Shri Bhuvaneshwari Sahasranamastotram Lyrics in Bengali:
॥ শ্রীভুবনেশ্বরীসহস্রনামস্তোত্রম্ ॥
শ্রীগণেশায় নমঃ ।
শ্রীদেব্যুবাচ – শ্রীপার্বত্যুবাচ –
দেব দেব মহাদেব সর্বশাস্ত্রবিশারদ ! ।
কপালখট্বাঙ্গধর ! চিতাভস্মানুলেপন ! ॥ ১ ॥
য়া আদ্যা প্রকৃতির্নিত্যা সর্বশাস্ত্রেষু গোপিতা ।
তস্যাঃ শ্রীভুবনেশ্বর্যা নাম্নাং পুণ্যং সহস্রকম্ ॥ ২ ॥
কথয়স্ব মহাদেব ! য়থা দেবী প্রসীদতি ।
ঈশ্বর উবাচ – শ্রীমহেশ্বর উবাচ –
সাধু পৃষ্টং মহাদেবি ! সাধকানাং হিতায় বৈ ॥ ৩ ॥ সাধু লোকহিতায় চ
য়া আদ্যা প্রকৃতির্নিত্যা সর্বশাস্ত্রেষু গোপিতা ।
য়স্যাঃ স্মরণমাত্রেণ সর্বপাপৈঃ প্রমুচ্যতে ॥ ৪ ॥
আরাধনাদ্ভবেদ্যস্যা জীবন্মুক্তো ন সংশয়ঃ ।
তস্যা নামসহস্রং বৈ কথয়ামি সমাসতঃ ॥ ৫ ॥
var তস্যা নামসহস্রাণি কথয়ামি শ্রুণুষ্ব তত্
বিনিয়োগঃ –
অস্য শ্রীভুবনেশ্বর্যা সহস্রনামস্তোত্রস্য দক্ষিণামূর্তিঋষিঃ,
পঙ্ক্তিশ্ছন্দঃ, আদ্যা শ্রীভুবনেশ্বরীদেবতা, হ্রীং বীজং,
শ্রীং শক্তিঃ, ক্লীং কীলকং, মম শ্রীধর্মার্থকামমোক্ষার্থে
জপে বিনিয়োগঃ ।
ঋষ্যাদিন্যাসঃ –
শ্রীদক্ষিণামূর্তিঋষয়ে নমঃ শিরসি ।
পঙ্ক্তিশ্ছন্দসে নমঃ মুখে ।
আদ্যা শ্রীভুবনেশ্বরীদেবতায়ৈ নমঃ হৃদি ।
হ্রীং বীজায় নমঃ গুহ্যে ।
শ্রীং শক্তয়ে নমঃ নাভৌ ।
ক্লীং কীলকায় নমঃ পাদয়োঃ ।
ধর্মার্থকামমোক্ষার্থে বিনিয়োগায় নমঃ সর্বাঙ্গে ।
অথ সহস্রনামস্তোত্রম্ ।
আদ্যা মায়া পরা শক্তিঃ শ্রীং হ্রীং ক্লীং ভুবনেশ্বরী ।
var আদ্যা কমলা বাণী মায়া শ্রীভুবনেশ্বরী
ভুবনা ভাবনা ভব্যা ভবানী ভবভাবিনী ॥ ৬ ॥ ভবমোচনী
রুদ্রাণী রুদ্রভক্তা চ তথা রুদ্রপ্রিয়া সতী ।
উমা কাত্যায়নী দুর্গা মঙ্গলা সর্বমঙ্গলা ॥ ৭ ॥ উমা কামেশ্বরী
ত্রিপুরা পরমেশানী ত্রিপুরা সুন্দরী প্রিয়া ।
রমণা রমণী রামা রামকার্যকরী শুভা ॥ ৮ ॥
ব্রাহ্মী নারায়ণী চণ্ডী চামুণ্ডা মুণ্ডনায়িকা ।
