Shri Dattatreyasahasranamastotram 3 Lyrics in Malayalam:
॥ ശ്രീദത്തസഹസ്രനാമസ്തോത്രം 3 ॥
ശ്രീഗണേശായ നമഃ ।
അഥ ദത്തസഹസ്രനാമപ്രാരംഭഃ ॥
ശ്രീദത്താത്രേയായ സച്ചിദാനന്ദായ സര്‍വാന്തരാത്മനേ
സദ്ഗുരവേ പരബ്രഹ്മണേ നമഃ ।
കദാചിച്ഛങ്കരാചാര്യശ്ചിന്തയിത്വാ ദിവാകരം ।
കിം സാധിതം മയാ ലോകേ പൂജയാ സ്തുതിവന്ദനൈഃ ॥ 1 ॥
ബഹുകാലേ ഗതേ തസ്യ ദത്താത്രേയാത്മകോ മുനിഃ ।
സ്വപ്നേ പ്രദര്‍ശയാമാസ സൂര്യരൂപമനുത്തമം ॥ 2 ॥
ഉവാച ശങ്കരം തത്ര പതദ്രൂപമധാരയത് ।
പ്രാപ്യസേ ത്വം സര്‍വസിദ്ധികാരണം സ്തോത്രമുത്തമം ॥ 3 ॥
ഉപദേക്ഷ്യേ ദത്തനാമസഹസ്രം ദേവപൂജിതം ।
ദാതും വക്തുമശക്യം ച രഹസ്യം മോക്ഷദായകം ॥ 4 ॥
ജപേഷു പുണ്യതീര്‍ഥേഷു ചാന്ദ്രായണശതേഷു ച ।
യജ്ഞവ്രതാദിദാനേഷു സര്‍വപുണ്യഫലപ്രദം ॥ 5 ॥
ശതവാരം ജപേന്നിത്യം കര്‍മസിദ്ധിര്‍ന സംശയഃ ।
ഏകേനോച്ചാരമാത്രേണ തത്സ്വരൂപം ലഭേന്നരഃ ॥ 6 ॥
യോഗത്രയം ച ലഭതേ സര്‍വയോഗാന്ന സംശയഃ ।
മാതൃപിതൃഗുരൂണാം ച ഹത്യാദോഷോ വിനശ്യതി ॥ 7 ॥
അനേന യഃ കിമിത്യുക്ത്വാ രൌരവം നരകം വ്രജേത് ।
പഠിതവ്യം ശ്രാവിതവ്യം ശ്രദ്ധാഭക്തിസമന്വിതൈഃ ॥ 8 ॥
സങ്കരീകൃതപാപൈശ്ച മലിനീകരണൈരപി ।
പാപകോടിസഹസ്രൈശ്ച മുച്യതേ നാത്ര സംശയഃ ॥ 9 ॥
യദ്ഗൃഹേ സംസ്ഥിതം സ്തോത്രം നാമദത്തസഹസ്രകം ।
സര്‍വാവശ്യാദികര്‍മാണി സമുച്ചാര്യ ജപേദ്ധ്രുവം ॥ 10 ॥
തത്തത്കാര്യം ച ലഭതേ മോക്ഷവാന്‍ യോഗവാന്‍ ഭവേത് ॥
ഓം അസ്യ ശ്രീദത്താത്രേയസഹസ്രനാമസ്തോത്രമന്ത്രസ്യ ബ്രഹ്മഋഷിഃ ।
അനുഷ്ടുപ്ഛന്ദഃ । ശ്രീദത്തപുരുഷഃ പരമാത്മാ ദേവതാ।
ഓം ഹംസഹംസായ വിദ്മഹേ ഇതി ബീജം । സോഽഹം സോഽഹം ച ധീമഹി ഇതി ശക്തിഃ।
ഹംസഃ സോഽഹം ച പ്രചോദയാത് ഇതി കീലകം ।
ശ്രീപരമപുരുഷപരമഹംസപരമാത്മപ്രീത്യര്‍ഥേ ജപേ വിനിയോഗഃ ॥
അഥഃ ന്യാസഃ ।
ഓം ഹംസോ ഗണേശായ അങ്ഗുഷ്ഠാംയാം നമഃ ।
ഓം ഹംസീ പ്രജാപതയേ തര്‍ജനീഭ്യാം നമഃ ।
ഓം ഹംസൂം മഹാവിഷ്ണവേ മധ്യമാഭ്യാം നമഃ ।
ഓം ഹംസൈഃ ശംഭവേ അനാമികാഭ്യാം നമഃ ।
ഓം ഹംസൌ ജീവാത്മനേ കനിഷ്ഠികാംയാം നഗഃ ।
ഓം ഹംസഃ പരമാത്മനേ കരതലകരപൃഷ്ഠാഭ്യാം നമഃ ।
ഏവം ഹൃദയാദിഷഡങ്ഗന്യാസഃ ।
ഓം ഹംസഃ സോഽഹം ഹംസഃ ഇതി ദിഗ്ബന്ധഃ ॥
അഥ ധ്യാനം ।
ബാലാര്‍കപ്രഭമിന്ദ്രനീലജടിലം ഭസ്മാങ്ഗരാഗോജ്ജ്വലം
ശാന്തം നാദവിലീനചിത്തപവനം ശാര്‍ദൂലചര്‍മാംബരം ।
ബ്രഹ്മാദ്യൈഃ സനകാദിഭിഃ പരിവൃതം സിദ്ധൈര്‍മഹായോഗിഭി-
ര്‍ദത്താത്രേയമുപാസ്മഹേ ഹൃദി മുദാ ധ്യേയം സദാ യോഗിനാം ॥ 1 ॥
