Shri Pitambarisahasranamastotram Lyrics in Bengali:
॥ শ্রীপীতাম্বরীসহস্রনামস্তোত্রম্ ॥
অথবা শ্রীবগলামুখীসহস্রনামস্তোত্রম্
অথ শ্রীপীতাম্বরীসহস্রনামস্তোত্রম্ ।
সুরালয়প্রধানে তু দেবদেবং মহেশ্বরম্ ।
শৈলাধিরাজতনয়া সঙ্গ্রহে তমুবাচ হ ॥ ১ ॥
শ্রীদেব্যুবাচ
পরমেষ্ঠিন্পরন্ধাম প্রধান পরমেশ্বর ।
নাম্নাং সহস্রম্বগলামুখ্যাদ্যা ব্রূহি বল্লভ ॥ ২ ॥
ঈশ্বর উবাচ
শৃণু দেবি প্রবক্ষ্যামি নামধেয়সহস্রকম্ ।
পরব্রহ্মাস্ত্রবিদ্যায়াশ্চতুর্বর্গফলপ্রদম্ ॥ ৩ ॥
গুহ্যাদ্গুহ্যতরন্দেবি সর্বসিদ্ধৈকবন্দিতম্ ।
অতিগুপ্ততরব্বিদ্যা সর্বতন্ত্রেষু গোপিতা ॥ ৪ ॥
বিশেষতঃ কলিয়ুগে মহাসিদ্ধ্যৌঘদায়িনী ।
গোপনীয়ঙ্গোপনীয়ঙ্গোপনীয়ম্প্রয়ত্নতঃ ॥ ৫ ॥
অপ্রকাশ্যমিদং সত্যং স্বয়োনিরিব সুব্রতে ।
রোধিনী বিঘ্নসঙ্ঘানাং মোহিনী পরয়োষিতাম্ ॥ ৬ ॥
স্তম্ভিনী রাজসৈন্যানাব্বাদিনী পরবাদিনাম্ ।
পুরা চৈকার্ণবে ঘোরে কালে পরমভৈরবঃ ॥ ৭ ॥
সুন্দরীসহিতো দেবঃ কেশবঃ ক্লেশনাশনঃ ।
উরগাসনমাসীনো য়োগনিদ্রামুপাগমত্ ॥ ৮ ॥
নিদ্রাকালে চ তে কালে ময়া প্রোক্তঃ সনাতনঃ ।
মহাস্তম্ভকরন্দেবি স্তোত্রব্বা শতনামকম্ ॥ ৯ ॥
সহস্রনাম পরমব্বদ দেবস্য কস্যচিত্ ।
শ্রীভগবানুবাচ
শৃণু শঙ্কর দেবেশ পরমাতিরহস্যকম্ ॥ ১০ ॥
অজোহং য়ত্প্রসাদেন বিষ্ণুঃ সর্বেশ্বরেশ্বরঃ ।
গোপনীয়ম্প্রয়ত্নেন প্রকাশাত্সিদ্ধিহানিকৃত্ ॥ ১১ ॥
ওঁ অস্য শ্রীপীতাম্বরীসহস্রনামস্তোত্রমন্ত্রস্য ভগবান্সদাশিব
ঋষিরনুষ্টুপ্ছন্দশ্শ্রীজগদ্বশ্যকরী পীতাম্বরী দেবতা
সর্বাভীষ্টসিদ্ধ্যর্ত্থে জপে বিনিয়োগঃ ॥
অথ ধ্যানম্
পীতাম্বরপরীধানাং পীনোন্নতপয়োধরাম্ ।
জটামুকুটশোভাঢ্যাম্পীতভূমিসুখাসনাম্ ॥ ১২ ॥
শত্রোর্জ্জিহ্বাং মুদ্গরঞ্চ বিভ্রতীম্পরমাঙ্কলাম্ ।
সর্বাগমপুরাণেষু বিখ্যাতাম্ভুবনত্রয়ে ॥ ১৩ ॥
সৃষ্টিস্থিতিবিনাশানামাদি ভূতাম্মহেশ্বরীম্ ।
গোপ্যা সর্বপ্রয়ত্নেন শৃণু তাঙ্কথয়ামি তে ॥ ১৪ ॥
জগদ্বিধ্বংসিনীন্দেবীমজরামরকারিণীম্ ।
তান্নমামি মহামায়াম্মহদৈশ্চর্যদায়িনীম্ ॥ ১৫ ॥
প্রণবম্পূর্বমুদ্ধৃত্য স্থিরমায়ান্ততো বদেত্ ।
বগলামুখী সর্বেতি দুষ্টানাব্বাচমেব চ ॥ ১৬ ॥
মুখম্পদং স্তম্ভয়েতি জিহ্বাঙ্কীলয় বুদ্ধিমত্ ।
বিনাশয়েতি তারঞ্চ স্থিরমায়ান্ততো বদেত্ ॥ ১৭ ॥
বহ্নিপ্রিয়ান্ততো মন্ত্রশ্চতুর্বর্গফলপ্রদঃ ।
ব্রহ্মাস্ত্রম্ব্রহ্মবিদ্যা চ ব্রহ্মমাতা সনাতনী ॥ ১৮ ॥
ব্রহ্মেশী ব্রহ্মকৈবল্যবগলা ব্রহ্মচারিণী ।
নিত্যানন্দা নিত্যসিদ্ধা নিত্যরূপা নিরাময়া ॥ ১৯ ॥
সন্ধারিণী মহামায়া কটাক্ষক্ষেমকারিণী ।
কমলা বিমলা নীলা রত্নকান্তিগুণাশ্রিতা ॥ ২০ ॥
