Templesinindiainfo

Best Spiritual Website

1000 Names of Sri Krishna | Sahasranama Stotram Lyrics in Bengali

Shri Krishna Sahasranama Stotram Lyrics in Bengali:

॥ শ্রীকৃষ্ণসহস্রনামস্তোত্র ॥

শ্রীমদ্রুক্মিমহীপালবংশরক্ষামণিঃ স্থিরঃ ।
রাজা হরিহরঃ ক্ষোণীং রক্ষত্যম্বুধিমেখলাম্ ।১॥

স রাজা সর্বতন্ত্রজ্ঞঃ সমভ্যর্চ্য বরপ্রদম্ ।
দেবং শ্রিয়ঃ পতিং স্তুত্যা সমস্তৌদ্বেদবেদিতম্ ॥ ২॥

তস্য হৃষ্টাশয়ঃ স্তুত্যা বিষ্ণুর্গোপাংগনাবৃতঃ ।
স পিংছশ্যামলং রূপং পিংছোত্তংসমদর্শয়ত্ ॥ ৩॥

স পুনঃ স্বাত্মবিন্যস্তচিত্তং হরিহরং নৃপম্ ।
অভিষিচ্য কৃপাবর্ষৈরভাষত কৃতাংজলিম্ ॥ ৪॥

শ্রীভগবানুবাচ ।
মামবেহি মহাভাগ কৃষ্ণং কৃত্যবিদাং বর ।
পুরঃস্থিতোঽস্মি ত্বদ্ভক্ত্যা পূর্ণাস্সন্তু মনোরথাঃ ॥ ৫॥

সংরক্ষণায় শিষ্টানাং দুষ্টানাং শিক্ষণায় চ ।
সমৃদ্ধ্যৈ বেদধর্মাণাং মমাংশত্বমিহোদিতঃ ॥ ৬॥

রাজন্নামসহস্রেণ রামো নাম্নাং স্তুতস্ত্বয়া ।
সোঽহং সর্ববিদো তস্মাত্প্রসন্নোঽস্মি বিশেষতঃ ॥ ৭॥

মামপি ত্বং মহাভাগ মদীয়চরিতাত্মনা ।
সম্প্রীণয় সহস্রেণ নাম্নাং সর্বার্থদায়িনাম্ ॥ ৮॥

পরাশরেণ মুনিনা ব্যাসেনাম্নায়র্দশিনা ।
স্বাত্মভাজা শুকেনাপি সূক্তেঽপ্যেতদ্বিভাবিতম্ ॥ ৯॥

তং হি ত্বমনুসন্ধেহি সহস্রশিরসং প্রভুম্ ।
দত্তান্যেষু ময়া ন্যস্তং সহস্রং রক্ষয়িষ্যতি ॥ ১০॥

ইদং বিশ্বহিতার্থায় রসনারংগগোচরম্ ।
প্রকাশয় ত্বং মেদিন্যাং পরমাগমসম্মতম্ ॥ ১১॥

ইদং শঠায় মূর্খায় নাস্তিকায় বিকীর্ণিনে ।
অসূয়িনেঽহিতায়াপি ন প্রকাশ্যং কদাচন ॥ ১২॥

বিবেকিনে বিশুদ্ধায় বেদমার্গানুসারিণে ।
আস্তিকায়াত্মনিষ্ঠায় স্বাত্মন্যনুসৃতোদয়ম্ ॥ ১৩॥

কৃষ্ণনামসহস্রং বৈ কৃতধীরেতদীরয়েত্ ।

বিনিয়োগঃ
ওঁ অস্য শ্রীকৃষ্ণসহস্রনামস্তোত্রমন্ত্রস্য পরাশরঋষিঃ,
অনুষ্টুপ্ ছন্দঃ, শ্রীকৃষ্ণঃ পরমাত্মা দেবতা,
শ্রীকৃষ্ণেতি বীজম্, শ্রীবল্লভেতি শক্তিঃ, শার্ঙ্গীতি কীলকং,
শ্রীকৃষ্ণপ্রীত্যর্থে জপে বিনিয়োগঃ ॥

ন্যাসঃ
পরাশরায় ঋষয়ে নমঃ ইতি শিরসি,
অনুষ্টুপ্ ছন্দসে নমঃ ইতি মুখে,
গোপালকৃষ্ণদেবতায়ৈ নমঃ, ইতি হৃদয়ে,
শ্রীকৃষ্ণায় বীজায় নমঃ ইতি গুহ্যে, শ্রীবল্লভায় শক্ত্যৈ নমঃ ইতি
পাদয়োঃ,
শার্ঙ্গধরায় কীলকায় নমঃ ইতি সর্বাংগে ॥

করন্যাসঃ
শ্রীকৃষ্ণ ইত্যারভ্য শূরবংশৈকধীরিত্যন্তানি অংগুষ্ঠাভ্যাং নমঃ ।
শৌরিরিত্যারভ্য স্বভাসোদ্ভাসিতব্রজ ইত্যন্তানি তর্জনীভ্যাং নমঃ ।
কৃতাত্মবিদ্যাবিন্যাসেত্যারভ্য প্রস্থানশকটারূঢ ইতি মধ্যমাভ্যাং নমঃ,
বৃংদাবনকৃতালয় ইত্যারভ্য মধুরাজনবীক্ষিত ইত্যানামিকাভ্যাং নমঃ,
রজকপ্রতিঘাতক ইত্যারভ্য দ্বারকাপুরকল্পন ইতি কনিষ্ঠিকাভ্যাং নমঃ
দ্বারকানিলয় ইত্যারভ্য পরাশর ইতি করতলকরপৃষ্ঠাভ্যাং নমঃ,
এবং হৃদয়াদিন্যাসঃ ॥

ধ্যানম্ ।
কেষাংচিত্প্রেমপুংসাং বিগলিতমনসাং বাললীলাবিলাসং
কেষাং গোপাললীলাঙ্কিতরসিকতনুর্বেণুবাদ্যেন দেবম্ ।
কেষাং বামাসমাজে জনিতমনসিজো দৈত্যদর্পাপহৈবং
জ্ঞাত্বা ভিন্নাভিলাষং স জয়তি জগতামীশ্বরস্তাদৃশোঽভূত্ ॥ ১॥

ক্ষীরাব্ধৌ কৃতসংস্তবস্সুরগণৈর্ব্রহ্মাদিভিঃ পণ্ডিতৈঃ
প্রোদ্ভূতো বসুদেবসদ্মনি মুদা চিক্রীড য়ো গোকুলে ।
কংসধ্বংসকৃতে জগাম মধুরাং সারামসদ্বারকাং
গোপালোঽখিলগোপিকাজনসখঃ পায়াদপায়াত্ স নঃ ॥ ২॥

ফুল্লেন্দীবরকান্তিমিন্দুবদনং বর্হাবতংসপ্রিয়ং
শ্রীবত্সাঙ্কমুদারকৌস্তুভধরং পীতাম্বরং সুন্দরম্ ।
গোপীনাং নয়নোত্পলার্চিততনুং গোগোপসংঘাবৃতং
গোবিন্দং কলবেণুবাদনরতং দিব্যাংগভূষং ভজে ॥ ৩॥

