Shri Krishna Sahasranama Stotram Lyrics in Oriya:
॥ ଶ୍ରୀକୃଷ୍ଣସହସ୍ରନାମସ୍ତୋତ୍ର ॥
ଶ୍ରୀମଦ୍ରୁକ୍ମିମହୀପାଲଵଂଶରକ୍ଷାମଣିଃ ସ୍ଥିରଃ ।
ରାଜା ହରିହରଃ କ୍ଷୋଣୀଂ ରକ୍ଷତ୍ୟମ୍ବୁଧିମେଖଲାମ୍ ।୧ ॥
ସ ରାଜା ସର୍ଵତନ୍ତ୍ରଜ୍ଞଃ ସମଭ୍ୟର୍ଚ୍ୟ ଵରପ୍ରଦମ୍ ।
ଦେଵଂ ଶ୍ରିୟଃ ପତିଂ ସ୍ତୁତ୍ୟା ସମସ୍ତୌଦ୍ଵେଦଵେଦିତମ୍ ॥ ୨ ॥
ତସ୍ୟ ହୃଷ୍ଟାଶୟଃ ସ୍ତୁତ୍ୟା ଵିଷ୍ଣୁର୍ଗୋପାଂଗନାଵୃତଃ ।
ସ ପିଂଛଶ୍ୟାମଲଂ ରୂପଂ ପିଂଛୋତ୍ତଂସମଦର୍ଶୟତ୍ ॥ ୩ ॥
ସ ପୁନଃ ସ୍ଵାତ୍ମଵିନ୍ୟସ୍ତଚିତ୍ତଂ ହରିହରଂ ନୃପମ୍ ।
ଅଭିଷିଚ୍ୟ କୃପାଵର୍ଷୈରଭାଷତ କୃତାଂଜଲିମ୍ ॥ ୪ ॥
ଶ୍ରୀଭଗଵାନୁଵାଚ ।
ମାମଵେହି ମହାଭାଗ କୃଷ୍ଣଂ କୃତ୍ୟଵିଦାଂ ଵର ।
ପୁରଃସ୍ଥିତୋଽସ୍ମି ତ୍ଵଦ୍ଭକ୍ତ୍ୟା ପୂର୍ଣାସ୍ସନ୍ତୁ ମନୋରଥାଃ ॥ ୫ ॥
ସଂରକ୍ଷଣାୟ ଶିଷ୍ଟାନାଂ ଦୁଷ୍ଟାନାଂ ଶିକ୍ଷଣାୟ ଚ ।
ସମୃଦ୍ଧ୍ୟୈ ଵେଦଧର୍ମାଣାଂ ମମାଂଶତ୍ଵମିହୋଦିତଃ ॥ ୬ ॥
ରାଜନ୍ନାମସହସ୍ରେଣ ରାମୋ ନାମ୍ନାଂ ସ୍ତୁତସ୍ତ୍ଵୟା ।
ସୋଽହଂ ସର୍ଵଵିଦୋ ତସ୍ମାତ୍ପ୍ରସନ୍ନୋଽସ୍ମି ଵିଶେଷତଃ ॥ ୭ ॥
ମାମପି ତ୍ଵଂ ମହାଭାଗ ମଦୀୟଚରିତାତ୍ମନା ।
ସମ୍ପ୍ରୀଣୟ ସହସ୍ରେଣ ନାମ୍ନାଂ ସର୍ଵାର୍ଥଦାୟିନାମ୍ ॥ ୮ ॥
ପରାଶରେଣ ମୁନିନା ଵ୍ୟାସେନାମ୍ନାୟର୍ଦଶିନା ।
ସ୍ଵାତ୍ମଭାଜା ଶୁକେନାପି ସୂକ୍ତେଽପ୍ୟେତଦ୍ଵିଭାଵିତମ୍ ॥ ୯ ॥
ତଂ ହି ତ୍ଵମନୁସନ୍ଧେହି ସହସ୍ରଶିରସଂ ପ୍ରଭୁମ୍ ।
ଦତ୍ତାନ୍ୟେଷୁ ମୟା ନ୍ୟସ୍ତଂ ସହସ୍ରଂ ରକ୍ଷୟିଷ୍ୟତି ॥ ୧୦ ॥
ଇଦଂ ଵିଶ୍ଵହିତାର୍ଥାୟ ରସନାରଂଗଗୋଚରମ୍ ।
ପ୍ରକାଶୟ ତ୍ଵଂ ମେଦିନ୍ୟାଂ ପରମାଗମସମ୍ମତମ୍ ॥ ୧୧ ॥
ଇଦଂ ଶଠାୟ ମୂର୍ଖାୟ ନାସ୍ତିକାୟ ଵିକୀର୍ଣିନେ ।
ଅସୂୟିନେଽହିତାୟାପି ନ ପ୍ରକାଶ୍ୟଂ କଦାଚନ ॥ ୧୨ ॥
ଵିଵେକିନେ ଵିଶୁଦ୍ଧାୟ ଵେଦମାର୍ଗାନୁସାରିଣେ ।
ଆସ୍ତିକାୟାତ୍ମନିଷ୍ଠାୟ ସ୍ଵାତ୍ମନ୍ୟନୁସୃତୋଦୟମ୍ ॥ ୧୩ ॥
କୃଷ୍ଣନାମସହସ୍ରଂ ଵୈ କୃତଧୀରେତଦୀରୟେତ୍ ।
ଵିନିୟୋଗଃ
ଓଂ ଅସ୍ୟ ଶ୍ରୀକୃଷ୍ଣସହସ୍ରନାମସ୍ତୋତ୍ରମନ୍ତ୍ରସ୍ୟ ପରାଶରଋଷିଃ,
ଅନୁଷ୍ଟୁପ୍ ଛନ୍ଦଃ, ଶ୍ରୀକୃଷ୍ଣଃ ପରମାତ୍ମା ଦେଵତା,
ଶ୍ରୀକୃଷ୍ଣେତି ବୀଜମ୍, ଶ୍ରୀଵଲ୍ଲଭେତି ଶକ୍ତିଃ, ଶାର୍ଙ୍ଗୀତି କୀଲକଂ,
ଶ୍ରୀକୃଷ୍ଣପ୍ରୀତ୍ୟର୍ଥେ ଜପେ ଵିନିୟୋଗଃ ॥
ନ୍ୟାସଃ
ପରାଶରାୟ ଋଷୟେ ନମଃ ଇତି ଶିରସି,
ଅନୁଷ୍ଟୁପ୍ ଛନ୍ଦସେ ନମଃ ଇତି ମୁଖେ,
ଗୋପାଲକୃଷ୍ଣଦେଵତାୟୈ ନମଃ, ଇତି ହୃଦୟେ,
ଶ୍ରୀକୃଷ୍ଣାୟ ବୀଜାୟ ନମଃ ଇତି ଗୁହ୍ୟେ, ଶ୍ରୀଵଲ୍ଲଭାୟ ଶକ୍ତ୍ୟୈ ନମଃ ଇତି
ପାଦୟୋଃ,
ଶାର୍ଙ୍ଗଧରାୟ କୀଲକାୟ ନମଃ ଇତି ସର୍ଵାଂଗେ ॥
କରନ୍ୟାସଃ
ଶ୍ରୀକୃଷ୍ଣ ଇତ୍ୟାରଭ୍ୟ ଶୂରଵଂଶୈକଧୀରିତ୍ୟନ୍ତାନି ଅଂଗୁଷ୍ଠାଭ୍ୟାଂ ନମଃ ।
ଶୌରିରିତ୍ୟାରଭ୍ୟ ସ୍ଵଭାସୋଦ୍ଭାସିତଵ୍ରଜ ଇତ୍ୟନ୍ତାନି ତର୍ଜନୀଭ୍ୟାଂ ନମଃ ।
କୃତାତ୍ମଵିଦ୍ୟାଵିନ୍ୟାସେତ୍ୟାରଭ୍ୟ ପ୍ରସ୍ଥାନଶକଟାରୂଢ ଇତି ମଧ୍ୟମାଭ୍ୟାଂ ନମଃ,
ଵୃଂଦାଵନକୃତାଲୟ ଇତ୍ୟାରଭ୍ୟ ମଧୁରାଜନଵୀକ୍ଷିତ ଇତ୍ୟାନାମିକାଭ୍ୟାଂ ନମଃ,
ରଜକପ୍ରତିଘାତକ ଇତ୍ୟାରଭ୍ୟ ଦ୍ଵାରକାପୁରକଲ୍ପନ ଇତି କନିଷ୍ଠିକାଭ୍ୟାଂ ନମଃ
ଦ୍ଵାରକାନିଲୟ ଇତ୍ୟାରଭ୍ୟ ପରାଶର ଇତି କରତଲକରପୃଷ୍ଠାଭ୍ୟାଂ ନମଃ,
ଏଵଂ ହୃଦୟାଦିନ୍ୟାସଃ ॥
ଧ୍ୟାନମ୍ ।
କେଷାଂଚିତ୍ପ୍ରେମପୁଂସାଂ ଵିଗଲିତମନସାଂ ବାଲଲୀଲାଵିଲାସଂ
କେଷାଂ ଗୋପାଲଲୀଲାଙ୍କିତରସିକତନୁର୍ଵେଣୁଵାଦ୍ୟେନ ଦେଵମ୍ ।
କେଷାଂ ଵାମାସମାଜେ ଜନିତମନସିଜୋ ଦୈତ୍ୟଦର୍ପାପହୈଵଂ
ଜ୍ଞାତ୍ଵା ଭିନ୍ନାଭିଲାଷଂ ସ ଜୟତି ଜଗତାମୀଶ୍ଵରସ୍ତାଦୃଶୋଽଭୂତ୍ ॥ ୧ ॥
କ୍ଷୀରାବ୍ଧୌ କୃତସଂସ୍ତଵସ୍ସୁରଗଣୈର୍ବ୍ରହ୍ମାଦିଭିଃ ପଣ୍ଡିତୈଃ
ପ୍ରୋଦ୍ଭୂତୋ ଵସୁଦେଵସଦ୍ମନି ମୁଦା ଚିକ୍ରୀଡ ୟୋ ଗୋକୁଲେ ।
କଂସଧ୍ଵଂସକୃତେ ଜଗାମ ମଧୁରାଂ ସାରାମସଦ୍ଵାରକାଂ
ଗୋପାଲୋଽଖିଲଗୋପିକାଜନସଖଃ ପାୟାଦପାୟାତ୍ ସ ନଃ ॥ ୨ ॥
ଫୁଲ୍ଲେନ୍ଦୀଵରକାନ୍ତିମିନ୍ଦୁଵଦନଂ ବର୍ହାଵତଂସପ୍ରିୟଂ
ଶ୍ରୀଵତ୍ସାଙ୍କମୁଦାରକୌସ୍ତୁଭଧରଂ ପୀତାମ୍ବରଂ ସୁନ୍ଦରମ୍ ।
