Shri Guru Sahasranama Stotram Lyrics in Bengali:
॥ শ্রীগুরুসহস্রনামস্তোত্রম্ ॥
॥ ওঁ গং গণপতয়ে নমঃ ॥
॥ শ্রীগুরবে নমঃ ॥
॥ শ্রীপরমগুরবে নমঃ ॥
॥ শ্রীপরাত্পরগুরবে নমঃ ॥
॥ শ্রীপরমেষ্ঠিগুরবে নমঃ ॥
॥ ওঁ শ্রীপরমাত্মনে নমঃ ॥
॥ শ্রীশিবোক্তং শ্রীহরিকৃষ্ণবিরচিতম্ ॥
॥ অথ শ্রীগুরুসহস্রনামস্তোত্রম্ ॥
কৈলাসশিখরাসীনং চন্দ্রখণ্ডবিরাজিতম্ ।
পপ্রচ্ছ বিনয়াদ্ভক্ত্যা গৌরী নত্বা বৃষধ্বজম্ ॥ ১ ॥
॥ শ্রীদেব্যুবাচ ॥
ভগবন্ সর্বধর্মজ্ঞ সর্বশাস্ত্রবিশারদ ।
কেনোপায়েন চ কলৌ লোকার্তির্নাশমেষ্যতি ॥ ২ ॥
তন্মে বদ মহাদেব য়দি তেঽস্তি দয়া ময়ি ।
॥ শ্রীমহাদেব উবাচ ॥
অস্তি গুহ্যতমং ত্বেকং জ্ঞানং দেবি সনাতনম্ ॥ ৩ ॥
অতীব চ সুগোপ্যং চ কথিতুং নৈব শক্যতে ।
অতীব মে প্রিয়াসীতি কথয়ামি তথাপি তে ॥ ৪ ॥
সর্বং ব্রহ্মময়ং হ্যেতত্সংসারং স্থূলসূক্ষ্মকম্ ।
প্রকৃত্যা তু বিনা নৈব সংসারো হ্যুপপদ্যতে ॥ ৫ ॥
তস্মাত্তু প্রকৃতির্মূলকারণং নৈব দৃশ্যতে ।
রূপাণি বহুসঙ্খ্যানি প্রকৃতেঃ সন্তি মানিনি ॥ ৬ ॥
তেষাং মধ্যে প্রধানং তু গুরুরূপং মনোরমম্ ।
বিশেষতঃ কলিয়ুগে নরাণাং ভুক্তিমুক্তিদম্ ॥ ৭ ॥
তস্যোপাসকাশ্চৈব ব্রহ্মাবিষ্ণুশিবাদয়ঃ ।
সূর্যশ্চন্দ্রশ্চ বরুণঃ কুবেরোঽগ্নিস্তথাপরাঃ ॥ ৮ ॥
দুর্বাসাশ্চ বসিষ্ঠশ্চ দত্তাত্রেয়ো বৃহস্পতিঃ ।
বহুনাত্র কিমুক্তেন সর্বেদেবা উপাসকাঃ ॥ ৯ ॥
গুরূণাং চ প্রসাদেন ভুক্তিমুক্ত্যাদিভাগিনঃ ।
সংবিত্কল্পং প্রবক্ষ্যামি সচ্চিদানন্দলক্ষণম্ ॥ ১০ ॥
য়ত্কল্পারাধনেনৈব স্বাত্মানন্দো বিরাজতে ।
মেরোরুত্তরদেশে তু শিলাহৈমাবতী পুরী ॥ ১১ ॥
দশয়োজনবিস্তীর্ণা দীর্ঘষোডশয়োজনা ।
বররত্নৈশ্চ খচিতা অমৃতং স্রবতে সদা ॥ ১২ ॥
সোত্থিতা শব্দনির্মুক্তা তৃণবৃক্ষবিবর্জিতা ।
তস্যোপরি বরারোহে সংস্থিতা সিদ্ধমূলিকা ॥ ১৩ ॥
বেদিকাজননির্মুক্তা তন্নদীজলসংস্থিতা ।
বেদিকামধ্যদেশে তু সংস্থিতং চ শিবালয়ম্ ॥ ১৪ ॥
হস্তাষ্টকসুবিস্তারং সমন্তাচ্চ তথৈব চ ।
তস্যোপরি চ দেবেশি হ্যুপবিষ্টো হ্যহং প্রিয়ে ॥ ১৫ ॥
দিব্যাব্দবর্ষপঞ্চাশত্সমাধৌ সংস্থিতো হ্যহম্ ।
মহাগুরুপদে দৃষ্টং গূঢং কৌতুহলং ময়া ॥ ১৬ ॥
বিনিয়োগঃ-
ওঁ অস্য শ্রীগুরুসহস্রনামমালামন্ত্রস্য
শ্রীসদাশিবঋষিঃ
নানাবিধানি ছন্দাংসি শ্রীগুরুর্দেবতা শ্রীগুরুপ্রীত্যর্থে
সকলপুরুষার্থসিদ্ধ্যর্থে
শ্রীগুরুসহস্রনাম জপে বিনিয়োগঃ ।
॥ অথাঙ্গন্যাসঃ ॥
শ্রীসদাশিবঋষয়ে নমঃ শিরসি ॥
শ্রীনানাবিধছন্দেভ্যো নমঃ মুখে ॥
শ্রীগুরুদেবতায়ৈ নমঃ হৃদয়ে ॥
শ্রী হং বীজায় নমঃ গুহ্যে ॥
শ্রী শং শক্তয়ে নমঃ পাদয়োঃ ॥
শ্রী ক্রৌং কীলকায় নমঃ সর্বাঙ্গে ॥
॥ অথ গুরুগায়ত্রীমন্ত্রঃ ॥
ওঁ গুরুদেবায় বিদ্মহে পরমগুরবে চ ধীমহি
তন্নো পুরুষঃ প্রচোদয়াত্ ॥
॥ ইতি গুরুগায়ত্রীমন্ত্রঃ ॥
॥ অথ করন্যাসঃ ॥
ওঁ সদাশিবগুরবে নমঃ অঙ্গুষ্ঠাভ্যাং নমঃ ।
ওঁ বিষ্ণুগুরবে নমঃ তর্জনীভ্যাং নমঃ ।
ওঁ ব্রহ্মগুরবে নমঃ মধ্যমাভ্যাং নমঃ ।
ওঁ গুরু ইন্দ্রায় নমঃ অনামিকাভ্যাং নমঃ ।
ওঁ গুরুসকলদেবরূপিণে নমঃ কনিষ্ঠিকাভ্যাং নমঃ ।
ওঁ গুরুপঞ্চতত্ত্বাত্মনে নমঃ করতলকরপৃষ্ঠাভ্যাং নমঃ ।
॥ অথ হৃদয়াদিন্যাসঃ ॥
ওঁ সদাশিবগুরবে নমঃ হৃদয়ায়নমঃ ।
ওঁ বিষ্ণুগুরবে নমঃ শিরসে স্বাহা ।
ওঁ ব্রহ্মগুরবে নমঃ শিখায়ৈ বষট্ ।
ওঁ গুরু ইন্দ্রায় নমঃ নেত্রত্রয়ায় বৌষট্ ।
ওঁ গুরুসকলদেবরূপিণে নমঃ কবচায় হুম্ ।
ওঁ গুরুপঞ্চতত্ত্বাত্মনে নমঃ অস্ত্রায় ফট্ ।
॥ অথ ধ্যানম্ ॥
হংসাভ্যাং পরিবৃত্তপত্রকমলৈর্দিব্যৈর্জগত্কারণৈ-
র্বিশ্বোত্কীর্ণমনেকদেহনিলয়ং স্বচ্ছন্দমাত্মেচ্ছয়া ।
তত্তদ্যোগ্যতয়া স্বদেশিকতনুং ভাবৈকদীপাঙ্কুরম্ ।
প্রত্যক্ষাক্ষরবিগ্রহং গুরুপদং ধ্যায়েদ্দ্বিবাহুং গুরুম্ ॥ ১৭ ॥
বিশ্বং ব্যাপিতমাদিদেবমমলং নিত্যং পরন্নিষ্কলম্
নিত্যোত্ফুল্লসহস্রপত্রকমলৈর্নিত্যাক্ষরৈর্মণ্ডপৈঃ ।
নিত্যানন্দমনন্তপূর্ণমখিলন্তদ্ব্রহ্ম নিত্যং স্মরে-
দাত্মানং স্বমনুপ্রবিশ্য কুহরে স্বচ্ছন্দতঃ সর্বগম্ ॥ ১৮ ॥
॥ ইতি ধ্যানম্ ॥
॥ অথ মন্ত্রঃ ॥
॥ ওঁ ঐং হ্রীং শ্রীং গুরবে নমঃ ॥
॥ ইতি মন্ত্রঃ ॥
ত্বং হি মামনুসন্ধেহি সহস্রশিরসম্প্রভুম্ ।
তদা মুখেষু মে ন্যস্তং সহস্রং লক্ষ্যতে স্তদা ॥ ১৯ ॥
ইদং বিশ্বহিতার্থায় রসনারঙ্গগোচরম্ ।
প্রকাশয়িত্বা মেদিন্যাং পরমাগমসম্মতাম্ ॥ ২০ ॥
ইদং শঠায় মূর্খায় নাস্তিকায় প্রকীর্তনে ।
অসূয়োপহতায়াপি ন প্রকাশ্যং কদাচন ॥ ২১ ॥
বিবেকিনে বিশুদ্ধায় বেদমার্গানুসারিণে ।
আস্তিকায়াত্মনিষ্ঠায় স্বাত্মন্যবিকৃতায় চ ॥ ২২ ॥
গুরুনামসহস্রং তে কৃতধীরুদিতে জয়ে ।
ভক্তিগম্যস্ত্রয়ীমূর্তির্ভাসক্তো বসুধাধিপঃ ॥ ২৩ ॥
দেবদেবো দয়াসিন্ধুর্দেবদেবশিখামণিঃ ।
সুখাভাবঃ সুখাচারঃ শিবদো মুদিতাশয়ঃ ॥ ২৪ ॥
অবিক্রিয়ঃ ক্রিয়ামূর্তিরধ্যাত্মা চ স্বরূপবান্ ।
সৃষ্ট্যামলক্ষ্যো ভূতাত্মা ধর্মী য়াত্রার্থচেষ্টিতঃ ॥ ২৫ ॥
অন্তর্যামী কালরূপঃ কালাবয়বিরূপিণঃ ।
নির্গুণশ্চ কৃতানন্দো য়োগী নিদ্রানিয়োজকঃ ॥ ২৬ ॥
মহাগুণান্তর্নিক্ষিপ্তঃ পুণ্যার্ণবপুরাত্মবান্ ।
নিরবদ্যঃ কৃপামূর্তির্ন্যায়বাক্যনিয়ামকঃ ॥ ২৭ ॥
অদৃষ্টচেষ্টঃ কূটস্থো ধৃতলৌকিকবিগ্রহঃ ।
মহর্ষিমানসোল্লাসো মহামঙ্গলদায়কঃ ॥ ২৮ ॥
সন্তোষিতঃ সুরব্রাতঃ সাধুচিত্তপ্রসাদকঃ ।
শিবলোকায় নির্দেষ্টা জনার্দনশ্চ বত্সলঃ ॥ ২৯ ॥
স্বশক্ত্যুদ্ধাটিতাশেষকপাটঃ পিতৃবাহনঃ ।
শেষোরগফণঞ্ছত্রঃ শোষোক্ত্যাস্যসহস্রকঃ ॥ ৩০ ॥
কৃতাত্মবিদ্যাবিন্যাসো য়োগমায়াগ্রসম্ভবঃ ।
অঞ্জনস্নিগ্ধনয়নঃ পর্যায়াঙ্কুরিতস্মিতঃ ॥ ৩১ ॥
লীলাক্ষস্তরলালোকস্ত্রিপুরাসুরভঞ্জনঃ ।
দ্বিজোদিতস্বস্ত্যয়নো মন্ত্রপূতো জলাপ্লুতঃ ॥ ৩২ ॥
প্রশস্তনামকরণো জাতুচঙ্ক্রমণোত্সুকঃ ।
ব্যালবিচূলিকারত্নঘোষো ঘোষপ্রহর্ষণঃ ॥ ৩৩ ॥
সন্মুখঃ প্রতিবিম্বার্থী গ্রীবাব্যাঘ্রনখোজ্জ্বলঃ ।
পঙ্কানুলেপরুচিরো মাংসলোরুকটীতলঃ ॥ ৩৪ ॥
দৃষ্টজানুকরদ্বন্দ্বঃ প্রতিবিম্বানুকারকৃত্ ।
অব্যক্তবর্ণব্যাবৃত্তিঃ স্মিতলক্ষ্যরদোদ্গমঃ ॥ ৩৫ ॥
ধাত্রীকরসমালম্বী প্রস্খলচ্চিত্রচঙ্ক্রমঃ । ??
ক্ষেমণী ক্ষেমণাপ্রীতো বেণুবাদ্যবিশারদঃ ॥ ৩৬ ॥
নিয়ুদ্ধলীলাসংহৃষ্টঃ কণ্ঠানুকৃতকোকিলঃ ।
উপাত্তহংসগমনঃ সর্বসত্ত্বরুতানুকৃত্ ॥ ৩৭ ॥
মনোজ্ঞঃ পল্লবোত্তংসঃ পুষ্পস্বেচ্ছাত্মকুণ্ডলঃ ।
মঞ্জুসঞ্জিতমঞ্জীরপাদঃ কাঞ্চনকঙ্কণঃ ॥ ৩৮ ॥
অন্যোন্যস্পর্শনক্রীডাপটুঃ পরমকেতনঃ ।
প্রতিধ্বানপ্রমুদিতঃ শাখাচতুরচঙ্ক্রমঃ ॥ ৩৯ ॥
ব্রহ্মত্রাণকরো ধাতৃস্তুতঃ সর্বার্থসাধকঃ ।
ব্রহ্মব্রহ্মময়োঽব্যক্তঃ তেজাস্তব্যঃ সুখাত্মকঃ ॥ ৪০ ॥
নিরুক্তো ব্যাকৃতো ব্যক্তির্নিরালম্ববিভাবনঃ ।
প্রভবিষ্ণুরতন্দ্রীকো দেববৃক্ষাদিরূপধৃক্ ॥ ৪১ ॥
আকাশঃ সর্বদেবাদিরণীয়স্থূলরূপবান্ । ??
ব্যাপ্যাব্যাপ্যকৃতাকর্তা বিচারাচারসম্মতঃ ॥ ৪২ ॥
ছন্দোময়ঃ প্রধানাত্মা মূর্তো মূর্ত্তদ্বয়াকৃতিঃ ।
অনেকমূর্তিরক্রোধঃ পরাত্পরপরাক্রমঃ ॥ ৪৩ ॥
সকলাবরণাতীতঃ সর্বদেবমহেশ্বরঃ ।
অনন্যবিভবঃ সত্যরূপঃ স্বর্গেশ্বরার্চিতঃ ॥ ৪৪ ॥ ?
মহাপ্রভাবজ্ঞানজ্ঞঃ পূর্বগঃ সকলাত্মজঃ ।
স্মিতেক্ষাহর্ষিতো ব্রহ্মা ভক্তবত্সলবাক্প্রিয়ঃ ॥ ৪৫ ॥
ব্রহ্মানন্দোদধৌতাঙ্ঘ্রিঃ লীলাবৈচিত্র্যকোবিদঃ ।
বিলাসসকলস্মেরো গর্বলীলাবিলোকনঃ ॥ ৪৬ ॥
অভিব্যক্তদয়াত্মা চ সহজার্ধস্তুতো মুনিঃ ।
সর্বেশ্বরঃ সর্বগুণঃ প্রসিদ্ধঃ সাত্বতর্ষভঃ ॥ ৪৭ ॥
অকুণ্ঠধামা চন্দ্রার্কহৃষ্টরাকাশনির্মলঃ ।
অভয়ো বিশ্বতশ্চক্ষুস্তথোত্তমগুণপ্রভুঃ ॥ ৪৮ ॥
অহমাত্মা মরুত্প্রাণঃ পরমাত্মাঽঽদ্যশীর্ষবান্ ।
দাবাগ্নিভীতস্য গুরোর্গোপ্তা দাবানিগ্ননাশনঃ ॥ ৪৯ ॥ ??
মুঞ্জাটব্যগ্নিশমনঃ প্রাবৃট্কালবিনোদবান্ । ?
শিলান্যস্তান্নভুগ্জাতসৌহিত্যশ্চাঙ্গুলাশনঃ ॥ ৫০ ॥ ??
গীতাস্ফীতসরিত্পূরো নাদনর্তিতবর্হিণঃ ।
রাগপল্লবিতস্থাণুর্গীতানমিতপাদপঃ ॥ ৫১ ॥
বিস্মারিততৃণস্যাগ্রগ্রাসীমৃগবিলোভনঃ । ??
ব্যাঘ্রাদিহিংস্ররজন্তুবৈরহর্তা সুগায়নঃ ॥ ৫২ ॥ ??
নিষ্যন্দধ্যানব্রহ্মাদিবীক্ষিতো বিশ্ববন্দিতঃ ।
শাখোত্কীর্ণশকুন্তৌঘছত্রাস্থিতবলাহকঃ ॥ ৫৩ ॥
অস্পন্দঃ পরমানন্দচিত্রায়িতচরাচরঃ ।
মুনিজ্ঞানপ্রদো য়জ্ঞস্তুতো বাসিষ্ঠয়োগকৃত্ ॥ ৫৪ ॥ ?
শত্রুপ্রোক্তক্রিয়ারূপঃ শত্রুয়জ্ঞনিবারণঃ ।
হিরণ্যগর্ভহৃদয়ো মোহবৃত্তিনিবর্তকঃ ॥ ৫৫ ॥ ?
আত্মজ্ঞাননিধির্মেধা কীশস্তন্মাত্ররূপবান্ । ?? kesha
?? kIsha = monkey, tanmAtrarUpavAn kIshaH – monkey having assumed a very
small size as Hanuman in Lanka while searching for Seeta – wild imagination?
ইন্দ্রাগ্নিবদনঃ কালনাভঃ সর্বাগমস্তুতঃ ॥ ৫৬ ॥
তুরীয়ঃ সত্ত্বধীঃ সাক্ষী দ্বন্দ্বারামাত্মদূরগঃ ।
অজ্ঞাতপারো বিশ্বেশঃ অব্যাকৃতবিহারবান্ ॥ ৫৭ ॥
আত্মপ্রদীপো বিজ্ঞানমাত্রাত্মা শ্রীনিকেতনঃ ।
পৃথ্বী স্বতঃপ্রকাশাত্মা হৃদ্যো য়জ্ঞফলপ্রদঃ ॥ ৫৮ ॥
গুণগ্রাহী গুণদ্রষ্টা গূঢস্বাত্মানুভূতিমান্ ।
কবির্জগদ্রূপদ্রষ্টা পরমাক্ষরবিগ্রহঃ ॥ ৫৯ ॥
প্রপন্নপালনো মালামনুর্ব্রহ্মবিবর্ধনঃ ।
বাক্যবাচকশক্ত্যার্থঃ সর্বব্যাপী সুসিদ্ধিদঃ ॥ ৬০ ॥
স্বয়ম্প্রভুরনির্বিদ্যঃ স্বপ্রকাশশ্চিরন্তনঃ ।
নাদাত্মা মন্ত্রকোটীশো নানাবাদানুরোধকঃ ॥ ৬১ ॥
কন্দর্পকোটিলাবণ্যঃ পরার্থৈকপ্রয়োজকঃ ।
অভয়ীকৃতদেবৌঘঃ কন্যকাবন্ধমোচনঃ ॥ ৬২ ॥
ক্রীডারত্নবলীহর্ত্তা বরুণচ্ছত্রশোভিতঃ ।
শক্রাভিবন্দিতঃ শক্রজননীকুণ্ডলপ্রদঃ ॥ ৬৩ ॥
য়শস্বী নাভিরাদ্যন্তরহিতঃ সত্কথাপ্রিয়ঃ ।
অদিতিপ্রস্তুতস্তোত্রো ব্রহ্মাদ্যুত্কৃষ্টচেষ্টিতঃ ॥ ৬৪ ॥
পুরাণঃ সংয়মী জন্ম হ্যধিপঃ শশকোঽর্থদঃ ।
ব্রহ্মগর্ভপরানন্দঃ পারিজাতাপহারকৃত্ ॥ ৬৫ ॥
পৌণ্ড্রিকপ্রাণহরণঃ কাশীরাজনিষূদনঃ ।
কৃত্যাগর্বপ্রশমনো বিচকৃত্যাগর্বদর্পহা ॥ ৬৬ ॥ ???
কংসবিধ্বংসনঃ শান্তজনকোটিভয়ার্দনঃ ।
মুনিগোপ্তা পিতৃবরপ্রদঃ সর্বানুদীক্ষিতঃ ॥ ৬৭ ॥ ?
কৈলাসয়াত্রাসুমুখো বদর্য্যাশ্রমভূষণঃ ।
ঘণ্টাকর্ণক্রিয়াদোগ্ধাতোষিতো ভক্তবত্সলঃ ॥ ৬৮ ॥ ?
মুনিবৃন্দাতিথির্ধ্যেয়ো ঘণ্টাকর্ণবরপ্রদঃ ।
তপশ্চর্যা পশ্চিমাদ্যো শ্বাসো পিঙ্গজটাধরঃ ॥ ৬৯ ॥
প্রত্যক্ষীকৃতভূতেশঃ শিবস্তোতা শিবস্তুতঃ ।
গুরুঃ স্বয়ং বরালোককৌতুকী সর্বসম্মতঃ ॥ ৭০ ॥
কলিদোষনিরাকর্ত্তা দশনামা দৃঢব্রতঃ ।
অমেয়াত্মা জগত্স্বামী বাগ্মী চৈদ্যশিরোহরঃ ॥ ৭১ ॥
গুরুশ্চ পুণ্ডরীকাক্ষো বিষ্ণুশ্চ মধুসূদনঃ ।
গুরুমাধবলোকেশো গুরুবামনরূপধৃক্ ॥ ৭২ ॥
বিহিতোত্তমসত্কারো বাসবাপ্তরিপু ইষ্টদঃ । ? বাসবাত্পরিতুষ্টিতঃ
উত্তঙ্কহর্ষদাত্মা য়ো দিব্যরূপপ্রদর্শকঃ ॥ ৭৩ ॥
জনকাবগতস্তোত্রো ভারতঃ সর্বভাবনঃ ।
অসোঢ্যয়াদবোদ্রেকো বিহিতাত্পরিপূজিতঃ ॥ ৭৪ ॥ ??
soDhya – unable to bear; yAdavodrekaH – excessive predominance of Yadavas
সমুদ্রক্ষপিতাশ্চর্যমুসলো বৃষ্ণিপুঙ্গবঃ ।
মুনিশার্দূলপদ্মাঙ্কঃ সনাদিত্রিদশার্দিতঃ ॥ ৭৫ ॥ ??
গুরুপ্রত্যবহারোক্তঃ স্বধামগমনোত্সুকঃ ।
প্রভাসালোকনোদ্যুক্তো নানাবিধনিমিত্তকৃত্ ॥ ৭৬ ॥
সর্বয়াদবসংসেব্যঃ সর্বোত্কৃষ্টপরিচ্ছদঃ ।
বেলাকাননসঞ্চারী বেলানীলহতশ্রমঃ ॥ ৭৭ ॥
কালাত্মা য়াদবানন্তস্তুতিসন্তুষ্টমানসঃ ।
দ্বিজালোকনসন্তুষ্টঃ পুণ্যতীর্থমহোত্সবঃ ॥ ৭৮ ॥ ??
সত্কারাহ্লাদিতাশেষভূসুরো ভূসুরপ্রিয়ঃ ।
পুণ্যতীর্থপ্লুতঃ পুণ্যঃ পুণ্যদস্তীর্থপাবনঃ ॥ ৭৯ ॥
বিপ্রসাত্স্বকৃতঃ কোটিশতকোটিসুবর্ণদঃ ।
স্বমায়ামোহিতাশেষরুদ্রবীরো বিশেষজিত্ ॥ ৮০ ॥
ব্রহ্মণ্যদেবঃ শ্রুতিমান্ গোব্রাহ্মণহিতায় চ ।
বরশীলঃ শিবারম্ভঃ স্বসংবিজ্ঞাতমূর্ত্তিমান্ ॥ ৮১ ॥
স্বভাবভদ্রঃ সন্মিত্রঃ সুশরণ্যঃ সুলক্ষণঃ ।
সামগানপ্রিয়ো ধর্মো ধেনুবর্মতমোঽব্যয়ঃ ॥ ৮২ ॥ ??
চতুর্যুগক্রিয়াকর্ত্তা বিশ্বরূপপ্রদর্শকঃ ।
অকালসন্ধ্যাঘটনঃ চক্রাঙ্কিতশ্চ ভাস্করঃ ॥ ৮৩ ॥
দুষ্টপ্রমথনঃ পার্থপ্রতিজ্ঞাপ্রতিপালকঃ ।
মহাধনো মহাবীরো বনমালাবিভূষণঃ ॥ ৮৪ ॥
সুরঃ সূর্যো মৃকণ্ডশ্চ ভাস্করো বিশ্বপূজিতঃ ।
রবিস্তমোহা বহ্নিশ্চ বাডবো বডবানলঃ ॥ ৮৫ ॥
দৈত্যদর্পবিনাশী চ গরুডো গরুডাগ্রজঃ ।
প্রপঞ্চী পঞ্চরূপশ্চ লতাগুল্মশ্চ গোপতিঃ ॥ ৮৬ ॥
গঙ্গা চ য়মুনারূপী গোদা বেত্রাবতী তথা ।
কাবেরী নর্মদা তাপী গণ্ডকী সরয়ূ রজঃ ॥ ৮৭ ॥
রাজসস্তামসঃ সাত্ত্বী সর্বাঙ্গী সর্বলোচনঃ ।
মুদাময়োঽমৃতময়ো য়োগিনীবল্লভঃ শিবঃ ॥ ৮৮ ॥
বুদ্ধো বুদ্ধিমতাং শ্রেষ্ঠো বিষ্ণুর্জিষ্ণুঃ শচীপতিঃ ।
সৃষ্টিচক্রধরো লোকো বিলোকো মোহনাশনঃ ॥ ৮৯ ॥
রবো রাবো রবো রাবো বলো বালবলাহকঃ ।
শিবরুদ্রো নলো নীলো লাঙ্গলী লাঙ্গলাশ্রয়ঃ ॥ ৯০ ॥
পারকঃ পারকী সার্বী বটপিপ্পলকাকৃতীঃ । ??
ম্লেচ্ছহা কালহর্তা চ য়শো জ্ঞানং চ এব চ ॥ ৯১ ॥
অচ্যুতঃ কেশবো বিষ্ণুর্হরিঃ সত্যো জনার্দনঃ ।
হংসো নারায়ণো লীলো নীলো ভক্তপরায়ণঃ ॥ ৯২ ॥
মায়াবী বল্লভগুরুর্বিরামো বিষনাশনঃ ।
সহস্রভানুর্মহাভানুর্বীরভানুর্মহোদধিঃ ॥ ৯৩ ॥
সমুদ্রোঽব্ধিরকূপারঃ পারাবারসরিত্পতিঃ ।
গোকুলানন্দকারী চ প্রতিজ্ঞাপ্রতিপালকঃ ॥ ৯৪ ॥
সদারামঃ কৃপারামো মহারামো ধনুর্ধরঃ ।
পর্বতঃ পর্বতাকারো গয়ো গেয়ো দ্বিজপ্রিয়ঃ ॥ ৯৫ ॥
কমলাশ্বতরো রামো, ভব্যো য়জ্ঞপ্রবর্ত্তকঃ ।
দ্যৌর্দিবৌ দিবও দিব্যৌ ভাবী ভাবভয়াপহা ॥ ৯৬ ॥
পার্বতীভাবসহিতো ভর্ত্তা লক্ষ্মীবিলাসবান্ ।
বিলাসী সহসী সর্বো গুর্বী গর্বিতলোচনঃ ॥ ৯৭ ॥
মায়াচারী সুধর্মজ্ঞো জীবনো জীবনান্তকঃ ।
য়মো য়মারির্যমনো য়ামী য়ামবিধায়কঃ ॥ ৯৮ ॥
ললিতা চন্দ্রিকামালী মালী মালাম্বুজাশ্রয়ঃ ।
অম্বুজাক্ষো মহায়ক্ষো দক্ষশ্চিন্তামণিঃ প্রভুঃ ॥ ৯৯ ॥
মেরোশ্চৈব চ কেদারবদর্য্যাশ্রমমাগতঃ ।
বদরীবনসন্তপ্তো ব্যাসঃ সত্যবতী সুতঃ ॥ ১০০ ॥
ভ্রমরারিনিহন্তা চ সুধাসিন্ধুবিধূদয়ঃ ।
চন্দ্রো রবিঃ শিবঃ শূলী চক্রী চৈব গদাধরঃ ॥ ১০১ ॥
সহস্রনাম চ গুরোঃ পঠিতব্যং সমাহিতৈঃ ।
স্মরণাত্পাপরাশীনাং খণ্ডনং মৃত্যুনাশনম্ ॥ ১০২ ॥
গুরুভক্তপ্রিয়করং মহাদারিদ্র্যনাশনম্ ।
ব্রহ্মহত্যা সুরাপানং পরস্ত্রীগমনং তথা ॥ ১০৩ ॥
পরদ্রব্যাপহরণং পরদোষসমন্বিতম্ ।
মানসং বাচিকং কায়ং য়ত্পাপং পাপসম্ভবম্ ॥ ১০৪ ॥
সহস্রনামপঠনাত্সর্বং নশ্যতি তত্ক্ষণাত্ ।
মহাদারিদ্র্যয়ুক্তো য়ো গুরুর্বা গুরুভক্তিমান্ ॥ ১০৫ ॥
কার্তিক্যাং য়ঃ পঠেদ্রাত্রৌ শতমষ্টোত্তরং পঠেত্ ।
সুবর্ণাম্বরধারী চ সুগন্ধপুষ্পচন্দনৈঃ ॥ ১০৬ ॥
পুস্তকং পূজয়িত্বা চ নৈবেদ্যাদিভিরেব চ ।
মহামায়াঙ্কিতো ধীরো পদ্মমালাবিভূষণঃ ॥ ১০৭ ॥
প্রাতরষ্টোত্তরং দেবি পঠন্নাম সহস্রকম্ ।
চৈত্রশুক্লে চ কৃষ্ণে চ কুহুসঙ্ক্রান্তিবাসরে ॥ ১০৮ ॥
পঠিতব্যং প্রয়ত্নেন ত্রৈলোক্যং মোহয়েত্ক্ষণাত্ ।
মুক্তানাম্মালয়া য়ুক্তো গুরুভক্ত্যা সমন্বিতঃ ॥ ১০৯ ॥
রবিবারে চ শুক্রে চ দ্বাদশ্যাং শ্রাদ্ধবাসরে ।
ব্রাহ্মণান্ভোজয়িত্বা চ পূজয়িত্বা বিধানতঃ ॥ ১১০ ॥
পঠন্নামসহস্রং চ ততঃ সিদ্ধিঃ প্রজায়তে ।
মহানিশায়াং সততং গুরৌ বা য়ঃ পঠেত্সদা ॥ ১১১ ॥
দেশান্তরগতা লক্ষ্মীঃ সমায়াতি ন সংশয়ঃ ।
ত্রৈলোক্যে চ মহালক্ষ্মীং সুন্দর্যঃ কামমোহিতাঃ ॥ ১১২ ॥
মুগ্ধাঃ স্বয়ং সমায়ান্তি গৌরবাচ্চ ভজন্তি তাঃ ।
রোগার্ত্তো মুচ্যতে রোগাত্বদ্ধো মুচ্যেত বন্ধনাত্ ॥ ১১৩ ॥
গুর্বিণী বিন্দতে পুত্রং কন্যা বিন্দতি সত্পতিম্ ।
রাজানো বশতাং য়ান্তি কিম্পুনঃ ক্ষুদ্রমানুষাঃ ॥ ১১৪ ॥
সহস্রনামশ্রবণাত্পঠনাত্পূজনাত্প্রিয়ে ।
ধারণাত্সর্বমাপ্নোতি গুরবো নাত্র সংশয়ঃ ॥ ১১৫ ॥
য়ঃ পঠেদ্গুরুভক্তঃ সন্ স য়াতি পরমং পদম্ ।
কৃষ্ণেনোক্তং সমাসাদ্য ময়া প্রোক্তং পুরা শিবম্ ॥ ১১৬ ॥
নারদায় ময়া প্রোক্তং নারদেন প্রকাশিতম্ ।
ময়া ত্বয়ি বরারোহে! প্রোক্তমেতত্সুদুর্লভম্ ॥ ১১৭ ॥
শঠায় পাপিনে চৈব লম্পটায় বিশেষতঃ ।
ন দাতব্যং ন দাতব্যং ন দাতব্যং কদাচন ॥ ১১৮ ॥
দেয়ং দান্তায় শিষ্যায় গুরুভক্তিরতায় চ ।
গোদানং ব্রহ্ময়জ্ঞশ্চ বাজপেয়শতানি চ ॥ ১১৯ ॥
অশ্বমেধসহস্রস্য পঠতশ্চ ফলং লভেত্ ।
মোহনং স্তম্ভনং চৈব মারণোচ্চাটনাদিকম্ ॥ ১২০ ॥
য়দ্যদ্বাঞ্ছতি চিত্তে তু প্রাপ্নোতি গুরুভক্তিতঃ ।
একাদশ্যাং নরঃ স্নাত্বা সুগন্ধদ্রব্যসংয়ুতঃ ॥ ১২১ ॥
আহারং ব্রাহ্মণে দত্ত্বা দক্ষিণাং স্বর্ণভূষণম্ ।
আরম্ভকর্ত্তাসৌ সর্বং সর্বমাপ্নোতি মানবঃ ॥ ১২২ ॥
শতাবর্ত্তং সহস্রঞ্চ য়ঃ পঠেদ্গুরবে জনাঃ ।
গুরুসহস্রনামস্য প্রসাদাত্সর্বমাপ্নুয়াত্ ॥ ১২৩ ॥
য়দ্গেহে পুস্তকং দেবি পূজিতং চৈব তিষ্ঠতি ॥
ন মারী ন চ দুর্ভিক্ষং নোপসর্গং ভয়ং ক্বচিত্ ॥ ১২৪ ॥
সর্পাদিভূতয়ক্ষাদ্যা নশ্যন্তে নাত্র সংশয়ঃ ।
শ্রীগুরুর্বা মহাদেবি! বসেত্তস্য গৃহে তথা ॥ ১২৫ ॥
য়ত্র গেহে সহস্রং চ নাম্নাং তিষ্ঠতি পূজিতম্ ।
শ্রীগুরোঃ কৃপয়া শিষ্যো ব্রহ্মসায়ুজ্যমাপ্নুয়াত্ ॥ ১২৬ ॥
॥ ইতি শ্রীহরিকৃষ্ণবিনির্মিতে বৃহজ্জ্যোতিষার্ণবেঽষ্টমে
ধর্মস্কন্ধে সম্মোহনতন্ত্রোক্তশ্রীগুরুসহস্রনামস্তোত্রম্ ॥
Also Read 1000 Names of Shri Guru:
1000 Names of Sri Guru | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