কামপ্রিয়া কামরতা কামকামস্বরূপিণী ।
মঙ্গলা বিজয়া জায়া সর্বমঙ্গলকারিণী ॥ ২১ ॥
কামিনী কামিনীকাম্যা কামুকা কামচারিণী ।
কামপ্রিয়া কামরতা কামাকামস্বরূপিণী ॥ ২২ ॥
কামাখ্যা কামবীজস্থা কামপীঠনিবাসিনী ।
কামদা কামহা কালী কপালী চ করালিকা ॥ ২৩ ॥
কংসারিঃ কমলা কামা কৈলাসেশ্বরবল্লভা ।
কাত্যায়নী কেশবা চ করুণা কামকেলিভুক্ ॥ ২৪ ॥
ক্রিয়াকীর্ত্তিঃ কৃত্তিকা চ কাশিকা মথুরা শিবা ।
কালাক্ষী কালিকা কালী ধবলাননসুন্দরী ॥ ২৫ ॥
খেচরী চ খমূর্ত্তিশ্চ ক্ষুদ্রা ক্ষুদ্রক্ষুধাবরা ।
খড্গহস্তা খড্গরতা খড্গিনী খর্পরপ্রিয়া ॥ ২৬ ॥
গঙ্গা গৌরী গামিনী চ গীতা গোত্রবিবর্দ্ধিনী ।
গোধরা গোকরা গোধা গন্ধর্বপুরবাসিনী ॥ ২৭ ॥
গন্ধর্বা গন্ধর্বকলা গোপনী গরুডাসনা ।
গোবিন্দভাবা গোবিন্দা গান্ধারী গন্ধমাদিনী ॥ ২৮ ॥
গৌরাঙ্গী গোপিকামূর্ত্তির্গোপীগোষ্ঠনিবাসিনী ।
গন্ধা গজেন্দ্রগামান্যা গদাধরপ্রিয়া গ্রহা ॥ ২৯ ॥
ঘোরঘোরা ঘোররূপা ঘনশ্রোণী ঘনপ্রভা ।
দৈত্যেন্দ্রপ্রবলা ঘণ্টাবাদিনী ঘোরনিস্স্বনা ॥ ৩০ ॥
ডাকিন্যুমা উপেন্দ্রা চ উর্বশী উরগাসনা ।
উত্তমা উন্নতা উন্না উত্তমস্থানবাসিনী ॥ ৩১ ॥
চামুণ্ডা মুণ্ডিতা চণ্ডী চণ্ডদর্পহরেতি চ ।
উগ্রচণ্ডা চণ্ডচণ্ডা চণ্ডদৈত্যবিনাশিনী ॥ ৩২ ॥
চণ্ডরূপা প্রচণ্ডা চ চণ্ডাচণ্ডশরীরিণী ।
চতুর্ব্ভুজা প্রচণ্ডা চ চরাচরনিবাসিনী ॥ ৩৩ ॥
ক্ষত্রপ্রায়শ্শিরোবাহা ছলা ছলতরা ছলী ।
ক্ষত্ররূপা ক্ষত্রধরা ক্ষত্রিয়ক্ষয়কারিণী ॥ ৩৪ ॥
জয়া চ জয়দুর্গা চ জয়ন্তী জয়দা পরা ।
জায়িনী জয়িনী জ্যোত্স্না জটাধরপ্রিয়া জিতা ॥ ৩৫ ॥
জিতেন্দ্রিয়া জিতক্রোধা জয়মানা জনেশ্বরী ।
জিতমৃত্যুর্জরাতীতা জাহ্নবী জনকাত্মজা ॥ ৩৬ ॥
ঝঙ্কারা ঝঞ্ঝরী ঝণ্টা ঝঙ্কারী ঝকশোভিনী ।
ঝখা ঝমেশা ঝঙ্কারী য়োনিকল্যাণদায়িনী ॥ ৩৭ ॥
ঝঞ্ঝরা ঝমুরী ঝারা ঝরাঝরতরা পরা ।
ঝঞ্ঝা ঝমেতা ঝঙ্কারী ঝণাকল্যাণদায়িনী ॥ ৩৮ ॥
ঈমনা মানসী চিন্ত্যা ঈমুনা শঙ্করপ্রিয়া ।
টঙ্কারী টিটিকা টীকা টঙ্কিনী চ টবর্গগা ॥ ৩৯ ॥
টাপা টোপা টটপতিষ্টমনী টমনপ্রিয়া ।
ঠকারধারিণী ঠীকা ঠঙ্করী ঠিকরপ্রিয়া ॥ ৪০ ॥
ঠেকঠাসা ঠকরতী ঠামিনী ঠমনপ্রিয়া ।
ডারহা ডাকিনী ডারা ডামরা ডমরপ্রিয়া ॥ ৪১ ॥
ডখিনী ডডয়ুক্তা চ ডমরূকরবল্লভা ।
ঢক্কা ঢক্কী ঢক্কনাদা ঢোলশব্দপ্রবোধিনী ॥ ৪২ ॥
ঢামিনী ঢামনপ্রীতা ঢগতন্ত্রপ্রকাশিনী ।
অনেকরূপিণী অম্বা অণিমাসিদ্ধিদায়িনী ॥ ৪৩ ॥
অমন্ত্রিণী অণুকরী অণুমদ্ভানুসংস্থিতা ।
তারা তন্ত্রাবতী তন্ত্রতত্ত্বরূপা তপস্বিনী ॥ ৪৪ ॥
তরঙ্গিণী তত্ত্বপরা তন্ত্রিকা তন্ত্রবিগ্রহা ।
তপোরূপা তত্ত্বদাত্রী তপঃপ্রীতিপ্রধর্ষিণী ॥ ৪৫ ॥
তন্ত্রা য়ন্ত্রার্চ্চনপরা তলাতলনিবাসিনী ।
তল্পদা ত্বল্পদা কাম্যা স্থিরা স্থিরতরা স্থিতিঃ ॥ ৪৬ ॥
স্থাণুপ্রিয়া স্থপরা স্থিতা স্থানপ্রদায়িনী ।
দিগম্বরা দয়ারূপা দাবাগ্নি দমনীদমা ॥ ৪৭ ॥
দুর্গা দুর্গাপরা দেবী দুষ্টদৈত্যবিনাশিনী ।
দমনপ্রমদা দৈত্যদয়াদানপরায়ণা ॥ ৪৮ ॥
দুর্গার্তিনাশিনী দান্তা দম্ভিনী দম্ভবর্জিতা ।
দিগম্বরপ্রিয়া দম্ভা দৈত্যদম্ভবিদারিণী ॥ ৪৯ ॥
দমনা দশনসৌন্দর্যা দানবেন্দ্রবিনাশিনী ।
দয়া ধরা চ দমনী দর্ব্ভপত্রবিলাসিনী ॥ ৫০ ॥
ধরিণী ধারিণী ধাত্রী ধরাধরধরপ্রিয়া ।
ধরাধরসুতা দেবী সুধর্মা ধর্মচারিণী ॥ ৫১ ॥
ধর্মজ্ঞা ধবলা ধূলা ধনদা ধনবর্দ্ধিনী ।
ধীরা ধীরা ধীরতরা ধীরসিদ্ধিপ্রদায়িনী ॥ ৫২ ॥
ধন্বন্তরিধরাধীরা ধ্যেয়া ধ্যানস্বরূপিণী ।
নারায়ণী নারসিংহী নিত্যানন্দনরোত্তমা ॥ ৫৩ ॥
নক্তা নক্তাবতী নিত্যা নীলজীমূতসন্নিভা ।
নীলাঙ্গী নীলবস্ত্রা চ নীলপর্বতবাসিনী ॥ ৫৪ ॥
সুনীলপুষ্পখচিতা নীলজম্বুসমপ্রভা ।
নিত্যাখ্যা ষোডশী বিদ্যা নিত্যা নিত্যসুখাবহা ॥ ৫৫ ॥
নর্মদা নন্দনানন্দা নন্দানন্দবিবর্দ্ধিনী ।
য়শোদানন্দতনয়া নন্দনোদ্যানবাসিনী ॥ ৫৬ ॥
নাগান্তকা নাগবৃদ্ধা নাগপত্নী চ নাগিনী ।
নমিতাশেষজনতা নমস্কারবতী নমঃ ॥ ৫৭ ॥
পীতাম্বরা পার্বতী চ পীতাম্বরবিভূষিতা ।
পীতমীল্যাম্বরধরা পীতাভা পিঙ্গমূর্দ্ধজা ॥ ৫৮ ॥
পীতপুষ্পার্চ্চনরতা পীতপুষ্পসমর্চ্চিতা ।
পরপ্রভা পিতৃপতিঃ পরসৈন্যবিনাশিনী ॥ ৫৯ ॥
পরমা পরতন্ত্রা চ পরমন্ত্রা পরাত্পরা ।
পরাবিদ্যা পরাসিদ্ধিঃ পরাস্থানপ্রদায়িনী ॥ ৬০ ॥
পুষ্পা পুষ্পবতী নিত্যা পুষ্পমালাবিভূষিতা ।
পুরাতনা পূর্বপরা পরসিদ্ধিপ্রদায়িনী ॥ ৬১ ॥
পীতানিতম্বিনী পীতা পীনোন্নতপয়স্তনী ।
প্রেমাপ্রমধ্যমাশেষা পদ্মপত্রবিলাসিনী ॥ ৬২ ॥
পদ্মাবতী পদ্মনেত্রা পদ্মা পদ্মমুখী পরা ।
পদ্মাসনা পদ্মপ্রিয়া পদ্মরাগস্বরূপিণী ॥ ৬৩ ॥
পাবনী পালিকা পাত্রী পরদা বরদা শিবা ।
প্রেতসংস্থা পরানন্দা পরব্রহ্মস্বরূপুণী ॥ ৬৪ ॥
জিনেশ্বরপ্রিয়া দেবী পশুরক্তরতপ্রিয়া ।
পশুমাংসপ্রিয়া পর্ণা পরামৃতপরায়ণা ॥ ৬৫ ॥
পাশীনী পাশিকা চাপি পশুঘ্নী পশুভাষিণী ।
ফুল্লারবিন্দবদনী ফুল্লোত্পলশরীরিণী ॥ ৬৬ ॥
পরানন্দপ্রদা বীণাপশুপাশবিনাশিনী ।
ফূত্কারা ফুত্পরা ফেণী ফুল্লেন্দীবরলোচনা ॥ ৬৭ ॥
ফট্মন্ত্রা স্ফটিকা স্বাহা স্ফোটা চ ফট্স্বরূপিণী ।
স্ফাটিকা ঘুটিকা ঘোরা স্ফটিকাদ্রিস্বরূপিণী ॥ ৬৮ ॥
বরাঙ্গনা বরধরা বারাহী বাসুকী বরা ।
বিন্দুস্থা বিন্দুনী বাণী বিন্দুচক্রনিবাসিনী ॥ ৬৯ ॥
বিদ্যাধরী বিশালাক্ষী কাশীবাসিজনপ্রিয়া ।
বেদবিদ্যা বিরূপাক্ষী বিশ্বয়ুগ্বহুরূপিণী ॥ ৭০ ॥
ব্রহ্মশক্তির্বিষ্ণুশক্তিঃ পঞ্চবক্ত্রা শিবপ্রিয়া ।
বৈকুণ্ঠবাসিনী দেবী বৈকুণ্ঠপদদায়িনী ॥ ৭১ ॥
ব্রহ্মরূপা বিষ্ণুরূপা পরব্রহ্মমহেশ্বরী ।
ভবপ্রিয়া ভবোদ্ভাবা ভবরূপা ভবোত্তমা ॥ ৭২ ॥
ভবপারা ভবধারা ভাগ্যবত্প্রিয়কারিণী ।
ভদ্রা সুভদ্রা ভবদা শুম্ভদৈত্যবিনাশিনী ॥ ৭৩ ॥
ভবানী ভৈরবী ভীমা ভদ্রকালী সুভদ্রিকা ।
ভগিনী ভগরূপা চ ভগমানা ভগোত্তমা ॥ ৭৪ ॥
ভগপ্রিয়া ভগবতী ভগবাসা ভগাকরা ।
ভগসৃষ্টা ভাগ্যবতী ভগরূপা ভগাসিনী ॥ ৭৫ ॥
ভগলিঙ্গপ্রিয়া দেবী ভগলিঙ্গপরায়ণা ।
ভগলিঙ্গস্বরূপা চ ভগলিঙ্গবিনোদিনী ॥ ৭৬ ॥
ভগলিঙ্গরতা দেবী ভগলিঙ্গনিবাসিনী ।
ভগমালা ভগকলা ভগাধারা ভগাম্বরা ॥ ৭৭ ॥
ভগবেগা ভগাভূষা ভগেন্দ্রা ভাগ্যরূপিণী ।
ভগলিঙ্গাঙ্গসম্ভোগা ভগলিঙ্গাসবাবহা ॥ ৭৮ ॥
ভগলিঙ্গসমাধুর্যা ভগলিঙ্গনিবেশিতা ।
ভগলিঙ্গসুপূজা চ ভগলিঙ্গসমন্বিতা ॥ ৭৯ ॥
ভগলিঙ্গবিরক্তা চ ভগলিঙ্গসমাবৃতা ।
মাধবী মাধবীমান্যা মধুরা মধুমানিনী ॥ ৮০ ॥
মন্দহাসা মহামায়া মোহিনী মহদুত্তমা ।
মহামোহা মহাবিদ্যা মহাঘোরা মহাস্মৃতিঃ ॥ ৮১ ॥
মনস্বিনী মানবতী মোদিনী মধুরাননা ।
মেনিকা মানিনী মান্যা মণিরত্নবিভূষণা ॥ ৮২ ॥
মল্লিকা মৌলিকা মালা মালাধরমদোত্তমা ।
মদনাসুন্দরী মেধা মধুমত্তা মধুপ্রিয়া ॥ ৮৩ ॥
মত্তহংসাসমোন্নাসা মত্তসিংহমহাসনী ।
মহেন্দ্রবল্লভা ভীমা মৌল্যঞ্চ মিথুনাত্মজা ॥ ৮৪ ॥
মহাকাল্যা মহাকালী মহাবুদ্ধির্মহোত্কটা ।
মাহেশ্বরী মহামায়া মহিষাসুরঘাতিনী ॥ ৮৫ ॥
মধুরাকীর্ত্তিমত্তা চ মত্তমাতঙ্গগামিনী ।
মদপ্রিয়া মাংসরতা মত্তয়ুক্কামকারিণী ॥ ৮৬ ॥
মৈথুন্যবল্লভা দেবী মহানন্দা মহ্বোত্সবা ।
মরীচির্মারতির্ম্মায়া মনোবুদ্ধিপ্রদায়িনী ॥ ৮৭ ॥
মোহা মোক্ষা মহালক্ষ্মীর্ম্মহত্পদপ্রদায়িনী ।
য়মরূপা চ য়মুনা জয়ন্তী চ জয়প্রদা ॥ ৮৮ ॥
য়াম্যা য়মবতী য়ুদ্ধা য়দোঃ কুলবিবর্দ্ধিনী ।
রমা রামা রামপত্নী রত্নমালা রতিপ্রিয়া ॥ ৮৯ ॥
রত্নসিংহাসনস্থা চ রত্নাভরণমণ্ডিতা ।
রমণী রমণীয়া চ রত্যারসপরায়ণা ॥ ৯০ ॥
রতানন্দা রতবতী রধূণাঙ্কুলবর্দ্ধিনী ।
রমণারিপরিভ্রাজ্যা রৈধারাধিকরত্নজা ॥ ৯১ ॥
রাবী রসস্বরূপা চ রাত্রিরাজসুখাবহা ।
ঋতুজা ঋতুদা ঋদ্ধা ঋতুরূপা ঋতুপ্রিয়া ॥ ৯২ ॥
রক্তপ্রিয়া রক্তবতী রঙ্গিণী রক্তদন্তিকা ।
লক্ষ্মীর্ল্লজ্জা লতিকা চ লীলালগ্নানিতাক্ষিণী ॥ ৯৩ ॥
লীলা লীলাবতী লোমাহর্ষাহ্লাদনপট্টিকা ।
ব্রহ্মস্থিতা ব্রহ্মরূপা ব্রহ্মণা বেদবন্দিতা ॥ ৯৪ ॥
ব্রহ্মোদ্ভবা ব্রহ্মকলা ব্রহ্মাণী ব্রহ্মবোধিনী ।
বেদাঙ্গনা বেদরূপা বনিতা বিনতা বসা ॥ ৯৫ ॥
বালা চ য়ুবতী বৃদ্ধা ব্রহ্মকর্মপরায়ণা ।
বিন্ধ্যস্থা বিন্ধ্যবাসী চ বিন্দুয়ুগ্বিন্দুভূষণা ॥ ৯৬ ॥
বিদ্যাবতী বেদধারী ব্যাপিকা বর্হিণী কলা ।
বামাচারপ্রিয়া বহ্নির্বামাচারপরায়ণা ॥ ৯৭ ॥
বামাচাররতা দেবী বামদেবপ্রিয়োত্তমা ।
বুদ্ধেন্দ্রিয়া বিবুদ্ধা চ বুদ্ধাচরণমালিনী ॥ ৯৮ ॥
বন্ধমোচনকর্ত্রী চ বারুণা বরুণালয়া ।
শিবা শিবপ্রিয়া শুদ্ধা শুদ্ধাঙ্গী শুক্লবর্ণিকা ॥ ৯৯ ॥
শুক্লপুষ্পপ্রিয়া শুক্লা শিবধর্মপরায়ণা ।
শুক্লস্থা শুক্লিনী শুক্লরূপশুক্লপশুপ্রিয়া ॥ ১০০ ॥
শুক্রস্থা শুক্রিণী শুক্রা শুক্ররূপা চ শুক্রিকা ।
ষণ্মুখী চ ষডঙ্গা চ ষট্চক্রবিনিবাসিনী ॥ ১০১ ॥
ষড্গ্রন্থিয়ুক্তা ষোঢা চ ষণ্মাতা চ ষডাত্মিকা ।
ষডঙ্গয়ুবতী দেবী ষডঙ্গপ্রকৃতির্বশী ॥ ১০২ ॥
ষডাননা ষড্রসা চ ষষ্ঠী ষষ্ঠেশ্বরীপ্রিয়া ।
ষঙ্গবাদা ষোডশী চ ষোঢান্যাসস্বরূপিণী ॥ ১০৩ ॥
ষট্চক্রভেদনকরী ষট্চক্রস্থস্বরূপিণী ।
ষোডশস্বররূপা চ ষণ্মুখী ষড্রদান্বিতা ॥ ১০৪ ॥
সনকাদিস্বরূপা চ শিবধর্মষরায়ণা ।
সিদ্ধা সপ্তস্বরী শুদ্ধা সুরমাতা স্বরোত্তমা ॥ ১০৫ ॥
সিদ্ধবিদ্যা সিধমাতা সিদ্ধা সিদ্ধস্বরূপিণী ।
হরা হরিপ্রিয়া হারা হরিণী হারয়ুক্ তথা ॥ ১০৬ ॥
হরিরূপা হরিধারা হরিণাক্ষী হরিপ্রিয়া ।
হেতুপ্রিয়া হেতুরতা হিতাহিতস্বরূপিণী ॥ ১০৭ ॥
ক্ষমা ক্ষমাবতী ক্ষীতা ক্ষুদ্রঘণ্টাবিভূষণা ।
ক্ষয়ঙ্করী ক্ষিতীশা চ ক্ষীণমধ্যসুশোভনা ॥ ১০৮ ॥
অজানন্তা অপর্ণা চ অহল্যাশেষশায়িনী ।
স্বান্তর্গতা চ সাধূনামন্তরানন্তরূপিণী ॥ ১০৯ ॥
অরূপা অমলা চার্দ্ধা অনন্তগুণশালিনী ।
স্ববিদ্যা বিদ্যকাবিদ্যা বিদ্যা চার্বিন্দলোচনা ॥ ১১০ ॥
অপরাজিতা জাতবেদা অজপা অমরাবতী ।
অল্পা স্বল্পা অনল্পাদ্যা অণিমাসিদ্ধিদায়িনী ॥ ১১১ ॥
অষ্টসিদ্ধিপ্রদা দেবী রূপলক্ষণসংয়্যুতা ।
অরবিন্দমুখা দেবী ভোগসৌখ্যপ্রদায়িনী ॥ ১১২ ॥
আদিবিদ্যা আদিভূতা আদিসিদ্ধিপ্রদায়িনী ।
সীত্কাররূপিণী দেবী সর্বাসনবিভূষিতা ॥ ১১৩ ॥
ইন্দ্রপ্রিয়া চ ইন্দ্রাণী ইন্দ্রপ্রস্থনিবাসিনী ।
ইন্দ্রাক্ষী ইন্দ্রবজ্রা চ ইন্দ্রমদ্যোক্ষণী তথা ॥ ১১৪ ॥
ঈলা কামনিবাসা চ ঈশ্বরীশ্বরবল্লভা ।
জননী চেশ্বরী দীনা ভেদাচেশ্বরকর্মকৃত্ ॥ ১১৫ ॥
উমা কাত্যায়নী ঊর্দ্ধ্বা মীনা চোত্তরবাসিনী ।
উমাপতিপ্রিয়া দেবী শিবা চোঙ্কাররূপিণী ॥ ১১৬ ॥
উরগেন্দ্রশিরোরত্না উরগোরগবল্লভা ।
উদ্যানবাসিনী মালা প্রশস্তমণিভূষণা ॥ ১১৭ ॥
উর্দ্ধ্বদন্তোত্তমাঙ্গী চ উত্তমা চোর্ধ্বকেশিনী ।
উমাসিদ্ধিপ্রদা য়া চ উরগাসনসংস্থিতা ॥ ১১৮ ॥
ঋষিপুত্রী ঋষিচ্ছন্দা ঋদ্ধিসিদ্ধিপ্রদায়িনী ।
উত্সবোত্সবসীমন্তা কামিকা চ গুণান্বিতা ॥ ১১৯ ॥
এলা একারবিদ্যা চ এণীবিদ্যাধরা তথা ।
ওঙ্কারবলয়োপেতা ওঙ্কারপরমা কলা ॥ ১২০ ॥
ওংবদবদবাণী চ ওঙ্কারাক্ষরমণ্ডিতা ।
ঐন্দ্রী কুলিশহস্তা চ ওংলোকপরবাসিনী ॥ ১২১ ॥
ওঙ্কারমধ্যবীজা চ ওংনমোরূপধারিণী ।
প্রব্রহ্মস্বরূপা চ অংশুকাংশুকবল্লভা ॥ ১২২ ॥
ওঙ্কারা অঃফড্মন্ত্রা চ অক্ষাক্ষরবিভূষিতা ।
অমন্ত্রা মন্ত্ররূপা চ পদশোভাসমন্বিতা ॥ ১২৩ ॥
প্রণবোঙ্কাররূপা চ প্রণবোচ্চারভাক্ পুনঃ ।
হ্রীঙ্কাররূপা হ্রীংঙ্কারী বাগ্বীজাক্ষরভূষণা ॥ ১২৪ ॥
হৃল্লেখা সিদ্ধি য়োগা চ হৃত্পদ্মাসনসংস্থিতা ।
বীজাখ্যা নেত্রহৃদয়া হ্রীম্বীজাভুবনেশ্বরী ॥ ১২৫ ॥
ক্লীঙ্কামরাজা ক্লিন্না চ চতুর্বর্গফলপ্রদা ।
ক্লীঙ্ক্লীঙ্ক্লীংরূপিকা দেবী ক্রীঙ্ক্রীঙ্ক্রীংনামধারিণী ॥ ১২৬ ॥
কমলাশক্তিবীজা চ পাশাঙ্কুশবিভূষিতা ।
শ্রীংশ্রীঙ্কারা মহাবিদ্যা শ্রদ্ধা শ্রদ্ধাবতী তথা ॥ ১২৭ ॥
ওং ঐং ক্লীংহ্রীংশ্রীম্পরা চ ক্লীঙ্কারী পরমা কলা ।
হ্রীঙ্ক্লীংশ্রীঙ্কারস্বরূপা সর্বকর্মফলপ্রদা ॥ ১২৮ ॥
সর্বাঢ্যা সর্বদেবী চ সর্বসিদ্ধিপ্রদা তথা ।
সর্বজ্ঞা সর্বশক্তিশ্চ বাগ্বিভূতিপ্রদায়িনী ॥ ১২৯ ॥
সর্বমোক্ষপ্রদা দেবী সর্বভোগপ্রদায়িনী ।
গুণেন্দ্রবল্লভা বামা সর্বশক্তিপ্রদায়িনী ॥ ১৩০ ॥
সর্বানন্দময়ী চৈব সর্বসিদ্ধিপ্রদায়িনী ।
সর্বচক্রেশ্বরী দেবী সর্বসিদ্ধেশ্বরী তথা ॥ ১৩১ ॥
সর্বপ্রিয়ঙ্করী চৈব সর্বসৌখ্যপ্রদায়িনী ।
সর্বানন্দপ্রদা দেবী ব্রহ্মানন্দপ্রদায়িনী ॥ ১৩২ ॥
মনোবাঞ্ছিতদাত্রী চ মনোবৃদ্ধিসমন্বিতা ।
অকারাদি-ক্ষকারান্তা দুর্গা দুর্গার্ত্তিনাশিনী ॥ ১৩৩ ॥
পদ্মনেত্রা সুনেত্রা চ স্বধাস্বাহাবষট্করী ।
স্ববর্গা দেববর্গা চ তবর্গা চ সমন্বিতা ॥ ১৩৪ ॥
অন্তস্স্থা বেশ্মরূপা চ নবদুর্গা নরোত্তমা ।
তত্ত্বসিদ্ধিপ্রদা নীলা তথা নীলপতাকিনী ॥ ১৩৫ ॥
নিত্যরূপা নিশাকারী স্তম্ভিনী মোহিনীতি চ ।
বশঙ্করী তথোচ্চাটী উন্মাদী কর্ষিণীতি চ ॥ ১৩৬ ॥
মাতঙ্গী মধুমত্তা চ অণিমা লঘিমা তথা ।
সিদ্ধা মোক্ষপ্রদা নিত্যা নিত্যানন্দপ্রদায়িনী ॥ ১৩৭ ॥
রক্তাঙ্গী রক্তনেত্রা চ রক্তচন্দনভূষিতা ।
স্বল্পসিদ্ধিস্সুকল্পা চ দিব্যচারণশুক্রভা ॥ ১৩৮ ॥
সঙ্ক্রান্তিস্সর্ববিদ্যা চ সস্যবাসরভূষিতা ।
প্রথমা চ দ্বিতীয়া চ তৃতীয়া চ চতুর্ত্থিকা ॥ ১৩৯ ॥
পঞ্চমী চৈব ষষ্ঠী চ বিশুদ্ধা সপ্তমী তথা ।
অষ্টমী নবমী চৈব দশম্যেকাদশী তথা ॥ ১৪০ ॥
দ্বাদশী ত্রয়োদশী চ চতুর্দ্দশ্যথ পূর্ণিমা ।
আমাবস্যা তথা পূর্বা উত্তরা পরিপূর্ণিমা ॥ ১৪১ ॥
খড্গিনী চক্রিণী ঘোরা গদিনী শূলিনী তথা ।
ভুশুণ্ডী চাপিনী বাণা সর্বায়ুধবিভূষণা ॥ ১৪২ ॥
কুলেশ্বরী কুলবতী কুলাচারপরায়ণা ।
কুলকর্মসুরক্তা চ কুলাচারপ্রবর্দ্ধিনী ॥ ১৪৩ ॥
কীর্তিশ্শ্রীশ্চ রমা রামা ধর্মায়ৈ সততন্নমঃ ।
ক্ষমা ধৃতিঃ স্মৃতির্মেধা কল্পবৃক্ষনিবাসিনী ॥ ১৪৪ ॥
উগ্রা উগ্রপ্রভা গৌরী বেদবিদ্যাবিবোধিনী ।
সাধ্যা সিদ্ধা সুসিদ্ধা চ বিপ্ররূপা তথৈব চ ॥ ১৪৫ ॥
কালী করালী কাল্যা চ কলাদৈত্যবিনাশিনী ।
কৌলিনী কালিকী চৈব ক-চ-ট-ত-পবর্ণিকা ॥ ১৪৬ ॥
জয়িনী জয়য়ুক্তা চ জয়দা জৃম্ভিনী তথা ।
স্রাবিণী দ্রাবিণী দেবী ভরুণ্ডা বিন্ধ্যবাসিনী ॥ ১৪৭ ॥
জ্যোতির্ব্ভূতা চ জয়দা জ্বালামালাসমাকুলা ।
ভিন্না ভিন্নপ্রকাশা চ বিভিন্না ভিন্নরূপিণী ॥ ১৪৮ ॥
অশ্বিনী ভরণী চৈব নক্ষত্রসম্ভবানিলা ।
কাশ্যপী বিনতা খ্যাতা দিতিজাদিতিরেব চ ॥ ১৪৯ ॥
কীর্ত্তিঃ কামপ্রিয়া দেবী কীর্ত্ত্যা কীর্তিবিবর্দ্ধিনী ।
সদ্যোমাংসসমালব্ধা সদ্যশ্ছিন্নাসিশঙ্করা ॥ ১৫০ ॥
দক্ষিণা চোত্তরা পূর্বা পশ্চিমা দিক্ তথৈব চ ।
অগ্নিনৈরৃতিবায়ব্যা ঈশান্যাদিক্ তথা স্মৃতা ॥ ১৫১ ॥
ঊর্ধ্বাঙ্গাধোগতা শ্বেতা কৃষ্ণা রক্তা চ পীতকা ।
চতুর্বর্গা চতুর্বর্ণা চতুর্মাত্রাত্মিকাক্ষরা ॥ ১৫২ ॥
চতুর্মুখী চতুর্বেদা চতুর্বিদ্যা চতুর্মুখা ।
চতুর্গণা চতুর্মাতা চতুর্বর্গফলপ্রদা ॥ ১৫৩ ॥
ধাত্রী বিধাত্রী মিথুনা নারী নায়কবাসিনী ।
সুরামুদা মুদবতী মোদিনী মেনকাত্মজা ॥ ১৫৪ ॥
ঊর্দ্ধ্বকালী সিদ্ধিকালী দক্ষিণাকালিকা শিবা ।
নীল্যা সরস্বতী সাত্বম্বগলা ছিন্নমস্তকা ॥ ১৫৫ ॥
সর্বেশ্বরী সিদ্ধবিদ্যা পরা পরমদেবতা ।
হিঙ্গুলা হিঙ্গুলাঙ্গী চ হিঙ্গুলাধরবাসিনী ॥ ১৫৬ ॥
হিঙ্গুলোত্তমবর্ণাভা হিঙ্গুলাভরণা চ সা ।
জাগ্রতী চ জগন্মাতা জগদীশ্বরবল্লভা ॥ ১৫৭ ॥
জনার্দ্দনপ্রিয়া দেবী জয়য়ুক্তা জয়প্রদা ।
জগদানন্দকরী চ জগদাহ্লাদকারিণী ॥ ১৫৮ ॥
জ্ঞানদানকরী য়জ্ঞা জানকী জনকপ্রিয়া ।
জয়ন্তী জয়দা নিত্যা জ্বলদগ্নিসমপ্রভা ॥ ১৫৯ ॥
বিদ্যাধরা চ বিম্বোষ্ঠী কৈলাসচলবাসিনী ।
বিভবা বডবাগ্নিশ্চ অগ্নিহোত্রফলপ্রদা ॥ ১৬০ ॥
মন্ত্ররূপা পরা দেবী তথৈব গুরুরূপিণী ।
গয়া গঙ্গা গোমতী চ প্রভাসা পুষ্করাপি চ ॥ ১৬১ ॥
বিন্ধ্যাচলরতা দেবী বিন্ধ্যাচলনিবাসিনী ।
বহূ বহুসুন্দরী চ কংসাসুরবিনাশিনী ॥ ১৬২ ॥
শূলিনী শূলহস্তা চ বজ্রা বজ্রহরাপি চ ।
দূর্গা শিবা শান্তিকরী ব্রহ্মাণী ব্রাহ্মণপ্রিয়া ॥ ১৬৩ ॥
সর্বলোকপ্রণেত্রী চ সর্বরোগহরাপি চ ।
মঙ্গলা শোভনা শুদ্ধা নিষ্কলা পরমা কলা ॥ ১৬৪ ॥
বিশ্বেশ্বরী বিশ্বমাতা ললিতা বসিতাননা ।
সদাশিবা উমা ক্ষেমা চণ্ডিকা চণ্ডবিক্রমা ॥ ১৬৫ ॥
সর্বদেবময়ী দেবী সর্বাগমভয়াপহা ।
ব্রহ্মেশবিষ্ণুনমিতা সর্বকল্যাণকারিণী ॥ ১৬৬ ॥
য়োগিনী য়োগমাতা চ য়োগীন্দ্রহৃদয়স্থিতা ।
য়োগিজায়া য়োগবতী য়োগীন্দ্রানন্দয়োগিনী ॥ ১৬৭ ॥
ইন্দ্রাদিনমিতা দেবী ঈশ্বরী চেশ্বরপ্রিয়া ।
বিশুদ্ধিদা ভয়হরা ভক্তদ্বেষিভয়ঙ্করী ॥ ১৬৮ ॥
ভববেষা কামিনী চ ভরুণ্ডা ভয়কারিণী ।
বলভদ্রপ্রিয়াকারা সংসারার্ণবতারিণী ॥ ১৬৯ ॥
পঞ্চভূতা সর্বভূতা বিভূতির্ব্ভূতিধারিণী ।
সিংহবাহা মহামোহা মোহপাশবিনাশিনী ॥ ১৭০ ॥
মন্দুরা মদিরা মুদ্রা মুদ্রামুদ্গরধারিণী ।
সাবিত্রী চ মহাদেবী পরপ্রিয়নিনায়িকা ॥ ১৭১ ॥
য়মদূতী চ পিঙ্গাক্ষী বৈষ্ণবী শঙ্করী তথা ।
চন্দ্রপ্রিয়া চন্দ্ররতা চন্দনারণ্যবাসিনী ॥ ১৭২ ॥
চন্দনেন্দ্রসমায়ুক্তা চণ্ডদৈত্যবিনাশিনী ।
সর্বেশ্বরী য়ক্ষিণী চ কিরাতী রাক্ষসী তথা ॥ ১৭৩ ॥
মহাভোগবতী দেবী মহামোক্ষপ্রদায়িনী ।
বিশ্বহন্ত্রী বিশ্বরূপা বিশ্বসংহারকারিণী ॥ ১৭৪ ॥
ধাত্রী চ সর্বলোকানাং হিতকারণকামিনী ।
কমলা সূক্ষ্মদা দেবী ধাত্রী হরবিনাশিনী ॥ ১৭৫ ॥
সুরেন্দ্রপূজিতা সিদ্ধা মহাতেজোবতীতি চ ।
পরারূপবতী দেবী ত্রৈলোক্যাকর্ষকারিণী ॥ ১৭৬ ॥
ইতি তে কথিতন্দেবি পীতানাম সহস্রকম্ ।
পঠেদ্বা পাঠয়েদ্বাপি সর্বসিদ্ধির্ভবেত্প্রিয়ে ॥ ১৭৭ ॥
ইতি মে বিষ্ণুনা প্রোক্তম্মহাস্তম্ভকরম্পরম্ ।
প্রাতঃ কালে চ মধ্যাহ্নে সন্ধ্যাকালে চ পার্বতি ॥ ১৭৮ ॥
একচিত্তঃ পঠেদেতত্সর্বসিদ্ধির্ব্ভবিষ্যতি ।
একবারম্পঠেদ্যস্তু সর্বপাপক্ষয়ো ভবেত্ ॥ ১৭৯ ॥
দ্বিবারম্প্রপঠেদ্যস্তু বিঘ্নেশ্বরসমো ভবেত্ ।
ত্রিবারম্পঠনাদ্দেবি সর্বং সিদ্ধ্যতি সর্বথা ॥ ১৮০ ॥
স্তবস্যাস্য প্রভাবেণ সাক্ষাদ্ভবতি সুব্রতে ।
মোক্ষার্ত্থী লভতে মোক্ষন্ধনার্থী লভতে ধনম্ ॥ ১৮১ ॥
বিদ্যার্ত্থী লভতে বিদ্যান্তর্কব্যাকরণান্বিতাম্ ।
মহিত্বব্বত্সরান্তাচ্চ শত্রুহানিঃ প্রজায়তে ॥ ১৮২ ॥
ক্ষোণীপতির্বশস্তস্য স্মরণে সদৃশো ভবেত্ ।
য়ঃ পঠেত্সর্বদা ভক্ত্যা শ্রেয়স্তু ভবতি প্রিয়ে ॥ ১৮৩ ॥
গণাধ্যক্ষপ্রতিনিধিঃ কবিকাব্যপরো বরঃ ।
গোপনীয়ম্প্রয়ত্নেন জননীজারবত্সদা ॥ ১৮৪ ॥
হেতুয়ুক্তো ভবেন্নিত্যং শক্তিয়ুক্তঃ সদা ভবেত্ ।
য় ইদম্পঠতে নিত্যং শিবেন সদৃশো ভবেত্ ॥ ১৮৫ ॥
জীবন্ধর্মার্ত্থভোগী স্যান্মৃতো মোক্ষপতির্ব্ভবেত্ ।
সত্যং সত্যম্মহাদেবি সত্যং সত্যন্ন সংশয়ঃ ॥ ১৮৬ ॥
স্তবস্যাস্য প্রভাবেণ দেবেন সহ মোদতে ।
সুচিত্তাশ্চ সুরাস্সর্বে স্তবরাজস্য কীর্ত্তনাত্ ॥ ১৮৭ ॥
পীতাম্বরপরীধানা পীতগন্ধানুলেপনা ।
পরমোদয়কীর্ত্তিঃ স্যাত্পরতস্সুরসুন্দরি ॥ ১৮৮ ॥
ইতি শ্রীউত্কটশম্বরে নাগেন্দ্রপ্রয়াণতন্ত্রে ষোডশসহস্রে
বিষ্ণুশঙ্করসংবাদে পীতাম্বরীসহস্রনামস্তোত্রং সমাপ্তম্ ॥
Also Read 1000 Names of Shri Pitambara:
1000 Names of Parshvanatha | Narasimha Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