ഓം ശ്രീമാന്ദേവോ വിരൂപാക്ഷോ പുരാണപുരുഷോത്തമഃ ।
ബ്രഹ്മാ പരോ യതീനാഥോ ദീനബന്ധുഃ കൃപാനിധിഃ ॥ 1 ॥
സാരസ്വതോ മുനിര്‍മുഖ്യസ്തേജസ്വീ ഭക്തവത്സലഃ ।
ധര്‍മോ ധര്‍മമയോ ധര്‍മീ ധര്‍മദോ ധര്‍മഭാവനഃ ॥ 2 ॥
ഭാഗ്യദോ ഭോഗദോ ഭോഗീ ഭാഗ്യവാന്‍ ഭാനുരഞ്ജനഃ ।
ഭാസ്കരോ ഭയഹാ ഭര്‍താ ഭാവഭൂര്‍ഭവതാരണഃ ॥ 3 ॥
കൃഷ്ണോ ലക്ഷ്മീപതിര്‍ദേവഃ പാരിജാതാപഹാരകഃ ।
സിംഹാദ്രിനിലയഃ ശംഭുര്‍വ്യങ്കടാചലവാസകഃ ॥ 4 ॥
കോല്ലാപുരഃ ശ്രീജപവാന്‍ മാഹുരാര്‍ജിതഭിക്ഷുകഃ ।
സേതുതീര്‍ഥവിശുദ്ധാത്മാ രാമധ്യാനപരായണഃ ॥ 5 ॥
രാമാര്‍ചിതോ രാമഗുരുഃ രാമാത്മാ രാമദൈവതഃ ॥ 5 ॥
ശ്രീരാമശിഷ്യോ രാമജ്ഞോ രാമൈകാക്ഷരതത്പരഃ ॥ 6 ॥
ശ്രീരാമമന്ത്രവിഖ്യാതോ രാമമന്ത്രാബ്ധിപാരഗഃ ।
രാമഭക്തോ രാമസഖാ രാമവാന്‍ രാമഹര്‍ഷണഃ ॥ 7 ॥
അനസൂയാത്മജോ ദേവദത്തശ്ചാത്രേയനാമകഃ ।
സുരൂപഃ സുമതിഃ പ്രാജ്ഞഃ ശ്രീദോ വൈകുണ്ഠവല്ലഭഃ ॥ 8 ॥
വിരജസ്ഥാനകഃ ശ്രേഷ്ഠഃ സര്‍വോ നാരായണഃ പ്രഭുഃ ।
കര്‍മജ്ഞഃ കര്‍മനിരതോ നൃസിംഹോ വാമനോഽച്യുതഃ ॥ 9 ॥
കവിഃ കാവ്യോ ജഗന്നാഥോ ജഗന്‍മൂര്‍തിരനാമയഃ ।
മത്സ്യഃ കൂര്‍മോ വരാഹശ്ച ഹരിഃ കൃഷ്ണോ മഹാസ്മയഃ ॥ 10 ॥
രാമോ രാമോ രഘുപതിര്‍ബുദ്ധഃ കല്‍കീ ജനാര്‍ദനഃ ।
ഗോവിന്ദോ മാധവോ വിഷ്ണുഃ ശ്രീധരോ ദേവനായകഃ ॥ 11 ॥
ത്രിവിക്രമഃ കേശവശ്ച വാസുദേവോ മഹേശ്വരഃ ।
സങ്കര്‍ഷണഃ പദ്മനാഭോ ദാമോദരപരഃ ശുചിഃ ॥ 12 ॥
ശ്രീശൈലവനചാരീ ച ഭാര്‍ഗവസ്ഥാനകോവിദഃ ।
ശേഷാചലനിവാസീ ച സ്വാമീ പുഷ്കരിണീപ്രിയഃ ॥ 13 ॥ അഹോബിലനിവാസീ
കുംഭകോണനിവാസീ ച കാഞ്ചിവാസീ രസേശ്വരഃ ।
രസാനുഭോക്താ സിദ്ധേശഃ സിദ്ധിമാന്‍ സിദ്ധവത്സലഃ ॥ 14 ॥
സിദ്ധരൂപഃ സിദ്ധവിധിഃ സിദ്ധാചാരപ്രവര്‍തകഃ ।
രസാഹാരോ വിഷാഹാരോ ഗന്ധകാദി പ്രസേവകഃ ॥ 15 ॥
യോഗീ യോഗപരോ രാജാ ധൃതിമാന്‍ മതിമാന്‍സുഖീ ।
ബുദ്ധിമാന്നീതിമാന്‍ ബാലോ ഹ്യുന്‍മത്തോ ജ്ഞാനസാഗരഃ ॥ 16 ॥
യോഗിസ്തുതോ യോഗിചന്ദ്രോ യോഗിവന്ദ്യോ യതീശ്വരഃ ।
യോഗാദിമാന്‍ യോഗരൂപോ യോഗീശോ യോഗിപൂജിതഃ ॥ 17 ॥
കാഷ്ഠായോഗീ ദൃഢപ്രജ്ഞോ ലംബികായോഗവാന്‍ ദൃഢഃ ।
ഖേചരശ്ച ഖഗഃ പൂഷാ രശ്മിവാന്‍ഭൂതഭാവനഃ ॥ 18 ॥
ബ്രഹ്മജ്ഞഃ സനകാദിഭ്യഃ ശ്രീപതിഃ കാര്യസിദ്ധിമാന്‍ ।
സ്പൃഷ്ടാസ്പൃഷ്ടവിഹീനാത്മാ യോഗജ്ഞോ യോഗമൂര്‍തിമാന്‍ ॥ 19 ॥
മോക്ഷശ്രീര്‍മോക്ഷദോ മോക്ഷീ മോക്ഷരൂപോ വിശേഷവാന്‍ ।
സുഖപ്രദഃ സുഖഃ സൌഖ്യഃ സുഖരൂപഃ സുഖാത്മകഃ ॥ 20 ॥
രാത്രിരൂപോ ദിവാരൂപഃ സന്ധ്യാഽഽത്മാ കാലരൂപകഃ ।
കാലഃ കാലവിവര്‍ണശ്ച ബാലഃ പ്രഭുരതുല്യകഃ ॥ 21 ॥