ଗୋପୀନାଂ ନୟନୋତ୍ପଲାର୍ଚିତତନୁଂ ଗୋଗୋପସଂଘାଵୃତଂ
ଗୋଵିନ୍ଦଂ କଲଵେଣୁଵାଦନରତଂ ଦିଵ୍ୟାଂଗଭୂଷଂ ଭଜେ ॥ ୩ ॥
ଓଂ
କୃଷ୍ଣଃ ଶ୍ରୀଵଲ୍ଲଭଃ ଶାର୍ଙ୍ଗୀ ଵିଷ୍ଵକ୍ସେନଃ ସ୍ଵସିଦ୍ଧିଦଃ ।
କ୍ଷୀରୋଦଧାମା ଵ୍ୟୂହେଶଃ ଶେଷଶାୟୀ ଜଗନ୍ମୟଃ ॥ ୧ ॥
ଭକ୍ତିଗମ୍ୟଃ ତ୍ରଈମୂର୍ତିର୍ଭାରାର୍ତଵସୁଧାସ୍ତୁତଃ ।
ଦେଵଦେଵୋ ଦୟାସିନ୍ଧୁର୍ଦେଵଦେଵଶିଖାମଣିଃ ॥ ୨ ॥
ସୁଖଭାଵସ୍ସୁଖାଧାରୋ ମୁକୁନ୍ଦୋ ମୁଦିତାଶୟଃ ।
ଅଵିକ୍ରିୟଃ କ୍ରିୟାମୂର୍ତିରଧ୍ୟାତ୍ମସ୍ଵସ୍ଵରୂପଵାନ୍ ॥ ୩ ॥
ଶିଷ୍ଟାଭିଲକ୍ଷ୍ୟୋ ଭୂତାତ୍ମା ଧର୍ମତ୍ରାଣାର୍ଥଚେଷ୍ଟିତଃ ।
ଅନ୍ତର୍ୟାମୀ କଲାରୂପଃ କାଲାଵୟଵସାକ୍ଷିକଃ ॥ ୪ ॥
ଵସୁଧାୟାସହରଣୋ ନାରଦପ୍ରେରଣୋନ୍ମୁଖଃ ।
ପ୍ରଭୂଷ୍ଣୁର୍ନାରଦୋଦ୍ଗୀତୋ ଲୋକରକ୍ଷାପରାୟଣଃ ॥ ୫ ॥
ରୌହିଣେୟକୃତାନନ୍ଦୋ ୟୋଗଜ୍ଞାନନିୟୋଜକଃ ।
ମହାଗୁହାନ୍ତର୍ନିକ୍ଷିପ୍ତଃ ପୁରାଣଵପୁରାତ୍ମଵାନ୍ ॥ ୬ ॥
ଶୂରଵଂଶୈକଧୀଶ୍ଶୌରିଃ କଂସଶଂକାଵିଷାଦକୃତ୍ ।
ଵସୁଦେଵୋଲ୍ଲସଚ୍ଛକ୍ତିର୍ଦେଵକ୍ୟଷ୍ଟମଗର୍ଭଗଃ ॥ ୭ ॥
ଵସୁଦେଵସୁତଃ ଶ୍ରୀମାନ୍ଦେଵକୀନନ୍ଦନୋ ହରିଃ ।
ଆଶ୍ଚର୍ୟବାଲଃ ଶ୍ରୀଵତ୍ସଲକ୍ଷ୍ମଵକ୍ଷାଶ୍ଚତୁର୍ଭୁଜଃ ॥ ୮ ॥
ସ୍ଵଭାଵୋତ୍କୃଷ୍ଟସଦ୍ଭାଵଃ କୃଷ୍ଣାଷ୍ଟମ୍ୟନ୍ତସମ୍ଭଵଃ ।
ପ୍ରାଜାପତ୍ୟର୍କ୍ଷସମ୍ଭୂତୋ ନିଶୀଥସମୟୋଦିତଃ ॥ ୯ ॥
ଶଂଖଚକ୍ରଗଦାପଦ୍ମପାଣିଃ ପଦ୍ମନିଭେକ୍ଷଣଃ ।
କିରୀଟୀ କୌସ୍ତୁଭୋରସ୍କଃ ସ୍ଫୁରନ୍ମକରକୁଣ୍ଡଲଃ ॥ ୧୦ ॥
ପୀତଵାସା ଘନଶ୍ୟାମଃ କୁଂଚିତାଂଚିତକୁନ୍ତଲଃ ।
ସୁଵ୍ୟକ୍ତଵ୍ୟକ୍ତାଭରଣଃ ସୂତିକାଗୃହଭୂଷଣଃ ॥ ୧୧ ॥
କାରାଗାରାନ୍ଧକାରଘ୍ନଃ ପିତୃପ୍ରାଗ୍ଜନ୍ମସୂଚକଃ ।
ଵସୁଦେଵସ୍ତୁତଃ ସ୍ତୋତ୍ରଂ ତାପତ୍ରୟନିଵାରଣଃ ॥ ୧୨ ॥
ନିରଵଦ୍ୟଃ କ୍ରିୟାମୂର୍ତିର୍ନ୍ୟାୟଵାକ୍ୟନିୟୋଜକଃ ।
ଅଦୃଷ୍ଟଚେଷ୍ଟଃ କୂଟସ୍ଥୋ ଧୃତଲୌକିକଵିଗ୍ରହଃ ॥ ୧୩ ॥
ମହର୍ଷିମାନସୋଲ୍ଲାସୋ ମହୀମଂଗଲଦାୟକଃ ।
ସନ୍ତୋଷିତସୁରଵ୍ରାତଃ ସାଧୁଚିତ୍ତପ୍ରସାଦକଃ ॥ ୧୪ ॥
ଜନକୋପାୟନିର୍ଦେଷ୍ଟା ଦେଵକୀନୟନୋତ୍ସଵଃ ।
ପିତୃପାଣିପରିଷ୍କାରୋ ମୋହିତାଗାରରକ୍ଷକଃ ॥ ୧୫ ॥
ସ୍ଵଶକ୍ତ୍ୟୁଦ୍ଧାଟିତାଶେଷକପାଟଃ ପିତୃଵାହକଃ ।
ଶେଷୋରଗଫଣାଚ୍ଛତ୍ରଶ୍ଶେଷୋକ୍ତାଖ୍ୟାସହସ୍ରକଃ ॥ ୧୬ ॥
ୟମୁନାପୂରଵିଧ୍ଵଂସୀ ସ୍ଵଭାସୋଦ୍ଭାସିତଵ୍ରଜଃ ।
କୃତାତ୍ମଵିଦ୍ୟାଵିନ୍ୟାସୋ ୟୋଗମାୟାଗ୍ରସମ୍ଭଵଃ ॥ ୧୭ ॥
ଦୁର୍ଗାନିଵେଦିତୋଦ୍ଭାଵୋ ୟଶୋଦାତଲ୍ପଶାୟକଃ ।
ନନ୍ଦଗୋପୋତ୍ସଵସ୍ଫୂର୍ତିର୍ଵ୍ରଜାନନ୍ଦକରୋଦୟଃ ॥ ୧୮ ॥
ସୁଜାତଜାତକର୍ମ ଶ୍ରୀର୍ଗୋପୀଭଦ୍ରୋକ୍ତିନିର୍ଵୃତଃ ।
ଅଲୀକନିଦ୍ରୋପଗମଃ ପୂତନାସ୍ତନପୀଡନଃ ॥ ୧୯ ॥
ସ୍ତନ୍ୟାତ୍ତପୂତନାପ୍ରାଣଃ ପୂତନାକ୍ରୋଶକାରକଃ ।
ଵିନ୍ୟସ୍ତରକ୍ଷାଗୋଧୂଲିର୍ୟଶୋଦାକରଲାଲିତଃ ॥ ୨୦ ॥
ନନ୍ଦାଘ୍ରାତଶିରୋମଧ୍ୟଃ ପୂତନାସୁଗତିପ୍ରଦଃ ।
ବାଲଃ ପର୍ୟଂକନିଦ୍ରାଲୁର୍ମୁଖାର୍ପିତପଦାଂଗୁଲିଃ ॥ ୨୧ ॥
ଅଂଜନସ୍ନିଗ୍ଧନୟନଃ ପର୍ୟାୟାଂକୁରିତସ୍ମିତଃ ।
ଲୀଲାକ୍ଷସ୍ତରଲାଲୋକଶ୍ଶକଟାସୁରଭଂଜନଃ ॥ ୨୨ ॥
ଦ୍ଵିଜୋଦିତସ୍ଵସ୍ତ୍ୟୟନୋ ମଂତ୍ରପୂତଜଲାପ୍ଲୁତଃ ।
ୟଶୋଦୋତ୍ସଂଗପର୍ୟଂକୋ ୟଶୋଦାମୁଖଵୀକ୍ଷକଃ ॥ ୨୩ ॥
ୟଶୋଦାସ୍ତନ୍ୟମୁଦିତସ୍ତୃଣାଵର୍ତାଦିଦୁସ୍ସହଃ ।
ତୃଣାଵର୍ତାସୁରଧ୍ଵଂସୀ ମାତୃଵିସ୍ମୟକାରକଃ ॥ ୨୪ ॥
ପ୍ରଶସ୍ତନାମକରଣୋ ଜାନୁଚଂକ୍ରମଣୋତ୍ସୁକଃ ।
ଵ୍ୟାଲମ୍ବିଚୂଲିକାରତ୍ନୋ ଘୋଷଗୋପପ୍ରହର୍ଷଣଃ ॥ ୨୫ ॥
ସ୍ଵମୁଖପ୍ରତିବିମ୍ବାର୍ଥୀ ଗ୍ରୀଵାଵ୍ୟାଘ୍ରନଖୋଜ୍ଜ୍ଵଲଃ ।
ପଂକାନୁଲେପରୁଚିରୋ ମାଂସଲୋରୂକଟୀତଟଃ ॥ ୨୬ ॥
ଘୃଷ୍ଟଜାନୁକରଦ୍ଵଂଦ୍ଵଃ ପ୍ରତିବିମ୍ବାନୁକାରକୃତ୍ ।
ଅଵ୍ୟକ୍ତଵର୍ଣଵାଗ୍ଵୃତ୍ତିଃ ସ୍ମିତଲକ୍ଷ୍ୟରଦୋଦ୍ଗ୍ମଃ ॥ ୨୭ ॥
ଧାତ୍ରୀକରସମାଲମ୍ବୀ ପ୍ରସ୍ଖଲଚ୍ଚିତ୍ରଚଂକ୍ରମଃ ।
ଅନୁରୂପଵୟସ୍ୟାଢ୍ୟଶ୍ଚାରୁକୌମାରଚାପଲଃ ॥ ୨୮ ॥
ଵତ୍ସପୁଚ୍ଛସମାକୃଷ୍ଟୋ ଵତ୍ସପୁଚ୍ଛଵିକର୍ଷଣଃ ।
ଵିସ୍ମାରିତାନ୍ୟଵ୍ୟାପାରୋ ଗୋପଗୋପୀମୁଦାଵହଃ ॥ ୨୯ ॥
ଅକାଲଵତ୍ସନିର୍ମୋକ୍ତା ଵ୍ରଜଵ୍ୟାକ୍ରୋଶସୁସ୍ମିତଃ ।
ନଵନୀତମହାଚୋରୋ ଦାରକାହାରଦାୟକଃ ॥ ୩୦ ॥
ପୀଠୋଲୂଖଲସୋପାନଃ କ୍ଷୀରଭାଣ୍ଡଵିଭେଦନଃ ।
ଶିକ୍ୟଭାଣ୍ଡସମାକର୍ଷୀ ଧ୍ଵାନ୍ତାଗାରପ୍ରଵେଶକୃତ୍ ॥ ୩୧ ॥
ଭୂଷାରତ୍ନପ୍ରକାଶାଢ୍ୟୋ ଗୋପ୍ୟୁପାଲମ୍ଭଭର୍ତ୍ସିତଃ ।
ପରାଗଧୂସରାକାରୋ ମୃଦ୍ଭକ୍ଷଣକୃତେକ୍ଷଣଃ ॥ ୩୨ ॥
ବାଲୋକ୍ତମୃତ୍କଥାରମ୍ଭୋ ମିତ୍ରାନ୍ତର୍ଗୂଢଵିଗ୍ରହଃ ।
କୃତସନ୍ତ୍ରାସଲୋଲାକ୍ଷୋ ଜନନୀପ୍ରତ୍ୟୟାଵହଃ ॥୩୩।
ମାତୃଦୃଶ୍ୟାତ୍ତଵଦନୋ ଵକ୍ତ୍ରଲକ୍ଷ୍ୟଚରାଚରଃ ।
ୟଶୋଦାଲାଲିତସ୍ଵାତ୍ମା ସ୍ଵୟଂ ସ୍ଵାଚ୍ଛନ୍ଦ୍ୟମୋହନଃ ॥ ୩୪ ॥
ସଵିତ୍ରୀସ୍ନେହସଂଶ୍ଲିଷ୍ଟଃ ସଵିତ୍ରୀସ୍ତନଲୋଲୁପଃ ।
ନଵନୀତାର୍ଥନାପ୍ରହ୍ଵୋ ନଵନୀତମହାଶନଃ ॥ ୩୫ ॥
ମୃଷାକୋପପ୍ରକମ୍ପୋଷ୍ଠୋ ଗୋଷ୍ଠାଂଗଣଵିଲୋକନଃ ।
ଦଧିମନ୍ଥଘଟୀଭେତ୍ତା କିକିଂଣୀକ୍ଵଣସୂଚିତଃ ॥ ୩୬ ॥
ହୈୟଂଗଵୀନରସିକୋ ମୃଷାଶ୍ରୁଶ୍ଚୌର୍ୟଶଂକିତଃ ।
ଜନନୀଶ୍ରମଵିଜ୍ଞାତା ଦାମବନ୍ଧନିୟଂତ୍ରିତଃ ॥ ୩୭ ॥
ଦାମାକଲ୍ପଶ୍ଚଲାପାଂଗୋ ଗାଢୋଲୂଖଲବନ୍ଧନଃ ।
ଆକୃଷ୍ଟୋଲୂଖଲୋଽନନ୍ତଃ କୁବେରସୁତଶାପଵିତ୍ ॥। ୩୮ ॥
ନାରଦୋକ୍ତିପରାମର୍ଶୀ ୟମଲାର୍ଜୁନଭଂଜନଃ ।
ଧନଦାତ୍ମଜସଂଘୁଷ୍ଟୋ ନନ୍ଦମୋଚିତବନ୍ଧନଃ ॥ ୩୯ ॥
ବାଲକୋଦ୍ଗୀତନିରତୋ ବାହୁକ୍ଷେପୋଦିତପ୍ରିୟଃ ।
ଆତ୍ମଜ୍ଞୋ ମିତ୍ରଵଶଗୋ ଗୋପୀଗୀତଗୁଣୋଦୟଃ ॥ ୪୦ ॥
ପ୍ରସ୍ଥାନଶକଟାରୂଢୋ ଵୃନ୍ଦାଵନକୃତାଲୟଃ ।
ଗୋଵତ୍ସପାଲନୈକାଗ୍ରୋ ନାନାକ୍ରୀଡାପରିଚ୍ଛଦଃ ॥ ୪୧ ॥
କ୍ଷେପଣୀକ୍ଷେପଣପ୍ରୀତୋ ଵେଣୁଵାଦ୍ୟଵିଶାରଦଃ ।
ଵୃଷଵତ୍ସାନୁକରଣୋ ଵୃଷଧ୍ଵନିଵିଡମ୍ବନଃ ॥ ୪୨ ॥
ନିୟୁଦ୍ଧଲୀଲାସଂହୃଷ୍ଟଃ କୂଜାନୁକୃତକୋକିଲଃ ।
ଉପାତ୍ତହଂସଗମନସ୍ସର୍ଵଜନ୍ତୁରୁତାନୁକୃତ୍ ॥ ୪୩ ॥
ଭୃଂଗାନୁକାରୀ ଦଧ୍ୟନ୍ନଚୋରୋ ଵତ୍ସପୁରସ୍ସରଃ ।
ବଲୀ ବକାସୁରଗ୍ରାହୀ ବକତାଲୁପ୍ରଦାହକଃ ॥ ୪୪ ॥
ଭୀତଗୋପାର୍ଭକାହୂତୋ ବକଚଂଚୁଵିଦାରଣଃ ।
ବକାସୁରାରିର୍ଗୋପାଲୋ ବାଲୋ ବାଲାଦ୍ଭୁତାଵହଃ ॥ ୪୫ ॥
ବଲଭଦ୍ରସମାଶ୍ଲିଷ୍ଟଃ କୃତକ୍ରୀଡାନିଲାୟନଃ ।
କ୍ରୀଡାସେତୁନିଧାନଜ୍ଞଃ ପ୍ଲଵଂଗୋତ୍ପ୍ଲଵନୋଽଦ୍ଭୁତଃ ॥ ୪୬ ॥
କନ୍ଦୁକକ୍ରୀଡନୋ ଲୁପ୍ତନନ୍ଦାଦିଭଵଵେଦନଃ ।
ସୁମନୋଽଲଂକୃତଶିରାଃ ସ୍ଵାଦୁସ୍ନିଗ୍ଧାନ୍ନଶିକ୍ୟଭୃତ୍ ॥ ୪୭ ॥
ଗୁଂଜାପ୍ରାଲମ୍ବନଚ୍ଛନ୍ନଃ ପିଂଛୈରଲକଵେଷକୃତ୍ ।
ଵନ୍ୟାଶନପ୍ରିୟଃ ଶୃଂଗରଵାକାରିତଵତ୍ସକଃ ॥ ୪୮ ॥
ମନୋଜ୍ଞପଲ୍ଲଵୋତ୍ତଂସପୁଷ୍ପସ୍ଵେଚ୍ଛାତ୍ତଷଟ୍ପଦଃ ।
ମଂଜୁଶିଂଜିତମଂଜୀରଚରଣଃ କରକଂକଣଃ ॥ ୪୯ ॥
ଅନ୍ୟୋନ୍ୟଶାସନଃ କୀଡାପଟୁଃ ପରମକୈତଵଃ ।
ପ୍ରତିଧ୍ଵାନପ୍ରମୁଦିତଃ ଶାଖାଚତୁରଚଂକ୍ରମଃ ॥ ୫୦ ॥
ଅଘଦାନଵସଂହର୍ତା ଵ୍ରଜଵିଘ୍ନଵିନାଶନଃ ।
ଵ୍ରଜସଂଜୀଵନଃ ଶ୍ରେୟୋନିଧିର୍ଦାନଵମୁକ୍ତିଦଃ ॥ ୫୧ ॥
କାଲିନ୍ଦୀପୁଲିନାସୀନସ୍ସହଭୁକ୍ତଵ୍ରଜାର୍ଭକଃ ।
କକ୍ଷାଜଠରଵିନ୍ୟସ୍ତଵେଣୁର୍ଵଲ୍ଲଵଚେଷ୍ଟିତଃ ॥ ୫୨ ॥
ଭୁଜସନ୍ଧ୍ୟନ୍ତରନ୍ୟସ୍ତଶୃଂଗଵେତ୍ରଃ ଶୁଚିସ୍ମିତଃ ।
ଵାମପାଣିସ୍ଥଦଧ୍ୟନ୍ନକବଲଃ କଲଭାଷଣଃ ॥ ୫୩ ॥
ଅଂଗୁଲ୍ୟନ୍ତରଵିନ୍ୟସ୍ତଫଲଃ ପରମପାଵନଃ ।
ଅଦୃଶ୍ୟତର୍ଣକାନ୍ଵେଷୀ ଵଲ୍ଲଵାର୍ଭକଭୀତିହା ॥ ୫୪ ॥
ଅଦୃଷ୍ଟଵତ୍ସପଵ୍ରାତୋ ବ୍ରହ୍ମଵିଜ୍ଞାତଵୈଭଵଃ ।
ଗୋଵତ୍ସଵତ୍ସପାନ୍ଵେଷୀ ଵିରାଟ୍-ପୁରୁଷଵିଗ୍ରହଃ ॥ ୫୫ ॥
ସ୍ଵସଂକଲ୍ପାନୁରୂପାର୍ଥୋ ଵତ୍ସଵତ୍ସପରୂପଧୃକ୍ ।
ୟଥାଵତ୍ସକ୍ରିୟାରୂପୋ ୟଥାସ୍ଥାନନିଵେଶନଃ ॥ ୫୬ ॥
ୟଥାଵ୍ରଜାର୍ଭକାକାରୋ ଗୋଗୋପୀସ୍ତନ୍ୟପସ୍ସୁଖୀ ।
ଚିରାଦ୍ଵଲୋହିତୋ ଦାନ୍ତୋ ବ୍ରହ୍ମଵିଜ୍ଞାତଵୈଭଵଃ ॥ ୫୭ ॥
ଵିଚିତ୍ରଶକ୍ତିର୍ଵ୍ୟାଲୀନସୃଷ୍ଟଗୋଵତ୍ସଵତ୍ସପଃ ।
ବ୍ରହ୍ମତ୍ରପାକରୋ ଧାତୃସ୍ତୁତସ୍ସର୍ଵାର୍ଥସାଧକଃ ॥ ୫୮ ॥
ବ୍ରହ୍ମ ବ୍ରହ୍ମମୟୋଽଵ୍ୟକ୍ତସ୍ତେଜୋରୂପସ୍ସୁଖାତ୍ମକଃ ।
ନିରୁକ୍ତଂ ଵ୍ୟାକୃତିର୍ଵ୍ୟକ୍ତୋ ନିରାଲମ୍ବନଭାଵନଃ ॥ ୫୯ ॥
ପ୍ରଭଵିଷ୍ଣୁରତନ୍ତ୍ରୀକୋ ଦେଵପକ୍ଷାର୍ଥରୂପଧୃକ୍ ।
ଅକାମସ୍ସର୍ଵଵେଦାଦିରଣୀୟସ୍ଥୂଲରୂପଵାନ୍ ॥ ୬୦ ॥
ଵ୍ୟାପୀ ଵ୍ୟାପ୍ୟଃ କୃପାକର୍ତା ଵିଚିତ୍ରାଚାରସମ୍ମତଃ ।
ଛନ୍ଦୋମୟଃ ପ୍ରଧାନାତ୍ମା ମୂର୍ତାମୂର୍ତିଦ୍ଵୟାକୃତିଃ ॥ ୬୧ ॥
ଅନେକମୂର୍ତିରକ୍ରୋଧଃ ପରଃ ପ୍ରକୃତିରକ୍ରମଃ ।
ସକଲାଵରଣୋପେତସ୍ସର୍ଵଦେଵୋ ମହେଶ୍ଵରଃ ॥ ୬୨ ॥
ମହାପ୍ରଭାଵନଃ ପୂର୍ଵଵତ୍ସଵତ୍ସପଦର୍ଶକଃ ।
କୃଷ୍ଣୟାଦଵଗୋପାଲୋ ଗୋପାଲୋକନହର୍ଷିତଃ ॥ ୬୩ ॥
ସ୍ମିତେକ୍ଷାହର୍ଷିତବ୍ରହ୍ମା ଭକ୍ତଵତ୍ସଲଵାକ୍ପ୍ରିୟଃ ।
ବ୍ରହ୍ମାନନ୍ଦାଶ୍ରୁଧୌତାଂଘ୍ରିର୍ଲୀଲାଵୈଚିତ୍ର୍ୟକୋଵିଦଃ ॥ ୬୪ ॥
ବଲଭଦ୍ରୈକହୃଦୟୋ ନାମାକାରିତଗୋକୁଲଃ ।
ଗୋପାଲବାଲକୋ ଭଵ୍ୟୋ ରଜ୍ଜୁୟଜ୍ଞୋପଵୀତଵାନ୍ ॥ ୬୫ ॥
ଵୃକ୍ଷଚ୍ଛାୟାହତାଶାନ୍ତିର୍ଗୋପୋତ୍ସଂଗୋପବର୍ହଣଃ ।
ଗୋପସଂଵାହିତପଦୋ ଗୋପଵ୍ୟଜନଵୀଜିତଃ ॥୬୬।
ଗୋପଗାନସୁଖୋନ୍ନିଦ୍ରଃ ଶ୍ରୀଦାମାର୍ଜିତସୌହୃଦଃ ।
ସୁନନ୍ଦସୁହୃଦେକାତ୍ମା ସୁବଲପ୍ରାଣରଂଜନଃ ॥ ୬୭ ॥
ତାଲୀଵନକୃତକ୍ରୀଡୋ ବଲପାତିତଧେନୁକଃ ।
ଗୋପୀସୌଭାଗ୍ୟସମ୍ଭାଵ୍ୟୋ ଗୋଧୂଲିଚ୍ଛୁରିତାଲକଃ ॥ ୬୮ ॥
ଗୋପୀଵିରହସନ୍ତପ୍ତୋ ଗୋପିକାକୃତମଜ୍ଜନଃ ।
ପ୍ରଲମ୍ବବାହୁରୁତ୍ଫୁଲ୍ଲପୁଣ୍ଡରୀକାଵତଂସକଃ ॥ ୬୯ ॥
ଵିଲାସଲଲିତସ୍ମେରଗର୍ଭଲୀଲାଵଲୋକନଃ ।
ସ୍ରଗ୍ଭୂଷଣାନୁଲେପାଢ୍ୟୋ ଜନନ୍ୟୁପହୃତାନ୍ନଭୁକ୍ ॥ ୭୦ ॥
ଵରଶୟ୍ୟାଶୟୋ ରାଧାପ୍ରେମସଲ୍ଲାପନିର୍ଵୃତଃ ।
ୟମୁନାତଟସଂଚାରୀ ଵିଷାର୍ତଵ୍ରଜହର୍ଷଦଃ ॥ ୭୧ ॥
କାଲିୟକ୍ରୋଧଜନକଃ ଵୃଦ୍ଧାହିକୁଲଵେଷ୍ଟିତଃ ।
କାଲିୟାହିଫଣାରଂଗନଟଃ କାଲିୟମର୍ଦନଃ ॥ ୭୨ ॥
ନାଗପତ୍ନୀସ୍ତୁତିପ୍ରୀତୋ ନାନାଵେଷସମୃଦ୍ଧିକୃତ୍ ।
ଅଵିଷ୍ଵକ୍ତଦୃଗାତ୍ମେଶଃ ଖଦୃଗାତ୍ମସ୍ତୁତିପ୍ରିୟଃ ॥ ୭୩ ॥
ସର୍ଵେଶ୍ଵରସ୍ସର୍ଵଗୁଣଃ ପ୍ରସିଦ୍ଧସ୍ସର୍ଵସାତ୍ଵତଃ ।
ଅକୁଂଠଧାମା ଚନ୍ଦ୍ରାର୍କଦୃଷ୍ଟିରାକାଶନିର୍ମଲଃ ॥ ୭୪ ॥
ଅନିର୍ଦେଶ୍ୟଗତିର୍ନାଗଵନିତାପତିଭୈକ୍ଷଦଃ ।
ସ୍ଵାଂଘ୍ରିମୁଦ୍ରାଂକନାଗେନ୍ଦ୍ରମୂର୍ଧା କାଲିୟସଂସ୍ତୁତଃ ॥ ୭୫ ॥
ଅଭୟୋ ଵିଶ୍ଵତଶ୍ଚକ୍ଷୁଃ ସ୍ତୁତୋତ୍ତମଗୁଣଃ ପ୍ରଭୁଃ ।
ଅହମାତ୍ମା ମରୁତ୍ପ୍ରାଣଃ ପରମାତ୍ମା ଦ୍ୟୁଶୀର୍ଷଵାନ୍ ॥ ୭୬ ॥
ନାଗୋପାୟନହୃଷ୍ଟାତ୍ମା ହ୍ରଦୋତ୍ସାରିତକାଲିୟଃ ।
ବଲଭଦ୍ରସୁଖାଲାପୋ ଗୋପାଲିଂଗନନିର୍ଵୃତଃ ॥ ୭୭ ॥
ଦାଵାଗ୍ନିଭୀତଗୋପାଲଗୋପ୍ତା ଦାଵାଗ୍ନିନାଶନଃ ।
ନୟନାଚ୍ଛାଦନକ୍ରୀଡାଲମ୍ପଟୋ ନୃପଚେଷ୍ଟିତଃ ॥ ୭୮ ॥
କାକପକ୍ଷଧରସ୍ସୌମ୍ୟୋ ବଲଵାହକକେଲିମାନ୍ ।
ବଲଘାତିତଦୁର୍ଧର୍ଷପ୍ରଲମ୍ବୋ ବଲଵତ୍ସଲଃ ॥ ୭୯ ॥
ମୁଞ୍ଜାଟଵ୍ୟଗ୍ନିଶମନଃ ପ୍ରାଵୃଟ୍କାଲଵିନୋଦଵାନ୍ ।
ଶିଲାନ୍ୟସ୍ତାନ୍ନଭୃଦ୍ଦୈତ୍ୟସଂହର୍ତା ଶାଦ୍ଵଲାସନଃ ॥ ୮୦ ॥
ସଦାପ୍ତଗୋପିକୋଦ୍ଗୀତଃ କର୍ଣିକାରାଵତଂସକଃ ।
ନଟଵେଷଧରଃ ପଦ୍ମମାଲାଂକୋ ଗୋପିକାଵୃତଃ ॥ ୮୧ ॥
ଗୋପୀମନୋହରାପାଂଗୋ ଵେଣୁଵାଦନତତ୍ପରଃ ।
ଵିନ୍ୟସ୍ତଵଦନାମ୍ଭୋଜଶ୍ଚାରୁଶବ୍ଦକୃତାନନଃ ॥ ୮୨ ॥
ବିମ୍ବାଧରାର୍ପିତୋଦାରଵେଣୁର୍ଵିଶ୍ଵଵିମୋହନଃ ।
ଵ୍ରଜସଂଵର୍ଣିତଶ୍ରାଵ୍ୟଵେଣୁନାଦଃ ଶ୍ରୁତିପ୍ରିୟଃ ॥ ୮୩ ॥
ଗୋଗୋପଗୋପୀଜନ୍ମେପ୍ସୁର୍ବ୍ରହ୍ମେନ୍ଦ୍ରାଦ୍ୟଭିଵନ୍ଦିତଃ ।
ଗୀତସ୍ନୁତିସରିତ୍ପୂରୋ ନାଦନର୍ତିତବର୍ହିଣଃ ॥ ୮୪ ॥
ରାଗପଲ୍ଲଵିତସ୍ଥାଣୁର୍ଗୀତାନମିତପାଦପଃ ।
ଵିସ୍ମାରିତତୃଣଗ୍ରାସମୃଗୋ ମୃଗଵିଲୋଭିତଃ ॥ ୮୫ ॥
ଵ୍ୟାଘ୍ରାଦିହିଂସ୍ରସହଜଵୈରହର୍ତା ସୁଗାୟନଃ ।
ଗାଢୋଦୀରିତଗୋଵୃନ୍ଦପ୍ରେମୋତ୍କର୍ଣିତତର୍ଣକଃ ॥ ୮୬ ॥
ନିଷ୍ପନ୍ଦୟାନବ୍ରହ୍ମାଦିଵୀକ୍ଷିତୋ ଵିଶ୍ଵଵନ୍ଦିତଃ ।
ଶାଖୋତ୍କର୍ଣଶକୁନ୍ତୌଘଶ୍ଛତ୍ରାୟିତବଲାହକଃ ॥ ୮୭ ॥
ପ୍ରସନ୍ନଃ ପରମାନନ୍ଦଶ୍ଚିତ୍ରାୟିତଚରାଚରଃ ।
ଗୋପିକାମଦନୋ ଗୋପୀକୁଚକୁଂକୁମମୁଦ୍ରିତଃ ॥ ୮୮ ॥
ଗୋପିକନ୍ୟାଜଲକ୍ରୀଡାହୃଷ୍ଟୋ ଗୋପ୍ୟଂଶୁକାପୃହତ୍ ।
ସ୍କନ୍ଧାରୋପିତଗୋପସ୍ରଗ୍ଵାସାଃ କୁନ୍ଦନିଭସ୍ମିତଃ ॥ ୮୯ ॥
ଗୋପୀନେତ୍ରୋତ୍ପଲଶଶୀ ଗୋପିକାୟାଚିତାଂଶୁକଃ ।
ଗୋପୀନମସ୍କ୍ରିୟାଦେଷ୍ଟା ଗୋପ୍ୟେକକରଵନ୍ଦିତଃ ॥ ୯୦ ॥
ଗୋପ୍ୟଂଜଲିଵିଶେଷାର୍ଥୀ ଗୋପକ୍ରୀଡାଵିଲୋଭିତଃ ।
ଶାନ୍ତଵାସସ୍ଫୁରଦ୍ଗୋପୀକୃତାଂଜଲିରଘାପହଃ ॥ ୯୧ ॥
ଗୋପୀକେଲିଵିଲାସାର୍ଥୀ ଗୋପୀସମ୍ପୂର୍ଣକାମଦଃ ।
ଗୋପସ୍ତ୍ରୀଈଵସ୍ତ୍ରଦୋ ଗୋପୀଚିତ୍ତଚୋରଃ କୁତୂହଲୀ ॥ ୯୨ ॥
ଵୃନ୍ଦାଵନପ୍ରିୟୋ ଗୋପବନ୍ଧୁର୍ୟଜ୍ଵାନ୍ନୟାଚିତା ।
ୟଜ୍ଞେଶୋ ୟଜ୍ଞଭାଵଜ୍ଞୋ ୟଜ୍ଞପତ୍ନ୍ୟଭିଵାଞ୍ଛିତଃ ॥ ୯୩ ॥
ମୁନିପତ୍ନୀଵିତୀର୍ଣାନ୍ନତୃପ୍ତୋ ମୁନିଵଧୂପ୍ରିୟଃ ।
ଦ୍ଵିଜପତ୍ନ୍ୟଭିଭାଵଜ୍ଞୋ ଦ୍ଵିଜପତ୍ନୀଵରପ୍ରଦଃ ॥ ୯୪ ॥
ପ୍ରତିରୁଦ୍ଧସତୀମୋକ୍ଷପ୍ରଦୋ ଦ୍ଵିଜଵିମୋହିତା ।
ମୁନିଜ୍ଞାନପ୍ରଦୋ ୟଜ୍ଵସ୍ତୁତୋ ଵାସଵୟାଗଵିତ୍ ॥ ୯୫ ॥
ପିତୃପ୍ରୋକ୍ତକ୍ରିୟାରୂପଶକ୍ରୟାଗନିଵାରଣଃ ।
ଶକ୍ରାଽମର୍ଷକରଶ୍ଶକ୍ରଵୃଷ୍ଟିପ୍ରଶମନୋନ୍ମୁଖଃ ॥ ୯୬ ॥
ଗୋଵର୍ଧନଧରୋ ଗୋପଗୋଵୃନ୍ଦତ୍ରାଣତତ୍ପରଃ ।
ଗୋଵର୍ଧନଗିରିଛତ୍ରଚଂଡଦଂଡଭୁଜାର୍ଗଲଃ ॥ ୯୭ ॥
ସପ୍ତାହଵିଧୃତାଦ୍ରୀନ୍ଦ୍ରୋ ମେଘଵାହନଗର୍ଵହା ।
ଭୁଜାଗ୍ରୋପରିଵିନ୍ୟସ୍ତକ୍ଷ୍ମାଧରକ୍ଷ୍ମାଭୃଦଚ୍ୟୁତଃ ॥ ୯୮ ॥
ସ୍ଵସ୍ଥାନସ୍ଥାପିତଗିରିର୍ଗୋପୀଦଧ୍ୟକ୍ଷତାର୍ଚିତଃ ।
ସୁମନସ୍ସୁମନୋଵୃଷ୍ଟିହୃଷ୍ଟୋ ଵାସଵଵନ୍ଦିତଃ ॥ ୯୯ ॥
କାମଧେନୁପୟଃପୂରାଭିଷିକ୍ତସ୍ସୁରଭିସ୍ତୁତଃ ।
ଧରାଂଘ୍ରିରୋଷଧୀରୋମା ଧର୍ମଗୋପ୍ତା ମନୋମୟଃ ॥ ୧୦୦ ॥
ଜ୍ଞାନୟଜ୍ଞପ୍ରିୟଶ୍ଶାସ୍ତ୍ରନେତ୍ରସ୍ସର୍ଵାର୍ଥସାରଥିଃ ।
ଐରାଵତକରାନୀତଵିୟଦ୍ଗଂଗାପ୍ଲୁତୋ ଵିଭୁଃ ॥ ୧୦୧ ॥
ବ୍ରହ୍ମାଭିଷିକ୍ତୋ ଗୋଗୋପ୍ତା ସର୍ଵଲୋକଶୁଭଂକରଃ ।
ସର୍ଵଵେଦମୟୋ ମଗ୍ନନନ୍ଦାନ୍ଵେଷିପିତୃପ୍ରିୟଃ ॥ ୧୦୨ ॥
ଵରୁଣୋଦୀରିତାତ୍ମେକ୍ଷାକୌତୁକୋ ଵରୁଣାର୍ଚିତଃ ।
ଵରୁଣାନୀତଜନକୋ ଗୋପଜ୍ଞାତାତ୍ମଵୈଭଵଃ ॥ ୧୦୩ ॥
ସ୍ଵର୍ଲୋକାଲୋକସଂହୃଷ୍ଟଗୋପଵର୍ଗତ୍ରିଵର୍ଗଦଃ ।
ବ୍ରହ୍ମହୃଦ୍ଗୋପିତୋ ଗୋପଦ୍ରଷ୍ଟା ବ୍ରହ୍ମପଦପ୍ରଦଃ ॥ ୧୦୪ ॥
ଶରଚ୍ଚନ୍ଦ୍ରଵିହାରୋତ୍କଃ ଶ୍ରୀପତିର୍ଵଶକୋ କ୍ଷମଃ ।
ଭୟାପହୋ ଭର୍ତୃରୁଦ୍ଧଗୋପିକାଧ୍ୟାନଗୋଚରଃ ॥ ୧୦୫ ॥
ଗୋପିକାନୟନାସ୍ଵାଦ୍ୟୋ ଗୋପୀନର୍ମୋକ୍ତିନିର୍ଵୃତଃ ।
ଗୋପିକାମାନହରଣୋ ଗୋପିକାଶତୟୂଥପଃ ॥ ୧୦୬ ॥
ଵୈଜୟନ୍ତୀସ୍ରଗାକଲ୍ପୋ ଗୋପିକାମାନଵର୍ଧନଃ ।
ଗୋପକାନ୍ତାସୁନିର୍ଦେଷ୍ଟା କାନ୍ତୋ ମନ୍ମଥମନ୍ମଥଃ ॥ ୧୦୭ ॥
ସ୍ଵାତ୍ମାସ୍ୟଦତ୍ତତାମ୍ବୂଲଃ ଫଲିତୋତ୍କୃଷ୍ଟୟୌଵନଃ ।
ଵଲ୍ଲଵୀସ୍ତନସକ୍ତାକ୍ଷୋ ଵଲ୍ଲଵୀପ୍ରେମଚାଲିତଃ ॥ ୧୦୮ ॥
ଗୋପୀଚେଲାଂଚଲାସୀନୋ ଗୋପୀନେତ୍ରାବ୍ଜଷଟ୍ପଦଃ ।
ରାସକ୍ରୀଡାସମାସକ୍ତୋ ଗୋପୀମଣ୍ଡଲମଣ୍ଡନଃ ॥ ୧୦୯ ॥
ଗୋପୀହେମମଣିଶ୍ରେଣିମଧ୍ୟେନ୍ଦ୍ରମଣିରୁଜ୍ଜ୍ଵଲଃ ।
ଵିଦ୍ୟାଧରେନ୍ଦୁଶାପଘ୍ନଶ୍ଶଂଖଚୂଡଶିରୋହରଃ ॥ ୧୧୦ ॥
ଶଂଖଚୂଡଶିରୋରତ୍ନସମ୍ପ୍ରୀଣିତବଲୋଽନଘଃ ।
ଅରିଷ୍ଟାରିଷ୍ଟକୃଦ୍ଦୁଷ୍ଟକେଶିଦୈତ୍ୟନିଷୂଦନଃ ॥ ୧୧୧ ॥
ସରସସ୍ସସ୍ମିତମୁଖସ୍ସୁସ୍ଥିରୋ ଵିରହାକୁଲଃ ।
ସଂକର୍ଷଣାର୍ପିତପ୍ରୀତିରକ୍ରୂରଧ୍ୟାନଗୋଚରଃ ॥ ୧୧୨ ॥
ଅକ୍ରୂରସଂସ୍ତୁତୋ ଗୂଢୋ ଗୁଣଵୃତ୍ୟୁପଲକ୍ଷିତଃ ।
ପ୍ରମାଣଗମ୍ୟସ୍ତନ୍ମାତ୍ରାଽଵୟଵୀ ବୁଦ୍ଧିତତ୍ପରଃ ॥ ୧୧୩ ॥
ସର୍ଵପ୍ରମାଣପ୍ରମଧୀସ୍ସର୍ଵପ୍ରତ୍ୟୟସାଧକଃ ।
ପୁରୁଷଶ୍ଚ ପ୍ରଧାନାତ୍ମା ଵିପର୍ୟାସଵିଲୋଚନଃ ॥ ୧୧୪ ॥
ମଧୁରାଜନସଂଵୀକ୍ଷ୍ୟୋ ରଜକପ୍ରତିଘାତକଃ ।
ଵିଚିତ୍ରାମ୍ବରସଂଵୀତୋ ମାଲାକାରଵରପ୍ରଦଃ ॥ ୧୧୫ ॥
କୁବ୍ଜାଵକ୍ରତ୍ଵନିର୍ମୋକ୍ତା କୁବ୍ଜାୟୌଵନଦାୟକଃ ।
କୁବ୍ଜାଂଗରାଗସୁରଭିଃ କଂସକୋଦଣ୍ଡଖଣ୍ଡନଃ ॥ ୧୧୬ ॥
ଧୀରଃ କୁଵଲୟାପୀଡମର୍ଦନଃ କଂସଭୀତିକୃତ୍ ।
ଦନ୍ତିଦନ୍ତାୟୁଧୋ ରଂଗତ୍ରାସକୋ ମଲ୍ଲୟୁଦ୍ଧଵିତ୍ ॥ ୧୧୭ ॥
ଚାଣୂରହନ୍ତା କଂସାରିର୍ଦେଵକୀହର୍ଷଦାୟକଃ ।
ଵସୁଦେଵପଦାନମ୍ରଃ ପିତୃବନ୍ଧଵିମୋଚନଃ ॥ ୧୧୮ ॥
ଉର୍ଵୀଭୟାପହୋ ଭୂପ ଉଗ୍ରସେନାଧିପତ୍ୟଦଃ ।
ଆଜ୍ଞାସ୍ଥିତଶଚୀନାଥସ୍ସୁଧର୍ମାନୟନକ୍ଷମଃ ॥ ୧୧୯ ॥
ଆଦ୍ୟୋ ଦ୍ଵିଜାତିସତ୍କର୍ତା ଶିଷ୍ଟାଚାରପ୍ରଦର୍ଶକଃ ।
ସାନ୍ଦୀପନିକୃତାଭ୍ୟସ୍ତଵିଦ୍ୟାଭ୍ୟାସୈକଧୀସ୍ସୁଧୀଃ ॥ ୧୨୦ ॥
ଗୁର୍ଵଭୀଷ୍ଟକ୍ରିୟାଦକ୍ଷଃ ପଶ୍ଚିମୋଦଧିପୂଜିତଃ ।
ହତପଂଚଜନପ୍ରାପ୍ତପାଂଚଜନ୍ୟୋ ୟମାର୍ଚିତଃ ॥ ୧୨୧ ॥
ଧର୍ମରାଜଜୟାନୀତଗୁରୁପୁତ୍ର ଉରୁକ୍ରମଃ ।
ଗୁରୁପୁତ୍ରପ୍ରଦଶ୍ଶାସ୍ତା ମଧୁରାଜସଭାସଦଃ ॥ ୧୨୨ ॥
ଜାମଦଗ୍ନ୍ୟସମଭ୍ୟର୍ଚ୍ୟୋ ଗୋମନ୍ତଗିରିସଂଚରଃ ।
ଗୋମନ୍ତଦାଵଶମନୋ ଗରୁଡାନୀତଭୂଷଣଃ ॥ ୧୨୩ ॥
ଚକ୍ରାଦ୍ୟାୟୁଧସଂଶୋଭୀ ଜରାସନ୍ଧମଦାପହଃ ।
ସୃଗାଲାଵନିପାଲଘ୍ନସ୍ସୃଗାଲାତ୍ମଜରାଜ୍ୟଦଃ ॥ ୧୨୪ ॥
ଵିଧ୍ଵସ୍ତକାଲୟଵନୋ ମୁଚୁକୁନ୍ଦଵରପ୍ରଦଃ ।
ଆଜ୍ଞାପିତମହାମ୍ଭୋଧିର୍ଦ୍ଵାରକାପୁରକଲ୍ପନଃ ॥ ୧୨୫ ॥
ଦ୍ଵାରକାନିଲୟୋ ରୁକ୍ମିମାନହନ୍ତା ୟଦୂଦ୍ଵହଃ ।
ରୁଚିରୋ ରୁକ୍ମିଣୀଜାନିଃ ପ୍ରଦ୍ୟୁମ୍ନଜନକଃ ପ୍ରଭୁଃ ॥ ୧୨୬ ॥
ଅପାକୃତତ୍ରିଲୋକାର୍ତିରନିରୁଦ୍ଧପିତାମହଃ ।
ଅନିରୁଦ୍ଧପଦାନ୍ଵେଷୀ ଚକ୍ରୀ ଗରୁଡଵାହନଃ ॥ ୧୨୭ ॥
ବାଣାସୁରପୁରୀରୋଦ୍ଧା ରକ୍ଷାଜ୍ଵଲନୟନ୍ତ୍ରଜିତ୍ ।
ଧୂତପ୍ରମଥସଂରମ୍ଭୋ ଜିତମାହେଶ୍ଵରଜ୍ଵରଃ ॥ ୧୨୮ ॥
ଷଟ୍ଚକ୍ରଶକ୍ତିନିର୍ଜେତା ଭୂତଵେତାଲମୋହକୃତ୍ ।
ଶମ୍ଭୁତ୍ରିଶୂଲଜିଚ୍ଛମ୍ଭୁଜୃମ୍ଭଣଶ୍ଶଂମ୍ଭୁସଂସ୍ତୁତଃ ॥ ୧୨୯ ॥
ଇନ୍ଦ୍ରିୟାତ୍ମେନ୍ଦୁହୃଦୟସ୍ସର୍ଵୟୋଗେଶ୍ଵରେଶ୍ଵରଃ ।
ହିରଣ୍ୟଗର୍ଭହୃଦୟୋ ମୋହାଵର୍ତନିଵର୍ତନଃ ॥ ୧୩୦ ॥
ଆତ୍ମଜ୍ଞାନନିଧିର୍ମେଧା କୋଶସ୍ତନ୍ମାତ୍ରରୂପଵାନ୍ ।
ଇନ୍ଦ୍ରୋଽଗ୍ନିଵଦନଃ କାଲନାଭସ୍ସର୍ଵାଗମାଧ୍ଵଗଃ ॥ ୧୩୧ ॥
ତୁରୀୟସର୍ଵଧୀସାକ୍ଷୀ ଦ୍ଵନ୍ଦ୍ଵାରାମାତ୍ମଦୂରଗଃ ।
ଅଜ୍ଞାତପାରୋ ଵଶ୍ୟଶ୍ରୀରଵ୍ୟାକୃତଵିହାରଵାନ୍ ॥ ୧୩୨ ॥
ଆତ୍ମପ୍ରଦୀପୋ ଵିଜ୍ଞାନମାତ୍ରାତ୍ମା ଶ୍ରୀନିକେତନଃ ।
ବାଣବାହୁଵନଚ୍ଛେତ୍ତା ମହେନ୍ଦ୍ରପ୍ରୀତିଵର୍ଧନଃ ॥ ୧୩୩ ॥
ଅନିରୁଦ୍ଧନିରୋଧଜ୍ଞୋ ଜଲେଶାହୃତଗୋକୁଲଃ ।
ଜଲେଶଵିଜୟୀ ଵୀରସ୍ସତ୍ରାଜିଦ୍ରତ୍ନୟାଚକଃ ॥ ୧୩୪ ॥
ପ୍ରସେନାନ୍ଵେଷଣୋଦ୍ୟୁକ୍ତୋ ଜାମ୍ବଵଦ୍ଧୃତରତ୍ନଦଃ ।
ଜିତର୍କ୍ଷରାଜତନୟାହର୍ତା ଜାମ୍ବଵତୀପ୍ରିୟଃ ॥ ୧୩୫ ॥
ସତ୍ୟଭାମାପ୍ରିୟଃ କାମଶ୍ଶତଧନ୍ଵଶିରୋହରଃ ।
କାଲିନ୍ଦୀପତିରକ୍ରୂରବନ୍ଧୁରକ୍ରୂରରତ୍ନଦଃ ॥ ୧୩୬ ॥
କୈକେୟୀରମଣୋ ଭଦ୍ରାଭର୍ତା ନାଗ୍ନଜିତୀଧଵଃ ।
ମାଦ୍ରୀମନୋହରଶ୍ଶୈବ୍ୟାପ୍ରାଣବନ୍ଧୁରୁରୁକ୍ରମଃ ॥ ୧୩୭ ॥
ସୁଶୀଲାଦୟିତୋ ମିତ୍ରଵିନ୍ଦାନେତ୍ରମହୋତ୍ସଵଃ ।
ଲକ୍ଷ୍ମଣାଵଲ୍ଲଭୋ ରୁଦ୍ଧପ୍ରାଗ୍ଜ୍ୟୋତିଷମହାପୁରଃ ॥ ୧୩୮ ॥
ସୁରପାଶାଵୃତିଚ୍ଛେଦୀ ମୁରାରିଃ କ୍ରୂରୟୁଦ୍ଧଵିତ୍।
ହୟଗ୍ରୀଵଶିରୋହର୍ତା ସର୍ଵାତ୍ମା ସର୍ଵଦର୍ଶନଃ ॥ ୧୩୯ ॥
ନରକାସୁରଵିଚ୍ଛେତ୍ତା ନରକାତ୍ମଜରାଜ୍ୟଦଃ।
ପୃଥ୍ଵୀସ୍ତୁତଃ ପ୍ରକାଶାତ୍ମା ହୃଦ୍ୟୋ ୟଜ୍ଞଫଲପ୍ରଦଃ ॥ ୧୪୦ ॥
ଗୁଣଗ୍ରାହୀ ଗୁଣଦ୍ରଷ୍ଟା ଗୂଢସ୍ଵାତ୍ମା ଵିଭୂତିମାନ୍ ।
କଵିର୍ଜଗଦୁପଦ୍ରଷ୍ଟା ପରମାକ୍ଷରଵିଗ୍ରହଃ ॥ ୧୪୧ ॥
ପ୍ରପନ୍ନପାଲନୋ ମାଲୀ ମହଦ୍ ବ୍ରହ୍ମଵିଵର୍ଧନଃ ।
ଵାଚ୍ୟଵାଚକଶକ୍ତ୍ୟର୍ଥସ୍ସର୍ଵଵ୍ୟାକୃତସିଦ୍ଧିଦଃ ॥ ୧୪୨ ॥
ସ୍ଵୟଂପ୍ରଭୁରନିର୍ଵେଦ୍ୟସ୍ସ୍ଵପ୍ରକାଶଶ୍ଚିରନ୍ତନଃ ।
ନାଦାତ୍ମା ମନ୍ତ୍ରକୋଟୀଶୋ ନାନାଵାଦନିରୋଧକଃ ॥ ୧୪୩ ॥
କନ୍ଦର୍ପକୋଟିଲାଵଣ୍ୟଃ ପରାର୍ଥୈକପ୍ରୟୋଜକଃ ।
ଅମରୀକୃତଦେଵୌଘଃ କନ୍ୟକାବନ୍ଧମୋଚନଃ ॥ ୧୪୪ ॥
ଷୋଡଶସ୍ତ୍ରୀସହସ୍ରେଶଃ କାନ୍ତଃ କାନ୍ତାମନୋଭଵଃ ।
କ୍ରୀଡାରତ୍ନାଚଲାହର୍ତା ଵରୁଣଚ୍ଛତ୍ରଶୋଭିତଃ ॥ ୧୪୫ ॥
ଶକ୍ରାଭିଵନ୍ଦିତଶ୍ଶକ୍ରଜନନୀକୁଣ୍ଡଲପ୍ରଦଃ ।
ଅଦିତିପ୍ରସ୍ତୁତସ୍ତୋତ୍ରୋ ବ୍ରାହ୍ମଣୋଦ୍ଘୁଷ୍ଟଚେତନଃ ॥ ୧୪୬ ॥
ପୁରାଣସ୍ସଂୟମୀ ଜନ୍ମାଲିପ୍ତଃ ଷଡ୍ଵିଂଶକୋଽର୍ଥଦଃ ।
ୟଶସ୍ୟନୀତିରାଦ୍ୟନ୍ତରହିତସ୍ସତ୍କଥାପ୍ରିୟଃ ॥ ୧୪୭ ॥
ବ୍ରହ୍ମବୋଧଃ ପରାନନ୍ଦଃ ପାରିଜାତାପହାରକଃ ।
ପୌଣ୍ଡ୍ରକପ୍ରାଣହରଣଃ କାଶିରାଜନିଷୂଦନଃ ॥ ୧୪୮ ॥
କୃତ୍ୟାଗର୍ଵପ୍ରଶମନୋ ଵିଚକ୍ରଵଧଦୀକ୍ଷିତଃ ।
କଂସଵିଧ୍ଵଂସନସ୍ସାମ୍ବଜନକୋ ଡିଂମ୍ଭକାର୍ଦନଃ ॥ ୧୪୯ ॥
ମୁନିର୍ଗୋପ୍ତା ପିତୃଵରପ୍ରଦସ୍ସଵନଦୀକ୍ଷିତଃ ।
ରଥୀ ସାରଥ୍ୟନିର୍ଦେଷ୍ଟା ଫାଲ୍ଗୁନଃ ଫାଲ୍ଗୁନିପ୍ରିୟଃ ॥ ୧୫୦ ॥
ସପ୍ତାବ୍ଧିସ୍ତମ୍ଭନୋଦ୍ଭାତୋ ହରିସ୍ସପ୍ତାବ୍ଧିଭେଦନଃ ।
ଆତ୍ମପ୍ରକାଶଃ ପୂର୍ଣଶ୍ରୀରାଦିନାରାୟଣେକ୍ଷିତଃ ॥ ୧୫୧ ॥
ଵିପ୍ରପୁତ୍ରପ୍ରଦଶ୍ଚୈଵ ସର୍ଵମାତୃସୁତପ୍ରଦଃ ।
ପାର୍ଥଵିସ୍ମୟକୃତ୍ପାର୍ଥପ୍ରଣଵାର୍ଥପ୍ରବୋଧନଃ ॥ ୧୫୨ ॥
କୈଲାସୟାତ୍ରାସୁମୁଖୋ ବଦର୍ୟାଶ୍ରମଭୂଷଣଃ ।
ଘଣ୍ଟାକର୍ଣକ୍ରିୟାମୌଢ୍ୟାତ୍ତୋଷିତୋ ଭକ୍ତଵତ୍ସଲଃ ॥ ୧୫୩ ॥
ମୁନିଵୃନ୍ଦାଦିଭିର୍ଧ୍ୟେୟୋ ଘଣ୍ଟାକର୍ଣଵରପ୍ରଦଃ ।
ତପଶ୍ଚର୍ୟାପରଶ୍ଚୀରଵାସାଃ ପିଂଗଜଟାଧରଃ ॥ ୧୫୪ ॥
ପ୍ରତ୍ୟକ୍ଷୀକୃତଭୂତେଶଶ୍ଶିଵସ୍ତୋତା ଶିଵସ୍ତୁତଃ ।
କୃଷ୍ଣାସ୍ଵୟଂଵରାଲୋକକୌତୁକୀ ସର୍ଵସମ୍ମତଃ ॥ ୧୫୫ ॥
ବଲସଂରମ୍ଭଶମନୋ ବଲଦର୍ଶିତପାଣ୍ଡଵଃ ।
ୟତିଵେଷାର୍ଜୁନାଭୀଷ୍ଟଦାୟୀ ସର୍ଵାତ୍ମଗୋଚରଃ ॥ ୧୫୬ ॥
ସୁଭଦ୍ରାଫାଲ୍ଗୁନୋଦ୍ଵାହକର୍ତା ପ୍ରୀଣିତଫାଲ୍ଗୁନଃ ।
ଖାଣ୍ଡଵପ୍ରୀଣିତାର୍ଚିଷ୍ମାନ୍ମୟଦାନଵମୋଚନଃ ॥ ୧୫୭ ॥
ସୁଲଭୋ ରାଜସୂୟାର୍ହୟୁଧିଷ୍ଠିରନିୟୋଜକଃ ।
ଭୀମାର୍ଦିତଜରାସନ୍ଧୋ ମାଗଧାତ୍ମଜରାଜ୍ୟଦଃ ॥ ୧୫୮ ॥
ରାଜବନ୍ଧନନିର୍ମୋକ୍ତା ରାଜସୂୟାଗ୍ରପୂଜନଃ ।
ଚୈଦ୍ୟାଦ୍ୟସହନୋ ଭୀଷ୍ମସ୍ତୁତସ୍ସାତ୍ଵତପୂର୍ଵଜଃ ॥ ୧୫୯ ॥
ସର୍ଵାତ୍ମାର୍ଥସମାହର୍ତା ମନ୍ଦରାଚଲଧାରକଃ ।
ୟଜ୍ଞାଵତାରଃ ପ୍ରହ୍ଲାଦପ୍ରତିଜ୍ଞାପ୍ରତିପାଲକଃ ॥ ୧୬୦ ॥
ବଲିୟଜ୍ଞସଭାଧ୍ଵଂସୀ ଦୃପ୍ତକ୍ଷତ୍ରକୁଲାନ୍ତକଃ ।
ଦଶଗ୍ରୀଵାନ୍ତକୋ ଜେତା ରେଵତୀପ୍ରେମଵଲ୍ଲଭଃ ॥ ୧୬୧ ॥
ସର୍ଵାଵତାରାଧିଷ୍ଠାତା ଵେଦବାହ୍ୟଵିମୋହନଃ ।
କଲିଦୋଷନିରାକର୍ତା ଦଶନାମା ଦୃଢଵ୍ରତଃ ॥ ୧୬୨ ॥
ଅମେୟାତ୍ମା ଜଗତ୍ସ୍ଵାମୀ ଵାଗ୍ମୀ ଚୈଦ୍ୟଶିରୋହରଃ ।
ଦ୍ରୌପଦୀରଚିତସ୍ତୋତ୍ରଃ କେଶଵଃ ପୁରୁଷୋତ୍ତମଃ ॥ ୧୬୩ ॥
ନାରାୟଣୋ ମଧୁପତିର୍ମାଧଵୋ ଦୋଷଵର୍ଜିତଃ ।
ଗୋଵିନ୍ଦଃ ପୁଣ୍ଡରୀକାକ୍ଷୋ ଵିଷ୍ଣୁଶ୍ଚ ମଧୁସୂଦନଃ ॥ ୧୬୪ ॥
ତ୍ରିଵିକ୍ରମସ୍ତ୍ରିଲୋକେଶୋ ଵାମନଃ ଶ୍ରୀଧରଃ ପୁମାନ୍ ।
ହୃଷୀକେଶୋ ଵାସୁଦେଵଃ ପଦ୍ମନାଭୋ ମହାହ୍ରଦଃ ॥ ୧୬୫ ॥
ଦାମୋଦରଶ୍ଚତୁର୍ଵ୍ୟୂହଃ ପାଂଚାଲୀମାନରକ୍ଷଣଃ ।
ସାଲ୍ଵଘ୍ନସ୍ସମରଶ୍ଲାଘୀ ଦନ୍ତଵକ୍ତ୍ରନିବର୍ହଣଃ ॥ ୧୬୬ ॥
ଦାମୋଦରପ୍ରିୟସଖା ପୃଥୁକାସ୍ଵାଦନପ୍ରିୟଃ ॥
ଘୃଣୀ ଦାମୋଦରଃ ଶ୍ରୀଦୋ ଗୋପୀପୁନରଵେକ୍ଷକଃ ॥ ୧୬୭ ॥
ଗୋପିକାମୁକ୍ତିଦୋ ୟୋଗୀ ଦୁର୍ଵାସସ୍ତୃପ୍ତିକାରକଃ ।
ଅଵିଜ୍ଞାତଵ୍ରଜାକୀର୍ଣପାଣ୍ଡଵାଲୋକନୋ ଜୟୀ ॥ ୧୬୮ ॥
ପାର୍ଥସାରଥ୍ୟନିରତଃ ପ୍ରାଜ୍ଞଃ ପାଣ୍ଡଵଦୂତ୍ୟକୃତ୍ ।
ଵିଦୁରାତିଥ୍ୟସନ୍ତୁଷ୍ଟଃ କୁନ୍ତୀସନ୍ତୋଷଦାୟକଃ ॥ ୧୬୯ ॥
ସୁୟୋଧନତିରସ୍କର୍ତା ଦୁର୍ୟୋଧନଵିକାରଵିତ୍ ।
ଵିଦୁରାଭିଷ୍ଠୁତୋ ନିତ୍ୟୋ ଵାର୍ଷ୍ଣେୟୋ ମଂଗଲାତ୍ମକଃ ॥ ୧୭୦ ॥
ପଂଚଵିଂଶତିତତ୍ଵେଶଶ୍ଚତୁର୍ଵିଂଶତିଦେହଭାକ୍ ।
ସର୍ଵାନୁଗ୍ରାହକସ୍ସର୍ଵଦାଶାର୍ହସତତାର୍ଚିତଃ ॥ ୧୭୧ ॥
ଅଚିନ୍ତ୍ୟୋ ମଧୁରାଲାପସ୍ସାଧୁଦର୍ଶୀ ଦୁରାସଦଃ ।
ମନୁଷ୍ୟଧର୍ମାନୁଗତଃ କୌରଵେନ୍ଦ୍ରକ୍ଷୟେକ୍ଷିତା ॥ ୧୭୨ ॥
ଉପେନ୍ଦ୍ରୋ ଦାନଵାରାତିରୁରୁଗୀତୋ ମହାଦ୍ୟୁତିଃ ।
ବ୍ରହ୍ମଣ୍ୟଦେଵଃ ଶ୍ରୁତିମାନ୍ ଗୋବ୍ରାହ୍ମଣହିତାଶୟଃ ॥ ୧୭୩ ॥
ଵରଶୀଲଶ୍ଶିଵାରମ୍ଭସ୍ସୁଵିଜ୍ଞାନଵିମୂର୍ତିମାନ୍ ।
ସ୍ଵଭାଵଶୁଦ୍ଧସ୍ସନ୍ମିତ୍ରସ୍ସୁଶରଣ୍ୟସ୍ସୁଲକ୍ଷଣଃ ॥ ୧୭୪ ॥
ଧୃତରାଷ୍ଟ୍ରଗତୋଦୃଷ୍ଟିପ୍ରଦଃ କର୍ଣଵିଭେଦନଃ ।
ପ୍ରତୋଦଧୃଗ୍ଵିଶ୍ଵରୂପଵିସ୍ମାରିତଧନଂଜୟଃ ॥ ୧୭୫ ॥
ସାମଗାନପ୍ରିୟୋ ଧର୍ମଧେନୁର୍ଵର୍ଣୋତ୍ତମୋଽଵ୍ୟୟଃ ।
ଚତୁର୍ୟୁଗକ୍ରିୟାକର୍ତା ଵିଶ୍ଵରୂପପ୍ରଦର୍ଶକଃ ॥ ୧୭୬ ॥
ବ୍ରହ୍ମବୋଧପରିତ୍ରାତପାର୍ଥୋ ଭୀଷ୍ମାର୍ଥଚକ୍ରଭୃତ୍ ।
ଅର୍ଜୁନାୟାସଵିଧ୍ଵଂସୀ କାଲଦଂଷ୍ଟ୍ରାଵିଭୂଷଣଃ ॥ ୧୭୭ ॥
ସୁଜାତାନନ୍ତମହିମା ସ୍ଵପ୍ନଵ୍ୟାପାରିତାର୍ଜୁନଃ ।
ଅକାଲସନ୍ଧ୍ୟାଘଟନଶ୍ଚକ୍ରାନ୍ତରିତଭାସ୍କରଃ ॥ ୧୭୮ ॥
ଦୁଷ୍ଟପ୍ରମଥନଃ ପାର୍ଥପ୍ରତିଜ୍ଞାପରିପାଲକଃ ।
ସିନ୍ଧୁରାଜଶିରଃପାତସ୍ଥାନଵକ୍ତା ଵିଵେକଦୃକ୍ ॥ ୧୭୯ ॥
ସୁଭଦ୍ରାଶୋକହରଣୋ ଦ୍ରୋଣୋତ୍ସେକାଦିଵିସ୍ମିତଃ ।
ପାର୍ଥମନ୍ୟୁନିରାକର୍ତା ପାଣ୍ଡଵୋତ୍ସଵଦାୟକଃ ॥ ୧୮୦ ॥
ଅଂଗୁଷ୍ଠାକ୍ରାନ୍ତକୌନ୍ତେୟରଥଶ୍ଶକ୍ତୋଽହିଶୀର୍ଷଜିତ୍ ।
କାଲକୋପପ୍ରଶମନୋ ଭୀମସେନଜୟପ୍ରଦଃ ॥ ୧୮୧ ॥
ଅଶ୍ଵତ୍ଥାମଵଧାୟାସତ୍ରାତପାଣ୍ଡୁସୁତଃ କୃତୀ ।
ଇଷୀକାସ୍ତ୍ରପ୍ରଶମନୋ ଦ୍ରୌଣିରକ୍ଷାଵିଚାରଣଃ ।୧୮୨ ॥
ପାର୍ଥାପହାରିତଦ୍ରୌଣିଚୂଡାମଣିରଭଂଗୁରଃ ।
ଧୃତରାଷ୍ଟ୍ରପରାମୃଷ୍ଟଭୀମପ୍ରତିକୃତିସ୍ମୟଃ ॥ ୧୮୩ ॥
ଭୀଷ୍ମବୁଦ୍ଧିପ୍ରଦଶ୍ଶାନ୍ତଶ୍ଶରଚ୍ଚନ୍ଦ୍ରନିଭାନନଃ ।
ଗଦାଗ୍ରଜନ୍ମା ପାଂଚାଲୀପ୍ରତିଜ୍ଞାପରିପାଲକଃ ॥ ୧୮୪ ॥
ଗାନ୍ଧାରୀକୋପଦୃଗ୍ଗୁପ୍ତଧର୍ମସୂନୁରନାମୟଃ ।
ପ୍ରପନ୍ନାର୍ତିଭୟଚ୍ଛେତ୍ତା ଭୀଷ୍ମଶଲ୍ୟଵ୍ୟଧାଵହଃ ॥ ୧୮୫ ॥
ଶାନ୍ତଶ୍ଶାନ୍ତନଵୋଦୀର୍ଣସର୍ଵଧର୍ମସମାହିତଃ ।
ସ୍ମାରିତବ୍ରହ୍ମଵିଦ୍ୟାର୍ଥପ୍ରୀତପାର୍ଥୋ ମହାସ୍ତ୍ରଵିତ୍ ॥ ୧୮୬ ॥
ପ୍ରସାଦପରମୋଦାରୋ ଗାଂଗେୟସୁଗତିପ୍ରଦଃ ।
ଵିପକ୍ଷପକ୍ଷକ୍ଷୟକୃତ୍ପରୀକ୍ଷିତ୍ପ୍ରାଣରକ୍ଷଣଃ ॥ ୧୮୭ ॥
ଜଗଦ୍ଗୁରୁର୍ଧର୍ମସୂନୋର୍ଵାଜିମେଧପ୍ରଵର୍ତକଃ ।
ଵିହିତାର୍ଥାପ୍ତସତ୍କାରୋ ମାସକାତ୍ପରିଵର୍ତଦଃ ॥ ୧୮୮ ॥
ଉତ୍ତଂକହର୍ଷଦାତ୍ମୀୟଦିଵ୍ୟରୂପପ୍ରଦର୍ଶକଃ ।
ଜନକାଵଗତସ୍ଵୋକ୍ତଭାରତସ୍ସର୍ଵଭାଵନଃ ॥ ୧୮୯ ॥
ଅସୋଢୟାଦଵୋଦ୍ରେକୋ ଵିହିତାପ୍ତାଦିପୂଜନଃ ॥
ସମୁଦ୍ରସ୍ଥାପିତାଶ୍ଚର୍ୟମୁସଲୋ ଵୃଷ୍ଣିଵାହକଃ ॥ ୧୯୦ ॥
ମୁନିଶାପାୟୁଧଃ ପଦ୍ମାସନାଦିତ୍ରିଦଶାର୍ଥିତଃ ।
ଵୃଷ୍ଟିପ୍ରତ୍ୟଵହାରୋତ୍କସ୍ସ୍ଵଧାମଗମନୋତ୍ସୁକଃ ॥ ୧୯୧ ॥
ପ୍ରଭାସାଲୋକନୋଦ୍ୟୁକ୍ତୋ ନାନାଵିଧନିମିତ୍ତକୃତ୍ ।
ସର୍ଵୟାଦଵସଂସେଵ୍ୟସ୍ସର୍ଵୋତ୍କୃଷ୍ଟପରିଚ୍ଛଦଃ ॥ ୧୯୨ ॥
ଵେଲାକାନନସଂଚାରୀ ଵେଲାନିଲହୃତଶ୍ରମଃ ।
କାଲାତ୍ମା ୟାଦଵୋଽନନ୍ତସ୍ସ୍ତୁତିସନ୍ତୁଷ୍ଟମାନସଃ ॥ ୧୯୩ ॥
ଦ୍ଵିଜାଲୋକନସନ୍ତୁଷ୍ଟଃ ପୁଣ୍ୟତୀର୍ଥମହୋତ୍ସଵଃ ।
ସତ୍କାରାହ୍ଲାଦିତାଶେଷଭୂସୁରସ୍ସୁରଵଲ୍ଲଭଃ ॥ ୧୯୪ ॥
ପୁଣ୍ୟତୀର୍ଥାପ୍ଲୁତଃ ପୁଣ୍ୟଃ ପୁଣ୍ୟଦସ୍ତୀର୍ଥପାଵନଃ ।
ଵିପ୍ରସାତ୍କୃତଗୋକୋଟିଶ୍ଶତକୋଟିସୁଵର୍ଣଦଃ ॥ ୧୯୫ ॥
ସ୍ଵମାୟାମୋହିତାଽଶେଷଵୃଷ୍ଣିଵୀରୋ ଵିଶେଷଵିତ୍ ।
ଜଲଜାୟୁଧନିର୍ଦେଷ୍ଟା ସ୍ଵାତ୍ମାଵେଶିତୟାଦଵଃ ॥ ୧୯୬ ॥
ଦେଵତାଭୀଷ୍ଟଵରଦଃ କୃତକୃତ୍ୟଃ ପ୍ରସନ୍ନଧୀଃ ।
ସ୍ଥିରଶେଷାୟୁତବଲସ୍ସହସ୍ରଫଣିଵୀକ୍ଷଣଃ ॥ ୧୯୭ ॥
ବ୍ରହ୍ମଵୃକ୍ଷଵରଚ୍ଛାୟାସୀନଃ ପଦ୍ମାସନସ୍ଥିତଃ ।
ପ୍ରତ୍ୟଗାତ୍ମା ସ୍ଵଭାଵାର୍ଥଃ ପ୍ରଣିଧାନପରାୟଣଃ ॥ ୧୯୮ ॥
ଵ୍ୟାଧେଷୁଵିଦ୍ଧପୂଜ୍ୟାଂଘ୍ରିର୍ନିଷାଦଭୟମୋଚନଃ ।
ପୁଲିନ୍ଦସ୍ତୁତିସନ୍ତୁଷ୍ଟଃ ପୁଲିନ୍ଦସୁଗତିପ୍ରଦଃ ॥ ୧୯୯ ॥
ଦାରୁକାର୍ପିତପାର୍ଥାଦିକରଣୀୟୋକ୍ତିରୀଶିତା ।
ଦିଵ୍ୟଦୁନ୍ଦୁଭିସଂୟୁକ୍ତଃ ପୁଷ୍ପଵୃଷ୍ଟିପ୍ରପୂଜିତଃ ॥ ୨୦୦ ॥
ପୁରାଣଃ ପରମେଶାନଃ ପୂର୍ଣଭୂମା ପରିଷ୍ଟୁତଃ ।
ପତିରାଦ୍ୟଃ ପରଂ ବ୍ରହ୍ମ ପରମାତ୍ମା ପରାତ୍ପରଃ ॥ ୨୦୧ ॥
ଶ୍ରୀପରମାତ୍ମା ପରାତ୍ପରଃ ଓଂ ନମଃ ଇତି-
ଫଲଶ୍ରୁତିଃ
ଇଦଂ ସହସ୍ରଂ କୃଷ୍ଣସ୍ୟ ନାମ୍ନାଂ ସର୍ଵାର୍ଥଦାୟକମ୍ ।
ଅନନ୍ତରୂପୀ ଭଗଵାନ୍ ଵ୍ୟାଖ୍ୟାତାଦୌ ସ୍ଵୟମ୍ଭୁଵେ ॥ ୨୦୨ ॥
ତେନ ପ୍ରୋକ୍ତଂ ଵସିଷ୍ଠାୟ ତତୋ ଲବ୍ଧ୍ଵା ପରାଶରଃ ।
ଵ୍ୟାସାୟ ତେନ ସମ୍ପ୍ରୋକ୍ତଂ ଶୁକୋ ଵ୍ୟାସାଦଵାପ୍ତଵାନ୍ ॥ ୨୦୩ ॥
ତଚ୍ଛିଷ୍ୟୈର୍ବହୁଭିର୍ଭୂମୌ ଖ୍ୟାପିତଂ ଦ୍ଵାପରେ ୟୁଗେ ।
କୃଷ୍ଣାଜ୍ଞୟା ହରିହରଃ କଲୌ ପ୍ରଖ୍ୟାପୟଦ୍ଵିଭୁଃ ॥ ୨୦୪ ॥
ଇଦଂ ପଠତି ଭକ୍ତ୍ୟା ୟଃ ଶୃଣୋତି ଚ ସମାହିତଃ ।
ସ୍ଵସିଦ୍ଧ୍ୟୈ ପ୍ରାର୍ଥୟନ୍ତ୍ୟେନଂ ତୀର୍ଥକ୍ଷେତ୍ରାଦିଦେଵତାଃ ॥ ୨୦୫ ॥
ପ୍ରାୟଶ୍ଚିତ୍ତାନ୍ୟଶେଷାଣି ନାଲଂ ୟାନି ଵ୍ୟପୋହିତୁମ୍ ।
ତାନି ପାପାନି ନଶ୍ୟନ୍ତି ସକୃଦସ୍ୟ ପ୍ରଶଂସନାତ୍ ॥ ୨୦୬ ॥
ଋଣତ୍ରୟଵିମୁକ୍ତସ୍ୟ ଶ୍ରୌତସ୍ମାର୍ତାନୁଵର୍ତିନଃ ।
ଋଷେସ୍ତ୍ରିମୂର୍ତିରୂପସ୍ୟ ଫଲଂ ଵିନ୍ଦେଦିଦଂ ପଠନ୍ ॥ ୨୦୭ ॥
ଇଦଂ ନାମସହସ୍ରଂ ୟଃ ପଠତ୍ୟେତଚ୍ଛୃଣୋତି ଚ ।
ଶିଵଲିଂଗସହସ୍ରସ୍ୟ ସ ପ୍ରତିଷ୍ଠାଫଲଂ ଲଭେତ୍ ॥ ୨୦୮ ॥
ଇଦଂ କିରୀଟୀ ସଂଜପ୍ୟ ଜୟୀ ପାଶୁପତାସ୍ତ୍ରଭାକ୍ ।
କୃଷ୍ଣସ୍ୟ ପ୍ରାଣଭୂତସ୍ସନ୍ କୃଷ୍ଣଂ ସାରଥିମାପ୍ତଵାନ୍ ॥ ୨୦୯ ॥
ଦ୍ରୌପଦ୍ୟା ଦମୟନ୍ତ୍ୟା ଚ ସାଵିତ୍ର୍ୟା ଚ ସୁଶୀଲୟା ।
ଦୁରିତାନି ଜିତାନ୍ୟେତଜ୍ଜପାଦାପ୍ତଂ ଚ ଵାଞ୍ଛିତମ୍ ॥ ୨୧୦ ॥
କିମିଦଂ ବହୁନା ଶଂସନ୍ମାନଵୋ ମୋଦନିର୍ଭରଃ ।
ବ୍ରହ୍ମାନନ୍ଦମଵାପ୍ୟାନ୍ତେ କୃଷ୍ଣସାୟୂଜ୍ୟମାପ୍ନୁୟାତ୍ ॥ ୨୧୧ ॥
॥ ଇତି କୃଷ୍ଣସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥
ଶ୍ରୀଵିଷ୍ଣୁଧର୍ମୋତ୍ତରତଃ
Also Read 1000 Names of Shrikrishna:
1000 Names of Sri Krishna | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
