Sahasranamavali Surya Bhagavan Stotram

1000 Names of Sri Surya | Sahasranama Stotram 2 Lyrics in Oriya

Shri Surya Sahasranamastotram 2 Lyrics in Oriya:

॥ ଶ୍ରୀସୂର୍ୟସହସ୍ରନାମସ୍ତୋତ୍ରମ୍ ୨ ॥
ଶ୍ରୀରୁଦ୍ରୟାମଲେ ତନ୍ତ୍ରେ ଶ୍ରୀଦେଵୀରହସ୍ୟେ

ଅଥ ଚତୁସ୍ତ୍ରିଂଶଃ ପଟଲଃ ।

ଶ୍ରୀଭୈରଵ ଉଵାଚ ।
ଦେଵଦେଵି ମହାଦେଵି ସର୍ଵାଭୟଵରପ୍ରଦେ ।
ତ୍ଵଂ ମେ ପ୍ରାଣପ୍ରିୟା ପ୍ରୀତା ଵରଦୋଽହଂ ତଵ ସ୍ଥିତଃ ॥ ୧ ॥

କିଞ୍ଚିତ୍ ପ୍ରାର୍ଥୟ ମେ ପ୍ରେମ୍ଣା ଵକ୍ଷ୍ୟେ ତତ୍ତେ ଦଦାମ୍ୟହମ୍ ।

ଶ୍ରୀଦେଵ୍ୟୁଵାଚ ।
ଭଗଵନ୍ ଦେଵଦେଵେଶ ମହାରୁଦ୍ର ମହେଶ୍ଵର ॥ ୨ ॥

ୟଦି ଦେୟୋ ଵରୋ ମହ୍ୟଂ ଵରୟୋଗ୍ୟାସ୍ମ୍ୟହଂ ୟଦି ।
ଦେଵଦେଵସ୍ୟ ସଵିତୁର୍ଵଦ ନାମସହସ୍ରକମ୍ ॥ ୩ ॥

ଶ୍ରୀଭୈରଵ ଉଵାଚ ।
ଏତଦ୍ଗୁହ୍ୟତମଂ ଦେଵି ସର୍ଵସ୍ଵଂ ମମ ପାର୍ଵତି ।
ରହସ୍ୟଂ ସର୍ଵଦେଵାନାଂ ଦୁର୍ଲଭଂ କାମନାଵହମ୍ ॥ ୪ ॥

ୟୋ ଦେଵୋ ଭଗଵାନ୍ ସୂର୍ୟୋ ଵେଦକର୍ତା ପ୍ରଜାପତିଃ ।
କର୍ମସାକ୍ଷୀ ଜଗଚ୍ଚକ୍ଷୁଃ ସ୍ତୋତୁଂ ତଂ କେନ ଶକ୍ୟତେ ॥ ୫ ॥

ୟସ୍ୟାଦିର୍ମଧ୍ୟମନ୍ତଂ ଚ ସୁରୈରପି ନ ଗମ୍ୟତେ ।
ତସ୍ୟାଦିଦେଵଦେଵସ୍ୟ ସଵିତୁର୍ଜଗଦୀଶିତୁଃ ॥ ୬ ॥

ମନ୍ତ୍ରନାମସହସ୍ରଂ ତେ ଵକ୍ଷ୍ୟେ ସାମ୍ରାଜ୍ୟସିଦ୍ଧିଦମ୍ ।
ସର୍ଵପାପାପହଂ ଦେଵି ତନ୍ତ୍ରଵେଦାଗମୋଦ୍ଧୃତମ୍ ॥ ୭ ॥

ମାଙ୍ଗଲ୍ୟଂ ପୌଷ୍ଟିକଂ ଚୈଵ ରକ୍ଷୋଘ୍ନଂ ପାଵନଂ ମହତ୍ ।
ସର୍ଵମଙ୍ଗଲମାଙ୍ଗଲ୍ୟଂ ସର୍ଵପାପପ୍ରଣାଶନମ୍ ॥ ୮ ॥

ଧନଦଂ ପୁଣ୍ୟଦଂ ପୁଣ୍ୟଂ ଶ୍ରେୟସ୍କରଂ ୟଶସ୍କରମ୍ ।
ଵକ୍ଷ୍ୟାମି ପରମଂ ତତ୍ତ୍ଵଂ ମୂଲଵିଦ୍ୟାତ୍ମକଂ ପରମ୍ ॥ ୯ ॥

ବ୍ରହ୍ମଣୋ ୟତ୍ ପରଂ ବ୍ରହ୍ମ ପରାଣାମପି ୟତ୍ ପରମ୍ ।
ମନ୍ତ୍ରାଣାମପି ୟତ୍ ତତ୍ତ୍ଵଂ ମହସାମପି ୟନ୍ମହଃ ॥ ୧୦ ॥

ଶାନ୍ତାନାମପି ୟଃ ଶାନ୍ତୋ ମନୂନାମପି ୟୋ ମନୁଃ ।
ୟୋଗିନାମପି ୟୋ ୟୋଗୀ ଵେଦାନାଂ ପ୍ରଣଵଶ୍ଚ ୟଃ ॥ ୧୧ ॥

ଗ୍ରହାଣାମପି ୟୋ ଭାସ୍ଵାନ୍ ଦେଵାନାମପି ଵାସଵଃ ।
ତାରାଣାମପି ୟୋ ରାଜା ଵାୟୂନାଂ ଚ ପ୍ରଭଞ୍ଜନଃ ॥ ୧୨ ॥

ଇନ୍ଦ୍ରିୟାଣାମପି ମନୋ ଦେଵୀନାମପି ୟଃ ପରା ।
ନଗାନାମପି ୟୋ ମେରୁଃ ପନ୍ନଗାନାଂ ଚ ଵାସୁକିଃ ॥ ୧୩ ॥

ତେଜସାମପି ୟୋ ଵହ୍ନିଃ କାରଣାନାଂ ଚ ୟଃ ଶିଵଃ ।
ସଵିତା ୟସ୍ତୁ ଗାୟତ୍ର୍ୟାଃ ପରମାତ୍ମେତି କୀର୍ତ୍ୟତେ ॥ ୧୪ ॥

ଵକ୍ଷ୍ୟେ ପରମହଂସସ୍ୟ ତସ୍ୟ ନାମସହସ୍ରକମ୍ ।
ସର୍ଵଦାରିଦ୍ର୍ୟଶମନଂ ସର୍ଵଦୁଃଖଵିନାଶନମ୍ ॥ ୧୫ ॥

ସର୍ଵପାପପ୍ରଶମନଂ ସର୍ଵତୀର୍ଥଫଲପ୍ରଦମ୍ ।
ଜ୍ଵରରୋଗାପମୃତ୍ୟୁଘ୍ନଂ ସଦା ସର୍ଵାଭୟପ୍ରଦମ୍ ॥ ୧୬ ॥

ତତ୍ତ୍ଵଂ ପରମତତ୍ତ୍ଵଂ ଚ ସର୍ଵସାରୋତ୍ତମୋତ୍ତମମ୍ ।
ରାଜପ୍ରସାଦଵିଜୟ-ଲକ୍ଷ୍ମୀଵିଭଵକାରଣମ୍ ॥ ୧୭ ॥

ଆୟୁଷ୍କରଂ ପୁଷ୍ଟିକରଂ ସର୍ଵୟଜ୍ଞଫଲପ୍ରଦମ୍ ।
ମୋହନସ୍ତମ୍ଭନାକୃଷ୍ଟି-ଵଶୀକରଣକାରଣମ୍ ॥ ୧୮ ॥

ଅଦାତଵ୍ୟମଭକ୍ତାୟ ସର୍ଵକାମପ୍ରପୂରକମ୍ ।
ଶୃଣୁଷ୍ଵାଵହିତା ଭୂତ୍ଵା ସୂର୍ୟନାମସହସ୍ରକମ୍ ॥ ୧୯ ॥

ଅସ୍ୟ ଶ୍ରୀସୂର୍ୟନାମସହସ୍ରସ୍ୟ ଶ୍ରୀବ୍ରହ୍ମା ଋଷିଃ । ଗାୟତ୍ର୍ୟଂ ଛନ୍ଦଃ ।
ଶ୍ରୀଭଗଵାନ୍ ସଵିତା ଦେଵତା । ହ୍ରାଂ ବୀଜଂ । ସଃ ଶକ୍ତିଃ । ହ୍ରୀଂ କୀଲକଂ ।
ଧର୍ମାର୍ଥକାମମୋକ୍ଷାର୍ଥେ ସୂର୍ୟସହସ୍ରନାମପାଠେ ଵିନିୟୋଗଃ ॥

ଧ୍ୟାନମ୍ ॥

କଲ୍ପାନ୍ତାନଲକୋଟିଭାସ୍ଵରମୁଖଂ ସିନ୍ଦୂରଧୂଲୀଜପା-
ଵର୍ଣଂ ରତ୍ନକିରୀଟିନଂ ଦ୍ଵିନୟନଂ ଶ୍ଵେତାବ୍ଜମଧ୍ୟାସନମ୍ ।
ନାନାଭୂଷଣଭୂଷିତଂ ସ୍ମିତମୁଖଂ ରକ୍ତାମ୍ବରଂ ଚିନ୍ମୟଂ
ସୂର୍ୟଂ ସ୍ଵର୍ଣସରୋଜରତ୍ନକଲଶୌ ଦୋର୍ଭ୍ୟାଂ ଦଧାନଂ ଭଜେ ॥ ୧ ॥