মাহেশ্বরী চ কৌমারী বারাহী চাপরাজিতা ॥ ৯ ॥
মহামায়া মুক্তকেশী মহাত্রিপুরসুন্দরী ।
সুন্দরী শোভনা রক্তা রক্তবস্ত্রাপিধায়িনী ॥ ১০ ॥
রক্তাক্ষী রক্তবস্ত্রা চ রক্তবীজাতিসুন্দরী ।
রক্তচন্দনসিক্তাঙ্গী রক্তপুষ্পসদাপ্রিয়া ॥ ১১ ॥
কমলা কামিনী কান্তা কামদেবসদাপ্রিয়া ।
লক্ষ্মী লোলা চঞ্চলাক্ষী চঞ্চলা চপলা প্রিয়া ॥ ১২ ॥
ভৈরবী ভয়হর্ত্রী চ মহাভয়বিনাশিনী ।
ভয়ঙ্করী মহাভীমা ভয়হা ভয়নাশিনী ॥ ১৩ ॥
শ্মশানে প্রান্তরে দুর্গে সংস্মৃতা ভয়নাশিনী ।
জয়া চ বিজয়া চৈব জয়পূর্ণা জয়প্রদা ॥ ১৪ ॥
য়মুনা য়ামুনা য়াম্যা য়ামুনজা য়মপ্রিয়া ।
সর্বেষাং জনিকা জন্যা জনহা জনবর্ধিনী ॥ ১৫ ॥
কালী কপালিনী কুল্লা কালিকা কালরাত্রিকা ।
মহাকালহৃদিস্থা চ কালভৈরবরূপিণী ॥ ১৬ ॥
কপালখট্বাঙ্গধরা পাশাঙ্কুশবিধারিণী ।
অভয়া চ ভয়া চৈব তথা চ ভয়নাশিনী ॥ ১৭ ॥
মহাভয়প্রদাত্রী চ তথা চ বরহস্তিনী ।
গৌরী গৌরাঙ্গিনী গৌরা গৌরবর্ণা জয়প্রদা ॥ ১৮ ॥
উগ্রা উগ্রপ্রভা শান্তিঃ শান্তিদাঽশান্তিনাশিনী ।
উগ্রতারা তথা চোগ্রা নীলা চৈকজটা তথা ॥ ১৯ ॥
হাং হাং হূং হূং তথা তারা তথা চ সিদ্ধিকালিকা ।
তারা নীলা চ বাগীশী তথা নীলসরস্বতী ॥ ২০ ॥
গঙ্গা কাশী সতী সত্যা সর্বতীর্থময়ী তথা ।
তীর্থরূপা তীর্থপুণ্যা তীর্থদা তীর্থসেবিকা ॥ ২১ ॥
পুণ্যদা পুণ্যরূপা চ পুণ্যকীর্তিপ্রকাশিনী ।
পুণ্যকালা পুণ্যসংস্থা তথা পুণ্যজনপ্রিয়া ॥ ২২ ॥
তুলসী তোতুলাস্তোত্রা রাধিকা রাধনপ্রিয়া ।
সত্যাসত্যা সত্যভামা রুক্মিণী কৃষ্ণবল্লভা ॥ ২৩ ॥
দেবকী কৃষ্ণমাতা চ সুভদ্রা ভদ্ররূপিণী ।
মনোহরা তথা সৌম্যা শ্যামাঙ্গী সমদর্শনা ॥ ২৪ ॥
ঘোররূপা ঘোরতেজা ঘোরবত্প্রিয়দর্শনা ।
কুমারী বালিকা ক্ষুদ্রা কুমারীরূপধারিণী ॥ ২৫ ॥
য়ুবতী য়ুবতীরূপা য়ুবতীরসরঞ্জকা ।
পীনস্তনী ক্ষূদ্রমধ্যা প্রৌঢা মধ্যা জরাতুরা ॥ ২৬ ॥
অতিবৃদ্ধা স্থাণুরূপা চলাঙ্গী চঞ্চলা চলা ।
দেবমাতা দেবরূপা দেবকার্যকরী শুভা ॥ ২৭ ॥