സഹസ്രശീര്‍ഷാ പുരുഷോ വേദാത്മാ വേദപാരഗഃ ।
സഹസ്രചരണോഽനന്തഃ സഹസ്രാക്ഷോ ജിതേന്ദ്രിയഃ ॥ 22 ॥
സ്ഥൂലസൂക്ഷ്മോ നിരാകാരോ നിര്‍മോഹോ ഭക്തമോഹവാന്‍ ।
മഹീയാന്‍പരമാണുശ്ച ജിതക്രോധോ ഭയാപഹഃ ॥ 23 ॥
യോഗാനന്ദപ്രദാതാ ച യോഗോ യോഗവിശാരദഃ ।
നിത്യോ നിത്യാത്മവാന്‍ യോഗീ നിത്യപൂര്‍ണോ നിരാമയഃ ॥ 24 ॥
ദത്താത്രേയോ ദേയദത്തോ യോഗീ പരമഭാസ്കരഃ ।
അവധൂതഃ സര്‍വനാഥഃ സത്കര്‍താ പുരുഷോത്തമഃ ॥ 25 ॥
ജ്ഞാനീ ലോകവിഭുഃ കാന്തഃ ശീതോഷ്ണസമബുദ്ധകഃ ।
വിദ്വേഷീ ജനസംഹര്‍താ ധര്‍മബുദ്ധിവിചക്ഷണഃ ॥ 26 ॥
നിത്യതൃപ്തോ വിശോകശ്ച ദ്വിഭുജഃ കാമരൂപകഃ ।
കല്യാണോഽഭിജനോ ധീരോ വിശിഷ്ടഃ സുവിചക്ഷണഃ ॥ 27 ॥
ശ്രീമദ്ഭാഗവതാര്‍ഥജ്ഞോ രാമായണവിശേഷവാന്‍ ।
അഷ്ടാദശപുരാണജ്ഞോ ഷഡ്ദര്‍ശനവിജൃംഭകഃ ॥ 28 ॥
നിര്‍വികല്‍പഃ സുരശ്രേഷ്ഠോ ഹ്യുത്തമോ ലോകപൂജിതഃ ।
ഗുണാതീതഃ പൂര്‍ണഗുണോ ബ്രഹ്മണ്യോ ദ്വിജസംവൃതഃ ॥ 29 ॥
ദിഗംബരോ മഹാജ്ഞേയോ വിശ്വാത്മാഽഽത്മപരായണഃ ।
വേദാന്തശ്രവണോ വേദീ കലാവാന്നിഷ്കലങ്കവാന്‍ ॥ 30 ॥ കാലാവാന്നിഷ്കലത്രവാന്‍
മിതഭാഷ്യമിതഭാഷീ ച സൌംയോ രാമോ ജയഃ ശിവഃ ।
സര്‍വജിത് സര്‍വതോഭദ്രോ ജയകാങ്ക്ഷീ സുഖാവഹഃ ॥ 31 ॥
പ്രത്യര്‍ഥികീര്‍തിസംഹര്‍താ മന്ദരാര്‍ചിതപാദുകഃ ।
വൈകുണ്ഠവാസീ ദേവേശോ വിരജാസ്നാതമാനസഃ ॥ 32 ॥
ശ്രീമേരുനിലയോ യോഗീ ബാലാര്‍കസമകാന്തിമാന്‍ ।
രക്താങ്ഗഃ ശ്യാമലാങ്ഗശ്ച ബഹുവേഷോ ബഹുപ്രിയഃ ॥ 33 ॥
മഹാലക്ഷ്ംയന്നപൂര്‍ണേശഃ സ്വധാകാരോ യതീശ്വരഃ ।
സ്വര്‍ണരൂപഃ സ്വര്‍ണദായീ മൂലികായന്ത്രകോവിദഃ ॥ 34 ॥
ആനീതമൂലികായന്ത്രോ ഭക്താഭീഷ്ടപ്രദോ മഹാന്‍ ।
ശാന്താകാരോ മഹാമായോ മാഹുരസ്ഥോ ജഗന്‍മയഃ ॥ 35 ॥
ബദ്ധാശനശ്ച സൂക്ഷ്മാംശീ മിതാഹാരോ നിരുദ്യമഃ ।
ധ്യാനാത്മാ ധ്യാനയോഗാത്മാ ധ്യാനസ്ഥോ ധ്യാനസത്പ്രിയഃ ॥ 36 ॥
സത്യധ്യാനഃ സത്യമയഃ സത്യരൂപോ നിജാകൃതിഃ ।
ത്രിലോകഗുരുരേകാത്മാ ഭസ്മോദ്ധൂലിതവിഗ്രഹഃ ॥ 37 ॥
പ്രിയാപ്രിയസമഃ പൂര്‍ണോ ലാഭാലാഭസമപ്രിയഃ ।
സുഖദുഃഖസമോ ഹ്രീമാന്‍ ഹിതാഹിതസമഃ പരഃ ॥ 38 ॥
ഗുരുര്‍ബ്രഹ്മാ ച വിഷ്ണുശ്ച മഹാവിഷ്ണുഃ സനാതനഃ ।
സദാശിവോ മഹേന്ദ്രശ്ച ഗോവിന്ദോ മധുസൂദനഃ ॥ 39 ॥
കര്‍താ കാരയിതാ രുദ്രഃ സര്‍വചാരീ തു യാചകഃ ।
സമ്പത്പ്രദോ വൃഷ്ടിരൂപോ മേഘരൂപസ്തപഃപ്രിയഃ ॥ 40 ॥
തപോമൂര്‍തിസ്തപോരാശിസ്തപസ്വീ ച തപോധനഃ ।
തപോമയസ്തപഃശുദ്ധോ ജനകോ വിശ്വസൃഗ്വിധിഃ ॥ 41 ॥
തപഃസിദ്ധസ്തപഃസാധ്യസ്തപഃകര്‍താ തപഃക്രതുഃ ।
തപഃശമസ്തപഃകീര്‍തിസ്തപോദാരസ്തപോഽത്യയഃ ॥ 42 ॥
