাদ্যেন মহেশ্বরম্ ।
প্রতিনাম সপদ্মেন পূজয়ামাস শঙ্করম্ ॥ ২৫॥

অগ্নৌ চ নামভির্দেবং ভবাদ্যৈঃ সমিদাদিভিঃ ।
স্বাহান্তৈর্বিধিবদ্ধুত্বা প্রত্যেকময়ুতং প্রভুম্ ॥ ২৬॥

তুষ্টাব চ পুনঃ শম্ভুং ভবাদ্যৈর্ভবমীশ্বরম্ ।
শ্রী বিষ্ণুরুবাচ –
ভবঃ শিবো হরো রুদ্রঃ পুরুষঃ পদ্মলোচনঃ ॥ ২৭॥

অর্থিতব্যঃ সদাচারঃ সর্বশম্ভুর্মহেশ্বরঃ ।
ঈশ্বরঃ স্থাণুরীশানঃ সহস্রাক্ষঃ সহস্রপাত্ ॥ ২৮॥

বরীয়ান্ বরদো বন্দ্যঃ শঙ্করঃ পরমেশ্বরঃ ।
গঙ্গাধরঃ শূলধরঃ পরার্থৈকপ্রয়োজনঃ ॥ ২৯॥

সর্বজ্ঞঃ সর্বদেবাদিগিরিধন্বা জটাধরঃ ।
চন্দ্রাপীডশ্চন্দ্রমৌলির্বিদ্বান্বিশ্বামরেশ্বরঃ ॥ ৩০॥

বেদান্তসারসন্দোহঃ কপালী নীললোহিতঃ ।
ধ্যানাধারোঽপরিচ্ছেদ্যো গৌরীভর্তা গণেশ্বরঃ ॥ ৩১॥

অষ্টমূর্তির্বিশ্বমূর্তিস্ত্রিবর্গঃ স্বর্গসাধনঃ ।
জ্ঞানগম্যো দৃঢপ্রজ্ঞো দেবদেবস্ত্রিলোচনঃ ॥ ৩২॥

বামদেবো মহাদেবঃ পাণ্ডুঃ পরিদৃঢো দৃঢঃ ।
বিশ্বরূপো বিরূপাক্ষো বাগীশঃ শুচিরন্তরঃ ॥ ৩৩॥

সর্বপ্রণয়সংবাদীবৃষাঙ্কো বৃষবাহনঃ ।
ঈশঃ পিনাকী খট্বাঙ্গী চিত্রবেষশ্চিরন্তনঃ ॥ ৩৪॥

তমোহরো মহায়োগী গোপ্তা ব্রহ্মাঙ্গহৃজ্জটী ।
কালকালঃ কৃত্তিবাসাঃ সুভগঃ প্রণবাত্মকঃ ॥ ৩৫॥

উন্মত্তবেষশ্চক্ষুষ্যোদুর্বাসাঃ স্মরশাসনঃ ।
দৃঢায়ুধঃ স্কন্দগুরুঃ পরমেষ্ঠী পরায়ণঃ ॥ ৩৬॥

অনাদিমধ্যনিধনো গিরিশো গিরিবান্ধবঃ ।
কুবেরবন্ধুঃ শ্রীকণ্ঠো লোকবর্ণোত্তমোত্তমঃ ॥ ৩৭॥

সামান্যদেবঃ কোদণ্ডী নীলকণ্ঠঃ পরশ্বধী ।
বিশালাক্ষো মৃগব্যাধঃ সুরেশঃ সূর্যতাপনঃ ॥ ৩৮॥

ধর্মকর্মাক্ষমঃ ক্ষেত্রং ভগবান্ ভগনেত্রভিত্ ।
উগ্রঃ পশুপতিস্তার্ক্ষ্যপ্রিয়ভক্তঃ প্রিয়ংবদঃ ॥ ৩৯॥

দাতা দয়াকরো দক্ষঃ কপর্দী কামশাসনঃ ।
শ্মশাননিলয়ঃ সূক্ষ্মঃ শ্মশানস্থো মহেশ্বরঃ ॥ ৪০॥

লোককর্তা ভূতপতির্মহাকর্তা মহৌষধী ।
উত্তরো গোপতির্গোপ্তা জ্ঞানগম্যঃ পুরাতনঃ ॥ ৪১॥

নীতিঃ সুনীতিঃ শুদ্ধাত্মা সোমসোমরতঃ সুখী ।
সোমপোঽমৃতপঃ সোমো মহানীতির্মহামতিঃ ॥ ৪২॥

অজাতশত্রুরালোকঃ সম্ভাব্যো হব্যবাহনঃ ।
লোককারো বেদকারঃ সূত্রকারঃ সনাতনঃ ॥ ৪৩॥

মহর্ষিঃ কপিলাচার্যো বিশ্বদীপ্তিস্ত্রিলোচনঃ ।
পিনাকপাণিভূদেবঃ স্বস্তিদঃ স্বস্তিকৃত্সদা ॥ ৪৪॥

ত্রিধামা সৌভগঃ শর্বঃ সর্বজ্ঞঃ সর্বগোচরঃ ।
ব্রহ্মধৃগ্বিশ্বসৃক্স্বর্গঃ কর্ণিকারঃ প্রিয়ঃ কবিঃ ॥ ৪৫॥