দেবমাতা দিতির্দক্ষা সর্বমাতা সনাতনী ।
পানপ্রিয়া পায়নী চ পালনা পালনপ্রিয়া ॥ ২৮ ॥
মত্স্যাশী মাংসভক্ষ্যা চ সুধাশী জনবল্লভা ।
তপস্বিনী তপী তপ্যা তপঃসিদ্ধিপ্রদায়িনী ॥ ২৯ ॥
হবিষ্যা চ হবির্ভোক্ত্রী হব্যকব্যনিবাসিনী ।
য়জুর্বেদা বশ্যকরী য়জ্ঞাঙ্গী য়জ্ঞবল্লভা ॥ ৩০ ॥
দক্ষা দাক্ষায়িণী দুর্গা দক্ষয়জ্ঞবিনাশিনী ।
পার্বতী পর্বতপ্রীতা তথা পর্বতবাসিনী ॥ ৩১ ॥
হৈমী হর্ম্যা হেমরূপা মেনা মান্যা মনোরমা ।
কৈলাসবাসিনী মুক্তা শর্বক্রীডাবিলাসিনী ॥ ৩২ ॥
চার্বঙ্গী চারুরূপা চ সুবক্ত্রা চ শুভাননা ।
চলত্কুণ্ডলগণ্ডশ্রীর্লসত্কুণ্ডলধারিণী ॥ ৩৩ ॥
মহাসিংহাসনস্থা চ হেমভূষণভূষিতা ।
হেমাঙ্গদা হেমভূষা চ সূর্যকোটিসমপ্রভা ॥ ৩৪ ॥
বালাদিত্যসমাকান্তিঃ সিন্দূরার্চিতবিগ্রহা ।
য়বা য়াবকরূপা চ রক্তচন্দনরূপধৃক্ ॥ ৩৫ ॥
কোটরী কোটরাক্ষী চ নির্লজ্জা চ দিগম্বরা ।
পূতনা বালমাতা চ শূন্যালয়নিবাসিনী ॥ ৩৬ ॥
শ্মশানবাসিনী শূন্যা হৃদ্যা চতুরবাসিনী ।
মধুকৈটভহন্ত্রী চ মহিষাসুরঘাতিনী ॥ ৩৭ ॥
নিশুম্ভশুম্ভমথনী চণ্ডমুণ্ডবিনাশিনী ।
শিবাখ্যা শিবরূপা চ শিবদূতী শিবপ্রিয়া ॥ ৩৮ ॥
শিবদা শিববক্ষঃস্থা শর্বাণী শিবকারিণী ।
ইন্দ্রাণী চেন্দ্রকন্যা চ রাজকন্যা সুরপ্রিয়া ॥ ৩৯ ॥
লজ্জাশীলা সাধুশীলা কুলস্ত্রী কুলভূষিকা ।
মহাকুলীনা নিষ্কামা নির্লজ্জা কুলভূষণা ॥ ৪০ ॥
কুলীনা কুলকন্যা চ তথা চ কুলভূষিতা ।
অনন্তানন্তরূপা চ অনন্তাসুরনাশিনী ॥ ৪১ ॥
হসন্তী শিবসঙ্গেন বাঞ্ছিতানন্দদায়িনী ।
নাগাঙ্গী নাগভূষা চ নাগহারবিধারিণী ॥ ৪২ ॥
ধরিণী ধারিণী ধন্যা মহাসিদ্ধিপ্রদায়িনী ।
ডাকিনী শাকিনী চৈব রাকিনী হাকিনী তথা ॥ ৪৩ ॥
ভূতা প্রেতা পিশাচী চ য়ক্ষিণী ধনদার্চিতা ।
ধৃতিঃ কীর্তিঃ স্মৃতির্মেধা তুষ্টিঃপুষ্টিরুমা রুষা ॥ ৪৪ ॥
শাঙ্করী শাম্ভবী মীনা রতিঃ প্রীতিঃ স্মরাতুরা ।
অনঙ্গমদনা দেবী অনঙ্গমদনাতুরা ॥ ৪৫ ॥
ভুবনেশী মহামায়া তথা ভুবনপালিনী ।
ঈশ্বরী চেশ্বরীপ্রীতা চন্দ্রশেখরভূষণা ॥ ৪৬ ॥
চিত্তানন্দকরী দেবী চিত্তসংস্থা জনস্য চ ।
অরূপা বহুরূপা চ সর্বরূপা চিদাত্মিকা ॥ ৪৭ ॥
অনন্তরূপিণী নিত্যা তথানন্তপ্রদায়িনী ।
নন্দা চানন্দরূপা চ তথাঽনন্দপ্রকাশিনী ॥ ৪৮ ॥
সদানন্দা সদানিত্যা সাধকানন্দদায়িনী ।
বনিতা তরুণী ভব্যা ভবিকা চ বিভাবিনী ॥ ৪৯ ॥
চন্দ্রসূর্যসমা দীপ্তা সূর্যবত্পরিপালিনী ।
নারসিংহী হয়গ্রীবা হিরণ্যাক্ষবিনাশিনী ॥ ৫০ ॥
বৈষ্ণবী বিষ্ণুভক্তা চ শালগ্রামনিবাসিনী ।
চতুর্ভুজা চাষ্টভুজা সহস্রভুজসংজ্ঞিতা ॥ ৫১ ॥
আদ্যা কাত্যায়নী নিত্যা সর্বাদ্যা সর্বদায়িনী ।
সর্বচন্দ্রময়ী দেবী সর্ববেদময়ী শুভা ॥ ৫২ ॥
সবদেবময়ী দেবী সর্বলোকময়ী পুরা ।
সর্বসম্মোহিনী দেবী সর্বলোকবশঙ্করী ॥ ৫৩ ॥
রাজিনী রঞ্জিনী রাগা দেহলাবণ্যরঞ্জিতা ।
নটী নটপ্রিয়া ধূর্তা তথা ধূর্তজনার্দিনী ॥ ৫৪ ॥
মহামায়া মহামোহা মহাসত্ত্ববিমোহিতা ।
বলিপ্রিয়া মাংসরুচির্মধুমাংসপ্রিয়া সদা ॥ ৫৫ ॥
মধুমত্তা মাধবিকা মধুমাধবরূপিকা ।
দিবাময়ী রাত্রিময়ী সন্ধ্যা সন্ধিস্বরূপিণী ॥ ৫৬ ॥
কালরূপা সূক্ষ্মরূপা সূক্ষ্মিণী চাতিসূক্ষ্মিণী ।
তিথিরূপা বাররূপা তথা নক্ষত্ররূপিণী ॥ ৫৭ ॥
সর্বভূতময়ী দেবী পঞ্চভূতনিবাসিনী ।
শূন্যাকারা শূন্যরূপা শূন্যসংস্থা চ স্তম্ভিনী ॥ ৫৮ ॥
আকাশগামিনী দেবী জ্যোতিশ্চক্রনিবাসিনী ।
গ্রহাণাং স্থিতিরূপা চ রুদ্রাণী চক্রসম্ভবা ॥ ৫৯ ॥
ঋষীণাং ব্রহ্মপুত্রাণাং তপঃসিদ্ধিপ্রদায়িনী ।
অরুন্ধতী চ গায়ত্রী সাবিত্রী সত্ত্বরূপিণী ॥ ৬০ ॥
চিতাসংস্থা চিতারূপা চিত্তসিদ্ধিপ্রদায়িনী ।
শবস্থা শবরূপা চ শবশত্রুনিবাসিনী ॥ ৬১ ॥
য়োগিনী য়োগরূপা চ য়োগিনাং মলহারিণী ।
সুপ্রসন্না মহাদেবী য়ামুনী মুক্তিদায়িনী ॥ ৬২ ॥
নির্মলা বিমলা শুদ্ধা শুদ্ধসত্বা জয়প্রদা ।
মহাবিদ্যা মহামায়া মোহিনী বিশ্বমোহিনী ॥ ৬৩ ॥
কার্যসিদ্ধিকরী দেবী সর্বকার্যনিবাসিনী ।
কার্যকার্যকরী রৌদ্রী মহাপ্রলয়কারিণী ॥ ৬৪ ॥
স্ত্রীপুংভেদাহ্যভেদ্যা চ ভেদিনী ভেদনাশিনী ।
সর্বরূপা সর্বময়ী অদ্বৈতানন্দরূপিণী ॥ ৬৫ ॥
প্রচণ্ডা চণ্ডিকা চণ্ডা চণ্ডাসুরবিনাশিনী ।
সুমস্তা বহুমস্তা চ ছিন্নমস্তাঽসুনাশিনী ॥ ৬৬ ॥
অরূপা চ বিরূপা চ চিত্ররূপা চিদাত্মিকা ।
বহুশস্ত্রা অশস্ত্রা চ সর্বশস্ত্রপ্রহারিণী ॥ ৬৭ ॥
শাস্ত্রার্থা শাস্ত্রবাদা চ নানা শাস্ত্রার্থবাদিনী ।
কাব্যশাস্ত্রপ্রমোদা চ কাব্যালঙ্কারবাসিনী ॥ ৬৮ ॥
রসজ্ঞা রসনা জিহ্বা রসামোদা রসপ্রিয়া ।
নানাকৌতুকসংয়ুক্তা নানারসবিলাসিনী ॥ ৬৯ ॥
অরূপা চ স্বরূপা চ বিরূপা চ সুরূপিণী ।
রূপাবস্যা তথা জীবা বেশ্যাদ্যা বেশধারিণী ॥ ৭০ ॥
নানাবেশধরা দেবী নানাবেশেষু সংস্থিতা ।
কুরূপা কুটিলা কৃষ্ণা কৃষ্ণারূপা চ কালিকা ॥ ৭১ ॥
লক্ষ্মীপ্রদা মহালক্ষ্মীঃ সর্বলক্ষণসংয়ুতা ।
কুবেরগৃহসংস্থা চ ধনরূপা ধনপ্রদা ॥ ৭২ ॥
নানারত্নপ্রদা দেবী রত্নখণ্ডেষু সংস্থিতা ।
বর্ণসংস্থা বর্ণরূপা সর্ববর্ণময়ী সদা ॥ ৭৩ ॥
ওঙ্কাররূপিণী বাচ্যা আদিত্যজ্যোতীরূপিণী ।
সংসারমোচিনী দেবী সঙ্গ্রামে জয়দায়িনী ॥ ৭৪ ॥
জয়রূপা জয়াখ্যা চ জয়িনী জয়দায়িনী ।
মানিনী মানরূপা চ মানভঙ্গপ্রণাশিনী ॥ ৭৫ ॥
মান্যা মানপ্রিয়া মেধা মানিনী মানদায়িনী ।
সাধকাসাধকাসাধ্যা সাধিকা সাধনপ্রিয়া ॥ ৭৬ ॥
স্থাবরা জঙ্গমা প্রোক্তা চপলা চপলপ্রিয়া ।
ঋদ্ধিদা ঋদ্ধিরূপা চ সিদ্ধিদা সিদ্ধিদায়িনী ॥ ৭৭ ॥
ক্ষেমঙ্করী শঙ্করী চ সর্বসম্মোহকারিণী ।
রঞ্জিতা রঞ্জিনী য়া চ সর্ববাঞ্ছাপ্রদায়িনী ॥ ৭৮ ॥
ভগলিঙ্গপ্রমোদা চ ভগলিঙ্গনিবাসিনী ।
ভগরূপা ভগাভাগ্যা লিঙ্গরূপা চ লিঙ্গিনী ॥ ৭৯ ॥
ভগগীতির্মহাপ্রীতির্লিঙ্গগীতির্মহাসুখা ।
স্বয়ম্ভূঃ কুসুমারাধ্যা স্বয়ম্ভূঃ কুসুমাকুলা ॥ ৮০ ॥
স্বয়ম্ভূঃ পুষ্পরূপা চ স্বয়ম্ভূঃ কুসুমপ্রিয়া ।
শুক্রকূপা মহাকূপা শুক্রাসবনিবাসিনী ॥ ৮১ ॥
শুক্রস্থা শুক্রিণী শুক্রা শুক্রপূজকপূজিতা ।
কামাক্ষা কামরূপা চ য়োগিনী পীঠবাসিনী ॥ ৮২ ॥
সর্বপীঠময়ী দেবী পীঠপূজানিবাসিনী ।
অক্ষমালাধরা দেবী পানপাত্রবিধারিণী ॥ ৮৩ ॥
শূলিনী শূলহস্তা চ পাশিনী পাশরূপিণী ।
খড্গিনী গদিনী চৈব তথা সর্বাস্ত্রধারিণী ॥ ৮৪ ॥
ভাব্যা ভব্যা ভবানী সা ভবমুক্তিপ্রদায়িনী ।
চতুরা চতুরপ্রীতা চতুরাননপূজিতা ॥ ৮৫ ॥
দেবস্তব্যা দেবপূজ্যা সর্বপূজ্যা সুরেশ্বরী ।
জননী জনরূপা চ জনানাং চিত্তহারিণী ॥ ৮৬ ॥
জটিলা কেশবদ্ধা চ সুকেশী কেশবদ্ধিকা ।
অহিংসা দ্বেষিকা দ্বেষ্যা সর্বদ্বেষবিনাশিনী ॥ ৮৭ ॥
উচ্চাটিনী দ্বেষিনী চ মোহিনী মধুরাক্ষরা ।
ক্রীডা ক্রীডকলেখাঙ্ককারণাকারকারিকা ॥ ৮৮ ॥
সর্বজ্ঞা সর্বকার্যা চ সর্বভক্ষা সুরারিহা ।
সর্বরূপা সর্বশান্তা সর্বেষাং প্রাণরূপিণী ॥ ৮৯ ॥
সৃষ্টিস্থিতিকরী দেবী তথা প্রলয়কারিণী ।
মুগ্ধা সাধ্বী তথা রৌদ্রী নানামূর্তিবিধারিণী ॥ ৯০ ॥
উক্তানি য়ানি দেবেশি অনুক্তানি মহেশ্বরি ।
য়ত্ কিঞ্চিদ্ দৃশ্যতে দেবি তত্ সর্বং ভুবনেশ্বরী ॥ ৯১ ॥
ইতি শ্রীভুবনেশ্বর্যা নামানি কথিতানি তে ।
সহস্রাণি মহাদেবি ফলং তেষাং নিগদ্যতে ॥ ৯২ ॥
য়ঃ পঠেত্ প্রাতরুত্থায় চার্দ্ধরাত্রে তথা প্রিয়ে ।
প্রাতঃকালে তথা মধ্যে সায়াহ্নে হরবল্লভে ॥ ৯৩ ॥
য়ত্র তত্র পঠিত্বা চ ভক্ত্যা সিদ্ধির্ন সংশয়ঃ ।
পঠেদ্ বা পাঠয়েদ্ বাপি শৃণুয়াচ্ছ্রাবয়েত্তথা ॥ ৯৪ ॥
তস্য সর্বং ভবেত্ সত্যং মনসা য়চ্চ বাঞ্ছিতম্ ।
অষ্টম্যাং চ চতুর্দশ্যাং নবম্যাং বা বিশেষতঃ ॥ ৯৫ ॥
সর্বমঙ্গলসংয়ুক্তে সঙ্ক্রাতৌ শনিভৌময়োঃ ।
য়ঃ পঠেত্ পরয়া ভক্ত্যা দেব্যা নামসহস্রকম্ ॥ ৯৬ ॥
তস্য দেহে চ সংস্থানং কুরুতে ভুবনেশ্বরী ।
তস্য কার্যং ভবেদ্ দেবি অন্যথা ন কথঞ্চন ॥ ৯৭ ॥
শ্মশানে প্রান্তরে বাপি শূন্যাগারে চতুষ্পথে ।
চতুষ্পথে চৈকলিঙ্গে মেরুদেশে তথৈব চ ॥ ৯৮ ॥
জলমধ্যে বহ্নিমধ্যে সঙ্গ্রামে গ্রামশান্তয়ে ।
জপত্বা মন্ত্রসহস্রং তু পঠেন্নামসহস্রকম্ ॥ ৯৯ ॥
ধূপদীপাদিভিশ্চৈব বলিদানাদিকৈস্তথা ।
নানাবিধৈস্তথা দেবি নৈবেদ্যৈর্ভুবনেশ্বরীম্ ॥ ১০০ ॥
সম্পূজ্য বিধিবজ্জপ্ত্বা স্তুত্বা নামসহস্রকৈঃ ।
অচিরাত্ সিদ্ধিমাপ্নোতি সাধকো নাত্র সংশয়ঃ ॥ ১০১ ॥
তস্য তুষ্টা ভবেদ্ দেবী সর্বদা ভুবনেশ্বরী ।
ভূর্জপত্রে সমালিখ্য কুঙকুমাদ্ রক্তচন্দনৈঃ ॥ ১০২ ॥
তথা গোরোচনাদ্যৈশ্চ বিলিখ্য সাধকোত্তমঃ ।
সুতিথৌ শুভনক্ষত্রে লিখিত্বা দক্ষিণে ভুজে ॥ ১০৩ ॥
ধারয়েত্ পরয়া ভক্ত্যা দেবীরূপেণ পার্বতি ! ।
তস্য সিদ্ধির্মহেশানি অচিরাচ্চ ভবিষ্যতি ॥ ১০৪ ॥
রণে রাজকুলে বাঽপি সর্বত্র বিজয়ী ভবেত্ ।
দেবতা বশমায়াতি কিং পুনর্মানবাদয়ঃ ॥ ১০৫ ॥
বিদ্যাস্তম্ভং জলস্তম্ভং করোত্যেব ন সংশয়ঃ ।
পঠেদ্ বা পাঠয়েদ্ বাঽপি দেবীভক্ত্যা চ পার্বতি ॥ ১০৬ ॥
ইহ ভুক্ত্বা বরান্ ভোগান্ কৃত্বা কাব্যার্থবিস্তরান্ ।
অন্তে দেব্যা গণত্বং চ সাধকো মুক্তিমাপ্নুয়াত্ ॥ ১০৭ ॥
প্রাপ্নোতি দেবদেবেশি সর্বার্থান্নাত্র সংশয়ঃ ।
হীনাঙ্গে চাতিরিক্তাঙ্গে শঠায় পরশিষ্যকে ॥ ১০৮ ॥
ন দাতব্যং মহেশানি প্রাণান্তেঽপি কদাচন ।
শিষ্যায় মতিশুদ্ধায় বিনীতায় মহেশ্বরি ॥ ১০৯ ॥
দাতব্যঃ স্তবরাজশ্চ সর্বসিদ্ধিপ্রদো ভবেত্ ।
লিখিত্বা ধারয়েদ্ দেহে দুঃখং তস্য ন জায়তে ॥ ১১০ ॥
য় ইদং ভুবনেশ্বর্যাঃ স্তবরাজং মহেশ্বরি ।
ইতি তে কথিতং দেবি ভুবনেশ্যাঃ সহস্রকম্ ॥ ১১১ ॥
য়স্মৈ কস্মৈ ন দাতব্যং বিনা শিষ্যায় পার্বতি ।
সুরতরুবরকান্তং সিদ্ধিসাধ্যৈকসেব্যং
য়দি পঠতি মনুষ্যো নান্যচেতাঃ সদৈব ।
ইহ হি সকলভোগান্ প্রাপ্য চান্তে শিবায়
ব্রজতি পরসমীপং সর্বদা মুক্তিমন্তে ॥ ১১২ ॥
॥ ইতি শ্রীরুদ্রয়ামলে তন্ত্রে ভুবনেশ্বরীসহস্রনামাখ্যং
স্তোত্রং সম্পূর্ণম্ ॥ শ্রীরস্তু ॥
Also Read 1000 Names of Sri Bhuvaneshvari :
1000 Names of Sri Bhuvaneshvari | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