ପ୍ରତ୍ୟକ୍ଷଦେଵଂ ଵିଶଦଂ ସହସ୍ରମରୀଚିଭିଃ ଶୋଭିତଭୂମିଦେଶମ୍ ।
ସପ୍ତାଶ୍ଵଗଂ ସଦ୍ଧ୍ଵଜହସ୍ତମାଦ୍ୟଂ ଦେଵଂ ଭଜେଽହଂ ମିହିରଂ ହୃଦବ୍ଜେ ॥ ୨ ॥

ଓଂହ୍ରାଂହ୍ରୀଂସଃହଂସଃସୋହଂ ସଵିତା ଭାସ୍କରୋ ଭଗଃ ।
ଭଗଵାନ୍ ସର୍ଵଲୋକେଶୋ ଭୂତେଶୋ ଭୂତଭାଵନଃ ॥ ୩ ॥

ଭୂତାତ୍ମା ସୃଷ୍ଟିକୃତ୍ ସ୍ରଷ୍ଟା କର୍ତା ହର୍ତା ଜଗତ୍ପତିଃ ।
ଆଦିତ୍ୟୋ ଵରଦୋ ଵୀରୋ ଵୀରଲୋ ଵିଶ୍ଵଦୀପନଃ ॥ ୪ ॥

ଵିଶ୍ଵକୃଦ୍ ଵିଶ୍ଵହୃଦ୍ ଭକ୍ତୋ ଭୋକ୍ତା ଭୀମୋଽଭୟାପହଃ ।
ଵିଶ୍ଵାତ୍ମା ପୁରୁଷଃ ସାକ୍ଷୀ ପରଂ ବ୍ରହ୍ମ ପରାତ୍ ପରଃ ॥ ୫ ॥

ପ୍ରତାପଵାନ୍ ଵିଶ୍ଵୟୋନିର୍ଵିଶ୍ଵେଶୋ ଵିଶ୍ଵତୋମୁଖଃ ।
କାମୀ ୟୋଗୀ ମହାବୁଦ୍ଧିର୍ମନସ୍ଵୀ ମନୁରଵ୍ୟୟଃ ॥ ୬ ॥

ପ୍ରଜାପତିର୍ଵିଶ୍ଵଵନ୍ଦ୍ୟୋ ଵନ୍ଦିତୋ ଭୁଵନେଶ୍ଵରଃ ।
ଭୂତଭଵ୍ୟଭଵିଷ୍ୟାତ୍ମା ତତ୍ତ୍ଵାତ୍ମା ଜ୍ଞାନଵାନ୍ ଗୁଣୀ ॥ ୭ ॥

ସାତ୍ତ୍ଵିକୋ ରାଜସସ୍ତାମସ୍ତମଵୀ କରୁଣାନିଧିଃ ।
ସହସ୍ରକିରଣୋ ଭାସ୍ଵାନ୍ ଭାର୍ଗଵୋ ଭୃଗୁରୀଶ୍ଵରଃ ॥ ୮ ॥

ନିର୍ଗୁଣୋ ନିର୍ମମୋ ନିତ୍ୟୋ ନିତ୍ୟାନନ୍ଦୋ ନିରାଶ୍ରୟଃ ।
ତପସ୍ଵୀ କାଲକୃତ୍ କାଲଃ କମନୀୟତନୁଃ କୃଶଃ ॥ ୯ ॥

ଦୁର୍ଦର୍ଶଃ ସୁଦଶୋ ଦାଶୋ ଦୀନବନ୍ଧୁର୍ଦୟାକରଃ ।
ଦ୍ଵିଭୁଜୋଽଷ୍ଟଭୁଜୋ ଧୀରୋ ଦଶବାହୁର୍ଦଶାତିଗଃ ॥ ୧୦ ॥

ଦଶାଂଶଫଲଦୋ ଵିଷ୍ଣୁର୍ଜିଗୀଷୁର୍ଜୟଵାଞ୍ଜୟୀ ।
ଜଟିଲୋ ନିର୍ଭୟୋ ଭାନୁଃ ପଦ୍ମହସ୍ତଃ କୁଶୀରକଃ ॥ ୧୧ ॥

ସମାହିତଗତିର୍ଧାତା ଵିଧାତା କୃତମଙ୍ଗଲଃ ।
ମାର୍ତଣ୍ଡୋ ଲୋକଧୃତ୍ ତ୍ରାତା ରୁଦ୍ରୋ ଭଦ୍ରପ୍ରଦଃ ପ୍ରଭୁଃ ॥ ୧୨ ॥

ଅରାତିଶମନଃ ଶାନ୍ତଃ ଶଙ୍କରଃ କମଲାସନଃ ।
ଅଵିଚିନ୍ତ୍ୟଵପୁଃ (୧୦୦) ଶ୍ରେଷ୍ଠୋ ମହାଚୀନକ୍ରମେଶ୍ଵରଃ ॥ ୧୩ ॥

ମହାର୍ତିଦମନୋ ଦାନ୍ତୋ ମହାମୋହହରୋ ହରିଃ ।
ନିୟତାତ୍ମା ଚ କାଲେଶୋ ଦିନେଶୋ ଭକ୍ତଵତ୍ସଲଃ ॥ ୧୪ ॥

କଲ୍ୟାଣକାରୀ କମଠକର୍କଶଃ କାମଵଲ୍ଲଭଃ ।
ଵ୍ୟୋମଚାରୀ ମହାନ୍ ସତ୍ୟଃ ଶମ୍ଭୁରମ୍ଭୋଜଵଲ୍ଲଭଃ ॥ ୧୫ ॥

ସାମଗଃ ପଞ୍ଚମୋ ଦ୍ରଵ୍ୟୋ ଧ୍ରୁଵୋ ଦୀନଜନପ୍ରିୟଃ ।
ତ୍ରିଜଟୋ ରକ୍ତଵାହଶ୍ଚ ରକ୍ତଵସ୍ତ୍ରୋ ରତିପ୍ରିୟଃ ॥ ୧୬ ॥

କାଲୟୋଗୀ ମହାନାଦୋ ନିଶ୍ଚଲୋ ଦୃଶ୍ୟରୂପଧୃକ୍ ।
ଗମ୍ଭୀରଘୋଷୋ ନିର୍ଘୋଷୋ ଘଟହସ୍ତୋ ମହୋମୟଃ ॥ ୧୭ ॥

ରକ୍ତାମ୍ବରଧରୋ ରକ୍ତୋ ରକ୍ତମାଲ୍ୟାନୁଲେପନଃ ।
ସହସ୍ରହସ୍ତୋ ଵିଜୟୋ ହରିଗାମୀ ହରୀଶ୍ଵରଃ ॥ ୧୮ ॥

ମୁଣ୍ଡଃ କୁଣ୍ଡୀ ଭୁଜଙ୍ଗେଶୋ ରଥୀ ସୁରଥପୂଜିତଃ ।
ନ୍ୟଗ୍ରୋଧଵାସୀ ନ୍ୟଗ୍ରୋଧୋ ଵୃକ୍ଷକର୍ଣଃ କୁଲନ୍ଧରଃ ॥ ୧୯ ॥

ଶିଖୀ ଚଣ୍ଡୀ ଜଟୀ ଜ୍ଵାଲୀ ଜ୍ଵାଲାତେଜୋମୟୋ ଵିଭୁଃ ।
ହୈମୋ ହେମକରୋ ହାରୀ ହରିଦ୍ରଲାସନସ୍ଥିତଃ ॥ ୨୦ ॥

ହରିଦ୍ଶ୍ଵୋ ଜଗଦ୍ଵାସୀ ଜଗତାଂ ପତିରିଙ୍ଗିଲଃ ।
ଵିରୋଚନୋ ଵିଲାସୀ ଚ ଵିରୂପାକ୍ଷୋ ଵିକର୍ତନଃ ॥ ୨୧ ॥

ଵିନାୟକୋ ଵିଭାସଶ୍ଚ ଭାସୋ ଭାସାଂ ପତିଃ ପ୍ରଭୁଃ ।
ମତିମାନ୍ ରତିମାନ୍ ସ୍ଵକ୍ଷୋ ଵିଶାଲାକ୍ଷୋ ଵିଶାମ୍ପତିଃ ॥ ୨୨ ॥

ବାଲରୂପୋ ଗିରିଚରୋ ଗୀର୍ପତିର୍ଗୋମତୀପତିଃ ।
ଗଙ୍ଗାଧରୋ ଗଣାଧ୍ୟକ୍ଷୋ ଗଣସେଵ୍ୟୋ ଗଣେଶ୍ଵରଃ ॥ ୨୩ ॥

ଗିରୀଶନୟନାଵାସୀ ସର୍ଵଵାସୀ ସତୀପ୍ରିୟଃ ।
ସତ୍ୟାତ୍ମକଃ ସତ୍ୟଧରଃ ସତ୍ୟସନ୍ଧଃ ସହସ୍ରଗୁଃ ॥ ୨୪ ॥

ଅପାରମହିମା ମୁକ୍ତୋ ମୁକ୍ତିଦୋ ମୋକ୍ଷକାମଦଃ ।
ମୂର୍ତିମାନ୍ ( ୨୦୦) ଦୁର୍ଧରୋଽମୂର୍ତିସ୍ତୁଟିରୂପୋ ଲଵାତ୍ମକଃ ॥ ୨୫ ॥

ପ୍ରାଣେଶୋ ଵ୍ୟାନଦୋଽପାନସମାନୋଦାନରୂପଵାନ୍ ।
ଚଷକୋ ଘଟିକାରୂପୋ ମୁହୂର୍ତୋ ଦିନରୂପଵାନ୍ ॥ ୨୬ ॥

ପକ୍ଷୋ ମାସ ଋତୁର୍ଵର୍ଷା ଦିନକାଲେଶ୍ଵରେଶ୍ଵରଃ ।
ଅୟନଂ ୟୁଗରୂପଶ୍ଚ କୃତଂ ତ୍ରେତାୟୁଗସ୍ତ୍ରିପାତ୍ ॥ ୨୭ ॥

ଦ୍ଵାପରଶ୍ଚ କଲିଃ କାଲଃ କାଲାତ୍ମା କଲିନାଶନଃ ।
ମନ୍ଵନ୍ତରାତ୍ମକୋ ଦେଵଃ ଶକ୍ରସ୍ତ୍ରିଭୁଵନେଶ୍ଵରଃ ॥ ୨୮ ॥

ଵାସଵୋଽଗ୍ନିର୍ୟମୋ ରକ୍ଷୋ ଵରୁଣୋ ୟାଦସାଂ ପତିଃ ।
ଵାୟୁର୍ଵୈଶ୍ରଵଣଂ ଶୈଵ୍ୟୋ ଗିରିଜୋ ଜଲଜାସନଃ ॥ ୨୩ ॥

ଅନନ୍ତୋଽନନ୍ତମହିମା ପରମେଷ୍ଠୀ ଗତଜ୍ଵରଃ ।
କଲ୍ପାନ୍ତକଲନଃ କ୍ରୂରଃ କାଲାଗ୍ନିଃ କାଲସୂଦନଃ ॥ ୩୦ ॥

ମହାପ୍ରଲୟକୃତ୍ କୃତ୍ୟଃ କୁତ୍ୟାଶୀର୍ୟୁଗଵର୍ତନଃ ।
କାଲାଵର୍ତୋ ୟୁଗଧରୋ ୟୁଗାଦିଃ ଶହକେଶ୍ଵରଃ ॥ ୩୧ ॥

ଆକାଶନିଧିରୂପଶ୍ଚ ସର୍ଵକାଲପ୍ରଵର୍ତକଃ ।
ଅଚିନ୍ତ୍ୟଃ ସୁବଲୋ ବାଲୋ ବଲାକାଵଲ୍ଲଭୋ ଵରଃ ॥ ୩୨ ॥

ଵରଦୋ ଵୀର୍ୟଦୋ ଵାଗ୍ମୀ ଵାକ୍ପତିର୍ଵାଗ୍ଵିଲାସଦଃ ।
ସାଙ୍ଖ୍ୟେଶ୍ଵରୋ ଵେଦଗମ୍ୟୋ ମନ୍ତ୍ରେଶସ୍ତନ୍ତ୍ରନାୟକଃ ॥ ୩୩ ॥

କୁଲାଚାରପରୋ ନୁତ୍ୟୋ ନୁତିତୁଷ୍ଟୋ ନୁତିପ୍ରିୟଃ ।
ଅଲସସ୍ତୁଲସୀସେଵ୍ୟସ୍ତୁଷ୍ଟା ରୋଗନିଵର୍ହଣଃ ॥ ୩୪ ॥

ପ୍ରସ୍କନ୍ଦନୋ ଵିଭାଗଶ୍ଚ ନୀରାଗୋ ଦଶଦିକ୍ପତିଃ ।
ଵୈରାଗ୍ୟଦୋ ଵିମାନସ୍ଥୋ ରତ୍ନକୁମ୍ଭଧରାୟୁଧଃ ॥ ୩୫ ॥

ମହାପାଦୋ ମହାହସ୍ତୋ ମହାକାୟୋ ମହାଶୟଃ ।
ଋଗ୍ୟଜୁଃସାମରୂପଶ୍ଚ ତ୍ଵଷ୍ଟାଥର୍ଵଣଶାଖିଲଃ ॥ ୩୬ ॥

ସହସ୍ରଶାଖୀ ସଦ୍ଵୃକ୍ଷୋ ମହାକଲ୍ପପ୍ରିୟଃ ପୁମାନ୍ ।
କଲ୍ପଵୃକ୍ଷଶ୍ଚ ମନ୍ଦାରୋ ( ୩୦୦) ମନ୍ଦାରାଚଲଶୋଭନଃ ॥ ୩୭ ॥

ମେରୁର୍ହିମାଲୟୋ ମାଲୀ ମଲୟୋ ମଲୟଦ୍ରୁମଃ ।
ସନ୍ତାନକୁସୁମଚ୍ଛନ୍ନଃ ସନ୍ତାନଫଲଦୋ ଵିରାଟ୍ ॥ ୩୮ ॥

କ୍ଷୀରାମ୍ଭୋଧିର୍ଘୃତାମ୍ଭୋଧିର୍ଜଲଧିଃ କ୍ଲେଶନାଶନଃ ।
ରତ୍ନାକରୋ ମହାମାନ୍ୟୋ ଵୈଣ୍ୟୋ ଵେଣୁଧରୋ ଵଣିକ୍ ॥ ୩୯ ॥

ଵସନ୍ତୋ ମାରସାମନ୍ତୋ ଗ୍ରୀଷ୍ମଃ କଲ୍ମଷନାଶନଃ ।
ଵର୍ଷାକାଲୋ ଵର୍ଷପତିଃ ଶରଦମ୍ଭୋଜଵଲ୍ଲଭଃ ॥ ୪୦ ॥

ହେମନ୍ତୋ ହେମକେୟୂରଃ ଶିଶିରଃ ଶିଶୁଵୀର୍ୟଦଃ ।
ସୁମତିଃ ସୁଗତିଃ ସାଧୁର୍ଵିଷ୍ଣୁଃ ସାମ୍ବୋଽମ୍ବିକାସୁତଃ ॥ ୪୧ ॥

ସାରଗ୍ରୀଵୋ ମହାରାଜଃ ସୁନନ୍ଦୋ ନନ୍ଦିସେଵିତଃ ।
ସୁମେରୁଶିଖରାଵାସୀ ସପ୍ତପାତାଲଗୋଚରଃ ॥ ୪୨ ॥

ଆକାଶଚାରୀ ନିତ୍ୟାତ୍ମା ଵିଭୁତ୍ଵଵିଜୟପ୍ରଦଃ ।
କୁଲକାନ୍ତଃ କୁଲାଦ୍ରୀଶୋ ଵିନୟୀ ଵିଜୟୀ ଵିୟତ୍ ॥ ୪୩ ॥

ଵିଶ୍ଵମ୍ଭରା ଵିୟଚ୍ଚାରୀ ଵିୟଦ୍ରୂପୋ ଵିୟଦ୍ରଥଃ ।
ସୁରଥଃ ସୁଗତସ୍ତୁତ୍ୟୋ ଵେଣୁଵାଦନତତ୍ପରଃ ॥ ୪୪ ॥

ଗୋପାଲୋ ଗୋମୟୋ ଗୋପ୍ତା ପ୍ରତିଷ୍ଠାୟୀ ପ୍ରଜାପତିଃ ।
ଆଵେଦନୀୟୋ ଵେଦାକ୍ଷୋ ମହାଦିଵ୍ୟଵପୁଃ ସୁରାଟ୍ ॥ ୪୫ ॥

ନିର୍ଜୀଵୋ ଜୀଵନୋ ମନ୍ତ୍ରୀ ମହାର୍ଣଵନିନାଦଭୃତ୍ ।
ଵସୁରାଵର୍ତନୋ ନିତ୍ୟଃ ସର୍ଵାମ୍ନାୟପ୍ରଭୁଃ ସୁଧୀଃ ॥ ୪୬ ॥

ନ୍ୟାୟନିର୍ଵାପଣଃ ଶୂଲୀ କପାଲୀ ପଦ୍ମମଧ୍ୟଗଃ ।
ତ୍ରିକୋଣନିଲୟଶ୍ଚେତ୍ୟୋ ବିନ୍ଦୁମଣ୍ଡଲମଧ୍ୟଗଃ ॥ ୪୭ ॥

ବହୁମାଲୋ ମହାମାଲୋ ଦିଵ୍ୟମାଲାଧରୋ ଜପଃ ।
ଜପାକୁସୁମସଙ୍କାଶୋ ଜପପୂଜାଫଲପ୍ରଦଃ ॥ ୪୮ ॥

ସହସ୍ରମୂର୍ଧା ଦେଵେନ୍ଦ୍ରଃ ସହସ୍ରନୟନୋ ରଵିଃ ।
ସର୍ଵତତ୍ତ୍ଵାଶ୍ରୟୋ ବ୍ରଧ୍ନୋ ଵୀରଵନ୍ଦ୍ୟୋ ଵିଭାଵସୁଃ ॥ ୪୯ ॥

ଵିଶ୍ଵାଵସୁର୍ଵସୁପତିର୍ଵସୁନାଥୋ ଵିସର୍ଗଵାନ୍ ।
ଆଦିରାଦିତ୍ୟଲୋକେଶଃ ସର୍ଵଗାମୀ (୪୦୦) କଲାଶ୍ରୟଃ ॥ ୫୦ ॥

ଭୋଗେଶୋ ଦେଵଦେଵେନ୍ଦ୍ରୋ ନରେନ୍ଦ୍ରୋ ହଵ୍ୟଵାହନଃ ।
ଵିଦ୍ୟାଧରେଶୋ ଵିଦ୍ୟେଶୋ ୟକ୍ଷେଶୋ ରକ୍ଷଣୋ ଗୁରୁଃ ॥ ୫୧ ॥

ରକ୍ଷଃକୁଲୈକଵରଦୋ ଗନ୍ଧର୍ଵକୁଲପୂଜିତଃ ।
ଅପ୍ସରୋଵନ୍ଦିତୋଽଜୟ୍ୟୋ ଜେତା ଦୈତ୍ୟନିଵର୍ହଣଃ ॥ ୫୨ ॥

ଗୁହ୍ୟକେଶଃ ପିଶାଚେଶଃ କିନ୍ନରୀପୂଜିତଃ କୁଜଃ ।
ସିଦ୍ଧସେଵ୍ୟଃ ସମାମ୍ନାୟଃ ସାଧୁସେଵ୍ୟଃ ସରିତ୍ପତିଃ ॥ ୫୩ ॥

ଲଲାଟାକ୍ଷୋ ଵିଶ୍ଵଦେହୋ ନିୟମୀ ନିୟତେନ୍ଦ୍ରିୟଃ ।
ଅର୍କୋଽର୍କକାନ୍ତରତ୍ରେଶୋଽନନ୍ତବାହୁରଲୋପକଃ ॥ ୫୪ ॥

ଅଲିପାତ୍ରଧରୋଽନଙ୍ଗୋଽପ୍ୟମ୍ବରେଶୋଽମ୍ବରାଶ୍ରୟଃ ।
ଅକାରମାତୃକାନାଥୋ ଦେଵାନାମାଦିରାକୃତିଃ ॥ ୫୫ ॥

ଆରୋଗ୍ୟକାରୀ ଚାନନ୍ଦଵିଗ୍ରହୋ ନିଗ୍ରହୋ ଗ୍ରହଃ ।
ଆଲୋକକୃତ୍ ତଥାଦିତ୍ୟୋ ଵୀରାଦିତ୍ୟଃ ପ୍ରଜାଧିପଃ ॥ ୫୬ ॥

ଆକାଶରୂପଃ ସ୍ଵାକାର ଇନ୍ଦ୍ରାଦିସୁରପୂଜିତଃ ।
ଇନ୍ଦିରାପୂଜିତଶ୍ଚେନ୍ଦୁରିନ୍ଦ୍ରଲୋକାଶ୍ରୟସ୍ତ୍ଵିନଃ ॥ ୫୭ ॥

ଈଶାନ ଈଶ୍ଵରଶ୍ଚନ୍ଦ୍ର ଈଶ ଈକାରଵଲ୍ଲଭଃ ।
ଉନ୍ନତାସ୍ୟୋଽପ୍ୟୁରୁଵପୁରୁନ୍ନତାଦ୍ରିଚରୋ ଗୁରୁଃ ॥ ୫୮ ॥

ଉତ୍ପଲୋଽପ୍ୟୁଚ୍ଚଲତ୍କେତୁରୁଚ୍ଚୈର୍ହୟଗତିଃ ସୁଖୀ ।
ଉକାରାକାରସୁଖିତସ୍ତଥୋଷ୍ମା ନିଧିରୂଷଣଃ ॥ ୫୯ ॥

ଅନୂରୁସାରଥିଶ୍ଚୋଷ୍ଣଭାନୁରୂକାରଵଲ୍ଲଭଃ ।
ଋଣହର୍ତା ୠଲିହସ୍ତ ଋୠଭୂଷଣଭୂଷିତଃ ॥ ୬୦ ॥

ଲୃପ୍ତାଙ୍ଗ ଲୄମନୁସ୍ଥାୟୀ ଲୃଲୄଗଣ୍ଡୟୁଗୋଜ୍ଜ୍ଵଲଃ ।
ଏଣାଙ୍କାମୃତଦଶ୍ଚୀନପଟ୍ଟଭୃଦ୍ ବହୁଗୋଚରଃ ॥ ୬୧ ॥

ଏକଚକ୍ରଧରଶ୍ଚୈକୋଽନେକଚକ୍ଷୁସ୍ତଥୈକ୍ୟଦଃ ।
ଏକାରବୀଜରମଣ ଏଐଓଷ୍ଠାମୃତାକରଃ ॥ ୬୨ ॥

ଓଙ୍କାରକାରଣଂ ବ୍ରହ୍ମ ଔକାରୌଚିତ୍ୟମଣ୍ଡନଃ ।
ଓଔଦନ୍ତାଲିରହିତୋ ମହିତୋ ମହତାଂ ପତିଃ ॥ ୬୩ ॥

ଅଂଵିଦ୍ୟାଭୂଷଣୋ ଭୂଷ୍ୟୋ ଲକ୍ଷ୍ମୀଶୋଽମ୍ବୀଜରୂପଵାନ୍ ।
ଅଃସ୍ଵରୂପଃ (୫୦୦) ସ୍ଵରମୟଃ ସର୍ଵସ୍ଵରପରାତ୍ମକଃ ॥ ୬୪ ॥

ଅଂଅଃସ୍ଵରୂପମନ୍ତ୍ରାଙ୍ଗଃ କଲିକାଲନିଵର୍ତକଃ ।
କର୍ମୈକଵରଦଃ କର୍ମସାକ୍ଷୀ କଲ୍ମଷନାଶନଃ ॥ ୬୫ ॥

କଚଧ୍ଵଂସୀ ଚ କପିଲଃ କନକାଚଲଚାରକଃ ।
କାନ୍ତଃ କାମଃ କପିଃ କ୍ରୂରଃ କୀରଃ କେଶନିସୂଦନଃ ॥ ୬୬ ॥

କୃଷ୍ଣଃ କାପାଲିକଃ କୁବ୍ଜଃ କମଲାଶ୍ରୟଣଃ କୁଲୀ ।
କପାଲମୋଚକଃ କାଶଃ କାଶ୍ମୀରଘନସାରଭୃତ୍ ॥ ୬୭ ॥

କୂଜତ୍କିନ୍ନରଗୀତେଷ୍ଟଃ କୁରୁରାଜଃ କୁଲନ୍ଧରଃ ।
କୁଵାସୀ କୁଲକୌଲେଶଃ କକାରାକ୍ଷରମଣ୍ଡନଃ ॥ ୬୮ ॥

ଖଵାସୀ ଖେଟକେଶାନଃ ଖଙ୍ଗମୁଣ୍ଡଧରଃ ଖଗଃ ।
ଖଗେଶ୍ଵରଶ୍ଚ ଖଚରଃ ଖେଚରୀଗଣସେଵିତଃ ॥ ୬୯ ॥

ଖରାଂଶୁଃ ଖେଟକଧରଃ ଖଲହର୍ତା ଖଵର୍ଣକଃ ।
ଗନ୍ତା ଗୀତପ୍ରିୟୋ ଗେୟୋ ଗୟାଵାସୀ ଗଣାଶ୍ରୟଃ ॥ ୭୦ ॥

ଗୁଣାତୀତୋ ଗୋଲଗତିର୍ଗୁଚ୍ଛଲୋ ଗୁଣିସେଵିତଃ ।
ଗଦାଧରୋ ଗଦହରୋ ଗାଙ୍ଗେୟଵରଦଃ ପ୍ରଗୀ ॥ ୭୧ ॥

ଗିଙ୍ଗିଲୋ ଗଟିଲୋ ଗାନ୍ତୋ ଗକାରାକ୍ଷରଭାସ୍କରଃ
ଘୃଣିମାନ୍ ଘୁର୍ଘୁରାରାଵୋ ଘଣ୍ଟାହସ୍ତୋ ଘଟାକରଃ ॥ ୭୨ ॥

ଘନଚ୍ଛନ୍ନୋ ଘନଗତିର୍ଘନଵାହନତର୍ପିତଃ ।
ଙାନ୍ତୋ ଙେଶୋ ଙକାରାଙ୍ଗଶ୍ଚନ୍ଦ୍ରକୁଙ୍କୁମଵାସିତଃ ॥ ୭୩ ॥

ଚନ୍ଦ୍ରାଶ୍ରୟଶ୍ଚନ୍ଦ୍ରଧରୋଽଚ୍ୟୁତଶ୍ଚମ୍ପକସନ୍ନିଭଃ ।
ଚାମୀକରପ୍ରଭଶ୍ଚଣ୍ଡଭାନୁଶ୍ଚଣ୍ଡେଶଵଲ୍ଲଭଃ ॥ ୭୪ ॥

ଚଞ୍ଚଚ୍ଚକୋରକୋକେଷ୍ଟଶ୍ଚପଲଶ୍ଚପଲାଶ୍ରୟଃ ।
ଚଲତ୍ପତାକଶ୍ଚଣ୍ଡାଦ୍ରିଶ୍ଚୀଵରୈକଧରୋଽଚରଃ ॥ ୭୫ ॥

ଚିତ୍କଲାଵର୍ଧିତଶ୍ଚିନ୍ତ୍ୟଶ୍ଚିନ୍ତାଧ୍ଵଂସୀ ଚଵର୍ଣଵାନ୍ ।
ଛତ୍ରଭୃଚ୍ଛଲହୃଚ୍ଛନ୍ଦଚ୍ଛୁରିକାଚ୍ଛିନ୍ନଵିଗ୍ରହଃ ॥ ୭୬ ॥

ଜାମ୍ବୂନଦାଙ୍ଗଦୋଽଜାତୋ ଜିନେନ୍ଦ୍ରୋ ଜମ୍ବୁଵଲ୍ଲଭଃ ।
ଜମ୍ଵାରିର୍ଜଙ୍ଗିଟୋ ଜଙ୍ଗୀ ଜନଲୋକତମୋପହଃ ॥ ୭୭ ॥

ଜୟକାରୀ (୬୦୦) ଜଗଦ୍ଧର୍ତା ଜରାମୃତ୍ୟୁଵିନାଶନଃ ।
ଜଗତ୍ତ୍ରାତା ଜଗଦ୍ଧାତା ଜଗଦ୍ଧ୍ୟେୟୋ ଜଗନ୍ନିଧିଃ ॥ ୭୮ ॥

ଜଗତ୍ସାକ୍ଷୀ ଜଗଚ୍ଚକ୍ଷୁର୍ଜଗନ୍ନାଥପ୍ରିୟୋଽଜିତଃ ।
ଜକାରାକାରମୁକୁଟୋ ଝଞ୍ଜାଛନ୍ନାକୃତିର୍ଝଟଃ ॥ ୭୯ ॥

ଝିଲ୍ଲୀଶ୍ଵରୋ ଝକାରେଶୋ ଝଞ୍ଜାଙ୍ଗୁଲିକରାମ୍ବୁଜଃ ।
ଝଞାକ୍ଷରାଞ୍ଚିତଷ୍ଟଙ୍କଷ୍ଟିଟ୍ଟିଭାସନସଂସ୍ଥିତଃ ॥ ୮୦ ॥

ଟୀତ୍କାରଷ୍ଟଙ୍କଧାରୀ ଚ ଠଃସ୍ଵରୂପଷ୍ଠଠାଧିପଃ ।
ଡମ୍ଭରୋ ଡାମରୁର୍ଡିଣ୍ଡୀ ଡାମରୀଶୋ ଡଲାକୃତିଃ ॥ ୮୧ ॥

ଡାକିନୀସେଵିତୋ ଡାଢୀ ଡଢଗୁଲ୍ଫାଙ୍ଗୁଲିପ୍ରଭଃ ।
ଣେଶପ୍ରିୟୋ ଣଵର୍ଣେଶୋ ଣକାରପଦପଙ୍କଜଃ ॥ ୮୨ ॥

ତାରାଧିପେଶ୍ଵରସ୍ତଥ୍ୟସ୍ତନ୍ତ୍ରୀଵାଦନତତ୍ପରଃ ।
ତ୍ରିପୁରେଶସ୍ତ୍ରିନେତ୍ରେଶସ୍ତ୍ରୟୀତନୁରଧୋକ୍ଷଜଃ ॥ ୮୩ ॥

ତାମସ୍ତାମରସେଷ୍ଟଶ୍ଚ ତମୋହର୍ତା ତମୋରିପୁଃ ।
ତନ୍ଦ୍ରାହର୍ତା ତମୋରୂପସ୍ତପସାଂ ଫଲଦାୟକଃ ॥ ୮୪ ॥

ତୁଟ୍ୟାଦିକଲନାକାନ୍ତସ୍ତକାରାକ୍ଷରଭୂଷଣଃ ।
ସ୍ଥାଣୁସ୍ଥଲୀସ୍ଥିତୋ ନିତ୍ୟଂ ସ୍ଥଵିରଃ ସ୍ଥଣ୍ଡିଲ ସ୍ଥୁଲଃ ॥ ୮୫ ॥

ଥକାରଜାନୁରଧ୍ୟାତ୍ମା ଦେଵନାୟକନାୟକଃ ।
ଦୁର୍ଜୟୋ ଦୁଃଖହା ଦାତା ଦାରିଦ୍ର୍ୟଚ୍ଛେଦନୋ ଦମୀ ॥ ୮୬ ॥

ଦୌର୍ଭାଗ୍ୟହର୍ତା ଦେଵେନ୍ଦ୍ରୋ ଦ୍ଵାଦଶାରାବ୍ଜମଧ୍ୟଗଃ ।
ଦ୍ଵାଦଶାନ୍ତୈକଵସତିର୍ଦ୍ଵାଦଶାତ୍ମା ଦିଵସ୍ପତିଃ ॥ ୮୭ ॥

ଦୁର୍ଗମୋ ଦୈତ୍ୟଶମନୋ ଦୂରଗୋ ଦୁରତିକ୍ରମଃ ।
ଦୁର୍ଧ୍ୟେୟୋ ଦୁଷ୍ଟଵଂଶଘ୍ନୋ ଦୟାନାଥୋ ଦୟାକୁଲଃ ॥ ୮୮ ॥

ଦାମୋଦରୋ ଦୀଧିତିମାନ୍ ଦକାରାକ୍ଷରମାତୃକଃ ।
ଧର୍ମବନ୍ଧୁର୍ଧର୍ମନିଧିର୍ଧର୍ମରାଜୋ ଧନପ୍ରଦଃ ॥ ୮୯ ॥

ଧନଦେଷ୍ଟୋ ଧନାଧ୍ୟକ୍ଷୋ ଧରାଦର୍ଶୋ ଧୁରନ୍ଧରଃ ।
ଧୂର୍ଜଟୀକ୍ଷଣଵାସୀ ଚ ଧର୍ମକ୍ଷେତ୍ରୋ ଧରାଧିପଃ ॥ ୯୦ ॥

ଧାରାଧରୋ ଧୁରୀଣଶ୍ଚ ଧର୍ମାତ୍ମା ଧର୍ମଵତ୍ସଲଃ ।
ଧରାଭୃଦ୍ଵଲ୍ଲଭୋ ଧର୍ମୀ ଧକାରାକ୍ଷରଭୂଷଣଃ ॥ ୯୧ ॥

ନମପ୍ରିୟୋ ନନ୍ଦିରୁଦ୍ରୋ ( ୭୦୦) ନେତା ନୀତିପ୍ରିୟୋ ନୟୀ ।
ନଲିନୀଵଲ୍ଲଭୋ ନୁନ୍ନୋ ନାଟ୍ୟକୃନ୍ନାଟ୍ୟଵର୍ଧନଃ ॥ ୯୨ ॥

ନରନାଥୋ ନୃପସ୍ତୁତ୍ୟୋ ନଭୋଗାମୀ ନମଃପ୍ରିୟଃ ।
ନମୋନ୍ତୋ ନମିତାରାତିର୍ନରନାରାୟଣାଶ୍ରୟଃ ॥ ୯୩ ॥

ନାରାୟଣୋ ନୀଲରୁଚିର୍ନମ୍ରାଙ୍ଗୋ ନୀଲଲୋହିତଃ ।
ନାଦରୂପୋ ନାଦମୟୋ ନାଦବିନ୍ଦୁସ୍ଵରୂପକଃ ॥ ୯୪ ॥

ନାଥୋ ନାଗପତିର୍ନାଗୋ ନଗରାଜାଶ୍ରିତୋ ନଗଃ ।
ନାକସ୍ଥିତୋଽନେକଵପୁର୍ନକାରାକ୍ଷରମାତୃକଃ ॥ ୯୫ ॥

ପଦ୍ମାଶ୍ରୟଃ ପରଂ ଜ୍ୟୋତିଃ ପୀଵରାଂସଃ ପୁଟେଶ୍ଵରଃ ।
ପ୍ରୀତିପ୍ରିୟଃ ପ୍ରେମକରଃ ପ୍ରଣତାର୍ତିଭୟାପହଃ ॥ ୯୬ ॥

ପରତ୍ରାତା ପରଧ୍ଵଂସୀ ପୁରାରିଃ ପୁରସଂସ୍ଥିତଃ ।
ପୂର୍ଣାନନ୍ଦମୟଃ ପୂର୍ଣତେଜାଃ ପୂର୍ଣେଶ୍ଵରୀଶ୍ଵରଃ ॥ ୯୭ ॥

ପଟୋଲଵର୍ଣଃ ପଟିମା ପାଟଲେଶଃ ପରାତ୍ମଵାନ୍ ।
ପରମେଶଵପୁଃ ପ୍ରାଂଶୁଃ ପ୍ରମତ୍ତଃ ପ୍ରଣତେଷ୍ଟଦଃ ॥ ୯୮ ॥

ଅପାରପାରଦଃ ପୀନଃ ପୀତାମ୍ବରପ୍ରିୟଃ ପଵିଃ ।
ପାଚନଃ ପିଚୁଲଃ ପ୍ଲୁଷ୍ଟଃ ପ୍ରମଦାଜନସୌଖ୍ୟଦଃ ॥ ୯୯ ॥

ପ୍ରମୋଦୀ ପ୍ରତିପକ୍ଷଘ୍ନଃ ପକାରାକ୍ଷରମାତୃକଃ ।
ଫଲଂ ଭୋଗାପଵର୍ଗସ୍ୟ ଫଲିନୀଶଃ ଫଲାତ୍ମକଃ ॥ ୧୦୦ ॥

ଫୁଲ୍ଲଦମ୍ଭୋଜମଧ୍ୟସ୍ଥଃ ଫୁଲ୍ଲଦମ୍ଭୋଜଧାରକଃ ।
ସ୍ଫୁଟଦ୍ୟୋତିଃ ସ୍ଫୁଟାକାରଃ ସ୍ଫଟିକାଚଲଚାରକଃ ॥ ୧୦୨ ॥

ସ୍ଫୂର୍ଜତ୍କିରଣମାଲୀ ଚ ଫକାରାକ୍ଷରପାର୍ଶ୍ଵକଃ ।
ବାଲୋ ବଲପ୍ରିୟୋ ବାନ୍ତୋ ବିଲଧ୍ଵାନ୍ତହରୋ ବଲୀ ॥ ୧୦୩ ॥

ବାଲାଦିର୍ବର୍ବରଧ୍ଵଂସୀ ବବୋଲାମୃତପାନକଃ ।
ବୁଧୋ ବୃହସ୍ପତିର୍ଵୃକ୍ଷୋ ବୃହଦଶ୍ଵୋ ବୃହଦ୍ଗତିଃ ॥ ୧୦୪ ॥

ବପୃଷ୍ଠୋ ଭୀମରୂପଶ୍ଚ ଭାମୟୋ ଭେଶ୍ଵରପ୍ରିୟଃ ।
ଭଗୋ ଭୃଗୁର୍ଭୃଗୁସ୍ଥାୟୀ ଭାର୍ଗଵଃ କଵିଶେଖରଃ ॥ ୧୦୫ ॥

ଭାଗ୍ୟଦୋ ଭାନୁଦୀପ୍ତାଙ୍ଗୋ ଭନାଭିଶ୍ଚ ଭମାତୃକଃ ।
ମହାକାଲୋ (୮୦୦) ମହାଧ୍ୟକ୍ଷୋ ମହାନାଦୋ ମହାମତିଃ ॥ ୧୦୬ ॥

ମହୋଜ୍ଜ୍ଵଲୋ ମନୋହାରୀ ମନୋଗାମୀ ମନୋଭଵଃ ।
ମାନଦୋ ମଲ୍ଲହା ମଲ୍ଲୋ ମେରୁମନ୍ଦରମନ୍ଦିରଃ ॥ ୧୦୭ ॥

ମନ୍ଦାରମାଲାଭରଣୋ ମାନନୀୟୋ ମନୋମୟଃ ।
ମୋଦିତୋ ମଦିରାହାରୋ ମାର୍ତଣ୍ଡୋ ମୁଣ୍ଡମୁଣ୍ଡିତଃ ॥ ୧୦୮ ॥

ମହାଵରାହୋ ମୀନେଶୋ ମେଷଗୋ ମିଥୁନେଷ୍ଟଦଃ ।
ମଦାଲସୋଽମରସ୍ତୁତ୍ୟୋ ମୁରାରିଵରଦୋ ମନୁଃ ॥ ୧୦୯ ॥

ମାଧଵୋ ମେଦିନୀଶଶ୍ଚ ମଧୁକୈଟଭନାଶନଃ ।
ମାଲ୍ୟଵାନ୍ ମେଧନୋ ମାରୋ ମେଧାଵୀ ମୁସଲାୟୁଧଃ ॥ ୧୧୦ ॥

ମୁକୁନ୍ଦୋ ମୁରରୀଶାନୋ ମରାଲଫଲଦୋ ମଦଃ ।
ମଦନୋ ମୋଦକାହାରୋ ମକାରାକ୍ଷରମାତୃକଃ ॥ ୧୧୧ ॥

ୟଜ୍ଵା ୟଜ୍ଞେଶ୍ଵରୋ ୟାନ୍ତୋ ୟୋଗିନାଂ ହୃଦୟସ୍ଥିତଃ ।
ୟାତ୍ରିକୋ ୟଜ୍ଞଫଲଦୋ ୟାୟୀ ୟାମଲନାୟକଃ ॥ ୧୧୨ ॥

ୟୋଗନିଦ୍ରାପ୍ରିୟୋ ୟୋଗକାରଣଂ ୟୋଗିଵତ୍ସଲଃ ।
ୟଷ୍ଟିଧାରୀ ଚ ୟନ୍ତ୍ରେଶୋ ୟୋନିମଣ୍ଡଲମଧ୍ୟଗଃ ॥ ୧୧୩ ॥

ୟୁୟୁତ୍ସୁଜୟଦୋ ୟୋଦ୍ଧା ୟୁଗଧର୍ମାନୁଵର୍ତକଃ ।
ୟୋଗିନୀଚକ୍ରମଧ୍ୟସ୍ଥୋ ୟୁଗଲେଶ୍ଵରପୂଜିତଃ ॥ ୧୧୪ ॥

ୟାନ୍ତୋ ୟକ୍ଷୈକତିଲକୋ ୟକାରାକ୍ଷରଭୂଷଣଃ ।
ରାମୋ ରମଣଶୀଲଶ୍ଚ ରତ୍ନଭାନୂ ରୁରୁପ୍ରିୟଃ ॥ ୧୧୫ ॥

ରତ୍ନମୌଲୀ ରତ୍ନତୁଙ୍ଗୋ ରତ୍ନପୀଠାନ୍ତରସ୍ଥିତଃ ।
ରତ୍ନାଂଶୁମାଲୀ ରତ୍ନାଢ୍ୟୋ ରତ୍ନକଙ୍କଣନୂପୁରଃ ॥ ୧୧୬ ॥

ରତ୍ନାଙ୍ଗଦଲସଦ୍ବାହୂ ରତ୍ନପାଦୁକମଣ୍ଡିତଃ ।
ରୋହିଣୀଶାଶ୍ରୟୋ ରକ୍ଷାକରୋ ରାତ୍ରିଞ୍ଚରାନ୍ତକଃ ॥ ୧୧୭ ॥

ରକାରାକ୍ଷରରୂପଶ୍ଚ ଲଜ୍ଜାବୀଜାଶ୍ରିତୋ ଲଵଃ ।
ଲକ୍ଷ୍ମୀଭାନୁର୍ଲତାଵାସୀ ଲସତ୍କାନ୍ତିଶ୍ଚ ଲୋକଭୃତ୍ ॥ ୧୧୮ ॥

ଲୋକାନ୍ତକହରୋ ଲାମାଵଲ୍ଲଭୋ ଲୋମଶୋଽଲିଗଃ ।
ଲିଙ୍ଗେଶ୍ଵରୋ ଲିଙ୍ଗନାଦୋ ଲୀଲାକାରୀ ଲଲମ୍ବୁସଃ ॥ ୧୧୯ ॥

ଲକ୍ଷ୍ମୀଵାଁଲ୍ଲୋକଵିଧ୍ଵଂସୀ ଲକାରାକ୍ଷରଭୂଷଣଃ ।
ଵାମନୋ ଵୀରଵୀରେନ୍ଦ୍ରୋ ଵାଚାଲୋ (୯୦୦) ଵାକ୍ପତିପ୍ରିୟଃ ॥ ୧୨୦ ॥

ଵାଚାମଗୋଚରୋ ଵାନ୍ତୋ ଵୀଣାଵେଣୁଧରୋ ଵନମ୍ ।
ଵାଗ୍ଭଵୋ ଵାଲିଶଧ୍ଵଂସୀ ଵିଦ୍ୟାନାୟକନାୟକଃ ॥ ୧୨୧ ॥

ଵକାରମାତୃକାମୌଲିଃ ଶାମ୍ଭଵେଷ୍ଟପ୍ରଦଃ ଶୁକଃ ।
ଶଶୀ ଶୋଭାକରଃ ଶାନ୍ତଃ ଶାନ୍ତିକୃଚ୍ଛମନପ୍ରିୟଃ ॥ ୧୨୨ ॥

ଶୁଭଙ୍କରଃ ଶୁକ୍ଲଵସ୍ତ୍ରଃ ଶ୍ରୀପତିଃ ଶ୍ରୀୟୁତଃ ଶ୍ରୁତଃ ।
ଶ୍ରୁତିଗମ୍ୟଃ ଶରଦ୍ବୀଜମଣ୍ଡିତଃ ଶିଷ୍ଟସେଵିତଃ ॥ ୧୨୩ ॥

ଶିଷ୍ଟାଚାରଃ ଶୁଭାଚାରଃ ଶେଷଃ ଶେଵାଲତାଡନଃ ।
ଶିପିଵିଷ୍ଟଃ ଶିବିଃ ଶୁକ୍ରସେଵ୍ୟଃ ଶାକ୍ଷରମାତୃକଃ ॥ ୧୨୪ ॥

ଷଡାନନଃ ଷଟ୍କରକଃ ଷୋଡଶସ୍ଵରଭୂଷିତଃ ।
ଷଟ୍ପଦସ୍ଵନସନ୍ତୋଷୀ ଷଡାମ୍ନାୟପ୍ରଵର୍ତକଃ ॥ ୧୨୫ ॥

ଷଡ୍ସାସ୍ଵାଦସନ୍ତୁଷ୍ଟଃ ଷକାରାକ୍ଷରମାତୃକଃ ।
ସୂର୍ୟଭାନୁଃ ସୂରଭାନୁଃ ସୂରିଭାନୁଃ ସୁଖାକରଃ ॥ ୧୨୬ ॥

ସମସ୍ତଦୈତ୍ୟଵଂଶଘ୍ନଃ ସମସ୍ତସୁରସେଵିତଃ ।
ସମସ୍ତସାଧକେଶାନଃ ସମସ୍ତକୁଲଶେଖରଃ ॥ ୧୨୭ ॥

ସୁରସୂର୍ୟଃ ସୁଧାସୂର୍ୟଃ ସ୍ଵଃସୂର୍ୟଃ ସାକ୍ଷରେଶ୍ଵରଃ ।
ହରିତ୍ସୂର୍ୟୋ ହରିଦ୍ଭାନୁର୍ହଵିର୍ଭୁଗ୍ ହଵ୍ୟଵାହନଃ ॥ ୧୨୮ ॥

ହାଲାସୂର୍ୟୋ ହୋମସୂର୍ୟୋ ହୁତସୂର୍ୟୋ ହରୀଶ୍ଵରଃ ।
ହ୍ରାମ୍ବୀଜସୂର୍ୟୋ ହ୍ରୀଂସୂର୍ୟୋ ହକାରାକ୍ଷରମାତୃକଃ ॥ ୧୨୯ ॥

ଳମ୍ବୀଜମଣ୍ଡିତଃ ସୂର୍ୟଃ କ୍ଷୋଣୀସୂର୍ୟଃ କ୍ଷମାପତିଃ ।
କ୍ଷୁତ୍ସୂର୍ୟଃ କ୍ଷାନ୍ତସୂର୍ୟଶ୍ଚ ଳଙ୍କ୍ଷଃସୂର୍ୟଃ ସଦାଶିଵଃ ॥ ୧୩୦ ॥

ଅକାରସୂର୍ୟଃ କ୍ଷଃସୂର୍ୟଃ ସର୍ଵସୂର୍ୟଃ କୃପାନିଧିଃ ।
ଭୂଃସୂର୍ୟଶ୍ଚ ଭୁଵଃସୂର୍ୟଃ ସ୍ଵଃସୂର୍ୟଃ ସୂର୍ୟନାୟକଃ ॥ ୧୩୧ ॥

ଗ୍ରହସୂର୍ୟ ଋକ୍ଷସୂର୍ୟୋ ଲଗ୍ନସୂର୍ୟୋ ମହେଶ୍ଵରଃ ।
ରାଶିସୂର୍ୟୋ ୟୋଗସୂର୍ୟୋ ମନ୍ତ୍ରସୂର୍ୟୋ ମନୂତ୍ତମଃ ॥ ୧୩୨ ॥

ତତ୍ତ୍ଵସୂର୍ୟଃ ପରାସୂର୍ୟୋ ଵିଷ୍ଣୁସୂର୍ୟଃ ପ୍ରତାପଵାନ୍ ।
ରୁଦ୍ରସୂର୍ୟୋ ବ୍ରହ୍ମସୂର୍ୟୋ ଵୀରସୂର୍ୟୋ ଵରୋତ୍ତମଃ ॥ ୧୩୩ ॥

ଧର୍ମସୂର୍ୟଃ କର୍ମସୂର୍ୟୋ ଵିଶ୍ଵସୂର୍ୟୋ ଵିନାୟକଃ । (୧୦୦୦)
ଇତୀଦଂ ଦେଵଦେଵେଶି ମତ୍ରନାମସହସ୍ରକମ୍ ॥ ୧୩୪ ॥

ଦେଵଦେଵସ୍ୟ ସଵିତୁଃ ସୂର୍ୟସ୍ୟାମିତତେଜସଃ ।
ସର୍ଵସାରମୟଂ ଦିଵ୍ୟଂ ବ୍ରହ୍ମତେଜୋଵିଵର୍ଧନମ୍ ॥ ୧୩୫ ॥

ବ୍ରହ୍ମଜ୍ଞାନମୟଂ ପୁଣ୍ୟଂ ପୁଣ୍ୟତୀର୍ଥଫଲପ୍ରଦମ୍ ।
ସର୍ଵୟଜ୍ଞଫଲୈସ୍ତୁଲ୍ୟଂ ସର୍ଵସାରସ୍ଵତପ୍ରଦମ୍ ॥ ୧୩୬ ॥

ସର୍ଵଶ୍ରେୟସ୍କରଂ ଲୋକେ କୀର୍ତିଦଂ ଧନଦଂ ପରମ୍ ।
ସର୍ଵଵ୍ରତଫଲୋଦ୍ରିକ୍ତଂ ସର୍ଵଧର୍ମଫଲପ୍ରଦମ୍ ॥ ୧୩୭ ॥

ସର୍ଵରୋଗହରଂ ଦେଵି ଶରୀରାରୋଗ୍ୟଵର୍ଧନମ୍ ।
ପ୍ରଭାଵମସ୍ୟ ଦେଵେଶି ନାମ୍ନାଂ ସହସ୍ରକସ୍ୟ ଚ ॥ ୧୩୮ ॥

କଲ୍ପକୋଟିଶତୈର୍ଵର୍ଷୈର୍ନୈଵ ଶକ୍ନୋମି ଵର୍ଣିତୁମ୍ ।
ୟଂ ୟଂ କାମମଭିଧ୍ୟାୟେଦ୍ ଦେଵାନାମପି ଦୁର୍ଲଭମ୍ ॥ ୧୩୯ ॥

ତଂ ତଂ ପ୍ରାପ୍ନୋତି ସହସା ପଠନେନାସ୍ୟ ପାର୍ଵତି ।
ୟଃ ପଠେଚ୍ଛ୍ରାଵୟେଦ୍ଵାପି ଶୃଣୋତି ନିୟତେନ୍ଦ୍ରିୟଃ ॥ ୧୪୦ ॥

ସ ଵୀରୋ ଧର୍ମିଣାଂ ରାଜା ଲକ୍ଷ୍ମୀଵାନପି ଜାୟତେ ।
ଧନଵାଞ୍ଜାୟତେ ଲୋକେ ପୁତ୍ରଵାନ୍ ରାଜଵଲ୍ଲଭଃ ॥ ୧୪୧ ॥

ଆୟୁରାରୋଗ୍ୟଵାନ୍ ନିତ୍ୟଂ ସ ଭଵେତ୍ ସମ୍ପଦାଂ ପଦମ୍ ।
ରଵୌ ପଠେନ୍ମହାଦେଵି ସୂର୍ୟଂ ସମ୍ପୂଜ୍ୟ କୌଲିକଃ ॥ ୧୪୨ ॥

ସୂର୍ୟୋଦୟେ ରଵିଂ ଧ୍ୟାତା ଲଭେତ୍ କାମାନ୍ ୟଥେପ୍ସିତାନ୍ ।
ସଙ୍କ୍ରାନ୍ତୌ ୟଃ ପଠେଦ୍ ଦେଵି ତ୍ରିକାଲଂ ଭକ୍ତିପୂର୍ଵକମ୍ ॥ ୧୪୩ ॥

ଇହ ଲୋକେ ଶ୍ରିୟଂ ଭୁକ୍ତ୍ଵା ସର୍ଵରୋଗୈଃ ପ୍ରମୁଚ୍ୟତେ ।
ସପ୍ତମ୍ୟାଂ ଶୁକ୍ଲପକ୍ଷେ ୟଃ ପଠଦସ୍ତଙ୍ଗତେ ରଵୌ ॥ ୧୪୪ ॥

ସର୍ଵାରୋଗ୍ୟମୟଂ ଦେହଂ ଧାରୟେତ୍ କୌଲିକୋତ୍ତମଃ ।
ଵ୍ୟତୀପାତେ ପଠେଦ୍ ଦେଵି ମଧ୍ୟାହ୍ନେ ସଂୟତେନ୍ଦ୍ରିୟଃ ॥ ୧୪୫ ॥

ଧନଂ ପୁତ୍ରାନ୍ ୟଶୋ ମାନଂ ଲଭେତ୍ ସୂର୍ୟପ୍ରସାଦତଃ ।
ଚକ୍ରାର୍ଚନେ ପଠେଦ୍ ଦେଵି ଜପନ୍ ମୂଲଂ ରଵିଂ ସ୍ମରନ୍ ॥ ୧୪୬ ॥

ରଵୀଭୂତ୍ଵା ମହାଚୀନକ୍ରମାଚାରଵିଚକ୍ଷଣଃ ।
ସର୍ଵଶତ୍ରୂନ୍ ଵିଜିତ୍ୟାଶୁ ଲଭେଲ୍ଲକ୍ଷ୍ମୀଂ ପ୍ରତାପଵାନ୍ ॥ ୧୪୭ ॥

ୟଃ ପଠେତ୍ ପରଦେଶସ୍ଥୋ ଵଟୁକାର୍ଚନତତ୍ପରଃ ।
କାନ୍ତାଶ୍ରିତୋ ଵୀତଭୟୋ ଭଵେତ୍ ସ ଶିଵସନ୍ନିଭଃ ॥ ୧୪୮ ॥

ଶତାଵର୍ତଂ ପଠେଦ୍ୟସ୍ତୁ ସୂର୍ୟୋଦୟୟୁଗାନ୍ତରେ ।
ସଵିତା ସର୍ଵଲୋକେଶୋ ଵରଦଃ ସହସା ଭଵେତ୍ ॥ ୧୪୯ ॥

ବହୁନାତ୍ର କିମୁକ୍ତେନ ପଠନାଦସ୍ୟ ପାର୍ଵତି ।
ଇହ ଲକ୍ଷ୍ମୀଂ ସଦା ଭୁକ୍ତ୍ଵା ପରତ୍ରାପ୍ନୋତି ତତ୍ପଦମ୍ ॥ ୧୫୦ ॥

ରଵୌ ଦେଵି ଲିଖେଦ୍ଭୂର୍ଜେ ମନ୍ତ୍ରନାମସହସ୍ରକମ୍ ।
ଅଷ୍ଟଗନ୍ଧେନ ଦିଵ୍ୟେନ ନୀଲପୁଷ୍ପହରିଦ୍ରୟା ॥ ୧୫୧ ॥

ପଞ୍ଚାମୃତୌଷଧୀଭିଶ୍ଚ ନୃୟୁକ୍ପୀୟୂଷବିନ୍ଦୁଭିଃ ।
ଵିଲିଖ୍ୟ ଵିଧିଵନ୍ମନ୍ତ୍ରୀ ୟନ୍ତ୍ରମଧ୍ୟେଽର୍ଣଵେଷ୍ଟିତମ୍ ॥ ୧୫୨ ॥

ଗୁଟୀଂ ଵିଧାୟ ସଂଵେଷ୍ଟ୍ୟ ମୂଲମନ୍ତ୍ରମନୁସ୍ମରନ୍ ।
କନ୍ୟାକର୍ତିତସୂତ୍ରେଣ ଵେଷ୍ଟୟେଦ୍ରକ୍ତଲାକ୍ଷୟା ॥ ୧୫୩ ॥

ସୁଵର୍ଣେନ ଚ ସଂଵେଷ୍ଟ୍ୟ ପଞ୍ଚଗଵ୍ୟେନ ଶୋଧୟେତ୍ ।
ସାଧୟେନ୍ମନ୍ତ୍ରରାଜେନ ଧାରୟେନ୍ମୂର୍ଧ୍ନି ଵା ଭୁଜେ ॥ ୧୫୪ ॥

କିଂ କିଂ ନ ସାଧୟେଦ୍ ଦେଵି ୟନ୍ମମାପି ସୁଦୁର୍ଲଭମ୍ ।
କୁଷ୍ଠରୋଗୀ ଚ ଶୂଲୀ ଚ ପ୍ରମେହୀ କୁକ୍ଷିରୋଗଵାନ୍ ॥ ୧୫୫ ॥

ଭଗନ୍ଧରାତୁରୋଽପ୍ୟର୍ଶୀ ଅଶ୍ମରୀଵାଂଶ୍ଚ କୃଚ୍ଛ୍ରଵାନ୍ ।
ମୁଚ୍ୟତେ ସହସା ଧୃତ୍ଵା ଗୁଟୀମେତାଂ ସୁଦୁର୍ଲଭାମ୍ ॥ ୧୫୬ ॥

ଵନ୍ଧ୍ୟା ଚ କାକଵନ୍ଧ୍ୟା ଚ ମୃତଵତ୍ସା ଚ କାମିନୀ ।
ଧାରୟେଦ୍ଗୁଟିକାମେତାଂ ଵକ୍ଷସି ସ୍ମୟତର୍ପିତା ॥ ୧୫୭ ॥

ଵନ୍ଧ୍ୟା ଲଭେତ୍ ସୁତଂ କାନ୍ତଂ କାକଵନ୍ଧ୍ୟାପି ପାର୍ଵତି ।
ମୃତଵତ୍ସା ବହୂନ୍ ପୁତ୍ରାନ୍ ସୁରୂପାଂଶ୍ଚ ଚିରାୟୁଶଃ ॥ ୧୫୮ ॥

ରଣେ ଗତ୍ଵା ଗୁଟୀଂ ଧୃତ୍ଵା ଶତ୍ରୂଞ୍ଜିତ୍ଵା ଲଭେଚ୍ଛ୍ରିୟମ୍ ।
ଅକ୍ଷତାଙ୍ଗୋ ମହାରାଜଃ ସୁଖୀ ସ୍ଵପୁରମାଵିଶେତ୍ ॥ ୧୫୯ ॥

ୟୋ ଧାରୟେଦ୍ ଭୁଜେ ନିତ୍ୟଂ ରାଜଲୋକଵଶଙ୍କରୀମ୍ ।
ଗୁଟିକାଂ ମୋହନାକର୍ଷସ୍ତମ୍ଭନୋଚ୍ଚାଟନକ୍ଷମାମ୍ ॥ ୧୫୦ ॥

ସ ଭଵେତ୍ ସୂର୍ୟସଙ୍କାଶୋ ମହସା ମହସାଂ ନିଧିଃ ।
ଧନେନ ଧନଦୋ ଦେଵି ଵିଭଵେନ ଚ ଶଙ୍କରଃ ॥ ୧୬୧ ॥

ଶ୍ରିୟେନ୍ଦ୍ରୋ ୟଶସା ରାମଃ ପୌରୁଷେଣ ଚ ଭାର୍ଗଵଃ ।
ଗିରା ବୃହସ୍ପତିର୍ଦେଵି ନୟେନ ଭୃଗୁନନ୍ଦନଃ ॥ ୧୬୨ ॥

ବଲେନ ଵାୟୁସଙ୍କାଶୋ ଦୟୟା ପୁରୁଷୋତ୍ତମଃ ।
ଆରୋଗ୍ୟେଣ ଘଟୋଦ୍ଭୂତିଃ କାନ୍ତ୍ୟା ପୂର୍ଣେନ୍ଦୁସନ୍ନିଭଃ ॥ ୧୬୩ ॥

ଧର୍ମେଣ ଧର୍ମରାଜଶ୍ଚ ରତ୍ନୈ ରତ୍ନାକରୋପମଃ ।
ଗାମ୍ଭୀର୍ୟେଣ ତଥାମ୍ଭୋଧିର୍ଦାତୃତ୍ଵେନ ବଲିଃ ସ୍ଵୟମ୍ ॥ ୧୬୪ ॥

ସିଦ୍ଧ୍ୟା ଶ୍ରୀଭୈରଵଃ ସାକ୍ଷାଦାନନ୍ଦେନ ଚିଦୀଶ୍ଵରଃ ।
କିଂ ପ୍ରଲାପେନ ବହୁନା ପଠେଦ୍ଵା ଧାରୟେଚ୍ଛିଵେ ॥ ୧୬୫ ॥

ଶୃଣୁୟାଦ୍ ୟଃ ପରଂ ଦିଵ୍ୟଂ ସୂର୍ୟନାମସହସ୍ରକମ୍ ।
ସ ଭଵେଦ୍ ଭାସ୍କରଃ ସାକ୍ଷାତ୍ ପରମାନନ୍ଦଵିଗ୍ରହଃ ॥ ୧୬୬ ॥

ସ୍ଵତନ୍ତ୍ରଃ ସ ପ୍ରୟାତ୍ୟନ୍ତେ ତଦ୍ଵିଷ୍ଣୋଃ ପରମଂ ପଦମ୍ ।
ଇଦଂ ଦିଵ୍ୟଂ ମହତ୍ ତତ୍ତ୍ଵଂ ସୂର୍ୟନାମସହସ୍ରକମ୍ ॥ ୧୬୭ ॥

ଅପ୍ରକାଶ୍ୟମଦାତଵ୍ୟମଵକ୍ତଵ୍ୟଂ ଦୁରାତ୍ମନେ ।
ଅଭକ୍ତାୟ କୁଚୈଲାୟ ପରଶିଷ୍ୟାୟ ପାର୍ଵତି ॥ ୧୬୮ ॥

କର୍କଶାୟାକୁଲୀନାୟ ଦୁର୍ଜନାୟାଘବୁଦ୍ଧୟେ ।
ଗୁରୁଭକ୍ତିଵିହୀନାୟ ନିନ୍ଦକାୟ ଶିଵାଗମେ ॥ ୧୬୯ ॥

ଦେୟଂ ଶିଷ୍ୟାୟ ଶାନ୍ତାୟ ଗୁରୁଭକ୍ତିପରାୟ ଚ ।
କୁଲୀନାୟ ସୁଭକ୍ତାୟ ସୂର୍ୟଭକ୍ତିରତାୟ ଚ ॥ ୧୭୦ ॥

ଇଦଂ ତତ୍ତ୍ଵଂ ହି ତତ୍ତ୍ଵାନାଂ ଵେଦାଗମରହସ୍ୟକମ୍ ।
ସର୍ଵମନ୍ତ୍ରମୟଂ ଗୋପ୍ୟଂ ଗୋପନୀୟଂ ସ୍ଵୟୋନିଵତ୍ ॥ ୧୭୧ ॥

॥ ଇତି ଶ୍ରୀରୁଦ୍ରୟାମଲେ ତନ୍ତ୍ରେ ଶ୍ରୀଦେଵୀରହସ୍ୟେ
ସୂର୍ୟସହସ୍ରନାମସ୍ତୋତ୍ରନାମନିରୂପଣଂ ଚତୁସ୍ତ୍ରିଂଶଃ ପଟଲଃ ସମ୍ପୂର୍ଣଃ ॥ ୩୪ ॥

Also Read 1000 Names of Shri Surya Bhagavan 2:

1000 Names of Sri Surya | Sahasranama Stotram 2 Lyrics in Hindi | English | Bengali | Gujarati | Punjabi | Kannada | Malayalama | Oriya | Telugu | Tamil