തപോരേതസ്തപോജ്യോതിസ്തപാത്മാ ചാത്രിനന്ദനഃ ।
നിഷ്കല്‍മഷോ നിഷ്കപടോ നിര്‍വിഘ്നോ ധര്‍മഭീരുകഃ ॥ 43 ॥
വൈദ്യുതസ്താരകഃ കര്‍മവൈദികോ ബ്രാഹ്മണോ യതിഃ ।
നക്ഷത്രതേജാ ദീപ്താത്മാ പരിശുദ്ധോ വിമത്സരഃ ॥ 44 ॥
ജടീ കൃഷ്ണാജിനപദോ വ്യാഘ്രചര്‍മധരോ വശീ ।
ജിതേന്ദ്രിയശ്ചീരവാസാഃ ശുക്ലവസ്ത്രാംബരോ ഹരിഃ ॥ 45 ॥
ചന്ദ്രാനുജശ്ചന്ദ്രമുഖഃ ശുകയോഗീ വരപ്രദഃ ।
ദിവ്യയോഗീ പഞ്ചതപോ മാസര്‍തുവത്സരാനനഃ ॥ 46 ॥
ഭൂതജ്ഞോ വര്‍തമാനജ്ഞ ഭാവിജ്ഞോ ധര്‍മവത്സലഃ ।
(ഭൂത-വര്‍തമാന-ഭാവി)
പ്രജാഹിതഃ സര്‍വഹിത അനിന്ദ്യോ ലോകവന്ദിതഃ ॥ 47 ॥
ആകുഞ്ചയോഗസംബദ്ധമലമൂത്രരസാദികഃ ।
കനകീഭൂതമലവാന്‍ രാജയോഗവിചക്ഷണഃ ॥ 48 ॥
ശകടാദിവിശേഷജ്ഞോ ലംബികാനീതിതത്പരഃ ।
പ്രപഞ്ചരൂപീ ബലവാന്‍ ഏകകൌപീനവസ്ത്രകഃ ॥ 49 ॥
ദിഗംബരഃ സോത്തരീയഃ സജടഃ സകമണ്ഡലുഃ ।
നിര്‍ദണ്ഡശ്ചാസിദണ്ഡശ്വ സ്ത്രീവേഷഃ പുരുഷാകൃതിഃ ॥ 50 ॥
തുലസീകാഷ്ഠമാലീ ച രൌദ്രഃ സ്ഫടികമാലികഃ ।
നിര്‍മാലികഃ ശുദ്ധതരഃ സ്വേച്ഛാ അമരവാന്‍ പരഃ ॥ 51 ॥
ഉര്‍ധ്വപുണ്ഡ്രസ്ത്രിപുണ്ഡ്രാങ്കോ ദ്വന്ദ്വഹീനഃ സുനിര്‍മലഃ ।
നിര്‍ജടഃ സുജടോ ഹേയോ ഭസ്മശായീ സുഭോഗവാന്‍ ॥ 52 ॥
മൂത്രസ്പര്‍ശോ മലസ്പര്‍ശോജാതിഹീനഃ സുജാതികഃ ।
അഭക്ഷ്യാഭക്ഷോ നിര്‍ഭക്ഷോ ജഗദ്വന്ദിതദേഹവാന്‍ ॥ 53 ॥
ഭൂഷണോ ദൂഷണസമഃ കാലാകാലോ ദയാനിധിഃ ।
ബാലപ്രിയോ ബാലരുചിര്‍ബാലവാനതിബാലകഃ ॥ 54 ॥
ബാലക്രീഡോ ബാലരതോ ബാലസങ്ഘവൃതോ ബലീ ।
ബാലലീലാവിനോദശ്ച കര്‍ണാകര്‍ഷണകാരകഃ ॥ 55 ॥
ക്രയാനീതവണിക്പണ്യോ ഗുഡസൂപാദിഭക്ഷകഃ ।
ബാലവദ്ഗീതഹൃഷ്ടശ്ച മുഷ്ടിയുദ്ധകരശ്ചലഃ ॥ 56 ॥
അദൃശ്യോ ദൃശ്യമാനശ്ച ദ്വന്ദ്വയുദ്ധപ്രവര്‍തകഃ ।
പലായമാനോ ബാലാഢ്യോ ബാലഹാസഃ സുസങ്ഗതഃ ॥ 57 ॥
പ്രത്യാഗതഃ പുനര്‍ഗച്ഛച്ചക്രവദ്ഗമനാകുലഃ ।
ചോരവദ്ധൃതസര്‍വസ്വോ ജനതാഽഽര്‍തികദേഹവാന്‍ ॥ 58 ॥
പ്രഹസന്‍പ്രവദന്ദത്തോ ദിവ്യമങ്ഗലവിഗ്രഹഃ ।
മായാബാലശ്ച മായാവീ പൂര്‍ണലീലോ മുനീശ്വരഃ ॥ 59 ॥
മാഹുരേശോ വിശുദ്ധാത്മാ യശസ്വീ കീര്‍തിമാന്‍ യുവാ ।
സവികല്‍പഃ സച്ചിദാഭോ ഗുണവാന്‍ സൌംയഭാവനഃ ॥ 60 ॥
പിനാകീ ശശിമൌലീ ച വാസുദേവോ ദിവസ്പതിഃ ।
സുശിരാഃ സൂര്യതേജശ്ച ശ്രീഗംഭീരോഷ്ഠ ഉന്നതിഃ ॥ 61 ॥
ദശപദ്മാ ത്രിശീര്‍ഷശ്ച ത്രിഭിര്‍വ്യാപ്തോ ദ്വിശുക്ലവാന്‍ ।
ത്രിസമശ്ച ത്രിതാത്മശ്ച ത്രിലോകശ്ച ത്രയംബകഃ ॥ 62 ॥
ചതുര്‍ദ്വന്ദ്വസ്ത്രിയവനസ്ത്രികാമോ ഹംസവാഹനഃ ।
ചതുഷ്കലശ്ചതുര്‍ദംഷ്ട്രോ ഗതിഃ ശംഭുഃ പ്രിയാനനഃ ॥ 63 ॥