শাখো বিশাখো গোশাখঃ শিবোনৈকঃ ক্রতুঃ সমঃ ।
গঙ্গাপ্লবোদকো ভাবঃ সকলস্থপতিস্থিরঃ ॥ ৪৬॥

বিজিতাত্মা বিধেয়াত্মা ভূতবাহনসারথিঃ ।
সগণো গণকার্যশ্চ সুকীর্তিশ্ছিন্নসংশয়ঃ ॥ ৪৭॥

কামদেবঃ কামপালো ভস্মোদ্ধূলিতবিগ্রঃ ।
ভস্মপ্রিয়ো ভস্মশায়ী কামী কান্তঃ কৃতাগমঃ ॥ ৪৮॥

সমায়ুক্তো নিবৃত্তাত্মা ধর্ময়ুক্তঃ সদাশিবঃ ।
চতুর্মুখশ্চতুর্বাহুর্দুরাবাসো দুরাসদঃ ॥ ৪৯॥

দুর্গমো দুর্লভো দুর্গঃ সর্বায়ুধবিশারদঃ ।
অধ্যাত্ময়োগনিলয়ঃ সুতন্তুস্তন্তুবর্ধনঃ ॥ ৫০॥

শুভাঙ্গো লোকসারঙ্গো জগদীশোঽমৃতাশনঃ ।
ভস্মশুদ্ধিকরো মেরুরোজস্বী শুদ্ধবিগ্রহঃ ॥ ৫১॥

হিরণ্যরেতাস্তরণির্মরীচির্মহিমালয়ঃ ।
মহাহ্রদো মহাগর্ভঃ সিদ্ধবৃন্দারবন্দিতঃ ॥ ৫২॥

ব্যাঘ্রচর্মধরো ব্যালী মহাভূতো মহানিধিঃ ।
অমৃতাঙ্গোঽমৃতবপুঃ পঞ্চয়জ্ঞঃ প্রভঞ্জনঃ ॥ ৫৩॥

পঞ্চবিংশতিতত্ত্বজ্ঞঃ পারিজাতঃ পরাবরঃ ।
সুলভঃ সুব্রতঃ শূরো বাঙ্ময়ৈকনিধির্নিধিঃ ॥ ৫৪॥

বর্ণাশ্রমগুরুর্বর্ণী শত্রুজিচ্ছত্রুতাপনঃ ।
আশ্রমঃ ক্ষপণঃ ক্ষামো জ্ঞানবানচলাচলঃ ॥ ৫৫॥

প্রমাণভূতো দুর্জ্ঞেয়ঃ সুপর্ণো বায়ুবাহনঃ ।
ধনুর্ধরো ধনুর্বেদো গুণরাশির্গুণাকরঃ ॥ ৫৬॥

অনন্তদৃষ্টিরানন্দো দণ্ডো দময়িতা দমঃ ।
অভিবাদ্যো মহাচার্যো বিশ্বকর্মা বিশারদঃ ॥ ৫৭॥

বীতরাগো বিনীতাত্মা তপস্বী ভূতভাবনঃ ।
উন্মত্তবেষঃ প্রচ্ছন্নো জিতকামো জিতপ্রিয়ঃ ॥ ৫৮॥

কল্যাণপ্রকৃতিঃ কল্পঃ সর্বলোকপ্রজাপতিঃ ।
তপস্বী তারকো ধীমান্ প্রধানপ্রভুরব্যয়ঃ ॥ ৫৯॥

লোকপালোঽন্তর্হিতাত্মা কল্যাদিঃ কমলেক্ষণঃ ।
বেদশাস্ত্রার্থতত্ত্বজ্ঞো নিয়মো নিয়মাশ্রয়ঃ ॥ ৬০॥

চন্দ্রঃ সূর্যঃ শনিঃ কেতুর্বিরামো বিদ্রুমচ্ছবিঃ ।
ভক্তিগম্যঃ পরং ব্রহ্ম মৃগবাণার্পণোঽনঘঃ ॥ ৬১॥

অদ্রিরাজালয়ঃ কান্তঃ পরমাত্মা জগদ্গুরুঃ ।
সর্বকর্মাচলস্ত্বষ্টা মাঙ্গল্যো মঙ্গলাবৃতঃ ॥ ৬২॥

মহাতপা দীর্ঘতপাঃ স্থবিষ্ঠঃ স্থবিরো ধ্রুবঃ ।
অহঃ সংবত্সরো ব্যাপ্তিঃ প্রমাণং পরমং তপঃ ॥ ৬৩॥

সংবত্সরকরো মন্ত্রঃ প্রত্যয়ঃ সর্বদর্শনঃ ।
অজঃ সর্বেশ্বরঃ স্নিগ্ধো মহারেতা মহাবলঃ ॥ ৬৪॥

য়োগী য়োগ্যো মহারেতাঃ সিদ্ধঃ সর্বাদিরগ্নিদঃ ।
বসুর্বসুমনাঃ সত্যঃ সর্বপাপহরো হরঃ ॥ ৬৫॥

অমৃতঃ শাশ্বতঃ শান্তো বাণহস্তঃ প্রতাপবান্ ।
কমণ্ডলুধরো ধন্বী বেদাঙ্গো বেদবিন্মুনিঃ ॥ ৬৬॥

ভ্রাজিষ্ণুর্ভোজনং ভোক্তা লোকনেতা দুরাধরঃ ।
অতীন্দ্রিয়ো মহামায়ঃ সর্বাবাসশ্চতুষ্পথঃ ॥ ৬৭॥

