1008 - Sahasranamavali Shiva Stotram

1000 Names of Shiva from Lingapurana Lyrics in Oriya

Shiva Sahasranama Stotram from Lingapurana in Oriya:

॥ ଶ୍ରୀଶିଵସହସ୍ରନାମସ୍ତୋତ୍ରମ୍ ଲିଂଗପୁରାଣାନ୍ତର୍ଗତ ॥

ଅଥ ଲିଙ୍ଗପୁରାଣାନ୍ତର୍ଗତ-ଶ୍ରୀଶିଵସହସ୍ରନାମସ୍ତୋତ୍ରମନ୍ତ୍ରୈଃ
ଅଭିଷେକଃ ।
ଓଂ ।
ଋଷୟ ଊଚୁଃ –
କଥଂ ଦେଵେନ ଵୈ ସୂତ ଦେଵଦେଵାନ୍ମହେଶ୍ଵରାତ୍ ।
ସୁଦର୍ଶନାଖ୍ୟଂ ଵୈ ଲବ୍ଧଂ ଵକ୍ତୁମର୍ହସି ଵିଷ୍ଣୁନା ॥ ୧ ॥

ସୂତ ଉଵାଚ –
ଦେଵାନାମସୁରେନ୍ଦ୍ରାଣାମଭଵଚ୍ଚ ସୁଦାରୁଣଃ ।
ସର୍ଵେଷାମେଵ ଭୂତାନାଂ ଵିନାଶକରଣୋ ମହାନ୍ ॥ ୨ ॥

ତେ ଦେଵାଃ ଶକ୍ତିମୁଶଲୈଃ ସାୟକୈର୍ନତପର୍ଵଭିଃ ।
ପ୍ରଭିଦ୍ୟମାନାଃ କୁନ୍ତୈଶ୍ଚ ଦୁଦ୍ରୁଵୁର୍ଭୟଵିହ୍ଵଲାଃ ॥ ୩ ॥

ପରାଜିତାସ୍ତଦା ଦେଵା ଦେଵଦେଵେଶ୍ଵରଂ ହରିମ୍ ।
ପ୍ରଣେମୁସ୍ତଂ ସୁରେଶାନଂ ଶୋକସଂଵିଗ୍ନମାନସାଃ ॥ ୪ ॥

ତାନ୍ ସମୀକ୍ଷ୍ୟାଥ ଭଗଵାନ୍ଦେଵଦେଵେଶ୍ଵରୋ ହରିଃ ।
ପ୍ରଣିପତ୍ୟ ସ୍ଥିତାନ୍ଦେଵାନିଦଂ ଵଚନମବ୍ରଵୀତ୍ ॥ ୫ ॥

ଵତ୍ସାଃ କିମିତି ଵୈ ଦେଵାଶ୍ଚ୍ୟୁତାଲଙ୍କାରଵିକ୍ରମାଃ ।
ସମାଗତାଃ ସସଂତାପା ଵକ୍ତୁମର୍ହଥ ସୁଵ୍ରତାଃ ॥ ୬ ॥

ତସ୍ୟ ତଦ୍ଵଚନଂ ଶ୍ରୁତ୍ଵା ତଥାଭୂତାଃ ସୁରୋତ୍ତମାଃ ।
ପ୍ରଣମ୍ୟାହୁର୍ୟଥାଵୃତ୍ତଂ ଦେଵଦେଵାୟ ଵିଷ୍ଣଵେ ॥ ୭ ॥

ଭଗଵନ୍ଦେଵଦେଵେଶ ଵିଷ୍ଣୋ ଜିଷ୍ଣୋ ଜନାର୍ଦନ ।
ଦାନଵୈଃ ପୀଡିତାଃ ସର୍ଵେ ଵୟଂ ଶରଣମାଗତାଃ ॥ ୮ ॥

ତ୍ଵମେଵ ଦେଵଦେଵେଶ ଗତିର୍ନଃ ପୁରୁଷୋତ୍ତମ ।
ତ୍ଵମେଵ ପରମାତ୍ମା ହି ତ୍ଵଂ ପିତା ଜଗତାମପି ॥ ୯ ॥

ତ୍ଵମେଵ ଭର୍ତା ହର୍ତା ଚ ଭୋକ୍ତା ଦାତା ଜନାର୍ଦନ ।
ହନ୍ତୁମର୍ହସି ତସ୍ମାତ୍ତ୍ଵଂ ଦାନଵାନ୍ଦାନଵାର୍ଦନ ॥ ୧୦ ॥

ଦୈତ୍ୟାଶ୍ଚ ଵୈଷ୍ଣଵୈର୍ବ୍ରାହ୍ମୈ ରୌଦ୍ରୈର୍ୟାମ୍ୟୈଃ ସୁଦାରୁଣୈଃ ।
କୌବେରୈଶ୍ଚୈଵ ସୌମ୍ୟୈଶ୍ଚ ନୈରୃତ୍ୟୈର୍ଵାରୁଣୈର୍ଦୃଢୈଃ ॥ ୧୧ ॥

ଵାୟଵ୍ୟୈଶ୍ଚ ତଥାଗ୍ନେୟୈରୈଶାନୈର୍ଵାର୍ଷିକୈଃ ଶୁଭୈଃ ।
ସୌରୈ ରୌଦ୍ରୈସ୍ତଥା ଭୀମୈଃ କମ୍ପନୈର୍ଜୃମ୍ଭଣୈର୍ଦୃଢୈଃ ॥ ୧୨ ॥

ଅଵଧ୍ୟା ଵରଲାଭାତ୍ତେ ସର୍ଵେ ଵାରିଜଲୋଚନ ।
ସୂର୍ୟମଣ୍ଡଲସମ୍ଭୂତଂ ତ୍ଵଦୀୟଂ ଚକ୍ରମୁଦ୍ୟତମ୍ ॥ ୧୩ ॥

କୁଣ୍ଠିତଂ ହି ଦଧୀଚେନ ଚ୍ୟାଵନେନ ଜଗଦ୍ଗୁରୋ ।
ଦଣ୍ଡଂ ଶାର୍ଙ୍ଗଂ ତଵାସ୍ତ୍ରଂ ଚ ଲବ୍ଧଂ ଦୈତ୍ୟୈଃ ପ୍ରସାଦତଃ ॥

୧୪ ॥

ପୁରା ଜଲନ୍ଧରଂ ହନ୍ତୁଂ ନିର୍ମିତଂ ତ୍ରିପୁରାରିଣା ।
ରଥାଙ୍ଗଂ ସୁଶିତଂ ଘୋରଂ ତେନ ତାନ୍ ହନ୍ତୁମର୍ହସି ॥ ୧୫ ॥

ତସ୍ମାତ୍ତେନ ନିହନ୍ତଵ୍ୟା ନାନ୍ୟୈଃ ଶସ୍ତ୍ରଶତୈରପି ।
ତତୋ ନିଶମ୍ୟ ତେଷାଂ ଵୈ ଵଚନଂ ଵାରିଜେକ୍ଷଣଃ ॥ ୧୬ ॥

ଵାଚସ୍ପତିମୁଖାନାହ ସ ହରିଶ୍ଚକ୍ରଭୃତ୍ସ୍ଵୟମ୍ ।
ଶ୍ରୀଵିଷ୍ଣୁରୁଵାଚ –
ଭୋଭୋ ଦେଵା ମହାଦେଵଂ ସର୍ଵୈର୍ଦେଵୈଃ ସନାତନୈଃ ॥ ୧୭ ॥

ସମ୍ପ୍ରାପ୍ୟ ସାମ୍ପ୍ରତଂ ସର୍ଵଂ କରିଷ୍ୟାମି ଦିଵୌକସାମ୍ ।
ଦେଵା ଜଲଂଧରଂ ହନ୍ତୁଂ ନିର୍ମିତଂ ହି ପୁରାରିଣା ॥ ୧୮ ॥

ଲବ୍ଧ୍ଵା ରଥାଙ୍ଗଂ ତେନୈଵ ନିହତ୍ୟ ଚ ମହାସୁରାନ୍ ।
ସର୍ଵାନ୍ଧୁନ୍ଧୁମୁଖାନ୍ଦୈତ୍ୟାନଷ୍ଟଷଷ୍ଟିଶତାନ୍ସୁରାନ୍ ॥ ୧୯ ॥

ସବାନ୍ଧଵାନ୍କ୍ଷଣାଦେଵ ୟୁଷ୍ମାନ୍ ସଂତାରୟାମ୍ୟହମ୍ ।
ସୂତ ଉଵାଚ –
ଏଵମୁକ୍ତ୍ଵା ସୁରଶ୍ରେଷ୍ଠାନ୍ ସୁରଶ୍ରେଷ୍ଠମନୁସ୍ମରନ୍ ॥ ୨୦ ॥

ସୁରଶ୍ରେଷ୍ଠସ୍ତଦା ଶ୍ରେଷ୍ଠଂ ପୂଜୟାମାସ ଶଙ୍କରମ୍ ।
ଲିଙ୍ଗଂ ସ୍ଥାପ୍ୟ ୟଥାନ୍ୟାୟଂ ହିମଵଚ୍ଛିଖରେ ଶୁଭେ ॥ ୨୧ ॥

ମେରୁପର୍ଵତସଂକାଶଂ ନିର୍ମିତଂ ଵିଶ୍ଵକର୍ମଣା ।
ତ୍ଵରିତାଖ୍ୟେନ ରୁଦ୍ରେଣ ରୌଦ୍ରେଣ ଚ ଜନାର୍ଦନଃ ॥ ୨୨ ॥

ସ୍ନାପ୍ୟ ସମ୍ପୂଜ୍ୟ ଗନ୍ଧାଦ୍ୟୈର୍ଜ୍ଵାଲାକାରଂ ମନୋରମମ୍ ।
ତୁଷ୍ଟାଵ ଚ ତଦା ରୁଦ୍ରଂ ସମ୍ପୂଜ୍ୟାଗ୍ନୌ ପ୍ରଣମ୍ୟ ଚ ॥ ୨୩ ॥

ଦେଵଂ ନାମ୍ନାଂ ସହସ୍ରେଣ ଭଵାଦ୍ୟେନ ୟଥାକ୍ରମମ୍ ।
ପୂଜୟାମାସ ଚ ଶିଵଂ ପ୍ରଣଵାଦ୍ୟଂ ନମୋନ୍ତକମ୍ ॥ ୨୪ ॥

ଦେଵଂ ନାମ୍ନାଂ ସହସ୍ରେଣ ଭଵାଦ୍ୟେନ ମହେଶ୍ଵରମ୍ ।
ପ୍ରତିନାମ ସପଦ୍ମେନ ପୂଜୟାମାସ ଶଙ୍କରମ୍ ॥ ୨୫ ॥

ଅଗ୍ନୌ ଚ ନାମଭିର୍ଦେଵଂ ଭଵାଦ୍ୟୈଃ ସମିଦାଦିଭିଃ ।
ସ୍ଵାହାନ୍ତୈର୍ଵିଧିଵଦ୍ଧୁତ୍ଵା ପ୍ରତ୍ୟେକମୟୁତଂ ପ୍ରଭୁମ୍ ॥ ୨୬ ॥

ତୁଷ୍ଟାଵ ଚ ପୁନଃ ଶମ୍ଭୁଂ ଭଵାଦ୍ୟୈର୍ଭଵମୀଶ୍ଵରମ୍ ।
ଶ୍ରୀ ଵିଷ୍ଣୁରୁଵାଚ –
ଭଵଃ ଶିଵୋ ହରୋ ରୁଦ୍ରଃ ପୁରୁଷଃ ପଦ୍ମଲୋଚନଃ ॥ ୨୭ ॥

ଅର୍ଥିତଵ୍ୟଃ ସଦାଚାରଃ ସର୍ଵଶମ୍ଭୁର୍ମହେଶ୍ଵରଃ ।
ଈଶ୍ଵରଃ ସ୍ଥାଣୁରୀଶାନଃ ସହସ୍ରାକ୍ଷଃ ସହସ୍ରପାତ୍ ॥ ୨୮ ॥

ଵରୀୟାନ୍ ଵରଦୋ ଵନ୍ଦ୍ୟଃ ଶଙ୍କରଃ ପରମେଶ୍ଵରଃ ।
ଗଙ୍ଗାଧରଃ ଶୂଲଧରଃ ପରାର୍ଥୈକପ୍ରୟୋଜନଃ ॥ ୨୯ ॥

ସର୍ଵଜ୍ଞଃ ସର୍ଵଦେଵାଦିଗିରିଧନ୍ଵା ଜଟାଧରଃ ।
ଚନ୍ଦ୍ରାପୀଡଶ୍ଚନ୍ଦ୍ରମୌଲିର୍ଵିଦ୍ଵାନ୍ଵିଶ୍ଵାମରେଶ୍ଵରଃ ॥ ୩୦ ॥

ଵେଦାନ୍ତସାରସନ୍ଦୋହଃ କପାଲୀ ନୀଲଲୋହିତଃ ।
ଧ୍ୟାନାଧାରୋଽପରିଚ୍ଛେଦ୍ୟୋ ଗୌରୀଭର୍ତା ଗଣେଶ୍ଵରଃ ॥ ୩୧ ॥

ଅଷ୍ଟମୂର୍ତିର୍ଵିଶ୍ଵମୂର୍ତିସ୍ତ୍ରିଵର୍ଗଃ ସ୍ଵର୍ଗସାଧନଃ ।
ଜ୍ଞାନଗମ୍ୟୋ ଦୃଢପ୍ରଜ୍ଞୋ ଦେଵଦେଵସ୍ତ୍ରିଲୋଚନଃ ॥ ୩୨ ॥

ଵାମଦେଵୋ ମହାଦେଵଃ ପାଣ୍ଡୁଃ ପରିଦୃଢୋ ଦୃଢଃ ।
ଵିଶ୍ଵରୂପୋ ଵିରୂପାକ୍ଷୋ ଵାଗୀଶଃ ଶୁଚିରନ୍ତରଃ ॥ ୩୩ ॥

ସର୍ଵପ୍ରଣୟସଂଵାଦୀଵୃଷାଙ୍କୋ ଵୃଷଵାହନଃ ।
ଈଶଃ ପିନାକୀ ଖଟ୍ଵାଙ୍ଗୀ ଚିତ୍ରଵେଷଶ୍ଚିରନ୍ତନଃ ॥ ୩୪ ॥

ତମୋହରୋ ମହାୟୋଗୀ ଗୋପ୍ତା ବ୍ରହ୍ମାଙ୍ଗହୃଜ୍ଜଟୀ ।
କାଲକାଲଃ କୃତ୍ତିଵାସାଃ ସୁଭଗଃ ପ୍ରଣଵାତ୍ମକଃ ॥ ୩୫ ॥

ଉନ୍ମତ୍ତଵେଷଶ୍ଚକ୍ଷୁଷ୍ୟୋଦୁର୍ଵାସାଃ ସ୍ମରଶାସନଃ ।
ଦୃଢାୟୁଧଃ ସ୍କନ୍ଦଗୁରୁଃ ପରମେଷ୍ଠୀ ପରାୟଣଃ ॥ ୩୬ ॥

ଅନାଦିମଧ୍ୟନିଧନୋ ଗିରିଶୋ ଗିରିବାନ୍ଧଵଃ ।
କୁବେରବନ୍ଧୁଃ ଶ୍ରୀକଣ୍ଠୋ ଲୋକଵର୍ଣୋତ୍ତମୋତ୍ତମଃ ॥ ୩୭ ॥

ସାମାନ୍ୟଦେଵଃ କୋଦଣ୍ଡୀ ନୀଲକଣ୍ଠଃ ପରଶ୍ଵଧୀ ।
ଵିଶାଲାକ୍ଷୋ ମୃଗଵ୍ୟାଧଃ ସୁରେଶଃ ସୂର୍ୟତାପନଃ ॥ ୩୮ ॥

ଧର୍ମକର୍ମାକ୍ଷମଃ କ୍ଷେତ୍ରଂ ଭଗଵାନ୍ ଭଗନେତ୍ରଭିତ୍ ।
ଉଗ୍ରଃ ପଶୁପତିସ୍ତାର୍କ୍ଷ୍ୟପ୍ରିୟଭକ୍ତଃ ପ୍ରିୟଂଵଦଃ ॥ ୩୯ ॥

ଦାତା ଦୟାକରୋ ଦକ୍ଷଃ କପର୍ଦୀ କାମଶାସନଃ ।
ଶ୍ମଶାନନିଲୟଃ ସୂକ୍ଷ୍ମଃ ଶ୍ମଶାନସ୍ଥୋ ମହେଶ୍ଵରଃ ॥ ୪୦ ॥

ଲୋକକର୍ତା ଭୂତପତିର୍ମହାକର୍ତା ମହୌଷଧୀ ।
ଉତ୍ତରୋ ଗୋପତିର୍ଗୋପ୍ତା ଜ୍ଞାନଗମ୍ୟଃ ପୁରାତନଃ ॥ ୪୧ ॥

ନୀତିଃ ସୁନୀତିଃ ଶୁଦ୍ଧାତ୍ମା ସୋମସୋମରତଃ ସୁଖୀ ।
ସୋମପୋଽମୃତପଃ ସୋମୋ ମହାନୀତିର୍ମହାମତିଃ ॥ ୪୨ ॥

ଅଜାତଶତ୍ରୁରାଲୋକଃ ସମ୍ଭାଵ୍ୟୋ ହଵ୍ୟଵାହନଃ ।
ଲୋକକାରୋ ଵେଦକାରଃ ସୂତ୍ରକାରଃ ସନାତନଃ ॥ ୪୩ ॥

ମହର୍ଷିଃ କପିଲାଚାର୍ୟୋ ଵିଶ୍ଵଦୀପ୍ତିସ୍ତ୍ରିଲୋଚନଃ ।
ପିନାକପାଣିଭୂଦେଵଃ ସ୍ଵସ୍ତିଦଃ ସ୍ଵସ୍ତିକୃତ୍ସଦା ॥ ୪୪ ॥

ତ୍ରିଧାମା ସୌଭଗଃ ଶର୍ଵଃ ସର୍ଵଜ୍ଞଃ ସର୍ଵଗୋଚରଃ ।
ବ୍ରହ୍ମଧୃଗ୍ଵିଶ୍ଵସୃକ୍ସ୍ଵର୍ଗଃ କର୍ଣିକାରଃ ପ୍ରିୟଃ କଵିଃ ॥ ୪୫ ॥

ଶାଖୋ ଵିଶାଖୋ ଗୋଶାଖଃ ଶିଵୋନୈକଃ କ୍ରତୁଃ ସମଃ ।
ଗଙ୍ଗାପ୍ଲଵୋଦକୋ ଭାଵଃ ସକଲସ୍ଥପତିସ୍ଥିରଃ ॥ ୪୬ ॥

ଵିଜିତାତ୍ମା ଵିଧେୟାତ୍ମା ଭୂତଵାହନସାରଥିଃ ।
ସଗଣୋ ଗଣକାର୍ୟଶ୍ଚ ସୁକୀର୍ତିଶ୍ଛିନ୍ନସଂଶୟଃ ॥ ୪୭ ॥

କାମଦେଵଃ କାମପାଲୋ ଭସ୍ମୋଦ୍ଧୂଲିତଵିଗ୍ରଃ ।
ଭସ୍ମପ୍ରିୟୋ ଭସ୍ମଶାୟୀ କାମୀ କାନ୍ତଃ କୃତାଗମଃ ॥ ୪୮ ॥

ସମାୟୁକ୍ତୋ ନିଵୃତ୍ତାତ୍ମା ଧର୍ମୟୁକ୍ତଃ ସଦାଶିଵଃ ।
ଚତୁର୍ମୁଖଶ୍ଚତୁର୍ବାହୁର୍ଦୁରାଵାସୋ ଦୁରାସଦଃ ॥ ୪୯ ॥

ଦୁର୍ଗମୋ ଦୁର୍ଲଭୋ ଦୁର୍ଗଃ ସର୍ଵାୟୁଧଵିଶାରଦଃ ।
ଅଧ୍ୟାତ୍ମୟୋଗନିଲୟଃ ସୁତନ୍ତୁସ୍ତନ୍ତୁଵର୍ଧନଃ ॥ ୫୦ ॥

ଶୁଭାଙ୍ଗୋ ଲୋକସାରଙ୍ଗୋ ଜଗଦୀଶୋଽମୃତାଶନଃ ।
ଭସ୍ମଶୁଦ୍ଧିକରୋ ମେରୁରୋଜସ୍ଵୀ ଶୁଦ୍ଧଵିଗ୍ରହଃ ॥ ୫୧ ॥

ହିରଣ୍ୟରେତାସ୍ତରଣିର୍ମରୀଚିର୍ମହିମାଲୟଃ ।
ମହାହ୍ରଦୋ ମହାଗର୍ଭଃ ସିଦ୍ଧଵୃନ୍ଦାରଵନ୍ଦିତଃ ॥ ୫୨ ॥

ଵ୍ୟାଘ୍ରଚର୍ମଧରୋ ଵ୍ୟାଲୀ ମହାଭୂତୋ ମହାନିଧିଃ ।
ଅମୃତାଙ୍ଗୋଽମୃତଵପୁଃ ପଞ୍ଚୟଜ୍ଞଃ ପ୍ରଭଞ୍ଜନଃ ॥ ୫୩ ॥

ପଞ୍ଚଵିଂଶତିତତ୍ତ୍ଵଜ୍ଞଃ ପାରିଜାତଃ ପରାଵରଃ ।
ସୁଲଭଃ ସୁଵ୍ରତଃ ଶୂରୋ ଵାଙ୍ମୟୈକନିଧିର୍ନିଧିଃ ॥ ୫୪ ॥

ଵର୍ଣାଶ୍ରମଗୁରୁର୍ଵର୍ଣୀ ଶତ୍ରୁଜିଚ୍ଛତ୍ରୁତାପନଃ ।
ଆଶ୍ରମଃ କ୍ଷପଣଃ କ୍ଷାମୋ ଜ୍ଞାନଵାନଚଲାଚଲଃ ॥ ୫୫ ॥

ପ୍ରମାଣଭୂତୋ ଦୁର୍ଜ୍ଞେୟଃ ସୁପର୍ଣୋ ଵାୟୁଵାହନଃ ।
ଧନୁର୍ଧରୋ ଧନୁର୍ଵେଦୋ ଗୁଣରାଶିର୍ଗୁଣାକରଃ ॥ ୫୬ ॥

ଅନନ୍ତଦୃଷ୍ଟିରାନନ୍ଦୋ ଦଣ୍ଡୋ ଦମୟିତା ଦମଃ ।
ଅଭିଵାଦ୍ୟୋ ମହାଚାର୍ୟୋ ଵିଶ୍ଵକର୍ମା ଵିଶାରଦଃ ॥ ୫୭ ॥

ଵୀତରାଗୋ ଵିନୀତାତ୍ମା ତପସ୍ଵୀ ଭୂତଭାଵନଃ ।
ଉନ୍ମତ୍ତଵେଷଃ ପ୍ରଚ୍ଛନ୍ନୋ ଜିତକାମୋ ଜିତପ୍ରିୟଃ ॥ ୫୮ ॥

କଲ୍ୟାଣପ୍ରକୃତିଃ କଲ୍ପଃ ସର୍ଵଲୋକପ୍ରଜାପତିଃ ।
ତପସ୍ଵୀ ତାରକୋ ଧୀମାନ୍ ପ୍ରଧାନପ୍ରଭୁରଵ୍ୟୟଃ ॥ ୫୯ ॥

ଲୋକପାଲୋଽନ୍ତର୍ହିତାତ୍ମା କଲ୍ୟାଦିଃ କମଲେକ୍ଷଣଃ ।
ଵେଦଶାସ୍ତ୍ରାର୍ଥତତ୍ତ୍ଵଜ୍ଞୋ ନିୟମୋ ନିୟମାଶ୍ରୟଃ ॥ ୬୦ ॥

ଚନ୍ଦ୍ରଃ ସୂର୍ୟଃ ଶନିଃ କେତୁର୍ଵିରାମୋ ଵିଦ୍ରୁମଚ୍ଛଵିଃ ।
ଭକ୍ତିଗମ୍ୟଃ ପରଂ ବ୍ରହ୍ମ ମୃଗବାଣାର୍ପଣୋଽନଘଃ ॥ ୬୧ ॥

ଅଦ୍ରିରାଜାଲୟଃ କାନ୍ତଃ ପରମାତ୍ମା ଜଗଦ୍ଗୁରୁଃ ।
ସର୍ଵକର୍ମାଚଲସ୍ତ୍ଵଷ୍ଟା ମାଙ୍ଗଲ୍ୟୋ ମଙ୍ଗଲାଵୃତଃ ॥ ୬୨ ॥

ମହାତପା ଦୀର୍ଘତପାଃ ସ୍ଥଵିଷ୍ଠଃ ସ୍ଥଵିରୋ ଧ୍ରୁଵଃ ।
ଅହଃ ସଂଵତ୍ସରୋ ଵ୍ୟାପ୍ତିଃ ପ୍ରମାଣଂ ପରମଂ ତପଃ ॥ ୬୩ ॥

ସଂଵତ୍ସରକରୋ ମନ୍ତ୍ରଃ ପ୍ରତ୍ୟୟଃ ସର୍ଵଦର୍ଶନଃ ।
ଅଜଃ ସର୍ଵେଶ୍ଵରଃ ସ୍ନିଗ୍ଧୋ ମହାରେତା ମହାବଲଃ ॥ ୬୪ ॥

ୟୋଗୀ ୟୋଗ୍ୟୋ ମହାରେତାଃ ସିଦ୍ଧଃ ସର୍ଵାଦିରଗ୍ନିଦଃ ।
ଵସୁର୍ଵସୁମନାଃ ସତ୍ୟଃ ସର୍ଵପାପହରୋ ହରଃ ॥ ୬୫ ॥

ଅମୃତଃ ଶାଶ୍ଵତଃ ଶାନ୍ତୋ ବାଣହସ୍ତଃ ପ୍ରତାପଵାନ୍ ।
କମଣ୍ଡଲୁଧରୋ ଧନ୍ଵୀ ଵେଦାଙ୍ଗୋ ଵେଦଵିନ୍ମୁନିଃ ॥ ୬୬ ॥

ଭ୍ରାଜିଷ୍ଣୁର୍ଭୋଜନଂ ଭୋକ୍ତା ଲୋକନେତା ଦୁରାଧରଃ ।
ଅତୀନ୍ଦ୍ରିୟୋ ମହାମାୟଃ ସର୍ଵାଵାସଶ୍ଚତୁଷ୍ପଥଃ ॥ ୬୭ ॥

କାଲୟୋଗୀ ମହାନାଦୋ ମହୋତ୍ସାହୋ ମହାବଲଃ ।
ମହାବୁଦ୍ଧିର୍ମହାଵୀର୍ୟୋ ଭୂତଚାରୀ ପୁରନ୍ଦରଃ ॥ ୬୮ ॥

ନିଶାଚରଃ ପ୍ରେତଚାରୀ ମହାଶକ୍ତିର୍ମହାଦ୍ୟୁତିଃ ।
ଅନିର୍ଦେଶ୍ୟଵପୁଃ ଶ୍ରୀମାନ୍ସର୍ଵହାର୍ୟମିତୋ ଗତିଃ ॥ ୬୯ ॥

ବହୁଶ୍ରୁତୋ ବହୁମୟୋ ନିୟତାତ୍ମା ଭଵୋଦ୍ଭଵଃ ।
ଓଜସ୍ତେଜୋ ଦ୍ୟୁତିକରୋ ନର୍ତକଃ ସର୍ଵକାମକଃ ॥ ୭୦ ॥

ନୃତ୍ୟପ୍ରିୟୋ ନୃତ୍ୟନୃତ୍ୟଃ ପ୍ରକାଶାତ୍ମା ପ୍ରତାପନଃ ।
ବୁଦ୍ଧଃ ସ୍ପଷ୍ଟାକ୍ଷରୋ ମନ୍ତ୍ରଃ ସନ୍ମାନଃ ସାରସମ୍ପ୍ଲଵଃ ॥ ୭୧ ॥

ୟୁଗାଦିକୃଦ୍ୟୁଗାଵର୍ତୋ ଗମ୍ଭୀରୋ ଵୃଷଵାହନଃ ।
ଇଷ୍ଟୋ ଵିଶିଷ୍ଟଃ ଶିଷ୍ଟେଷ୍ଟଃ ଶରଭଃ ଶରଭୋ ଧନୁଃ ॥ ୭୨ ॥

ଅପାଂନିଧିରଧିଷ୍ଠାନଂ ଵିଜୟୋ ଜୟକାଲଵିତ୍ ।
ପ୍ରତିଷ୍ଠିତଃ ପ୍ରମାଣଜ୍ଞୋ ହିରଣ୍ୟକଵଚୋ ହରିଃ ॥ ୭୩ ॥

ଵିରୋଚନଃ ସୁରଗଣୋ ଵିଦ୍ୟେଶୋ ଵିବୁଧାଶ୍ରୟଃ ।
ବାଲରୂପୋ ବଲୋନ୍ମାଥୀ ଵିଵର୍ତୋ ଗହନୋ ଗୁରୁଃ ॥ ୭୪ ॥

କରଣଂ କାରଣଂ କର୍ତା ସର୍ଵବନ୍ଧଵିମୋଚନଃ ।
ଵିଦ୍ଵତ୍ତମୋ ଵୀତଭୟୋ ଵିଶ୍ଵଭର୍ତା ନିଶାକରଃ ॥ ୭୫ ॥

ଵ୍ୟଵସାୟୋ ଵ୍ୟଵସ୍ଥାନଃ ସ୍ଥାନଦୋ ଜଗଦାଦିଜଃ ।
ଦୁନ୍ଦୁଭୋ ଲଲିତୋ ଵିଶ୍ଵୋ ଭଵାତ୍ମାତ୍ମନିସଂସ୍ଥିତଃ ॥ ୭୬ ॥

ଵୀରେଶ୍ଵରୋ ଵୀରଭଦ୍ରୋ ଵୀରହା ଵୀରଭୃଦ୍ଵିରାଟ୍ ।
ଵୀରଚୂଡାମଣିର୍ଵେତ୍ତା ତୀଵ୍ରନାଦୋ ନଦୀଧରଃ ॥ ୭୭ ॥

ଆଜ୍ଞାଧାରସ୍ତ୍ରିଶୂଲୀ ଚ ଶିପିଵିଷ୍ଟଃ ଶିଵାଲୟଃ ।
ଵାଲଖିଲ୍ୟୋ ମହାଚାପସ୍ତିଗ୍ମାଂଶୁର୍ନିଧିରଵ୍ୟୟଃ ॥ ୭୮ ॥

ଅଭିରାମଃ ସୁଶରଣଃ ସୁବ୍ରହ୍ମଣ୍ୟଃ ସୁଧାପତିଃ ।
ମଘଵାନ୍କୌଶିକୋ ଗୋମାନ୍ ଵିଶ୍ରାମଃ ସର୍ଵଶାସନଃ ॥ ୭୯ ॥

ଲଲାଟାକ୍ଷୋ ଵିଶ୍ଵଦେହଃ ସାରଃ ସଂସାରଚକ୍ରଭୃତ୍ ।
ଅମୋଘଦଣ୍ଡୀ ମଧ୍ୟସ୍ଥୋ ହିରଣ୍ୟୋ ବ୍ରହ୍ମଵର୍ଚସୀ ॥ ୮୦ ॥

ପରମାର୍ଥଃ ପରମୟଃ ଶମ୍ବରୋ ଵ୍ୟାଘ୍ରକୋଽନଲଃ ।
ରୁଚିର୍ଵରରୁଚିର୍ଵନ୍ଦ୍ୟୋ ଵାଚସ୍ପତିରହର୍ପତିଃ ॥ ୮୧ ॥

ରଵିର୍ଵିରୋଚନଃ ସ୍କନ୍ଧଃ ଶାସ୍ତା ଵୈଵସ୍ଵତୋ ଜନଃ ।
ୟୁକ୍ତିରୁନ୍ନତକୀର୍ତିଶ୍ଚ ଶାନ୍ତରାଗଃ ପରାଜୟଃ ॥ ୮୨ ॥

କୈଲାସପତିକାମାରିଃ ସଵିତା ରଵିଲୋଚନଃ ।
ଵିଦ୍ଵତ୍ତମୋ ଵୀତଭୟୋ ଵିଶ୍ଵହର୍ତାଽନିଵାରିତଃ ॥ ୮୩ ॥

ନିତ୍ୟୋ ନିୟତକଲ୍ୟାଣଃ ପୁଣ୍ୟଶ୍ରଵଣକୀର୍ତନଃ ।
ଦୂରଶ୍ରଵା ଵିଶ୍ଵସହୋ ଧ୍ୟେୟୋ ଦୁଃସ୍ଵପ୍ନନାଶନଃ ॥ ୮୪ ॥

ଉତ୍ତାରକୋ ଦୁଷ୍କୃତିହା ଦୁର୍ଧର୍ଷୋ ଦୁଃସହୋଽଭୟଃ ।
ଅନାଦିର୍ଭୂର୍ଭୁଵୋ ଲକ୍ଷ୍ମୀଃ କିରୀଟିତ୍ରିଦଶାଧିପଃ ॥ ୮୫ ॥

ଵିଶ୍ଵଗୋପ୍ତା ଵିଶ୍ଵଭର୍ତା ସୁଧୀରୋ ରୁଚିରାଙ୍ଗଦଃ ।
ଜନନୋ ଜନଜନ୍ମାଦିଃ ପ୍ରୀତିମାନ୍ନୀତିମାନ୍ନୟଃ ॥ ୮୬ ॥

ଵିଶିଷ୍ଟଃ କାଶ୍ୟପୋ ଭାନୁର୍ଭୀମୋ ଭୀମପରାକ୍ରମଃ ।
ପ୍ରଣଵଃ ସପ୍ତଧାଚାରୋ ମହାକାୟୋ ମହାଧନୁଃ ॥ ୮୭ ॥

ଜନ୍ମାଧିପୋ ମହାଦେଵଃ ସକଲାଗମପାରଗଃ ।
ତତ୍ତ୍ଵାତତ୍ତ୍ଵଵିଵେକାତ୍ମା ଵିଭୂଷ୍ଣୁର୍ଭୂତିଭୂଷଣଃ ॥ ୮୮ ॥

ଋଷିର୍ବ୍ରାହ୍ମଣଵିଜ୍ଜିଷ୍ଣୁର୍ଜନ୍ମମୃତ୍ୟୁଜରାତିଗଃ ।
ୟଜ୍ଞୋ ୟଜ୍ଞପତିର୍ୟଜ୍ଵା ୟଜ୍ଞାନ୍ତୋଽମୋଘଵିକ୍ରମଃ ॥ ୮୯ ॥

ମହେନ୍ଦ୍ରୋ ଦୁର୍ଭରଃ ସେନୀ ୟଜ୍ଞାଙ୍ଗୋ ୟଜ୍ଞଵାହନଃ ।
ପଞ୍ଚବ୍ରହ୍ମସମୁତ୍ପତ୍ତିର୍ଵିଶ୍ଵେଶୋ ଵିମଲୋଦୟଃ ॥ ୯୦ ॥

ଆତ୍ମୟୋନିରନାଦ୍ୟନ୍ତୋ ଷଡ୍ଵିଂଶତ୍ସପ୍ତଲୋକଧୃକ୍ ।
ଗାୟତ୍ରୀଵଲ୍ଲଭଃ ପ୍ରାଂଶୁର୍ଵିଶ୍ଵାଵାସଃ ପ୍ରଭାକରଃ ॥ ୯୧ ॥

ଶିଶୁର୍ଗିରିରତଃ ସମ୍ରାଟ୍ ସୁଷେଣଃ ସୁରଶତ୍ରୁହା ।
ଅମୋଘୋଽରିଷ୍ଟମଥନୋ ମୁକୁନ୍ଦୋ ଵିଗତଜ୍ଵରଃ ॥ ୯୨ ॥

ସ୍ଵୟଂଜ୍ୟୋତିରନୁଜ୍ୟୋତିରାତ୍ମଜ୍ୟୋତିରଚଞ୍ଚଲଃ ।
ପିଙ୍ଗଲଃ କପିଲଶ୍ମଶ୍ରୁଃ ଶାସ୍ତ୍ରନେତ୍ରସ୍ତ୍ରୟୀତନୁଃ ॥ ୯୩ ॥

ଜ୍ଞାନସ୍କନ୍ଧୋ ମହାଜ୍ଞାନୀ ନିରୁତ୍ପତ୍ତିରୁପପ୍ଲଵଃ ।
ଭଗୋ ଵିଵସ୍ଵାନାଦିତ୍ୟୋ ୟୋଗାଚାର୍ୟୋ ବୃହସ୍ପତିଃ ॥ ୯୪ ॥

ଉଦାରକୀର୍ତିରୁଦ୍ୟୋଗୀ ସଦ୍ୟୋଗୀସଦସନ୍ମୟଃ ।
ନକ୍ଷତ୍ରମାଲୀ ରାକେଶଃ ସାଧିଷ୍ଠାନଃ ଷଡାଶ୍ରୟଃ ॥ ୯୫ ॥

ପଵିତ୍ରପାଣିଃ ପାପାରିର୍ମଣିପୂରୋ ମନୋଗତିଃ ।
ହୃତ୍ପୁଣ୍ଡରୀକମାସୀନଃ ଶୁକ୍ଲଃ ଶାନ୍ତୋ ଵୃଷାକପିଃ ॥ ୯୬ ॥

ଵିଷ୍ଣୁର୍ଗ୍ରହପତିଃ କୃଷ୍ଣଃ ସମର୍ଥୋଽନର୍ଥନାଶନଃ ।
ଅଧର୍ମଶତ୍ରୁରକ୍ଷୟ୍ୟଃ ପୁରୁହୂତଃ ପୁରୁଷ୍ଟୁତଃ ॥ ୯୭ ॥

ବ୍ରହ୍ମଗର୍ଭୋ ବୃହଦ୍ଗର୍ଭୋ ଧର୍ମଧେନୁର୍ଧନାଗମଃ ।
ଜଗଦ୍ଧିତୈଷିସୁଗତଃ କୁମାରଃ କୁଶଲାଗମଃ ॥ ୯୮ ॥

ହିରଣ୍ୟଵର୍ଣୋ ଜ୍ୟୋତିଷ୍ମାନ୍ନାନାଭୂତଧରୋ ଧ୍ଵନିଃ ।
ଅରୋଗୋ ନିୟମାଧ୍ୟକ୍ଷୋ ଵିଶ୍ଵାମିତ୍ରୋ ଦ୍ଵିଜୋତ୍ତମଃ ॥ ୯୯ ॥

ବୃହଜ୍ୟୋତିଃ ସୁଧାମା ଚ ମହାଜ୍ୟୋତିରନୁତ୍ତମଃ ।
ମାତାମହୋ ମାତରିଶ୍ଵା ନଭସ୍ଵାନ୍ନାଗହାରଧୃକ୍ ॥ ୧୦୦ ॥

ପୁଲସ୍ତ୍ୟଃ ପୁଲହୋଽଗସ୍ତ୍ୟୋ ଜାତୂକର୍ଣ୍ୟଃ ପରାଶରଃ ।
ନିରାଵରଣଧର୍ମଜ୍ଞୋ ଵିରିଞ୍ଚୋ ଵିଷ୍ଟରଶ୍ରଵାଃ ॥ ୧୦୧ ॥

ଆତ୍ମଭୂରନିରୁଦ୍ଧୋଽତ୍ରି ଜ୍ଞାନମୂର୍ତିର୍ମହାୟଶାଃ ।
ଲୋକଚୂଡାମଣିର୍ଵୀରଶ୍ଚଣ୍ଡସତ୍ୟପରାକ୍ରମଃ ॥ ୧୦୨ ॥

ଵ୍ୟାଲକଲ୍ପୋ ମହାକଲ୍ପୋ ମହାଵୃକ୍ଷଃ କଲାଧରଃ ।
ଅଲଂକରିଷ୍ଣୁସ୍ତ୍ଵଚଲୋ ରୋଚିଷ୍ଣୁର୍ଵିକ୍ରମୋତ୍ତମଃ ॥ ୧୦୩ ॥

ଆଶୁଶବ୍ଦପତିର୍ଵେଗୀ ପ୍ଲଵନଃ ଶିଖିସାରଥିଃ ।
ଅସଂସୃଷ୍ଟୋଽତିଥିଃ ଶକ୍ରଃ ପ୍ରମାଥୀ ପାପନାଶନଃ ॥ ୧୦୪ ॥

ଵସୁଶ୍ରଵାଃ କଵ୍ୟଵାହଃ ପ୍ରତପ୍ତୋ ଵିଶ୍ଵଭୋଜନଃ ।
ଜର୍ୟୋ ଜରାଧିଶମନୋ ଲୋହିତଶ୍ଚ ତନୂନପାତ୍ ॥ ୧୦୫ ॥

ପୃଷଦଶ୍ଵୋ ନଭୋୟୋନିଃ ସୁପ୍ରତୀକସ୍ତମିସ୍ରହା ।
ନିଦାଘସ୍ତପନୋ ମେଘଃ ପକ୍ଷଃ ପରପୁରଞ୍ଜୟଃ ॥ ୧୦୬ ॥

ମୁଖାନିଲଃ ସୁନିଷ୍ପନ୍ନଃ ସୁରଭିଃ ଶିଶିରାତ୍ମକଃ ।
ଵସନ୍ତୋ ମାଧଵୋ ଗ୍ରୀଷ୍ମୋ ନଭସ୍ୟୋ ବୀଜଵାହନଃ ॥ ୧୦୭ ॥

ଅଙ୍ଗିରାମୁନିରାତ୍ରେୟୋ ଵିମଲୋ ଵିଶ୍ଵଵାହନଃ ।
ପାଵନଃ ପୁରୁଜିଚ୍ଛକ୍ରସ୍ତ୍ରିଵିଦ୍ୟୋ ନରଵାହନଃ ॥ ୧୦୮ ॥

ମନୋ ବୁଦ୍ଧିରହଂକାରଃ କ୍ଷେତ୍ରଜ୍ଞଃ କ୍ଷେତ୍ରପାଲକଃ ।
ତେଜୋନିଧିର୍ଜ୍ଞାନନିଧିର୍ଵିପାକୋ ଵିଘ୍ନକାରକଃ ॥ ୧୦୯ ॥

ଅଧରୋଽନୁତ୍ତରୋଜ୍ଞେୟୋ ଜ୍ୟେଷ୍ଠୋ ନିଃଶ୍ରେୟସାଲୟଃ ।
ଶୈଲୋ ନଗସ୍ତନୁର୍ଦୋହୋ ଦାନଵାରିରରିନ୍ଦମଃ ॥ ୧୧୦ ॥

ଚାରୁଧୀର୍ଜନକଶ୍ଚାରୁ ଵିଶଲ୍ୟୋ ଲୋକଶଲ୍ୟକୃତ୍ ।
ଚତୁର୍ଵେଦଶ୍ଚତୁର୍ଭାଵଶ୍ଚତୁରଶ୍ଚତୁରପ୍ରିୟଃ ॥ ୧୧୧ ॥

ଆମ୍ନାୟୋଽଥ ସମାମ୍ନାୟସ୍ତୀର୍ଥଦେଵଶିଵାଲୟଃ ।
ବହୁରୂପୋ ମହାରୂପଃ ସର୍ଵରୂପଶ୍ଚରାଚରଃ ॥ ୧୧୨ ॥

ନ୍ୟାୟନିର୍ଵାହକୋ ନ୍ୟାୟୋ ନ୍ୟାୟଗମ୍ୟୋ ନିରଞ୍ଜନଃ ।
ସହସ୍ରମୂର୍ଧା ଦେଵେନ୍ଦ୍ରଃ ସର୍ଵଶସ୍ତ୍ରପ୍ରଭଞ୍ଜନଃ ॥ ୧୧୩ ॥

ମୁଣ୍ଡୋ ଵିରୂପୋ ଵିକୃତୋ ଦଣ୍ଡୀ ଦାନ୍ତୋ ଗୁଣୋତ୍ତମଃ ।
ପିଙ୍ଗଲାକ୍ଷୋଽଥ ହର୍ୟକ୍ଷୋ ନୀଲଗ୍ରୀଵୋ ନିରାମୟଃ ॥ ୧୧୪ ॥

ସହସ୍ରବାହୁଃ ସର୍ଵେଶଃ ଶରଣ୍ୟଃ ସର୍ଵଲୋକଭୃତ୍ ।
ପଦ୍ମାସନଃ ପରଂଜ୍ୟୋତିଃ ପରାଵରଫଲପ୍ରଦଃ ॥ ୧୧୫ ॥

ପଦ୍ମଗର୍ଭୋ ମହାଗର୍ଭୋ ଵିଶ୍ଵଗର୍ଭୋ ଵିଚକ୍ଷଣଃ ।
ପରାଵରଜ୍ଞୋ ବୀଜେଶଃ ସୁମୁଖଃ ସୁମହାସ୍ଵନଃ ॥ ୧୧୬ ॥

ଦେଵାସୁରଗୁରୁର୍ଦେଵୋ ଦେଵାସୁରନମସ୍କୃତଃ ।
ଦେଵାସୁରମହାମାତ୍ରୋ ଦେଵାସୁରମହାଶ୍ରୟଃ ॥ ୧୧୭ ॥

ଦେଵାଦିଦେଵୋ ଦେଵର୍ଷିର୍ଦେଵାସୁରଵରପ୍ରଦଃ ।
ଦେଵାସୁରେଶ୍ଵରୋ ଦିଵ୍ୟୋ ଦେଵାସୁରମହେଶ୍ଵରଃ ॥ ୧୧୮ ॥

ସର୍ଵଦେଵମୟୋଽଚିନ୍ତ୍ୟୋ ଦେଵତାତ୍ମାତ୍ମସମ୍ଭଵଃ ।
ଈଡ୍ୟୋଽନୀଶଃ ସୁରଵ୍ୟାଘ୍ରୋ ଦେଵସିଂହୋ ଦିଵାକରଃ ॥ ୧୧୯ ॥

ଵିବୁଧାଗ୍ରଵରଶ୍ରେଷ୍ଠଃ ସର୍ଵଦେଵୋତ୍ତମୋତ୍ତମଃ ।
ଶିଵଜ୍ଞାନରତଃ ଶ୍ରୀମାନ୍ ଶିଖିଶ୍ରୀପର୍ଵତପ୍ରିୟଃ ॥ ୧୨୦ ॥

ଜୟସ୍ତମ୍ଭୋ ଵିଶିଷ୍ଟମ୍ଭୋ ନରସିଂହନିପାତନଃ ।
ବ୍ରହ୍ମଚାରୀ ଲୋକଚାରୀ ଧର୍ମଚାରୀ ଧନାଧିପଃ ॥ ୧୨୧ ॥

ନନ୍ଦୀ ନନ୍ଦୀଶ୍ଵରୋ ନଗ୍ନୋ ନଗ୍ନଵ୍ରତଧରଃ ଶୁଚିଃ ।
ଲିଙ୍ଗାଧ୍ୟକ୍ଷଃ ସୁରାଧ୍ୟକ୍ଷୋ ୟୁଗାଧ୍ୟକ୍ଷୋ ୟୁଗାଵହଃ ॥ ୧୨୨ ॥

ସ୍ଵଵଶଃ ସଵଶଃ ସ୍ଵର୍ଗଃ ସ୍ଵରଃ ସ୍ଵରମୟଃ ସ୍ଵନଃ ।
ବୀଜାଧ୍ୟକ୍ଷୋ ବୀଜକର୍ତା ଧନକୃଦ୍ଧର୍ମଵର୍ଧନଃ ॥ ୧୨୩ ॥

ଦମ୍ଭୋଽଦମ୍ଭୋ ମହାଦମ୍ଭଃ ସର୍ଵଭୂତମହେଶ୍ଵରଃ ।
ଶ୍ମଶାନନିଲୟସ୍ତିଷ୍ୟଃ ସେତୁରପ୍ରତିମାକୃତିଃ ॥ ୧୨୪ ॥

ଲୋକୋତ୍ତରସ୍ଫୁଟାଲୋକସ୍ତ୍ର୍ୟମ୍ବକୋ ନାଗଭୂଷଣଃ ।
ଅନ୍ଧକାରିର୍ମଖଦ୍ଵେଷୀ ଵିଷ୍ଣୁକନ୍ଧରପାତନଃ ॥ ୧୨୫ ॥

ଵୀତଦୋଷୋଽକ୍ଷୟଗୁଣୋ ଦକ୍ଷାରିଃ ପୂଷଦନ୍ତହୃତ୍ ।
ଧୂର୍ଜଟିଃ ଖଣ୍ଡପରଶୁଃ ସକଲୋ ନିଷ୍କଲୋଽନଘଃ ॥ ୧୨୬ ॥

ଆଧାରଃ ସକଲାଧାରଃ ପାଣ୍ଡୁରାଭୋ ମୃଡୋ ନଟଃ ।
ପୂର୍ଣଃ ପୂରୟିତା ପୁଣ୍ୟଃ ସୁକୁମାରଃ ସୁଲୋଚନଃ ॥ ୧୨୭ ॥

ସାମଗେୟଃ ପ୍ରିୟକରଃ ପୁଣ୍ୟକୀର୍ତିରନାମୟଃ ।
ମନୋଜଵସ୍ତୀର୍ଥକରୋ ଜଟିଲୋ ଜୀଵିତେଶ୍ଵରଃ ॥ ୧୨୮ ॥

ଜୀଵିତାନ୍ତକରୋ ନିତ୍ୟୋ ଵସୁରେତା ଵସୁପ୍ରିୟଃ ।
ସଦ୍ଗତିଃ ସତ୍କୃତିଃ ସକ୍ତଃ କାଲକଣ୍ଠଃ କଲାଧରଃ ॥ ୧୨୯ ॥

ମାନୀ ମାନ୍ୟୋ ମହାକାଲଃ ସଦ୍ଭୂତିଃ ସତ୍ପରାୟଣଃ ।
ଚନ୍ଦ୍ରସଞ୍ଜୀଵନଃ ଶାସ୍ତା ଲୋକଗୂଢୋଽମରାଧିପଃ ॥ ୧୩୦ ॥

ଲୋକବନ୍ଧୁର୍ଲୋକନାଥଃ କୃତଜ୍ଞଃ କୃତିଭୂଷଣଃ ।
ଅନପାୟ୍ୟକ୍ଷରଃ କାନ୍ତଃ ସର୍ଵଶାସ୍ତ୍ରଭୃତାଂ ଵରଃ ॥ ୧୩୧ ॥

ତେଜୋମୟୋ ଦ୍ୟୁତିଧରୋ ଲୋକମାୟୋଽଗ୍ରଣୀରଣୁଃ ।
ଶୁଚିସ୍ମିତଃ ପ୍ରସନ୍ନାତ୍ମା ଦୁର୍ଜୟୋ ଦୁରତିକ୍ରମଃ ॥ ୧୩୨ ॥

ଜ୍ୟୋତିର୍ମୟୋ ନିରାକାରୋ ଜଗନ୍ନାଥୋ ଜଲେଶ୍ଵରଃ ।
ତୁମ୍ବଵୀଣୀ ମହାକାୟୋ ଵିଶୋକଃ ଶୋକନାଶନଃ ॥ ୧୩୩ ॥

ତ୍ରିଲୋକାତ୍ମା ତ୍ରିଲୋକେଶଃ ଶୁଦ୍ଧଃ ଶୁଦ୍ଧିରଥାକ୍ଷଜଃ ।
ଅଵ୍ୟକ୍ତଲକ୍ଷଣୋଽଵ୍ୟକ୍ତୋ ଵ୍ୟକ୍ତାଵ୍ୟକ୍ତୋ ଵିଶାମ୍ପତିଃ ॥ ୧୩୪ ॥

ଵରଶୀଲୋ ଵରତୁଲୋ ମାନୋ ମାନଧନୋ ମୟଃ ।
ବ୍ରହ୍ମା ଵିଷ୍ଣୁଃ ପ୍ରଜାପାଲୋ ହଂସୋ ହଂସଗତିର୍ୟମଃ ॥ ୧୩୫ ॥

ଵେଧା ଧାତା ଵିଧାତା ଚ ଅତ୍ତା ହର୍ତା ଚତୁର୍ମୁଖଃ ।
କୈଲାସଶିଖରାଵାସୀ ସର୍ଵାଵାସୀ ସତାଂ ଗତିଃ ॥ ୧୩୬ ॥

ହିରଣ୍ୟଗର୍ଭୋ ହରିଣଃ ପୁରୁଷଃ ପୂର୍ଵଜଃ ପିତା ।
ଭୂତାଲୟୋ ଭୂତପତିର୍ଭୂତିଦୋ ଭୁଵନେଶ୍ଵରଃ ॥ ୧୩୭ ॥

ସଂୟୋଗୀ ୟୋଗଵିଦ୍ବ୍ରହ୍ମା ବ୍ରହ୍ମଣ୍ୟୋ ବ୍ରାହ୍ମଣପ୍ରିୟଃ ।
ଦେଵପ୍ରିୟୋ ଦେଵନାଥୋ ଦେଵଜ୍ଞୋ ଦେଵଚିନ୍ତକଃ ॥ ୧୩୮ ॥

ଵିଷମାକ୍ଷଃ କଲାଧ୍ୟକ୍ଷୋ ଵୃଷାଙ୍କୋ ଵୃଷଵର୍ଧନଃ ।
ନିର୍ମଦୋ ନିରହଂକାରୋ ନିର୍ମୋହୋ ନିରୁପଦ୍ରଵଃ ॥ ୧୩୯ ॥

ଦର୍ପହା ଦର୍ପିତୋ ଦୃପ୍ତଃ ସର୍ଵର୍ତୁପରିଵର୍ତକଃ ।
ସପ୍ତଜିହ୍ଵଃ ସହସ୍ରାର୍ଚିଃ ସ୍ନିଗ୍ଧଃ ପ୍ରକୃତିଦକ୍ଷିଣଃ ॥ ୧୪୦ ॥

ଭୂତଭଵ୍ୟଭଵନ୍ନାଥଃ ପ୍ରଭଵୋ ଭ୍ରାନ୍ତିନାଶନଃ ।
ଅର୍ଥୋଽନର୍ଥୋ ମହାକୋଶଃ ପରକାର୍ୟୈକପଣ୍ଡିତଃ ॥ ୧୪୧ ॥

ନିଷ୍କଣ୍ଟକଃ କୃତାନନ୍ଦୋ ନିର୍ଵ୍ୟାଜୋ ଵ୍ୟାଜମର୍ଦନଃ ।
ସତ୍ତ୍ଵଵାନ୍ସାତ୍ତ୍ଵିକଃ ସତ୍ୟକୀର୍ତିସ୍ତମ୍ଭକୃତାଗମଃ ॥ ୧୪୨ ॥

ଅକମ୍ପିତୋ ଗୁଣଗ୍ରାହୀ ନୈକାତ୍ମା ନୈକକର୍ମକୃତ୍ ।
ସୁପ୍ରୀତଃ ସୁମୁଖଃ ସୂକ୍ଷ୍ମଃ ସୁକରୋ ଦକ୍ଷିଣୋଽନଲଃ ॥ ୧୪୩ ॥

ସ୍କନ୍ଧଃ ସ୍କନ୍ଧଧରୋ ଧୁର୍ୟଃ ପ୍ରକଟଃ ପ୍ରୀତିଵର୍ଧନଃ ।
ଅପରାଜିତଃ ସର୍ଵସହୋ ଵିଦଗ୍ଧଃ ସର୍ଵଵାହନଃ ॥ ୧୪୪ ॥

ଅଧୃତଃ ସ୍ଵଧୃତଃ ସାଧ୍ୟଃ ପୂର୍ତମୂର୍ତିର୍ୟଶୋଧରଃ ।
ଵରାହଶୃଙ୍ଗଧୃଗ୍ଵାୟୁର୍ବଲଵାନେକନାୟକଃ ॥ ୧୪୫ ॥

ଶ୍ରୁତିପ୍ରକାଶଃ ଶ୍ରୁତିମାନେକବନ୍ଧୁରନେକଧୃକ୍ ।
ଶ୍ରୀଵଲ୍ଲଭଶିଵାରମ୍ଭଃ ଶାନ୍ତଭଦ୍ରଃ ସମଞ୍ଜସଃ ॥ ୧୪୬ ॥

ଭୂଶୟୋ ଭୂତିକୃଦ୍ଭୂତିର୍ଭୂଷଣୋ ଭୂତଵାହନଃ ।
ଅକାୟୋ ଭକ୍ତକାୟସ୍ଥଃ କାଲଜ୍ଞାନୀ କଲାଵପୁଃ ॥ ୧୪୭ ॥

ସତ୍ୟଵ୍ରତମହାତ୍ୟାଗୀ ନିଷ୍ଠାଶାନ୍ତିପରାୟଣଃ ।
ପରାର୍ଥଵୃତ୍ତିର୍ଵରଦୋ ଵିଵିକ୍ତଃ ଶ୍ରୁତିସାଗରଃ ॥ ୧୪୮ ॥

ଅନିର୍ଵିଣ୍ଣୋ ଗୁଣଗ୍ରାହୀ କଲଙ୍କାଙ୍କଃ କଲଙ୍କହା ।
ସ୍ଵଭାଵରୁଦ୍ରୋ ମଧ୍ୟସ୍ଥଃ ଶତ୍ରୁଘ୍ନୋ ମଧ୍ୟନାଶକଃ ॥ ୧୪୯ ॥

ଶିଖଣ୍ଡୀ କଵଚୀ ଶୂଲୀ ଚଣ୍ଡୀ ମୁଣ୍ଡୀ ଚ କୁଣ୍ଡଲୀ ।
ମେଖଲୀ କଵଚୀ ଖଡ୍ଗୀ ମାୟୀ ସଂସାରସାରଥିଃ ॥ ୧୫୦ ॥

ଅମୃତ୍ୟୁଃ ସର୍ଵଦୃକ୍ ସିଂହସ୍ତେଜୋରାଶିର୍ମହାମଣିଃ ।
ଅସଂଖ୍ୟେୟୋଽପ୍ରମେୟାତ୍ମା ଵୀର୍ୟଵାନ୍କାର୍ୟକୋଵିଦଃ ॥ ୧୫୧ ॥

ଵେଦ୍ୟୋ ଵେଦାର୍ଥଵିଦ୍ଗୋପ୍ତା ସର୍ଵାଚାରୋ ମୁନୀଶ୍ଵରଃ ।
ଅନୁତ୍ତମୋ ଦୁରାଧର୍ଷୋ ମଧୁରଃ ପ୍ରିୟଦର୍ଶନଃ ॥ ୧୫୨ ॥

ସୁରେଶଃ ଶରଣଂ ସର୍ଵଃ ଶବ୍ଦବ୍ରହ୍ମସତାଂ ଗତିଃ ।
କାଲଭକ୍ଷଃ କଲଙ୍କାରିଃ କଙ୍କଣୀକୃତଵାସୁକିଃ ॥ ୧୫୩ ॥

ମହେଷ୍ଵାସୋ ମହୀଭର୍ତା ନିଷ୍କଲଙ୍କୋ ଵିଶୃଙ୍ଖଲଃ ।
ଦ୍ୟୁମଣିସ୍ତରଣିର୍ଧନ୍ୟଃ ସିଦ୍ଧିଦଃ ସିଦ୍ଧିସାଧନଃ ॥ ୧୫୪ ॥

ନିଵୃତ୍ତଃ ସଂଵୃତଃ ଶିଲ୍ପୋ ଵ୍ୟୂଢୋରସ୍କୋ ମହାଭୁଜଃ ।
ଏକଜ୍ୟୋତିର୍ନିରାତଙ୍କୋ ନରୋ ନାରାୟଣପ୍ରିୟଃ ॥ ୧୫୫ ॥

ନିର୍ଲେପୋ ନିଷ୍ପ୍ରପଞ୍ଚାତ୍ମା ନିର୍ଵ୍ୟଗ୍ରୋ ଵ୍ୟଗ୍ରନାଶନଃ ।
ସ୍ତଵ୍ୟସ୍ତଵପ୍ରିୟଃ ସ୍ତୋତା ଵ୍ୟାସମୂର୍ତିରନାକୁଲଃ ॥ ୧୫୬ ॥

ନିରଵଦ୍ୟପଦୋପାୟୋ ଵିଦ୍ୟାରାଶିରଵିକ୍ରମଃ ।
ପ୍ରଶାନ୍ତବୁଦ୍ଧିରକ୍ଷୁଦ୍ରଃ କ୍ଷୁଦ୍ରହା ନିତ୍ୟସୁନ୍ଦରଃ ॥ ୧୫୭ ॥

ଧୈର୍ୟାଗ୍ର୍ୟଧୁର୍ୟୋ ଧାତ୍ରୀଶଃ ଶାକଲ୍ୟଃ ଶର୍ଵରୀପତିଃ ।
ପରମାର୍ଥଗୁରୁର୍ଦୃଷ୍ଟିର୍ଗୁରୁରାଶ୍ରିତଵତ୍ସଲଃ ॥ ୧୫୮ ॥

ରସୋ ରସଜ୍ଞଃ ସର୍ଵଜ୍ଞଃ ସର୍ଵସତ୍ତ୍ଵାଵଲମ୍ବନଃ ।
ସୂତ ଉଵାଚ –
ଏଵଂ ନାମ୍ନାଂ ସହସ୍ରେଣ ତୁଷ୍ଟାଵ ଵୃଷଭଧ୍ଵଜମ୍ ॥ ୧୫୯ ॥

ସ୍ନାପୟାମାସ ଚ ଵିଭୁଃ ପୂଜୟାମାସ ପଙ୍କଜୈଃ ।
ପରୀକ୍ଷାର୍ଥଂ ହରେଃ ପୂଜାକମଲେଷୁ ମହେଶ୍ଵରଃ ॥ ୧୬୦ ॥

ଗୋପୟାମାସକମଲଂ ତଦୈକଂ ଭୁଵନେଶ୍ଵରଃ ।
ହୃତପୁଷ୍ପୋ ହରିସ୍ତତ୍ର କିମିଦଂ ତ୍ଵଭ୍ୟଚିନ୍ତୟନ୍ ॥ ୧୬୧ ॥

ଜ୍ଞାତ୍ଵା ସ୍ଵନେତ୍ରମୁଦ୍ଧୃତ୍ୟ ସର୍ଵସତ୍ତ୍ଵାଵଲମ୍ବନମ୍ ।
ପୂଜୟାମାସ ଭାଵେନ ନାମ୍ନା ତେନ ଜଗଦ୍ଗୁରୁମ୍ ॥ ୧୬୨ ॥

ତତସ୍ତତ୍ର ଵିଭୁର୍ଦୃଷ୍ଟ୍ଵା ତଥାଭୂତଂ ହରୋ ହରିମ୍ ।
ତସ୍ମାଦଵତତାରାଶୁ ମଣ୍ଡଲାତ୍ପାଵକସ୍ୟ ଚ ॥ ୧୬୩ ॥

କୋଟିଭାସ୍କରସଂକାଶଂ ଜଟାମୁକୁଟମଣ୍ଡିତମ୍ ।
ଜ୍ଵାଲାମାଲାଵୃତଂ ଦିଵ୍ୟଂ ତୀକ୍ଷ୍ଣଦଂଷ୍ଟ୍ରଂ ଭୟଙ୍କରମ୍ ॥ ୧୬୪ ॥

ଶୂଲଟଙ୍କଗଦାଚକ୍ରକୁନ୍ତପାଶଧରଂ ହରମ୍ ।
ଵରଦାଭୟହସ୍ତଂ ଚ ଦୀପିଚର୍ମୋତ୍ତରୀୟକମ୍ ॥ ୧୬୫ ॥

ଇତ୍ଥମ୍ଭୂତଂ ତଦା ଦୃଷ୍ଟ୍ଵା ଭଵଂ ଭସ୍ମଵିଭୂଷିତମ୍ ।
ହୃଷ୍ଟୋ ନମଶ୍ଚକାରାଶୁ ଦେଵଦେଵଂ ଜନାର୍ଦନଃ ॥ ୧୬୬ ॥

ଦୁଦ୍ରୁଵୁସ୍ତଂ ପରିକ୍ରମ୍ୟ ସେନ୍ଦ୍ରା ଦେଵାସ୍ତ୍ରିଲୋଚନମ୍ ।
ଚଚାଲ ବ୍ରହ୍ମଭୁଵନଂ ଚକମ୍ପେ ଚ ଵସୁନ୍ଧରା ॥ ୧୬୭ ॥

ଦଦାହ ତେଜସ୍ତଚ୍ଛମ୍ଭୋଃ ପ୍ରାନ୍ତଂ ଵୈ ଶତୟୋଜନମ୍ ।
ଅଧସ୍ତାଚ୍ଚୋର୍ଧ୍ଵତଶ୍ଚୈଵ ହାହେତ୍ୟକୃତ ଭୂତଲେ ॥ ୧୬୮ ॥

ତଦା ପ୍ରାହ ମହାଦେଵଃ ପ୍ରହସନ୍ନିଵ ଶଙ୍କରଃ ।
ସମ୍ପ୍ରେକ୍ଷ୍ୟ ପ୍ରଣୟାଦ୍ଵିଷ୍ଣୁଂ କୃତାଞ୍ଜଲିପୁଟଂ ସ୍ଥିତମ୍ ॥ ୧୬୯ ॥

ଜ୍ଞାତଂ ମୟେଦମଧୁନା ଦେଵକାର୍ୟଂ ଜନାର୍ଦନ ।
ସୁଦର୍ଶନାଖ୍ୟଂ ଚକ୍ରଂ ଚ ଦଦାମି ତଵ ଶୋଭନମ୍ ॥ ୧୭୦ ॥

ୟଦ୍ରୂପଂ ଭଵତା ଦୃଷ୍ଟଂ ସର୍ଵଲୋକଭୟଙ୍କରମ୍ ।
ହିତାୟ ତଵ ୟତ୍ନେନ ତଵ ଭାଵାୟ ସୁଵ୍ରତ ॥ ୧୭୧ ॥

ଶାନ୍ତଂ ରଣାଜିରେ ଵିଷ୍ଣୋ ଦେଵାନାଂ ଦୁଃଖସାଧନମ୍ ।
ଶାନ୍ତସ୍ୟ ଚାସ୍ତ୍ରଂ ଶାନ୍ତଂ ସ୍ୟାଚ୍ଛାନ୍ତେନାସ୍ତ୍ରେଣ କିଂ ଫଲମ୍ ॥

୧୭୨ ॥

ଶାନ୍ତସ୍ୟ ସମରେ ଚାସ୍ତ୍ରଂ ଶାନ୍ତିରେଵ ତପସ୍ଵିନାମ୍ ।
ୟୋଦ୍ଧୁଃ ଶାନ୍ତ୍ୟା ବଲଚ୍ଛେଦଃ ପରସ୍ୟ ବଲଵୃଦ୍ଧିଦଃ ॥ ୧୭୩ ॥

ଦେଵୈରଶାନ୍ତୈର୍ୟଦ୍ରୂପଂ ମଦୀୟଂ ଭାଵୟାଵ୍ୟୟମ୍ ।
କିମାୟୁଧେନ କାର୍ୟଂ ଵୈ ୟୋଦ୍ଧୁଂ ଦେଵାରିସୂଦନ ॥ ୧୭୪ ॥

କ୍ଷମା ୟୁଧି ନ କାର୍ୟଂ ଵୈ ୟୋଦ୍ଧୁଂ ଦେଵାରିସୂଦନ ।
ଅନାଗତେ ଵ୍ୟତୀତେ ଚ ଦୌର୍ବଲ୍ୟେ ସ୍ଵଜନୋତ୍କରେ ॥ ୧୭୫ ॥

ଅକାଲିକେ ତ୍ଵଧର୍ମେ ଚ ଅନର୍ଥେଵାରିସୂଦନ ।
ଏଵମୁକ୍ତ୍ଵା ଦଦୌ ଚକ୍ରଂ ସୂର୍ୟାୟୁତସମପ୍ରଭମ୍ ॥ ୧୭୬ ॥

ନେତ୍ରଂ ଚ ନେତା ଜଗତାଂ ପ୍ରଭୁର୍ଵୈ ପଦ୍ମସନ୍ନିଭମ୍ ।
ତଦାପ୍ରଭୃତି ତଂ ପ୍ରାହୁଃ ପଦ୍ମାକ୍ଷମିତି ସୁଵ୍ରତମ୍ ॥ ୧୭୭ ॥

ଦତ୍ତ୍ଵୈନଂ ନୟନଂ ଚକ୍ରଂ ଵିଷ୍ଣଵେ ନୀଲଲୋହିତଃ ।
ପସ୍ପର୍ଶ ଚ କରାଭ୍ୟାଂ ଵୈ ସୁଶୁଭାଭ୍ୟାମୁଵାଚ ହ ॥ ୧୭୮ ॥

ଵରଦୋହଂ ଵରଶ୍ରେଷ୍ଠ ଵରାନ୍ଵରୟ ଚେପ୍ସିତାନ୍ ।
ଭକ୍ତ୍ୟା ଵଶୀକୃତୋ ନୂନଂ ତ୍ଵୟାହଂ ପୁରୁଷୋତ୍ତମ ॥ ୧୭୯ ॥

ଇତ୍ୟୁକ୍ତୋ ଦେଵଦେଵେନ ଦେଵଦେଵଂ ପ୍ରଣମ୍ୟ ତମ୍ ।
ତ୍ଵୟି ଭକ୍ତିର୍ମହାଦେଵ ପ୍ରସୀଦ ଵରମୁତ୍ତମମ୍ ॥ ୧୮୦ ॥

ନାନ୍ୟମିଚ୍ଛାମି ଭକ୍ତାନାମାର୍ତୟୋ ନାସ୍ତି ୟତ୍ପ୍ରଭୋ ।
ତଚ୍ଛ୍ରୁତ୍ଵା ଵଚନଂ ତସ୍ୟ ଦୟାଵାନ୍ ସୁତରାଂ ଭଵଃ ॥ ୧୮୧ ॥

ପସ୍ପର୍ଶ ଚ ଦଦୌ ତସ୍ମୈ ଶ୍ରଦ୍ଧାଂ ଶୀତାଂଶୁଭୂଷଣଃ ।
ପ୍ରାହ ଚୈଵଂ ମହାଦେଵଃ ପରମାତ୍ମାନମଚ୍ୟୁତମ୍ ॥ ୧୮୨ ॥

ମୟି ଭକ୍ତଶ୍ଚ ଵନ୍ଦ୍ୟଶ୍ଚ ପୂଜ୍ୟଶ୍ଚୈଵ ସୁରାସୁରୈଃ ।
ଭଵିଷ୍ୟତି ନ ସଂଦେହୋ ମତ୍ପ୍ରସାଦାତ୍ସୁରୋତ୍ତମ ॥ ୧୮୩ ॥

ୟଦା ସତୀ ଦକ୍ଷପୁତ୍ରୀ ଵିନିନ୍ଦ୍ୟେଵ ସୁଲୋଚନା ।
ମାତରଂ ପିତରଂ ଦକ୍ଷଂ ଭଵିଷ୍ୟତି ସୁରେଶ୍ଵରୀ ॥ ୧୮୪ ॥

ଦିଵ୍ୟା ହୈମଵତୀ ଵିଷ୍ଣୋ ତଦା ତ୍ଵମପି ସୁଵ୍ରତ ।
ଭଗିନୀଂ ତଵ କଲ୍ୟାଣୀଂ ଦେଵୀଂ ହୈମଵତୀମୁମାମ୍ ॥ ୧୮୫ ॥

ନିୟୋଗାଦ୍ବ୍ରହ୍ମଣଃ ସାଧ୍ଵୀଂ ପ୍ରଦାସ୍ୟସି ମମୈଵ ତାମ୍ ।
ମତ୍ସମ୍ବନ୍ଧୀ ଚ ଲୋକାନାଂ ମଧ୍ୟେ ପୂଜ୍ୟୋ ଭଵିଷ୍ୟସି ॥ ୧୮୬ ॥

ମାଂ ଦିଵ୍ୟେନ ଚ ଭାଵେନ ତଦା ପ୍ରଭୃତି ଶଙ୍କରମ୍ ।
ଦ୍ରକ୍ଷ୍ୟସେ ଚ ପ୍ରସନ୍ନେନ ମିତ୍ରଭୂତମିଵାତ୍ମନା ॥ ୧୮୭ ॥

ଇତ୍ୟୁକ୍ତ୍ଵାନ୍ତର୍ଦଧେ ରୁଦ୍ରୋ ଭଗଵାନ୍ନୀଲଲୋହିତଃ ।
ଜନାର୍ଦନୋପି ଭଗଵାନ୍ଦେଵାନାମପି ସନ୍ନିଧୌ ॥ ୧୮୮ ॥

ଅୟାଚତ ମହାଦେଵଂ ବ୍ରହ୍ମାଣଂ ମୁନିଭିଃ ସମମ୍ ।
ମୟା ପ୍ରୋକ୍ତଂ ସ୍ତଵଂ ଦିଵ୍ୟଂ ପଦ୍ମୟୋନେ ସୁଶୋଭନମ୍ ॥ ୧୮୯ ॥

ୟଃ ପଠେଚ୍ଛୃଣୁୟାଦ୍ଵାପି ଶ୍ରାଵୟେଦ୍ଵା ଦ୍ଵିଜୋତ୍ତମାନ୍ ।
ପ୍ରତିନାମ୍ନି ହିରଣ୍ୟସ୍ୟ ଦତ୍ତସ୍ୟ ଫଲମାପ୍ନୁୟାତ୍ ॥ ୧୯୦ ॥

ଅଶ୍ଵମେଧସହସ୍ରେଣ ଫଲଂ ଭଵତି ତସ୍ୟ ଵୈ ।
ଘୃତାଦ୍ୟୈଃ ସ୍ନାପୟେଦ୍ରୁଦ୍ରଂ ସ୍ଥାଲ୍ୟା ଵୈ କଲଶୈଃ ଶୁଭୈଃ ॥ ୧୯୧ ॥

ନାମ୍ନାଂ ସହସ୍ରେଣାନେନ ଶ୍ରଦ୍ଧୟା ଶିଵମୀଶ୍ଵରମ୍ ।
ସୋପି ୟଜ୍ଞସହସ୍ରସ୍ୟ ଫଲଂ ଲବ୍ଧ୍ଵା ସୁରେଶ୍ଵରୈଃ ॥ ୧୯୨ ॥

ପୂଜ୍ୟୋ ଭଵତି ରୁଦ୍ରସ୍ୟ ପ୍ରୀତିର୍ଭଵତି ତସ୍ୟ ଵୈ ।
ତଥାସ୍ତ୍ଵିତି ତଥା ପ୍ରାହ ପଦ୍ମୟୋନେର୍ଜନାର୍ଦନମ୍ ॥ ୧୯୩ ॥

ଜଗ୍ମତୁଃ ପ୍ରଣିପତ୍ୟୈନଂ ଦେଵଦେଵଂ ଜଗଦ୍ଗୁରୁମ୍ ।
ତସ୍ମାନ୍ନାମ୍ନାଂ ସହସ୍ରେଣ ପୂଜୟେଦନଘୋ ଦ୍ଵିଜାଃ ॥ ୧୯୪ ॥

ଜପୀନ୍ନାମ୍ନାଂ ସହସ୍ରଂ ଚ ସ ୟାତି ପରମାଂ ଗତିମ୍ ॥ ୧୯୫ ॥

॥ ଇତି ଶ୍ରୀଲିଙ୍ଗମହାପୁରାଣେ ପୂର୍ଵଭାଗେ ସହସ୍ରନାମଭିଃ
ପୂଜନାଦ୍ଵିଷ୍ଣୁଚକ୍ରଲାଭୋ ନାମାଷ୍ଟନଵତିତମୋଧ୍ୟାୟଃ ॥

Also Read:

1000 Names of Shiva from Lingapurana Lyrics Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil