The text is unconventional and supports established tantric practices of a higher level. It is not for common devotional song. User direction is recommended.
Shri Guhya Nama Uchishta Ganapathy Sahasranama Stotram Lyrics in Bengali:
॥ শ্রীগুহ্যনামৌচ্ছিষ্টগণেশানসহস্রনামস্তোত্রম্ ॥
অস্য শ্রীগুহ্যনামসহস্রাখ্যগণেশানসহস্রনামস্তোত্রমালামহামন্ত্রস্য
গণকঃ ঋষিঃ, গায়ত্রী চ্ছন্দঃ উচ্ছিষ্টমহাগণেশানো দেবতা ওঁ বীজং,
স্বাহা শক্তিঃ গং কীলকম্ ॥
শ্রীমদুচ্ছিষ্টমহাগণেশানপ্রসাদসিদ্ধ্যর্থে পারায়ণে বিনিয়োগঃ ॥
ওঁ হস্তিমুখায় অঙ্গুষ্ঠাভ্যাং নমঃ হৃদয়ায় নমঃ ।
লম্বোদরায় তর্জনীভ্যাং নমঃ শিরসে স্বাহা ।
উচ্ছিষ্টমহাত্মনে মধ্যমাভ্যাং নমঃ শিখায়ৈ বষট্ ।
আং ক্রোং হ্রীং ক্লীং হ্রীং হুং ঘে ঘে অনামিকাভ্যাং নমঃ কবচায় হুম্ ।
উচ্ছিষ্টায় কনিষ্ঠিকাভ্যাং নমঃ নেত্রত্রয়ায় বৌষট্ ।
স্বাহা করতলকরপৃষ্ঠাভ্যাং নমঃ অস্ত্রায় ফট্ ।
ভূর্ভুবঃ সুবরোমিতি দিগ্বন্ধঃ ॥
ধ্যানম্-
শরচাপগুণাঙ্কুশান্ স্বহস্তৈঃ দধতং রক্তসরোরুহে নিষণ্ণম্ ।
বিগতাম্বরজায়য়া প্রবৃত্তং সুরতে সন্ততমাশ্রয়ে গণেশম্ ॥
শরান্ ধনুঃ পাশসৃণী স্বহস্তৈঃ দধানমারক্তসরোরুহস্থম্ ।
বিবস্ত্রপত্ন্যাং সুরতপ্রবৃত্তং উচ্ছিষ্টমম্বাসুতমাশ্রয়েঽহম্ ॥
লং পৃথিব্যাত্মনে গন্ধং কল্পয়ামি নমঃ ।
হং আকাশাত্মনে পুষ্পাণি কল্পয়ামি নমঃ ।
য়ং বায়্বাত্মনে ধূপং কল্পয়ামি নমঃ ।
রং অগ্ন্যাত্মনে দীপং কল্পয়ামি নমঃ ।
বং অমৃতাত্মনেঽমৃতং মহানৈবেদ্যং কল্পয়ামি নমঃ ।
॥ শ্রীঃ ॥
মহাগণাধিনাথাখ্যোঽষ্টাবিংশত্যক্ষরাত্মকঃ ।
তারশ্রীশক্তিকন্দর্পভূস্মৃতিবিন্দুসংয়ুতঃ ॥ ১ ॥
ঙেন্তগণপতিপ্রোক্তো বরবরদসংয়ুতঃ ।
সর্বজনদ্বিতীয়ান্ত আদিত্যশিবসংয়ুতঃ ॥ ২ ॥
বশমানয়সংয়ুক্তো বহ্নিজায়াসমর্পিতঃ ।
গণকমুনিসন্দৃষ্টো নিচৃদ্গায়ত্রভাষিতঃ ॥ ৩ ॥
সুরাদিবন্দ্যপাদাব্জো মনুরাজবিজৃম্ভিতঃ ।
ইক্ষুসাগরমধ্যস্থো রত্নদ্বীপস্য মধ্যগঃ ॥ ৪ ॥
তরঙ্গমালিকাধৌতশীততরামলালয়ঃ ।
কল্পপাদপসংশোভিমণিভূমিবিরাজিতঃ ॥ ৫ ॥
মৃদুবাতসমানীতদিব্যগন্ধনিষেবিতঃ ।
নানাকুসুমসঙ্কীর্ণঃ পক্ষিবৃন্দরবপ্রিয়ঃ ॥ ৬ ॥
য়ুগপদৃতুষট্কেন সংসেবিতপদদ্বয়ঃ ।
নবরত্নসমাবিদ্ধসিংহাসনসমাস্থিতঃ ॥ ৭ ॥
জপাপুষ্পতিস্কারিরক্তকান্তিসমুজ্জ্বলঃ ।
বল্লভাশ্লিষ্টবামাঙ্গ একাদশকরান্বিতঃ ॥ ৮ ॥
রত্নকুম্ভাঢ্যশুণ্ডাগ্রো বীজাপূরী গদাধরঃ ।
ইক্ষুচাপধরঃ শূলী চক্রপাণিঃ সরোজভৃত্ ॥ ৯ ॥
পাশী ধৃতোত্পলঃ শালীমঞ্জরীভৃত্ স্বদন্তভৃত্ ।
পঞ্চাবরণচক্রেশঃ ষডাম্নায়প্রপূজিতঃ ॥ ১০ ॥
মূলমন্ত্রাঢ্যপূজাঙ্কঃ ষডঙ্গপরিবারিতঃ ।
পরৌঘপূজনাতুষ্টো দিব্যৌঘাদিনিষেবিতঃ ॥ ১১ ॥
শ্রীশ্রীপতিসন্তুষ্টো গিরিজাতত্পতিপ্রিয়ঃ ।
রতিমন্মথসম্প্রীতো মহীবরাহপূজিতঃ ॥ ১২ ॥
ঋদ্ধ্যামোদপ্রপূজাকঃ সমৃদ্ধিতত্পতিপ্রিয়ঃ ।
কান্তিসুমুখসুপ্রীতো মদনাবতিকদুর্মুখঃ ॥ ১৩ ॥
মদদ্রবাবিঘ্নপূজ্যো দ্রাবিণীবিঘ্নকর্তৃকঃ ।
বসুধারাশঙ্খপূজ্যো বসুমতিকপদ্মকঃ ॥ ১৪ ॥
ব্রাহ্মীপ্রিয় ঈশ্বরীশঃ কৌমারীসেবিতাঙ্ঘ্রিকঃ ।
বৈষ্ণব্যর্চিতপদ্দ্বন্দ্বো বারাহীসেবিতাঙ্ঘ্রিকঃ ॥ ১৫ ॥
ইদ্রাণীপূজিতশ্রীকশ্চামুণ্ডাশ্রিতপাদুকঃ ।
মহালক্ষ্মীমহামাতৃসম্পূজিতপদদ্বয়ঃ ॥ ১৬ ॥
ঐরাবতসমারূঢবজ্রহস্তেন্দ্রপূজিতঃ ।
অজোপরি সমারূঢশক্তিহস্তাগ্নিসেবিতঃ ॥ ১৭ ॥
মহিষারূঢদণ্ডাঢ্যয়মদেবপ্রপূজিতঃ ।
নরারোহিখড্গহস্তনিরৃত্যাশ্রিতপাদুকঃ ॥ ১৮ ॥
মকরবাহনারূঢপাশাঢ্যবরুণার্চিতঃ ।
রুরোরুপরিসন্তিষ্ঠদ্ধ্বজাঢ্যশ্বসনার্চিতঃ ॥ ১৯ ॥
অশ্ববাহনশঙ্খাঢ্যসোমদেবপ্রপূজিতঃ ।
বৃষভবাহনারূঢত্রিশূলাঢ্যেশসেবিতঃ ॥ ২০ ॥
পঞ্চাবরণপূজোদ্যত্কারুণ্যাকুলমানসঃ ।
পঞ্চাবৃতিনমস্যাকভক্তবাঞ্ছাপ্রপূরণঃ ॥ ২১ ॥