ചതുര്‍മതിര്‍മഹാദംഷ്ട്രോ വേദാങ്ഗീ ചതുരാനനഃ ।
പഞ്ചശുദ്ധോ മഹായോഗീ മഹാദ്വാദശവാനകഃ ॥ 64 ॥
ചതുര്‍മുഖോ നരതനുരജേയശ്ചാഷ്ടവംശവാന്‍ ।
ചതുര്‍ദശസമദ്വന്ദ്വോ മുകുരാങ്കോ ദശാംശവാന്‍ ॥ 65 ॥
വൃഷാങ്കോ വൃഷഭാരൂഢശ്ചന്ദ്രതേജാഃ സുദര്‍ശനഃ ।
സാമപ്രിയോ മഹേശാനശ്ചിദാകാരോഃ നരോത്തമഃ ॥ 66 ॥
ദയാവാന്‍ കരുണാപൂര്‍ണോ മഹേന്ദ്രോ മാഹുരേശ്വരഃ ।
വീരാസനസമാസീനോ രാമോ രാമപരായണഃ ॥ 67 ॥
ഇന്ദ്രോ വഹ്നിര്യമഃ കാലോ നിരൃതിര്‍വരുണോ യമഃ ।
വായുശ്ച രുദ്രശ്ചേശാനോ ലോകപാലോ മഹായശാഃ ॥ 68 ॥
യക്ഷഗന്ധര്‍വനാഗശ്ച കിന്നരഃ ശുദ്ധരൂപകഃ ।
വിദ്യാധരശ്ചാഹിപതിശ്ചാരണഃ പന്നഗേശ്വരഃ ॥ 69 ॥
ചണ്ഡികേശഃ പ്രചണ്ഡശ്ച ഘണ്ടാനാദരതഃ പ്രിയഃ ।
വീണാധ്വനിര്‍വൈനതേയോ നാരദസ്തുംബരുര്‍ഹരഃ ॥ 70 ॥
വീണാപ്രചണ്ഡസൌന്ദര്യോ രാജീവാക്ഷശ്ച മന്‍മഥഃ ।
ചന്ദ്രോ ദിവാകരോ ഗോപഃ കേസരീ സോമസോദരഃ ॥ 71 ॥
സനകഃ ശുകയോഗീ ച നന്ദീ ഷണ്‍മുഖരാഗകഃ ।
ഗണേശോ വിഘ്നരാജശ്ച ചന്ദ്രാഭോ വിജയോ ജയഃ ॥ 72 ॥
അതീതകാലചക്രശ്ച താമസഃ കാലദണ്ഡവാന്‍ ।
വിഷ്ണുചക്രഃ ത്രിശൂലേന്ദ്രോ ബ്രഹ്മദണ്ഡോ വിരുദ്ധകഃ ॥ 73 ॥
ബ്രഹ്മാസ്ത്രരൂപഃ സത്യേന്ദ്രഃ കീര്‍തിമാന്‍ഗോപതിര്‍ഭവഃ ।
വസിഷ്ഠോ വാമദേവശ്ച ജാബാലീ കണ്വരൂപകഃ ॥ 74 ॥
സംവര്‍തരൂപോ മൌദ്ഗല്യോ മാര്‍കണ്ഡേയശ്ച കശ്യപഃ ।
ത്രിജടോ ഗാര്‍ഗ്യരൂപീ ച വിഷനാഥോ മഹോദയഃ ॥ 75 ॥
ത്വഷ്ടാ നിശാകരഃ കര്‍മകാശ്യപശ്ച ത്രിരൂപവാന്‍ ।
ജമദഗ്നിഃ സര്‍വരൂപഃ സര്‍വനാദോ യതീശ്വരഃ ॥ 76 ॥
അശ്വരൂപീ വൈദ്യപതിര്‍ഗരകണ്ഠോഽംബികാര്‍ചിതഃ ।
ചിന്താമണിഃ കല്‍പവൃക്ഷോ രത്നാദ്രിരുദധിപ്രിയഃ ॥ 77 ॥
മഹാമണ്ഡൂകരൂപീ ച കാലാഗ്നിസമവിഗ്രഹഃ ।
ആധാരശക്തിരൂപീ ച കൂര്‍മഃ പഞ്ചാഗ്നിരൂപകഃ ॥ 78 ॥
ക്ഷീരാര്‍ണവോ മഹാരൂപീ വരാഹശ്ച ധൃതാവനിഃ ।
ഐരാവതോ ജനഃ പദ്മോ വാമനഃ കുമുദാത്മവാന്‍ ॥ 79 ॥
പുണ്ഡരീകഃ പുഷ്പദന്തോ മേഘച്ഛന്നോഽഭ്രചാരകഃ ।
സിതോത്പലാഭോ ദ്യുതിമാന്‍ ദൃഢോരസ്കഃ സുരാര്‍ചിതഃ ॥ 80 ॥
പദ്മനാഭഃ സുനാഭശ്ച ദശശീര്‍ഷഃ ശതോദരഃ ।
അവാങ്മുഖോ പഞ്ചവക്ത്രോ രക്ഷാഖ്യാത്മാ ദ്വിരൂപകഃ ॥ 81 ॥
സ്വര്‍ണമണ്ഡലസഞ്ചാരീ വേദിസ്ഥഃ സര്‍വപൂജിതഃ ।
സ്വപ്രസന്നഃ പ്രസന്നാത്മാ സ്വഭക്താഭിമുഖോ മൃദുഃ ॥ 82 ॥
ആവാഹിതഃ സന്നിഹിതോ വരദോ ജ്ഞാനിവത്സ്ഥിതഃ ।
ശാലിഗ്രാമാത്മകോ ധ്യാതോ രത്നസിംഹാസനസ്ഥിതഃ ॥ 83 ॥
അര്‍ഘ്യപ്രിയഃ പാദ്യതുഷ്ടശ്ചാചംയാര്‍ചിതപാദുകഃ ।
പഞ്ചാമൃതഃ സ്നാനവിധിഃ ശുദ്ധോദകസുസഞ്ചിതഃ ॥ 84 ॥
ഗന്ധാക്ഷതസുസമ്പ്രീതഃ പുഷ്പാലങ്കാരഭൂഷണഃ ।
അങ്ഗപൂജാപ്രിയഃ സര്‍വോ മഹാകീര്‍തിര്‍മഹാഭുജഃ ॥ 85 ॥
നാമപൂജാവിശേഷജ്ഞഃ സര്‍വനാമസ്വരൂപകഃ ।
ധൂപിതോ ദിവ്യധൂപാത്മാ ദീപിതോ ബഹുദീപവാന്‍ ॥ 86 ॥
ബഹുനൈവേദ്യസംഹൃഷ്ടോ നിരാജനവിരാജിതഃ ।
സര്‍വാതിരഞ്ജിതാനന്ദഃ സൌഖ്യവാന്‍ ധവലാര്‍ജുനഃ ॥ 87 ॥
വിരാഗോ നിര്‍വിരാഗശ്ച യജ്ഞാര്‍ചാങ്ഗോ വിഭൂതികഃ ।
ഉന്‍മത്തോ ഭ്രാന്തചിത്തശ്ച ശുഭചിത്തഃ ശുഭാഹുതിഃ ॥ 88 ॥
സുരൈരിഷ്ടോ ലഘിഷ്ടശ്ച ബംഹിഷ്ഠോ ബഹുദായകഃ ।
മഹിഷ്ഠഃ സുമഹൌജാശ്ച ബലിഷ്ഠഃ സുപ്രതിഷ്ഠിതഃ ॥ 89 ॥
കാശീഗങ്ഗാംബുമജ്ജശ്ച കുലശ്രീമന്ത്രജാപകഃ ।
ചികുരാന്വിതഭാലശ്ച സര്‍വാങ്ഗാലിപ്തഭൂതികഃ ॥ 90 ॥
അനാദിനിധനോ ജ്യോതിഭാര്‍ഗവാദ്യഃ സനാതനഃ ।
താപത്രയോപശമനോ മാനവാസോ മഹോദയഃ ॥ 91 ॥
ജ്യേഷ്ഠഃ ശ്രേഷ്ഠോ മഹാരൌദ്രഃ കാലമൂര്‍തിഃ സുനിശ്ചയഃ ।
ഊര്‍ധ്വഃ സമൂര്‍ധ്വലിങ്ഗശ്ച ഹിരണ്യോ ഹേമലിങ്ഗവാന്‍ ॥ 92 ॥
സുവര്‍ണഃ സ്വര്‍ണലിങ്ഗശ്ച ദിവ്യസൂതിര്‍ദിവസ്പതിഃ ।
ദിവ്യലിങ്ഗോ ഭവോ ഭവ്യഃ സര്‍വലിങ്ഗസ്തു സര്‍വകഃ ॥ 93 ॥
ശിവലിങ്ഗഃ ശിവോ മായോ ജ്വലസ്തൂജ്ജ്വലലിങ്ഗവാന്‍ ।
ആത്മാ ചൈവാത്മലിങ്ഗശ്ച പരമോ ലിങ്ഗപാരഗഃ ॥ 94 ॥
സോമഃ സൂര്യഃ സര്‍വലിങ്ഗഃ പാണിയന്ത്രപവിത്രവാന്‍ ।
സദ്യോജാതോ തപോരൂപോ ഭവോദ്ഭവ അനീശ്വരഃ ॥ 95 ॥
തത്സവിദ്രൂപസവിതാ വരേണ്യശ്ച പ്രചോദയാത് ।
ദൂരദൃഷ്ടിര്‍ദൂരഗതോ ദൂരശ്രവണതര്‍പിതഃ ॥ 96 ॥
യോഗപീഠസ്ഥിതോ വിദ്വാന്‍ നമസ്കാരിതരാസഭഃ ।
നമത്കൃതശുനശ്ചാപി വജ്രകഷ്ട്യാതിഭീഷണഃ ॥ 97 ॥
ജ്വലന്‍മുഖഃ പ്രതിവീണാ സഖഡ്ഗോ ദ്രാവിതപ്രജഃ ।
പശുഘ്നശ്ച രസോന്‍മത്തോ രസോര്‍ധ്വമുഖരഞ്ജിതഃ ॥ 98 ॥
രസപ്രിയോ രസാത്മാ ച രസരൂപീ രസേശ്വരഃ ।
രസാധിദൈവതോ ഭൌമോ രസാങ്ഗോ രസഭാവനഃ ॥ 99 ॥
രസോന്‍മയോ രസകരോ രസേന്ദ്രോ രസപൂജകഃ ।
രസസിദ്ധഃ സിദ്ധരസോ രസദ്രവ്യോ രസോന്‍മുഖഃ ॥ 100 ॥
രസാങ്കിതോ രസാപൂര്‍ണോ രസദോ രസികോ രസീ ।
ഗന്ധകാദസ്താലകാദോ ഗൌരഃസ്ഫടികസേവനഃ ॥ 101 ॥
കാര്യസിദ്ധഃ കാര്യരുചിര്‍ബഹുകാര്യോ ന കാര്യവാന്‍ ।
അഭേദീ ജനകര്‍താ ച ശങ്ഖചക്രഗദാധരഃ ॥ 102 ॥
കൃഷ്ണാജിനകിരീടീ ച ശ്രീകൃഷ്ണാജിനകഞ്ചുകഃ ।
മൃഗയായീ മൃഗേന്ദ്രശ്ച ഗജരൂപീ ഗജേശ്വരഃ ॥ 103 ॥
ദൃഢവ്രതഃ സത്യവാദീ കൃതജ്ഞോ ബലവാന്‍ബലഃ ।
ഗുണവാന്‍ കാര്യവാന്‍ ദാന്തഃ കൃതശോഭോ ദുരാസദഃ ॥ 104 ॥
സുകാലോ ഭൂതനിഹിതഃ സമര്‍ഥശ്ചാണ്ഡനായകഃ ।
സമ്പൂര്‍ണദൃഷ്ടിരക്ഷുബ്ധോ ജനൈകപ്രിയദര്‍ശനഃ ॥ 105 ॥
നിയതാത്മാ പദ്മധരോ ബ്രഹ്മവാംശ്ചാനസൂയകഃ ।
ഉഞ്ച്ഛവൃത്തിരനീശശ്ച രാജഭോഗീ സുമാലികഃ ॥ 106 ॥
സുകുമാരോ ജരാഹീനേ ചോരഘ്നോ മഞ്ജുലക്ഷണഃ ।
സുപദഃ സ്വങ്ഗുലീകശ്ച സുജങ്ഘഃ ശുഭജാനുകഃ ॥ 107 ॥
ശുഭോരുഃ ശുഭലിങ്ഗശ്ച സുനാഭോ ജഘനോത്തമഃ ।
സുപാര്‍ശ്വഃ സുസ്തനോ നീലഃ സുവക്ഷശ്ച സുജത്രുകഃ ॥ 108 ॥
നീലഗ്രീവോ മഹാസ്കന്ധഃ സുഭുജോ ദിവ്യജങ്ഘകഃ ।
സുഹസ്തരേഖോ ലക്ഷ്മീവാന്‍ ദീര്‍ഘപൃഷ്ഠോ യതിശ്ചലഃ ॥ 109 ॥
ബിംബോഷ്ഠഃ ശുഭദന്തശ്ച വിദ്യുജ്ജിഹ്വഃ സുതാലുകഃ ।
ദീര്‍ഘനാസഃ സുതാംരാക്ഷഃ സുകപോലഃ സുകര്‍ണകഃ ॥ 110 ॥
നിമീലിതോന്‍മീലിതശ്ച വിശാലാക്ഷശ്ച ശുഭ്രകഃ ।
ശുഭമധ്യഃ സുഭാലശ്ച സുശിരാ നീലരോമകഃ ॥ 111 ॥
വിശിഷ്ടഗ്രാമണിസ്കന്ധഃ ശിഖിവര്‍ണോ വിഭാവസുഃ ।
കൈലാസേശോ വിചിത്രജ്ഞോ വൈകുണ്ഠേന്ദ്രോ വിചിത്രവാന്‍ ॥ 112 ॥
മനസേന്ദ്രശ്ചക്രവാലോ മഹേന്ദ്രോ മന്ദാരധിപഃ ।
മലയോ വിന്ധ്യരൂപശ്ച ഹിമവാന്‍ മേരുരൂപകഃ ॥ 113 ॥
സുവേഷോ നവ്യരൂപാത്മാ മൈനാകോ ഗന്ധമാദനഃ ।
സിംഹലശ്ചൈവ വേദാദ്രിഃ ശ്രീശൈലഃ ക്രകചാത്മകഃ ॥ 114 ॥
നാനാചലശ്ചിത്രകൂടോ ദുര്‍വാസാഃ പര്‍വതാത്മജഃ ।
യമുനാകൃഷ്ണവേണീശോ ഭദ്രേശോ ഗൌതമീപതിഃ ॥ 115 ॥
ഗോദാവരീശോ ഗങ്ഗാത്മാ ശോണകഃ കൌശികീപതിഃ ।
നര്‍മദേശസ്തു കാവേരീതാംരപര്‍ണീശ്വരോ ജടീ ॥ 116 ॥
സരിദ്രൂപാ നദാത്മാ ച സമുദ്രഃ സരിദീശ്വരഃ ।
ഹ്രാദിനീശഃ പാവനീശോ നലിനീശഃ സുചക്ഷുമാന്‍ ॥ 117 ॥
സീതാനദീപതിഃ സിന്ധൂരേവേശോ മുരലീപതിഃ ।
ലവണേക്ഷുഃ ക്ഷീരനിധിഃ സുരാബ്ധിഃ സര്‍പിരംബുധിഃ ॥ 118 ॥
ദയാബ്ധിശുദ്ധജലധിസ്തത്വരോപോ ധനാധിപഃ ।
ഭൂപാലമധുരാഗജ്ഞോ മാലതീരാഗകോവിദഃ ॥ 119 ॥
പൌണ്ഡ്രക്രിയാജ്ഞഃ ശ്രീരാഗോ നാനാരാഗാര്‍ണവാന്തകഃ ।
വേദാദിരൂപോ ഹ്രീരൂപോ ക്ലംരൂപഃ ക്ലീംവികാരകഃ ॥ 120 ॥
വ്രുമ്മയഃ ക്ലീമ്മയഃ പ്രഖ്യോ ഹുമ്മയഃ ക്രോമ്മയോ ഭടഃ ।
ധ്രീമയോ ലുങ്ഗ്മയോ ഗാങ്ഗോ ഘമ്മയോ ഖമ്മയോ ഖഗഃ ॥ 121 ॥
ഖമ്മയോ ജ്ഞമ്മയശ്ചാങ്ഗോ ബീജാങ്ഗോ ബീജജമ്മയഃ ।
ഝംങ്കരഷ്ടങ്കരഃഷ്ടങ്ഗോ ഡങ്കരീ ഠങ്കരോഽണുകഃ ॥ 122 ॥
തങ്ക്രരസ്ഥങ്കരസ്തുങ്ഗോ ദ്രാമ്മുദ്രാരൂപകഃ സുദഃ ।
ദക്ഷോ ദണ്ഡീ ദാനവഘ്നോ അപ്രതിദ്വന്ദ്വവാമദഃ ॥ 123 ॥
ധംരൂപോ നംസ്വരൂപശ്ച പങ്കജാക്ഷശ്ച ഫമ്മയഃ ।
മഹേന്ദ്രോ മധുഭോക്താ ച മന്ദരേതാസ്തു ഭമ്മയഃ ॥ 124 ॥
രമ്മയോ രിങ്കരോ രങ്ഗോ ലങ്കരഃ വമ്മയഃ ശരഃ ।
രം, ലം, വം
ശങ്കരഃഷണ്‍മുഖോ ഹംസഃ ശങ്കരഃ ശങ്കരോ ക്ഷയഃ ॥ 125 ॥
ശങ്കരോഽക്ഷയഃ
ഓമിത്യേകാക്ഷരാത്മാ ച സര്‍വബീജസ്വരൂപകഃ ।
ശ്രീകരഃ ശ്രീപദഃ ശ്രീശഃ ശ്രീനിധിഃ ശ്രീനികേതനഃ ॥ 126 ॥
പുരുഷോത്തമഃ സുഖീ യോഗീ ദത്താത്രേയോ ഹൃദിപ്രിയഃ ।