ওঁ
কৃষ্ণঃ শ্রীবল্লভঃ শার্ঙ্গী বিষ্বক্সেনঃ স্বসিদ্ধিদঃ ।
ক্ষীরোদধামা ব্যূহেশঃ শেষশায়ী জগন্ময়ঃ ॥ ১॥

ভক্তিগম্যঃ ত্রঈমূর্তির্ভারার্তবসুধাস্তুতঃ ।
দেবদেবো দয়াসিন্ধুর্দেবদেবশিখামণিঃ ॥ ২॥

সুখভাবস্সুখাধারো মুকুন্দো মুদিতাশয়ঃ ।
অবিক্রিয়ঃ ক্রিয়ামূর্তিরধ্যাত্মস্বস্বরূপবান্ ॥ ৩॥

শিষ্টাভিলক্ষ্যো ভূতাত্মা ধর্মত্রাণার্থচেষ্টিতঃ ।
অন্তর্যামী কলারূপঃ কালাবয়বসাক্ষিকঃ ॥ ৪॥

বসুধায়াসহরণো নারদপ্রেরণোন্মুখঃ ।
প্রভূষ্ণুর্নারদোদ্গীতো লোকরক্ষাপরায়ণঃ ॥ ৫॥

রৌহিণেয়কৃতানন্দো য়োগজ্ঞাননিয়োজকঃ ।
মহাগুহান্তর্নিক্ষিপ্তঃ পুরাণবপুরাত্মবান্ ॥ ৬॥

শূরবংশৈকধীশ্শৌরিঃ কংসশংকাবিষাদকৃত্ ।
বসুদেবোল্লসচ্ছক্তির্দেবক্যষ্টমগর্ভগঃ ॥ ৭॥

বসুদেবসুতঃ শ্রীমান্দেবকীনন্দনো হরিঃ ।
আশ্চর্যবালঃ শ্রীবত্সলক্ষ্মবক্ষাশ্চতুর্ভুজঃ ॥ ৮॥

স্বভাবোত্কৃষ্টসদ্ভাবঃ কৃষ্ণাষ্টম্যন্তসম্ভবঃ ।
প্রাজাপত্যর্ক্ষসম্ভূতো নিশীথসময়োদিতঃ ॥ ৯॥

শংখচক্রগদাপদ্মপাণিঃ পদ্মনিভেক্ষণঃ ।
কিরীটী কৌস্তুভোরস্কঃ স্ফুরন্মকরকুণ্ডলঃ ॥ ১০॥

পীতবাসা ঘনশ্যামঃ কুংচিতাংচিতকুন্তলঃ ।
সুব্যক্তব্যক্তাভরণঃ সূতিকাগৃহভূষণঃ ॥ ১১॥

কারাগারান্ধকারঘ্নঃ পিতৃপ্রাগ্জন্মসূচকঃ ।
বসুদেবস্তুতঃ স্তোত্রং তাপত্রয়নিবারণঃ ॥ ১২॥

নিরবদ্যঃ ক্রিয়ামূর্তির্ন্যায়বাক্যনিয়োজকঃ ।
অদৃষ্টচেষ্টঃ কূটস্থো ধৃতলৌকিকবিগ্রহঃ ॥ ১৩॥

মহর্ষিমানসোল্লাসো মহীমংগলদায়কঃ ।
সন্তোষিতসুরব্রাতঃ সাধুচিত্তপ্রসাদকঃ ॥ ১৪॥

জনকোপায়নির্দেষ্টা দেবকীনয়নোত্সবঃ ।
পিতৃপাণিপরিষ্কারো মোহিতাগাররক্ষকঃ ॥ ১৫॥

স্বশক্ত্যুদ্ধাটিতাশেষকপাটঃ পিতৃবাহকঃ ।
শেষোরগফণাচ্ছত্রশ্শেষোক্তাখ্যাসহস্রকঃ ॥ ১৬॥

য়মুনাপূরবিধ্বংসী স্বভাসোদ্ভাসিতব্রজঃ ।
কৃতাত্মবিদ্যাবিন্যাসো য়োগমায়াগ্রসম্ভবঃ ॥ ১৭॥

দুর্গানিবেদিতোদ্ভাবো য়শোদাতল্পশায়কঃ ।
নন্দগোপোত্সবস্ফূর্তির্ব্রজানন্দকরোদয়ঃ ॥ ১৮॥

সুজাতজাতকর্ম শ্রীর্গোপীভদ্রোক্তিনির্বৃতঃ ।
অলীকনিদ্রোপগমঃ পূতনাস্তনপীডনঃ ॥ ১৯॥

স্তন্যাত্তপূতনাপ্রাণঃ পূতনাক্রোশকারকঃ ।
বিন্যস্তরক্ষাগোধূলির্যশোদাকরলালিতঃ ॥ ২০॥

নন্দাঘ্রাতশিরোমধ্যঃ পূতনাসুগতিপ্রদঃ ।
বালঃ পর্যংকনিদ্রালুর্মুখার্পিতপদাংগুলিঃ ॥ ২১॥

অংজনস্নিগ্ধনয়নঃ পর্যায়াংকুরিতস্মিতঃ ।
লীলাক্ষস্তরলালোকশ্শকটাসুরভংজনঃ ॥ ২২॥

দ্বিজোদিতস্বস্ত্যয়নো মংত্রপূতজলাপ্লুতঃ ।
য়শোদোত্সংগপর্যংকো য়শোদামুখবীক্ষকঃ ॥ ২৩॥

য়শোদাস্তন্যমুদিতস্তৃণাবর্তাদিদুস্সহঃ ।
তৃণাবর্তাসুরধ্বংসী মাতৃবিস্ময়কারকঃ ॥ ২৪॥

প্রশস্তনামকরণো জানুচংক্রমণোত্সুকঃ ।
ব্যালম্বিচূলিকারত্নো ঘোষগোপপ্রহর্ষণঃ ॥ ২৫॥

স্বমুখপ্রতিবিম্বার্থী গ্রীবাব্যাঘ্রনখোজ্জ্বলঃ ।
পংকানুলেপরুচিরো মাংসলোরূকটীতটঃ ॥ ২৬॥

ঘৃষ্টজানুকরদ্বংদ্বঃ প্রতিবিম্বানুকারকৃত্ ।
অব্যক্তবর্ণবাগ্বৃত্তিঃ স্মিতলক্ষ্যরদোদ্গ্মঃ ॥ ২৭॥

ধাত্রীকরসমালম্বী প্রস্খলচ্চিত্রচংক্রমঃ ।
অনুরূপবয়স্যাঢ্যশ্চারুকৌমারচাপলঃ ॥ ২৮॥

বত্সপুচ্ছসমাকৃষ্টো বত্সপুচ্ছবিকর্ষণঃ ।
বিস্মারিতান্যব্যাপারো গোপগোপীমুদাবহঃ ॥ ২৯॥

অকালবত্সনির্মোক্তা ব্রজব্যাক্রোশসুস্মিতঃ ।
নবনীতমহাচোরো দারকাহারদায়কঃ ॥ ৩০॥

পীঠোলূখলসোপানঃ ক্ষীরভাণ্ডবিভেদনঃ ।
শিক্যভাণ্ডসমাকর্ষী ধ্বান্তাগারপ্রবেশকৃত্ ॥ ৩১॥

ভূষারত্নপ্রকাশাঢ্যো গোপ্যুপালম্ভভর্ত্সিতঃ ।
পরাগধূসরাকারো মৃদ্ভক্ষণকৃতেক্ষণঃ ॥ ৩২॥

বালোক্তমৃত্কথারম্ভো মিত্রান্তর্গূঢবিগ্রহঃ ।
কৃতসন্ত্রাসলোলাক্ষো জননীপ্রত্যয়াবহঃ ॥৩৩।
মাতৃদৃশ্যাত্তবদনো বক্ত্রলক্ষ্যচরাচরঃ ।
য়শোদালালিতস্বাত্মা স্বয়ং স্বাচ্ছন্দ্যমোহনঃ ॥ ৩৪॥

সবিত্রীস্নেহসংশ্লিষ্টঃ সবিত্রীস্তনলোলুপঃ ।
নবনীতার্থনাপ্রহ্বো নবনীতমহাশনঃ ॥ ৩৫॥

মৃষাকোপপ্রকম্পোষ্ঠো গোষ্ঠাংগণবিলোকনঃ ।
দধিমন্থঘটীভেত্তা কিকিংণীক্বণসূচিতঃ ॥ ৩৬॥

হৈয়ংগবীনরসিকো মৃষাশ্রুশ্চৌর্যশংকিতঃ ।
জননীশ্রমবিজ্ঞাতা দামবন্ধনিয়ংত্রিতঃ ॥ ৩৭॥

দামাকল্পশ্চলাপাংগো গাঢোলূখলবন্ধনঃ ।
আকৃষ্টোলূখলোঽনন্তঃ কুবেরসুতশাপবিত্ ॥। ৩৮॥

নারদোক্তিপরামর্শী য়মলার্জুনভংজনঃ ।
ধনদাত্মজসংঘুষ্টো নন্দমোচিতবন্ধনঃ ॥ ৩৯॥

বালকোদ্গীতনিরতো বাহুক্ষেপোদিতপ্রিয়ঃ ।
আত্মজ্ঞো মিত্রবশগো গোপীগীতগুণোদয়ঃ ॥ ৪০॥

প্রস্থানশকটারূঢো বৃন্দাবনকৃতালয়ঃ ।
গোবত্সপালনৈকাগ্রো নানাক্রীডাপরিচ্ছদঃ ॥ ৪১॥

ক্ষেপণীক্ষেপণপ্রীতো বেণুবাদ্যবিশারদঃ ।
বৃষবত্সানুকরণো বৃষধ্বনিবিডম্বনঃ ॥ ৪২॥

নিয়ুদ্ধলীলাসংহৃষ্টঃ কূজানুকৃতকোকিলঃ ।
উপাত্তহংসগমনস্সর্বজন্তুরুতানুকৃত্ ॥ ৪৩॥

ভৃংগানুকারী দধ্যন্নচোরো বত্সপুরস্সরঃ ।
বলী বকাসুরগ্রাহী বকতালুপ্রদাহকঃ ॥ ৪৪॥

ভীতগোপার্ভকাহূতো বকচংচুবিদারণঃ ।
বকাসুরারির্গোপালো বালো বালাদ্ভুতাবহঃ ॥ ৪৫॥

বলভদ্রসমাশ্লিষ্টঃ কৃতক্রীডানিলায়নঃ ।
ক্রীডাসেতুনিধানজ্ঞঃ প্লবংগোত্প্লবনোঽদ্ভুতঃ ॥ ৪৬॥

কন্দুকক্রীডনো লুপ্তনন্দাদিভববেদনঃ ।
সুমনোঽলংকৃতশিরাঃ স্বাদুস্নিগ্ধান্নশিক্যভৃত্ ॥ ৪৭॥

গুংজাপ্রালম্বনচ্ছন্নঃ পিংছৈরলকবেষকৃত্ ।
বন্যাশনপ্রিয়ঃ শৃংগরবাকারিতবত্সকঃ ॥ ৪৮॥

মনোজ্ঞপল্লবোত্তংসপুষ্পস্বেচ্ছাত্তষট্পদঃ ।
মংজুশিংজিতমংজীরচরণঃ করকংকণঃ ॥ ৪৯॥

অন্যোন্যশাসনঃ কীডাপটুঃ পরমকৈতবঃ ।
প্রতিধ্বানপ্রমুদিতঃ শাখাচতুরচংক্রমঃ ॥ ৫০॥

অঘদানবসংহর্তা ব্রজবিঘ্নবিনাশনঃ ।
ব্রজসংজীবনঃ শ্রেয়োনিধির্দানবমুক্তিদঃ ॥ ৫১॥

কালিন্দীপুলিনাসীনস্সহভুক্তব্রজার্ভকঃ ।
কক্ষাজঠরবিন্যস্তবেণুর্বল্লবচেষ্টিতঃ ॥ ৫২॥

ভুজসন্ধ্যন্তরন্যস্তশৃংগবেত্রঃ শুচিস্মিতঃ ।
বামপাণিস্থদধ্যন্নকবলঃ কলভাষণঃ ॥ ৫৩॥

অংগুল্যন্তরবিন্যস্তফলঃ পরমপাবনঃ ।
অদৃশ্যতর্ণকান্বেষী বল্লবার্ভকভীতিহা ॥ ৫৪॥

অদৃষ্টবত্সপব্রাতো ব্রহ্মবিজ্ঞাতবৈভবঃ ।
গোবত্সবত্সপান্বেষী বিরাট্-পুরুষবিগ্রহঃ ॥ ৫৫॥

স্বসংকল্পানুরূপার্থো বত্সবত্সপরূপধৃক্ ।
য়থাবত্সক্রিয়ারূপো য়থাস্থাননিবেশনঃ ॥ ৫৬॥

য়থাব্রজার্ভকাকারো গোগোপীস্তন্যপস্সুখী ।
চিরাদ্বলোহিতো দান্তো ব্রহ্মবিজ্ঞাতবৈভবঃ ॥ ৫৭॥

বিচিত্রশক্তির্ব্যালীনসৃষ্টগোবত্সবত্সপঃ ।
ব্রহ্মত্রপাকরো ধাতৃস্তুতস্সর্বার্থসাধকঃ ॥ ৫৮॥

ব্রহ্ম ব্রহ্মময়োঽব্যক্তস্তেজোরূপস্সুখাত্মকঃ ।
নিরুক্তং ব্যাকৃতির্ব্যক্তো নিরালম্বনভাবনঃ ॥ ৫৯॥

প্রভবিষ্ণুরতন্ত্রীকো দেবপক্ষার্থরূপধৃক্ ।
অকামস্সর্ববেদাদিরণীয়স্থূলরূপবান্ ॥ ৬০॥

ব্যাপী ব্যাপ্যঃ কৃপাকর্তা বিচিত্রাচারসম্মতঃ ।
ছন্দোময়ঃ প্রধানাত্মা মূর্তামূর্তিদ্বয়াকৃতিঃ ॥ ৬১॥

অনেকমূর্তিরক্রোধঃ পরঃ প্রকৃতিরক্রমঃ ।
সকলাবরণোপেতস্সর্বদেবো মহেশ্বরঃ ॥ ৬২॥

মহাপ্রভাবনঃ পূর্ববত্সবত্সপদর্শকঃ ।
কৃষ্ণয়াদবগোপালো গোপালোকনহর্ষিতঃ ॥ ৬৩॥

স্মিতেক্ষাহর্ষিতব্রহ্মা ভক্তবত্সলবাক্প্রিয়ঃ ।
ব্রহ্মানন্দাশ্রুধৌতাংঘ্রির্লীলাবৈচিত্র্যকোবিদঃ ॥ ৬৪॥

বলভদ্রৈকহৃদয়ো নামাকারিতগোকুলঃ ।
গোপালবালকো ভব্যো রজ্জুয়জ্ঞোপবীতবান্ ॥ ৬৫॥

বৃক্ষচ্ছায়াহতাশান্তির্গোপোত্সংগোপবর্হণঃ ।
গোপসংবাহিতপদো গোপব্যজনবীজিতঃ ॥৬৬।
গোপগানসুখোন্নিদ্রঃ শ্রীদামার্জিতসৌহৃদঃ ।
সুনন্দসুহৃদেকাত্মা সুবলপ্রাণরংজনঃ ॥ ৬৭॥

তালীবনকৃতক্রীডো বলপাতিতধেনুকঃ ।
গোপীসৌভাগ্যসম্ভাব্যো গোধূলিচ্ছুরিতালকঃ ॥ ৬৮॥

গোপীবিরহসন্তপ্তো গোপিকাকৃতমজ্জনঃ ।
প্রলম্ববাহুরুত্ফুল্লপুণ্ডরীকাবতংসকঃ ॥ ৬৯॥

বিলাসললিতস্মেরগর্ভলীলাবলোকনঃ ।
স্রগ্ভূষণানুলেপাঢ্যো জনন্যুপহৃতান্নভুক্ ॥ ৭০॥

বরশয়্যাশয়ো রাধাপ্রেমসল্লাপনির্বৃতঃ ।
য়মুনাতটসংচারী বিষার্তব্রজহর্ষদঃ ॥ ৭১॥

কালিয়ক্রোধজনকঃ বৃদ্ধাহিকুলবেষ্টিতঃ ।
কালিয়াহিফণারংগনটঃ কালিয়মর্দনঃ ॥ ৭২॥

নাগপত্নীস্তুতিপ্রীতো নানাবেষসমৃদ্ধিকৃত্ ।
অবিষ্বক্তদৃগাত্মেশঃ খদৃগাত্মস্তুতিপ্রিয়ঃ ॥ ৭৩॥

সর্বেশ্বরস্সর্বগুণঃ প্রসিদ্ধস্সর্বসাত্বতঃ ।
অকুংঠধামা চন্দ্রার্কদৃষ্টিরাকাশনির্মলঃ ॥ ৭৪॥

অনির্দেশ্যগতির্নাগবনিতাপতিভৈক্ষদঃ ।
স্বাংঘ্রিমুদ্রাংকনাগেন্দ্রমূর্ধা কালিয়সংস্তুতঃ ॥ ৭৫॥

অভয়ো বিশ্বতশ্চক্ষুঃ স্তুতোত্তমগুণঃ প্রভুঃ ।
অহমাত্মা মরুত্প্রাণঃ পরমাত্মা দ্যুশীর্ষবান্ ॥ ৭৬॥

নাগোপায়নহৃষ্টাত্মা হ্রদোত্সারিতকালিয়ঃ ।
বলভদ্রসুখালাপো গোপালিংগননির্বৃতঃ ॥ ৭৭॥

দাবাগ্নিভীতগোপালগোপ্তা দাবাগ্নিনাশনঃ ।
নয়নাচ্ছাদনক্রীডালম্পটো নৃপচেষ্টিতঃ ॥ ৭৮॥

কাকপক্ষধরস্সৌম্যো বলবাহককেলিমান্ ।
বলঘাতিতদুর্ধর্ষপ্রলম্বো বলবত্সলঃ ॥ ৭৯॥

মুঞ্জাটব্যগ্নিশমনঃ প্রাবৃট্কালবিনোদবান্ ।
শিলান্যস্তান্নভৃদ্দৈত্যসংহর্তা শাদ্বলাসনঃ ॥ ৮০॥

সদাপ্তগোপিকোদ্গীতঃ কর্ণিকারাবতংসকঃ ।
নটবেষধরঃ পদ্মমালাংকো গোপিকাবৃতঃ ॥ ৮১॥

গোপীমনোহরাপাংগো বেণুবাদনতত্পরঃ ।
বিন্যস্তবদনাম্ভোজশ্চারুশব্দকৃতাননঃ ॥ ৮২॥

বিম্বাধরার্পিতোদারবেণুর্বিশ্ববিমোহনঃ ।
ব্রজসংবর্ণিতশ্রাব্যবেণুনাদঃ শ্রুতিপ্রিয়ঃ ॥ ৮৩॥

গোগোপগোপীজন্মেপ্সুর্ব্রহ্মেন্দ্রাদ্যভিবন্দিতঃ ।
গীতস্নুতিসরিত্পূরো নাদনর্তিতবর্হিণঃ ॥ ৮৪॥

রাগপল্লবিতস্থাণুর্গীতানমিতপাদপঃ ।
বিস্মারিততৃণগ্রাসমৃগো মৃগবিলোভিতঃ ॥ ৮৫॥

ব্যাঘ্রাদিহিংস্রসহজবৈরহর্তা সুগায়নঃ ।
গাঢোদীরিতগোবৃন্দপ্রেমোত্কর্ণিততর্ণকঃ ॥ ৮৬॥

নিষ্পন্দয়ানব্রহ্মাদিবীক্ষিতো বিশ্ববন্দিতঃ ।
শাখোত্কর্ণশকুন্তৌঘশ্ছত্রায়িতবলাহকঃ ॥ ৮৭॥

প্রসন্নঃ পরমানন্দশ্চিত্রায়িতচরাচরঃ ।
গোপিকামদনো গোপীকুচকুংকুমমুদ্রিতঃ ॥ ৮৮॥

গোপিকন্যাজলক্রীডাহৃষ্টো গোপ্যংশুকাপৃহত্ ।
স্কন্ধারোপিতগোপস্রগ্বাসাঃ কুন্দনিভস্মিতঃ ॥ ৮৯॥

গোপীনেত্রোত্পলশশী গোপিকায়াচিতাংশুকঃ ।
গোপীনমস্ক্রিয়াদেষ্টা গোপ্যেককরবন্দিতঃ ॥ ৯০॥

গোপ্যংজলিবিশেষার্থী গোপক্রীডাবিলোভিতঃ ।
শান্তবাসস্ফুরদ্গোপীকৃতাংজলিরঘাপহঃ ॥ ৯১॥

গোপীকেলিবিলাসার্থী গোপীসম্পূর্ণকামদঃ ।
গোপস্ত্রীঈবস্ত্রদো গোপীচিত্তচোরঃ কুতূহলী ॥ ৯২॥

বৃন্দাবনপ্রিয়ো গোপবন্ধুর্যজ্বান্নয়াচিতা ।
য়জ্ঞেশো য়জ্ঞভাবজ্ঞো য়জ্ঞপত্ন্যভিবাঞ্ছিতঃ ॥ ৯৩॥

মুনিপত্নীবিতীর্ণান্নতৃপ্তো মুনিবধূপ্রিয়ঃ ।
দ্বিজপত্ন্যভিভাবজ্ঞো দ্বিজপত্নীবরপ্রদঃ ॥ ৯৪॥

প্রতিরুদ্ধসতীমোক্ষপ্রদো দ্বিজবিমোহিতা ।
মুনিজ্ঞানপ্রদো য়জ্বস্তুতো বাসবয়াগবিত্ ॥ ৯৫॥

পিতৃপ্রোক্তক্রিয়ারূপশক্রয়াগনিবারণঃ ।
শক্রাঽমর্ষকরশ্শক্রবৃষ্টিপ্রশমনোন্মুখঃ ॥ ৯৬॥

গোবর্ধনধরো গোপগোবৃন্দত্রাণতত্পরঃ ।
গোবর্ধনগিরিছত্রচংডদংডভুজার্গলঃ ॥ ৯৭॥

সপ্তাহবিধৃতাদ্রীন্দ্রো মেঘবাহনগর্বহা ।
ভুজাগ্রোপরিবিন্যস্তক্ষ্মাধরক্ষ্মাভৃদচ্যুতঃ ॥ ৯৮॥

স্বস্থানস্থাপিতগিরির্গোপীদধ্যক্ষতার্চিতঃ ।
সুমনস্সুমনোবৃষ্টিহৃষ্টো বাসববন্দিতঃ ॥ ৯৯॥

কামধেনুপয়ঃপূরাভিষিক্তস্সুরভিস্তুতঃ ।
ধরাংঘ্রিরোষধীরোমা ধর্মগোপ্তা মনোময়ঃ ॥ ১০০॥

জ্ঞানয়জ্ঞপ্রিয়শ্শাস্ত্রনেত্রস্সর্বার্থসারথিঃ ।
ঐরাবতকরানীতবিয়দ্গংগাপ্লুতো বিভুঃ ॥ ১০১॥

ব্রহ্মাভিষিক্তো গোগোপ্তা সর্বলোকশুভংকরঃ ।
সর্ববেদময়ো মগ্ননন্দান্বেষিপিতৃপ্রিয়ঃ ॥ ১০২॥

বরুণোদীরিতাত্মেক্ষাকৌতুকো বরুণার্চিতঃ ।
বরুণানীতজনকো গোপজ্ঞাতাত্মবৈভবঃ ॥ ১০৩॥

স্বর্লোকালোকসংহৃষ্টগোপবর্গত্রিবর্গদঃ ।
ব্রহ্মহৃদ্গোপিতো গোপদ্রষ্টা ব্রহ্মপদপ্রদঃ ॥ ১০৪॥

শরচ্চন্দ্রবিহারোত্কঃ শ্রীপতির্বশকো ক্ষমঃ ।
ভয়াপহো ভর্তৃরুদ্ধগোপিকাধ্যানগোচরঃ ॥ ১০৫॥

গোপিকানয়নাস্বাদ্যো গোপীনর্মোক্তিনির্বৃতঃ ।
গোপিকামানহরণো গোপিকাশতয়ূথপঃ ॥ ১০৬॥

বৈজয়ন্তীস্রগাকল্পো গোপিকামানবর্ধনঃ ।
গোপকান্তাসুনির্দেষ্টা কান্তো মন্মথমন্মথঃ ॥ ১০৭॥

স্বাত্মাস্যদত্ততাম্বূলঃ ফলিতোত্কৃষ্টয়ৌবনঃ ।
বল্লবীস্তনসক্তাক্ষো বল্লবীপ্রেমচালিতঃ ॥ ১০৮॥

গোপীচেলাংচলাসীনো গোপীনেত্রাব্জষট্পদঃ ।
রাসক্রীডাসমাসক্তো গোপীমণ্ডলমণ্ডনঃ ॥ ১০৯॥

গোপীহেমমণিশ্রেণিমধ্যেন্দ্রমণিরুজ্জ্বলঃ ।
বিদ্যাধরেন্দুশাপঘ্নশ্শংখচূডশিরোহরঃ ॥ ১১০॥

শংখচূডশিরোরত্নসম্প্রীণিতবলোঽনঘঃ ।
অরিষ্টারিষ্টকৃদ্দুষ্টকেশিদৈত্যনিষূদনঃ ॥ ১১১॥

সরসস্সস্মিতমুখস্সুস্থিরো বিরহাকুলঃ ।
সংকর্ষণার্পিতপ্রীতিরক্রূরধ্যানগোচরঃ ॥ ১১২॥

অক্রূরসংস্তুতো গূঢো গুণবৃত্যুপলক্ষিতঃ ।
প্রমাণগম্যস্তন্মাত্রাঽবয়বী বুদ্ধিতত্পরঃ ॥ ১১৩॥

সর্বপ্রমাণপ্রমধীস্সর্বপ্রত্যয়সাধকঃ ।
পুরুষশ্চ প্রধানাত্মা বিপর্যাসবিলোচনঃ ॥ ১১৪॥

মধুরাজনসংবীক্ষ্যো রজকপ্রতিঘাতকঃ ।
বিচিত্রাম্বরসংবীতো মালাকারবরপ্রদঃ ॥ ১১৫॥

কুব্জাবক্রত্বনির্মোক্তা কুব্জায়ৌবনদায়কঃ ।
কুব্জাংগরাগসুরভিঃ কংসকোদণ্ডখণ্ডনঃ ॥ ১১৬॥

ধীরঃ কুবলয়াপীডমর্দনঃ কংসভীতিকৃত্ ।
দন্তিদন্তায়ুধো রংগত্রাসকো মল্লয়ুদ্ধবিত্ ॥ ১১৭॥

চাণূরহন্তা কংসারির্দেবকীহর্ষদায়কঃ ।
বসুদেবপদানম্রঃ পিতৃবন্ধবিমোচনঃ ॥ ১১৮॥

উর্বীভয়াপহো ভূপ উগ্রসেনাধিপত্যদঃ ।
আজ্ঞাস্থিতশচীনাথস্সুধর্মানয়নক্ষমঃ ॥ ১১৯॥

আদ্যো দ্বিজাতিসত্কর্তা শিষ্টাচারপ্রদর্শকঃ ।
সান্দীপনিকৃতাভ্যস্তবিদ্যাভ্যাসৈকধীস্সুধীঃ ॥ ১২০॥

গুর্বভীষ্টক্রিয়াদক্ষঃ পশ্চিমোদধিপূজিতঃ ।
হতপংচজনপ্রাপ্তপাংচজন্যো য়মার্চিতঃ ॥ ১২১॥

ধর্মরাজজয়ানীতগুরুপুত্র উরুক্রমঃ ।
গুরুপুত্রপ্রদশ্শাস্তা মধুরাজসভাসদঃ ॥ ১২২॥

জামদগ্ন্যসমভ্যর্চ্যো গোমন্তগিরিসংচরঃ ।
গোমন্তদাবশমনো গরুডানীতভূষণঃ ॥ ১২৩॥

চক্রাদ্যায়ুধসংশোভী জরাসন্ধমদাপহঃ ।
সৃগালাবনিপালঘ্নস্সৃগালাত্মজরাজ্যদঃ ॥ ১২৪॥

বিধ্বস্তকালয়বনো মুচুকুন্দবরপ্রদঃ ।
আজ্ঞাপিতমহাম্ভোধির্দ্বারকাপুরকল্পনঃ ॥ ১২৫॥

দ্বারকানিলয়ো রুক্মিমানহন্তা য়দূদ্বহঃ ।
রুচিরো রুক্মিণীজানিঃ প্রদ্যুম্নজনকঃ প্রভুঃ ॥ ১২৬॥

অপাকৃতত্রিলোকার্তিরনিরুদ্ধপিতামহঃ ।
অনিরুদ্ধপদান্বেষী চক্রী গরুডবাহনঃ ॥ ১২৭॥

বাণাসুরপুরীরোদ্ধা রক্ষাজ্বলনয়ন্ত্রজিত্ ।
ধূতপ্রমথসংরম্ভো জিতমাহেশ্বরজ্বরঃ ॥ ১২৮॥

ষট্চক্রশক্তিনির্জেতা ভূতবেতালমোহকৃত্ ।
শম্ভুত্রিশূলজিচ্ছম্ভুজৃম্ভণশ্শংম্ভুসংস্তুতঃ ॥ ১২৯॥

ইন্দ্রিয়াত্মেন্দুহৃদয়স্সর্বয়োগেশ্বরেশ্বরঃ ।
হিরণ্যগর্ভহৃদয়ো মোহাবর্তনিবর্তনঃ ॥ ১৩০॥

আত্মজ্ঞাননিধির্মেধা কোশস্তন্মাত্ররূপবান্ ।
ইন্দ্রোঽগ্নিবদনঃ কালনাভস্সর্বাগমাধ্বগঃ ॥ ১৩১॥

তুরীয়সর্বধীসাক্ষী দ্বন্দ্বারামাত্মদূরগঃ ।
অজ্ঞাতপারো বশ্যশ্রীরব্যাকৃতবিহারবান্ ॥ ১৩২॥

আত্মপ্রদীপো বিজ্ঞানমাত্রাত্মা শ্রীনিকেতনঃ ।
বাণবাহুবনচ্ছেত্তা মহেন্দ্রপ্রীতিবর্ধনঃ ॥ ১৩৩॥

অনিরুদ্ধনিরোধজ্ঞো জলেশাহৃতগোকুলঃ ।
জলেশবিজয়ী বীরস্সত্রাজিদ্রত্নয়াচকঃ ॥ ১৩৪॥

প্রসেনান্বেষণোদ্যুক্তো জাম্ববদ্ধৃতরত্নদঃ ।
জিতর্ক্ষরাজতনয়াহর্তা জাম্ববতীপ্রিয়ঃ ॥ ১৩৫॥

সত্যভামাপ্রিয়ঃ কামশ্শতধন্বশিরোহরঃ ।
কালিন্দীপতিরক্রূরবন্ধুরক্রূররত্নদঃ ॥ ১৩৬॥

কৈকেয়ীরমণো ভদ্রাভর্তা নাগ্নজিতীধবঃ ।
মাদ্রীমনোহরশ্শৈব্যাপ্রাণবন্ধুরুরুক্রমঃ ॥ ১৩৭॥

সুশীলাদয়িতো মিত্রবিন্দানেত্রমহোত্সবঃ ।
লক্ষ্মণাবল্লভো রুদ্ধপ্রাগ্জ্যোতিষমহাপুরঃ ॥ ১৩৮॥

সুরপাশাবৃতিচ্ছেদী মুরারিঃ ক্রূরয়ুদ্ধবিত্।
হয়গ্রীবশিরোহর্তা সর্বাত্মা সর্বদর্শনঃ ॥ ১৩৯॥

নরকাসুরবিচ্ছেত্তা নরকাত্মজরাজ্যদঃ।
পৃথ্বীস্তুতঃ প্রকাশাত্মা হৃদ্যো য়জ্ঞফলপ্রদঃ ॥ ১৪০॥

গুণগ্রাহী গুণদ্রষ্টা গূঢস্বাত্মা বিভূতিমান্ ।
কবির্জগদুপদ্রষ্টা পরমাক্ষরবিগ্রহঃ ॥ ১৪১॥

প্রপন্নপালনো মালী মহদ্ ব্রহ্মবিবর্ধনঃ ।
বাচ্যবাচকশক্ত্যর্থস্সর্বব্যাকৃতসিদ্ধিদঃ ॥ ১৪২॥

স্বয়ংপ্রভুরনির্বেদ্যস্স্বপ্রকাশশ্চিরন্তনঃ ।
নাদাত্মা মন্ত্রকোটীশো নানাবাদনিরোধকঃ ॥ ১৪৩॥

কন্দর্পকোটিলাবণ্যঃ পরার্থৈকপ্রয়োজকঃ ।
অমরীকৃতদেবৌঘঃ কন্যকাবন্ধমোচনঃ ॥ ১৪৪॥

ষোডশস্ত্রীসহস্রেশঃ কান্তঃ কান্তামনোভবঃ ।
ক্রীডারত্নাচলাহর্তা বরুণচ্ছত্রশোভিতঃ ॥ ১৪৫॥

শক্রাভিবন্দিতশ্শক্রজননীকুণ্ডলপ্রদঃ ।
অদিতিপ্রস্তুতস্তোত্রো ব্রাহ্মণোদ্ঘুষ্টচেতনঃ ॥ ১৪৬॥

পুরাণস্সংয়মী জন্মালিপ্তঃ ষড্বিংশকোঽর্থদঃ ।
য়শস্যনীতিরাদ্যন্তরহিতস্সত্কথাপ্রিয়ঃ ॥ ১৪৭॥

ব্রহ্মবোধঃ পরানন্দঃ পারিজাতাপহারকঃ ।
পৌণ্ড্রকপ্রাণহরণঃ কাশিরাজনিষূদনঃ ॥ ১৪৮॥

কৃত্যাগর্বপ্রশমনো বিচক্রবধদীক্ষিতঃ ।
কংসবিধ্বংসনস্সাম্বজনকো ডিংম্ভকার্দনঃ ॥ ১৪৯॥

মুনির্গোপ্তা পিতৃবরপ্রদস্সবনদীক্ষিতঃ ।
রথী সারথ্যনির্দেষ্টা ফাল্গুনঃ ফাল্গুনিপ্রিয়ঃ ॥ ১৫০॥

সপ্তাব্ধিস্তম্ভনোদ্ভাতো হরিস্সপ্তাব্ধিভেদনঃ ।
আত্মপ্রকাশঃ পূর্ণশ্রীরাদিনারায়ণেক্ষিতঃ ॥ ১৫১॥

বিপ্রপুত্রপ্রদশ্চৈব সর্বমাতৃসুতপ্রদঃ ।
পার্থবিস্ময়কৃত্পার্থপ্রণবার্থপ্রবোধনঃ ॥ ১৫২॥

কৈলাসয়াত্রাসুমুখো বদর্যাশ্রমভূষণঃ ।
ঘণ্টাকর্ণক্রিয়ামৌঢ্যাত্তোষিতো ভক্তবত্সলঃ ॥ ১৫৩॥

মুনিবৃন্দাদিভির্ধ্যেয়ো ঘণ্টাকর্ণবরপ্রদঃ ।
তপশ্চর্যাপরশ্চীরবাসাঃ পিংগজটাধরঃ ॥ ১৫৪॥

প্রত্যক্ষীকৃতভূতেশশ্শিবস্তোতা শিবস্তুতঃ ।
কৃষ্ণাস্বয়ংবরালোককৌতুকী সর্বসম্মতঃ ॥ ১৫৫॥

বলসংরম্ভশমনো বলদর্শিতপাণ্ডবঃ ।
য়তিবেষার্জুনাভীষ্টদায়ী সর্বাত্মগোচরঃ ॥ ১৫৬॥

সুভদ্রাফাল্গুনোদ্বাহকর্তা প্রীণিতফাল্গুনঃ ।
খাণ্ডবপ্রীণিতার্চিষ্মান্ময়দানবমোচনঃ ॥ ১৫৭॥

সুলভো রাজসূয়ার্হয়ুধিষ্ঠিরনিয়োজকঃ ।
ভীমার্দিতজরাসন্ধো মাগধাত্মজরাজ্যদঃ ॥ ১৫৮॥

রাজবন্ধননির্মোক্তা রাজসূয়াগ্রপূজনঃ ।
চৈদ্যাদ্যসহনো ভীষ্মস্তুতস্সাত্বতপূর্বজঃ ॥ ১৫৯॥

সর্বাত্মার্থসমাহর্তা মন্দরাচলধারকঃ ।
য়জ্ঞাবতারঃ প্রহ্লাদপ্রতিজ্ঞাপ্রতিপালকঃ ॥ ১৬০॥

বলিয়জ্ঞসভাধ্বংসী দৃপ্তক্ষত্রকুলান্তকঃ ।
দশগ্রীবান্তকো জেতা রেবতীপ্রেমবল্লভঃ ॥ ১৬১॥

সর্বাবতারাধিষ্ঠাতা বেদবাহ্যবিমোহনঃ ।
কলিদোষনিরাকর্তা দশনামা দৃঢব্রতঃ ॥ ১৬২॥

অমেয়াত্মা জগত্স্বামী বাগ্মী চৈদ্যশিরোহরঃ ।
দ্রৌপদীরচিতস্তোত্রঃ কেশবঃ পুরুষোত্তমঃ ॥ ১৬৩॥

নারায়ণো মধুপতির্মাধবো দোষবর্জিতঃ ।
গোবিন্দঃ পুণ্ডরীকাক্ষো বিষ্ণুশ্চ মধুসূদনঃ ॥ ১৬৪॥

ত্রিবিক্রমস্ত্রিলোকেশো বামনঃ শ্রীধরঃ পুমান্ ।
হৃষীকেশো বাসুদেবঃ পদ্মনাভো মহাহ্রদঃ ॥ ১৬৫॥

দামোদরশ্চতুর্ব্যূহঃ পাংচালীমানরক্ষণঃ ।
সাল্বঘ্নস্সমরশ্লাঘী দন্তবক্ত্রনিবর্হণঃ ॥ ১৬৬॥

দামোদরপ্রিয়সখা পৃথুকাস্বাদনপ্রিয়ঃ ॥

ঘৃণী দামোদরঃ শ্রীদো গোপীপুনরবেক্ষকঃ ॥ ১৬৭॥

গোপিকামুক্তিদো য়োগী দুর্বাসস্তৃপ্তিকারকঃ ।
অবিজ্ঞাতব্রজাকীর্ণপাণ্ডবালোকনো জয়ী ॥ ১৬৮॥

পার্থসারথ্যনিরতঃ প্রাজ্ঞঃ পাণ্ডবদূত্যকৃত্ ।
বিদুরাতিথ্যসন্তুষ্টঃ কুন্তীসন্তোষদায়কঃ ॥ ১৬৯॥

সুয়োধনতিরস্কর্তা দুর্যোধনবিকারবিত্ ।
বিদুরাভিষ্ঠুতো নিত্যো বার্ষ্ণেয়ো মংগলাত্মকঃ ॥ ১৭০॥

পংচবিংশতিতত্বেশশ্চতুর্বিংশতিদেহভাক্ ।
সর্বানুগ্রাহকস্সর্বদাশার্হসততার্চিতঃ ॥ ১৭১॥

অচিন্ত্যো মধুরালাপস্সাধুদর্শী দুরাসদঃ ।
মনুষ্যধর্মানুগতঃ কৌরবেন্দ্রক্ষয়েক্ষিতা ॥ ১৭২॥

উপেন্দ্রো দানবারাতিরুরুগীতো মহাদ্যুতিঃ ।
ব্রহ্মণ্যদেবঃ শ্রুতিমান্ গোব্রাহ্মণহিতাশয়ঃ ॥ ১৭৩॥

বরশীলশ্শিবারম্ভস্সুবিজ্ঞানবিমূর্তিমান্ ।
স্বভাবশুদ্ধস্সন্মিত্রস্সুশরণ্যস্সুলক্ষণঃ ॥ ১৭৪॥

ধৃতরাষ্ট্রগতোদৃষ্টিপ্রদঃ কর্ণবিভেদনঃ ।
প্রতোদধৃগ্বিশ্বরূপবিস্মারিতধনংজয়ঃ ॥ ১৭৫॥

সামগানপ্রিয়ো ধর্মধেনুর্বর্ণোত্তমোঽব্যয়ঃ ।
চতুর্যুগক্রিয়াকর্তা বিশ্বরূপপ্রদর্শকঃ ॥ ১৭৬॥

ব্রহ্মবোধপরিত্রাতপার্থো ভীষ্মার্থচক্রভৃত্ ।
অর্জুনায়াসবিধ্বংসী কালদংষ্ট্রাবিভূষণঃ ॥ ১৭৭॥

সুজাতানন্তমহিমা স্বপ্নব্যাপারিতার্জুনঃ ।
অকালসন্ধ্যাঘটনশ্চক্রান্তরিতভাস্করঃ ॥ ১৭৮॥

দুষ্টপ্রমথনঃ পার্থপ্রতিজ্ঞাপরিপালকঃ ।
সিন্ধুরাজশিরঃপাতস্থানবক্তা বিবেকদৃক্ ॥ ১৭৯॥

সুভদ্রাশোকহরণো দ্রোণোত্সেকাদিবিস্মিতঃ ।
পার্থমন্যুনিরাকর্তা পাণ্ডবোত্সবদায়কঃ ॥ ১৮০॥

অংগুষ্ঠাক্রান্তকৌন্তেয়রথশ্শক্তোঽহিশীর্ষজিত্ ।
কালকোপপ্রশমনো ভীমসেনজয়প্রদঃ ॥ ১৮১॥

অশ্বত্থামবধায়াসত্রাতপাণ্ডুসুতঃ কৃতী ।
ইষীকাস্ত্রপ্রশমনো দ্রৌণিরক্ষাবিচারণঃ ।১৮২॥

পার্থাপহারিতদ্রৌণিচূডামণিরভংগুরঃ ।
ধৃতরাষ্ট্রপরামৃষ্টভীমপ্রতিকৃতিস্ময়ঃ ॥ ১৮৩॥

ভীষ্মবুদ্ধিপ্রদশ্শান্তশ্শরচ্চন্দ্রনিভাননঃ ।
গদাগ্রজন্মা পাংচালীপ্রতিজ্ঞাপরিপালকঃ ॥ ১৮৪॥

গান্ধারীকোপদৃগ্গুপ্তধর্মসূনুরনাময়ঃ ।
প্রপন্নার্তিভয়চ্ছেত্তা ভীষ্মশল্যব্যধাবহঃ ॥ ১৮৫॥

শান্তশ্শান্তনবোদীর্ণসর্বধর্মসমাহিতঃ ।
স্মারিতব্রহ্মবিদ্যার্থপ্রীতপার্থো মহাস্ত্রবিত্ ॥ ১৮৬॥

প্রসাদপরমোদারো গাংগেয়সুগতিপ্রদঃ ।
বিপক্ষপক্ষক্ষয়কৃত্পরীক্ষিত্প্রাণরক্ষণঃ ॥ ১৮৭॥

জগদ্গুরুর্ধর্মসূনোর্বাজিমেধপ্রবর্তকঃ ।
বিহিতার্থাপ্তসত্কারো মাসকাত্পরিবর্তদঃ ॥ ১৮৮॥

উত্তংকহর্ষদাত্মীয়দিব্যরূপপ্রদর্শকঃ ।
জনকাবগতস্বোক্তভারতস্সর্বভাবনঃ ॥ ১৮৯॥

অসোঢয়াদবোদ্রেকো বিহিতাপ্তাদিপূজনঃ ॥

সমুদ্রস্থাপিতাশ্চর্যমুসলো বৃষ্ণিবাহকঃ ॥ ১৯০॥

মুনিশাপায়ুধঃ পদ্মাসনাদিত্রিদশার্থিতঃ ।
বৃষ্টিপ্রত্যবহারোত্কস্স্বধামগমনোত্সুকঃ ॥ ১৯১॥

প্রভাসালোকনোদ্যুক্তো নানাবিধনিমিত্তকৃত্ ।
সর্বয়াদবসংসেব্যস্সর্বোত্কৃষ্টপরিচ্ছদঃ ॥ ১৯২॥

বেলাকাননসংচারী বেলানিলহৃতশ্রমঃ ।
কালাত্মা য়াদবোঽনন্তস্স্তুতিসন্তুষ্টমানসঃ ॥ ১৯৩॥

দ্বিজালোকনসন্তুষ্টঃ পুণ্যতীর্থমহোত্সবঃ ।
সত্কারাহ্লাদিতাশেষভূসুরস্সুরবল্লভঃ ॥ ১৯৪॥

পুণ্যতীর্থাপ্লুতঃ পুণ্যঃ পুণ্যদস্তীর্থপাবনঃ ।
বিপ্রসাত্কৃতগোকোটিশ্শতকোটিসুবর্ণদঃ ॥ ১৯৫॥

স্বমায়ামোহিতাঽশেষবৃষ্ণিবীরো বিশেষবিত্ ।
জলজায়ুধনির্দেষ্টা স্বাত্মাবেশিতয়াদবঃ ॥ ১৯৬॥

দেবতাভীষ্টবরদঃ কৃতকৃত্যঃ প্রসন্নধীঃ ।
স্থিরশেষায়ুতবলস্সহস্রফণিবীক্ষণঃ ॥ ১৯৭॥

ব্রহ্মবৃক্ষবরচ্ছায়াসীনঃ পদ্মাসনস্থিতঃ ।
প্রত্যগাত্মা স্বভাবার্থঃ প্রণিধানপরায়ণঃ ॥ ১৯৮॥

ব্যাধেষুবিদ্ধপূজ্যাংঘ্রির্নিষাদভয়মোচনঃ ।
পুলিন্দস্তুতিসন্তুষ্টঃ পুলিন্দসুগতিপ্রদঃ ॥ ১৯৯॥

দারুকার্পিতপার্থাদিকরণীয়োক্তিরীশিতা ।
দিব্যদুন্দুভিসংয়ুক্তঃ পুষ্পবৃষ্টিপ্রপূজিতঃ ॥ ২০০॥

পুরাণঃ পরমেশানঃ পূর্ণভূমা পরিষ্টুতঃ ।
পতিরাদ্যঃ পরং ব্রহ্ম পরমাত্মা পরাত্পরঃ ॥ ২০১॥

শ্রীপরমাত্মা পরাত্পরঃ ওং নমঃ ইতি-

ফলশ্রুতিঃ
ইদং সহস্রং কৃষ্ণস্য নাম্নাং সর্বার্থদায়কম্ ।
অনন্তরূপী ভগবান্ ব্যাখ্যাতাদৌ স্বয়ম্ভুবে ॥ ২০২॥

তেন প্রোক্তং বসিষ্ঠায় ততো লব্ধ্বা পরাশরঃ ।
ব্যাসায় তেন সম্প্রোক্তং শুকো ব্যাসাদবাপ্তবান্ ॥ ২০৩॥

তচ্ছিষ্যৈর্বহুভির্ভূমৌ খ্যাপিতং দ্বাপরে য়ুগে ।
কৃষ্ণাজ্ঞয়া হরিহরঃ কলৌ প্রখ্যাপয়দ্বিভুঃ ॥ ২০৪॥

ইদং পঠতি ভক্ত্যা য়ঃ শৃণোতি চ সমাহিতঃ ।
স্বসিদ্ধ্যৈ প্রার্থয়ন্ত্যেনং তীর্থক্ষেত্রাদিদেবতাঃ ॥ ২০৫॥

প্রায়শ্চিত্তান্যশেষাণি নালং য়ানি ব্যপোহিতুম্ ।
তানি পাপানি নশ্যন্তি সকৃদস্য প্রশংসনাত্ ॥ ২০৬॥

ঋণত্রয়বিমুক্তস্য শ্রৌতস্মার্তানুবর্তিনঃ ।
ঋষেস্ত্রিমূর্তিরূপস্য ফলং বিন্দেদিদং পঠন্ ॥ ২০৭॥

ইদং নামসহস্রং য়ঃ পঠত্যেতচ্ছৃণোতি চ ।
শিবলিংগসহস্রস্য স প্রতিষ্ঠাফলং লভেত্ ॥ ২০৮॥

ইদং কিরীটী সংজপ্য জয়ী পাশুপতাস্ত্রভাক্ ।
কৃষ্ণস্য প্রাণভূতস্সন্ কৃষ্ণং সারথিমাপ্তবান্ ॥ ২০৯॥

দ্রৌপদ্যা দময়ন্ত্যা চ সাবিত্র্যা চ সুশীলয়া ।
দুরিতানি জিতান্যেতজ্জপাদাপ্তং চ বাঞ্ছিতম্ ॥ ২১০॥

কিমিদং বহুনা শংসন্মানবো মোদনির্ভরঃ ।
ব্রহ্মানন্দমবাপ্যান্তে কৃষ্ণসায়ূজ্যমাপ্নুয়াত্ ॥ ২১১॥

॥ ইতি কৃষ্ণসহস্রনামস্তোত্রং সম্পূর্ণম্ ॥

শ্রীবিষ্ণুধর্মোত্তরতঃ

Also Read 1000 Names of Shrikrishna:

1000 Names of Sri Krishna | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

1000 Names of Sri Krishna | Sahasranama Stotram Lyrics in Bengali

Leave a Reply

Your email address will not be published. Required fields are marked *

Scroll to top