কালয়োগী মহানাদো মহোত্সাহো মহাবলঃ ।
মহাবুদ্ধির্মহাবীর্যো ভূতচারী পুরন্দরঃ ॥ ৬৮॥

নিশাচরঃ প্রেতচারী মহাশক্তির্মহাদ্যুতিঃ ।
অনির্দেশ্যবপুঃ শ্রীমান্সর্বহার্যমিতো গতিঃ ॥ ৬৯॥

বহুশ্রুতো বহুময়ো নিয়তাত্মা ভবোদ্ভবঃ ।
ওজস্তেজো দ্যুতিকরো নর্তকঃ সর্বকামকঃ ॥ ৭০॥

নৃত্যপ্রিয়ো নৃত্যনৃত্যঃ প্রকাশাত্মা প্রতাপনঃ ।
বুদ্ধঃ স্পষ্টাক্ষরো মন্ত্রঃ সন্মানঃ সারসম্প্লবঃ ॥ ৭১॥

য়ুগাদিকৃদ্যুগাবর্তো গম্ভীরো বৃষবাহনঃ ।
ইষ্টো বিশিষ্টঃ শিষ্টেষ্টঃ শরভঃ শরভো ধনুঃ ॥ ৭২॥

অপাংনিধিরধিষ্ঠানং বিজয়ো জয়কালবিত্ ।
প্রতিষ্ঠিতঃ প্রমাণজ্ঞো হিরণ্যকবচো হরিঃ ॥ ৭৩॥

বিরোচনঃ সুরগণো বিদ্যেশো বিবুধাশ্রয়ঃ ।
বালরূপো বলোন্মাথী বিবর্তো গহনো গুরুঃ ॥ ৭৪॥

করণং কারণং কর্তা সর্ববন্ধবিমোচনঃ ।
বিদ্বত্তমো বীতভয়ো বিশ্বভর্তা নিশাকরঃ ॥ ৭৫॥

ব্যবসায়ো ব্যবস্থানঃ স্থানদো জগদাদিজঃ ।
দুন্দুভো ললিতো বিশ্বো ভবাত্মাত্মনিসংস্থিতঃ ॥ ৭৬॥

বীরেশ্বরো বীরভদ্রো বীরহা বীরভৃদ্বিরাট্ ।
বীরচূডামণির্বেত্তা তীব্রনাদো নদীধরঃ ॥ ৭৭॥

আজ্ঞাধারস্ত্রিশূলী চ শিপিবিষ্টঃ শিবালয়ঃ ।
বালখিল্যো মহাচাপস্তিগ্মাংশুর্নিধিরব্যয়ঃ ॥ ৭৮॥

অভিরামঃ সুশরণঃ সুব্রহ্মণ্যঃ সুধাপতিঃ ।
মঘবান্কৌশিকো গোমান্ বিশ্রামঃ সর্বশাসনঃ ॥ ৭৯॥

ললাটাক্ষো বিশ্বদেহঃ সারঃ সংসারচক্রভৃত্ ।
অমোঘদণ্ডী মধ্যস্থো হিরণ্যো ব্রহ্মবর্চসী ॥ ৮০॥

পরমার্থঃ পরময়ঃ শম্বরো ব্যাঘ্রকোঽনলঃ ।
রুচির্বররুচির্বন্দ্যো বাচস্পতিরহর্পতিঃ ॥ ৮১॥

রবির্বিরোচনঃ স্কন্ধঃ শাস্তা বৈবস্বতো জনঃ ।
য়ুক্তিরুন্নতকীর্তিশ্চ শান্তরাগঃ পরাজয়ঃ ॥ ৮২॥

কৈলাসপতিকামারিঃ সবিতা রবিলোচনঃ ।
বিদ্বত্তমো বীতভয়ো বিশ্বহর্তাঽনিবারিতঃ ॥ ৮৩॥

নিত্যো নিয়তকল্যাণঃ পুণ্যশ্রবণকীর্তনঃ ।
দূরশ্রবা বিশ্বসহো ধ্যেয়ো দুঃস্বপ্ননাশনঃ ॥ ৮৪॥

উত্তারকো দুষ্কৃতিহা দুর্ধর্ষো দুঃসহোঽভয়ঃ ।
অনাদির্ভূর্ভুবো লক্ষ্মীঃ কিরীটিত্রিদশাধিপঃ ॥ ৮৫॥

বিশ্বগোপ্তা বিশ্বভর্তা সুধীরো রুচিরাঙ্গদঃ ।
জননো জনজন্মাদিঃ প্রীতিমান্নীতিমান্নয়ঃ ॥ ৮৬॥

বিশিষ্টঃ কাশ্যপো ভানুর্ভীমো ভীমপরাক্রমঃ ।
প্রণবঃ সপ্তধাচারো মহাকায়ো মহাধনুঃ ॥ ৮৭॥

জন্মাধিপো মহাদেবঃ সকলাগমপারগঃ ।
তত্ত্বাতত্ত্ববিবেকাত্মা বিভূষ্ণুর্ভূতিভূষণঃ ॥ ৮৮॥

ঋষির্ব্রাহ্মণবিজ্জিষ্ণুর্জন্মমৃত্যুজরাতিগঃ ।
য়জ্ঞো য়জ্ঞপতির্যজ্বা য়জ্ঞান্তোঽমোঘবিক্রমঃ ॥ ৮৯॥