একমূর্তিরষ্টমূর্তিঃ পঞ্চাশন্মূর্তিভেদকঃ ।
ব্রহ্মচারিসমাখ্যাকঃ পত্নীসম্যুতমূর্তিকঃ ॥ ২২ ॥
নগ্নপত্নীসমাশ্লিষ্টঃ সুরতানন্দতুন্দিলঃ ।
সুমবাণেক্ষুকোদণ্ডপাশাঙ্কুশবরায়ুধঃ ॥ ২৩ ॥
কামিনীচুম্বনায়ুক্তসদালিঙ্গনতত্পরঃ ।
অণ্ডকর্ণকপোলাখ্যত্রিস্থানমদবারিরাট্ ॥ ২৪ ॥
মদাপোলুব্ধমধুপৈর্বিচুম্বিতকপোলকঃ ।
কামুকঃ কামিনীকান্তঃ কান্তাধরমধুব্রতঃ ॥ ২৫ ॥
কামিনীহৃদয়াকর্ষী বশাগণনিষেবিতঃ ।
ঐরাবতাদিদিঙ্নাগমিথুনাষ্টকপূজিতঃ ॥ ২৬ ॥
সদা জায়াশ্রিতোঽশ্রান্তো নগ্নোপাসকপূজিতঃ ।
মাংসাশী বারুণীমত্তো মত্স্যভুঙ্ মৈথুনপ্রিয়ঃ ॥ ২৭ ॥
মুদ্রাসপ্তকসম্প্রীতো মপঞ্চকনিষেবিতঃ ।
পঞ্চাঙ্গরাগসুপ্রীতঃ শৃঙ্গাররসলম্পটঃ ॥ ২৮ ॥
কর্পূরবীটীসৌগন্ধ্যকল্লোলিতককুপ্তটঃ ।
উপাসকবরিষ্ঠাস্যবীট্যা মৌক্যনিরাসকঃ ॥ ২৯ ॥
য়োন্যাহিতসুশুণ্ডাকো য়োনিলালনলালসঃ ।
ভগামোদসমাশ্বাসী ভগচুম্বনলম্পটঃ ॥ ৩০ ॥
কান্তাকুচসমালিঙ্গিশুণ্ডামণ্ডিতবিগ্রহঃ ।
উচ্ছিষ্টাখ্যগণেশান উচ্ছিষ্টাস্বাদিসিদ্ধিদঃ ॥ ৩১ ॥
উচ্ছিষ্টপূজনরত উচ্ছিষ্টজপসিদ্ধিদঃ ।
উচ্ছিষ্টহোমসম্প্রীত উচ্ছিষ্টব্রতধারকঃ ॥ ৩২ ॥
উচ্ছিষ্টতর্পণপ্রীত উচ্ছিষ্টমার্জনে রতঃ ।
উচ্ছিষ্টব্রাহ্মণকুলসন্তর্পণসুসাধিতঃ ॥ ৩৩ ॥
উচ্ছিষ্টবিঘ্নরাজেন্দ্র উচ্ছিষ্টবস্তুপূজিতঃ ।
উচ্ছিষ্টমন্ত্রসঞ্জাপিসর্বসিদ্ধিপ্রকাশকঃ ॥ ৩৪ ॥
উচ্ছিষ্টোপচাররত উচ্ছিষ্টোপাস্তিসিদ্ধিদঃ ।
মদিরানন্দসন্তোষী সদামত্তো মদোদ্ধতঃ ॥ ৩৫ ॥
মধুরাশী মধূদ্রিক্তো মধুপানপরায়ণঃ ।
মধুস্নানপরামোদো মাধুর্যৈকরসাশ্রয়ঃ ॥ ৩৬ ॥
মদিরাসিন্ধুসম্ভূতঃ সুধামজ্জনতত্পরঃ ।
মদিরাম্বুধিসংস্থায়ী মদিরামজ্জনে রতঃ ॥ ৩৭ ॥
মদিরাতর্পণপ্রীতো মদিরামার্জনাদৃতঃ ।
মদিরামোদসন্তোষী মদিরামোদলোলুপঃ ॥ ৩৮ ॥
কাদম্বরীরসোন্মত্তঃ কাদম্বরীপ্রিয়াশ্রিতঃ ।
দ্রাক্ষারসসমাহ্লাদী দ্রাক্ষারসমদোল্বণঃ ॥ ৩৯ ॥
বারুণীমদঘূর্ণাম্বো বারুণীমদবিহ্বলঃ ।
নারিকেলরসাস্বাদী নারিকেলমধুপ্রিয়ঃ ॥ ৪০ ॥
তালফলরসোন্মত্তো তালমদ্যপরায়ণঃ ।
পানসমদ্যসুপ্রীতঃ কদলীমদ্যপানকঃ ॥ ৪১ ॥
দাডিমীরসসম্প্রীতো গৌডপানকলম্পটঃ ।
পৌষ্পীপানসদামত্তঃ পৌষ্পীকরণ্ডমণ্ডিতঃ ॥ ৪২ ॥
য়ুবতীসুরতাসক্তো য়ুবৈতীমণিতে রতঃ ।
মোদপ্রমোদকৃত্সঙ্গো ভৈরবানন্দবত্সলঃ ॥ ৪৩ ॥
শুক্লসেব্যঃ শুক্লতুষ্টঃ শুক্লসিদ্ধিবরপ্রদঃ ।
শুক্লধাতুমহঃ পূজ্য ওজশ্শক্তিপ্রকাশনঃ ॥ ৪৪ ॥
শুক্রাদিমান্ত্রিকৈর্ধুর্যৈরর্ধরাত্রপ্রপূজিতঃ ।
মুক্তকচ্ছো মুক্তকেশো নগ্নকান্তাসমাশ্রিতঃ ॥ ৪৫ ॥
তাম্বূলচর্বণায়ুক্তঃ কর্পূরবীটিকামদঃ ।
কান্তাচর্বিততাম্বূলরসাস্বাদনলম্পটঃ ॥ ৪৬ ॥
বিশেষতঃ কলিয়ুগে সিদ্ধিদঃ সুরপাদপঃ ।
মহাপদ্মাদিখর্বান্তনিধিপৌষ্কল্যপোষকঃ ॥ ৪৭ ॥
স্বল্পায়াসসুসম্প্রীতঃ কলৌ তূর্ণফলপ্রদঃ ।
পিতৃকাননসংস্থায়ী পিতৃকাননসিদ্ধিদঃ ॥ ৪৮ ॥
মাচীপত্রসমারাধ্যো বৃহতীপত্রতোষিতঃ ।
দূর্বায়ুগ্মনমস্যাকো ধুত্তূরদলপূজিতঃ ॥ ৪৯ ॥
বিষ্ণুক্রান্তসপর্যাকো গণ্ডলীপত্রসেবিতঃ ।
অর্কপত্রসুসংরাধ্যোঽর্জুনপত্রকপূজিতঃ ॥ ৫০ ॥
নানাপত্রসুসম্প্রীতো নানাপুষ্পসুসেবিতঃ ।
সহস্রার্চনপূজায়াং সহস্রকমলপ্রিয়ঃ ॥ ৫১ ॥
পুন্নাগপুষ্পসম্প্রীতো মন্দারকুসুমপ্রিয়ঃ ।
বকুলপুষ্পসন্তুষ্টো ধুত্তূরসুমশেখরঃ ॥ ৫২ ॥
রসালপুষ্পসংশোভী কেতকীপুষ্পসুপ্রিয়ঃ ।
পারিজাতপ্রসূনাঢ্যো মাধবীকুন্দতোষিতঃ ॥ ৫৩ ॥
শম্যালঙ্কারসুপ্রীতো মৃণালপাটলীপ্রিয়ঃ ।
লক্ষপঙ্কজপূজায়ামণিমাদিপ্রসাধকঃ ॥ ৫৪ ॥
সম্হিতাপদপাঠাদিঘনান্তজ্ঞানদায়কঃ ।
অষ্টাবধানসন্ধায়ী শতাবধানপোষকঃ ॥ ৫৫ ॥
সাহস্রিকাবধানশ্রীপরিপাটীপ্রবর্ধনঃ ।
মনশ্চিন্তিতবিজ্ঞাতা মনসা চিন্তিতপ্রদঃ ॥ ৫৬ ॥
ভক্তত্রাণব্যগ্রচিত্তঃ স্মৃতিমাত্রাভয়প্রদঃ ।
স্মৃতিমাত্রাখিলত্রাতা সাধকেষ্টদতল্লজঃ ॥ ৫৭ ॥
স্বসাধকবিপক্ষচ্ছিদ্ বিপক্ষজনভক্ষকঃ ।
ব্যাধিহন্তা ব্যথাহন্তা মহাব্যাধিবিনাশনঃ ॥ ৫৮ ॥
পৈত্তিকার্তিপ্রশমনঃ শ্লৈষ্মিকস্য বিনাশকঃ ।
বাতিকজ্বরবিধ্বংসী শূলগুল্মাদিনাশনঃ ॥ ৫৯ ॥
নেত্ররোগপ্রশমনো নিত্যজ্বরবিনাশনঃ ।
কাসাদিব্যাধিসংহর্তা সর্বজ্বরবিনাশনঃ ॥ ৬০ ॥
আধিহন্তা তমোহন্তা সর্বাপদ্বিনিবারকঃ ।
ধনদায়ী য়শোদায়ী জ্ঞানদায়ী সুরদ্রুমঃ ॥ ৬১ ॥
কল্যত্বদায়কশ্চিন্তামণিরায়ুষ্যদায়কঃ ।
পরকায়প্রবেশাদিয়োগসিদ্ধিবিধায়কঃ ॥ ৬২ ॥
মহাধনিত্বসন্ধাতা ধরাধীশত্বদায়কঃ ।
তাপত্রয়াগ্নিসন্তপ্তসমাহ্লাদনকৌমুদী ॥ ৬৩ ॥
জন্মব্যাধিজরামৃত্যুমহাব্যাধিবিনাশকঃ ।
সংসারকাননচ্ছেত্তা ব্রহ্মবিদ্যাপ্রকাশকঃ ॥ ৬৪ ॥
সংসারভয়বিধ্বংসিপরাকামকলাবপুঃ ।
উচ্ছিষ্টাখ্যগণাধীশো বামাচরণপূজিতঃ ॥ ৬৫ ॥
নবাক্ষরীমন্ত্ররাজো দশবর্ণকমন্ত্ররাট্ ।
একাদশাক্ষরীরূপঃ সপ্তবিংশতিবর্ণকঃ ॥ ৬৬ ॥
ষট্ত্রিংশদর্ণসম্পূজ্যো বলিমন্ত্রপ্রপূজিতঃ ।
দ্বাদশাক্ষরসন্নিষ্ঠ একোনবিংশতীষ্টদঃ ॥ ৬৭ ॥
সপ্তবর্ণাধিকত্রিংশদর্ণমন্ত্রস্বরূপকঃ ।
দ্বাত্রিংশদক্ষরারূঢোঽদক্ষিণাচারসেবিতঃ ॥ ৬৮ ॥
পঞ্চাবৃতিকয়ন্ত্রোদ্ধবরিবস্যাবিধিপ্রিয়ঃ ।
নববর্ণাদিমন্ত্রৌঘসম্প্রপূজিতপাদুকঃ ॥ ৬৯ ॥
পরৌঘীয়গুরুব্যূহসন্তর্পণসুসাধিতঃ ।
মহত্পদসমায়ুক্তপাদুকাপূজনপ্রিয়ঃ ॥ ৭০ ॥
দক্ষিণাভিমুখেশস্য পূজনেন বরপ্রদঃ ।
দিব্যবৃন্দসিদ্ধবৃন্দমানবৌঘনিষেবিতঃ ॥ ৭১ ॥
ত্রিবারং মূলমন্ত্রেণ বিন্দুচক্রে সুতর্পিতঃ ।
ষডঙ্গদেবতাপূজ্যঃ ষণ্মুখাম্নায়রাজিতঃ ॥ ৭২ ॥
তুষারসমশোভাকহৃদয়াম্বানমস্কৃতঃ ।
স্ফটিকাশ্মসমানশ্রীশিরোদেবীনিষেবিতঃ ॥ ৭৩ ॥
শ্যামশোভাসমুজ্জৃম্ভিশিখাদেবীপ্রপূজিতঃ ।
ইন্দ্রনীলমণিচ্ছায়কবচাম্বাপরীবৃতঃ ॥ ৭৪ ॥
কৃষ্ণবর্ণসুশোভিশ্রীনেত্রমাতৃসমাবৃতঃ ।
আরুণ্যৌঘনদীমজ্জদস্ত্রাম্বাসেবিতাঙ্ঘ্রিকঃ ॥ ৭৫ ॥
বসুদলাব্জমূলেষু শক্ত্যষ্টকসমন্বিতঃ ।
বিদ্যাপূজ্যো বিশ্বধাত্রীভোগদার্চিতপাদুকঃ ॥ ৭৬ ॥
বিঘ্ননাশিকয়া পূজ্যো নিধিপ্রদপরীবৃতঃ ।
পাপঘ্নিকাপূজ্যপাদঃ পুণ্যাদেবীনিষেবিতঃ ॥ ৭৭ ॥
অন্বর্থনামসংরাজিশশিপ্রভাপ্রপূজিতঃ ।
দলাষ্টকস্য মধ্যেষু সিদ্ধ্যষ্টকপরীবৃতঃ ॥ ৭৮ ॥
অণিম্নীপূজিতপদো মহিম্ন্যর্চিতপাদুকঃ ।
লঘিন্মীচিন্তিতপদো গরিম্ণীপূজিতাঙ্ঘ্রিকঃ ॥ ৭৯ ॥
ঈশিত্বার্চিতদেবেন্দ্রো বশিত্বার্চিতবৈভবঃ ।
প্রাকাম্যদেবীসম্প্রীতঃ প্রাপ্তিসিদ্ধিপ্রপূজিতঃ ॥ ৮০ ॥
বাহ্যাষ্টদলরাজীবে বক্রতুণ্ডাদিরূপকঃ ।
বক্রতুণ্ড একদংষ্ট্রো মহোদরো গজাননঃ ॥ ৮১ ॥
লম্বোদরাখ্যো বিকটো বিঘ্নরাড্ ধূম্রবর্ণকঃ ।
বহিরষ্টদলাগ্রেষু ব্রাহ্ম্যাদিমাতৃসেবিতঃ ॥ ৮২ ॥
মৃগচর্মাবৃতস্বর্ণকান্তিব্রাহ্মীসমাবৃতঃ ।
নৃকপালাদিসম্বিভ্রচ্চন্দ্রগৌরমহেশিকঃ ॥ ৮৩ ॥
ইন্দ্রগোপারুণচ্ছায়কৌমারীবন্দ্যপাদুকঃ ।
নীলমেঘসমচ্ছায়বৈষ্ণবীসুপরিষ্কৃতঃ ॥ ৮৪ ॥
অঞ্জনাদ্রিসমানশ্রীবারাহীপর্যলঙ্কৃতঃ ।
ইন্দ্রনীলপ্রভাপুঞ্জলসদিন্দ্রাণিকায়ুতঃ ॥ ৮৫ ॥
শোণবর্ণসমুল্লাসিচামুণ্ডার্চিতপাদুকঃ ।
স্বর্ণকান্তিতিরস্কারিমহালক্ষ্মীনিষেবিতঃ ॥ ৮৬ ॥
ঐরাবতাদিবজ্রাদিদেবেন্দ্রাদিপ্রপূজিতঃ ।
পঞ্চাবৃতিনমস্যায়ামণিমাদিপ্রকাশকঃ ॥ ৮৭ ॥
সঙ্গুপ্তবিদ্যঃ সঙ্গুপ্তবরিবস্যাবিধিপ্রিয়ঃ ।
বামাচরণসুপ্রীতঃ ক্ষিপ্রসন্তুষ্টমানসঃ ॥ ৮৮ ॥
কোঙ্কাচলশিরোবর্তী কোঙ্কাচলজনপ্রিয়ঃ ।
কোঙ্কাম্বুদজলাস্বাদী কাবেরীতীরবাসকঃ ॥ ৮৯ ॥
জাহ্নবীমজ্জনাসক্তঃ কালিন্দীমজ্জনে রতঃ ।
শোণভদ্রাজলোদ্ভূতঃ শোণপাষাণরূপকঃ ॥ ৯০ ॥
সরয়্যাপঃপ্রবাহস্থঃ নর্মদাবারিবাসকঃ ।
কৌশিকীজলসংবাসশ্চন্দ্রভাগাম্বুনিষ্ঠিতঃ ॥ ৯১ ॥
তাম্রপর্ণীতটস্থায়ী মহাসারস্বতপ্রদঃ ।
মহানদীতটাবাসো ব্রহ্মপুত্রাম্বুবাসকঃ ॥ ৯২ ॥
তমসাতমআকারো মহাতমোঽপহারকঃ ।
ক্ষীরাপগাতীরবাসী ক্ষীরনীরপ্রবর্ধকঃ ॥ ৯৩ ॥
কামকোটীপীঠবাসী শঙ্করার্চিতপাদুকঃ ।
ঋশ্যশৃঙ্গপুরস্থায়ী সুরেশার্চিতবৈভবঃ ॥ ৯৪ ॥
দ্বারকাপীঠসংবাসী পদ্মপাদার্চিতাঙ্ঘ্রিকঃ ।
জগন্নাথপুরস্থায়ী তোটকাচার্যসেবিতঃ ॥ ৯৫ ॥
জ্যোতির্মঠালয়স্থায়ী হস্তামলকপূজিতঃ ।
বিদ্যাভোগয়শোমোক্ষয়োগলিঙ্গপ্রতিষ্ঠিতঃ ॥ ৯৬ ॥
পঞ্চলিঙ্গপ্রতিষ্ঠায়ী দ্বাদশলিঙ্গসংস্থিতঃ ।
কোলাচলপুরস্থায়ী কামেশীনগরেশ্বরঃ ॥ ৯৭ ॥
জ্বালামুখীমুখস্থায়ী শ্রীশৈলকৃতবাসকঃ ।
লঙ্কেশ্বরঃ কুমারীশঃ কাশীশো মথুরেশ্বরঃ ॥ ৯৮ ॥
মলয়াদ্রিশিরোবাসী মলয়ানিলসেবিতঃ ।
শোণাদ্রিশিখরারূঢঃ শোণাদ্রীশপ্রিয়ঙ্করঃ ॥ ৯৯ ॥
জম্বূবনান্তমধ্যস্থো বল্মীকপুরমধ্যগঃ ।
পঞ্চাশত্পীঠনিলয়ো পঞ্চাশদক্ষরাত্মকঃ ॥ ১০০ ॥
অষ্টোত্তরশতক্ষেত্রোঽষ্টোত্তরশতপূজিতঃ ।
রত্নশৈলকৃতাবাসঃ শুদ্ধজ্ঞানপ্রদায়কঃ ॥ ১০১ ॥
শাতকুম্ভগিরিস্থায়ী শাতকুম্ভোদরস্থিতঃ ।
গোময়প্রতিমাবিষ্টঃ শ্বেতার্কতনুপূজিতঃ ॥ ১০২ ॥
হরিদ্রাবিম্বসুপ্রীতো নিম্ববিম্বসুপূজিতঃ ।
অশ্বত্থমূলসংস্থায়ী বটবৃক্ষাধরস্থিতঃ ॥ ১০৩ ॥
নিম্ববৃক্ষস্য মূলস্থঃ প্রতিগ্রামাধিদৈবতম্ ।
অশ্বত্থনিম্বসংয়োগে প্রিয়ালিঙ্গিতমূর্তিকঃ ॥ ১০৪ ॥
গম্বীজরূপ একার্ণো গণাধ্যক্ষো গণাধিপঃ ।
গ্লৈম্বীজাখ্যো গণেশানো গোঙ্কার একবর্ণকঃ ॥ ১০৫ ॥
বিরিরূপো বিঘ্নহন্তা দৃষ্টাদৃষ্টফলপ্রদঃ ।
পত্নীবরাঙ্গসত্পাণিঃ সিন্দূরাভঃ কপালভৃত্ ॥। ১০৬ ॥
লক্ষ্মীগণেশো হেমাভ একোনত্রিংশদক্ষরঃ ।
বামাঙ্গাবিষ্টলক্ষ্মীকো মহাশ্রীপ্রবিধায়কঃ ॥ ১০৭ ॥
ত্র্যক্ষরঃ শক্তিগণপঃ সর্বসিদ্ধিপ্রপূরকঃ ।
চতুরক্ষরশক্তীশো হেমচ্ছায়স্ত্রিণেত্রকঃ ॥ ১০৮ ॥
ক্ষিপ্রপ্রসাদপঙ্ক্ত্যর্ণো রক্তাভঃ কল্পবল্লিভৃত্ ।
পঞ্চবক্ত্রঃ সিংহবাহো হেরম্বশ্চতুরর্ণকঃ ॥ ১০৯ ॥
সুব্রহ্মণ্যগণেশানো ধাত্বর্ণঃ সর্বকামদঃ ।
অরুণাভতনুশ্রীকঃ কুক্কুটোদ্যত্করান্বিতঃ ॥ ১১০ ॥
অষ্টাবিংশতিবর্ণাত্মমন্ত্ররাজসুপূজিতঃ ।
গন্ধর্বসিদ্ধসংসেব্যো ব্যাঘ্রদ্বিপাদিভীকরঃ ॥ ১১১ ॥
মন্ত্রশাস্ত্রমহোদন্বত্সমুদ্যতকলানিধিঃ ।
জনসম্বাধসম্মোহী নবদ্রব্যবিশেষকঃ ॥ ১১২ ॥
কামনাভেদসংসিদ্ধবিবিধধ্যানভেদকঃ ।
চতুরাবৃত্তিসন্তৃপ্তিপ্রীতোঽভীষ্টসমর্পকঃ ॥ ১১৩ ॥
চন্দ্রচন্দনকাশ্মীরকস্তূরীজলতর্পিতঃ ।
শুণ্ডাগ্রজলসন্তৃপ্তিকৈবল্যফলদায়কঃ ॥ ১১৪ ॥
শিরঃকৃতপয়স্তৃপ্তিসর্বসম্পদ্বিধায়কঃ ।
গুহ্যদেশমধুদ্রব্যসন্তৃপ্ত্যা কামদায়কঃ ॥ ১১৫ ॥
নেত্রদ্বয়মধুদ্রব্যতৃপ্ত্যাকৃষ্টিবিধায়কঃ ।
পৃষ্ঠদেশঘৃতদ্রব্যতৃপ্তিভূপবশঙ্করঃ ॥ ১১৬ ॥
এরণ্ডতৈলসন্তৃপ্তিরণ্ডাকর্ষকনাভিকঃ ।
ঊরুয়ুগ্মকতৈলীয়তর্পণাতিপ্রমোদিতঃ ॥ ১১৭ ॥
প্রীতিপ্রবর্ধকাংসীয়পয়ঃ পয়ঃপ্রতর্পণঃ ।
ধর্মবর্ধকতুণ্ডীয়দ্রব্যত্রয়সুতর্পণঃ ॥ ১১৮ ॥
অষ্টদ্রব্যাহুতিপ্রীতো বিবিধদ্রব্যহোমকঃ ।
ব্রাহ্মমুহূর্তনিষ্পন্নহোমকর্মপ্রসাদিতঃ ॥ ১১৯ ॥
মধুদ্রব্যকহোমেন স্বর্ণসমৃদ্ধিবর্ধকঃ ।
গোদুগ্ধকৃতহোমেন গোসমৃদ্ধিবিধায়কঃ ॥ ১২০ ॥
আজ্যাহুতিহোমেন লক্ষ্মীলাসবিলাসকঃ ।
শর্করাহুতিহোমেন কাষ্ঠাষ্টকয়শঃপ্রদঃ ॥ ১২১ ॥
দধিদ্রব্যকহোমেন সর্বসম্পত্তিদায়কঃ ।
শাল্যন্নকৃতহোমেনান্নসমৃদ্ধিবিতারকঃ ॥ ১২২ ॥
সতণ্ডুলতিলাহুত্যা দ্রব্যকদম্বপূরকঃ ।
লাজাহুতিকহোমেন দিগন্তব্যাপিকীর্তিদঃ ॥ ১২৩ ॥
জাতীপ্রসূনহোমেন মেধাপ্রজ্ঞাপ্রকাশকঃ ।
দূর্বাত্রিকীয়হোমেন পূর্ণায়ুঃপ্রতিপাদকঃ ॥ ১২৪ ॥
সুপীতসুমহোমেন বৈরিভূপতিশিক্ষকঃ ।
বিভীতকসমিদ্ধোমৈঃ স্তম্ভোচ্চাটনসিদ্ধিদঃ ॥ ১২৫ ॥
অপামার্গসমিদ্ধোমৈঃ পণ্যয়োষাবশঙ্করঃ ।
এরণ্ডকসমিদ্ধোমৈঃ রণ্ডাসঙ্ঘবশঙ্করঃ ॥ ১২৬ ॥
নিম্বদ্রুদলহোমেন বিদ্বেষণবিধায়কঃ ।
ঘৃতাক্তদৌগ্ধশাল্যন্নহোমৈরিষ্টফলপ্রদঃ ॥ ১২৭ ॥
তিলাদিচতুরাহুত্যা সর্বপ্রাণিবশঙ্করঃ ।
নানাদ্রব্যসমিদ্ধোমৈরাকর্ষণাদিসিদ্ধিদঃ ॥ ১২৮ ॥
ত্রৈলোক্যমোহনো বিঘ্নস্ত্র্যধিকত্রিংশদর্ণকঃ ।
দ্বাদশাক্ষরশক্তীশঃ পত্নীবরাঙ্গহস্তকঃ ॥ ১২৯ ॥
মুক্তাচন্দ্রৌঘদীপ্তাভো বিরিবিঘ্নেশপদ্ধতিঃ ।
একাদশাক্ষরীমন্ত্রৌল্লাসী ভোগগণাধিপঃ ॥ ১৩০ ॥
দ্বাত্রিংশদর্ণসংয়ুক্তো হরিদ্রাগণপো মহান্ ।
জগত্ত্রয়হিতো ভোগমোক্ষদঃ কবিতাকরঃ ॥ ১৩১ ॥
ষডর্ণঃ পাপবিধ্বংসী সর্বসৌভাগ্যদায়কঃ ।
বক্রতুণ্ডাভিধঃ শ্রীমান্ ভজতাং কামদো মণিঃ ॥ ১৩২ ॥
মেঘোল্কাদিমহামন্ত্রঃ সর্ববশ্যফলপ্রদঃ ।
আথর্বণিকমন্ত্রাত্মা রায়স্পোষাদিমন্ত্ররাট্ ॥ ১৩৩ ॥
বক্রতুণ্ডেশগায়ত্রীপ্রতিপাদিতবৈভবঃ ।
পিণ্ডমন্ত্রাদিমালান্তসর্বমন্ত্রৌঘবিগ্রহঃ ॥ ১৩৪ ॥
সঞ্জপ্তিহোমসন্তৃপ্তিসেকভোজনসাধিতঃ ।
পঞ্চাঙ্গকপুরশ্চর্যোঽর্ণলক্ষজপসাধিতঃ ॥ ১৩৫ ॥
কোট্যাবৃত্তিকসঞ্জপ্তিসিদ্ধীশ্বরত্বদায়কঃ ।
কৃষ্ণাষ্টমীসমারব্ধমাসেনৈকেন সাধিতঃ ॥ ১৩৬ ॥
মাতৃকয়া পুটীকৃত্য মাসেনৈকেন সাধিতঃ ।
ভূতলিপ্যা পুটীকৃত্য মাসেনৈকেন সাধিতঃ ॥ ১৩৭ ॥
ত্রিষষ্ট্যক্ষরসংয়ুক্তমাতৃকাপুটসিদ্ধিদঃ ।
কৃষ্ণাষ্টমীসমারব্ধদিনসপ্তকসিদ্ধিদঃ ॥ ১৩৮ ॥
অর্কেদুগ্রহকালীনজপাজ্ঝটিতিসিদ্ধিদঃ ।
নিশাত্রিকালপূজাকমাসেনৈকেন সিদ্ধিদঃ ॥ ১৩৯ ॥
মন্ত্রার্ণৌষধিনিষ্পন্নগুটিকাভিঃ সুসিদ্ধিদঃ ।
সূর্যোদয়সমারম্ভদিনেনৈকেন সাধিতঃ ॥ ১৪০ ॥
সহস্রারাম্বুজারূঢদেশিকস্মৃতিসিদ্ধিদঃ ।
শিবোহম্ভাবনাসিদ্ধসর্বসিদ্ধিবিলাসকঃ ॥ ১৪১ ॥
পরাকামকলাধ্যানসিদ্ধীশ্বরত্বদায়কঃ ।
অকারোঽগ্রিয়পূজাকোঽমৃতানন্দদায়কঃ ॥ ১৪২ ॥
অনন্তোঽনন্তাবতারেষ্বনন্তফলদায়কঃ ।
অষ্টাঙ্গপাতসম্প্রীতোঽষ্টবিধভৈথুনপ্রিয়ঃ ॥ ১৪৩ ॥
অষ্টপুষ্পসমারাধ্যোঽষ্টাধ্যায়ীজ্ঞানদায়কঃ ।
আরব্ধকর্মনির্বিঘ্নপূরয়িতাঽঽক্ষপাটিকঃ ॥ ১৪৪ ॥
ইন্দ্রগোপসমানশ্রীরিক্ষুভক্ষণলালসঃ ।
ঈঙ্কারবর্ণসম্বুদ্ধপরাকামকলাত্মকঃ ॥ ১৪৫ ॥
ঈশানপুত্র ঈশান ঈষণাত্রয়মার্জকঃ ।
উদ্দণ্ড উগ্র উদগ্র উণ্ডেরকবলিপ্রিয়ঃ ॥ ১৪৬ ॥
ঊর্জস্বানূষ্মলমদ ঊহাপোহদুরাসদঃ ।
ঋজুচিত্তৈকসুলভ ঋণত্রয়বিমোচকঃ ॥ ১৪৭ ॥
ঋগর্থবেত্তা ৠকার ৠকারাক্ষররূপধৃক্ ।
ঌবর্ণরূপো ৡবর্ণো ৡকারাক্ষরপূজিতঃ ॥ ১৪৮ ॥
এধিতাখিলভক্তশ্রীরেধিতাখিলসংশ্রয়ঃ ।
একাররূপ ঐকার ঐম্পুটিতস্মৃতিন্দুকঃ ॥ ১৪৯ ॥
ওঙ্কারবাচ্য ওঙ্কার ওঙ্কারাক্ষররূপধৃক্ ।
ঔঙ্কারাঢ্যগভূয়ুক্ত ঔম্পূর্বয়ুগ্গকারকঃ ॥ ১৫০ ॥
অংশাংশিভাবসন্দৃষ্টোশাংশিভাববিবর্জিতঃ ।
অঃ কারান্তসমস্তাচ্কবর্ণমণ্ডলপূজিতঃ ॥ ১৫১ ॥
কতৃতীয়বিসর্গাঢ্যঃ কতৃতীয়ার্ণকেবলঃ ।
কর্পূরতিলকোদ্ভাসিললাটোর্ধ্বপ্রদেশকঃ ॥ ১৫২ ॥
খল্বাটভূমিসম্রক্ষী খল্বাটবুদ্ধিভেষজম্ ।
খট্বাঙ্গায়ুধসংয়ুক্তঃ খড্গোদ্যতকরান্বিতঃ ॥ ১৫৩ ॥
খণ্ডিতাখিলদুর্ভিক্ষঃ খনিলক্ষ্মীপ্রদর্শকঃ ।
খদিরাধিকসারাঢ্যঃ খলীকৃতবিপক্ষকঃ ॥ ১৫৪ ॥
গান্ধর্ববিদ্যাচতুরো গন্ধর্বনিকরপ্রিয়ঃ ।
ঘপূর্ববীজসন্নিষ্ঠো ঘোরঘর্ঘরবৃংহিতঃ ॥ ১৫৫ ॥
ঘণ্টানিনাদসন্তুষ্টো ঘার্ণো ঘনাগমপ্রিয়ঃ ।
চর্তুর্বেদেষু সঙ্গীতশ্চতুর্থবেদনিষ্ঠিতঃ ॥ ১৫৬ ॥
চতুর্দশসংয়ুক্তচতুর্যুক্তচতুশ্শতঃ ।
চতুর্থীপূজনপ্রীতশ্চতুরাত্মা চতুর্গতিঃ ॥ ১৫৭ ॥
চতুর্থীতিথিসম্ভূতশ্চতুর্বর্গফলপ্রদঃ ।
ছত্রীচ্ছদ্মচ্ছলশ্ছন্দোবপুশ্ছন্দাবতারকঃ ॥ ১৫৮ ॥
জগদ্বন্ধুর্জগন্মাতা জগদ্রক্ষী জগন্ময়ঃ ।
জগদ্যোনির্জগদ্রূপো জগদাত্মা জগন্নিধিঃ ॥ ১৫৯ ॥
জরামরণবিধ্বংসী জগদানন্দদায়কঃ ।
জাগুডানুকৃতিচ্ছায়ো জাগ্রদাদিপ্রকাশকঃ ॥ ১৬০ ॥
জাম্বূনদসমচ্ছায়ো জপসম্প্রীতমানসঃ ।
জপয়োগসুসংবেদ্যো জপতত্পরসিদ্ধিদঃ ॥ ১৬১ ॥
জপাকুসুমসঙ্কাশো জাতীপূজকবাক্প্রদঃ ।
জয়ন্তীদিনসুপ্রীতো জয়ন্তীপূজিতাঙ্ঘ্রিকঃ ॥ ১৬২ ॥
জগদ্ভানতিরস্কারী জগদ্ভানতিরোহিতঃ ।
জগদ্রূপমহামায়াধিষ্ঠানচিন্ময়াত্মকঃ ॥ ১৬৩ ॥
ঝঞ্ঝানিলসমশ্বাসী ঝিল্লিকাসমকান্তিকঃ ।
ঝলঝ্ঝলাসুসংশোভিশূর্পাকৃতিদ্বিকর্ণকঃ ॥ ১৬৪ ॥
টঙ্ককর্মবিনাভাবস্বয়ম্ভূতকলেবরঃ ।
ঠক্কুরষ্ঠক্কুরারাধ্যষ্ঠক্কুরাকৃতিশোভিতঃ ॥ ১৬৫ ॥
ডিণ্ডিমস্বনসংবাদী ডমরুপ্রিয়পুত্রকঃ ।
ঢক্কাবাদনসন্তুষ্টো ঢুণ্ডিরাজবিনায়কঃ ॥ ১৬৬ ॥
তুন্দিলস্তুন্দিলবপুস্তপনস্তাপরোষহা ।
তারকব্রহ্মসংস্থানস্তারানায়কশেখরঃ ॥ ১৬৭ ॥
তারুণ্যাঢ্যবধূসঙ্গী তত্ত্ববেত্তা ত্রিকালবিত্ ।
স্থূলঃ স্থূলকরঃ স্থেয়ঃ স্থিতিকর্তা স্থিতিপ্রদঃ ॥ ১৬৮ ॥
স্থাণুঃ স্থিরঃ স্থলেশায়ী স্থাণ্ডিলকুলপূজিতঃ ।
দুঃখহন্তা দুঃখদায়ী দুর্ভিক্ষাদিবিনাশকঃ ॥ ১৬৯ ॥
ধনধান্যপ্রদো ধ্যেয়ো ধ্যানস্তিমিতলোচনঃ ।
ধীরো ধীর্ধীরধীর্ধুর্যো ধুরীণত্বপ্রদায়কঃ ॥ ১৭০ ॥
ধ্যানয়োগৈকসন্দৃষ্টো ধ্যানয়োগৈকলম্পটঃ ।
নারায়ণপ্রিয়ো নম্যো নরনারীজনাশ্রয়ঃ ॥ ১৭১ ॥
নগ্নপূজনসন্তুষ্টো নগ্ননীলাসমাবৃতঃ ।
নিরঞ্জনো নিরাধারো নির্লেপো নিরবগ্রহঃ ॥ ১৭২ ॥
নিশীথিনীনমস্যাকো নিশীথিনীজপপ্রিয়ঃ ।
নামপারায়ণপ্রীতো নামরূপপ্রকাশকঃ ॥ ১৭৩ ॥
পুরাণপুরুষঃ প্রাতস্সন্ধ্যারুণবপুঃপ্রভঃ ।
ফুল্লপুষ্পসমূহশ্রীসম্ভূষিতসুমস্তকঃ ॥ ১৭৪ ॥
ফাল্গুনানুজপূজাকঃ ফেত্কারতন্ত্রবর্ণিতঃ ।
ব্রাহ্মণাদিসমারাধ্যো বালপূজ্যো বলপ্রদঃ ॥ ১৭৫ ॥
বাণার্চিতপদদ্বন্দ্বো বালকেলিকুতূহলঃ ।
ভবানীহৃদয়ানন্দী ভাবগম্যো ভবাত্মজঃ ॥ ১৭৬ ॥
ভবেশো ভব্যরূপাঢ্যো ভার্গবেশো ভৃগোঃ সুতঃ ।
ভব্যো ভব্যকলায়ুক্তো ভাবনাবশতত্পরঃ ॥ ১৭৭ ॥
ভগবান্ ভক্তিসুলভো ভয়হন্তা ভয়প্রদঃ ।
মায়াবী মানদো মানী মনোভিমানশোধকঃ ॥ ১৭৮ ॥
মহাহবোদ্যতক্রীডো মন্দহাসমনোহরঃ ।
মনস্বী মানবিধ্বংসী মদলালসমানসঃ ॥ ১৭৯ ॥
য়শস্বী য়শআশংসী য়াজ্ঞিকো য়াজ্ঞিকপ্রিয়ঃ ।
রাজরাজেশ্বরো রাজা রামো রমণলম্পটঃ ॥ ১৮০ ॥
রসরাজসমাস্বাদী রসরাজৈকপূজিতঃ ।
লক্ষ্মীবান্ লক্ষ্মসম্পন্নো লক্ষ্যো লক্ষণসংয়ুতঃ ॥ ১৮১ ॥
লক্ষ্যলক্ষণভাবস্থো লয়য়োগবিভাবিতঃ ।
বীরাসনসমাসীনো বীরবন্দ্যো বরেণ্যদঃ ॥ ১৮২ ॥
বিবিধার্থজ্ঞানদাতা বেদবেদান্তবিত্তমঃ ।
শিখিবাহসমারূঢঃ শিখিবাহননাথিতঃ ॥ ১৮৩ ॥
শ্রীবিদ্যোপাসনপ্রীতঃ শ্রীবিদ্যামন্ত্রবিগ্রহঃ ।
ষডাধারক্রমপ্রীতঃ ষডাম্নায়েষু সংস্থিতঃ ॥ ১৮৪ ॥
ষড্দর্শনীপারদৃশ্বা ষডধ্বাতীতরূপকঃ ।
ষডূর্মিবৃন্দবিধ্বংসী ষট্কোণমধ্যবিন্দুগঃ ॥ ১৮৫ ॥
ষট্ত্রিংশত্তত্ত্বসন্নিষ্ঠঃ ষট্কর্মসন্ঘসিদ্ধিদঃ ।
ষড্বৈরিবর্গবিধ্বংসিবিঘ্নেশ্বরগজাননঃ ॥ ১৮৬ ॥
সত্তাজ্ঞানাদিরূপাঢ্যঃ সাহসাদ্ভুতখেলনঃ ।
সর্পরূপধরঃসংবিত্ সংসারাম্বুধিতারকঃ ॥ ১৮৭ ॥
সর্পসঙ্ঘসমাশ্লিষ্টঃ সর্পকুণ্ডলিতোদরঃ ।
সপ্তবিংশতিঋক্পূজ্যঃ স্বাহায়ুঙ্মন্ত্রবিগ্রহঃ ॥ ১৮৮ ॥
সর্বকর্মসমারম্ভসম্পূজিতপদদ্বয়ঃ ।
স্বয়ম্ভূঃ সত্যসঙ্কল্পঃ স্বয়ম্প্রকাশমূর্তিকঃ ॥ ১৮৯ ॥
স্বয়ম্ভূলিঙ্গসংস্থায়ী স্বয়ম্ভূলিঙ্গপূজিতঃ ।
হব্যো হুতপ্রিয়ো হোতা হুতভুগ্ হবনপ্রিয়ঃ ॥ ১৯০ ॥
হরলালনসন্তুষ্টো হলাহলাশিপুত্রকঃ ।
হ্রীঙ্কাররূপো হুঙ্কারো হাহাকারসমাকুলঃ ॥ ১৯১ ॥
হিমাচলসুতাসূনুর্হেমভাস্বরদেহকঃ ।
হিমাচলশিখারূঢো হিমধামসমদ্যুতিঃ ॥ ১৯২ ॥
ক্ষোভহন্তা ক্ষুধাহন্তা ক্ষৈণ্যহন্তা ক্ষমাপ্রদঃ ।
ক্ষমাধারী ক্ষমায়ুক্তঃ ক্ষপাকরনিভঃ ক্ষমী ॥ ১৯৩ ॥
ককারাদিক্ষকারান্তসর্বহল্কপ্রপূজিতঃ ।
অকারাদিক্ষকারান্তবর্ণমালাবিজৃম্ভিতঃ ॥ ১৯৪ ॥
অকারাদিক্ষকারান্তমহাসরস্বতীময়ঃ ।
স্থূলতমশরীরাঢ্যঃ কারুকর্মবিজৃম্ভিতঃ ॥ ১৯৫ ॥
স্থূলতরস্বরূপাঢ্যশ্চক্রজালপ্রকাশিতঃ ।
স্থূলরূপসমুজ্জৃম্ভী হৃদব্জধ্যাতরূপকঃ ॥ ১৯৬ ॥
সূক্ষ্মরূপসমুল্লাসী মন্ত্রজালস্বরূপকঃ ।
সূক্ষ্মতরতনুশ্রীকঃ কুণ্ডলিনীস্বরূপকঃ ॥ ১৯৭ ॥
সূক্ষ্মতমবপুশ্শোভী পরাকামকলাতনুঃ ।
পররূপসমুদ্ভাসী সচ্চিদানন্দবিগ্রহঃ ॥ ১৯৮ ॥
পরাপরবপুর্ধারী সপ্তরূপবিলাসিতঃ ।
ষডাম্নায়মহামন্ত্রনিকুরুম্বনিষেবিতঃ ॥ ১৯৯ ॥
তত্পুরুষমুখোত্পন্নপূর্বাম্নায়মনুপ্রিয়ঃ ।
অঘোরমুখসঞ্জাতদক্ষিণাম্নায়পূজিতঃ ॥ ২০০ ॥
সদ্যোজাতমুখোত্পন্নপশ্চিমাম্নায়সেবিতঃ ।
বামদেবমুখোত্পন্নোত্তরাম্নায়প্রপূজিতঃ ॥ ২০১ ॥
ঈশানমুখসঞ্জাতোর্ধ্বাম্নায়মনুসেবিতঃ ।
বিমর্শমুখসঞ্জাতানুত্তরাম্নায়পূজিতঃ ॥ ২০২ ॥
তোটকাচার্যসন্দিষ্টপূর্বাম্নায়কমন্ত্রকঃ ।
সুরেশসমুপাদিষ্টদক্ষিণাম্নায়মন্ত্রকঃ ॥ ২০৩ ॥
পদ্মপাদসমাদিষ্টপশ্চিমাম্নায়মন্ত্রকঃ ।
হস্তামলকসন্দিষ্টোত্তরাম্নায়কমন্ত্রকঃ ॥ ২০৪ ॥
শঙ্করাচার্যসন্দিষ্টোর্ধ্বাম্নায়াখিলমন্ত্রকঃ ।
দক্ষিণামূর্তিসন্নিষ্ঠানুত্তরাম্নায়মন্ত্রকঃ ॥ ২০৫ ॥
সহজানন্দসন্নিষ্ঠসর্বাম্নায়প্রকাশকঃ ।
পূর্বাম্নায়কমন্ত্রৌঘৈঃ সৃষ্টিশক্তিপ্রকাশকঃ ॥ ২০৬ ॥
দক্ষিণাম্নায়মন্ত্রৌঘৈঃ স্থিতিশক্তিপ্রকাশকঃ ।
পশ্চিমাম্নায়মন্ত্রৌঘৈর্হৃতিশক্তিপ্রকাশকঃ ॥ ২০৭ ॥
উত্তরাম্নায়মন্ত্রৌঘৈস্তিরোধানপ্রকাশকঃ ।
ঊর্ধ্বাম্নায়কমন্ত্রৌঘৈরনুগ্রহপ্রকাশকঃ ॥ ২০৮ ॥
অনুত্তরগমন্ত্রৌঘৈঃ সহজানন্দলাসকঃ ।
সর্বাম্নায়কসন্নিষ্ঠানুস্যূতচিত্সুখাত্মকঃ ॥ ২০৯ ॥
সৃষ্টিকর্তা ব্রহ্মরূপো গোপ্তা গোবিন্দরূপকঃ ।
সংহারকৃদ্রুদ্ররূপস্তিরোধায়ক ঈশ্বরঃ ॥ ২১০ ॥
সদাশিবোঽনুগ্রহীতা পঞ্চকৃত্যপরায়ণঃ ।
অণিমাদিগুণাস্পৃষ্টো নির্গুণানন্দরূপকঃ ॥ ২১১ ॥
সর্বাত্মভাবনারূপঃ সুখমাত্রানুভাবকঃ ।
স্বস্বরূপসুসংশোভী তাটস্থিকস্বরূপকঃ ॥ ২১২ ॥
ষড্গুণোঽখিলকল্যাণগুণরাজিবিরাজিতঃ ।
য়জ্ঞাগ্নিকুণ্ডসম্ভূতঃ ক্ষীরসাগরভধ্যগঃ ॥ ২১৩ ॥
ত্রিদশকারুনিষ্পন্নস্বানন্দভবনস্থিতঃ ।
ঊরীকৃতেশপুত্রত্বো নীলবাণীবিবাহিতঃ ॥ ২১৪ ॥
নীলসরস্বতীমন্ত্রজপতাত্পর্যসিদ্ধিদঃ ।
বিদ্যাবদসুরধ্বংসী সুররক্ষাসমুদ্যতঃ ॥ ২১৫ ॥
চিন্তামণিক্ষেত্রবাসী চিন্তিতাখিলপূরকঃ ।
মহাপাপৌঘবিধ্বংসী দেবেন্দ্রকৃতপূজনঃ ॥ ২১৬ ॥
তারারম্ভী নমোয়ুক্তো ভগবত্পদডেন্তগঃ ।
একদংষ্ট্রায়সংয়ুক্তো হস্তিমুখায়সংয়ুতঃ ॥ ২১৭ ॥
লম্বোদরচতুর্থ্যন্তবিরাজিতকলেবরঃ ।
উচ্ছিষ্টপদসংরাজী মহাত্মনেপদপ্রিয়ঃ ॥ ২১৮ ॥
আঙ্ক্রোংহ্রীঙ্গংসমায়ুক্তো ঘেধেস্বাহাসমাপিতঃ ।
তারারব্ধমহামন্ত্রো হস্তিমুখান্তঙেয়ুতঃ ॥ ২১৯ ॥
লম্বোদরায়সংয়ুক্তো ডেন্তোচ্ছিষ্টমহাত্ময়ুক্ ।
পাশাঙ্কুশত্রপামারো হৃল্লেখাসমলঙ্কৃতঃ ॥ ২২০ ॥
বর্মঘেঘেসমারূঢ উচ্ছিষ্টায়পদোপধঃ ।
বহ্নিজায়াসুংসম্পূর্ণো মন্ত্ররাজদ্বয়ান্বিতঃ ॥ ২২১ ॥
হেরম্বাখ্যগণেশানো লক্ষ্মীয়ুতগজাননঃ ।
তারুণ্যেশো বালরূপী শক্তীশো বীরনামকঃ ॥ ২২২
ঊর্ধ্বসমাখ্য উচ্ছিষ্টো বিজয়ো নৃত্যকর্মকঃ ।
বিঘ্নবিধ্বংসিবিঘ্নেশো দ্বিজপূর্বগণাধিপঃ ॥ ২২৩ ॥
ক্ষিপ্রেশো বল্লভাজানির্ভক্তীশঃ সিদ্ধিনায়কঃ ।
দ্ব্যষ্টাবতারসম্ভিন্নলীলাবৈবিধ্যশোভিতঃ ॥ ২২৪ ॥
দ্বাত্রিংশদবতারাঢ্যো দ্বাত্রিংশদ্দীক্ষণক্রমঃ ।
শুদ্ধবিদ্যাসমারব্ধমহাষোডশিকান্তিমঃ ॥ ২২৫ ॥
মহত্পদসমায়ুক্তপাদুকাসম্প্রতিষ্ঠিতঃ ।
প্রণবাদিস্ত্রিতারীয়ুগ্ বালাবীজকশোভিতঃ ॥ ২২৬ ॥
বাণীভূবীজসংয়ুক্তো হংসত্রয়সমন্বিতঃ ।
খেচরীবীজসম্ভিন্নো নবনাথসুশোভিতঃ ॥ ২২৭ ॥
প্রাসাদশ্রীসমায়ুক্তো নবনাথবিলোমকঃ ।
পরাপ্রাসাদবীজাঢ্যো মহাগণেশমন্ত্রকঃ ॥ ২২৮ ॥
বালাক্রমোত্ক্রমপ্রীতো য়োগবালাবিজৃম্ভিতঃ ।
অন্নপূর্ণাসমায়ুক্তো বাজিবাহাবিলাসিতঃ ॥ ২২৯ ॥
সৌভাগ্যপূর্ববিদ্যায়ুঙ্ রমাদিষোডশীয়ুতঃ ।
উচ্ছিষ্টপূর্বচাণ্ডালীসমায়ুক্তসুবিগ্রহঃ ॥ ২৩০ ॥
ত্রয়োদশার্ণবাগ্দেবীসমুল্লসিতমূর্তিকঃ ।
নকুলীমাতৃসংয়ুক্তো মহামাতঙ্গিনীয়ুতঃ ॥ ২৩১ ॥
লঘুবার্তালিকায়ুক্তস্বপ্নবার্তালিকান্বিতঃ ।
তিরস্কারিসমায়ুক্তো মহাবার্তালিকায়ুতঃ ॥ ২৩২ ॥
পরাবীজসমায়ুক্তো লোপামুদ্রাবিজৃম্ভিতঃ ।
ত্রয়োদশাক্ষরীহাদিজ্ঞপ্তিবিদ্যাসমন্বিতঃ ॥ ২৩৩ ॥
মহাবাক্যমহামাতৃচতুষ্টয়বিলাসিতঃ ।
ব্রহ্মণ্যরসবীজাঢ্যব্রহ্মণ্যদ্বয়শেভিতঃ ॥ ২৩৪ ॥
সপ্তদশাক্ষরীশৈবতত্ত্ববিমর্শিনীয়ুতঃ ।
চতুর্বিংশতিবর্ণাত্মদক্ষিণামূর্তিশোভিতঃ ॥ ২৩৫ ॥
রদনাক্ষরসংশোভিগণপোচ্ছিষ্টমন্ত্রকঃ ।
গিরিব্যাহৃতিবর্ণাত্মগণপোচ্ছিষ্টরাজকঃ ॥ ২৩৬ ॥
হংসত্রয়সমারুঢো রসাবাণীসমর্পিতঃ ।
শ্রীবিদ্যানন্দনাথাঢ্য আত্মকপদসংয়ুতঃ ॥ ২৩৭ ॥
শ্রীচর্যানন্দনাথাঢ্যঃ শ্রীমহাপাদুকাশ্রিতঃ ।
পূজয়ামিপদপ্রীতো নমঃপদসমাপিতঃ ॥ ২৩৮ ॥
গুরুমুখৈকসংবেদ্যো গুরুমণ্ডলপূজিতঃ ।
দীক্ষাগুরুসমারব্ধশিবান্তগুরুসেবিতঃ ॥ ২৩৯ ॥
সমারাধ্যপদদ্বন্দ্বো গুরুভিঃ কুলরূপিভিঃ ।
বিদ্যাবতারগুরুভিঃ সম্পূজিতপদদ্বয়ঃ ॥ ২৪০ ॥
পরৌঘীয়গুরুপ্রীতো দিব্যৌঘগুরুপূজিতঃ ।
সিদ্ধৌঘদেশিকারাধ্যো মানবৌঘনিষেবিতঃ ॥ ২৪১ ॥
গুরুত্রয়সমারাধ্যো গুরুষট্কপ্রপূজিতঃ ।
শাম্ভবীক্রমসম্পূজ্যোঽশীত্যুত্তরশতার্চিতঃ ॥ ২৪২ ॥
ক্ষিত্যাদিরশ্মিসন্নিষ্ঠো লঙ্ঘিতাখিলরশ্মিকঃ ।
ষডন্বয়ক্রমারাধ্যো দেশিকান্বয়রক্ষিতঃ ॥ ২৪৩ ॥
সর্বশ্রুতিশিরোনিষ্ঠপাদুকাদ্বয়বৈভবঃ ।
পরাকামকলারূপঃ শিবোহম্ভাবনাত্মকঃ ॥ ২৪৪ ॥
চিচ্ছক্ত্যাখ্যপরাহংয়ুক্ সর্বজ্ঞানিস্বরূপকঃ ।
সংবিদ্বিন্দুসমাখ্যাতোঽপরাকামকলাময়ঃ ॥ ২৪৫ ॥
মায়াবিশিষ্টসর্বেশো মহাবিন্দুস্বরূপকঃ ।
অণিমাদিগুণোপেতঃ সর্জনাদিক্রিয়ান্বিতঃ ॥ ২৪৬ ॥
মায়াবিশিষ্টচৈতন্যোঽগণ্যরূপবিলাসকঃ ।
মিশ্রকামকলারূপোঽগ্নীষোমীয়স্বরূপকঃ ॥ ২৪৭ ॥
মিশ্রবিন্দুসমাখ্যাকো জীববৃন্দসমাশ্রিতঃ ।
কামকলাত্রয়াবিষ্টো বিন্দুত্রয়বিলাসিতঃ ॥ ২৪৮ ॥
কামকলাত্রয়ধ্যানসর্ববন্ধবিমোচকঃ ।
বিন্দুত্রয়ৈকতাধ্যানবিকলেবরমুক্তিদঃ ॥ ২৪৯ ॥
মহায়জনসম্প্রীতো বীরচর্যাধরপ্রিয়ঃ ।
অন্তর্যাগক্রমারাধ্যো বহির্যাগপুরস্কৃতঃ ॥ ২৫০ ॥
আত্ময়াগসমারাধ্যঃ সর্ববিশ্বনিয়ামকঃ ।
মাতৃকাদশকন্যাসদেবতাভাবসিদ্ধিদঃ ॥ ২৫১ ॥
প্রপঞ্চয়াগন্যাসেন সর্বেশ্বরত্বদায়কঃ ।
লঘুষোঢামহাষোঢান্যাসদ্বয়সমর্চিতঃ ॥ ২৫২ ॥
শ্রীচক্রত্রিবিধন্যাসমহাসিদ্ধিবিধায়কঃ ।
রশ্মিমালামহান্যাসবজ্রবর্মস্বরূপকঃ ॥ ২৫৩ ॥
হংসপরমহংসাখ্যন্যাসদ্বয়বিভাবিতঃ ।
মহাপদাবনীন্যাসকলাশতাধিকাষ্টকঃ ॥ ২৫৪ ॥
ত্রিপুরাপূজনপ্রীতঃ ত্রিপুরাপূজকপ্রিয়ঃ ।
নবাবৃতিমহায়জ্ঞসংরক্ষণধুরন্ধরঃ ॥ ২৫৫ ॥
লম্বোদরমহারূপো ভৈরবীভৈরবাত্মকঃ ।
উত্কৃষ্টশিষ্টসদ্বস্তু পরসংবিত্তিরূপকঃ ॥ ২৫৬ ॥
শুভাশুভকরং কর্ম জীবয়াত্রাবিধায়কঃ ।
সচ্চিত্সুখং নাম রূপমধিষ্ঠানাত্মকঃ পরঃ ॥ ২৫৭ ॥
আরোপিতজগজ্জাতং মিথ্যাজ্ঞানমমঙ্গলম্ ।
অকারাদিক্ষকারান্তঃ শব্দসৃষ্টিস্বরূপকঃ ॥ ২৫৮ ॥
পরাবাগ্ বিমর্শরূপী পশ্যন্তী স্ফোটরূপধৃক্ ।
মধ্যমা চিন্তনারূপো বৈখরী স্থূলবাচকঃ ॥ ২৫৯ ॥
ধ্বনিরূপো বর্ণরূপী সর্বভাষাত্মকোঽপরঃ ।
মূলাধারগতঃ সুপ্তঃ স্বাধিষ্ঠানে প্রপূজিতঃ ॥ ২৬০ ॥
মণিপূরকমধ্যস্থোঽনাহতাম্বুজমধ্যগঃ ।
বিশুদ্ধিপঙ্কজোল্লাস আজ্ঞাচক্রাব্জবাসকঃ ॥ ২৬১ ॥
সহস্রারাম্বুজারূঢঃ শিবশক্ত্যৈক্যরূপকঃ ।
মূলকুণ্ডলিনীরূপো মহাকুণ্ডলিনীময়ঃ ॥ ২৬২ ॥
ষোডশান্তমহাস্থানোঽস্পর্শাভিধমহাস্থিতিঃ ।
ইদং নামসহস্রং তু সর্বসম্পত্প্রদায়কম্ ।
ধনধান্যসুতাদ্যষ্টলক্ষ্মীবৃন্দপ্রবর্ধকম্ ॥ ২৬৩ ॥
সর্ববন্ধ্যাত্বদোষঘ্নং সত্সন্তানপ্রদায়কম্ ।
সর্বজ্বরার্তিশমনং দীর্ঘায়ুষ্যপ্রদায়কম্ ॥ ২৬৪ ॥
ধর্মমর্থং কামমোক্ষৌ ঝটিতীদং প্রদাস্যতি ।
নিষ্কামো বা সকামো বা সর্ব এতত্প্রসাধয়েত্ ॥ ২৬৫ ॥
ইতি উড্ডামরেশ্বরতন্ত্রে ক্ষিপ্রপ্রসাদনপটলে
গুহ্যনাম উচ্ছিষ্টগণেশসহস্রনামস্তোত্রম্ ।
Also Read 1000 Names of Ucchishta Ganeshopasana:
1000 Names of Sri Guhya Nama Uchchishta Ganesh Na | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