തത്സംയുതഃ സദായോഗീ ധീരതന്ത്രസുസാധകഃ ॥ 127 ॥
പുരുഷോത്തമോ യതിശ്രേഷ്ഠോ ദത്താത്രേയഃ സഖീത്വവാന്‍ ।
വസിഷ്ഠവാമദേവാഭ്യാം ദത്തഃ പുരുഷഃ ഈരിതഃ ॥ 128 ॥
യാവത്തിഷ്ഠതേ ഹ്യസ്മിന്‍ താവത്തിഷ്ഠതി തത്സുഖീ ।
യ ഇദം ശൃണുയാന്നിത്യം ബ്രഹ്മസായുജ്യതാം വ്രജേത് ॥ 129 ॥
ഭുക്തിമുക്തികരം തസ്യ നാത്രകാര്യാ വിചാരണാ ।
ആയുഷ്മത്പുത്രപൌത്രാംശ്ച ദത്താത്രേയഃ പ്രദര്‍ശയേത് ॥ 130 ॥
ധന്യം യശസ്യമായുഷ്യം പുത്രഭാഗ്യവിവര്‍ധനം ।
കരോതി ലേഖനാദേവ പരാര്‍ഥം വാ ന സംശയഃ ॥ 131 ॥
യഃ കരോത്യുപദേശം ച നാമദത്തസഹസ്രകം ।
സ ച യാതി ച സായുജ്യം ശ്രീമാന്‍ ശ്രീമാന്‍ ന സംശയഃ ॥ 132 ॥
പഠനാച്ഛ്രവണാദ്വാപി സര്‍വാന്‍കാമാനവാപ്നുയാത് ।
ഖേചരത്വം കാര്യസിദ്ധിം യോഗസിദ്ധിമവാപ്നുയാത് ॥ 136 ॥
വ്രഹ്മരാക്ഷസവേതാലൈഃ പിശാചൈഃ കാമിനീമുഖൈഃ ।
പീഡാകരൈഃ സുഖകരൈര്‍ഗ്രഹൈര്‍ദുഷ്ടൈര്‍ന ബാധ്യതേ ॥ 134 ॥
ദേവൈഃ പിശാചൈര്‍മുച്യേത സകൃദുച്ചാരണേന തു ।
യസ്മിന്ദേശേ സ്ഥിതം ചൈതത്പുസ്തകം ദത്തനാമകം ॥ 135 ॥
പഞ്ചയോജനവിസ്താരം രക്ഷണം നാത്ര സംശയഃ ।
സര്‍വബീജസമായുക്തം സ്തോത്രം നാമസഹസ്രകം ॥ 136 ॥
സര്‍വമന്ത്രസ്വരൂപം ച ദത്താത്രേയസ്വരൂപകം ।
ഏകവാരം പഠിത്വാ തു താംരപാത്രേ ജലം സ്പൃശേത് ॥ 137 ॥
പീത്വാ ചേത്സര്‍വരോഗൈശ്ച മുച്യതേ നാത്ര സംശയഃ ।
സ്ത്രീവശ്യം പുരുഷവശ്യം രാജവശ്യം ജയാവഹം ॥ 138 ॥
സമ്പത്പ്രദം മോക്ഷകരം പഠേന്നിത്യമതന്ദ്രിതഃ ।
ലീയതേഽസ്മിന്‍പ്രപഞ്ചാര്‍ഥാന്‍ വൈരിശോകാദികാരിതഃ ॥ 139 ॥
പഠനാത്തു പ്രസന്നോഽഹം ശങ്കരാചാര്യ ബുദ്ധിമാന്‍ ।
ഭവിഷ്യസി ന സന്ദേഹഃ പഠിതഃ പ്രാതരേവ മാം ॥ 140 ॥
ഉപദേക്ഷ്യേ സര്‍വയോഗാന്‍ ലംബികാദിബഹൂന്വരാന്‍ ।
ദത്താത്രേയസ്തു ചേത്യുക്ത്വാ സ്വപ്നേ ചാന്തരധീയത ॥ 141 ॥
സ്വപ്നാദുത്ഥായ ചാചാര്യഃ ശങ്കരോ വിസ്മയം ഗതഃ ।
സ്വപ്നോപദേശിതം സ്തോത്രം ദത്താത്രേയേന യോഗിനാ ॥ 142 ॥
സഹസ്രനാമകം ദിവ്യം പഠിത്വാ യോഗവാന്‍ഭവേത് ।
ജ്ഞാനയോഗയതിത്വം ച പരാകായപ്രവേശനം ॥ 143 ॥
ബഹുവിദ്യാഖേചരത്വം ദീര്‍ഘായുസ്തത്പ്രസാദതഃ ।
തദാരഭ്യ ഭുവി ശ്രേഷ്ഠഃ പ്രസിദ്ധശ്ചാഭവദ്യതീ ॥ 144 ॥
ഇതി ശ്രീശങ്കരാചാര്യസ്വപ്നാവസ്ഥായാം ദത്താത്രേയോപദേശിതം
സകലപുരാണവേദോക്തപ്രപഞ്ചാര്‍ഥസാരവത്സ്തോത്രം സമ്പൂര്‍ണം ॥
Also Read 1000 Names of Shri Dattatreya 3:
1000 Names of Sri Dattatreya | Sahasranama Stotram 3 in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil