Ashtottara Shatanama

Kakaradi Shri Kalki Ashtottara Shatanama Stotram Lyrics in Oriya

Kakaradi Shri Kalkyashtottarashatanama Stotram Lyrics in Oriya:

॥ କକାରାଦି ଶ୍ରୀକଲ୍କ୍ୟଷ୍ଟୋତ୍ତରଶତନାମସ୍ତୋତ୍ରମ୍ ॥
ଶ୍ରୀ ହୟଗ୍ରୀଵାୟ ନମଃ ।
ହରିଃ ଓଂ

କଲ୍କୀ କଲ୍କୀ କଲ୍କିହନ୍ତା କଲ୍କିଜିତ୍କଲିମାରକଃ ।
କଲ୍କ୍ୟଲଭ୍ୟଃ କଲ୍ମଷଘ୍ନଃ କଲ୍ପିତକ୍ଷୋଣିମଙ୍ଗଲଃ ॥ ୧ ॥

କଲିତାଶ୍ଵାକୃତିଃ କନ୍ତୁସୁନ୍ଦରଃ କଞ୍ଜଲୋଚନଃ ।
କଲ୍ୟାଣମୂର୍ତିଃ କମଲାଚିତ୍ତଚୋରଃ କଲାନିଧିଃ ॥ ୨ ॥

କମନୀୟଃ କଲିନିଶାକଲ୍ୟନାମା କନତ୍ତନୁଃ ।
କଲାନିଧିସହସ୍ରାଭା କପର୍ଦିଗିରିସନ୍ନିଭଃ ॥ ୩ ॥

କନ୍ଦର୍ପଦର୍ପଦମନଃ କଣ୍ଠୀରଵପରାକ୍ରମଃ ।
କନ୍ଧରୋଚ୍ଚଲିତଶ୍ଵେତପଟାନିର୍ଧୂତକନ୍ଧରଃ ॥ ୪ ॥

କଠୋରହେଷାନିନଦତ୍ରାସିତାଶେଷମାନୁଷଃ ।
କଵିଃ କଵୀନ୍ଦ୍ରସଂସ୍ତୁତ୍ୟଃ କମଲାସନସନ୍ନୁତଃ ॥ ୫ ॥

କନତ୍ଖୁରାଗ୍ରକୁଲିଶଚୂର୍ଣୀକୃତାଖିଲାଚଲଃ ।
କଚିତ୍ତଦର୍ପଦମନଗମନସ୍ତମ୍ଭିତାହିପଃ ॥ ୬ ॥

କଲାକୁଲକଲାଜାଲଚଲଵାଲାମଲାଚଲଃ ।
କଲ୍ୟାଣକାନ୍ତିସନ୍ତାନ ପାରଦକ୍ଷାଲିତାଖିଲଃ ॥ ୭ ॥

କଲ୍ପଦ୍ରୁକୁସୁମାକୀର୍ଣଃ କଲିକଲ୍ପମହୀରୁହଃ ।
କଚନ୍ଦ୍ରାଗ୍ନୀନ୍ଦ୍ରରୁଦ୍ରାଦି ବୁଧଲୋକମୟାକୃତିଃ ॥ ୮ ॥

କଞ୍ଜାସନାଣ୍ଡାମିତାତ୍ମପ୍ରତାପଃ କନ୍ଧିବନ୍ଧନଃ ।
କଠୋରଖୁରଵିନ୍ୟାସପୀଡିତାଶେଷଭୂତଲଃ ॥ ୯ ॥

କବଲୀକୃତମାର୍ତାଣ୍ଡହିମାଂଶୁକିରଣାଙ୍କୁରଃ ।
କଦର୍ଥୀକୃତରୁଦ୍ରାଦିଵୀରଵର୍ୟଃ କଠୋରଦୃକ୍ ॥ ୧୦ ॥

କଵିଲୋକାମୃତାସାର ଵର୍ଷାୟିତଦୃଗାଵଲିଃ ।
କଦାତ୍ମାୟୁର୍ଘୃତଗ୍ରାହିକୋପାଗ୍ନିରୁଚିଦୃକ୍ତତିଃ ॥ ୧୧ ॥

କଠୋରଶ୍ଵାସନିର୍ଧୂତଖଲତୂଲାଵୃତାମ୍ବୁଧିଃ ।
କଲାନିଧିପଦୋଦ୍ଭେଦଲୀଲାକୃତସମୁତ୍ପ୍ଲଵଃ ॥ ୧୨ ॥

କଠୋରଖୁରନିର୍ଭେଦକ୍ରୋଶଦାକାଶସଂସ୍ତୁତଃ ।
କଞ୍ଜାସ୍ୟାଣ୍ଡବିଭିତ୍ୟୋର୍ଥ୍ଵଦୃଷ୍ଟିଶ୍ରୁତିୟୁଗାଦ୍ଭୁତଃ ॥ ୧୩ ॥

କନତ୍ପକ୍ଷଦ୍ଵୟଵ୍ୟାଜ ଶଙ୍ଖଚକ୍ରୋପଶୋଭିତଃ ।
କଦର୍ଥୀକୃତକୌବେରଶଙ୍ଖଶ୍ରୁତିୟୁଗାଞ୍ଚିତଃ ॥ ୧୪ ॥

କଲିତାଂଶୁଗଦାଵାଲଃ କଣ୍ଠସନ୍ମଣିଵିଭ୍ରମଃ ।
କଲାନିଧିଲସତ୍ଫାଲଃ କମଲାଲୟଵିଗ୍ରହଃ ॥ ୧୫ ॥

କର୍ପୂରଖଣ୍ଡରଦନଃ କମଲାବଡବାନ୍ଵିତଃ ।
କରୁଣାସିନ୍ଧୁଫେନାନ୍ତଲମ୍ବମାନାଧରୋଷ୍ଟକଃ ॥ ୧୬ ॥

କଲିତାନନ୍ତଚରଣଃ କର୍ମବ୍ରହ୍ମସମୁଦ୍ଭଵଃ ।
କର୍ମବ୍ରହ୍ମାବ୍ଜମାର୍ତାଣ୍ଡଃ କର୍ମବ୍ରହ୍ମଦ୍ଵିରର୍ଦନଃ ॥ ୧୭ ॥

କର୍ମବ୍ରହ୍ମମୟାକାରଃ କର୍ମବ୍ରହ୍ମଵିଲକ୍ଷଣଃ ।
କର୍ମବ୍ରହ୍ମାତ୍ୟଵିଷୟଃ କର୍ମବ୍ରହ୍ମସ୍ଵରୂପଵିତ୍ ॥ ୧୮ ॥

କର୍ମାସ୍ପୃଷ୍ଟଃ କର୍ମହୀନଃ କଲ୍ୟାଣାନନ୍ଦଚିନ୍ମୟଃ ।
କଞ୍ଜାସନାଣ୍ଡଜଠରଃ କଲ୍ପିତାଖିଲଵିଭ୍ରମଃ ॥ ୧୯ ॥

କର୍ମାଲସଜନାଜ୍ଞେୟଃ କର୍ମବ୍ରହ୍ମମତାସହଃ ।
କର୍ମାକର୍ମଵିକର୍ମସ୍ଥଃ କର୍ମସାକ୍ଷୀ କଭାସକଃ ॥ ୨୦ ॥

କଚନ୍ଦ୍ରାଗ୍ନ୍ୟୁଡୁତାରାଦିଭାସହୀନଃ କମଧ୍ୟଗଃ ।
କଚନ୍ଦ୍ରାଦିତ୍ୟଲସନଃ କଲାଵାର୍ତାଵିଵର୍ଜିତଃ ॥ ୨୧ ॥

କରୁଦ୍ରମାଧଵମୟଃ କଲାଭୂତପ୍ରମାତୃକଃ ।
କଲିତାନନ୍ତଭୁଵନ ସୃଷ୍ଟିସ୍ଥିତିଲୟକ୍ରିୟଃ ॥ ୨୨ ॥

କରୁଦ୍ରାଦି ତରଙ୍ଗାଧ୍ୟସ୍ଵାତ୍ମାନନ୍ଦପୟୋଦଧିଃ ।
କଲିଚିତ୍ତାନନ୍ଦସିନ୍ଧୁସମ୍ପୂର୍ଣାନଙ୍କଚନ୍ଦ୍ରମାଃ ॥ ୨୩ ॥

କଲିଚେତସ୍ସରୋହଂସଃ କଲିତାଖିଲଚୋଦନଃ ।
କଲାନିଧିଵରଜ୍ୟୋତ୍ସ୍ନାମୃତକ୍ଷାଲିତଵିଗ୍ରହଃ ॥ ୨୪ ॥

କପର୍ଦିମକୁଟୋଦଞ୍ଚଦ୍ଗଙ୍ଗାପୁଷ୍କରସେଵିତଃ ।
କଞ୍ଜାସନାତ୍ମମୋଦାବ୍ଧିତରଙ୍ଗାର୍ଦ୍ରାନିଲାର୍ଚିତଃ ॥ ୨୫ ॥

କଲାନିଧିକଲାଶ୍ଵେତଶାରଦାମ୍ବୁଦଵିଗ୍ରହଃ ।
କମଲାଵାଙ୍ମରନ୍ଦାବ୍ଧିଫେନଚନ୍ଦନଚର୍ଚିତଃ ॥ ୨୬ ॥

କଲିତାତ୍ମାନନ୍ଦଭୁକ୍ତିଃ କରୁଙ୍ନୀରାଜିତାକୃତିଃ ।
କଶ୍ୟପାଦିସ୍ତୁତଖ୍ୟାତିଃ କଵିଚେତସ୍ସୁମାର୍ପଣଃ ॥ ୨୭ ॥

କଲିତାକାରସଦ୍ଧର୍ମଃ କଲାଫଲମୟାକୃତିଃ ।
କଠୋରଖୁରଘାତାତ୍ତପ୍ରାଣାଧର୍ମଵଶୁଃ କଲିଜିତ୍ ॥ ୨୮ ॥

କଲାପୂର୍ଣୀକୃତଵୃଷଃ କଲ୍ପିତାଦିୟୁଗସ୍ଥିତିଃ ।
କମ୍ରଃ କଲ୍ମଷପୈଶାଚମୁକ୍ତତୁଷ୍ଟଧରାନୁତଃ ॥ ୨୯ ॥

କର୍ପୂରଧଵଲାତ୍ମୀୟ କୀର୍ତିଵ୍ୟାପ୍ତଦିଗନ୍ତରଃ ।
କଲ୍ୟାଣାତ୍ମୟଶୋଵଲ୍ଲୀପୁଷ୍ପାୟିତକଲାନିଧିଃ ॥ ୩୦ ॥

କଲ୍ୟାଣାତ୍ମୟଶସ୍ସିନ୍ଧୁ ଜାତାପ୍ସରସନର୍ତିତଃ ।
କମଲାକୀର୍ତିଗଙ୍ଗାମ୍ଭଃ ପରିପୂର୍ଣୟଶୋମ୍ବୁଧିଃ ॥ ୩୧ ॥

କମଲାସନଧୀମନ୍ଥମଥିତାନନ୍ଦସିନ୍ଧୁଭୂ ।
କଲ୍ୟାଣସିନ୍ଧୁଃ କଲ୍ୟାଣଦାୟୀ କଲ୍ୟାଣମଙ୍ଗଲଃ ॥ ୩୨ ॥

॥ ଇତି କକାରାଦି କଲ୍କ୍ୟଷ୍ଟୋତ୍ତରଶତନାମମୂଲଂ ଲିଖିତଂ ରାମେଣ
ପରାଭଵାଶ୍ଵୟୁଜ ବହୁଲ ଚତୁର୍ଥ୍ୟାମ୍ ସମର୍ପିତଂ ଚ
ଶ୍ରୀମତେ ହୟଗ୍ରୀଵାୟ ଦେଵାୟ ॥

Also Read:

Kakaradi Shri Kalki Ashtottara Shatanama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil