ഗോഷ്ഠേശ്വരാഷ്ടകം Lyrics in Malayalam:
സത്യജ്ഞാനമനന്തമദ്വയസുഖാകാരം ഗുഹാന്തഃസ്ഥിത-
ശ്രീചിദ്വ്യോംനി ചിദര്‍കരൂപമമലം യദ് ബ്രഹ്മ തത്ത്വം പരം ।
നിര്‍ബീജസ്ഥലമധ്യഭാഗവിലസദ്ഗോഷ്ഠോത്ഥവല്‍മീക-
സംഭൂതം സത് പുരതോ വിഭാത്യഹഹ തദ്ഗോഷ്ഠേശലിങ്ഗാത്മനാ ॥ 1॥
സര്‍വജ്ഞത്വനിദാനഭൂതകരുണാമൂര്‍തിസ്വരൂപാമലാ
ചിച്ഛക്തിര്‍ജഡശക്തികൈതവവശാത് കാഞ്ചീനദീത്വം ഗതാ ।
വല്‍മീകാശ്രയഗോഷ്ഠനായകപരബ്രഹ്മൈക്യകര്‍ത്രീ മുഹുഃ
നൃണാം സ്നാനകൃതാം വിഭാതി സതതം ശ്രീപിപ്പിലാരണ്യഗാ ॥ 2॥
ശ്രീമദ്രാജതശൈലശൃങ്ഗവിലസച്ഛ്രീമദ്ഗുഹായാം മഹീ-
വാര്‍വഹ്ന്യാശുഗഖാത്മികീ വിജയതേ യാ പഞ്ചലിങ്ഗാകൃതിഃ ।
സൈവാശക്തജനേഷു ഭൂരികൃപയാ ശ്രീപിപ്പിലാരണ്യഗേ
വല്‍മീകേ കില ഗോഷ്ഠനായകമഹാലിങ്ഗാത്മനാ ഭാസതേ ॥ 3॥
യത്രാദ്യാപ്യണിമാദിസിദ്ധിനിപുണാഃ സിദ്ധേശ്വരാണാം ഗണാഃ
തത്തദ്ദിവ്യഗുഹാസു സന്തി യമിദൃഗ്ദൃശ്യാ മഹാവൈഭവാഃ ।
യത്രൈവ ധ്വനിരര്‍ധരാത്രസമയേ പുണ്യാത്മഭിഃ ശ്രൂയതേ
പൂജാവാദ്യസമുത്ഥിതഃ സുമനസാം തം രാജതാദ്രിം ഭജേ ॥ 4॥
ശ്രീമദ്രാജതപര്‍വതാകൃതിധരസ്യാര്‍ധേന്ദുചൂഡാമണേ-
ര്ലോമൈകം കില വാമകര്‍ണജനിതം കാഞ്ചീതരുത്വം ഗതം ।
തസ്മാദുത്തരവാഹിനീ ഭുവി ഭവാന്യാഖ്യാ തതഃ പൂര്‍വഗാ
കാഞ്ചീനദ്യഭിധാ ച പശ്ചിമഗതാ നിലാനദീ പാവനീ ॥ 5॥
ശ്രീമദ്ഭാര്‍ഗവഹസ്തലഗ്നപരശുവ്യാഘട്ടനാദ് ദാരിതേ
ക്ഷോണീധ്രേ സതി വാമദക്ഷിണഗിരിദ്വന്ദ്വാത്മനാ ഭേദിതേ ।
തന്‍മധ്യപ്രഥിതേ വിദാരധരണീഭാഗേതിനദ്യാശ്രയേ
സാ നീലാതടിനീ പുനാതി ഹി സദാ കല്‍പാദിഗാന്‍ പ്രാണിനഃ ॥ 6॥
കല്‍പാദിസ്ഥലമധ്യഭാഗനിലയേ ശ്രീവിശ്വനാഥാഭിധേ
ലിങ്ഗേ പിപ്പിലകാനനാന്തരഗതശ്രീഗോഷ്ഠനാഥാഭിധഃ ।
ശ്രീശംഭുഃ കരുണാനിധിഃ പ്രകുരുതേ സാംനിധ്യമന്യാദൃശം
തത്പത്നീ ച വിരാജതേഽത്ര തു വിശാലാക്ഷീതി നാമാങ്കിതാ ॥ 7॥
ശ്രീകാഞ്ചീതരുമൂലപാവനതലം ഭ്രാജത്ത്രിവേണ്യുദ്ഭവം
ത്യക്ത്വാന്യത്ര വിധാതുമിച്ഛതി മുഹുര്യസ്തീര്‍ഥയാത്രാദികം ।
സോഽയം ഹസ്തഗതം വിഹായ കുധിയാ ശാഖാഗ്രലീനം വൃഥാ
യഷ്ട്യാ താഡിതുമീഹതേ ജഡമതിര്‍നിഃസാരതുച്ഛം ഫലം ॥ 8॥
ശ്രീമദ്രാജതശൈലോത്ഥത്രിവേണീമഹിമാങ്കിതം ।
ഗോഷ്ഠേശ്വരാഷ്ടകമിദം സാരജ്ഞൈരവലോക്യതാം ॥ 9॥
ഇതി ഗോഷ്ഠേശ്വരാഷ്ടകം സമ്പൂര്‍ണം
Goshtheshvarashtakan is from a group of short poems of modern times from Coimbatore. GoShtheshvara figuring in this hymn is kottai Ishvara, in the temple behind the municipal office in the town of Coimbatore. The Rajatashaila in verse 3 (and the last verse) is Valliangiri near Erode; guha in verse 3 refers to a neighbouring place near Bhavani; triveni in verse 8 is the sangam at BhavAni, of the Kaveri, Bhavani and Noyyal; pippilaranya in verse 3 is the old name of the place where the shrine of Perur, on the outskirts of Coimbatore, stands. kanchitaru in verse 5 is the kshetravriksha at the Perur shrine and kanchinadi is the river Noyyal running nearby. nilanadi is the river starting near Valliangiri. vishvanatha and vishalakshi (verse 7) are the deities in the Avanashi temple, 20 miles from Coimbatore. vidaradharani (in verse 6) is the landmark forming the TamilNadu Kerala border in this area.