॥ ଜାନକୀପଞ୍ଚକମ୍ ॥
ମାତୃକେ ସର୍ଵଵିଶ୍ଵୈକଧାତ୍ରୀଂ କ୍ଷମାଂ
ତ୍ଵାଂ ସୁଧାଂ ଶୀତଲାଂ ପୁତ୍ରପୁତ୍ରୀନୁତାମ୍ ।
ସ୍ନେହଵାତ୍ସଲ୍ୟଧାରାୟୁତାଂ ଜାନକୀଂ
ତାଂ ନମାମୀଶ୍ଵରୀଂ ମାତରଂ ପ୍ରେମଦାମ୍ ॥ ୧॥
ନୂପୁରାନନ୍ଦଦାଂ କିଙ୍କଣୀମେଖଲାଂ
ଶାତକୁମ୍ଭାଙ୍ଗଦାଂ ହାରରତ୍ନାକରାମ୍ ।
କୁଣ୍ଡଲାଭୂଷଣାଂ ମୌଲିହୀରୋଜ୍ଜ୍ଵଲାଂ
ତାଂ ନମାମୀଶ୍ଵରୀଂ ମାତରଂ ପ୍ରେମଦାମ୍ ॥ ୨॥
ମେଘଵୃନ୍ଦାଲକାଂ ମନ୍ଦହାସପ୍ରଭାଂ
କାନ୍ତିଗେହାକ୍ଷିଣୀ ସ୍ଵର୍ଣଵର୍ଣାଶ୍ରୟାମ୍ ।
ରକ୍ତବିମ୍ବାଧରାଂ ଶ୍ରୀମୁଖୀଂ ସୁନ୍ଦରୀଂ
ତାଂ ନମାମୀଶ୍ଵରୀଂ ମାତରଂ ପ୍ରେମଦାମ୍ ॥ ୩॥
ପଦ୍ମମାଲାଧରାଂ ପଦ୍ମପୁଷ୍ପାରିତାଂ
ପଦ୍ୟଵର୍ଣାମ୍ବରାଂ ପାଣିପଦ୍ମାଶ୍ରୟାମ୍ ।
ପଦ୍ମପୀଠସ୍ଥିତାଂ ପାଦପଦ୍ମାଵୃତାଂ
ତାଂ ନମାମୀଶ୍ଵରୀଂ ମାତରଂ ପ୍ରେମଦାମ୍ ॥ ୪॥
ଭୁକ୍ତିମୁକ୍ତିପ୍ରଦାଂ ପୁଷ୍ଟିତୁଷ୍ଟିପ୍ରଦାଂ
ଜ୍ଞାନଵିଦ୍ୟାଦଦାଂ ପୁଷ୍କଲାନନ୍ଦଦାମ୍ ।
ଶୁଦ୍ଧିଦାଂ ବୁଦ୍ଧିଦାଂ ଶକ୍ତିଦାଂ ସିଦ୍ଧିଦାଂ
ତାଂ ନମାମୀଶ୍ଵରୀଂ ମାତରଂ ପ୍ରେମଦାମ୍ ॥ ୫॥
ଇତି ଜାନକୀପଞ୍ଚକଂ ସମ୍ପୂର୍ଣମ୍ ।
Janakipanchakam Lyrics in Oriya ॥ ଜାନକୀପଞ୍ଚକମ୍ ॥