মহেন্দ্রো দুর্ভরঃ সেনী য়জ্ঞাঙ্গো য়জ্ঞবাহনঃ ।
পঞ্চব্রহ্মসমুত্পত্তির্বিশ্বেশো বিমলোদয়ঃ ॥ ৯০॥

আত্ময়োনিরনাদ্যন্তো ষড্বিংশত্সপ্তলোকধৃক্ ।
গায়ত্রীবল্লভঃ প্রাংশুর্বিশ্বাবাসঃ প্রভাকরঃ ॥ ৯১॥

শিশুর্গিরিরতঃ সম্রাট্ সুষেণঃ সুরশত্রুহা ।
অমোঘোঽরিষ্টমথনো মুকুন্দো বিগতজ্বরঃ ॥ ৯২॥

স্বয়ংজ্যোতিরনুজ্যোতিরাত্মজ্যোতিরচঞ্চলঃ ।
পিঙ্গলঃ কপিলশ্মশ্রুঃ শাস্ত্রনেত্রস্ত্রয়ীতনুঃ ॥ ৯৩॥

জ্ঞানস্কন্ধো মহাজ্ঞানী নিরুত্পত্তিরুপপ্লবঃ ।
ভগো বিবস্বানাদিত্যো য়োগাচার্যো বৃহস্পতিঃ ॥ ৯৪॥

উদারকীর্তিরুদ্যোগী সদ্যোগীসদসন্ময়ঃ ।
নক্ষত্রমালী রাকেশঃ সাধিষ্ঠানঃ ষডাশ্রয়ঃ ॥ ৯৫॥

পবিত্রপাণিঃ পাপারির্মণিপূরো মনোগতিঃ ।
হৃত্পুণ্ডরীকমাসীনঃ শুক্লঃ শান্তো বৃষাকপিঃ ॥ ৯৬॥

বিষ্ণুর্গ্রহপতিঃ কৃষ্ণঃ সমর্থোঽনর্থনাশনঃ ।
অধর্মশত্রুরক্ষয়্যঃ পুরুহূতঃ পুরুষ্টুতঃ ॥ ৯৭॥

ব্রহ্মগর্ভো বৃহদ্গর্ভো ধর্মধেনুর্ধনাগমঃ ।
জগদ্ধিতৈষিসুগতঃ কুমারঃ কুশলাগমঃ ॥ ৯৮॥

হিরণ্যবর্ণো জ্যোতিষ্মান্নানাভূতধরো ধ্বনিঃ ।
অরোগো নিয়মাধ্যক্ষো বিশ্বামিত্রো দ্বিজোত্তমঃ ॥ ৯৯॥

বৃহজ্যোতিঃ সুধামা চ মহাজ্যোতিরনুত্তমঃ ।
মাতামহো মাতরিশ্বা নভস্বান্নাগহারধৃক্ ॥ ১০০॥

পুলস্ত্যঃ পুলহোঽগস্ত্যো জাতূকর্ণ্যঃ পরাশরঃ ।
নিরাবরণধর্মজ্ঞো বিরিঞ্চো বিষ্টরশ্রবাঃ ॥ ১০১॥

আত্মভূরনিরুদ্ধোঽত্রি জ্ঞানমূর্তির্মহায়শাঃ ।
লোকচূডামণির্বীরশ্চণ্ডসত্যপরাক্রমঃ ॥ ১০২॥

ব্যালকল্পো মহাকল্পো মহাবৃক্ষঃ কলাধরঃ ।
অলংকরিষ্ণুস্ত্বচলো রোচিষ্ণুর্বিক্রমোত্তমঃ ॥ ১০৩॥

আশুশব্দপতির্বেগী প্লবনঃ শিখিসারথিঃ ।
অসংসৃষ্টোঽতিথিঃ শক্রঃ প্রমাথী পাপনাশনঃ ॥ ১০৪॥

বসুশ্রবাঃ কব্যবাহঃ প্রতপ্তো বিশ্বভোজনঃ ।
জর্যো জরাধিশমনো লোহিতশ্চ তনূনপাত্ ॥ ১০৫॥

পৃষদশ্বো নভোয়োনিঃ সুপ্রতীকস্তমিস্রহা ।
নিদাঘস্তপনো মেঘঃ পক্ষঃ পরপুরঞ্জয়ঃ ॥ ১০৬॥

মুখানিলঃ সুনিষ্পন্নঃ সুরভিঃ শিশিরাত্মকঃ ।
বসন্তো মাধবো গ্রীষ্মো নভস্যো বীজবাহনঃ ॥ ১০৭॥

অঙ্গিরামুনিরাত্রেয়ো বিমলো বিশ্ববাহনঃ ।
পাবনঃ পুরুজিচ্ছক্রস্ত্রিবিদ্যো নরবাহনঃ ॥ ১০৮॥

মনো বুদ্ধিরহংকারঃ ক্ষেত্রজ্ঞঃ ক্ষেত্রপালকঃ ।
তেজোনিধির্জ্ঞাননিধির্বিপাকো বিঘ্নকারকঃ ॥ ১০৯॥

অধরোঽনুত্তরোজ্ঞেয়ো জ্যেষ্ঠো নিঃশ্রেয়সালয়ঃ ।
শৈলো নগস্তনুর্দোহো দানবারিররিন্দমঃ ॥ ১১০॥

চারুধীর্জনকশ্চারু বিশল্যো লোকশল্যকৃত্ ।
চতুর্বেদশ্চতুর্ভাবশ্চতুরশ্চতুরপ্রিয়ঃ ॥ ১১১॥

আম্নায়োঽথ সমাম্নায়স্তীর্থদেবশিবালয়ঃ ।
বহুরূপো মহারূপঃ সর্বরূপশ্চরাচরঃ ॥ ১১২॥

ন্যায়নির্বাহকো ন্যায়ো ন্যায়গম্যো নিরঞ্জনঃ ।
সহস্রমূর্ধা দেবেন্দ্রঃ সর্বশস্ত্রপ্রভঞ্জনঃ ॥ ১১৩॥

মুণ্ডো বিরূপো বিকৃতো দণ্ডী দান্তো গুণোত্তমঃ ।
পিঙ্গলাক্ষোঽথ হর্যক্ষো নীলগ্রীবো নিরাময়ঃ ॥ ১১৪॥

সহস্রবাহুঃ সর্বেশঃ শরণ্যঃ সর্বলোকভৃত্ ।
পদ্মাসনঃ পরংজ্যোতিঃ পরাবরফলপ্রদঃ ॥ ১১৫॥

পদ্মগর্ভো মহাগর্ভো বিশ্বগর্ভো বিচক্ষণঃ ।
পরাবরজ্ঞো বীজেশঃ সুমুখঃ সুমহাস্বনঃ ॥ ১১৬॥

দেবাসুরগুরুর্দেবো দেবাসুরনমস্কৃতঃ ।
দেবাসুরমহামাত্রো দেবাসুরমহাশ্রয়ঃ ॥ ১১৭॥

দেবাদিদেবো দেবর্ষির্দেবাসুরবরপ্রদঃ ।
দেবাসুরেশ্বরো দিব্যো দেবাসুরমহেশ্বরঃ ॥ ১১৮॥

সর্বদেবময়োঽচিন্ত্যো দেবতাত্মাত্মসম্ভবঃ ।
ঈড্যোঽনীশঃ সুরব্যাঘ্রো দেবসিংহো দিবাকরঃ ॥ ১১৯॥

বিবুধাগ্রবরশ্রেষ্ঠঃ সর্বদেবোত্তমোত্তমঃ ।
শিবজ্ঞানরতঃ শ্রীমান্ শিখিশ্রীপর্বতপ্রিয়ঃ ॥ ১২০॥

জয়স্তম্ভো বিশিষ্টম্ভো নরসিংহনিপাতনঃ ।
ব্রহ্মচারী লোকচারী ধর্মচারী ধনাধিপঃ ॥ ১২১॥

নন্দী নন্দীশ্বরো নগ্নো নগ্নব্রতধরঃ শুচিঃ ।
লিঙ্গাধ্যক্ষঃ সুরাধ্যক্ষো য়ুগাধ্যক্ষো য়ুগাবহঃ ॥ ১২২॥

স্ববশঃ সবশঃ স্বর্গঃ স্বরঃ স্বরময়ঃ স্বনঃ ।
বীজাধ্যক্ষো বীজকর্তা ধনকৃদ্ধর্মবর্ধনঃ ॥ ১২৩॥

দম্ভোঽদম্ভো মহাদম্ভঃ সর্বভূতমহেশ্বরঃ ।
শ্মশাননিলয়স্তিষ্যঃ সেতুরপ্রতিমাকৃতিঃ ॥ ১২৪॥

লোকোত্তরস্ফুটালোকস্ত্র্যম্বকো নাগভূষণঃ ।
অন্ধকারির্মখদ্বেষী বিষ্ণুকন্ধরপাতনঃ ॥ ১২৫॥

বীতদোষোঽক্ষয়গুণো দক্ষারিঃ পূষদন্তহৃত্ ।
ধূর্জটিঃ খণ্ডপরশুঃ সকলো নিষ্কলোঽনঘঃ ॥ ১২৬॥

আধারঃ সকলাধারঃ পাণ্ডুরাভো মৃডো নটঃ ।
পূর্ণঃ পূরয়িতা পুণ্যঃ সুকুমারঃ সুলোচনঃ ॥ ১২৭॥

সামগেয়ঃ প্রিয়করঃ পুণ্যকীর্তিরনাময়ঃ ।
মনোজবস্তীর্থকরো জটিলো জীবিতেশ্বরঃ ॥ ১২৮॥

জীবিতান্তকরো নিত্যো বসুরেতা বসুপ্রিয়ঃ ।
সদ্গতিঃ সত্কৃতিঃ সক্তঃ কালকণ্ঠঃ কলাধরঃ ॥ ১২৯॥

মানী মান্যো মহাকালঃ সদ্ভূতিঃ সত্পরায়ণঃ ।
চন্দ্রসঞ্জীবনঃ শাস্তা লোকগূঢোঽমরাধিপঃ ॥ ১৩০॥

লোকবন্ধুর্লোকনাথঃ কৃতজ্ঞঃ কৃতিভূষণঃ ।
অনপায়্যক্ষরঃ কান্তঃ সর্বশাস্ত্রভৃতাং বরঃ ॥ ১৩১॥

তেজোময়ো দ্যুতিধরো লোকমায়োঽগ্রণীরণুঃ ।
শুচিস্মিতঃ প্রসন্নাত্মা দুর্জয়ো দুরতিক্রমঃ ॥ ১৩২॥

জ্যোতির্ময়ো নিরাকারো জগন্নাথো জলেশ্বরঃ ।
তুম্ববীণী মহাকায়ো বিশোকঃ শোকনাশনঃ ॥ ১৩৩॥

ত্রিলোকাত্মা ত্রিলোকেশঃ শুদ্ধঃ শুদ্ধিরথাক্ষজঃ ।
অব্যক্তলক্ষণোঽব্যক্তো ব্যক্তাব্যক্তো বিশাম্পতিঃ ॥ ১৩৪॥

বরশীলো বরতুলো মানো মানধনো ময়ঃ ।
ব্রহ্মা বিষ্ণুঃ প্রজাপালো হংসো হংসগতির্যমঃ ॥ ১৩৫॥

বেধা ধাতা বিধাতা চ অত্তা হর্তা চতুর্মুখঃ ।
কৈলাসশিখরাবাসী সর্বাবাসী সতাং গতিঃ ॥ ১৩৬॥

হিরণ্যগর্ভো হরিণঃ পুরুষঃ পূর্বজঃ পিতা ।
ভূতালয়ো ভূতপতির্ভূতিদো ভুবনেশ্বরঃ ॥ ১৩৭॥

সংয়োগী য়োগবিদ্ব্রহ্মা ব্রহ্মণ্যো ব্রাহ্মণপ্রিয়ঃ ।
দেবপ্রিয়ো দেবনাথো দেবজ্ঞো দেবচিন্তকঃ ॥ ১৩৮॥

বিষমাক্ষঃ কলাধ্যক্ষো বৃষাঙ্কো বৃষবর্ধনঃ ।
নির্মদো নিরহংকারো নির্মোহো নিরুপদ্রবঃ ॥ ১৩৯॥

দর্পহা দর্পিতো দৃপ্তঃ সর্বর্তুপরিবর্তকঃ ।
সপ্তজিহ্বঃ সহস্রার্চিঃ স্নিগ্ধঃ প্রকৃতিদক্ষিণঃ ॥ ১৪০॥

ভূতভব্যভবন্নাথঃ প্রভবো ভ্রান্তিনাশনঃ ।
অর্থোঽনর্থো মহাকোশঃ পরকার্যৈকপণ্ডিতঃ ॥ ১৪১॥

নিষ্কণ্টকঃ কৃতানন্দো নির্ব্যাজো ব্যাজমর্দনঃ ।
সত্ত্ববান্সাত্ত্বিকঃ সত্যকীর্তিস্তম্ভকৃতাগমঃ ॥ ১৪২॥

অকম্পিতো গুণগ্রাহী নৈকাত্মা নৈককর্মকৃত্ ।
সুপ্রীতঃ সুমুখঃ সূক্ষ্মঃ সুকরো দক্ষিণোঽনলঃ ॥ ১৪৩॥

স্কন্ধঃ স্কন্ধধরো ধুর্যঃ প্রকটঃ প্রীতিবর্ধনঃ ।
অপরাজিতঃ সর্বসহো বিদগ্ধঃ সর্ববাহনঃ ॥ ১৪৪॥

অধৃতঃ স্বধৃতঃ সাধ্যঃ পূর্তমূর্তির্যশোধরঃ ।
বরাহশৃঙ্গধৃগ্বায়ুর্বলবানেকনায়কঃ ॥ ১৪৫॥

শ্রুতিপ্রকাশঃ শ্রুতিমানেকবন্ধুরনেকধৃক্ ।
শ্রীবল্লভশিবারম্ভঃ শান্তভদ্রঃ সমঞ্জসঃ ॥ ১৪৬॥

ভূশয়ো ভূতিকৃদ্ভূতির্ভূষণো ভূতবাহনঃ ।
অকায়ো ভক্তকায়স্থঃ কালজ্ঞানী কলাবপুঃ ॥ ১৪৭॥

সত্যব্রতমহাত্যাগী নিষ্ঠাশান্তিপরায়ণঃ ।
পরার্থবৃত্তির্বরদো বিবিক্তঃ শ্রুতিসাগরঃ ॥ ১৪৮॥

অনির্বিণ্ণো গুণগ্রাহী কলঙ্কাঙ্কঃ কলঙ্কহা ।
স্বভাবরুদ্রো মধ্যস্থঃ শত্রুঘ্নো মধ্যনাশকঃ ॥ ১৪৯॥

শিখণ্ডী কবচী শূলী চণ্ডী মুণ্ডী চ কুণ্ডলী ।
মেখলী কবচী খড্গী মায়ী সংসারসারথিঃ ॥ ১৫০॥

অমৃত্যুঃ সর্বদৃক্ সিংহস্তেজোরাশির্মহামণিঃ ।
অসংখ্যেয়োঽপ্রমেয়াত্মা বীর্যবান্কার্যকোবিদঃ ॥ ১৫১॥

বেদ্যো বেদার্থবিদ্গোপ্তা সর্বাচারো মুনীশ্বরঃ ।
অনুত্তমো দুরাধর্ষো মধুরঃ প্রিয়দর্শনঃ ॥ ১৫২॥

সুরেশঃ শরণং সর্বঃ শব্দব্রহ্মসতাং গতিঃ ।
কালভক্ষঃ কলঙ্কারিঃ কঙ্কণীকৃতবাসুকিঃ ॥ ১৫৩॥

মহেষ্বাসো মহীভর্তা নিষ্কলঙ্কো বিশৃঙ্খলঃ ।
দ্যুমণিস্তরণির্ধন্যঃ সিদ্ধিদঃ সিদ্ধিসাধনঃ ॥ ১৫৪॥

নিবৃত্তঃ সংবৃতঃ শিল্পো ব্যূঢোরস্কো মহাভুজঃ ।
একজ্যোতির্নিরাতঙ্কো নরো নারায়ণপ্রিয়ঃ ॥ ১৫৫॥

নির্লেপো নিষ্প্রপঞ্চাত্মা নির্ব্যগ্রো ব্যগ্রনাশনঃ ।
স্তব্যস্তবপ্রিয়ঃ স্তোতা ব্যাসমূর্তিরনাকুলঃ ॥ ১৫৬॥

নিরবদ্যপদোপায়ো বিদ্যারাশিরবিক্রমঃ ।
প্রশান্তবুদ্ধিরক্ষুদ্রঃ ক্ষুদ্রহা নিত্যসুন্দরঃ ॥ ১৫৭॥

ধৈর্যাগ্র্যধুর্যো ধাত্রীশঃ শাকল্যঃ শর্বরীপতিঃ ।
পরমার্থগুরুর্দৃষ্টির্গুরুরাশ্রিতবত্সলঃ ॥ ১৫৮॥

রসো রসজ্ঞঃ সর্বজ্ঞঃ সর্বসত্ত্বাবলম্বনঃ ।
সূত উবাচ –
এবং নাম্নাং সহস্রেণ তুষ্টাব বৃষভধ্বজম্ ॥ ১৫৯॥

স্নাপয়ামাস চ বিভুঃ পূজয়ামাস পঙ্কজৈঃ ।
পরীক্ষার্থং হরেঃ পূজাকমলেষু মহেশ্বরঃ ॥ ১৬০॥

গোপয়ামাসকমলং তদৈকং ভুবনেশ্বরঃ ।
হৃতপুষ্পো হরিস্তত্র কিমিদং ত্বভ্যচিন্তয়ন্ ॥ ১৬১॥

জ্ঞাত্বা স্বনেত্রমুদ্ধৃত্য সর্বসত্ত্বাবলম্বনম্ ।
পূজয়ামাস ভাবেন নাম্না তেন জগদ্গুরুম্ ॥ ১৬২॥

ততস্তত্র বিভুর্দৃষ্ট্বা তথাভূতং হরো হরিম্ ।
তস্মাদবততারাশু মণ্ডলাত্পাবকস্য চ ॥ ১৬৩॥

কোটিভাস্করসংকাশং জটামুকুটমণ্ডিতম্ ।
জ্বালামালাবৃতং দিব্যং তীক্ষ্ণদংষ্ট্রং ভয়ঙ্করম্ ॥ ১৬৪॥

শূলটঙ্কগদাচক্রকুন্তপাশধরং হরম্ ।
বরদাভয়হস্তং চ দীপিচর্মোত্তরীয়কম্ ॥ ১৬৫॥

ইত্থম্ভূতং তদা দৃষ্ট্বা ভবং ভস্মবিভূষিতম্ ।
হৃষ্টো নমশ্চকারাশু দেবদেবং জনার্দনঃ ॥ ১৬৬॥

দুদ্রুবুস্তং পরিক্রম্য সেন্দ্রা দেবাস্ত্রিলোচনম্ ।
চচাল ব্রহ্মভুবনং চকম্পে চ বসুন্ধরা ॥ ১৬৭॥

দদাহ তেজস্তচ্ছম্ভোঃ প্রান্তং বৈ শতয়োজনম্ ।
অধস্তাচ্চোর্ধ্বতশ্চৈব হাহেত্যকৃত ভূতলে ॥ ১৬৮॥

তদা প্রাহ মহাদেবঃ প্রহসন্নিব শঙ্করঃ ।
সম্প্রেক্ষ্য প্রণয়াদ্বিষ্ণুং কৃতাঞ্জলিপুটং স্থিতম্ ॥ ১৬৯॥

জ্ঞাতং ময়েদমধুনা দেবকার্যং জনার্দন ।
সুদর্শনাখ্যং চক্রং চ দদামি তব শোভনম্ ॥ ১৭০॥

য়দ্রূপং ভবতা দৃষ্টং সর্বলোকভয়ঙ্করম্ ।
হিতায় তব য়ত্নেন তব ভাবায় সুব্রত ॥ ১৭১॥

শান্তং রণাজিরে বিষ্ণো দেবানাং দুঃখসাধনম্ ।
শান্তস্য চাস্ত্রং শান্তং স্যাচ্ছান্তেনাস্ত্রেণ কিং ফলম্ ॥

১৭২॥

শান্তস্য সমরে চাস্ত্রং শান্তিরেব তপস্বিনাম্ ।
য়োদ্ধুঃ শান্ত্যা বলচ্ছেদঃ পরস্য বলবৃদ্ধিদঃ ॥ ১৭৩॥

দেবৈরশান্তৈর্যদ্রূপং মদীয়ং ভাবয়াব্যয়ম্ ।
কিমায়ুধেন কার্যং বৈ য়োদ্ধুং দেবারিসূদন ॥ ১৭৪॥

ক্ষমা য়ুধি ন কার্যং বৈ য়োদ্ধুং দেবারিসূদন ।
অনাগতে ব্যতীতে চ দৌর্বল্যে স্বজনোত্করে ॥ ১৭৫॥

অকালিকে ত্বধর্মে চ অনর্থেবারিসূদন ।
এবমুক্ত্বা দদৌ চক্রং সূর্যায়ুতসমপ্রভম্ ॥ ১৭৬॥

নেত্রং চ নেতা জগতাং প্রভুর্বৈ পদ্মসন্নিভম্ ।
তদাপ্রভৃতি তং প্রাহুঃ পদ্মাক্ষমিতি সুব্রতম্ ॥ ১৭৭॥

দত্ত্বৈনং নয়নং চক্রং বিষ্ণবে নীললোহিতঃ ।
পস্পর্শ চ করাভ্যাং বৈ সুশুভাভ্যামুবাচ হ ॥ ১৭৮॥

বরদোহং বরশ্রেষ্ঠ বরান্বরয় চেপ্সিতান্ ।
ভক্ত্যা বশীকৃতো নূনং ত্বয়াহং পুরুষোত্তম ॥ ১৭৯॥

ইত্যুক্তো দেবদেবেন দেবদেবং প্রণম্য তম্ ।
ত্বয়ি ভক্তির্মহাদেব প্রসীদ বরমুত্তমম্ ॥ ১৮০॥

নান্যমিচ্ছামি ভক্তানামার্তয়ো নাস্তি য়ত্প্রভো ।
তচ্ছ্রুত্বা বচনং তস্য দয়াবান্ সুতরাং ভবঃ ॥ ১৮১॥

পস্পর্শ চ দদৌ তস্মৈ শ্রদ্ধাং শীতাংশুভূষণঃ ।
প্রাহ চৈবং মহাদেবঃ পরমাত্মানমচ্যুতম্ ॥ ১৮২॥

ময়ি ভক্তশ্চ বন্দ্যশ্চ পূজ্যশ্চৈব সুরাসুরৈঃ ।
ভবিষ্যতি ন সংদেহো মত্প্রসাদাত্সুরোত্তম ॥ ১৮৩॥

য়দা সতী দক্ষপুত্রী বিনিন্দ্যেব সুলোচনা ।
মাতরং পিতরং দক্ষং ভবিষ্যতি সুরেশ্বরী ॥ ১৮৪॥

দিব্যা হৈমবতী বিষ্ণো তদা ত্বমপি সুব্রত ।
ভগিনীং তব কল্যাণীং দেবীং হৈমবতীমুমাম্ ॥ ১৮৫॥

নিয়োগাদ্ব্রহ্মণঃ সাধ্বীং প্রদাস্যসি মমৈব তাম্ ।
মত্সম্বন্ধী চ লোকানাং মধ্যে পূজ্যো ভবিষ্যসি ॥ ১৮৬॥

মাং দিব্যেন চ ভাবেন তদা প্রভৃতি শঙ্করম্ ।
দ্রক্ষ্যসে চ প্রসন্নেন মিত্রভূতমিবাত্মনা ॥ ১৮৭॥

ইত্যুক্ত্বান্তর্দধে রুদ্রো ভগবান্নীললোহিতঃ ।
জনার্দনোপি ভগবান্দেবানামপি সন্নিধৌ ॥ ১৮৮॥

অয়াচত মহাদেবং ব্রহ্মাণং মুনিভিঃ সমম্ ।
ময়া প্রোক্তং স্তবং দিব্যং পদ্ময়োনে সুশোভনম্ ॥ ১৮৯॥

য়ঃ পঠেচ্ছৃণুয়াদ্বাপি শ্রাবয়েদ্বা দ্বিজোত্তমান্ ।
প্রতিনাম্নি হিরণ্যস্য দত্তস্য ফলমাপ্নুয়াত্ ॥ ১৯০॥

অশ্বমেধসহস্রেণ ফলং ভবতি তস্য বৈ ।
ঘৃতাদ্যৈঃ স্নাপয়েদ্রুদ্রং স্থাল্যা বৈ কলশৈঃ শুভৈঃ ॥ ১৯১॥

নাম্নাং সহস্রেণানেন শ্রদ্ধয়া শিবমীশ্বরম্ ।
সোপি য়জ্ঞসহস্রস্য ফলং লব্ধ্বা সুরেশ্বরৈঃ ॥ ১৯২॥

পূজ্যো ভবতি রুদ্রস্য প্রীতির্ভবতি তস্য বৈ ।
তথাস্ত্বিতি তথা প্রাহ পদ্ময়োনের্জনার্দনম্ ॥ ১৯৩॥

জগ্মতুঃ প্রণিপত্যৈনং দেবদেবং জগদ্গুরুম্ ।
তস্মান্নাম্নাং সহস্রেণ পূজয়েদনঘো দ্বিজাঃ ॥ ১৯৪॥

জপীন্নাম্নাং সহস্রং চ স য়াতি পরমাং গতিম্ ॥ ১৯৫॥

॥ ইতি শ্রীলিঙ্গমহাপুরাণে পূর্বভাগে সহস্রনামভিঃ
পূজনাদ্বিষ্ণুচক্রলাভো নামাষ্টনবতিতমোধ্যায়ঃ ॥

Also Read:

1000 Names of Shiva from Lingapurana Lyrics Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil